Gurakuq Rinas Ballgjin

14/05/2023

Maja e Suges në fshatin Rinas, Ballgjin dhe Gurakuq! Në këto foto vihen re një seri muresh prej guri të ndërtuar dekada apo shekuj më pare!

Duke falenderuar komentuesit, ekzistojnë disa mendime në lidhje me ndërtimin e këtyre mureve:

Mendimi kryesor ështe se këto seri muresh janë ndërtuar për përmirësimin e kullotave dhe sistemime të bëra nga ish ndërmarrjet e kullotave. Krijoheshin hapësira për kullotjen e bagëtive, paralelishtë bëheshin edhe lera, rezervuar për të pirë ujë bagëtitë.

Mendimi i dytë është se këto mure datojnë qindra vjet më parë dhe janë breza rrethorë mbrojtës të ndonjë fortese të lashtë sepse shumë pranë saj kolonte një rrugë e vjetër.

Dhe së fundmi, duke marrë shkas nga një ngjarje tragjike që ka ndodhur në fshatin Rinas, gati një shekull më parë, ku një familje e tërë me mbiemër Rama u shua brenda pak sekondash nga vërshimi i një orteku të befasishëm nga kjo majë, nuk duhet përjashtuar mundësia se këto mure mund të jenë ngritur p*kerisht për të shërbyer si pengesa për nisjen e ortekëve të dëbores.

23/12/2022

Disa nga objektet e trashëgimisë kulturore që dëshmojnë jetën sociale dhe ekonomike në familje.. Objekte ku gjithsecilit nga ne, na sjellin kujtime të bukura të së kaluarës së gjyshërve dhe prindërve tanë..

10/07/2022

The beauty of nature; The creation of GOD!
Bukuria e natyrës; Krijimi i Zotit!

Postojmë pamje të tjera mahnitëse të Fshatit.

"Gjithçka në natyrë na fton vazhdimisht të jemi ata që jemi." "Çdo lule është një shpirt që lulëzon në natyrë." "Qielli është nën këmbët tona, si dhe mbi kokat tona." "Në çdo shëtitje me natyrën, njeriu merr shumë më tepër sesa kërkon."

“Everything in nature invites us constantly to be what we are.” “Every flower is a soul blossoming in nature.” “Heaven is under our feet as well as over our heads.” "In every walk with nature one receives far more than he seeks."

26/06/2022

The Beauty of Nature; The creation of GOD!
Bukuria e Natyrës; Krijimi i Zotit!

Ne si vizitorë të vendëlindjes tonë patëm mundësinë të shijonim këto peisazhe të bukura, pjesë e sipërfaqes së tokës që shtrihen në këto zona. Veçoritë gjeografike shënojnë karakteristikat magjepse dhe tërheqëse për çdo vizitor. Një zonë kodrinore/malore ku dominojnë tufa sporadike pemësh, barëra e shkurre aq sa mund të shihte syri në majë të kores prej dheu dhe guri, një sipërfaqe që dukej e fortë si guri dhe disi edhe më shumë tërheqëse.

