Elbasani Plus

29/12/2024

Na ndiqni edhe në Instagram

23/12/2024

Ju urojmë një natë të këndshme nga FushëStuden! ❤️

21/12/2024

Pjesë e Big Brother VIP Albania do të jetë edhe transšeƙsuali nga Vlora Amber Candy.
Çfarë kontributi ka Amber që ka merituar të jetë në kategorinë VIP të shoqërisë?

20/12/2024

Dëmtohet instalacioni ‘I ❤️ Elbasan’ – A duhet të bëjmë më shumë për ruajtjen e pasurive publike?

Bashkia Elbasan pak kohë më parë ka ngritur një instalacion të bukur me mesazhin "I ❤️ Elbasan", që përçon krenarinë dhe dashurinë për qytetin. Dëmtimi i këtyre strukturave përbën një akt të papranueshëm që dëmton jo vetëm pasurinë publike, por edhe ndjenjën e përbashkët të komunitetit.

Një lajm për këtë situatë do të ishte i rëndësishëm për të ndërgjegjësuar qytetarët mbi rëndësinë e ruajtjes së pasurive publike dhe për të nxitur autoritetet të marrin masa për rikuperimin dhe mbrojtjen e tyre.

17/12/2024

Mbarështimi i gjelit të detin në qarkun e Elbasanit si një traditë e hershme po vazhdon me ritme mjaft të kënaqshme. Rreth 117 mijë krerë, mbarështohen këtu, ndërkohë që numrin më të madh e ka bashkia e Peqinit.

Falë cilësisë që shpendi mbart, kjo zonë mbetet e preferuar për personat që preferojnë ta konsumojnë atë në fund të vitit. Vetëm në fshatrat e bashkisë së Peqinit për vitin 2024 janë rreth 45 mijë gjela deti të cilët priten të flijohen këtë dhjetor.

Shërbimi veterinar ka qenë gjithmonë pranë fermerëve duke i këshilluar ata sesi të bëjnë kujdes jo vetëm për rritjen e tyre por edhe për kontrollet e vazhdueshme.

3 subjekte të licensuara eksportojnë zogj të vegjël nga jashtë të cilët më pas i nënshtrohen një karantine prej tre javësh. Deri më tani nuk ka pasur në asnjë moment shfaqje të sëmundjeve të ndryshme.

Vetë fermerët shprehen se përgjatë vitit i kanë rritur shpendët e tyre në forma tradicionale ku deri më tani nuk kanë dhënë asnjë shenjë sëmundjeje.

Këtë vit tregtarët e gjelave të detit në qarkun e Elbasanit, për t’i hapur rrugë sh*tjes e kanë ulur çmimin deri në 800 lekë për kilogram në mënyrë që secili të ketë mundësinë të shijojë gatimin tradicional të fundvitit.

16/12/2024

Ulja e temperaturave nuk ka kaluar as këtë vit pa pasoja për më të vegjlit.

Rreth 100 fëmijë paraqiten çdo ditë në pediatrinë e Elbasanit me probleme të traktit respirator, temperaturë të lartë e ftohje. Rastet më të rënduara kërkojnë hospitalizim.

Mjekët këshillojnë kujdes nga luhatjet e temperaturave dhe konsumim të lëngjeve të freskëta. Gjithashtu mjekët vërejnë të alarmuar konsumimin e pijeve energjike tek fëmijët nën 12 vjeç.

Gjithashtu në spitalin e Elbasanit ka paraqitje të shtuar për të marrë ndihmë mjekësore edhe të moshave të treta, sidomos të sëmurët kronikë.TCH

12/12/2024

A e shikoni dot

07/12/2024

Po ju si mendoni? A duhet të jetë njeriu i vitit 2024 Altin Dumani?

Ne krye te heres dua te them qe une nuk pajtohna me cdo detaj te punes se SPAK'ut ne Shqiperi, mirepo Altin Dumani, shef i kesaj organizate, per mendimin tim, eshte shqiptari ma i pazakonshem i ketyne dekadave te fundit.

Dhe kete i pazakonshem po e them ne kuptimin superpozitiv te fjales.

Ate cka nuk kane mundur ta bejne partite politike, cfare nuk kane mundur ta bejne shoqeria civile dhe mediat, po e ben Altini.

