Front Media

29/07/2024

PROTESTË kundër dyshes "Rama-Ulaj"

Banorët e Thumanës dhe zonave për-rreth, thonë se do të protestojnë pasi qeveria ju ka mbyllur rrugën ekzistuese FushëKrujë-Milot. Koncesioni 1.3 miliard euro i qeverisë "Rama" për oligarkun Bashkim Ulaj, ka çuar në mbylljen e padrejtë të aksit ekzistues "Rrotullimi i Thumanës-Bushnesh-Mamurras", aks i cili nuk është pjesë e koncesionit, nuk është ndërtuar me paratë e Bashkim Ulaj por me taksa të shqiptarëve, prandaj edhe duhet të mbetet i hapur siç ka qenë gjithmonë.

29/07/2024

Niko Peleshi, ministër i mbrojtjes i shkarkuar dje, ka deklaruar sot se nuk kishte dijeni për ndryshimet në qeveri. Mesa duket kryeministri zbaton me përpikëmëri filozofinë e surprizës e cila nisi me shkarkimin e Zhukovit në avion.

29/07/2024

SPAK ka arrestuar drejtuesin e Prokurorisë së Vlorës, Aurel Zarka. Janë lëshuar urdhër arreste edhe për persona të tjerë, për një ish-oficere të Krimeve të Rënda, Eriona Dautaj dhe një avokat, Radovan Çela.

28/07/2024

05/05/2024

14/11/2023

14 nëntor 1908 - Kongresi i Manastirit

Nën kryesimin e Mit'had bej Frashërit, nënkryetar Gjerasim Qiriazin e sekretar Luigj Gurakuqin, kongresi synoi caktimin e alfabetit shqip. Gjuha është mjet i fuqishëm e duke qenë kështu, personalitetet intelektuale shqiptare e panë gjuhën si mjet për unitet kombëtar dhe për forcimin e bashkimit midis shqiptarëve. Ndaj ky kongres është moment kyç historik në historinë kombëtare të shqiptarëve. Kombi shqiptar është i veçantë sepse nuk u ngjan kombeve të tjera të Ballkanit të cilat dominohen nga një fe dhe fetë e tjera i quajnë të huaja e punojnë për t'i zhdukur. Kombi shqiptar është i bazuar mbi unitetin e tri feve, duke i trajtuar të trija fetë si fe shqiptare, si trupa të brendshme e jo të jashtme. Kjo është meritë e shqiptarëve.

13/10/2023

Çfarë është Adem Jashari?

Mbrëmë, rinia, rrugëve të Tiranës këndonte një këngë kushtuar këtij njeriu. Sebepi ishte ndeshja e futbollit. Pse këngë për Adem Jasharin në futboll, a pati lidhje ai me futbollin? Jo. Përtej sebepit qëndron diçka krejt tjetër. Futbolli është lidhur ngushtë me kombin. Ndaj ndërthuret me simbolin e martirizmit për komb, siç është Adem Jashari.

Adem Jashari nuk është i pari i cili u rrethua, u ngujua e u masakrua në kullën e vet. Para tij janë Tahir Meha, Kamer Loshi e shumë martirë të Drenicës e Dukagjinit të cilët janë vrarë në atë mënyrë. Pas tij qëndron, pra, një histori krenarie.

Kështu Adem Jashari vjen në vitin 1998 jo si rast i izoluar e incident me milicinë pushtuese por, si përfaqësues i denjë i bazamentit shqiptar të qëndresës me flijim. Prandaj ai merr kuptim tejet të fortë.

Prandaj në të, shqiptarët gjejnë konsensus të fortë edhe përbashkim - sepse aty përshkruhet në tri ditë vuajtja shekullore e shqiptarëve.

Edhe në skenën e politikës pavarësisht krahëve, ai krijon bashkim.