20/06/2022

Shkolla 9-vjeçare në Gurakuq dikur dhe sot! Shumë banorë të larguar nga ky fshat që enden në rruget e kurbetit ndjehen nostralgjik kur shikojnë këto pamje. Aty ku shumë nga ne kemi mësuar germat e para të alfabetit, kemi mësuar të shkruajmë, të lexojmë, të flasim bukur, të sillemi mirë. Kemi mësuar ta shohim jetën ashtu siç është, jo ashtu siç e kemi menduar të vegjel, plot me ngjyra dhe bukuri. Ishin ata p*kërisht mësuesit që dhanë kontributin e tyre të pakursyer, ku ata transmetuan çelsin e së ardhmes që është dija. Kanë ecur me orë të tëra në këmbë në ditët me diell, shi dhe dëborë. Kjo tregon se, historikisht fshati ka patur etje për dije dhe kulturë. Shkolla në Gurakuq, thuhet se dikur ishte thjeshtë një grumbull gurësh apo një shtëpi e vjetër. E ndërtuar më shumë se gjysëm shekulli më pare, ku populli dha kontributin e tyre për ndërtimin e kësaj shkolle. Fillimisht ishte një shkollë 4-vjeçare, pastaj me kalimin e viteve u ndërtua dhe shkolla 7-vjeçare, 8-vjeçare dhe në vitet e fundit funksionon si shkolla nënvjeçare në Gurakuq. Siç duket edhe në foto, kohët e fundit shkolla është rindërtuar, diçka pozitive për banorët e këtij fshati. Këto foto u dedikohen të gjithëve frekuentuesve të kësaj shkolle. Gjej rastin të përshëndes të gjithë mësuesit për mikëpritjen e tyre dhe që me përkushtim e dëshirë të madhe transmetojnë dijen brez pas brezi.

30/05/2022

Kënaqë e veçantë të vizitoja bankat e shkollës ku unë nisa rrugëtimin e dijës. Aty ku të parët tanë sakrifikuan me mundin e tyre për të transmetuar dijen brez pas brezi. Pra jemi në klasat e shkollës 9-vjeçare të fshatit Rinas. Shumë prej nesh i kanë prekur këto banka për të nisur rrugëtimin e tyre të dijes.

Një klasë kolektive ku edhe ato pak nxënës nuk janë të të njëjtit vit. Ajo çka vihet re është pakësimi i nxënësve. Kjo vjen për shkak të largimit të popullsisë.

Gjej rastin të falenderoj Mësues Etmond Baboçi dhe Mesues Fatos Bocerri për mundin e tyre ne transmetimin e dijes brez pa brezi.

23/05/2022

Qendra e fisit Kokiçi ose siç quhet ndryshe ''TE BUNGA'', e cila ndodhet ne fshatin Rinas, aty ku të parët tanë pasi mbaronin punët e tyre takoheshin në darkë ku bisedonin e kuvendonin me njeri-tjetrin. Kjo qendër shërbente edhe si një shesh i përshtatshëm për organizime dasmash apo fejesa..

30/01/2022

Center of the Village
Qendra e Fshatit

22/12/2021

Me Respekt, Stafi i Faqes..

12/12/2021

12/06/2021

Ndjesi përkujdesjeje dhe ëmbëlsie vjen nga fshati Ballgjin. Bletërritësi Abaz Kaloshi, dashamirës i bletarisë dhe eskpert i fushës zbaton ruajtjen dhe të ardhmen e bletës në këto zona.

13/05/2021

02/05/2021

Kjo ndërtesë e bukur ndodhet p*kërisht në Gurakuq. Ndërtesa të tilla duhet ti shtohen fshatit, çka do te çonte ne zhvillimin e turizmit dhe shtimin e popullsisë.

Por për të ardhur keq se infrastruktura është katastrofike gjë që zhvillimi është shum i dobët. Kjo për faktin se fshati Gurakuq nuk ndodhet në listë fare, e vetmja gjë është se qeveritarëve u kujtohet se ka edhe Gurakuq! Vetëm sipas interesit, njëherë në 4 vite sa për ta par a është gjallë fshati apo jo! Ju lutem mos e harroni Gurakuqin!

13/02/2021

Në një ditë dimri në qendrën e fshatit Gurakuq.

13/02/2021

Ja dhe mesi i muajit Shkurt në Gurakuq ku dëbora ka mbuluar vendin!

26/01/2021

Ja dhe kjo panoramë e bukur e cila përfaqëson bukuritë natyrore të fshatit. Në çdo stinë të vitit, këto zona karakterizohen me peisazhet magjepse. Nëse do të kishte investim të duhur në infrastrukture dhe shëndetësi, banorët kurrë nuk do të largoheshin nga kjo bukuri e rralle!