Dumani i ka hape dyert dhe dritaret e kthinave ma te erreta te shoqerise shqiptare. Ato kthinat ku behen pazaret me te flliqta, ato kthinat ku takohen krimi, politika, biznesi dhe mediat.

Bash ne ato kthina Dumani po e hedhe driten, per me e pa publiku me syte e vet se cka ndodhe atje.

Kjo ka qene e pabesueshme edhe me u paramendu ne Shqiperi, e lere me qe dikush, nje shqiptar, ka me e jetesu nje plan te tille, qe eshte plan i domosodshem.

Kjo cka po ben Dumani eshte menyra e vetme qe nje popull te shnderrohet ne shoqeri, e nje shoqeri te jete ne gjendje me bo shtet modern.

p.s.

Kurre ne jete nuk e kam taku Altinin, por une mendoj qe ai eshte shqiptari i vitit 2024, kudo ku jetojne shqiptaret.

Nga Berat Buzhala

07/12/2024

Për herë të parë në Shqipëri/ Krijohet Sindikata e Gazetarëve dhe Punonjësve të Medias

Gazetarë të mirënjohur nga e gjithë Shqipëria dhe punonjës të medias kanë themeluar për herë të parë në vend Sindikatën e Gazetarëve dhe Punonjësve të Medias. Ky moment shënon një hap të rëndësishëm për mbrojtjen e të drejtave dhe përmirësimin e kushteve të punës për profesionistët e medias në Shqipëri.Deri më tani, gazetarët në Shqipëri janë përfaqësuar vetëm nga shoqata, të cilat janë fokusuar kryesisht në advokim dhe zhvillim profesional, por kanë munguar organizimet sindikaliste. Sindikata e re synon të mbushë këtë boshllëk duke ofruar përfaqësim kolektiv dhe duke mbrojtur të drejtat e ligjshme të punësimit në një sektor që përballet me kushte të pasigurta pune, mungesë stabiliteti dhe presione të vazhdueshme mbi pavarësinë editoriale.Sindikata e sapoformuar ka një mision të qartë: Të sigurojë kontrata individuale dhe kolektive për gazetarët dhe punonjësit e medias. Të kërkojë kushte pune të sigurta dhe dinjitoze, duke i mundësuar gazetarëve të përmbushin rolin e tyre si pushtet i katërt – për të informuar publikun dhe për të mbajtur nën kontroll tre pushtetet e tjera.

Njoftimi për mediat:

Gazetarë dhe punonjës të medias kanë themeluar për herë të parë në vend Sindikatën e Gazetarëve dhe Punonjësve të Medias. Ky moment shënon një hap të rëndësishëm për mbrojtjen e të drejtave dhe përmirësimin e kushteve të punës për profesionistët e medias në Shqipëri.
Deri më tani, gazetarët në Shqipëri janë përfaqësuar vetëm nga shoqata, të cilat janë fokusuar kryesisht në advokim dhe zhvillim profesional, por kanë munguar organizimet sindikaliste.
Sindikata e re synon të mbushë këtë boshllëk duke ofruar përfaqësim kolektiv dhe duke mbrojtur të drejtat e ligjshme të punësimit në një sektor që përballet me kushte të pasigurta pune, mungesë stabiliteti dhe presione të vazhdueshme mbi pavarësinë editoriale.
Sindikata e sapoformuar ka një mision të qartë:
Të sigurojë kontrata individuale dhe kolektive për gazetarët dhe punonjësit e medias.
Të kërkojë kushte pune të sigurta dhe dinjitoze, duke i mundësuar gazetarëve të përmbushin rolin e tyre si pushtet i katërt – për të informuar publikun dhe për të mbajtur nën kontroll tre pushtetet e tjera.
Të advokojë për lirinë dhe pavarësinë e medias në një mjedis sfidues ku presionet e jashtme shpesh minojnë integritetin gazetaresk.
Sektori i medias në Shqipëri nuk është i panjohur me sfidat. Shumë gazetarë sot përballen me:
Mungesën e kontratave formale, gjë që çon në pasiguri në punë.
Kushte të dobëta pune, përfshirë pagat e ulëta dhe orët e gjata të punës të papaguara.
Mos respektimin e të drejtave që burojnë nga kodi i punës
Presion politik ose intimidime, që kufizojnë lirinë e shprehjes dhe pengojnë raportimin kritik dhe hulumtues.
Në këtë kontekst, sindikata synon t’u sigurojë gazetarëve forcën kolektive të nevojshme për të negociuar kushte më të mira, për të kërkuar llogaridhënie nga pronarët e medias dhe për të mbrojtur veten nga kërcënimet.
Duke marrë shembull nga sindikatat e suksesshme të medias në vendet me demokraci të konsoliduar, sindikata planifikon të zbatojë praktikat më të mira në sektorin e medias, duke përfshirë:
Marrëveshje kolektive të negociuar: Për të garantuar paga, përfitime dhe mbrojtje të standardizuara në të gjitha institucionet mediatike.
Mbështetje ligjore dhe profesionale: Ofrimin e ndihmës për të adresuar largimet e padrejta nga puna, presionin, censurën ose ngacmimet në vendin e punës.
Zhvillim profesional: Ofrimin e programeve të trajnimit për t’iu përshtatur kërkesave në zhvillim të gazetarisë në epokën dixhitale.
Sindikata u bën thirrje të gjithë gazetarëve dhe punonjësve të medias në Shqipëri që të bashkohen në këtë përpjekje kolektive.
Duke u bashkuar nën një vizion të përbashkët, sindikata beson se mund të krijojë një mjedis mediatik më të shëndetshëm dhe më të drejtë, një mjedis që mbështet, inkurajon dhe fuqizon gazetarët të kryejnë punën e tyre pa frikë apo kompromise.
“Kjo sindikatë nuk ka të bëjë vetëm me mbrojtjen e vendeve të punës së gazetarëve, ajo ka të bëjë me ruajtjen e integritetit e medias”, tha Miranda Kastrati një nga anëtaret themeluese dhe Presidente e sindikatës.
“Pa kushte minimale dhe pavarësi, gazetarët nuk mund t’i shërbejnë publikut.”

07/12/2024

Kishte 1 muaj që përndiqte adoleshenten, arrestohet 40 vjeçari në Elbasan

Një 40-vjeçar është arrestuar ditën e sotme në Elbasan për përndjekje. Mësohet se prej një muaji 40-vjeçari përndiqte një vajzë 23 vjeçe duke i shkaktuar asaj pasiguri dhe frikë. Policia bën të ditru se 40-vjeçari me iniciale S.P akuzohet për veprën penale "Përndjekja".

Komisariati i Policisë Elbasan pas kallëzimit nga një 23-vjeçare se një 40-vjeçar e kishte përndjekur në mënyrë të vazhdueshme, duke i shkaktuar asaj pasiguri dhe frikë, kanë organizuar punën dhe kanë ndaluar shtetasin. Më tej në njoftimin e bluve thuhet se 40 vjeçari me inicialet S. P., akuzohet për veprën penale "Përndjekja".

