Geek Room, Tirana (2025)

05/04/2025

Në muajin mars 2025, një ngjarje e pazakontë ka ndodhur në qytetin e Vlorës, pasi një i mitur 15-vjeçar është vënë nën hetim për dyshime të ndërhyrjes së paautorizuar në sistemet kompjuterike të disa institucioneve shtetërore, të cilat mendohen të jenë shumë të sigurta.

Sipas deklaratës së Policisë, i mituri ka ndërhyrë në faqet zyrtare dhe në email-et e institucioneve si për shembull, faqja e Parlamentit dhe e Shërbimit Informativ Shtetëror, duke shkaktuar ndërprerje të përkohshme në funksionimin e tyre.

Operacioni, i koduar “The Accountant”, u zhvillua pas një hetimi intensiv njëmujor me metoda speciale, ku strukturat e Policisë në Vlorë, nën drejtimin e Prokurorisë pranë Gjykatës së Juridiksionit të Përgjithshëm, bashkë me Drejtorinë e Hetimit të Krimeve Kibernetike, kanë finalizuar operacionin me sukses. Gjatë veprimeve operative, autoritetet kanë sekuestruar 5 kompjuterë laptop, 6 aparate celularë dhe një dron, të cilat do të nënshtrohen ekzaminimeve të thelluara teknike për të përcaktuar çdo detaj të veprimtarisë.

Megjithëse i mituri shfaqet me aftësi të veçanta dhe pasion për teknologjinë, hetimet e deritanishme nuk kanë zbuluar vjedhjen e të dhënave apo dokumenteve konfidenciale nga sistemet e përmendura. Sidoqoftë, synimi i tij ishte të marrë akses në email-et e këtyre faqeve dhe të ndërmerrte veprime për t’i bllokuar ato, duke arritur të ketë akses.

Autoritetet vazhdojnë hetimet për dokumentimin e plotë të rastit, duke kërkuar të kuptojnë më mirë mënyrën e veprimit të të miturit dhe për të zbuluar nëse ka pasur ndonjë ndikim më të gjerë në sistemet kibernetike të institucioneve shtetërore.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

04/04/2025

Premier League në Angli së shpejti do të përdorë ndjekjen optike për të përshpejtuar zbulimin e pozicioneve jashtë loje të lojtarëve.

Zëdhënësit e kampionatit treguan të martën se do të miratojnë teknologjinë offside gjysëm të automatizuar (SAOT) në ndeshjet që fillojnë nga data 12 prill. Premer League tha se teknologjia e re nuk do të ndryshojë saktësinë e offside, por do t’i bëjë ato 30 sekonda më shpejt.

SAOT përdor sensorë nga deri në 30 kamera të montuara lart mbi fushë në secilin stadium Premier League. Ata ndjekin vendndodhjen e saktë të topit dhe deri në 10,000 pika sipërfaqësore për secilin lojtar. Kompania e teknologjisë sportive Genius Sports shpjegon se teknologjia “siguron vendosjen më efikase të vijës virtuale offside, duke përdorur ndjekjen optike të lojtarëve, dhe gjeneron grafikë virtuale për të siguruar një përvojë të zgjeruar në stadium dhe transmetim për tifozët“.

SAOT shkurton një pjesë të madhe nga procesi i vijëzimit të VAR (Video Assistant Referee) duke sugjeruar pikën e goditjes dhe duke krijuar automatikisht vija offside bazuar në pozicionet përkatëse të mbrojtësit dhe sulmuesit. Ekipi VAR ka ende një shans të rishikojë sugjerimin e algoritmit përpara se ta aprovojë atë.

Pasi të merret vendimi, do të shfaqet një animacion që e komunikon për fansat që e ndjekin ndeshjen nga stadiumi apo shtëpia. VAR do të jetë akoma në dispozicion si një version rezervë për pozicionet offside.

“Shumica e vendimeve offside do të jenë më të shpejta, por VAR do të ketë akoma si një kopje rezervë për sistemin SAOT nëse kërkohet,” shpjegoi Premier League. “Ky proces mund të jetë i domosdoshëm në” raste të avantazhit “ku disa lojtarë bllokojnë pamjen e topit ose lojtarëve të tjerë për kamerat e sistemit.”