17/01/2021

Shumica prej nesh e kanë provuar këtë vakt tradicional në Gurakuq. Në dimrin e ftohtë, pranë oxhakut duke shijuar një pjat me fasule të ziera, të shoqëruara me pakëz qepë dhe me atë bukën e thekur, një vakt me shije të veçantë. Këto zona njihen për gatime tip*ke shqiptare, ku me postimet e përditshme do të mundohemi ti ndajmë me ju.

15/01/2021

Duke ecur rrugëve të fshatit, shikoj lart ne qiell e një dritë e shndritëshme shkëlqen në sytë e mi. Është dimër. Ka rënë dëborë. Dimri ka shtrirë pelerinën e tij të bardhë kudo. Kreshtat e maleve, rrugët e fshatit dhe lëndinat janë zbardhëruar si ti lyesh me penela. Në zemrën e dimrit, era fryn me temperatura ngrirëse e gjithçka merr tjetër pamje.
Ah bora. Është një element madhështor i natyrës. Është një element që jo të gjithë në botë e shijojnë. Por, për ata prej nesh që e kemi këtë mundësi, duhet ta shijojmë në maksimum atë. Një ditë dimri në fshatin tonë, që më risjell kujtimet e fëmijërisë sime. Atë kohë do të kem qenë 3 ose 4 vjeç. Kohë e bukur ajo. Kujtoj qartë një pasdite specifike dimri në shtëpinë e gjyshërve të mi. Asokohe kishte më shumë banorë. Kishte lezet. Fshati ishte më I lulëzuar. Ehh si ikën koha… @ Librazhd

12/01/2021

A mendon se kur je afër një ujëvare mbizotëron qetësia?
Epo, nuk është kështu. Kur qëndron përballë saj, uji që gurgullon lart, rrëshqet me trupin e tij e vrullshëm përplaset kundrejt shkëmbinjve që kanë zënë vend aty poshtë që prej fillimi. Afrohu dhe dëgjo. Dëgjo melodinë e natyrës, spërkatjen e ujit, ca shkëmbinj që rrokullisen e shtrati që bëzan. E ndjen? Nëse afrohesh pak më shumë, do të ndjesh p*këzat e imëta të ujit mbi lëkurën tënde që shndrisin nën dritën e ditës. Po zogjtë që ja kanë marrë këngës, i dëgjon? Tingëllon bukur apo jo?
Eh ku ka si vendlindja...

10/01/2021

Muret e saj të japin imazhin e një kështjelle të periudhës së vonë otomane por që në të vërtetë është një shtëpi në fshatin Rinas. Aty në këtë banesë kaluan vitet e jetës Hysen Kokiçi dhe Hajdar Kokiçi, të njohur për veprimtarinë fetare ndër banorët e zonës. Forma e ndërtimit eshte e vjeter dhe arkitektura i takon shekullit të 19-të. Me kalimin e viteve shtëpia gjithmonë ka qenë në kujdesje të familjarëve, por afro 20 vite më parë është braktisur. Kjo si pasojë e largimit në masë të banorëve. Fotoja është bërë në vitin 2010, ku akoma ekzistonte si ndërtesë, por që në ditët e sotme kjo shtëpi është rrënosur totalisht. Në fakt, është për të ardhur keq, ku si kjo shtëpi edhe në shumë të tjera në vitin 2021 gjendet vetëm rrënojat e tyre!

09/01/2021

Këto peisazhe të bukura tregojnë pamjen e të tre fshatrave: Gurakuq, Rinas dhe Ballgjin në stinën e dimrit, ndoshta jo 100%, por pjesa më e madhe e terrenit tregohet në këto pamje, po aq mahnitëse për banorët që jetojnë aty, dhe po aq mallëngjyese për banorët e larguar. Imagjinoni nëse këto pamje do të dukeshin me më shumë shtëpi dhe me rrugë të asfaltuara, do të zhvillonte në mënyrë të shpejtë agroturizmin, dhe nuk do të lejonte një pjesë të banorëve të vuanin në rrugët e kurbetit!

