Lezha Press

Lezha Press Asnjëherë mos beso, por gjithmonë verifikoje.

12/01/2026

Digjet një automjet në autostradën Milot–Mamurras, shpëton drejtuesi

Një autoveturë është përfshirë nga flakët mbrëmjen e kesaj të hëne në autostradën Milot–Mamurras. Ngjarja ka ndodhur pak minuta më parë, teksa automjeti ishte në lëvizje.

Fatmirësisht, drejtuesi i mjetit ka arritur të dalë në kohë nga automjeti dhe nuk ka pësuar lëndime. Në vendngjarje kanë mbërritur menjëherë forcat zjarrfikëse të Kurbinit, por pavarësisht ndërhyrjes së shpejtë, automjeti është shkrumbuar plotësisht.

Paraprakisht dyshohet se zjarri është shkaktuar nga një shkëndijë në sistemin motorrik. Rrethanat e plota të ngjarjes po hetohen.

Islor Islami është caktuar përkohësisht Drejtor i Drejtorisë Vendore të Policisë Lezhë
12/01/2026

Islor Islami është caktuar përkohësisht Drejtor i Drejtorisë Vendore të Policisë Lezhë

Nga marsi 2026, familjet me fëmijë nën 18 vjeç përfitojnë ulje tatimi dhe rimbursimPërfitimi realizohet përmes Deklaratë...
12/01/2026

Nga marsi 2026, familjet me fëmijë nën 18 vjeç përfitojnë ulje tatimi dhe rimbursim

Përfitimi realizohet përmes Deklaratës Vjetore të të Ardhurave (DIVA), që duhet të plotësohet deri më 31 mars 2026. Sipas ligjit të ri për tatimin mbi të ardhurat, njërit prej prindërve do t’i zbriten tatimet nga të ardhurat vjetore të vitit 2025 dhe konkretisht 48 mijë lekë në vit për çdo fëmijë nën 18 vjeç pa kufi të ardhurash dhe 100 mijë lekë në vit për arsimin e fëmijëve, vetëm për individët me të ardhura deri në 1.2 milionë lekë në vit.

Zbritja e shpenzimeve i takon vetëm njërit prind, atij që ka të ardhurat më të larta. Për të përfituar, qytetarët duhet të ruajnë dokumentacionin përkatës, si certifikatën familjare dhe dokumentet e shpenzimeve arsimore.

Si bëhet përllogaritja:
Te ardhura vjetore totale - pagën e patatueshme (30 000 x 12 muaj) x 13% = ?
Kësaj vlere të tatuar gjatë 2025 do ti zbritet vlera 48 000 lek x numri i fëmijëve x 13% =?

Shembull:
Individi X ka 2 fëmijë nën 18 vjeç dhe të ardhura vjetore 70 000 lekë/muaj ose 840,000 lekë/vit.

Tatimi i paguar gjatë vitit 2025: 62,400 lekë (5,200 lekë/muaj).

Zbritjet:

48,000 lekë për çdo fëmijë = 96,000 lekë, 100,000 lekë për arsimin e fëmijëve. Pas zbritjeve, tatimi i ri bëhet 29,120 lekë. Diferenca që individi mund të marrë si kompensim përllogaritet 62,400−29,120=33,280 lekë

Kjo shumë mund të kërkohet brenda 3 muajve nga plotësimi i DIVA-s.

Nëse dikush e ka parë apo e sheh të njoftojë familjarët.Lezhë, 78-vjeçarja ka humbur kontaktet që me 4 janar. Ju lutemi ...
12/01/2026

Nëse dikush e ka parë apo e sheh të njoftojë familjarët.

Lezhë, 78-vjeçarja ka humbur kontaktet që me 4 janar. Ju lutemi kush ka informacion për Nënën Pashke Prenga, të njoftojë familjarët, që po e kërkojnë. Vendi i fundit që është parë është tek Rrethrrotullimi tek Mileniumi, përballë Tabakinos në Lezhë.

Emri i saj është Pashke Prenga 78-vjeçe.