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

04/04/2025

Ndërsa FDA ka miratuar më shumë se 20 lloje të kontraceptivëve, aktualisht ekzistojnë vetëm dy opsione për burrat: prezervativët dhe vazektomitë. Edhe pse rreth 25% e grave që përdorin kontracepsionin mbështeten në pilula orale kontraceptive, nuk ka asnjë pilulë ekuivalente për burrat.

Megjithatë, studimi nga Kolegji i Farmacisë i Universitetit të Minesotës, i botuar në Communications Medicine, ka hapur rrugën për testimin klinik të pilulës së parë kontraceptive për meshkujt pa hormone. Ky medikament i ri, YCT-529, është një kontraceptiv inovativ, pa hormone, që merret nga goja, i krijuar për meshkujt. I zhvilluar në partneritet me Universitetin e Kolumbisë dhe YourChoice Therapeutics, YCT-529 parandalon shtatzëninë duke penguar prodhimin e spermës.

Studimi zbuloi:

• Tek minjtë meshkuj, ilaçi shkaktoi infertilitet dhe ishte 99% efektiv në parandalimin e shtatzënive brenda 4 javësh nga përdorimi.

• Në primatët meshkuj jo-njerëzor, ilaçi uli numrin e spermës brenda 2 javësh nga fillimi i marrjes së medikamentit.

• Si minjtë ashtu edhe primatët jo-njerëzor rifituan plotësisht fertilitetin pas ndërprerjes së medikamentit. Minjtë e rifituan fertilitetin brenda 6 javësh dhe primatët jo-njerëzor e rikuperuan plotësisht nivelin spermatik në 10-15 javë.

• Asnjë efekt anësor nga ilaçi nuk u zbulua në asnjërin grup.

Hapat e mëtejshëm janë tashmë duke u zhvilluar: studimi vërtetoi se YCT-529 ishte i përshtatshëm për studime në njerëz dhe një provë klinike e fazës 1 për ilaçin u përfundua me sukses në 2024 nga YourChoice Therapeutics. Ilaçi aktualisht po i nënshtrohet testit të sigurisë dhe efikasitetit në një provë të dytë klinike.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

03/04/2025

Milan Design Week do të organizohet nga datat 8-13 prill, dhe Geek Room është këtu për t’ju udhëhequr nëpër ekspozitat dhe instalacionet më emocionuese të këtij viti. Për më tepër, ju ftojmë të ndiqni disa nga instalacionet më interesante që duhet t’i shikoni me patjetër gjatë këtij edicioni.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

03/04/2025

Fakti që TikTok u rikthye pranë përdoruesve në SHBA, u bë falë një shtyrje të afatit të sh*tjes së platformës deri më 5 prill, duke i dhënë TikTok kohën e mjaftueshme për të gjetur një blerës.

Me afrimin e këtij afati Amazon dhe një konsorcium i udhëhequr nga themeluesi i OnlyFans, Tim Stokely, janë të fundit që janë futur në negociata për blerjen e TikTok. Nëse marrëveshja nuk arrihet deri më datën 5 prill me një blerës jo-kinez, TikTok përballet me kërcënimin e ndalimit në SHBA. Zyrtarët amerikanë kanë ngritur shqetësime për sigurinë për shkak të lidhjeve të aplikacionit me Kinën, të cilat TikTok dhe pronari ByteDance e kanë mohuar.

Startup-i Zoop, i cili drejtohet nga Stokely, ka bashkëpunuar me një fondacion të kriptomonedhave për të paraqitur një ofertë për TikTok, të dy i thanë Reuters të mërkurën.

Një zyrtar i administratës amerikane konfirmoi gjithashtu se Amazon i kishte dërguar një letër zëvendëspresidentit JD Vance dhe Sekretarit të Departamentit të Tregtisë, Hoëard Lutnick. Amazon ka kohë që ka ambicie për një rrjet të mediave sociale që mund ta ndihmojë atë të shesë më shumë mallra dhe të tërheqë një audiencë më të re. Vlen të përmendet se kompania bleu Twitch në 2014 për gati $1 miliard dhe faqen Goodreads në 2013 si pjesë e përpjekjeve të saj për të ndërtuar një rrjet social të qëndrueshëm. Amazon gjithashtu zhvilloi dhe testoi një feed me video dhe fotografi të ngjashme me TikTok të quajtur Inspire që u mbyll në fillim të këtij viti.

