Portali Shkodra Sot

11/12/2025

Më 11 dhjetor 1936, në sallën “Rozafa” të Shkodrës, jehona e një zëri të papërsëritshëm mbushi mbrëmjen.

Sopranoja Tefta Tashko Koço, një nga figurat më brilante të skenës shqiptare, solli një recital që u kthye në ngjarje artistike. Ajo u shoqërua në piano nga mjeshtrja Lola Aleksi, duke krijuar një harmoni të përsosur mes vokalit dhe instrumentit.

Programi përfshinte këngë klasike dhe shqiptare, një kombinim që i dhuroi publikut shkodran elegancë, emocione dhe traditë të pastër artistike.

11/12/2025

Presidenti Begaj uron kreu e ri të SPAK Klodian Braho, ndërsa ka vlerësuar edhe punën e Altin Dumanit.

Presidenti Bajram Begaj uron kreu e ri të SPAK Klodian Braho, ndërsa ka vlerësuar edhe punën e Altin Dumanit. Në një reagim në platformën X, Begaj shprehet se drejtimi i strukturës së Posaçme kundër korrupsioni është përgjegjësi e lartë dhe mundësi për të forcuar besimin e qyteta...

11/12/2025

Vllaznia humb 0-3 ndaj Partizanit, përgatitjet nisin për sfidën e Kupës ndaj Tiranës

Vllaznia u mposht bindshëm 0-3 nga Partizani në Shkodër, në një ndeshje ku skuadra vendase kontestoi disa prej vendimeve të gjyqtarëve. Kuqeblutë pretenduan se arbitri ndikoi në rrjedhën e lojës me disa episode të diskutueshme, duke shtuar tensionin në pankinë. Pavarësisht protestave,...

11/12/2025

Gazetarja Kozeta Bruci ka denoncuar publikisht vjedhjen e një biçiklete në lagjen “Skënderbeg” në Shkodër, duke publikuar pamjet filmike ku shfaqet autori i dyshuar. Ngjarja ka ndodhur më 7 dhjetor 2025, në orën 12:31, në hyrjen e një pallati në rrugën Dr. Ali Spahija, pas kopshtit “Ton Alimhilli”.

Bruci u ka bërë thirrje qytetarëve që, nëse e njohin personin në video, të japin informacion për identifikimin e tij. Ajo i kërkon autorit që, nëse e sheh videon, ta kthejë biçikletën brenda 24 orëve, përndryshe materialet do t’i kalojnë policisë për procedurat ligjore.

⸻

Statusi i plotë i gazetares Kozeta Bruci:

SILLE BIÇIKLETËN BRENDA 24 ORËVE!
Personi që shihni në video ka vjedhur biçikletën në hyrjen e pallatit me vendodhje Lagjia “Skënderbeg”, Rr. Dr. Ali Spahija, pas kopshtit “Ton Alimhilli”. Vjedhjen e ka bërë në dt. 7.12.25 në orën 12.31 min. Nëse e sheh këtë video, ose ka njërëz që e identifikojnë, ju lutem transmetojani informacionin me qëllim që ta sjellë biçikletën brenda 24 orëve, në të kundërt materiali filmik do i dorëzohet policisë për proçedurat e mëtejshme.

11/12/2025

Kryebashkiaku Dodaj pret Prefekten e re të Shkodrës: Fokus te bashkëpunimi institucional dhe zgjidhjet për qytetarët

Kryebashkiaku i Pukës, Rrok Dodaj, ka pritur në një takim zyrtar Prefekten e sapoemëruar të Qarkut Shkodër, znj. Holta Duda, me të cilën ka diskutuar mbi forcimin e bashkëpunimit ndërinstitucional dhe koordinimin për çështjet që prekin drejtpërdrejt komunitetin pukjan.

Dodaj theksoi se bashkëpunimi mes niveleve të ndryshme të qeverisjes është çelësi i suksesit për mirëmenaxhimin e problematikave dhe ofrimin e shërbimeve cilësore për qytetarët.

Gjatë takimit, palët biseduan për projektet në vijim, sfidat e territorit dhe nevojën për një koordinim më efikas, me qëllim rritjen e cilësisë së shërbimeve dhe nxitjen e zhvillimit të zonës.

Kryebashkiaku i Pukës uroi znj. Duda për detyrën e re dhe e siguroi për gatishmërinë e tij dhe të Bashkisë Pukë për një bashkëpunim të hapur e efektiv. Ai nënvizoi se administrata vendore do të vijojë të mbetet një partner aktiv në adresimin e problematikave dhe në gjetjen e zgjidhjeve të përbashkëta që i shërbejnë interesit të qytetarëve.