Nëse ndonjëri ka informacion, ju lutemi më kontaktoni në 0696434715.
Shumë faleminderit!

12/01/2026

Bregdeti i Lezhës mbushet me
mbetje. Lumenjtë sollën në breg papastërti të shumta.

Prurjet e shumta të lumenjve gjatë ditëve të fundit kanë transportuar sasi të konsiderueshme mbetjesh drejt bregdetit të Lezhës. Pas tërheqjes së ujit të detit, në plazhet e Shëngjinit dhe Tales janë evidentuar zona të mbuluara nga trungje drurësh dhe mbetje plastike.

Përballë kësaj situate, me stabilizimin e kushteve atmosferike, Bashkia e Lezhës ka ndërmarrë masa të menjëhershme për pastrimin e vijës bregdetare. Mjete dhe punonjës të shërbimeve janë angazhuar në terren për largimin e mbetjeve dhe rikthimin e hapësirave publike në gjendje normale.

Drejtori i Sherbimeve në Bashkinë e Lezhës, Jurgen Marku tha se ndërhyrja synon të parandalojë ndotjen e mëtejshme dhe të sigurojë kushte më të mira mjedisore, ndërsa pastrimi do të vijojë edhe në ditët në vijim, në varësi të situatës së prurjeve nga lumenjtë.

Prurjet e lumenjve Buna, Drin dhe Mat vijojnë të sjellin ndotje në bregdetin e Lezhës, duke e bërë ndërhyrjen për pastrimin e mbetjeve si ndërhyrjen e vetme për ruajtjen e plazheve.

11/01/2026

11-vjecarja nga Lezha, Serena Marku në "The Voice Kids of Italy".

Serena Marku nga Lezha e cila jeton në Itali është kualifikaur dhe tashmë është pjesë e konkursit "The Voice Kids of Italy".

Serena këndoi këngën “I Wanna dance with somebody (who loves me)” nga Whitney Houston

Juria vlerësoi performancën e vajzës së talentuar nga Lezha, Serena Marku.
Anëtarët e jurisë u shprehen se energjia e Serenës na bën të gjithëve të ngrihemi nga karriget për të kërcyer në ritëm. Serena ishte fantastike, ka siguri dhe lirshmëri në skenë.
Përulemi para zgjedhjes që ka bërë Serena duke u paraqitur me një këngë të vështirë nga Whitney Houston.
Serena zgjodhi divën e muzikës italiane Loredana Bertè për të qënë pjesë e grupit të saj gjatë këtij konkusi.

Sezoni i katërt i konkursit italian të këngës "The Voice Kids" filloi transmetimin më 10 janar 2026, në Rai 1. Pak para transmetimit të sezonit, paneli u konfirmua të ishte i njëjtë me sezonin e gjashtë të The Voice Senior. Arisa dhe Loredana Bertè u rikthyen si trajnere nga sezoni i kaluar, së bashku me Clementinon, i cili, këtë sezon, u bë trajner dyshe me Rocco Hunt. Ndërkohë, Nek zëvendësoi trajneren në largim Gigi D'Alessio. Përveç kësaj, Antonella Clerici u rikthye për sezonin e saj të katërt radhazi si prezantuese.

Lindita Kokaj

11/01/2026

Kryebashkiaku i Lezhës Pjerin Ndreu: Kemi nxjerrë nga harta e përmbytjeve 85% të territorit.

Kryetari i Bashkisë së Lezhës Pjerin Ndreu është shprehur se ia kemi dalë që të përballojmë këtë situatë të rëndë me 4-5 shtëpi me prezencë uji në oborre.
"Ia dolëm në një nga situatat më të rënda të reshjeve që prej kur morëm detyrën. Ia dolëm që vetëm 4-5 shtëpi të kenë ujë në oborr dhe asnjë brenda në shtëpi.", deklaron Ndreu.

Sipas kreut të Bashkisë në 6 vite janë hapur mbi 730 km kanale kulluese.