Ibrahim Rugova u rrit pa baba sepse ia vranë serbët kur Rugova ishte ende në barkun e nanës. Ramush Haradinaj është rritur me xhaxha në burg, pastaj ka varrosur vëllezërit e nipat në oborrin e kullës. Ish- kryeministrit Agim Çeku i është vrarë babai në Qyshk, kur kanë kapur robërit kanë pyetur: Cili është babai i Agim Çekut?. Hashim Thaçit i janë vrarë familjarët. E shumë politikanë e jo politikanë kanë ketë histori. E tek Adem Jashari gjejnë të përshkruar veten e historinë familjare.

Rinia sot, ajo e cila këndon rrugëve të Tiranës, ndoshta nuk di histori të tilla por ajo ndjen dhe, krejt natyrshëm, vetëdija e pavetëdija e saj kërkojnë përfaqësim. E përfaqësimin e gjen tek Adem Jashari, njeriu i cili flijohet për komb. Flijohet jo si incident por si vendim e si dëshirë.

09/10/2023

26 perandorë të Romës, ishin ilirë.

Nga Decius në vitin 249, deri tek Justini II në vitin 578, perandoria dominohet nga udhëheqësit ilirë.

12 legjione të Romës, dmth 1/3 e ushtrisë, ishin nga rekrutë ilirë.

Shumica e perandorëve rridhnin nga familje të "rangut të ulët" dhe ishin ushtarakë. Përjashto ndonjë person si perandori Anastas nga Durrësi i cili nuk qe ushtarak por njeri i botës së financave dhe burokracisë.

Gjysma e më shumë e këtyre perandorëve kanë sunduar në Kostandinopojë, jo në Romë.

Ilirët duke pasur prejardhje nga rangje të ulëta, nuk shiheshin me sy të mirë nga oligarkia e pasur romake dhe nga "rendi senatorial".

Mirëpo ata ishin tejet të domosdoshëm sepse ruajtja e rendit, kufinjve dhe territorit, ishte aq jetike - vetë oligarkia dhe rangjet senatoriale kishin nevojë për rend dhe siguri që të gëzonin pasuritë dhe privilegjet. Ndaj nuk mund të bëhej pa ilirë.

A jemi ne ilirë? Këtu kanë kaluar e janë përzier shumë popuj, keltë, sllavë, hunë, gjermanikë, avarë, turq. Si kudo. Por ilirët nuk i lëshoi toka. Nuk avulluan. Përzierja këtu nuk i kalon 15%.

A ka kjo ndonjë rëndësi sot? Jo, pasi brezat dje luanin me gjarpër në telefon dhe luajnë sot lojëra bubble shooter, ose bërtasin gool, goool nëpër lokale. E shkruajta thjesht sa për ta ditur që disa nga ky soj ilir, disa edhe të asimiluar sot në sllavë, disa të emigruar deri në Turqi e Egjypt, europianëve, u kanë ndërtuar civilizimin ku ata marrin shembull, Romën.

A ka kjo rëndësi për politikën? Hiç, asnjë rëndësi. Thjesht ta kenë njerëzit si info kur të bëjnë debate të kota në kohën e lirë.

06/10/2023

Mësoni për Kardinal Richelieu

Cardinal Richelieu was the most powerful man in France, and the architect of absolute monarchy. His strategic mind and dedication to French interests made it...

06/10/2023

Si kalcifikohen elitat shqiptare përballë të huajve?

Enver Hoxha, nuk u rrëzua prej Krushovit siç ndodhi me shumë diktatorë në Europën Lindore. Enveri pyeti veten: Që të më rrëzojë, Krushovi, duhet të më godasë me dikë nga brenda regjimit. Po me kë? Mehmeti, Hysniu, Beqiri. I mori ata e u dha atë çka Krushovi do u jepte nëse do e godisnin Enverin.

Ata u kalcifikuan të gjithë së bashku. Asokohe kalficikoheshin në një parti të vetme pasi sistemi ishte njëpartiak. Po sot, a po kalficikohen elita shqiptare, veçse në parti të ndryshme, pasi sistemi është shumë-partiak? Po kalcifikohen derisa të "kalojë" goditja?