Statusi i plotë i kryebashkiakut Rrok Dodaj:

𝗕𝗮𝘀𝗵𝗸𝗲̈𝗽𝘂𝗻𝗶𝗺𝗶 𝗺𝗲𝘀 𝗻𝗶𝘃𝗲𝗹𝗲𝘃𝗲 𝘁𝗲̈ 𝗻𝗱𝗿𝘆𝘀𝗵𝗺𝗲 𝘁𝗲̈ 𝗾𝗲𝘃𝗲𝗿𝗶𝘀𝗷𝗲𝘀 𝗲̈𝘀𝗵𝘁𝗲̈ 𝗰̧𝗲𝗹𝗲̈𝘀𝗶 𝗶 𝘀𝘂𝗸𝘀𝗲𝘀𝗶𝘁 𝗽𝗲̈𝗿 𝗺𝗶𝗿𝗲̈𝗺𝗲𝗻𝗮𝘅𝗵𝗶𝗺𝗶𝗻 𝗲 𝗽𝗿𝗼𝗯𝗹𝗲𝗺𝗮𝘁𝗶𝗸𝗮𝘃𝗲 𝗱𝗵𝗲 𝗼𝗳𝗿𝗶𝗺𝗶𝗻 𝗲 𝘀𝗵𝗲̈𝗿𝗯𝗶𝗺𝗲𝘃𝗲 𝗰𝗶𝗹𝗲̈𝘀𝗼𝗿𝗲 𝗽𝗲̈𝗿 𝗾𝘆𝘁𝗲𝘁𝗮𝗿𝗲̈𝘁.

Me këtë fokus, pata kënaqësinë të mirëpres znj. Holta Duda, të sapoemëruar Prefekte e Qarkut Shkodër, e cila shfaqi angazhimin e saj për forcimin e bashkëpunimit ndërinstitucional dhe adresimin e prioriteteve që prekin komunitetin.

Duke e uruar për detyrën e re si Prefekte e Qarkut Shkodër, e sigurova për gatishmërinë time dhe të Bashkisë Pukë për bashkëpunim të hapur dhe efektiv, me fokus tek zgjidhjet që u shërbejnë qytetarëve.

Gjatë takimit u diskutua mbi vijimësinë e punëve të përbashkëta, si dhe u parashtruan nevojat, sfidat dhe mundësitë për koordinim më efikas në funksion të zhvillimit të territorit dhe përmirësimit të shërbimeve.

Në përmbyllje, theksova rolin tim konstruktiv dhe të administratës së Bashkisë Pukë në qasjen ndaj politikave të bashkëpunimit, bashkërendimit dhe koordinimit institucional, duke garantuar se Bashkia Pukë do të mbetet një partner aktiv në adresimin e problematikave dhe në gjetjen e zgjidhjeve të përbashkëta në dobi të qytetarëve.

11/12/2025

Agron Shehaj ne Kuvend:

Atij fukarait ia shembni dhe e bëni shembull. E nxjerrni edhe ne televizionet tuaja, ndërsa të fortin që ka hedhur miliona euro, atij nuk ia prekni; përkundrazi, atij ia legalizoni.

Pse nuk prishni ndertimet pa leje perreth kuvendit ?

11/12/2025

Prokurori Klodian Braho zgjidhet kryetar i SPAK me 7 vota.

Kandidati tjetër Adnan Xholi mori 3 vota. 1 votë shkoi për Elvin Gokaj. Ndërsa Doloreza Musabelliu nuk mori asnjë votë.

Klodian Braho do të ketë një mandat 3-vjeçar si drejtues i SPAK, duke pasuar në këtë detyrë Altin Dumanin.

11/12/2025

Influencierët italianë: "Shkodra shumë e bukur, por sheshi nuk ka lidhje me Krishtlindjen. Vetëm bare dhe karrige. Dy vite me pare, ishte magjike"

Dy influencierët italianë, shumë të famshëm në Shqipëri, që administrojnë edhe faqen “Il mio viaggio in Albania” dhe promovojnë vendin tonë, janë rikthyer në Shkodër për fundvitin.

Në një video të shpërndarë, ata thonë se qyteti është zbukuruar bukur, por shprehin zhgënjimin për sheshin e festimeve apo “marketin e Krishtlindjes”.

Sipas tyre, sheshi nuk ka asnjë lidhje me atmosferën e Krishtlindjeve: “Ka vetëm bare dhe karrige.”

11/12/2025

Prej disa ditësh, Adriatik Llapaj ka vijuar protestën e tij përpara godinës së Kryeministrisë. Ai ka publikuar sot një foto ku shfaqet gjate nates, grupimi duke protestuar dhe duke fjetur në trotuar perpara kryeministrise, si tregues i vendosmërisë së tij për të mos u tërhequr.

Në postimin e tij, Llapaj ka shoqëruar imazhin me mesazhin e shkurtër por të qartë: “Nuk ndalemi.”

Nje dite me perpara, ai u perplas edhe me policine e cila nuk i lejoi te vendosnin cadra per te kaluar naten aty dhe per tu mbrojtur nga i ftohti.

11/12/2025

Në ambientet e Këshillit të Lartë të Prokurorisë po zhvillohet sot dëgjesa publike që do të përcaktojë se kush do të marrë drejtimin e ri të Prokurorisë së Posaçme kundër Korrupsionit dhe Krimit të Organizuar. Procesi, i konsideruar një nga vendimmarrjet më të rëndësishme pë...

11/12/2025

GJKKO ka liruar nga qelia ish-ministrin e Mjedisit, Lefter Koka pasi qëndroi në burg për 4 vite.

Raportohet se Gjykata e Posaçme ka shuar masën e sigurisë “arrest me burg” për inceneratorin e Fierit.

Sa i takon dënimit për inceneratorin e Elbasanit, Koka ka fituar lirinë me kusht nga Gjykata e Durrësit ndërsa për dënimin për inceneratorin e Tiranës e ka shlyer dënimin me kohën e paraburgimit.

Për inceneratorin e Fierit çështja është kthyer për rigjykim në Apel nga Gjykata e Lartë.