Ndreu thekson:
"Punuam me kanalet kulluese, mbi 730 km për 6 vite. Ia dolëm që të nxjerrim nga harta e përmbytjes mbi 85% të territorit.".

Qyteti i Lezhës për 10 orë u kthye në normalitet, ndërkohë Ndreu thekson se me përfundimin e investimeve kjo situatë në qytet do të gjejë zgjidhje përfundimtare.
"Ia dolëm që ta sjellim qytetin e Lezhës në normalitet, në rastin më të keq, për 10 orë. Së shpejti do të harrohen përmbytjet, pasi investimi është në proces".

U përballua edhe situata e çarjes së argjinaturës.
"Ia dolëm që të përballojmë edhe çarje masive të argjinaturës dhe të mos rrezikojmë asnjë banor. Ulëm kokën në punë, nuk fjetëm, në shërbim të banorëve".

Kreu i Bashkisë vlerësoi edhe bashkëpunimin e të gjithë aktorëve.
"Ia dolëm të kemi një solidaritet të pashoq: Qeveri-Bashki-Institucione lokale-biznese private dhe banorë të mrekullueshëm. Kurrë më parë s’kemi qenë më në harmoni dhe me më shumë besim se kaq".

Ndihma u është ofruar të gjithë atyre që kishin nevojë, madje shkuam edhe tek provokatorët avuzues pa asnjë pikë ujë, tha Ndreu.
"Ia dolëm t’i shkojmë shtëpi në shtëpi kujtdo që kishte nevojë, që bëri një SMS apo një telefon në Bashki. Shkuam edhe te provokatorë e abuzues, që pa asnjë pikë uji në oborr shqyen gojën para kamerave, gjoja se po mbyten".

Puna nuk do të ndalet deri në zgjidhjen e plotë të problemit. Sipas Ndreut ka marrë fund koha e punëtorëve që s'shkonin në punë dhe sh*tja e naftës së ekskavatorëve në tregun e zi.

"Ia dolëm dhe do t’ia dalim gjithmonë, sepse puna jonë nuk do të ndalet deri në eliminimin e problemit edhe në disa zona që paraqesin probleme!
Askush nuk na ndal në atë që kemi nisur, për të shërbyer. Koha kur merreshin rroga pa ardhur në punë, kur sh*tej nafta e eskavatorëve të bujqësisë në tregun e zi, duke lënë kanalet kulluese në harresë, kur përmbytej gjithë Lezha dhe nuk thahej për 10 ditë, ka mbarua", pohoi Ndreu.

11/01/2026

Përkeqsohet situata në Mirditë.
Fani i Vogël po shkakton dëme të mëdha.

Situata në Mirditë është përkeqësuar ndjeshëm si pasojë e reshjeve të fundit dhe avancimit të gërryerjeve nga Lumi Fan i Vogël. Në zonën Zall–Donaj, gërryerja e vazhdueshme e tokës bujqësore ka shkaktuar gjatë orëve të para të mëngjesit, rreth orës 00:00, rrëzimin e shtyllave të tensionit të mesëm, të cilat ishin spostuar vetëm një ditë më parë nga OSHEE.

Si pasojë, fshatrat Ndërfanë, Gëziq, Kalanjan dhe Cekaj kanë mbetur pa energji elektrike. Gërryerja ka avancuar përtej pikës së spostimit të shtyllave dhe po i afrohet rrugës së fshatit dhe banesave, duke rritur rrezikun për banorët dhe infrastrukturën.

Për këtë situatë është kërkuar ndërhyrje urgjente nga Ministria e Bujqësisë, përmes mjeteve të DRUK Lezhë, sipas kërkesës zyrtare të dërguar më 09.01.2026, për të cilën Agjencia Kombëtare e Mbrojtjes Civile (AKMC) është vënë në dijeni.

Një tjetër problematikë alarmante është konstatuar në fshatin Jezull, ku gërryerjet e përroit kanë zbuluar tubacionin e linjës së ujësjellësit që furnizon qytetin e Rrëshenit dhe zonat përreth. Ekziston rreziku i këputjes së tubacionit, ndërsa me avancimin e mëtejshëm të gërryerjes rrezikohet edhe shembja e aksit rrugor që lidh disa fshatra të zonës.

