Pa censurë
20/03/2025
Jorida Tabaku : Më 11 Maj Pastrojmë Tiranën nga Korrupsioni
Deputetja e Partisë Demokratike, Jorida Tabaku, ka bërë thirrje për një ndryshim të madh në zgjedhjet e 11 majit, duke theksuar se Tirana nuk mund të mbetet peng i korrupsionit dhe luftës për pushtet mes socialistëve.
Në një mesazh të fortë për qytetarët, Tabaku ka denoncuar situatën e rëndë që po kalon kryeqyteti, ku një ish-kryebashkiak ndodhet në burg për pastrim parash dhe një kryeministër është në konflikt të hapur me aleatin e tij të dikurshëm politik.
“Kjo nuk është një betejë për qytetarët, por një luftë bandash mes socialistëve për milionat e lejeve të ndërtimit! Tirana nuk e meriton këtë rrëmujë!” – ka deklaruar Tabaku.
Duke ftuar qytetarët të dalin masivisht në votime, deputetja e PD-së ka shpalosur vizionin e saj për një Tiranë të pastër nga korrupsioni dhe një Shqipëri të njerëzve të punës:
Pastrojmë llumin e korrupsionit dhe bandat që luftojnë për pushtet!
Shpëtojmë një Tiranë të marrë peng nga një grusht të korruptuarish!
Punojmë dhe ndërtojmë një Shqipëri të njerëzve të punës!
Tabaku ka theksuar se më 11 maj është momenti që qytetarët të vendosin për një ndryshim të vërtetë dhe të votojnë për një Tiranë të lirë nga korrupsioni dhe klientelizmi i qeverisë.
“Zgjedhja është e qartë: Pastrojmë llumin dhe sjellim ndryshimin! Voto për të ardhmen e Tiranës, voto Partinë Demokratike!” – përfundoi Tabaku.