03/12/2024

Më në fund ARRSH jep ok për ndërhyrjen në segmentin e rrezikshëm Pajovë- Peqin

Nga Fatmir Popja

Kryetari i bashkisë së Peqinit ka bërë me dije këtë të Martë se Autoriteti Rrugor Shqiptar i është përgjigjur pozitivisht kërkesës së Bashkisë Peqin lidhur me marrjen e masave urgjente për eliminimin e situatës problematike në segmentin e rrezikshëm të Pajovës ku ka patur disa të plagosur e viktima muajt e fundit.
Sipas kryebashkiakut Bukurosh Maçi, Autoriteti Rrugor Shqiptar ka garantuar pushtetin vendor se do të marrë masa të menjëhershme me qëllim rritjen e parametrave të sigurisë dhe uljen e rrezikshmërisë në aksin Peqin- Pajovë, konkretisht në pjesën e rrugës që kalon në qendër të fshatit Pajovë.
Pas verifikimeve të imtësishme të kryera nga grupi i punës i ngritur për këtë rast me ekspertë të fushës, ARRSH do të marrë masa për vendosjen e sinjalizuesve me dridhje ose shirita.vendosjen e sinjalistikës së përforcuar për vendkalim këmbësorësh,vendosjen e sinjalistikës që njofton hyrjen në zonë të banuar si edhe do të përcaktojë kufirin maksimal të shpejtësisë deri në 30 km/ orë për mjetet.Gjithashtu ARRSH do vendosë tabela vertikale me mbishkrimi “Kujdes fëmijët”. Nga ARRSH do vendosen kurrizë artificialë, policë të shtrirë me qëllim uljen e shpejtësisë. Një tjetër masë do jetë edhe vendosja e një mbikalimi për këmbësorë i cili rrit sigurinë rrugore në këtë zonë të banuar.
Siguria dhe mirëqënia e qytetarëve të Peqinit është në qendër të vëmëndjes tonë çdo ditë sipas kryebashkiakut të Peqinit. Në segmentin rrugor Pajovë -Peqin gjatë këtij viti fatkeqësisht ka patur aksidente të shumta, disa prej të cilëve me të plagosur rëndë dhe viktima. Humbja e jetë së një nxënësi të Shkollës së Pajovës pak javë më parë u pasua me revoltë dhe protesta të gjithë komunitetit të Njësisë Administrative Pajovë të cilët i kërkuan ARRSH ndërhyrje urgjente për rritjen e parametravevtë sigurisë rrugore për të evituar aksidentet.

03/12/2024

9 raste të reja janë regjistruar këtë vit më HIV/AIDS në qarkun e Elbasanit, ndërsa të infektuar në total llogariten 124 raste.

Siç raporton MCN, sa i përket statistikave, pjesa më e madhe e të prekurve me HIV/AIDS janë meshkuj dhe më pak femra.

Sipas përgjegjëses së këtij shërbimi në Elbasan Elena Bibaja grup-mosha më e prekur është ajo 35-45 vjeç, ndërsa katër raste i takojnë moshës minorene.

Kryesisht rrugët e transmetimit janë marrëdhëniet seksuale të pambrojtura. Por tek të rinjtë vitet e fundit vihet re se mënyra më e shpeshtë e infektimit ndodh prej përdorimit të shiringave të njëjta gjatë injektimit të lëndëve narkotike.

Aktivitete sensibilizuese u shënuan në Ditën Botërore kundër HIV/AIDS, në Elbasan, të cilat kanë qëllim informimin për mbrojtjen nga sëmundja e cila kryesisht transmetohen nga marrëdhëniet seksuale të pambrojtura.

26/11/2024

Historia e rrallë, i paraburgosuri feston ditëlindjen e të birit 7 vjeç me familjen në IEVP ku ndodhet prej 17 muajsh