08/01/2021

Ja dhe disa pamje të tjera magjepse të këtyre zonave të mbuluar nga dëbora. Edhe pse jeta mund të jetë e vështirë, banorët në këto fshatra çdo vit përjetojnë bardhësinë dhe pastërtinë totale të vendit. Organizojnë dhe shijojnë argëtime të ndryshme. Kënaqësia e dëborës ndjehet si jashtë ashtu edhe brenda shtëpisë. Jashtë duke u argëtuar me lojëra të ndryshme, brenda duke kuvenduar me njëri tjetrin dhe duke shijuar të ngrohtin në oxhakun e shtëpisë. Banorët e larguar ndjehen shumë nostralgjik kur shikojnë këto pamje fantastike.

07/01/2021

Disa pamje të tjera të bukura, të mbuluara nga dëbora në fshatin Rinas.

06/01/2021

Gurakuqi në një këndvështrim tjetër. Fotot janë bërë në lagjen Doka që ndodhet në pjesën lindore të Gurakuqit. Në këtë vend ekziston mundësia për një jetë më të mirë. Pavarësisht largimit të banorëve, ky fshat shfaq interes të lartë për krijimin e modeleve të ndryshme të biznesit. Banorët shfrytëzojnë sektorët bazë siç është bujqësia dhe blegtoria, por rritja e zhvillimit të infrastrukturës dhe shëndetësisë do të lehtësonte jetesën në këto zona, dhe pse jo, do të rriste ekonominë duke shfrytëzuar modele biznesi sekondare.

05/01/2021

Ja dhe disa pamje të tjera magjepse, ku dëbora ka zbardhur vendin e cila i jep nje bukuri të veçante fshatit.

05/01/2021

Peisazhet e bukura, biodiversiteti, klima e përshtatshme, bukuritë e ndryshme natyrore etj, të pranishme në këto zona, bëjnë që të ketë një zhvillim të bujshëm të turizmit malor.

03/01/2021

Pamjet janë tërheqëse. Nostalgji për kohën e shkuar kur këto zona ishin të mirë populluar, ku jehonte zëri i banorëve dhe i mbushur plot gjallëri. Ndërsa sot vendi ndihet pothuajse i braktisur. Sipërfaqe të tilla mund të shfrytëzoheshin mjaft mirë për agroturizëm nëse do të ishte infrastruktura e nevojshme.

02/01/2021

Pamje spetakolare të fshatit Rinas. Fotoja është bërë në majën e shkëmbit, ose ndryshe mund të quhet rruga këmbësore që lidh fshatin Gurakuq me atë të Rinasit. Në foto duken disa shtëpi të fisit Karamuça, Bitri dhe Disha. Terreni duket i thyer, por i jep një bukuri të veçantë këtij fshati. Për më tepër, ajo që bie në sy është Maja e Ostrovicës, e cila duket si një piramidë e mprehtë, rreth 1300-1400 m mbi nivelin e detit.

