Në Weekend Lovers për të mbyllur këtë takim të fundit për 2023-in kishim gazetaren e Premium Channel dhe Radio Travel, Adela Zeneli, e cila na solli një renditje të lajmeve më të bujshme të turizmit përgjtë këtij viti që po mbyllet. Sipas Adelës, lajmet e promovimit të Shqipërisë në mediat më prestigjoze ndërkombëtare, numri prej 10 milion turistësh që zgjodhën Shqipërinë për të pushuar, hyrja e linjave të reja ajrore me kosto të ulët ishin vetëm disa prej lajmeve që bënë më shumë bujë këtë vit.
Ada Bileri Adela Zeneli
Në Weekend Lovers sot kishim në një lidhje të drejtpërdrejtë me skype Ardit Currin, shefin e kuzhinës dhe njëkohësisht themeluesin e Ristorante San Martino 26 në Siena të Italisë. Chef Arditi na tregoi një menu speciale të tavolinës së natës së Ndërrimit të Viteve! Disa prej pjatave tradicionale, por dhe disa tradita te vecanta që italianët ende i ruajnë për të pritur Vitin e Ri na i rrëfeu Arditi në këtë intervistë. Një prej tyre ishte se italianët nuk e konsumojnë mishin e shpendëve pasi supozojnë se bashkë me to do të ‘fluturojë’ dhe fati i tyre !
#weekendlovers #radiotravel
31 dhjetori është dita kur tavolinat mbushen plot për shkak të traditës. E ftuar në Weekend Lovers këtë të shtunë të fundit të 2023-sh*t, ishte, Mirela Andoni nga blogu “Papare”, e cila foli për gatimet që duhet të jenë në tryezë në natën e Ndërrimit të Viteve, si dhe disa sekrete të përgatitjes së gjelit të detit dhe përshesh*t, për mbrëmjen më të bukur të vitit!
Videon e plotë të intervistës mund ta ndiqni në kanalin e YouTube të Premium Channel !
Maratona e përvitshme ‘Vrapo Babadimër’ rikthehet edhe këtë vit në 17 dhjetor, me qëllim mbledhjen e të ardhurave për bamirësi. Gazetari Jusuf Islami, i cili është njëkohësisht dhe organizator i kësaj nisme, ka bërë bashkë 3000 babagjysh për të ndihmuar fëmijët në repartin e onkologjikut në Prishtinë!
#radiotravel #weekendlovers
Një ekspozitë shumë interesante është hapur sot në Muzeun e Gruas në Tiranë. Ekspozita mban emrin “Vishemi me traditë” dhe është mbështetur në traditën e pasur të veshjeve kombëtare shqiptare.
E ftuar sot në Weekend Lovers në Radio Travel, ishte Blertina Koka, menaxhere e programit te rinisë, pranë Shoqatës "Together for Life", e cila u shpreh se: “kjo ekspozitë zhvillohet nga shoqata Together for Life në kuadër të projektit “Fashioration”, që mbështetet nga Bashkimi Evropian përmes programit Erasmus+.
#radiotravel #weekendlovers
Sot në Weekend Lovers ishim me regjisoren Ina Morinaj e cila sapo ka vënë në skenë“M’i gjeni kangët e rinis” pjesa e dytë të një triologjie që ka nisur në fillim të këtij viti me “Muji e Halili”. Shfaqja "M'i gjeni kangët e rinis" është frymëzuar nga vepra e plotë e Migjenit dhe sipas Inës sjell tre histori nga tre personazhe me të cilët në çdo moment në përditshmërinë tonë!
Për të tjera detaje ndiqni intervistën e plotë në kanalin e YouTube të Premium Channel!
Vijon sot dita e tretë e Automotive Fair Albania II 😍
Për këtë arsye në Weekend Lovers, kishim një lidhje direkte me gazetaren e Premium Channel, Adelina Onuzi, e cila na zbuloi më tepër rreth atmosferës atje! Ada Bileri Automotive Fair Albania
#radiotravel #weekendlovers
Pranvera Metolli është një “make up artist” e talentuar e cila ishte sot në studion e Weekend Lovers dhe ndau me ne shumë detaje të trendeve të këtij viti të make-up për Halloween!
Dy prej karaktereve më të preferuar për 31 tetorin e këtij viti sipas make-up artistes janë personazhet e frymëzuar nga filmat e sapo dalë në kinematë botërore “The Nun II” dhe “The Exorcist: Believer”!
#radiotravel #weekendlovers
Andia Xhunga e ftuar sot në Weekend Lovers u shpreh se : “10 vjet martesë”, është një komedi shumë e bukur që i prek të gjithë, pasi flet mbi familjen, mbi çiftin dhe këto tema i prekin të gjithë. Vepra do të ngjitet në skenën e Amfiteatrit në Parkun e Liqenit sot dhe nesër në 15 tetor e më pas do të nisë udhëtimin nëpër qytete të tjera! :)
#weekendlovers #radiotravel
Berati do të mirëpresë festën e verës, një aktivitet që promovon kulinarinë dhe traditat e qytetit të “një mbi një dritareve”!
