Neutrale

25/09/2024

Protesta e 27-të para Bashkisë Tiranë/ Dorjan Teliti: Treshja Rama, Veliaj, Balluku kanë marrë peng Shqipërinë

25/09/2024

Xhuljan Guçe/ Një përshkrim rrëqethës nga Korça...

Në një deklaratë të fundit, drejtuesi i Partisë Socialiste në Korçë, z. Niko Peleshi, njoftoi se partia e tij synon të sigurojë 6 mandate në këtë qark, duke

25/09/2024

"Rrëfehem ... me dashuri"

Ervina Toptani

Në vend të parathënies…

E dashur mike, i dashur mik,

Kam pasur gjithë jetën një dëshirë: ta shoh botën të lulëzuar në hare e njerëzit të mbështjellë në aureolën e dashurisë. Duket dëshirë infantile, e pamundur a utopike por me çfarë kam jetuar në jetë kam mësuar se nëse ne vërtet do ta donim këtë gjë mundemi ta arrijmë. Sigurisht, problemi madhor në këtë rast është: a bëhemi dot të gjithë në një mendje? A mundemi ta duam të gjithë mirësinë për ta arritur atë? Ndoshta jo, por sa më shumë të jemi që e duam aq më të paktë do të mbeten ata që nuk e duan e kështu duke i dhënë prej haresë e aureolës tonë shumëngjyrëshe do të binden edhe ata, që është e mrekullueshme të jetosh me dashurinë e nëpërmjet saj.

Libri që keni në duar është një pjesë e rëndësishme e jetës time. Ndodhi, çaste, situata, njohje, dështime, përplasje, dhimbje, e mbi të gjitha dashuri që kanë shënjuar jetën time e njeriun që jam sot. Vendosa t`i ndaj me ty këto momente të veçanta të jetës, vendosa të të ftoj të shfletosh një pjesë të labirinteve të shpirtit e jetës time për të të treguar se secili prej nesh, në të voglën e tij, në të përditshmen e vet mund të jetë një dritë e shtuar në jetën e dikujt tjetër. Mund të bëhemi varka shpëtimi për një tjetër si ne, mund të jemi orientimi drejt të mirës për dikë.

Ky libër është një himn kushtuar humanizmit, atij më të bukurit, atij njerëzor të cilin shpesh e anashkalojmë ose e marrim për të mirqenë. Të jetuarit është gjëja më e bukur që mund të na ndodhë, ndonjëherë e harrojmë këtë fakt e mjaftohemi me ekzistencën. Të gjithëve na ka ndodhur një herë a më shumë në jetë të gjendemi në vështirësi, në çaste dëshpërimi, në dhimbje, në agoni. Jemi ndjerë të braktisur, të tradhëtuar, të poshtëruar, të përdorur, të abuzuar. Kemi rënë në gjunjë e prej dëshpërimit kemi parë vetëm tokën a baltën ku ishim rrëzuar, por nëse do të kishim ngritur kryet lart, edhe pse në gjunjë e të rrëzuar, do të kishim parë yjet. Nëse dikush do të na kishte vënë dorën në shpatull, do të na mbështillte në një përqafim të ngrohtë e do të na ftonte të shihnim yjet që shndërrisnin mbi kryet tonë, do të kishim mundur t`i shihnim vërtet ata. Gjithçka është çeshtje këndvështrimi e botëkuptimi në jetë, për këtë jam e bindur!

Bota sot rend pas të mirave materiale, ndoshta ka rendur drejt tyre njëlloj dhe më parë por mbetemi përgjithësisht pengje të shpirtrave tanë në fund. E them këtë sepse asnjë e mirë materiale nuk ka mundur ndonjëherë t`i ngijë shpirtin njeriut, këtë ka mundur ta bëjë vetëm një njeri tjetër, nëpërmjet dashurisë e derivateve të saj të panumërta. Ne kemi vetëm shpirtin si materie e asgjë materiale nuk marrim me vete. Japim vetëm atë çka mban shpirti brenda tij e lëmë në këtë botë vetëm atë çka kemi nxjerrë prej tij. Një shpirt i varfër në materie mund të lerë plot pasuri materiale prapa por asnjëra prej tyre nuk ka vlerë. Në këtë libër ajo që do të gjeni me shumicë është pikërisht materia, prej të cilit përbëhet shpirti.

Mësojmë t`i gëzojmë komeditë pasi kemi jetuar tragjeditë. Mësojmë të vlerësojmë kohën pasi pjesa më e madhe e saj ka kaluar, mësojmë vlerën reale të dashurisë përgjithësisht pasi e kemi humbur atë. Mësojmë të falim pasi njerëzit nuk janë më. E shpesh ndodh që i falim të gjithë, përveç vetes. E gjithë kjo tablo është në një farë mënyre vetë tragjedia e jetës, në labirintet e së cilës kalojmë çdo ditë, në qoshes e së cilës ndonjëherë ngecim e është vështirë edhe të dalim prej tyre.

Doja të sillja një pjesë të vetes në këtë libër duke qenë e bindur se vepra më madhore e njeriut në këtë jetë është vetë njeriu dhe të qëndrosh i tillë pavarësisht fateve e sprovave të vështira në të cilat jeta na përplas. Në emër të dashurisë, duke mos mundur t`i fal botës mundësinë ta shohë veten me sytë e mi e ta dojë veten siç unë do të doja që ajo ta donte, vendosa të derdh dashurinë e një pjesë të dhimbjeve të mia në fletët e këtij libri. Ndoshta dikush do të gjejë veten në rradhët e tij, ndoshta një tjetër do të gjejë përgjigje për pyetjet që ka, një tjetër do të gëzohet që nuk ka provuar dhimbje, tronditje a dashuri kaq të forta në jetën e tij e do ta quaj veten me fat o ndoshta dhe të pafat.

