Policia e kryeqytetit ka arrestuar një 34-vjeçar për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit fizik, 34-vjeçarit Mark Kola, iu gjet në brez një armë zjarri pistoletë me një krehër me municion luftarak, të cilat u sekuestruan në cilësinë e provës materiale, së bashku me automjetin.
Papa Françesku mori vëmendjen e të pranishmëve sot, e shtunë 25 janar, gjatë audiencës në Vatikan. Ai refuzoi të lexonte fjalimin e përgatitur nga stafi i tij i komunikimit. Kjo pasi, Ati i shenjtë u ndje i bezdisur teksa mbante në dorë letrat e printuara, të fjalimit të tij.
Dhe ishin jo pak, por 9 faqe – të cilat duhet të lexoheshin nga Papa Françesku si pjesë te fjalimit të tij, shkruan Vatikani News.
Një aksident ka ndodhur mëngjesin e sotëm në aksin Lezhë- Shkodër. Një automjet fugon është përplasur me një motor pranë kryqëzimit të Dajçit.
Si pasojë e përplasjes ka mbetur i lënduar rëndë drejtuesi i motorit.
Ende nuk dihen shkaqet e aksidentit, por grupi hetimor ndodhet në terren dhe po punon për zbardhjen e ngjarjes.
Një zjarr ka shpërthyer në garazhin e një pallati 8-katësh në Komunën e Parisit pasditen e sotme, ndërsa raportohet se forcat zjarrfikëse kanë nisur evakuimin e banorëve.
Në pamjet e siguruara për BalkanWeb shfaqen forcat zjarrfikëse duke tentuar të shuajnë flakët që kanë përfshirë garazhin, ndërsa efektivë të tjerë evakuojnë banorët në katet e sipërme, mes tyre edhe një fëmijë.
Aktualisht, grupi hetimor është duke punuar për të përcaktuar shkakun e rënies së zjarrit. Informacione të mëtejshme do të publikohen pas përfundimit të hetimeve dhe normalizimit të situatës.
Një aksident i rëndë ka ndodhur në aksin Lezhë-Shkodër.
Dy automjete janë përplasur me njëra-tjetrën pranë kryqëzimit të Blinishtit.
Burime bëjnë me dije se mjeti tip “Volkswagen Polo” dyshohet të ketë kryer një parakalim të gabuar në kryqëzim, duke shkaktuar tre persona të plagosur, të cilët u dërguan me urgjencë në spitalin rajonal të Lezhës.
Mjeti Polo, për pak, sa nuk ka përfunduar në kanal, pasi pas përplasjes me një mjet tip “Benz”, ka përfunduar mbi barrierat metalike të rrugës.Policia dhe grupi hetimor ndodhen në vendngjarje për zbardhjen e rrethanave të këtij aksidenti.
Një ngjarje e rëndë ka tronditur mëngjesin e sotëm kryeqytetin, pasi në Zall Mner, në rrugën “Shën Stefani”, është gjetur i pajetë brenda një automjeti shtetasi L. V., 48 vjeç, banues në Kamëz.
Viktima dyshohet të jetë vrarë me armë zjarri.
Policia ka mbërritur menjëherë në vendngjarje dhe po heton rrethanat e ngjarjes në bashkëpunim me Prokurorinë.
Sakaq, grupi hetimor është angazhuar për të identifikuar dhe kapur autorin ose autorët e krimit.
Zonja e Parë, Melania Trump ka mahnitur në ballon inauguruese presidenciale, teksa bërë një vallëzim me Presidentin Donald Trump.
Pasi bëri betimin më 20 janar, Melania iu bashkua bashkëshortit të saj në ballo duke lënë mbresa me fustanin elegant që kishte zgjedhur të vishte.
I thjeshtë, por mahnitës, fustani i Melania ishte pa rripa dhe i theksuar me disa shirita të zinj, duke mishëruar elegancën minimaliste.