02/01/2021

Mulliri Kalosh*t, dikur ishte në shërbim të popullit. Edhe pse misri dhe gruri nuk bluhet më (kjo për shkak të largimit në masë të banorëve), ky mulli vazhdon edhe në ditët e sotme të funksionojë. Si në çdo fshat tjetër të Shqipërisë, mullinjtë kanë ekzistuar edhe në Gurakuq. Mund të përmendim disa prej tyre siç është Mulliri Bocerrit, Mulliri Sangajve, Mulliri Metëve etj etj. Ndërtoheshin prej materiale druri dhe guri pranë lumenjve dhe vendeve me prurje të përhershme uji. Kohë më parë kur popullsia e fshatit ishte e lartë, njerëzit pregatisnin kuajt herët në mëngjes, dhe i ngarkonin me thasët e misrit apo grurit. Ecnin me orë të tëra. Radha respektohej nga të gjithë. Kishte raste që duhej të prisje dhe më shumë se një ditë për të marrë miellin e bluar. Ndonjëherë shërbenin edhe si vend strehim për kalimtarët dhe për banorët që vinin nga larg për të bluar drithrin. Për më tepër, ishte një kënaqësi e veçantë kur dëgjonim atë zhurmën e mullirit në qetësinë e mëngjesit dhe ndjenim aromën e miellit të bluar nga lëvizja e shpejtë rrotulluese e rrotës së fortë të gurtë, e cila funksiononte me ndihmën e fuqisë së ujit. Nga ana tjetër është për të ardhu keq që kjo zhurmë në ditët e sotme rrallëherë dëgjohet. Është për të ardhur keq që kjo traditë e vjetër Shqipëtare po vjen dita ditës në zhdukje. Në Gurakuq, Rinas dhe Ballgjin, mullinjtë kanë ardhur në zhdukje si pasoje e moskujdesjes nga banorët e fshatit dhe si pasoje e largimit në masë të tyre. Sot ekzistojnë fabrika moderne të bluarjes së drithit, por cilësia e lartë ushqyese në mullinjtë me gurë është e veçantë dhe e shëndetshme.

01/01/2021

Lagja Balla dhe disa lagje të tjera në fshatin Ballgjin.
Pamjet janë tërheqëse në këtë stinë dimri. Dëbora sapo ka zbardhur malet. Këto lagje pothuajse janë braktisur. Dhe një nga arsyet kryesore e largimit të banorëve është mungesa e infrastrukturës. Megjithatë, ka akoma shtëpi të vjetra që qëndrojnë në këmbë. Ata pak banorë mundohen ti japin gjalleri fshatit, dhe kjo është një shenjë e mirë, që tregon se akoma ka mundësi të mira për të jetuar në këto zona.

01/01/2021

Një peisazh i mrekullueshëm. Kur shikon këto pamje zhytesh më shumë në meditime, ku në të vërtet ekziston mundësia për zhvillimin e turizmit. Kjo është një lagje në fshatin Rinas ose ndryshe siç quhet lagja: bici shtog, ndodhet në pjesën perendimore të fshatit. Në fakt, është pak e ndarë nga lagjet e tjera, duke patur parasysh këtu largësinë që ka me to, por kjo nuk do të thotë që aty nuk shfrytëzohet vazhdimësia e jetesës, përkundrazi banorët historikisht kanë shfrytëzuar bujqësinë dhe blegtorinë si burime kryesore të të ardhurave të tyre. Për më tepër siç shihet dhe nga fotot, nëse do të kishte një investim në infrastrukturë do të zhvillonte agroturizmin në këtë zonë dhe do të shërbente si urë lidhëse me disa fshatra kufitar të qytetit të Elbasanit!

29/12/2020

Siç e kemi thënë dhe në një postim të mëparshëm, Gurakuqi, Rinasi dhe Ballgjini janë zona fantastike për kultivimin e bletëve. Vitet e fundit sidomos në fshatin Ballgjin dhe Gurakuq është rritur ndjeshëm interesimi i banorëve vendas por edhe të atyre që janë larguar për të praktikuar dhe zhvilluar këtë veprimtari që udhëhiqet me një pasion të veçantë. Siç paraqitet në këto pamje të mrekulleshme këto zona përbëjnë habitate të favorshme, aty ku bleta gjen materialin e nevojshëm për prodhimin e mjaltit. Ekziston një shumëllojshmëri lulesh të ndryshme, duke përfshirë dhe lulen e gështenjës. Thuhet se mjalti që prodhohet nga këto zona, përbëhet nga 80-90 % mjaltë gështenjë. Pra, me plot siguri mund të themi se bima e gështenjës përbën një kullosë ideale për këtë insekt të mrekullueshëm. Mjalti i gështenjës që prodhohet në këto fshatra ka një cilësi të lartë, ku është mjaft i dobishëm për kurimin e sëmundjeve të ndryshme. Historikisht, kultivimi i bletës ka dominuar në Gurakuq. Teknologjia e rritjes së tyre në koshere nuk ka ndryshuar. Kombinimi i ngjyrave të ndryshme në këto shtëpi të vogla në forma kuboide i jep akoma më tepër një pamje magjepse vendit ku ato vendosen. Ishin p*kërisht të parët tanë që na e trashëguan dhe mësuan këtë profesion të mrekullueshëm. Një ndërthurje e punëve të ndryshme siç është shërbimi, kultivimi apo shtimi dhe kujdesja ndaj bimës së gështenjës dhe shtimi i kultivimit të bletëve do të rriste ekonominë në këto fshatra dhe vazhdimësinë e jetesës.