NGA FATMIR POPJA

Një histori e rrallë dhe mjaft emocionuese ishte ajo ndodhi këtë javë në Institutin e Ekzekutimit të Veprave Penale në Bradashesh të Elbasanit.Një i paraburgosur, i djegur nga malli për dy fëmijët e tij të mitur dhe familjen pasi prej shumë muajsh ndodhet i izoluar në qeli për shkak të problemeve me ligjin u kishte kërkuar autoriteteve që ti jepnin mundësinë atij ti festonte aty ditëlindjen djalit që mbushte 7 vjeç sot .
Në përputhje me ligjin ,me leje të titullarit të institucionit , atij i është mundësuar organizimi i ditëlindjes së djalit të tij 7 vjeç në ambient të hapur brenda IEVP ,Bradashesh .Ky organizim i rrallë festiv për ditëlindjen e djalit të mitur të të paraburgosurit 50 vjeçar që ndodhet aty prej afro një viti e gjysëm , vlerësohet si një stimul i nevojshëm për të dhe për çdo të dënuar që manifeston sjellje korrekte dhe që ndjek programet e rehabilitimit dhe riedukimit.Një ditë si kjo e festimit të ditëlindjes së të miturit brenda ambienteve të Paraburgimit ,aty ku babai i tij kishte këmbëngulur të bëhej , në pamje të parë duket e pazakontë , por ajo merr vlera për mesazhin që jep dhe tregon se sa rëndësi ka të jesh korrekt me ligjin dhe se ngjarjet më të bukura të jetës duhen shijuar në liri . Në IEVP në Bradashesh të Elbasanit ,kohët e fundit po i kushtohet gjithnjë e më shumë rëndësi zhvillimit të programeve integruese, individuale ose në grup, të cilat eleminojnë ndikimet paragjykuese dhe negative të paraburgimit.Gjithashtu gjatë muajve të fundit aty nuk kanë munguar nismat për ri-integrimin e këtyre personave sepse ky është edhe interesi i përbashkët i të gjithë shoqërisë.Edhe rasti i organizimit të ditëlindjes së 7 vjeçarit në ambientet e këtij Paraburgimi është një tregues i qartë për krijimin e kushteve të favorshme për ruajtjen e marrëdhënieve të shëndetshme me familjet e tyre. Torta ,Kartolina e Urimit dhe dhuratat e bëra nga i ati e kanë surprizuar 7 vjeçarin i cili duke fikur qirinjtë ka shprehur dëshirën e madhe të tij që i ati të rifitojë lirinë e ti bashkohet familjes si prind shembullor , i dashur dhe korrekt me ligjin.50 vjeçari i përlotur ju ka premtuar fëmijëve dhe bashkëshortes se ai do ti bëjë ata të ndjehen krenar dhe do të jetë në ardhmen shembull pozitiv në çdo aspekt .Ai ndodhet i ndaluar prej 2 Korrikut 2023 dhe i akuzuar për prodhim dhe sh*tje narkotikësh .50 vjeçarit ju mundësua ti festonte ditëlindjen të birit 7 vjeç në ambientin e Paraburgimit nisur nga vlerësimi pozitiv dhe sjellja shëmbullore nga Sektori i Çështjeve Shoqërore dhe stafi i IEVP Elbasan .Kjo ditëlindje kaq e veçantë e organizuar në oborrin e Paraburgimit të Bradashesh*t në Elbasan është cilësuar si një ngjarje e rrallë , por jashtëzakonisht e bukur e cila është përjetuar me emocione jo vetëm nga 50 vjeçari i paraburgosur por edhe nga stafi dhe drejtuesit e IEVP ,Bradashesh në Elbasan. Rrethanat në të në të cilat 50 vjeçari ndodhej në festën e ditëlindjes të të birit janë të pazakonta, por ai e gjeti zgjidhjen për të lumturuar të birin e mitur në Ditën e Lindjes duke i dhuruar momente gëzimi dhe lumturie , atij , djalit tjetër dhe bashkëshortes.Festimi i ditëlindjes së 7 vjeçarit është një shembull mjaft domethënës i cili jo vetëm forcon lidhjet familjare por edhe nxit ndjenjën e përgjegjësisë për të qenë një qytetar i denjë dhe tepër korrekt përsa i takon respektimit të ligjit .Kjo që ka ndodhur në IEVP e Elbasanit është dëshmi e qasjes motivuese dhe rehabilituese që ky institucion ka zgjedhur të ndjekë.Është koha që jo vetëm institucionet shtetërore por të gjithë të investohen edhe më shumë për rehabilitimin dhe edukimin e shkelësve të ligjit në mënyrë që perspektiva e tyre të jetë mjaft më e mirë se ajo që kishin kur ata përfunduan pas hekurave.

23/11/2024

Apel për ndihmë: Vogëlushja nga Elbasani ka nevojë për mbështetjen tuaj

Të dashur lexues të “Elbasani Plus,”

Sara, vogëlushja 6-vjeçare nga Elbasani, po përballet me një sfidë jetësore – luftën kundër leucemisë. Sëmundja e rëndë ka ndryshuar rrënjësisht jetën e saj dhe të familjes, por ata vazhdojnë të mbajnë shpresën të gjallë falë zemrave të mira të njerëzve që i rrethojnë.

Pas një operacioni të rëndë, Sara ka ende nevojë për trajtime dhe përkujdesje intensive për të fituar betejën më të rëndësishme të jetës së saj. Familja e saj, Altin dhe Matilda Mollaj, ju bëjnë thirrje të gjithë bashkëqytetarëve që të ndihmojnë me sa të mundeni për t’i dhënë Sarës një mundësi për shërim.