Jam rrëfyer më dashuri siç do të bëja një pasdite të gjatë vjeshte a pranvere nëse do të isha përballë teje, me një kafe a çaj të ngrohtë përpara duke biseduar për jetën, njeriun, lumturinë e dhimbjen.

Me dashuri,
Ervina

25/09/2024

Gëzim Zilja/ Të gjitha shtetet e pavarura në Republikën e Shqipërisë.

1.Shteti në proces i Baba Mondit Hodhi një i çmendur një gur në lumë, futen njëqind të mençur e nuk e nxjerrin dot. U fol mbrëmjen e të hënës, në ekranet e

25/09/2024

Duke kujtuar Odhise Grillon ( 21 mars 1932 - 24 SHTATOR 2003), shkrimtarin e madh te “zemrave te vogla” ne pervjetorin # 21 te largimit nga jeta.

Odhise Grillo, ky "Xhani Rodari" shqiptar, ishte nje nga shkrimtaret me te dashur dhe me te talentuar te letersise per femije.

Mbi 120 libra për fëmije ne proze, poezi, studime kritike dhe te tjera, mbajne nenshkrimin e autorit te shquar nga Vunoi.

"Kryefjala e fjalëve"

I mora A-në atit,
në të ishte dhe nëna,
i mora T-në tokës,
në të ishte dhe zemra,
i mora D-në detit,
në të ishte dhe qielli,
i mora H-në hënës,
në të ishte dhe dielli,
i mora E-në erës,
në të ishte dhe shiu,
i mora U-në ujit,
në të ish dhe njeriu...
I lidha të gjitha bashkë
dhe si ylber shkëlqeu
e para kryefjalë
e fjalëve :
ATDHEU!

