https://www.facebook.com/104560115492111/

Torkham News تورخم نیوز

Home
Afghanistan
Panjshir
Torkham News تورخم نیوز

د تورخم او نورو لارو په اړه تازه په تازه معلومات له همدې ځایه تر لاسه کړئ
(3)

30/11/2024

له اسلام اباد ښه خبرونه نه لرو:

هغه افغانان چې اوس مهال اسلام اباد کې دي، د یو څه وخت لپاره دې بې ځایه ګرځېدا محدود کړي او له اړتیا پرته دې یو ځای بل ځای نه ځي، اسلام اباد کې د تېرو شوو مظاهرو پړه تر ډېره په افغانانو اچول شوې ده. حقیقت ټولو ته معلوم دی چې کوم افغانان اسلام اباد ته ځي یا تللي دومره په ډار هلته وخت تېروي چې حتا تر ډاکټر په ارامه زړه نشي تللئ، نو له هغوی په داسې سختو مظاهرو کې ګډون کول داسې دي لکه؛ یو څوک چې چا واده ته نه وي غوښتی خو بدبین یې پرې دا تهمت کوي چې ناوې سره ګلپوش کې چکر وهه.
اسلام اباد والا خپلې ویزې او د پولیس راجستریشن په خپل وخت اخلئ او تل د خپلې ویزې او پولیس راجستریشن له ځانه سره کاپي ولرئ.

Torkham News تورخم نیوز

29/11/2024

د پاکستان پلازمېنه اسلام اباد کې افغانانو ته نوې کیسه:

د پاکستان تحریک انصاف له مظاهرو وروسته چې په اسلام اباد کې ګڼ شمېر لاریون کوونکي پکې ووژل شول، له هغې وروسته د پاکستان د کورنیو چارو وزیر او بیا د اسلام اباد د پولیسو DIG وویل چې موږ به هېڅ افغان ته د ډیسمبر له ۳۱ وروسته اسلام اباد کې د اوسېدو اجازه ورنکړو. او هغوی چې غواړي اسلام اباد کې واوسي باید له DC یا ډیوټي کمیشنر څخه چې د اسلام اباد په G-11 سیمه کې واقع دی یوه اجازه نامه یا NOC واخلي، په دې اړه له موږ سره واوسئ زموږ همکاران به دقیق او کره معلومات په خپل وخت تاسو سره شریک کړي.

Torkham News تورخم نیوز

29/11/2024

مخکې مو هم ویلي بیا هم وايو: 🚨

جعل کاران بیخي ډېر دي، هېڅکله هېچاته د ویزې لپاره په کمېنټ یا فېسبوک کې پیغام مه لېږئ، په کمېنټ او پیغام کې چاسره معامله مه کوئ، لومړی خو هر څه پخپله وکړئ ساده او آسانه کار دی، خو که چېرې مو په بل چا ثبت نام کوو تر څو چې معتبر ادرس نه وي هېچاته حتا خپل اسناد مه لېږئ، ستاسو اسناد ستاسو هويت، ستاسو شتمني، ستاسو شناخت او ستاسو هر څه دي. جعل کاران ترې هر ډول ګټه اخیستی شي.

Torkham News تورخم نیوز

28/11/2024

د پاکستان وضعیت:

پاکستان کې د مظاهرو له وجې ټولې لارې بندې وې، خو نن هلته ټولې لارې په عادی ډول بېرته خلاصې شوې، که پاکستان ته د سفر نیت لری تللی شئ.

