po.al - Portali i lajmeve te mira

31/01/2025

Gjashtë Ushqimet më të Mira për Rigjenerimin e Qelizave!

Trupi i njeriut ka aftësinë të rigjenerohet natyrshëm. Lëkura ripërtërihet çdo 30 ditë, ndërsa rruazat e kuqe të gjakut çdo katër muaj. Çdo ditë, trupi largon rreth 50 miliardë qeliza, një proces që ka frymëzuar shkencën e Mjekësisë Rigjeneruese për të luftuar inflamacionin dhe përmirësuar shëndetin.

Inflamacioni pengon rigjenerimin e qelizave, por ushqimet e duhura ndihmojnë në reduktimin e tij. Frutat e pyllit, produktet e detit, brokoli, xhenxhefili, arrorët dhe kërpudhat janë të pasura me antioksidantë dhe lëndë ushqyese që mbështesin rigjenerimin. Një dietë e larmishme dhe e shëndetshme ndihmon trupin të ruajë vitalitetin dhe të përshpejtojë proceset natyrore të ripërtëritjes.

31/01/2025

Hekurudha Tiranë-Durrës-Rinas përfundon verën e ardhshme

Po zhvillohet projekti për modernizimin e linjës hekurudhore Tiranë-Durrës dhe ndërtimin e një segmenti të ri që lidh Aeroportin e Rinasit. Ky projekt përfshin rehabilitimin e linjës ekzistuese dhe ndërtimin e tetë stacioneve të reja hekurudhore, së bashku me sistemimin e shesheve të jashtme përgjatë traseve.

Financimi shtesë prej 40.7 milionë eurosh do të mbulojë gjithashtu rritjen e kostove të materialeve ndërtimore dhe do të sigurojë përfundimin e projektit sipas standardeve të BE-së për transportin hekurudhor. Qëllimi kryesor është përmirësimi i infrastrukturës, rritja e sigurisë dhe efikasitetit të lëvizjes së pasagjerëve dhe mallrave midis qendrave kryesore urbane dhe aeroportit.

31/01/2025

Shqipëria në “Wine Paris 2025”.

Shqipëria po forcon praninë e saj në tregjet ndërkombëtare të verës dhe po zgjerohet me produktet “Made in Albania”. Si anëtare e re e Organizatës Ndërkombëtare të Vreshtarisë dhe Verës (OIV), ajo do të prezantohet për herë të parë në panairin prestigjioz “Wine Paris 2025”, që mbahet më 10-12 shkurt në Francë.

Ky anëtarësim, i siguruar më 16 gusht 2023, sjell përfitime të rëndësishme për prodhuesit shqiptarë, duke i përafruar me standardet ndërkombëtare, rritur cilësinë dhe lehtësuar hyrjen në tregje të reja. Gjithashtu, mundëson akses në statistika dhe studime globale, duke ndihmuar në zhvillimin strategjik të sektorit.

31/01/2025

Në tregun e këmbimit valutor vendas, të premten dollari amerikan forcoi pozitat në raport me lekun, krahasuar me një ditë më parë, ndërsa euroja shënoi rënie.

Sipas kursit zyrtar të Bankës së Shqipërisë, monedha e gjelbër amerikane u forcua me 0,02 pikë dhe këmbehet me 96,14 lekë, ndërsa euroja zbriti me 0,26 pikë dhe këmbehet me 99,80 lekë.

Paundi britanik krahasuar me një ditë më parë, humbi terren me 0,17 lekë duke u kuotuar në vlerën 119,41 lekë.

Ndërkohë, franga zvicerane këmbehet me 105,58 lekë, ose 0,37 lekë më pak se ditën e enjte.

31/01/2025

Maja e Pelpenikut në Dibër ❄️

31/01/2025

Njihuni me të talentuarit e shkollës "Emin Duraku" në Tiranë ❤️

- Maria Kalaja – Talente e jashtëzakonshme në muzikë, fituese e 9 çmimeve si soliste, përfshirë festivale në Shkodër, Prishtinë, Tiranë dhe Gjakovë.

- Devis Ruçi – Kampion në shah, fitues i "Tirana Open" dhe Kampionatit Kombëtar për moshat 10 dhe 12 vjeç.

- Rea Kumbe – Finaliste në Olimpiadën Ndërkombëtare të Gjuhës Angleze në Itali.

- Dionis Kolicaj – Talent në kitarë, fitues i çmimit të dytë në konkursin “Pjetër Gaci”.

- Sara Disha – Fituesja e vendit të parë në konkursin “Shqipëria Ime”, spikat në pikturë dhe artet pamore.

- Mateo Kapllani – Futbollist i talentuar, fitues i medaljes në Barcelonë dhe pjesë e Kombëtares U13.
Drin Myslim – Kampion rajonal dhe pjesë e Kombëtares U15 në futboll.