Nga Saimir Kadiu

25/09/2024

Gjeneral ®️ Piro Ahmetaj:
Teknologjia “Deepfake”, impaktet mbi Sigurinë Kombëtare.
Lista e oportuniteteve si dhe rreziqeve të sigurisë, jo vetem është e ndërvarur por po dominohet gjithnjë e më shumë nga zhvillimet e industrisë elektronike. Po cfarë është konkretisht dhe si funksionon teknologjia “Deepfake” ? Cilat janë oportunitetet që ofron si dhe rrezikshmëritë që mbart “Deepfake” ?
Kush janë disa raste/skenarë të ndryshëm të përdorimit apo dhe të shpërdorimit të saj ? Si mund të dallohet një video reale nga një video-fake (?); si mund të përballet Institucionet, shoqëria dhe qoftë dhe individi me “DeepFake” ? Si mund të përballet bota, rajoni, vendet, dhe Shtetet nga këto rreziqe si dhe mire adresojnë oportunitetet ? Cila është ardhmja e saj? Këto e shumë pyetje të tjera do të jenë subjekt i këtij shkrimi që po trondit botën dhe që pritet të ketë impakte edhe me të mëdha.
Një histori e shkurtër e shpikjes së “Deepfake”. Termi "deepfake" është një kombinim i fjalëve "deep learning" (mësim i thelluar) si dhe "fake", pra fals, ose jo e vertetë. Kjo teknologji e re filloi të marrë vëmendje në vitin 2017, kur një përdorues i forumit online Reddit filloi të postonte video të rreme të krijuara përmes një teknike të re të Inteligjencës Artificiale (AI). Këto video, që dukeshin tërësisht autentike, por në fakt ishin të manipuluara, ishin fryt i algoritmeve të sofistikuara në rrjetet artificiale duke i mbivendosur fytyrat e njerëzve perfshi Kryetare Shtetesh, personalitete, gazetare te njohur, etj në video të ndryshme.
Origjina e “Deepfake” mund të gjurmohet tek avancimet në fushën e "deep learning", një degë e inteligjencës artificiale që fokusohet në ndërtimin e modeleve që mund të mësojnë nga të dhënat për të kryer detyra specifike. Në thelb, teknologjia përdor një lloj rrjeti nervor të quajtur "rrjete gjenerative kundërshtare" (GANs), që përbëhet nga dy rrjete: një rrjet "gjenerues" që krijon përmbajtje të re dhe një rrjet "diskriminues" që përpiqet të dallojë nëse përmbajtja është e vërtetë apo false. Kjo marrëdhënie konkurruese mes rrjeteve lejon krijimin e imazheve dhe videove që janë gjithnjë e më të besueshme.
Si funksionon “Deepfake” ? E thënë më qartë, “Deepfake” bazohet në përdorimin e inteligjencës artificiale dhe "mësimit të thellë" për të analizuar dhe riprodhuar fytyra, zëra dhe lëvizje në mënyrë të tillë që të duken reale. Procesi fillon me mbledhjen e një numri të madh imazhesh ose videosh të personit që do të përdoret si model. Këto të dhëna pastaj përdoren për të trajnuar një model të mësimit të thellë që mund të gjenerojë fytyrën e këtij personi në kontekste të ndryshme.
Softuerët për krijimin e Deepfake përfshijnë ndër të tjera: Nga viti 2017 janë përmirësuar ndjeshëm softuerët (sistemet elektrinike) për gjenerimin e teknologjisë “Deepfake”. Më të përdorurit deri tani janë: FakeApp: Një nga programet e para të krijuar posaçërisht për “Deepfake”, që u bë shumë popullor në vitin 2018. Faceswap: Një projekt me kod të hapur që lejon përdoruesit të shkëmbejnë fytyrat në video duke përdorur qeliza dhe rrjete nervore të thella. DeepFaceLab: Një tjetër mjet i fuqishëm që përdoret për krijimin e Deepfake dhe që është i popullarizuar në komunitetin online. Është për tu theksuar që teknologjitë e Deepfake po zhvillohen me shpejtësi të paparashikueshme...
Përdorimi ne ditet e sotme i Deepfake. Në fillim, “Deepfake” u përdor kryesisht për argëtim, me përdoruesit që krijonin video humoristike duke manipuluar imazhe për efekte vizuale. Megjithatë, me kalimin e kohës, përdorimi i kësaj teknologjie u zgjerua dhe u diversifikua. Aktualisht, “Deepfake” po përdoret me sukses në disa fusha:
• Në Industrinë e Filmit dhe Argëtimit: “Deepfake” po përdoret për të gjeneruar efekte vizuale, për të ringjallur aktorë të vdekur ose për të ndryshuar pamjen e aktorëve pa pasur nevojë për makiazhe ose animacione. Të gjithë kemi parë filma me skena dhe efekte speciale që janë realisht të pamundura. Sot këto efekte bëhen të mundura falë përdorimit të teknologjisë Deepfake.
• Në Marketing dhe Reklamim: Kompanitë po përdorin Deepfake për të krijuar fushata marketingu më të personalizuara dhe për të përmirësuar përvojën e klientit.
• Në Arsimim: Disa institucione arsimore po eksplorojnë përdorimin e Deepfake për të krijuar materiale mësimore më tërheqëse dhe interaktive.
Disa raste konkrete të “Deepfake”: Megjithëse “Deepfake” ka potencial të madh për të sjellë inovacione pozitive, ekziston një anë e errët e kësaj teknologjie që nuk mund të injorohet. Një nga rreziqet më të mëdha është përdorimi i saj nga individë ose grupe me qëllime të këqija. Për shembull, liderët politikë ose figurat publike mund të bëhen viktima të videove të rreme që i portretizojnë ata duke thënë ose duke bërë diçka që nuk e kanë bërë kurrë ose në forma me sens pexhiorativ.
Ka pasur disa raste të bujshme të përdorimit të Deepfake që kanë nxitur diskutime të gjera. Disa prej tyre që kanë lënë gjurmë kohët e fundit, janë:
P.sh, video të tilla manipuluese dhe shantazhuese ndaj kryeministrit Rama mund të shihen në YouTube në sitin https://www.youtube.com/watch?v=PPi-umUdaNI apo ndaj kryeministres Meloni në https://www.youtube.com/watch?v=D7BrX99USQw etj, apo edhe ato të liderëve të vendeve të NATO-s me kallash në dorë si luftënxitës. Po ashtu edhe ndaj kryeministrit Kurti të Kosovës, të cilat mund ti gjenden lehtësisht ne rrjetet sociale.
Videot Deepfake nuk i kanë shpëtuar as presidenti Biden, apo kryeministri Trudo, si dhe Putini apo Kim Jong Un, aktorët Morgan Freeman apo Tom Cruise, Mark Zuckenberg, Elon Musk, etj. Në një botë ku lajmet përhapen me shpejtësi përmes mediave sociale, një video Deepfake e krijuar me cilësi mund të ketë pasoja të rënda, duke përhapur dezinformim dhe shkaktuar konflikte politike ose ushtarake midis vendeve.
Gjithashtu, Deepfake mund të përdoret në sulme ndaj privatësisë së individëve. Krijimi i videove të rreme pornografike me figura publike apo njerëz të zakonshëm është një shembull i tmerrshëm i kësaj teknologjie. Përdorimi i Deepfake për shantazh, përhapjen e informacioneve të rreme ose për të manipuluar opinionin publik është një sfidë serioze për shoqëritë moderne.