Torkham News تورخم نیوز

25/11/2024

افغان اتلان دي چې ځلېږي: 🌟

تر دې دمه د هند کرېکټ لیګ IPL کې اخیستل شوي افغان اتلان چې په لوبېدو به یې ټول افغانستان د ویاړ احساس وکړي.
په ټولو زیات خوشحاله یم خو شخصاً په کریم جنت ډېر خوشحاله شوم چې دومره لوی لیګ کې د لوبېدو چانس ورکړل شو.
د اخیستل شوو اتلانو بیې:

۱. نور احمد ۱۰ کروړه ۱.۲ میلیونه ډالر.
۲. الله محمد غضنفر ۴.۸ کروړه تقریباً ۶ لکه ډالر.
۳. عظمت الله عمرزی ۲.۴ کروړه تقریباً ۳.۵ لکه ډالر.
۴. رحمن الله ګربز ۲ کروړه تقریباً ۳ لکه ډالر.
۵. فضل الحق فاروقی ۲ کروړه تقریباً ۳ لکه ډالر.
۶. کریم جنت ۷۵ لکه تقریباً ۱.۱ لکه ډالر.

ټولو ته مبارک د لا ډېرو بریاوو په هیله.

Torkham News تورخم نیوز

25/11/2024

د سیاحتی نورمال ویزې:

سیاحتی عادي ویزې تر ۹ د اکټوبر پراسس شوې، یعنې ۵۶ ورځو کې د ویزې معلومات کېږي چې ورکول کېږي او که رد کېږي.

Torkham News تورخم نیوز

23/11/2024

د تورخم د هغه وخت انځور چې جالۍ نه وې لګېدلې:

23/11/2024

موږ ته د ورکو اجناسو ډېر اعلانونه راځي:

تورخم کې په دواړو خواوو په پوره اخلاص غږ کوو چې تورخم کې دواړو خواوو ته یوه د خیر غرفه د ورکو اجناسو غرفې په نوم جوړه کړي، او د ورکو اجناسو پیدا کوونکي هم خپل اخلاص وکړي چې پیدا شوي اجناس دغو غرفو ته وسپاري نو د ډېرو مسافرو ستونزه به حل شي. کیسه بورانو ته دې خدای له بلې خوا رزق او روزي برابره کړي او خدای دې هغوی ته د نېکۍ هیدایت وکړي چې په دغه تورخم کې د مسافرو له جېبونو وهلو او اجناسو پټولو ډده وکړي، چې د خلکو شکایتونه کم شي.

Torkham News تورخم نیوز

23/11/2024

د تورخم په اړه:

د تورخم لاره به په عادي ډول خلاصه وي، پاکستان کې د لارو بندېدو له امله تورخم نه بندېږي.

Torkham News تورخم نیوز

23/11/2024

د پاکستان آنلاین ویزو کې نوی بدلون:

زموږ د معلوماتو په اساس تر ډېره احتمال شته چې د پاکستان آنلاین ویزې نور په زونونو بدلې شي.
د پاکستان حکومت په افغانستان کې یو لوی سفارت په کابل کې او څلور قونسلګرۍ په هرات، ننګرهار، مزار شریف او کندهار کې لري.

۱. د پاکستان رسمي سفارت چې په مرکز کابل کارته پروان کې موقعیت لري لاندې ۱۱ ولایتونو ته به آنلاین ویزې ورکوي، لکه؛ کابل، لوگر، پکتیا، پکتیکا، خوست، غزنی، میدان وردگ، بامیان، پروان او پنجشیر.

۲. د مزارشریف قونسلگری چې په مزار کې موقعیت لري لاندې ۹ ولایتونو ته به آنلاین ویزې ورکوي، لکه؛ بغلان، سمنګان، مزار شریف، فاریاب، سرپل، جوزجان، کندز، تخار او بدخشان.

۳. د کندهار قونسلګرۍ چې په یاد ولایت کې موقعیت لري لاندې ۵ ولایتونو ته به آلاین ویزې ورکوي، لکه؛ کندهار، هلمند، زابل، ارزګان او دایکندی.

۴. د هرات قونسلګرۍ چې په یاد ولایت کې موقعیت لري لاندې ۵ ولایتونو ته به آنلاین ویزې ورکوي، لکه؛ هرات، فراه، غور، بادغیس او نیمروز.