Trump tha muajin e kaluar, administrata e tij ishte në kontakt me katër grupe të ndryshme për sh*tjen e platformës, pa i identifikuar ato.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

02/04/2025

Nëse kërkimi i një prone në Shqipëri ju është dukur ndonjëherë si një “mision i pamundur” midis dhjetëra faqeve, njoftimeve të dyfishta dhe informacionit të pasaktë, KaKtu është përgjigjja që s’e dinit se ju duhej. Kjo platformë inteligjente përdor AI për të revolucionarizuar mënyrën si kërkojmë prona, duke centralizuar të gjithë tregun imobiliar në një vend të vetëm. Pa filtra të ndërlikuar, pa konfuzion, vetëm kërkim i thjeshtë, efikas dhe smart.

KaKtu është një motor kërkimi inteligjent i specializuar për tregun e pasurive të patundshme në Shqipëri. Nuk është një agjenci imobiliare, por një platformë teknologjike që përdor inteligjencën artificiale për të ndihmuar blerësit dhe qiramarrësit të gjejnë pronën ideale në mënyrë më të thjeshtë dhe më efikase.

1- Kërko – Shkruani kërkesën tuaj në gjuhë të thjeshtë
2- Zbulo – Shfletoni rezultatet e personalizuara nga të gjitha agjencitë
3- Vendos – Identifikoni pronën që ju intereson
4- Lidhu – KaKtu ju lidh me agjencinë përkatëse për të vijuar procesin

KaKtu përfaqëson një hap të madh përpara në modernizimin e tregut të pasurive të patundshme në Shqipëri. Duke vepruar si urë lidhëse midis kërkuesve të pronave dhe agjencive imobiliare, KaKtu thjeshtëson procesin dhe ju jep fuqinë të gjeni pronën ideale me kushtet tuaja.

KaKtu ju ndihmon të gjeni fillimisht pronën që ju intereson dhe vetëm më pas ju lidh me agjencinë përkatëse. Kjo ju jep më shumë kontroll mbi procesin: së pari gjeni pronën ideale në mënyrë të pavarur dhe të thjeshtë, e më pas lidheni me agjencinë për të vazhduar me procedurat e blerjes apo qiramarrjes.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

02/04/2025

Geek Room i bashkohet trendit më të ri: Të rikrijojmë imazhe në stilin Ghlibli me ndihmën e ChatGPT 🤖. Në zgjodhëm vende, personazhe dhe ngjarje historike.

Jepi swipe ➡️ për t'i zbuluar dhe na trego me një koment cila të pëlqeu më shumë!

▪ Ndiq për të rejat më të fundit nga bota e teknologjisë

01/04/2025

Në 27 mars, showroom-i ekskluziv i Volvo Cars Albania pranë Mektrin Motors u mbush me energji pozitive, ku të ftuarit u bënë pjesë e një ngjarjeje me fokus inovacionin, të ardhmen e industrisë automotive, tekonologjinë dhe luksin sjellë nga Volvo përmes modeleve më të reja EX90 dhe XC90.

Eventi u hap me një fjalë mirëseardhjeje nga Z. Edmond Shahini, CEO dhe themelues i Mektrin Motors, i cili theksoi rëndësinë e këtij eventi për markën Volvo dhe rëndësinë e teknologjisë që Volvo Cars Albania sjell në Shqipëri.

Kryefjala e mbrëmjes, modelet më të reja Volvo EX90 dhe XC90 iu prezantuan të ftuarve nga dy përfaqësuesit e sh*tjes të Volvo Cars Albania, Aurela Mertini dhe Besmir Lazaj, të cilët me pasion dhe profesionalizëm krijuan një atmosferë interaktive dhe interesante. Të ftuarit patën mundësinë të njohin makinat nga afër, të zbulojnë karakteristikat e teknologjisë së avancuar dhe të shijojnë përvojën e një test-drive të personalizuar.