Nga verifikimet e fundit të kryera nga strukturat e Emergjencave Civile të Bashkisë, si pasojë e reshjeve të dendura të ditëve të fundit, në disa fshatra janë evidentuar edhe rrëshqitje t**e, të cilat paraqesin rrezik serioz për banesa dhe prona private. Autoritetet lokale apelojnë për ndërhyrje të shpejtë dhe vëmendje të shtuar ndaj situatës.

10/01/2026

Deputetët e PD Gjin Gjoni dhe Kastriot Piroli ne zonat e permbytura në Kurbin: Banoret e lene ne meshire te fatit

Deputetët e Partisë Demokratike në qarkun e Lezhës, Gjin Gjoni dhe Kastriot Piroli, kanë parë nga afër situatën e krijuar nga përmbytjet në zonën e Fushë-Kuqes në Kurbin, ku banorët e fshatit Adriatik ndodhen prej pesë ditësh nën pushtetin e ujit, i cili ka shkaktuar dëme të mëdha, kryesisht në bujqësi dhe blegtori.

Gjatë takimeve me deputetët, banorët u shprehën se, pavarësisht izolimit dhe vështirësive të shumta qe jane krijuat nga prezanca e ujit, askush nuk është interesuar për fatin e tyre. Sipas tyre, përmbytjet janë kthyer në një fenomen të përsëritur, për shkak të mosfunksionimit dhe mungesës së mirëmbajtjes së kanaleve kulluese, si dhe neglizhencës dhe mungesës së vëmendjes nga pushteti vendor dhe qendror.

Deputetët Gjin Gjoni dhe Kastriot Piroli deklaruan se, si përfaqësues të Partisë Demokratike dhe deputetë të këtij qarku, do të ngrenë zërin me forcë për dëmshpërblimin e plotë të banorëve të prekur dhe për marrjen e masave konkrete për minimizimin e përmbytjeve, të cilat janë kthyer në një problem të vazhdueshëm si në Kurbin, ashtu edhe në Lezhë.

10/01/2026

Prurjet e rrëmbyeshme të lumenjve krijojnë probleme në Mirditë.
Rrezikohet toka bujqësore, rruga dhe ujësjellësi

Prurjet e rrëmbyeshme të lumenjve Fan i Vogël dhe Zmeja në Mirditë kanë shkaktuar probleme të shumta ditët e fundit, duke sjellë gërryerje të tokës dhe rrezik për infrastrukturën.

Lumi Fan i Vogël ka marrë sipërfaqe të konsiderueshme t**e bujqësore, ndërsa paraqet rrezik edhe për linjën elektrike, duke iu afruar ndjeshëm rrugës. Ndërkohë, nga ana tjetër, lumi Zmeja rrezikon furnizimin me ujë të qytetit, pasi tubi i ujësjellësit ka mbetur i varur në ajër, në mes të shtratit të lumit, si pasojë e gërryerjes.

Sipas kryebashkiakut të Mirditës, Albert Melyshi, situata është e rënduar dhe kërkon mbështetjen e Emergjencave Civile për të frenuar përkeqësimin e mëtejshëm të saj.

Lumi Fan i Vogël devijoi rrjedhën dhe dy ditë më parë dëmtoi linjën elektrike, e cila më pas u zëvendësua nga OSHEE. Ky fenomen po përsëritet vazhdimisht në të dy këta lumenj, sa herë që prurjet bëhen të mëdha.

10/01/2026

Dy zjarre gjatë natës në Mirditë dhe Kurbin. Digjet një autobot dhe një servis makinash

Dy zjarre janë shënuar gjatë mbrëmjes dhe orëve të para të mëngjesit në qarkun e Lezhës, duke shkaktuar dëme të konsiderueshme materiale, por fatmirësisht pa pasoja në njerëz.