Një video e rremë e presidentit të SHBA: Një video Deepfake u publikua në internet, duke treguar presidentin amerikan që shpallte një politikë të shpifur radikale. Kjo video u zbulua se ishte e rreme, por vetëm pasi kishte shkaktuar një debat të madh publik dhe një alergji për presidentin. Një video të tillë mund ta shikoni në Youtube në sitin: https://www.youtube.com/watch?v=AmUC4m6w1wo&t=13s
Fushata elektorale: Në disa vende, teknologjia Deepfake është përdorur gjatë fushatave elektorale për të manipuluar pamjet e kandidatëve politikë, duke krijuar imazhe të rreme që ndikonin në perceptimin publik, duke dhënë shije negativiteti për ta, dhe deri në përmbysje të rezultatit të votës së lirë e shoqëruar me revolta popullore që nuk dihen si përfundojnë. Ju mund ta verifikoni këtë fakt në: https://www.youtube.com/watch?v=B4jNttRvbpU&t=226s
Mashtrime financiare: Në disa raste, deepfake është përdorur për të manipuluar videot e drejtuesve të kompanive të mëdha, duke çuar në mashtrime financiare dhe humbje të mëdha për kompanitë dhe individët. Kjo ka çuar në përplasje të mëdha të bankave me bizneset e mëdha ku bëhet fjalë për transferta tepër të mëdha dhe çështje që kanë përfunduar në gjyq. Mund ta shikoni një video të tillë në sitin: https://www.youtube.com/watch?v=3tI_4QzyhE8
Tre skenarë të mundeshem/hipotetikë “Deepfak”:
Skenari 1. Shpërndahet një video “Deepfake” ku Putini deklaron se Rusia i ka shpallur luftë Amerikës dhe NATO-s duke e akuzuar ato për furnizimin me armë të Ukrainës. Në video qe duket si reale, Putini thotë se ka aktivizuar lëshimin e mbushjeve bërthamore drejt 32 kryeqyteteve të vendeve të NATO-s, perfshi (ose) përjashto SHBA. Bota dhe institucionet e sigurisë globale, Rajonale, dhe Kombëtare do te futeshin në një kaos të vërtetë. Qytetërimi dhe qytetarët do presin me ankth çfarë do të ndodh më tej...
Skenari 2. Është mbrëmja e datës 4 Nëntor një ditë para zgjedhjeve elektorale ne SHBA. Është ditë heshtjeje elektorale. Po këtë mbrëmje, CNN, Fox News dhe YouTube shfaqin në televizion një video ku del ish Presidenti Trump i cili thotë që jep dorëheqjen nga gara elektorale. I gjithë elektorati i tij, që e kishte ndjekur me besnikëri gjatë fushatës elektorale, është esktremisht i zhgënjyer dhe i revoltuar. Çfarë ka ndodhur me të? Të gjithë janë në pritje se ç’mund të ndodh më tej. Koha është tepër e kufizuar. Një kaos i vërtetë në vendin simbpl te besimit te demokracisa botërore !
Skenari 3. Në një video që doli para një viti në Ukrainë, shohim Presidentin Zelenski që u bën thirrje trupave ukrainase të dorëzojnë armët dhe të vihen në dispozicion të forcave Ruse. Kjo video krijoi jo pak pështjellim në Ukrainë dhe forcat e armatosura mbi vërtetësinë e saj. Pas analizës së bërë nga ekspertë të NATO-s, doli se kjo video ishte Deepfake dhe ishte prodhuar nga Rusët për të krijuar konfuzion në Ukrainë. Ata që janë të interesuar, mund ta shikojnë këtë video në sitin e mëposhtëm në Youtube: https://www.youtube.com/watch?v=X17yrEV5sl4
Morëm vetëm tre skenarë të mundshëm, por si skenarët e mësipërm mund të imagjinohen me dhjetëra skenarë të tjerë me peshe globale, në rajone të brishta të Ballkanit perendimor, apo kombetare Ky rajon, sa të dalë e vërteta, mund të ndizet shumë shpejt, dhe situata mund të precipitojë deri ne masen ekstreme qe nuk mund të ketë kthim prapa. Duhet të përgatitemi seriozisht edhe për raste të tilla që vijnë nga zhvillimi i vrullshëm i teknologjisë së informacionit dhe “ddepfake.
Po si mund të identifikohet/dallohet një video Deepfake? Në fillesat e saj shumë video “Depfake” mund të dalloheshin edhe me sy të lirë, por kohët e fundit ato janë sofistikuar shumë. Tani gjithmonë e më shumë, ka shumë raste që videot bëhet aq origjinale sa edhe ekspertët më të mirë me vështirësi e dallojnë atë.
Ekspertët që e kontrollojnë autenticitetin e një video për DeepFake duhet të jenë më të mirë se ata që e kanë krijuar atë dhe duhet të përdorin teknologji më të mirë se prodhuesit e tyre. Sot mund të bësh video për këdo dhe mund të shkaktosh dëme të konsiderueshme për individin, shtetin apo deri sa të krijosh trazira dhe konfuzion në nivel global.
Është e pafundme imagjinata njerëzore për të krijuar video me përmbajtje të rrezikshme e për të shkaktuar dëme të paimagjinueshme. Për efekte të tilla, shikoni videon në sitin e mëposhtëm: https://www.youtube.com/watch?v=aPTnq_1hWDE
E ardhmja e “Deepfake”. E ardhmja e “Deepfake” mbetet e pasigurt dhe varet shumë nga mënyra se si shoqëria do të zgjedhë të përballet me këtë teknologji. Sic e permendëm me lartë, në një anë, “Deepfake” ka potencialin për të revolucionarizuar industrinë e argëtimit dhe të marketingut, duke sjellë përvoja më të personalizuara dhe të sofistikuara për përdoruesit. Në anën tjetër, rrit rreziqet për privatësinë, sigurinë dhe demokracinë janë të konsiderueshme. Ka një nevojë urgjente për zhvillimin e paketes ligjore, rregullave të perdorimit si dhe teknologjive mbrojtëse që mund të identifikojnë dhe ndalojnë përhapjen e përmbajtjeve “Deepfake”. Ky vit dhe ai në vijim janë një vit zgjedhor në shumë shtete të botës.
Vetëm para dy ditësh shteti i Kolorados në SHBA i parapriu me një ligj ndaj rasteve Deepfake në zgjedhjet e 5 Nëntorit. https://www.youtube.com/watch?v=FLkNgUfx0xo . Ky ligj parashikon masa të rrepta atyre që abuzojnë me këtë teknologji. Po ashtu, ai përfshin masa për përdorimin e algoritmeve të zbulimit të Deepfake, rritjen e edukimit publik për rreziqet e kësaj teknologjie dhe forcimin e masave parandaluese për të mbrojtur viktimat e abuzimit me Deepfake.
Në përfundim, teknologjia “Deepfake” është një thikë me dy presa që mund të sjellë përfitime të mëdha, por që mund të paraqes edhe rreziqe të mëdha për shoqërinë. Rritja e ndërgjegjësimit dhe zhvillimi i masave mbrojtëse janë kyçe për të siguruar që “Deepfake, ose videot e rreme” të përdoret në mënyrë të përgjegjshme dhe etike në të ardhmen. Po ashtu, krijimi i mekanizmave dhe një grupi ekspertësh që të menaxhojnë situata “Deepfake” mbetet i domosdoshëm.
Nuk ka kurrësesi as vende as shtete imune, pasi “Deepfake” nuk afekton vetëm Amerikën, Wall Street-in apo Hollywood-in. Prandaj edhe dy shtetet sovrane (RSh dhe R.Kosovës) të një kombi të vetëm, nuk kanë kohë për të humbur, por duhet të mendojmë dhe veprojnë qysh tani, jo kur apo pasi të ketë ndodhur diçka.
Autori: Gjeneral ®️ Piro Ahmetaj:
Ekspert për SK, Rajonin dhe NATO-n,
Zv/President i Këshillit të Atlantikut; & ish:
Këshilltar për Sigurinë Kombëtare në PD,
Këshilltar i Presidentit të RSh; Zv/ShShPFA,
Përfaqësues Ushtarak në SHAPE/NATO.