Volvo EX90 dhe XC90 janë dy nga modelet më të avancuara dhe të preferuara të markës, që ofrojnë një përvojë të veçantë udhëtimi. Volvo EX90 e re plotësisht elektrike, një SUV i ri me 7 vende që përcakton një epokë të re për sigurinë duke vendosur standarde të reja për automobilizmin e qëndrueshëm. Me një gamë të gjerë veçorish, përfshirë teknologjinë për të monitoruar shëndetin e shoferit dhe radarët me kamerat 360°, EX90 është një makinë që bashkon efikasitetin me luksin.

Mbrëmja u shoqërua nga muzikë klasike nga profesionistë të Teatrit të Operas dhe Baletit si një detaj që solli dhe më qartë elegancën dhe luksin e brandit Volvo.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

01/04/2025

😍 Pas disa javësh negociatash, është konfirmuar rikthimi i TikTok në Shqipëri.
Platforma ka pranuar të zbatojë masa më të rrepta për moderimin e përmbajtjes si dhe prezantimin e shërbimeve të reja për përdoruesit shqiptarë. Një formë e re këshillimi dhe mbështetje në app, më shumë fokus në STEM Feed dhe rritje e ndërgjegjësimit tek përdoruesit e rinj, janë arsyet bindëse se TikTok ka kuptuar nga gabimet dhe tani është gati të ndreq shoqërinë tonë të cilën e shthuri vetë.

E besove? Jo, TikTok, rrjeti social me mbi 1.7 milionë përdorues shqiptarë, do të vazhdojë të jetë i bllokuar në Shqipëri. Tani që e kuptove që kjo është shakaja e Geek Room për 1 prill, është koha t'i bësh një rreng dikujt duke i nisur këtë post.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

31/03/2025

Inteligjenca artificiale ka të ngjarë të zëvendësojë mjekët, mësuesit dhe më shumë profesionistë brenda 10 viteve, sipas Bill Gates. Ndërsa ndau vizionin e tij për të ardhmen e inteligjencës artificiale (AI) në The Tonight Show me protagonist Jimmy Fallon, bashkëthemeluesi i Microsoft – i cili është një nga biznesmenët dhe filantropët më të famshëm në botë – tha se së shpejti, njerëzit nuk do të nevojiten “për kryerjen e shumicës së gjërave“.

Në paraqitjen e 4 shkurtit Sonte për të promovuar librin debutues të memories së Gates Source Code, prezantuesi Jimmy Fallon i kërkoi miliarderit 69 vjeç mendimin e tij rreth temës së nxehtë të AI, duke shpjeguar të mirat dhe të këqijat.

“Në epokën në të cilën jetojmë, inteligjenca është e vështirë të gjendet, si tek mësuesit apo doktorët. Dhe me AI, gjatë dekadës së ardhshme, kjo gjë do të jetë e zakonshme. Ju do të mund të merrni falas këshilla të shkëlqyera mjekësore, mësime të shkëlqyera.”

Për sa i përket mënyrës se si ky ndryshim do të ndikojë në punën e përditshme të njerëzve, si përshembull “a do të punojmë 3 ditë në javë”, Gates tha se kjo gjë është disi e panjohur. “Është një territor krejtësisht i ri,” shtoi ai.

Së bashku me një rritje të inteligjencës artificiale në të gjithë profesionet, bashkëthemeluesi i Microsoft parashikon gjithashtu një rol të zvogëluar për njerëzit. “Dua të them, a do të kemi ende nevojë për njerëz?” Fallon e pyeti, dhe Gates u përgjigj: “Jo për shumicën e gjërave.” Por, në fund të fundit, “ne do të vendosim” se cili do të jetë roli i vazhdueshëm i njerëzve, tha ai.

“Ne nuk do të duam të shikojmë kompjuterët duke luajtur bejsboll,” tha Gates. “Pra, do të ketë disa gjëra që ne i rezervojmë për veten tonë, por për sa i përket krijimit dhe lëvizjes së gjërave, dhe rritjes së ushqimit, me kalimin e kohës, ato do të jenë në thelb probleme të zgjidhura.”