Në një intervistë për Weekend Lovers, Drejtoresha e Turizmit dhe Aktiviteteve, pranë Bashkisë Berat, Silvi Merdani u shpreh se: Në datat 13,14 dhe 15 tetor, Berati do të jetë më shumë se një destinacion duke u kthyer në një përvojë, ku kultura, vera, kulinaria dhe muzika janë të gjitha në ‘menu’ për t’u shijuar. Vizitorët do të kenë mundësinë të shikojnë nga afër turet e prodhimit te djathit, të vajit të ullirit, të glikosë dhe degustimit të verës!
#radiotravel #weekendlovers
Me regji të Driada Dervish*t dhe aktorë Yllka Mujo, Neritan Liçaj, Olta Daku, nën atmosferën magjike të Amfiteatrit të Liqenit Artificial, është risjellë për publikun komedia bashkëkohore “Vanja & Sonja & Masha”. Sipas regjisores Driada Dervishi, e cila ishte e ftuar sot në Weekend Lovers: “ shfaqja është një miksim mes komedisë dhe dramës, bazuar ne vepren e dramaturgut amerikan Christopher Ferdinand Durang, ku përmblidhen ndjeshmëria tipike dhe humori! 😀 Ada Bileri
#weekendlovers #radiotravel
Sot në Weekend Lovers kishim të ftuar Eva Kushova, organizatoren e festivalit: “Tirana Photo Festival 2023". Sipas znj. Kushova, ky i fundit ka synim të promovojë Shqipërinë përmes fotografisë si dhe të edukojë të rinjtë me artin e bukur të fotografisë, përmes foto tours dhe workshope! 🙂
#radiotravel #weekendlovers
Sot kishim të ftuar në Weekend Lovers, Kleantino Goga , presidentin e AGB (Albanian Guild of Bartender). Folëm për Kampionatin Kombëtar të Koktejleve i cili më 5 tetor do të shpalosë shije dhe ngjyra në Tiranë! 😍
Boeing 104.6 fillon të hënën!😀
Na ndiqni në Radio Travel çdo mëngjes nga ora 07:30-10:00 AM
.
.
.
#boeing #radiotravel
Festa e Birrës Korçë është kthyer në traditën më të shumëpritur dhe të shumëpërfolur çdo fund gushti, jo vetëm në rajonin juglindor por në të gjithë territorin!
Viti 2023 shënon edicionin e 17-të të këtij eventi që do të zhvillohet nga data 16-20 gusht dhe sipas nënkryetares së Bashkisë Korçë, znj.Benila Terova, e cila ishte e ftuar sot në një intervistë në emisionin "Weekend Lovers", Festa e Birrës ka arritur standarde të larta organizimi vit pas viti duke ridimensionuar format e argëtimit dhe të turizmit në vend” 😍
#weekendlovers #radiotravel #festaebirres
Në datat 12-13 gusht, në shëtitoren “Taulantia” në Durrës do të mbahet panairi “Taverna e Adriatikut”. Sipas përfaqësueses së Drejtorisë së Turizmit në Bashkinë Durrës, Floreta Kertusha,
e cila ishte e ftuar sot në Weekend Lovers, në Radio Travel, në këtë panair do të ekspozohen produkte dhe shërbime tipike të zonës! 😍
Mos mungoni!
#weekendlovers #radiotravel
Porto Palermo Festival rikthehet në edicionin e tij të tretë në kalanë e mrekullueshme të Porto Palermos 😍Festivali ka nisur më 14 korrik dhe do të vazhdojë çdo fundjavë deri më 14 gusht. Sot në Weekend Lovers me Ada Bileri kishim në një lidhje të drejtpërdrejtë nga Porto Palermo violinistin Olen Cesari, si organizator i këtij festivali!
#radiotravel #weekendlover
Weekend Lovers- E ftuar Ina Morinaj
Muzikali më i famshëm në botë që prej shfaqjes së tij të parë në 1999 “Mamma Mia”, do të vijë për herë të parë në skenën shqiptare nga një kast aktorësh të talentuar të Teatrit Kombëtar, në datat 25 dhe 26 korrik. Aktorja dhe regjisorja Ina Morinaj e cila është dhe pjesë e kastit të aktorëve zbuloi për Weekend Lovers më shumë detaje rreth të gjithë kësaj shfaqjeje të cilën ajo e konsideroi si një magji në mes të Tiranës! 😍
Për më shumë detaje ndiqni intervistën e plotë!
#radiotravel #weekendlovers