24/09/2024

Emanuel Pjetri : Sot datë 24.09.2024 shikoni se ça kushtesh sigurie ka kjo urë që lidh dy fshatrat Qelëz dhe Buzhalë në Pukë 🥺

24/09/2024

Belind Këlliçi u drejtohet shqiptarëve të Miçiganit: Votoni Nik Gjonaj !

Shqiptaro Amerikanët e Michigan këtë rradhë kanë mundësi të bëjnë historinë!

Duke votuar për Nik Gjonajn për pozicionin e Kryetarit të Oakland (Oakland County Executive), do votoni për shqiptarin me pozitën më të lartë të një prej rajoneve më të pasura të Amerikës!

Kemi dhe vetëm 42 ditë për të bërë NDRYSHIMIN e madh!

Ftoj çdo Shqiptar të Michiganit, të mbështesë fuqishëm Nikun në këtë garë historike për të gjithë ne 🇦🇱🤝🇺🇸

24/09/2024

Eliona Kodra Shkreli : Shkodra Benetiane…

Shkodra që përmbytet në kohë Rilindje…

Shkodra e Ndërmarrjes së Ujësjellës Kanalizimeve që rrit çmimin e ujit pavarësisht se shërbimet që ofron janë këto që duken e që s’kanë nevojë për komente!

Shkodra me disa orë reshje të rrëmbyeshme, u bë Venecia e pakalueshme sepse Benetiani i Parë, nuk e ka parashikuar se ardhja e Tij në krye të Bashkisë kërkon edhe gondola në rast reshjesh.

Premtoi shumë, s’bëri asgja…Fjalë elektorale dhe punë aspak. Rrit numrin e punonjësve në emër të shërbimit më të mirë ndaj qytetit dhe banorëve. Punëson rilindas, fryn administratën, më shumë para të buxhetit për rrogat e patronazhistëve dhe më pak para për investime dhe shërbime.

Shkodra noton në ujë dhe uji hyn edhe në banesa. Askush s’përgjigjet për dëmin, rëndësi ka vetëm fasada dhe propaganda që rilindasit Benetianë dinë ta bëjnë mjeshtërisht por harrojnë vetëm një detaj…

Shkodra s’fal dhe godet në ditën më të pamendueshme. Shkodra din gjithmonë me ba’ ndryshimin ashtu në heshtje…2025-a do jetë goditja fatale e kryebashkiako-deleguesit and CO!

24/09/2024

Refik Hasani/Për IDENTITET dhe DINJITET

Dje, shqiptarët nga Presheva, Medvegja dhe Bujanoci në mënyrë paqësore realizuan marshin protestues në qendrën e qytetit në Preshevë , "PËR IDENTITET dhe

24/09/2024

Alfred Duka/ HOXHA I HALLARATIT

Tregim September 24, 2024

24/09/2024

Presidentja e Kosovës, Vjosa Osmani takohet me çiftin Klinton në Nju York

Postimi i Osmanit në rrjetet sociale:
Faleminderit, President Clinton dhe Sekretare Clinton, për gjithçka që keni bërë dhe vazhdoni të bëni për Republikën e Kosovës!

Liria e popullit tonë mbanë edhe vulën e kontributit tuaj të pakrahasueshëm! 🇽🇰🇺🇸

24/09/2024

Ligji i parë i komuniteteve fetare në Shqipëri, shpallur më 14.6.1923. Përcaktimet janë te neni 2.

Kastriot Dervishi

24/09/2024

Regjistrat hipotekor dhe hartat e perditesimit me azhornime dhe regjistrime, drejt zhdukjes...

Edhe Drejtoresha e re e ASHK, si fotokopje e pararendesve vijon punen me takime dhe konsultime, sa me AKSHI-n, dhe sa me aktor te tjere qe ingranohen per te kapur tenderin e rradhes, ne funksion te zevendesimit dhe ngritjes se sistemeve dixhitale.

Zonja Goxhobelli me e rendesishme se sa tenderimi i nje sistemi te ri eshte:
Shpetimi i regjistrave hipotekor pasi çdo flete i perket nje prone.
Shkaterrimi i kulles se Lames, si instrument taksidari.
Decentralizimi i sherbimeve teknike (m***e, genplane, planimetri) tek studiot private te liçencuara
Dhe hartimi i nje manuali teknik per percaktimin e standarteve teknike.

Shoqata e Gjeodeteve

24/09/2024

A ndihmon limoni për gurët në veshka...???

Një limon i plotë përmban 139 përqind të dozës së rekomanduar të vitaminës C. Kjo e bën limonin, një prej agrumeve më të mira për shëndetin e organizmit.

24/09/2024

Kuriozitete nga jeta e Ernest Heminguej.