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

31/03/2025

US News & World Report ka shpallur listën e tij vjetore me “Makinat më të mira për Familjet”, me Kia Telluride që ruan statusin e saj si “SUV-i më i mirë me 3 rreshta” për të 6-in vit radhazi, ndërsa Kia EV9 u nderua me çmimin “Mjeti më i mirë Elektrik për Familjet“. Modelet më të reja nga Kia do të mund t’i gjeni pranë Mektrin Motors, sh*tësit të vetëm të autorizuar të automjeteve Kia në Shqipëri.

“Telluride është një fitues i lindur falë përzierjes së tij të njohur të hapësirës, veçorive, prakticitetit dhe rezultateve të shkëlqyera të sigurisë. EV9 ofron një përzierje të ngjashme, por me kosto më të ulëta energjie, karikim të shpejtë dhe një stil të vetin,” thotë Alex Kwanten, redaktori menaxhues i Autos për US News & World Report. “Si SUV-i i parë elektrik me 3 rreshta relativisht të përballueshëm në treg, EV9 gjithashtu zgjeron ndjeshëm zgjedhjet e familjeve.”

“Këto vlerësime vërtetojnë përkushtimin e Kia-s për inxhinierinë e automjeteve me cilësi të lartë të dizajnuara për të përmbushur nevojat e të gjithë familjes,” tha Steven Center, COO & EVP, Kia America. “Ne jemi të nderuar që dy modele të emërohen në mesin e makinave më të mira për familjet e vitit 2025, veçanërisht pasi Telluride e ka fituar këtë çmim çdo vit që kur është në sh*tje dhe EV9 e ka fituar këtë çmim vetëm një vit pas prezantimit të tij.”

EV9 dhe Telluride tërësisht elektrike 2025 vazhdojnë të impresionojnë klientët me përzierjet unike të teknologjisë inovative, dizajnin e klasit botëror, veçoritë e avancuara të ndihmës së shoferit dhe komoditetin premium. Të dy automjetet janë të pajisura me hapësira të bollshme me 3 rreshta që janë perfekte për familjet.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

29/03/2025

Transporti hekurudhor në Evropë po kalon një periudhë transformimi, me projekte të reja që synojnë të përmirësojnë lidhjet ndërkombëtare dhe të ofrojnë mundësi më të mira për udhëtarët. Një nga projektet më të rëndësishme që ka tërhequr vëmendjen është 21st Europe, një iniciativë që ka për qëllim modernizimin dhe zgjerimin e rrjetit hekurudhor në gjithë kontinentin.

Ky projekt është një hap i madh drejt krijimit të një rrjeti më të qëndrueshëm dhe efikas, duke përdorur teknologji moderne për të lehtësuar udhëtimet dhe për të reduktuar ndotjen. 21st Europe shpreson që rrjeti hekurudhor të jetë gati për përdorim duke nisur nga viti 2040, megjithatë duhet të presim zhvillimet e mëtejshme.

Një nga komponentët më të spikatur të këtij projekti është rrjeti Starline, e cila do të lidhë disa nga qytetet më të mëdha të Evropës. Linja do të ofrojë udhëtime me shpejtësi të lartë dhe do të jetë një alternativë shumë më e qëndrueshme në krahasim me transportin ajror dhe rrugor. Në kuadër të këtij projekti, Shqipëria do të përfshihet në rrjetin e ri hekurudhor, me një ndalesë në Tiranë.

Rrjeti “Starline” llogaritet të jetë 22 000 kilometra i gjatë. Sistemi i ri do të jetë rreth 30% më i shpejtë se udhëtimi rrugor dhe hekurudhor aktual. Trenat do të transportojnë pasagjerët me shpejtësi 300-400 km/h.

Ky projekt do të ketë një ndikim të madh në përmirësimin e infrastrukturës dhe rritjen e mundësive të turizmit dhe biznesit në Shqipëri, duke e vendosur vendin në një pozicion më të rëndësishëm në rrjetin e transportit evropian.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

29/03/2025

Duket sikur dizajni i serisë iPhone 17 pak a shumë është finalizuar dhe Apple tani po kalon në fazën e prodhimit. Ndërsa prezantimi i iPhone 16 mund të ketë qenë i jo aq surprizues, Apple thuhet se po bën gjithçka për t’u siguruar që iPhone 17 do të jetë seria më e mirë në treg.