Ngjarja e parë ka ndodhur në rrugen e Kombit, në kilometrin 34, ku është përfshirë nga flakët një trailer autobot që transportonte karburant. Falë ndërhyrjes së menjëhershme të shërbimit zjarrfikës të Mirditës, zjarri është vënë nën kontroll në kohë, duke shmangur përhapjen e flakëve dhe pasoja më të rënda, pavarësisht sasisë së madhe të karburantit që transportohej.

Zjarri i dytë është regjistruar rreth orës 01:30, në fshatin Shullaz të Kurbinit, ku flakët kanë përfshirë një objekt biznesi, servis automjetesh, në pronësi të një shtetasi 48-vjeçar. Si pasojë, janë djegur dy automjete dhe një sasi gomash, duke shkaktuar dëme materiale me vlerë të konsiderueshme.

Grupi hetimor vijon punën për përcaktimin e shkaqeve të rënies së zjarrit dhe dokumentimin e plotë ligjor të të dy rasteve.

10/01/2026

SI PARAQITET SITUATA NË TERITORIN E QARKUT LEZHË

Gjatë 24 orëve të fundit, territori i Qarkut Lezhë është përfshirë nga reshje shiu me intensitet të dobët. Kanë rënë 23.4 mm reshje, ndërsa në zonat malore mbi 700 metra mbi nivelin e detit ka pasur edhe reshje dëbore.

NË Kurbin harta e përmbytjeve është zvogëluar, ndërsa problematika kryesore vijon të mbetet zona e Adriatikut. Prani uji raportohet vetëm në pak banesa në Gjorëm, si dhe në disa banesa përgjatë rrugës Sanxhak–Autostradë. Është ndërhyrë me bllokim të pjesshëm të hapësirës së urës Adriatik me qëllim minimizimin e prurjeve të ujit si pasojë e sasisë së madhe të ujit të ardhur nga çarja e argjinaturës në krahun e Durrësit.

Ka nisur rehabilitimi i shtratit të lumit Skuraj dhe forcimin e trasës së rrugës dhe sot nis puna për sjelljen e materialeve mbushëse për këmbët e urës në Gallatë për të mundësuar kalimin e mjeteve të rënda për hapjen dhe zhbllokimin e dherave në aksin Gallatë–Vinjollë.

Do të rifillojë hedhja e kamionëve me çakull në disa rrugica të brendshme të fshatit Adriatik, ndërsa problem mbetet rrëshqitjet e tokës dhe dherave. Raportohet rritje e nivelit të lumit Mat, pasi nga HEC Shkopet po shkarkohen rreth 700 m³/s.

Në Lezhë paraqitet e qetë. Në lagjen “Besëlidhja” është ndërhyrë për largimin e ujit nga kati i nëndheshëm i një pallati, ku niveli i ujit ka kaluar mbi 3 metra. Në terren vijin vlerësimi i dëmeve në banesa, toka të mbjella dhe rrugë. Mjetet e Drejtorisë së Bujqësisë do të jenë në dispozicion për eliminimin e problematikave në kanalet e kullimit, ndërsa Drejtoria e Shërbimeve dhe shërbimi zjarrfikës do të vijojnë ndihmën për banorët në nevojë.

Nga OSHEE raportohet për probleme në furnizimin me energji elektrike në zonën e Dajçit, dhe në hidrovorin e Gocajve që ka shkaktuar përmbytje të tokave bujqësore në zonën Gocaj–Kakarriq.

Në Mirditë vijon ndërhyrja për sistemimin e rrugëve të dëmtuara, me angazhimin e një eskavatori, një fadrome, një kamioni, një furistrade dhe 10 forcave punëtore. Raportohet se aktualisht pa energji elektrike janë zonat e njësisë administrative Fan, ndërsa grupet e punës ndodhen në terren për riparimin e defekteve.

Address

Shëtitorja Gjergj Fishta,, Shqipëria
Lezhë
4501

Website

Alerts

Be the first to know and let us send you an email when Lezha Press posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lezha Press:

Shortcuts

Share

Category