- Ernest Heminguej shkruante shumë letra, rreth 7500 të tilla që përmblidhen në 16 vëllime.
- Babai i tij ishte mjek, nëna muzikante.
- Ishte pijanec klasik "i rëndomtë".
- Vrau vehten si i jati dhe gjyshi
- E urrente të emën
- Punoi si shofer autombulance në kryqin e kuq.
- Luftoi me armë në dorë në luftën e parë.
- U plagos në luftën e parë.
- Ishte spiun i CIA-s
- Profesioni i tij ishte gazetar, raportet.
- U martua pesë herë
- Pëlqente gjuetinë, peshkimin, boksin, skitë, luftën me dema, qentë dhe macet.
- Kishte të dashur Ingrid Bergman
- Mori çmimin "Nobel".
- Ishte mik i ngushtë i Erza paund dhe James Joyce dhe Gertrudë Stein

Shkroi më se 30 romane dhe novela.
Kryeveprat e tij.
- Lamtumirë Armë.
- Plaku dhe Deti
- Për kë bien kambanat.
- Të kesh e të mos kesh
- Dëbora e Kilimanxharos.
Etj.

Mblodhi Shkëlqim Gjoçuka.

24/09/2024

Shembulli/ Familja Camaj në New York takohen çdo vit mes kushërinjve për të ruajtur gjuhën dhe traditat shqiptare

Nga Gjok Vuksani

Familja e madhe Camaj takohen në New York , ata janë integruar plotesisht në USA duke shkelqyer në shkence , mjeksi dhe biznes.
Tre breza të malsoreve që jetojne në kryeqytetin e botes takohen cdo vit me njeri-tjetrin duke njohur fëmijet dhe nipat duke ruajtur gjuhen dhe traditat e tyre .
Krenar që i perkas kësaj familje patriotike.
NEW YORK Shtator 2024

24/09/2024

Xhelal Mziu/ Bulqizë–Banorët e Zerqanit në protestë për gjendjen e rrugëve

🆘️ Qeveria e rilindjes asnjë investim nuk ka bërë në njësinë administrative Zerqan. 🆘️ Banorët e shtatë fshatrave të Njësisë Administrative Zerqan, në

24/09/2024

Lazer Stani/ Frëngjishtja Hyjnore

Zonjusha është ulur në kolltukun përballë meje dhe vazhdon të flasë në telefon. Nuk e di se më kë flet dhe as çfarë thotë. Biseda bëhet në një gjuhë të

24/09/2024

Mallakastër/ Thahet rezervuari i Çorrush*t, fshatarët mbledhin peshkun nëpër baltë.

Është tharë edhe rezervuari i njohur që ndodhet midis fshatrave Kutë dhe Çorrush në Mallakastër.

Një ujëmbledhës artificial me një sipërfaqe afro 16 ha dhe që mbledh ujërat e përrenjve të zonës.

Ky liqen, dikur ujiste qindra hektarë tokë bujqësore, por në të njëjtën kohë, në ujërat e tij kultivoheshin disa specie peshku të ujërave të ëmbla.

Në këtë verë dhe muajin e parë të vjeshtës, liqeni përfundimisht është tharë. Ka mbetur vetëm një vatër uji ku përpëliten e po japin shpirt peshqit dhe ngjalat që e gjallonin.

Sot, dhjetëra fshatarë ishin zhytur në llumin e liqenit dhe po nxirrnin peshk.
Teksa shihnim peshkun e nxjerrë në breg, dallohej se pesha e tyre ishte mbi 8-9 kg mesatarisht.

Simbas tyre, peshku është ballëgjerë dhe pendëkuq.

Prania e tij në liqen mbante aktive dhe ushqente një sërë speciesh të tjera.

24/09/2024

Lugina e Vjosës në Mallakastër mbulohet nga tymi i zi

Sikurse duket në video, Lugina e Vjosës në zonën e Cakranit është mbuluar nga një shtëllungë e pandërprerë tymi të zi.

Askush nuk dinte çfarë digjej në përmasa të tilla, por edhe pse filmuar nga disa kilometra larg dukej që nuk ishte zjarr në bimë arash, pemtore apo pyll.

Gjithësesi bloza e zezë kishte pushtuar luginën e Vjosës dhe erërat e shtynin drejt fshatrave të zonës së Cakranit

23/09/2024

Çfarë tha Baba Reshat Bardhi në lidhje me Bektashizmin/ Mal Berisha: NJË FARË EGJRE ANTI-KOMBËTARE E MBJELLUR NË STAMBOLL NË VITIN 1993 DUKET SE NA MBIU TANI, NË VITIN 2024.

SHTETI I “BEKTASHINJËVE” BRENDA SHQIPËRISË?! September 23, 2024

23/09/2024

KONVERTIMI NE NJE FE ?
Ttruimfoi toleranca fetare....

