«Բարի Գալուստ մեր կայք, բարեկա´մ:
Մենք նոր ենք, եւ ինչպես ամեն նոր բան, որ մտնում է շուկա, կարիք ունի ներկայանալու, ասելու, թե` ո՞վ ենք, ինչո՞ւ ենք եկել, ի՞նչ ասելիք ու անելիք ունենք, ո՞ւր ենք գնում ու տանում մեր ընթերցողին: Մենք գրում ենք հայ ընթերցողի համար, հայեցի լեզվամտածողությամբ միջին ստատիստիկական հային հասանելի լեզվով: Մենք բոլորս տարբեր ենք եւ կարող ենք ունենալ տարբեր վարկածներ: Մենք չե
նք պարտադրում մերը եւ պատրաստ ենք մեր քննարկումներում լսել Ձեր վարկածները հայ հասարակությանը, հայաստանցուն հուզող ցանկացած հարցի շուրջ, լինի դա` քաղաքական, իրավական, սոցիալական, օրենսդրական, մշակութային, կենցաղային, սպառողական, առողջապահական, կրթական, սպորտային, հոգեբանական, բնապահպանական եւ այլն, բնականաբար, հաշվի առնելով հայկական մենթալիտետը եւ այն, որ մենք արդեն Եվրախորհրդի անդամ երկիր ենք, որը պատրաստվում է մուտք գործել Եվրամիություն: Հետեւաբար, մենք ինքներս կփորձենք մտածել ճկուն, եւ Ձեր դատին հանձնելով մեր վարկածները, Ձեզ հետ միասին հասնել վերջնական նպատակի` մատնացույց անել բոլորիս հուզող պրոբլեմներն ու փորձել լուծում գտնել դրանց համար: Հուսով ենք դառնալ Ձեր լավ զրուցակիցն ու բարեկամը: Բարի մեկնարկ Մեզ եւ Ձեզ», - այս ողջույնի խոսքը ես գրել եմ, երբ մեր www.armversion.com ՝ «Հայկական Վարկած» կայքը մեկնարկեց 10 ամիս առաջ...