Një choker i trashë i zi dhe flokët e saj të stiluara thjesht, ishte komplotuesi i look-ut të Zonjës së Parë.
Presidenti kishte veshur një kostum klasik me kostum të zi dhe papion.
Eksperti i çështjeve ndërkombëtare Mentor Beqja, i ftuar në emisionin Open në News 24 komentoi inaugurimin e presidentit amerikan Donald Trump si president të Amerikës.
Beqja tha se fjalimi i Trump ishte koherent, duke përmendur ato çështje, që ka përmendur edhe në fushatë elektorale. Ai tha se Trump po mbron thjesht kufijtë e SHBA, por se nuk urren emigrantët.
Mentor Beqja: Të mbrosh kufijtë e vendit tënd nuk ka lidhje me urrejtjen ndaj të tjerëve. Nuk është diçka nga e cila ne duhet të kompleksohemi. Për mua kjo ishte arsyeja se përse Trump fitoi zgjedhjet. Fjalimi i Trump ishte koherent, tha të gjitha premtimet që ka deklaruar në premtimet elektorale.
Pamë një qëndrim konsistent, pavarësisht se kishte të gjithë establishementin aty, i qëndroi atyre që ka thënë më herët në fushatë elektorale.
12 persona janë arrestuar në kuadër të operacionit anti-drogë “Andromeda” në Gjirokastër.
BalkanWeb mëson se për 10 prej tyre ishte caktuar masa e sigurisë “Arrest me burg”, ndërsa për dy të tjerë, masa “Arrest në shtëpi”.
Është publikuar video e momentit të tërheqjes së tankeve izraelite nga Rripi i Gazës ditën e sotme, 19 janar 2025.
Automjetet e blinduara ishin aty për rreth një vit dhe u larguan mbrëmë përpara marrëveshjes së armëpushimit, e cila ishte planifikuar për në orën 8:30 të mëngjesit të sotëm, por u vonua sepse Hamasi nuk kishte dhënë listën e pengjeve që do të lironte.
Më në fund, armëpushimi filloi me tre orë vonesë, përkatësisht në orën 11:15 pasi zyra e kryeministrit izraelit Benjamin Netanyahu konfirmoi se Izraeli kishte marrë zyrtarisht listën e pengjeve që do të liroheshin sot në orën 16:00.
Policia e Komisariatit Nr. 3 në Tiranë ka përfunduar me sukses operacionin e koduar “Përsëritësi,” duke arrestuar një 21-vjeçar të dyshuar për vjedhje të përsëritura dhe posedim të armëve pa leje.
Shtetasi L.Gj., banues në Laç, dyshohet se ka kryer disa herë vjedhje aksesorësh dhe pjesësh nga i njëjti automjet. Gjatë kontrollit në banesën e tij, Policia gjeti dhe sekuestroi pjesët e vjedhura, si dhe një armë zjarri tip pistoletë me mulli.
Duke përballuar të ftohtin, Chris MacRitchie u zhyt në një lumë të ngrirë të Vermontit për të shpëtuar një qen në rrezik. Shpëtimi dramatik i qenit u filmua nga djali i tij Chris dhe u postua në rrjetet sociale.
Qeni u pikas nga djali teksa familja kalonte me makinë pranë vendit të ngjarjes. Kur arritën në argjinaturën e lumit, babai i dy fëmijëve mendoi se nuk kishte zgjidhje tjetër veçse të shpëtonte qenin e vogël.
“Ishte si një nga ato momentet që ndoshta të gjithë kanë pasur në jetën e tyre, ku juve ju duhet të merrni një vendim… Ose të përpiqeni të futeni në ujë dhe të ndihmoni, sepse alternativë tjetër nuk ka,” tha MacRitchie. “Kështu që u ndjeva i detyruar që të paktën të përpiqesha ta nxirrja atë qen nga lumi, pasi unë vetë kam dy qen dhe do të shpresoja që dikush do ta bënte këtë për ta nëse do të ishin në të njëjtën,” shtoi ai.