SHEFQET DELIALLISI

Është interesant dhe i pak-përmendur fakti se kthimi i shqiptarëve në një fe të vetme, është parë si mundësi, kur Peranoria Osmane po shpërbëhej.
Edhe më interesant : si fe e përbashkët ishte menduar krishtërimi protestant.
A ishte ky konvertim i mundur ?
Sipas mbështetësve të kësaj teze, pse jo. A nuk e kishin ndryshuar edhe më parë shqiptarët fenë ? A nuk i kishin shqiptarët rrënjët e tyre në Europë ? A nuk ishin shkëputur ata forcërisht prej saj ?
Për më tepër, shqiptarët kishin dhënë prova se pragmatizmin e kishin më të fortë se ndjenjën fetare. Le të kujtojmë, këmbënguljen e Mbretit Zog, vite më vonë, për tu martuar me çdo kusht me një europiane të krishterë...
Pra shqiptarët e shihnin, se interesi i tyre ishte në Europën e krishterë, të pasur e të fuqishme.
Shqiptarët e dëshironin fort kthimin në Europë, por a i pranonte Europa e krishterë me fetë që ata kishin ?
Në Librin “Brenga e Ballkanit” Edith Durham shkruan (F81) :
“ Elbasani ka rreth 10 mijë banorë, më shumë se gjysma janë myslymanë. Të krisherët janë ortodoksë.... Patriotizmi në këtë zonë është i zjarrtë dhë qëndron mbi të gjitha doktrinat fetare. Nga ç’pashë e dëgjova mora vesh se me t’u çliruar nga zgjedha turke fshatra të tëra, që tani e mbanin veten për myslymanë do të ktheheshin në të krishterë....”
Por problemi s’mbaronte këtu. Vërtetë do të ktheheshin në të krishterë, por çfarë, të krishterë Ortodoksë apo Katolikë ?
Durhami vazhdon :
“Shumë të krishterë e quajnë veten katoloikë, duke thënë se prapa kishës ortodokse qëndronte Rusia dhe Greqia, pra tirania; kurse prapa Romës qëndronin njerëz të mësuar në Perëndim dhe qytetërim... “
Por vështrimi ishte hedhur edhe përtej ortodoksisë dhe katolicizmit. Propozohej Protestanizmi, duke menduar se do të pranohej më lehtë mbasi ishte fe që nuk i përkiste asnjërit prej të tre komuniteteve fetare.
Sot, ideja për kthim e shqiptarëve në të krishterë protestantë mund të duket e çuditshme. Por... a s’ishte vetë Europa disa vite më vonë që përzgjodhi mes kandidatëve për mbret të shqiptarëve, si më të përshtatshmin, princ Vidin, pikërisht se ishte i krishterë protestant ?
Pra, protestanizmi parapëlqehej. Askush nga komunitete fetare s’do të ndjehej superior. Askush s’do të ndjehej i lënduar.
Sigurisht që s’ishte vetëm kjo. Protestanizmi pëlqehej edhe se ishte fe e vendeve të fuqishme dhe shumë të zhvilluara perëndimore.
Le të kthehemi prapa në kohë....Elbasan, viti 1908. Dy misionarë të Shoqërisë Biblike, njëri amerikan, Charles Teleford Erikson, dhe tjetri shqipatro-amerikan, Grigor Cilka, ndodheshin në Shqipëri. Misioni final : përhapja e protestanizmit. Për të lehtësuar misionin e tyre, si hap të parë ishte menduar themelimin e shkollave shqipe. Botimin dhe përhapjen e librave shqipe. Përhapjen e Ungjillit, tashmë të përkthyer shqip nga Kristoforidhi, dhe hap pas hapi, kthim të shqiptarëve në të krishterë protestantë...
Është fakt i njohur se misioarët e Shoqërisë Biblike, motrat dhe vllezërit Qiriazi, Grigor Cilka etj, etj u investuan fort për pëhapjen e gjuhës shqipe, në Kongresin e Manastirit e më tej.
Por le të khehemi në Elbasan në vitin 1908. Në librin e tij ”Shqiptarët-Enigma e Ballkanit “ misionari amerikan, mik i shqiptarëve, Erikson shkruan :
“Njeri prej burrave më të mëdhenj të Shqipërisë, Aqif Pasha i Elbasanit, një burrë i jashtzakonshëm, me karakter të patundur, me ndikim në tërë Shqipërinë, si mbi myslymanët edhe të krishterët, më thirri një ditë dhe më dha një prej mësimeve më të vështira që kam marrë ndonjëherë në jetën time:
‘ Unë e di që ju keni ardhur në Shqipëri për të bërë punë të mira, për t’i edukuar shqiptarët dhe aftësuar ata që të jenë më pak fanatikë dhe të urrehen më pak me njeri tjetrin. Nëse ju do t’ia arrini kësaj, ne mund të dalim të zgjidhim problemin më të madh që ka vendi ynë. T’u jepet shqiptarëve vetëm një fe, dhe kështu të bashkonen në një vllazëri shpirtërore. Por, për të arritur këtë ju duhet të përfitoni nga rasti i kësaj mundësie të jashtëzakonshme që na është dhënë në këtë kohë që po flasim, kur udhëheqsit tanë kudo që janë, e dinë nevojën e menjëhershme dhe janë përgatitur të punojnë dhe sakrifikojnë për të. Do të ishim të pashpresë nëse presim që cilado prej të tri feve të vjetra që gjëndetn këtu, ajo muhamedane, e krishterë romake apo ortodokse, të përfshijë dy të tjerat dhe shqiptarët të bashkohen në një fe të vetme. Kanë ndodhur aq shumë gjëra të panevojshme, përplasje deri në gjakderdjhje midis tyre; ka patur përzierje të panevojshme të politikës nga jashtë në këto ngatrresa, me qëllim thartimin e këtyre mardhënive midis shqipëtarve, bazuar në dallimet fetare, deri në nxitje vllavrasaëse. E gjithë kjo e ka patur si qëllim ta bënte bashkimin tonë të pamundur.