۵. د ننګرهار قونسلګرۍ چې په جلال اباد کې موقعیت لري لاندې ۴ ولایتونو ته به آنلاین ویزې ورکوي، لکه؛ ننګرهار، نورستان، کنړ او لغمان.

دا معلومات د عادي سیاحتي ویزو لپاره تر اوسه ۱۰۰٪ تائید شوي نه دي، خو د مریضي ویزو لپاره دا زون بندي شوې ده.

یادونه: د نوم لیکنې په وخت په انلاین فورم کې واضح لیکل شوي چې کوم زون ته غواړې اپلای وکړې، نو په دې اړه تشویش مه کوئ.

د نورو معلومات لپاره له موږ سره واوسئ.

Torkham News تورخم نیوز

23/11/2024

پاکستان ته د تلونکو مسافرو د پام وړ:

پاکستان یو ځل بیا د مظاهرو له وجې ډېرې لارې بندې دي، که بېړنی کار نه لری له پېښور اسلام او لاهور خوا سفر مه کوئ.

Torkham News تورخم نیوز

22/11/2024

له نوم سره به یې خامخا اشنا یاست؟

بیل ګیټ نومېږي، یو وخت د نړی تر ټولو شتمن کس وو، اوس هم د نړۍ په ټاپ لسو شتمنو کې شامل دی، د یوې ثانیې ګټه یې 117$ ډالر ده، چې په دقیقه کې 7,020$ ډالر کېږي او ساعت کې 421,200$ ډالر ګټه لري، خو بیا هم د نظم د مراعت کولو لپاره د برګر اخیستلو ته ولاړ ده او بې نظمي نه کوي.
تاسو اوس ځان ته سوچ کوئ، چې تورخم کې، که نظم مراعت نه کړئ څومره ګټه به وکړئ او که یې مراعت کړئ څه ګټه به وکړئ.

که نظم مراعت نه کړئ ټوله به مو سل افغانۍ ګټه نه وي کړې.
بد به ښکارئ، په لاین کې ولاړ خلک به ښېرا درته وکړي او بې نزاکته به معرفي شئ.

که نظم مراعت کړئ، رش به نه وي، ټول به په خپل نوبت روان وي، او با کلتوره او با وجدانه به ښکارئ.

ګنډه ماران دې سپېشل کې واوري.

Torkham News تورخم نیوز

21/11/2024

له مسافرو یوه هیله:

تورخم کې چې نظم وي، ټول ۳۰ دقیقې وخت نه لګېږي، چې پاکستان خوا واوړي، مګر نیم ځینې په دروغو مختلفې بهانې کوي. څوک وايي چې کار لرم، څوک وايي مریض لرم، محصلین بیا وايي چې امتحانونه دي، څوک وايي ادې مې مخکې ده، او وغیره.
مهرباني وکړئ تورخم کې د تګ په وخت د نظم او نوبت مراعت کوئ، هېڅوک بېکاره نه دي چې پاکستان ته روان وي، هر سړی خامخا کار لري.
که څه هم له پخوا اوس ډېر نظم ښه شوی، خو بیا هم نیم ځینې وارخطا خلک شته.

دا وارخطا ملګري مو مېنشن کړئ او نور څه مه ورته وايئ. 😁

Torkham News تورخم نیوز

21/11/2024

د ویزو، د ویزو د تمدید او پاکستان کې د قانوني اوسېدو په اړه مو که نور کوم سوالونه وي نو مهرباني.

21/11/2024

د پولیس راجسترېشن یا سپیشل برانچ:

پاکستان کې کله هم چې پولیس افغانان یا نوی شخص د تلاشۍ یا پوښتنې لپاره دروي لومړنی پوښتنه یې د پولیس راجسترېشن وي، چې دا ورسره نه وي نو د پیسو اخیستلو لپاره ورته یوه بهانه پیدا شي.
راجستریشن په لاندې ډول کولی شئ:

۱. پاکستان ته له تلو وروسته په ۷ ورځو کې دننه باید د پولیسو راجستریشن وکړئ، که ۷ ورځو کې مو ځان راجستر نه کړ، تاسو باید یو بل مکتبوب چې (NOC for Police Registration) ورته وايي د پاکستان د کورنیو چارو وزارت نه واخلئ، چې تاسو ته د بیا راجستر کولو اجازه درکوي.