Çdo kontribut financiar apo shpërndarje e kësaj thirrjeje mund të bëjë një ndryshim të madh për Sarën. Ju mund të kontribuoni nëpërmjet platformës GoFundMe:

https://gofund.me/98dffccc

Faleminderit nga zemra për çdo ndihmë dhe mbështetje që mund të jepni! Së bashku, mund t’i japim Sarës një shpresë për të ardhmen.

Ju lutem na Ndihmoni ne permiresimin e Sarës! Të dashur miq, Sara , e … Altin Mollaj needs your support for Sara affetta da leucemia

23/11/2024

Një tjetër klient i kënaqur!

23/11/2024

Ekspozita "RINart" bën bashkë në Belsh dhjetra studentë të Akademisë së Arteve të Tiranës e Prishtinës.

NGA FATMIR POPJA

Në Belsh u hap në prag të Festave Kombëtare të 28 dhe 29 Nëntorit, edicioni i tretë i ekspozitës "RIN art" ku u bënë bashkë dhjetra studentë të Universitetit të Arteve të Bukura të Tiranës dhe të Universitetit Prishtinës. Ekspozita "RIN art" u hap në Galerinë "2Botë" në Seferan të Belsh*t ku studentët nga Shqipëria dhe Kosova ekspozuan rreth 400 punime.
Në këtë ekspozitë u promovuan talentet e reja të Fakultetit të Arteve të Bukura të cilët krahas konkurimit me punimet e tyre në pikturë kishin si synim kryesor që ta shfrytëzojnë këtë event edhe për nxitjen dhe zhvillimin e turizmit kulturor në bashkinë e Belsh*t dhe në të gjithë zonën e Dumresë.
Kryetari i kësaj bashkie, Arif Tafani, falenderoi Universitetin e Arteve të Bukura të Tiranës e Prishtinës, Fondin Shqiptar të Zhvillimit, studentët si edhe piktorin e talentuar Helidon Haliti i cili ideoi dhe organizoi në Belsh ekspozitën "RIN art" e cila hedh themelet e fuqizimit të turizmit kulturor i cili kohët e fundit është mjaft i preferuar si nga turistët vendas edhe nga të huajt .
Ekspozita “RIN art” e cila u hap në zemër të bashkisë së Belsh*t është një nga aktivitetet më të rëndësishme dhe unike në llojin e tij i cili bëri bashkë studentët e Universitetit të Arteve në Tiranë dhe ata të Universitetit të Prishtinës.Në
ceremoninë e hapjes së kësaj ekspozite në Galerinë “2 Botë” në Seferan të Belsh*t u prezantuan mbi 400 punime të studentëve aktualë të cikleve Bachelor dhe Master, si dhe të atyre që kanë përfunduar studimet ndër vite, të cilët prezantuan punimet e diplomës së tyre.Gjatë ditëve që Ekspozita "RIN art" do të jetë e hapur do të organizohen workshope në mediumin e pikturës, akuarelit, instalacionit dhe fashion design. Ekspozita "RINart" shfaq një gamë të gjerë punimesh nga tetë programe studimore sikurse janë programet fashion design, grafik dizajn, pikturë kavaleti, pikturë monumentale, fotografi, qeramikë, skulpturë dhe multimedia.
Ky aktivitet po zhvillohet në dy hapësira të mëdha ekspozuese prej 750 metrash katrorë, duke garantuar një përfaqësim dinjitoz të çdo mediumi.
Ekspozita “RIN art” nuk është vetëm një mundësi për promovimin e talenteve të rinj të Fakultetit të Arteve të Bukura, por edhe një nxitje për zhvillimin e turizmit kulturor në zonën e Belsh*t dhe kudo në vendin tonë që po frekuentohet nga miliona turistë nga e gjithë Bota . Galeria “2 Botë”, në ish-kapanonet e ushtrisë mbi kodrën e Seferanit është kthyer në një destinacion të rëndësishëm po pasuron jetën artistike dhe turistike të rajonit, falë iniciativës së piktorit të mirënjohur Helidon Haliti .Ai nga ana e tij thekson se në Belshin turistik ,veprimtari të kësaj natyre do të jenë të shumta në çdo stinë të vitit.Ndërkohë pas hapjes së "RIN art",studentët të cilët u vlerësuan për punimet më të mira të prezantuara në në këtë ekspozitë u shprehën të lumtur për vlerësimin që ju bë atyre në këtë event dhe premtuan se do të bëjnë gjithçka për të nxitur , zhvilluar e promovuar turizmin kulturor në çdo cep të Shqipërisë .