Protestanizmi mund ta mundësojë këtë, sepse ai është i lirë nga këto pengesa dhe nxit arsimimin, lirinë politike dhe fetare, drejtësinë shoqërore, të gjitha këto që neve na nevojiten kaq shumë. Por ju duhet t’i bindeni maksimës amerikane;” koha është flori”… ..(f113)
Zëri i pashait atdhetar, që i përkiste fesë muslimane (sektit bektashi) nuk ishte i vetmuar. Siç ai vetë thekson: “udhëheqsit tanë kudo që janë, e dinë nevojën e menjëhershme dhe janë përgatitur të punojnë dhe sakrifikojnë për të(konvertimin). Një prej tyre ishte edhe Lef Nosi një tjetër atdhetar i shquar. Ja ç’shkruan Eriksoni në librin e tij :
“Lef Nosi, pjestar i kishës Ortodokse Greke gjithshtu më pat thënë : ‘Ne e dimë që ju e keni ilaçin e duhur shërues, që po t’i jepet popullit tonë, do t’ia shpëtojë jetën. Por çfarë po bëni ju për këtë ? Ju vetëm sa na e tregoni atë. Kur ju kërkojmë ta hapni dhe të na e jepni ta pimë, ju thoni prisni pak, se ende nuk jeni gati. Ne po vdesim.. Nëse vërtet na doni të na ruani, hapeni barin shërues të sëmundjes dhe na shëroni. Nëse nuk e bëni këtë , ju lutem, na lini të provojmë diçka tjetër ose na lini të vdesim në paqe”.(f114)
Megjithatë, projekti për kthimin e shqiptarëve në një fe të vetme, të krishterë protestantë, nuk eci. Duket ideja ishte utopike. Duket shqiparët ishin të pa përgatitur. Shtetet fqinje, me pretendimet e tyre ndaj Shqipërisë ishin një pengesë serioze. Atyre i interesonte të ruhej status quo fetare në mënyrë që përçarja mes shqiptarëve të pegonte bashkimin në një shtet.
Ja si e përshkruan situatën në Shqipëri gazetari amerikan i “ The Chicago Daily News” Paul Scott Mowrer, në shkrimin e tij “ Shënime udhëtimi” publikuar në Gazetën Ilustracion në 29 Mars 1913. Ishte koha kur serbët kishin dalë në detin Adriatik pasi kishin pushtuar një pjesë të Shqipërisë :
“Feja në Ballkan shihet nga dy këndvështrime : në aspektin shpirtëror dhe atë politik. Nga ana shpirtërore dua të besoj se krerët e të gjitha besimeve dhe sekteve aspironin shpëtimin e shpirtrave, por nga ana politike, këta njerëz tregoheshin mjaft xhelozë për njeri tjetrin. Shqiptarët muslimanë, si të pa interesuar për këtë çeshtje, na siguruan se peshkopi ortodoks grek i Durrësit, kishte kohë që nxiste urrejtje kundër Eriksonit dhe Cilkës. Ky peshkop do të kish dashur në fakt që krisanizimi, në rast se duhej të përhapej në Shqipëri, të përhapej nën mbrojtjen e mbikqyrjen e tij. Meqenëse feja ortodokse greke ishte dhe fe e shtetit serb, qeveria e Beogradit e cila ishte mjaft e lidhur me besimin fetar, ndaloi rreptësisht krijimin dhe ushtrimin e një besimi tjetër. Sapo Peshkopi i Durrësit mësoi se serbët hynë në Elbasan, u nis për atje dhe të nesërmen Cilka u arrestua”
Vite më vonë këtë orvatje e përmend një tjetër atdhetar mendje hapur, Hamid Gjylbegaj, në libërthin “Kopje Origjinale” botuar në Shkodër, në vitin 1931, në shkrimin me titull ‘Verejtje Historike’ ai shkruan:
“Asht nji e vërtetë e pa-mohueshme se, veprat kryesore të ndijertit Zotni Kristoforidhit, …e vertetojnë faktin historik se Kisha Orthodhokse e ka pasë humbun gjuhen amtare të veden, e ka kenë bam kamb-e-krye, Ruso-Greko-bizahtine.Shi për ket arsye, dashamirja e Kombit t’onë, Anglia, tuj e para-pa rrezikun qi na kercnohej, asht mundue ç’me kohë me e shkoqë Kishen Orthodhokse të Shqipnis prej duerve të forta të Panslavizmit, e madje prandej Zotnis të naltpërmendun i ka pasë pague nji rrogë, sidomos për ato kohë, mjaftë të majme për e përkthye Unjillin e me bamun fjalorin shqip, origjinali i të cillit, mjerisht, ende sot gjindet i sh*tun n’Athinë!...Pra, kish t’ishte pas përhapun gjuha amtare ç’me kohë, e bashkë me kte edhe propaganda e fillueme e Protistanizmit, ndoshta do t’iu ishte pas mrritun qellimit në skaj të vet; por, për deri tash, çka u pa me sye e u ndi me veshë, puna na diftoj të kunderten...”
Shqiptarët nuk u kthyen dot në një fe të vetme. Duket kjo ishte e pamundur. Ashtu siç i pamundur rezultoi dhe “konvertimi” me dhunë në një “pafe” të vetme, ateizëm, që diktatura komuniste tentoi ta bënte gjithashtu. Sapo diktatura ra, shqiptarët u rikthyen te tre fetë e mëparshme...
Gjithsesi shqiptarët ja arritën të krijojnë shtetin Shqiptar, ndonëse mjaft të cunguar. Pengesën e tre feve të ndryshme, ata e tejkaluan nëpërmjet gjuhës së përbashkët dhe... tolerancës fetare. Kombi shqiptar mbijetoi, dhe duke u forcuar, hap pas hapi, po shkon drejt bashkimit, në Europën e bashkuar....

(Gazeta MAPO 07.01.2015)