28/12/2020

Ky peisazh i bukur që duket si një zone e sheshtë ku të jep pamjen e një pllaje fantastike, ndodhet p*kërisht në këto fshatra. Zoti ka falur një natyrë të bukur me plot oksigjen që pastron çdo ditë organizmin tonë. Vërtet është një ndjesi e veçantë të jetosh në mesin e këtij peisazhi të mrekullueshëm. Në fakt, është për të ardhur keq për largimin në masë të banorëve nga ky vend. Gjithësesi urojmë që ata pak banorë të shfrytëzojnë modele të ndryshme biznesi siç është kultivimi i bletëve, kujdesja ndaj bimës së gështenjës, arrës etj. Kjo do të shpresonte për një jetë më të mirë në këto zona. Gjithashtu urojmë që edhe ata banorët e larguar të rikthehen për të shfrytëzuar këtë bukuri të rralle, çka do të rriste akoma më shumë vazhdimësinë e jetesës.

28/12/2020

Foto të bëra në Gurakuq te lagja Skapit. I ftohti sapo ka filluar. Banorët më së shumti qëndrojnë në shtëpi duke u ngrohur në oxhakun e saj. Ftojnë njëri tjetrin për të kaluar pak kohë së bashku, çka e rrit harmoninë dhe dashurinë ndërmjet tyre. Për më tepër, ajo që bie në sy është maja e Gurit të Muzhaqit e mbuluar me dëborë, e cila i jep një pamje magjepse fshatrave. Gjithashtu në foto duket qartë dhe një pjesë nga fshati Ballgjin dhe kodra e Kosonjës. Janë edhe pishat e dendura që i japin një tjetër bukuri fshatit.

27/12/2020

Një vend që quhej kodra e zhelit apo ‘’prenat e zhelit’’. Ndodhet në fshatin Rinas ku dhe cilësohej si një p*kë ndarëse e disa lagjeve të këtij fshati. Ngjall nostralgji të veçantë te shumë persona. Banorët vinin të lodhur nga pylli dhe kjo kodër ndonjëherë shërbente si p*k ndalese për të pushuar sado pak minuta dhe për të kuvenduar me njëri tjetrin. Qëndrimi për pak çaste në këtë vend, vërtet të jepte një kënaqësi shpirtërore dhe qetësi absolute. Për me tepër kjo kodër karakterizonte një cilësi të veçantë. Bagëtitë e imta siç janë delet, qëndronin për orë të tëra duke kullotur në këtë kodër edhe pse barishtet ishin pak dominuese. Pra kjo kodër simbolizonte dhe një vend relaksi për bariun që kulloste delet!

27/12/2020

Një pamje e bukur ku dominojnë kodrat e mbuluara me pemë të ndryshme. Në këtë peisazh duket qartë lagja Vërri dhe një pjesë e komunës së Orenjës. Një fshat i përqëndruar me më shumë shtëpi dhe me infrastrukturë do të jepte një pamjë më tërheqëse dhe do të ishte më e dobishme për banorët e fshatit Gurakuq, Rinas dhe Ballgjin.