- Markus Nezaj – Alpinisti më i ri i federuar, ka ngjitur Korabin dhe ka fituar medalje në maratonat e Tiranës dhe Elbasanit.

30/01/2025

Publikohen datat e provimeve Kombëtare të Arsimit Bazë 2025.
Suksese të gjithë nxënësve 🌟

30/01/2025

Forcohen valutat në raport me lekun.

Në tregun e këmbimit valutor vendas, të enjten monedhat e huaja i forcuan pozitat në raport me lekun, krahasuar me një ditë më parë.
Sipas kursit zyrtar të Bankës së Shqipërisë, dollari amerikan u forcua me 0,38 lekë dhe këmbehet me 96,12 lekë, ndërsa euroja u ngjit në kuotën e 100,06 lekëve, ose 0,35 lekë më shumë se të mërkurën.

Monedha britanike u mbiçmua me 0,65 lekë dhe këmbehet me 119,58 lekë. Ndërsa franga zvicerane këmbehet me 105,95 lekë, ose 0,65 lekë më shumë se një ditë më parë.

30/01/2025

Vijon puna për rehabilitimin e aksit rrugor, Fier-Kthesa e Patosit-Fratar, me një gjatësi prej afro 43 kilometrash.

30/01/2025

Emiri, i rritur mes traditës të familjes, sot kujdeset me përkushtim për tufën e tij prej 200 kokë dele, duke kontribuar në ekonominë familjare dhe atë lokale.

Qumështin e freskët dhe cilësor e çon në baxhot e zonës, ku përpunohet dhe shndërrohet në djathë tradicional, duke rritur vlerën e produkteve shqiptare.

29/01/2025

Shpendët e ujit në Shqipëri!

29/01/2025

29/01/2025

Profesor Halit Shehu është një nga mësuesit më të përkushtuar të gjimnazit "Petro Nini Luarasi" në Tiranë, i cili me përvojën 36 vjeçare në mësimdhënie, ka bërë të mundur që nxënësit ta duan lëndën e Matematikës dhe të arrijnë rezultate të larta.

Profesor Haliti ka ndihmuar breza nxënësish të shkëlqejnë, nga olimpiadat e matematikës deri te Matura Shtetërore. Përveç kësaj, ai ka dhënë kontribut të madh në recensimin e teksteve dhe trajnimin e mësuesve të Matematikës.

29/01/2025

Ura e Mesit, një perlë e arkitekturës osmane, mbi lumin Kir, që tanimë pas një restaurimi të thellë, shkëlqen si një ndër destinacionet e veçanta për vizitorët e turistët gjithnjë e më të shumtë të Shkodrës.

29/01/2025

Albano është një mjek veteriner i ri, pjesë e trupës së AKVMB, i cili çdo ditë shërben me përkushtim në njësinë administrative Poshnje, Berat, duke mbuluar 7 fshatra me shërbime si matrikullimi, gjurmimi dhe vaksinimi, lëshimi i certifikatave të lëvizshmërisë dhe monitorimi i fermave.

29/01/2025

Si Lavdoshi 75-vjeçar janë plot të tjerë që sfidojnë stinën dhe nuk kalojnë asnjë dimër pa u larë në ujërat e kristalta të Jonit.

28/01/2025

Një statujë 2 000-vjeçare gjendet e braktisur... në një qese plehrash!

Një statujë mermeri e epokës helenistike, mbi 2,000 vjeçare, u gjet e braktisur pranë Selanikut, Greqi. Statuja pa kokë, 80 cm e gjatë, u dorëzua autoriteteve nga një banor dhe më pas iu nënshtrua vlerësimit nga arkeologët, të cilët e datuan atë në periudhën pas Aleksandrit të Madh.

Statuja do të ruhet dhe studiohet nga autoritetet e antikiteteve. Hetimet për identifikimin e përgjegjësit për hedhjen e saj janë në proces, ndërsa një i dyshuar u pyet dhe u lirua pa akuza.

Gjetje të tilla arkeologjike janë të zakonshme në Greqi, një vend i pasur me trashëgimi kulturore. Kohët e fundit, gjatë ndërtimit të metrosë në Selanik, janë zbuluar rrugë romake dhe mijëra artefakte nga periudhat greke, bizantine dhe osmane, të cilat tashmë ekspozohen në stacionet e metrosë.

28/01/2025

Kantieri i segmentit, Elbasan-Papër-Ura e Gryksh*t, pjesë e Korridorit VIII, ku po punohet me ritme të shpejta për të çuar përpara një tjetër projekt të rëndësishëm infrastrukturor, për Shqipërinë dhe rajonin.