۲. د راجستریشن کولو ګټه دا هم ده، چې که چېرې ستاسو ویزه کې کم وخت پاتې وي، لکه ۲ ورځې او پاکستان ته لاړ شئ راجستریشن وکړئ، تاسو ته د (Stay Duration) اقامه وخت په اندازه د اوسېدو اجازه درکوي.

۳. که غواړئ درېیم هېواد ته یا افغانستان ته لاړ شئ تاسو باید بېرته د پولیس راجستریشن مرکز نه د وتلو سند یا (Exit Permit) واخلئ خو باید ستاسو د راجستریشن وخت یا تاریخ تېر نه وي.

۴. که چېرې ستاسو د ټاپې یا راجسترېشن وخت تېر وي، تاسو باید په آنلاین ډول د اګزیټ پرمټ یا وتلو سند واخلئ، او د اضافه وخت تېرولو قانوني جریمه تحویل کړئ. لکه؛
الف: که د ټاپې وخت نه تر ۱۴ اضافه ورځو تېرولو جرمانه نشته.
ب: د ۱۴ ورځو نه تر ۳۰ ورځو ۵۰ ډالر د اضافه وخت تېرولو جریمه ده.
د: له ۳۰ ورځو تر ۳ میاشتې اضافه وخت تېرولو ۲۰۰ ډالر جریمه ده.
ج: له ۳ میاشتو تر یو کال ۴۰۰ ډالر جریمه او کال په کال ۴۰۰ اضافه کېدل.

#یادونه: هغوی چې ډېر تګ راتګ لري مشکل نه لري که ځان راجستر هم نه کړي، هغوی چې پاکستان کې دوامداره پاتې کېږي د هغو لپاره ښه اپشن دی.

د پولیسو راجسترېشن مرکزونه:

۱. اسلام اباد: ایف ۶ مرکز، Police Registration Markaz

Location Link:

https://maps.app.goo.gl/Bk4v8CQzrwfUwLaZ9?g_st=com.google.maps.preview.copy

۲. پشاور: رینگ روډ، ګړي سکندر خان روډ Special Branch
Peshawar

Location Link:
https://maps.app.goo.gl/zfzu15nC6hYB92mq7?g_st=com.google.maps.preview.copy

دا معلومات د ZA Online Services شرکت په مرسته تاسو سره شریک شول.

Torkham News تورخم نیوز

20/11/2024

پاکستان کې د ویزې تمدید په اړه:

دا معلومات له خپلو ټولو هغو ملګرو سره شریک کړئ چې پاکستان ته تګ راتګ لري.

هغه کسان چې پاکستان ته په ویزو ځي یا تللي او اوس مهال یې ویزې ختمې دي خو لا هم غواړي پاکستان کې پاتې شي، لاندې ټکي په پام کې ونیسئ:

۱. کله چې تاسو پاکستان ته دننه شئ د خپلو ویزو (Stay Duration) یا د اقامې وخت په دقت ګورئ، په معمول ډول دغه مدت ۶۰ ورځې وي.

۲. تاسو باید پاکستان ته له تلو وروسته تر ۷ ورځو ځانونه پولیسو سره راجستر کړئ (Special Branch Police Registration).

۳. بهتره ده چې د خپل اقامې ختمېدو یا ۶۰ ورځو له پای ته رسېدو نه مخکې خپلې ویزې تمدید یا نوې کړئ، د پاکستان ویزې په انلاین ډول تمدید کېږي.