26/12/2020

Përshëndetje të nderuar miq dhe ndjekës të faqes sonë. Duke marë parasysh kërkesën e lartë për të bërë të njohur identitetin tonë, si në mesazhe ashtu dhe në komente nga shumë miq të faqes kemi marë një vendim që duam ta ndajmë dhe me ju sot.

Siç e kemi thënë dhe më parë duke iu përgjigjur dhe komenteve ofenduese dhe etiketuese si bashkëpunëtorë të pushtetit dhe partive politike duke shprehur kështu haptazi që ne nuk jemi pjesë e asnjë grupacioni të tillë, përkundrazi kemi mbajtur gjithmonë qëndrimin kundër përsa i përket këtyre etiketimeve.

Arsyeja që ne vendosëm ta hapim këtë faqe dihet sepse është përsëritur, e stërpërsëritur disa herë, PROMOVIM I FSHATIT! Kjo për të vetmen arsye se fshati ynë ka mbetur i harruar dhe po braktiset dita ditës. Një arsye tjetër është dhe një përkujtim për mërgimtarët nga ai fshat si një kartolinë e përditëshme duke u mundësuar të shohin gjendjen aktuale të fshatit me anë te fotove dhe videove të shoqëruar gjithmonë me ndonjë përshkrim të shkurtër.

Një faqe e krijuar nga Hysen Kokiçi, Xhenet Baça dhe Ismet Kaloshi, që janë përkatësisht nga fshatrat Rinas Gurakuq dhe Ballgjin, me qëllimet e përmendura më lart, siç e keni vënë re dhe nga postimet e përditëshme.

Duke qenë se ne nuk jetomë në fshat, madje dy prej nesh nuk gjenden as në Shqipëri do të ishim mirënjohës atyre që kanë foto ose që banojnë atje nëse do të na ndihmonin akoma dhe më shumë për promovimin e fshatit.

Ju urojmë një mbrëmje të bukur!

26/12/2020

Sa prej jush i kanë veshur këto?
Ndoshta brezi i ri as nuk i ka parë e jo më ti kenë veshur! Por opingat e llastikut përfaqësojnë nje traditë të vjetër Shqipëtare, e theksuar edhe në këto zona. Diçka vërtet interesante. Bëhëshin me një copë të thjeshtë llastiku ku pjesa e sipërme rrudhej duke u lidhur me gjalma llastiku në vrimat e bera, pra duke mar kështu formën e këmbës. Nga ana tjetër këto opinga tregojnë dhe vuajtjet që kan kaluar të parët tanë. Edhe në ditë me shi e dëborë ata i kanë veshur këto opinga dhe shpeshherë kanë ndjerë thumbimin në këmbët e tyre. Para opingave të llastikut kanë ekzistuar dhe opingat që bëhëshin me lëkurë lope. Ndoshta të vjetrit i njohin më mirë dhe madje i kanë veshur!

25/12/2020

Ndërtesat e vjetra karakterizojnë pamjen tërheqëse të fshatit. Dy-tre kate shtëpi të ndërtuara me gurë, dërrasa dhe tjegulla simbolizojnë banesat e herëshme në këto zona. Pakëz dru të ndezura në zjarrin e shtëpisë, tymi që bubullon në majën e çatisë është një karakteristikë tjetër e veçantë e këtyre ndërtesave antike. Ndërtesa me një unitet arkitektonik, një arsye më tepër për zhvillimin e turizmit. Kur shikojmë këto banesa antike me tualetin jashtë shtëpisë na ngjallin në mëndje një meditim dhe reflektim në të shkuarën. Por nga ana tjetër është për të ardhur keq se shumica e këtyre shtëpive nuk qëndrojnë më në këmbë. Kjo tregon qartë largimin në masë të banorëve dhe mosvëmedja e tyre për rikthimin në fshatra, ku në fakt duhet të ndodhë e kundërta, që të kujdesen për ruajtjen e këtyre ndërtesave ne mënyrë që të trashëgojnë vlerat historike të tyre.