22/11/2024

Elbasani përmbytet nga reshjet, rrugët bëhen të pakalueshme

Vetëm disa minuta shi kanë mjaftuar që rrugët kryesore dhe ato dytësore të shndërrohen në zona të pakalueshme, duke shkaktuar vështirësi për qytetarët dhe bizneset.

Partia Demokratike, dega Elbasan, ka reaguar ashpër ndaj situatës, duke e cilësuar këtë një pasqyrë të qartë të papërgjegjshmërisë së Bashkisë Elbasan. Sipas PD-së, administrata lokale duket se është në një "gjumë të thellë dimëror," duke lënë qytetarët të përballen me pasojat e mungesës së investimeve dhe mirëmbajtjes së infrastrukturës.

“Mjaft më!” – apelon PD Elbasan, duke kërkuar marrjen e masave të menjëhershme për zgjidhjen e problemeve të përmbytjeve që përsëriten pas çdo reshje shiu.

19/11/2024

Situata/ Elbasani në presion, tri pikët shpëtojnë ekipin nga ndëshkimet

Elbasani ka një problem me fitoret. Mjafton të thuhet se në kampionat tri pikët e fundit janë koleksionuar në 29 shtator, në atë fitore minimale ndaj Bylisit në shifrat 0-1. Nga koha e golit të Arsen Llesh*t, verdheblutë nuk e kanë provuar më se çdo të thotë të shijosh një fitore.

Bëhet fjalë për pesë barazime dhe një humbje, që kanë kompromentuar disi edhe pozitat e verdhebluve në kampionat, sepse kanë zbritur në vendin e pestë, duke humbur ndjeshëm terren me kreun. Për këtë arsye, sfida e radhës me Tiranën është e një rëndësie të veçantë, ku përpos fitores asnjë rezultat tjetër nuk do të kënaqtë klubin, por edhe vetë tifozët.

KUPA SI SHPËTIM – Mirëpo, nëse nga Elbasani kërkohet rikthimi tek fitorja sa më parë, duket se në ndihmë i vjen pikërisht kupa. Si për ironi, fitorja e fundit në një ndeshje zyrtare është pikërisht nga ky kompeticion, ku mundën dhe eliminuan skuadrën e Turbinës me rezultatin e thellë 4-0 para një muaji. Edhe atë periudhë ekipi kishte nevojë të “shfryhej” dhe e bëri, ndonëse nuk shërbeu për mirë në kampionat, sepse ka munguar. Gjithsesi, sërish në një situatë ngërçi ku sulmuesit duhet të luftojnë edhe me faktorin psikologjik, duket se shpëtimi mund të vijë nga kupa. Këtë mesjavë verdheblutë do të presin në shtëpi skuadrën e Kategorisë së Dytë, Ilirinë, e cila vlen më shumë sesa një kualifikim. Kalimi i këtij turi është patjetër një detyrim për ekipin e drejtuar nga Roberto Bordin, por në kampin elbasanas duan ta shohin këtë sfidë edhe si një mundësi për t’u përgatitur sa më mirë për kampionatin. Shumë lojtarë nuk kanë arritur ende në pikën ku mund të bëhen vendimtarë për skuadrën dhe për këtë arsye ndeshjet e kupës në këto nivele, vijnë pikërisht në momentin e duhur për skuadra që ndodhen në pozitën e Elbasanit.

SITUATA – Edhe pse në Elbasan nuk duan ta përmendin fjalën presion, janë vetë rezultatet dhe pozitat që tregojnë të kundërtën. Nga ana e klubit kërkohet patjetër rikthimi tek tri pikët, ku edhe barazimi nuk konsiderohet më si një rezultat pozitiv. Drejtuesit kanë evituar marrjen e masave ndaj lojtarëve dhe stafit me shpresën se do të reflektojnë. Pas një gjysmë hapi pozitiv në Laç, më shumë për lojën sesa rezultatin, në rast të një humbjeje me Tiranën, edhe durimi mund të soset dhe të nisin masat ndëshkimore.

VLADIMIR MEMA-PANORAMASPORT.AL