Shqipëria është vend natyrshëm lindor me gravitet në Kostandinopojë - edhe perandorët romakë ilirikë nuk kanë ndejtur në Romë por në Bizant. Diokleciani ndejti në Nikomedia (Turqi), Kostandin, Justin e Justinian, në Kostandinopojë. Mbi 20 vezirët shqiptarë të Perandorisë Osmane, ishin lloj princash, edhe ata graviteti i tërhoqi në Stamboll. Në 1500 vjet kjo etni ka sunduar e është ngritur në Lindje - Kostandinopojë.

Mardhënia me çka i vjen prej përtej detit nuk është mardhënie aq e natyrshme. Është mardhënie e cila duhet menaxhuar e dredhuar, deri në komplot. Shtetet detare kanë shtrirë ndikim veç në brigje.

Në vitet 1300 ndodhi e njejta gjë; prej përtej detit erdhën anzhuinët. Karli Anzhu u shpall mbret në Shqipëri (Regnum Albaniae). E shpalli Papa, në negociata me sunduesit vendorë. Mirëpo Karli nuk kishte synim vetëm detin, ai synonte Kostandinopojën. Gjithçka e modelonte në shërbim të synimit për Kostandinopojën. Nisi represionin për të nënshtruar sunduesit e kohës. Nisi konfiskimin e tokave. Disave iu morën fëmijët si peng sigurie.

Çfarë bënë sunduesit shqiptarë? Shkuan tek perandori i Bizantit Mihajli VIII dhe i kërkuan atij të niste ushtri për të përzënë sundimin anzhu. Sunduesit shqiptarë u bënë aktorë në përplasjen ndërkombëtare midis mbretit Karl Anzhu (mbret i Shpisë së Francës) dhe Kostandinopojës. Sundues si Gjin Muzaka, Dhimitër Zogu e Guljem Blinishti, u burgosën në Napoli.

Elitat shqiptare, kaq të vogla, kanë sjellë flotën ruse në Adriatik (Vlorë), si mekanizëm për tu mbrojtur politikisht. Askush nuk e ka bërë, as Greqia, as Italia, as Jugosllavia. E kanë bërë shqiptarët. Elitat shqiptare kanë sjellë Kinën në Ballkan. Dy perandori të mëdha të Lindjes kanë ardhur në brigjet e Adriatikut të thirrura nga shqiptarët (siç u thirr Mihajli VIII, siç familja Topiaj thirri Sulltanin, kundër Balshajve). Me qëllim për të përballuar goditjen, kryesisht nga përtej detit.

Prandaj mos u çudisni nëse sot elita shqiptare është kalcifikuar e gjitha, nëpër parti, në biznes në media, në fe, në krim, në tentativë për të përballuar goditjen që iu bëhet.

25/09/2023

Më e pakta që mund të bëjmë është të nderojmë Dëshmorët e Atdheut si Afrim Bunjaku. Sot në orën 19:00 në Tiranë. Ejani, le të jemi së bashku, mos përtoni. Si shenjë e fortë simbolike se shqiptarët janë këtu, nuk pranojnë agresionin dhe çmojnë sakrificën për vend të vet. 🇦🇱

24/09/2023

Millovan Gjilas - Stalinit:

"Shqiptarët vërtet si tërësi etnike janë të veçantë e tepër të lashtë por si komb janë të rinj - ndërgjegjja e tyre kombëtare është e pakapërcyeshme dhe me ta kjo nuk kalohet lehtë. "
"..Shqiptarët, sidomos ata të Veriut nga karakteri dhe mënyra e jetesës ngjajnë me malazezët, ku kam edhe unë origjinën dhe vitaliteti dhe dëshira për të ruajtur origjinalitetin e tyre janë aq të rralla saqë zor se gjen në historinë e njerëzimit.."