Të 4 modelet e iPhone 17 – bazë, Air, Pro dhe Pro Max – do të integrojnë ekranet më të fundit dhe më të mirë OLED nga Samsung. Ndërsa LG Display ka furnizuar gjithashtu një numër të madh panelesh për iPhone në të kaluarën, Apple me sa duket i ka kërkuar Samsung që të sigurojë shumë më tepër panele këtë herë.

Paneli M14 i Samsung Display nuk është vetëm i bukur për t’u parë, por edhe tepër i ndritshëm. Këto ekrane mund të arrijnë një ndriçim prej 3,000 nits, që do të ishte e para herë për iPhone. Sidoqoftë, nuk ka gjasa që iPhone 17 të ketë aq ndriçim, sepse ky panel tashmë është parë në iPhone 16 Pro dhe Pro Max, të cilët nuk janë aq të ndritshëm. Lajmi më interesant këtu është se edhe iPhone 17 bazë supozohet se do ta ketë këtë ekran. Kjo do të thotë që Apple po fokusohet shumë në aspektin vizual të flagship-ve të saj të ardhshëm: si në ekran ashtu edhe rreth tij.

Një nga pengesat më të mëdha për iPhone 16 ishte se ai ende ofrontenjë ekran 60 Hz. Raportet e fundit tregojnë se kjo më në fund mund të ndryshojë. Apple po sjell ProMotion në modelet bazë të iPhone 17 këtë vit. Kjo do të thotë që të gjitha modelet e iPhone më në fund do të vijnë me një shpejtësi rifreskimi prej 120 Hz.

Përmirësimet e ekranit dhe ndryshimet e dizajnit do t’i japin iPhone një risi shumë të nevojshme pas shumë vitesh me të njëjtin dizajn.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

28/03/2025

Personat që kanë tendencën të kërkojnë çdo gjë në ChatGPT priren të jenë më të vetmuar, më të varur emocionalisht nga AI dhe kanë më pak marrëdhënie shoqërore offline, sugjeron një studim i ri (PDF).

Vetëm një numër i vogël përdoruesish angazhohen emocionalisht me ChatGPT, por ata që e bëjnë këtë janë ndër përdoruesit më të mëdhenj, sipas një çifti studimesh nga OpenAI dhe MIT Media Lab. Studiuesit shkruan se përdoruesit që u përfshinë në bisedat personale emocionalisht më ekspresive me chatbot-et prireshin të përjetonin nivele më të larta të vetmisë – megjithëse nuk është e qartë nëse kjo shkaktohet nga chatbot-i ose sepse njerëzit e vetmuar po kërkojnë lidhje emocionale.

Ndërsa studiuesit kanë theksuar se studimet janë paraprake, ata bëjnë pyetje urgjente se si shërbimet AI, të cilat sipas OpenAI përdoren nga më shumë se 400 milionë njerëz në javë, po ndikojnë në jetën e njerëzve jashtë botës virtuale.

Studiuesit zbuluan se pjesëmarrësit që shpenzonin më tepër kohë me ChatGPT kishin më shumë gjasa se të tjerët të ishin të vetmuar dhe të mbështeteshin më shumë në mjetin AI. Chatbot-et e bazuara në zë fillimisht u duk se ndihmonin në zbutjen e vetmisë në krahasim me chatbot-et e bazuara në tekst, por ky avantazh filloi të shkaktonte probleme të tjera sa më shumë që dikush i përdorte ato.

Në studimin e parë, studiuesit analizuan të dhënat e botës reale nga afër 40 milion ndërveprime me ChatGPT, dhe më pas pyetën 4076 përdoruesit që kishin ato ndërveprime se si ndiheshin. Për studimin e dytë, Media Lab rekrutoi pothuajse 1000 njerëz për të marrë pjesë në një provë katër-javore që shqyrtonte se si pjesëmarrësit ndërvepruan me ChatGPT për të paktën pesë minuta çdo ditë. Më pas, pjesëmarrësit plotësuan një pyetësor për të matur ndjenjat e tyre të vetmisë, nivelet e angazhimit social dhe varësinë emocionale nga roboti.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

27/03/2025

Shtatë herë kampioni i Formula 1, Lewis Hamilton, iu bashkua Ferrarit përpara sezonit 2025 me shpresën për të zgjeruar më tej rekordet e tij për fitoret totale, pole-postion dhe kampionatet.