۴. عموماً خلک په دې غلطېږي یا تېر وځي چې زموږ ویزې خو یو کلنې دي، نو د ویزې تمدید ضرور نه دی، خو اصلاً داسې نه ده. که ستاسو ویزه لس کلنه هم وي او ستاسو د اقامه وخت (Stay Duration) 60 ورځې وي، نو تاسو باید یا تورخم ته تګ راتګ وکړئ یا هم خپلې ویزې تمدید کړئ. غوره آپشن د ویزو تمدید دی چې تورخم ته له تګ او تکلیف بې غمه شئ.

۵. که چېرې تاسو خپلې ویزې تمدید نه کړئ او تورخم ته تګ راتګ ونه کړئ او له 60 ورځو زیات وخت تېر کړئ نو تاسو باندې جریمه راځي، له 60 ورځو وروسته تر 14 ورځو جریمه نشته خو باید د وتلو پرمټ (Exit Permit)واخلئ چې په آنلاین ډول دی.
له 14 تر 30 ورځو اضافه وخت تېرول 50$ ډالر جریمه.
له 30 ورځو تر 3 میاشتو 200 ډالر جریمه.
له درې میاشتو وروسته 400 ډالر جریمه ټاکل شوې ده.

یادونه: مخکې له دې چې په تاسو جریمه راشي خپلې ویزې په وخت تمدید او نوې کړئ.

دا معلومات د ZA Online Services په همکاري تاسو سره شریک شول.

Torkham News تورخم نیوز

20/11/2024

د ویزې د رد کېدو دوه مهم علتونه:

اول: جعلي یا ایډیت شوې دعوت نامه.

دوهم: په فورم کې غلطه خاني پوري کول، نوم غلط لیکل، پیدايښت تاریخ غلطول او د پاسپورت د ورکړې او ختمېدو تاریخ کې غلطی کول او ډېری وخت د پلار نوم غلط لیکل.

حل لار؛ عموماً د پلار نوم چې په انګلیسي ژبه کې لیکلی د پښتو یا دری له تلفظ سره یې ځینې حروف توپیر کوي نو غلط شي. د ویزې له جمع کېدو وروسته د پلار نوم کې د اصلاح راوستلو هېڅ لار نشته، د دې ستونزې د حل لپاره د ویزه غوښتونکي شخص د پلار نوم په انټرنېټ (گوگل) کې لیکلئ او ورسره لیکئ English Spelling نو تاسو سره به د شخص د پلار د اصلي حروفو پیدا کولو کې مرسته وکړئ.

Torkham News تورخم نیوز

20/11/2024

یوه ډېره تکراري پوښتنه:

ډېری دوستان په پیغام او کمېنټ کې یوه دا پوښتنه کوي چې که زما ویزه کې کم وخت پاتې وي زه پاکستان ته تللی شم؟

#جواب: هو بلکل تللی شئ، که ستاسو په ویزه کې یوه ورځ هم پاتې وي، او تاسو پاکستان ته سفر وکړئ، د ویزې د اقامی وخت په اندازه پاکستان کې وخت تېرولی شئ.

د مثال په توګه؛ ستاسو ویزه کې ۲ ورځې وخت پاتې دی او ستاسو د ټاپې یا (Stay Duration) وخت ۶۰ ورځې دی، تاسو په همدې ویزه تر ۶۰ ورځو پاکستان کې تېرولی شئ، که مو غوښتل له شپېتو ورځو هم ډېر پاتې شئ، په آنلاین ډول د ویزې تمدید ته درخواست وکړئ او تر کلونو پاتې کېدلی شئ پرته له دې چې تورخم ته د ټاپې لپاره بیا بیا لاړ شئ.

Torkham News تورخم نیوز

Address

Panjshir

Website

facebook.com

Alerts

Be the first to know and let us send you an email when Torkham News تورخم نیوز posts news and promotions. Your email address will not be used for any other purpose, and you can unsubscribe at any time.