Megjithatë pas bashkimin me këtë ekip historik ai mund të ketë planifikuar diçka tjetër interesante: Hamilton gjithashtu me sa duket dëshiron të dizenjojë një Ferrari, dhe nëse ndodh, mund të jetë makina e re më emocionuese e Maranellos në vite.

Këtë ide Hamilton e sugjeroi para Motorsport gjatë fundjavës së Çmimit të Madh Australian. Megjithatë, kjo bisedë e shkurtër nuk përmend nëse Ferrari është ende në të vërtetë dakord me këtë ide. Por, Hamilton thotë se ai dëshiron që makina të quhet “F44” (sipas numrit të tij prej kohësh në F1) dhe se ai dëshiron të inspirohet nga “një F40, me transmisionin manual origjinal “.

Është një ëndërr ambicioze, veçanërisht sepse Ferrari nuk ka sh*tur një makinë me transmision manual që nga viti 2012. Supermakinat manuale janë një gjë e rrallë, por prodhuesit si Pagani dhe Gordon Murray Automotive ende prodhojnë opsione me tre pedale. Një Ferrari i ri manual do të ishte një investim serioz, por lidhja e Lewis Hamilton me programin mund të jetë e mjaftueshme për të ndihmuar Ferrarin të kompensojë kostot.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

27/03/2025

Duke filluar nga sot, bashkitë në Shqipëri dhe në mbarë Ballkanin Perëndimor kanë mundësinë të aplikojnë për të përfituar nga iniciativa WiFi4WB (Wi-Fi for Western Balkans), një program i financuar nga Bashkimi Evropian që synon të ofrojë WiFi falas në hapësira publike.

WiFi4WB është pjesë e Planit të Rritjes së BE për Ballkanin Perëndimor dhe ka për qëllim të mbështesë deri në 500 bashki në rajon me instalimin e pikave të aksesit WiFi në sheshe, parqe, biblioteka, muze dhe shkolla. Ky projekt vjen si një zgjerim i iniciativës së suksesshme WiFi4EU, që ka mundësuar internet falas në mijëra qytete të Evropës.

Bashkitë në Shqipëri mund të aplikojnë për këtë program, duke përfituar: Instalimin e pajisjeve të internetit dhe pikave WiFi, shërbim dhe mirëmbajtje të garantuar, dhe akses të sigurt dhe të shpejtë për banorët dhe vizitorët

Në këmbim, bashkitë e përzgjedhura do të angazhohen të mbajnë aktiv këtë shërbim edhe pas përfundimit të periudhës fillestare të financimit, duke siguruar një akses afatgjatë dhe të qëndrueshëm për komunitetin.

Ky investim i BE-së synon të zhbëjë hendekun dixhital në rajon, duke ndihmuar në zhvillimin e qyteteve të lidhura, të zgjuara dhe të aksesueshme për të gjithë. Një lidhje e shpejtë dhe falas do të krijojë më shumë mundësi ekonomike, qasje në arsim dhe përmirësim të shërbimeve publike.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

26/03/2025

Automotive Fair Albania do të rikthehet në sheshin “Nënë Tereza” dhe “Sheshi Italia” me edicionin e tij të 3-të gjatë datave 27-30 mars për të argëtuar të gjithë të apasionuarit e mjeteve moderne apo klasike, ku Geek Room do të jetë partner mediatik për herë të 2-të pas edicionit të 2-të tepër të suksesshëm.

Ky event është organizuar nga Ministria e Ekonomisë, Kulturës dhe Inovacionit në bashkëpunim me Drejtorinë e Përgjithshme të Shërbimeve të Transportit Rrugor, Ministrinë e Infrastrukturës dhe Energjisë si dhe Bashkisë Tiranë. Panairi i këtij viti synon të bashkojë zhvillimin ekonomik, ruajtjen e kulturës, inovacionin teknologjik dhe trashëgiminë e automjeteve historike, duke nxitur një ekosistem të shëndetshëm e të qëndrueshëm për industrinë e automjeteve në Shqipëri.

Automotive Fair Albania është shndërruar tashmë në një event i rëndësishëm, i cili ofron një mundësi unike për vizibilitet, bashkëpunim dhe inovacion. Në edicionin e kaluar ishin të pranishëm rreth 160,000 vizitorë të cilët panë nga afër më tepër se 370 makina moderne dhe klasike dhe mbi 110 makina garuese, të cilat dhuruan një shfaqje të jashtëzakonshme. Ky eveniment do të mund të shfrytëzohet si një mundësi për të tërhequr investime të huaja në këtë fushë.

Të enjten, më 27 mars në orën 19:00, do të organizohet ceremonia e hapjes zyrtare të Automotive Fair Albania III me një atmosferë festive që do të pushtojë sheshin “Nënë Tereza”, ku do të ekspozohet koleksioni i automjeteve Retro.

Ditën e premte, aktiviteti do të nisë që në orën 12:00 deri në 18:00 me zhvillimin e gjysmëfinales dhe finales së garës për Best Young Driver.

Gara Manche III, ose finalja e Tirana Grand Prix do të organizohet ditën e dielë në orën 9:30, dhe pas përfundimit të kësaj gare, fituesit do të marrin pjesë në ceremoninë e ndarjes së çmimeve në sheshin Nënë Tereza.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

25/03/2025

Volvo ES90 i ri, plotësisht elektrik, është një model i ri që eliminon kompromiset midis segmenteve të makinave sedan, fastback apo SUV, duke qëndruar kështu i vetëm në një klasë të re të veçantë të makinave elektrike. Shumë shpejt këtë model dhe makina të tjera nga Volvo do të mund t’i gjeni pranë Mektrin Motors, sh*tësit të vetëm të autorizuar të automjeteve Volvo në Shqipëri.

ES90 kombinon elegancën e rafinuar të një sedani, përshtatshmërinë e një fastback-u dhe brendësinë e bollshme dhe hapësirën më të lartë nga toka të SUV-ve. Është një makinë e gjithanshme që nuk bën kompromis me komoditetin apo hapësirën. Kjo makinë mundëson aventura dhe në familje më të mëdha, duke vendosur ekuilibrin e përsosur midis jetës suaj profesionale dhe private.

ES90 është projektuar që të evoluojë me kalimin e kohës dhe fuqizohet nga kompjuterët bazë të gjeneratës së ardhshme që përfaqësojnë një përmirësim 8x në krahasim me gjeneratën e mëparshme. Është makina e parë Volvo me teknologji 800V, për një autonomi më të gjatë dhe karikim më të shpejtë se çdo Volvo elektrike më parë. Dhe natyrisht, ai është projektuar me teknologjinë pioniere të sigurisë në thelb, në një paketë që do të jetë një tjetër dizajnit klasik skandinav nga Volvo Cars.

ES90 është modeli i 6-të plotësisht elektrik në linjën e Volvo, duke u bashkuar me EX90, EM90, EX40, EC40 dhe EX30 ndërsa kompania vazhdon rrugëtimin drejt elektrifikimit të plotë. “Volvo ES90 kombinon teknologjitë tona më të avancuara me dizajnin skandinav dhe rehati superiore, duke krijuar një makinë të vërtetë premium Volvo të krijuar për të ngritur cilësinë e jetës suaj,” thotë Jim Rowan, CEO i Volvo Cars.

Pjesa e përparme përmban dizajnin e fenerëve të Thor’s Hammer, duke shprehur një identitet të njohur por modern të Volvo-s. Pjesa e pasme është po aq e veçantë, me llambat e pasme të reja LED në formë C të plotësuara nga llambat LED në xhamin e pasmë, duke krijuar një sekuencë unike të mirëseardhjes dhe lamtumirës.

Më shumë detaje gjen në link in bio 👉

▪ Ndiq për të rejat më të fundit nga bota e teknologjisë

Geek Room

05/04/2025

04/04/2025

04/04/2025

03/04/2025

03/04/2025

02/04/2025

02/04/2025

01/04/2025

01/04/2025

31/03/2025

31/03/2025

29/03/2025

29/03/2025

28/03/2025

27/03/2025

27/03/2025

26/03/2025

25/03/2025

Address

Website

Alerts

Contact The Business

Videos

Shortcuts

Share

Category