کاوون غږ خپلواکه راډيو لغمان - Kawoon Ghag Independent Radio Laghman

21/08/2024

دابادی کارونه په چټکی سره روان دي

دمهترلام ښاروالی دمطبوعاتو له څانګې خپره شوې خبر پاڼه وایی چې
د مهترلام ښاروالۍ له لوري ۲۰۰ کسانو ته د کار روزګار زمینه برابره شوې ده.

بیانیه کې ویل شوي
د مهترلام ښار په مختلفو ساحو کې د بیارغونې اته پروژې پیل شوي چې شاوخوا ۲۰۰ کسانو ته پکې د کار روزګار زمینه برابره شوې ده.

مهترلام ښاروال الحاج مولوي رحمت الله شهامت وویلي چې سږکال دوی د ښاروالۍ له بودیجې د سل میلیونه افغانیو په ارزښت ۱۶ پراختیايي پروژې پلې کوي چې تر دې دمه د اتو پروژو چارې پیل شوي او دوه سوه شاوخوا کسان پکې په کار بوخت دي.
نوموړي زیاتوي، چې د کال تر وروستیو او د نورو پروژو په پیلیدو سره به ډیری نورو خلکو ته هم کار روزګار برابر شي.
په بیانیه کې زیاته شوې چې ددغه برخو کاریګر په خپلو کارونو ډیر خوخ دي
#کاوون غږ خپلواکه راډیو لغمان

07/07/2024

وضاحت
زاویه نیوز اپلتی ویشتلي
دا سمه ده چی کاوون غږ راډیو تړل شوی ده خو دا نه دنظام پریکړه ده نه داطلاعات او فرهنګ دوزارت پریکړه ده او نه دملي امنیت دعمومي ریاست پریکړه ده
فقط دیوه مدیریت لخوا یو مکتوب لیږل شوی چی راډیو وتړی
مونږ مرکز کی یو او له مشرانو سره مو کتلي هغوی ډاډ راکړی چی راډیو بیرته پرانیزي
نه راډیو ظبط شوی ده او نه دولتي شوی ده
هغه رسنی چی له هیواده بهر فعالیت کوي هیواد داخل کی دلاسوهنی حق نه لري
مونږ ته مهمه دا ده چی ځمونږ رسنی بیرته فعالیت پیل کړی او خپل دهیواد وطن او نظام لپاره لا ډیر کار وکړي
دکاوون غږ خپلواکې راډیو مشرتابه

12/06/2024

لغمان پوهنتون کې دلمړي ځل لپاره (۶۰) تنه محصلین د اقتصاد پوهنځۍ څخه فارغ شول.
نن چهار شنبه ۱۴۰۳/۳/۲۳
یاد محصلین چې له تیرو څلورو کلونو راهیسې دلغمان پوهنتون په اقتصاد پو هنځی کې زدکړی کولی نن یی په دوه مختلفو څانګو اداره اوتجارت، مالي اوبانکداري څانګو کې خپله د لیسانس دوره پایته ورسوله

دهمدې فارغو شویو محصلینو دفرغت په ویاړ غونډه چې نن دلغمان ولایت مرکز سلطان غازي بابا ښارګوټي ښاروالۍ هوټل کې جوړه شوې وه پکې د لغمان ولایت پوهنتون رئیس سربیره دلغمان ولایت داقتصاد رائیس مولوي جان محمد حامد دلغمان دحج اوقافو رئیس مولوي فیض محمد هقاني، دلغمان پوهنتون زرعات پوهنځی رایس او دګڼو نورو پوهنځیو ریاستونو رئیسانو او دفارغو شویو محصلینو والیدینو ګډون کړی وو. غونډه دقران عظیم الشان په تلاوت پیل او وروسته د اقتصاد پوهنځۍ رئیس ښاغلي ویس الهادي دښه راغلاست وینا ترڅنګ ټولو فارغو شویو محصلینو ته ددغه ستر ویاړ مبارکي ورکړه او زیاته یی کړه چې دا زمونږ دلغمان ولایت لپاره یو ستر ویاړ دی چې دلمړي ځل لپاره پداسې ګڼ تعداد سره محصلین په لغمان ولایت کې خپله څلور کلنه تحصیلي دوره داقتصاد په برخه کې سرته رسوي.
بیا دلغمان ولایت داقتصاد رئیس مولوي جان محمد حامد یادې غونډې ته په خپلو خبرو کې وویل چې فارغ شوي ځوانان دې نه مایوسه کیږې او دا فکر دې نکوي چې مونږ لدې ځایه فارغ شوو او زمونږ لپاره به دندې پیدا نشي ښاغلي حامد زیاته کړه چې اسلامي امارت او خصوصً داقتصاد ریاست هڅه کوي چې ټولو ځوانانو ته دکار زمینه برابره کړي ترڅو دهیواد ځوان قشر بې مسؤلیته او بیکاره پاتې نشي. دلغمان ولایت دحج اوقافو رئیس مولوي فیض محمد هقاني وویل چې دپوهنتون او مدرسې ترمنځ چې مخکې کوم واټن شتون درلوده هغه واټن اوس له منځه تللی او د دیني علومو ترڅنګ عصري علوم زده کول هم ډیر اړین او ضروري دي ځکه زمونږ یو نوي پړاو ته دا خل شوې نو باید ټول په ګډه سره تعلیم ته کار وکړو او څه مو چې زده کړي وي نورو هیواد والو ته یی هم ورسوو ترڅو زمونږ په هیواد کې دبیسوادی کچه صفر ته ورسیږي او هیواد مو له نړۍ سره سیال شي. همدا راز دلغمان پوهنتون مالي او اداري مرستیال مولوي سیف الرحمن ټولو دلغمان پوهنتون محصلینو ته ډاډ ورکړ چې په مالي او اداري برخه کې به دوې ته ټول سهولیتونه برابروي او نه به پریکدي چې محصل په کومه ستونزه کې بند پاتې شي.
دفارغو شویوو محصلینو داولیاوو په نمایندګی مولوي سید محمد نسیم خبری وکړی او دلغمان پوهنتون له ټولی رهبري او خصوصً داقتصاد پوهنځی له ستادانو مننه وکړه چې ددوې اولادونه یی خپل ګڼلي او په ښه او معیاري شکل یی ورته تدریس ترسره کړی او په خپل مسلک کې ورته په پوره ډول سره معلومات ورکړي دي او ددوې اولادونه یی په اسلامي او افغاني روحیه سمبال روزلي دي.
پای کې یاده غونډه دمولوي عبد البصیر مظهري په دعایی سره پایته ورسیده

مجیب الرحمن یوسفزی

12/06/2024

لغمان ولایت کې د دوه میلیونه افغانیو په ارزښت دبریښنا یوه شبکه جوړه او ګټې اخیستنې ته وسپارل شوه.
نن چهار شنبه /۳/۱۴۰۳ /۲۳
نن د لغمان مرکز اړوند قلح فتح الله په سیمه کې دلغمان ولایت دبریښنا امریت لخوا ددوه میلیونه افغانیو په لګښت دبریښنا شبکه چې د شاو خوا ۲۰۰کورنیو ته پکې دبرق رسول شامل دي. نن دلغمان ولایت والي شیخ شیر احمد حقاني دلغمان دبریښنا ریاست امر مولوي نایب او دیادې سیمې ګڼ شمیر قومي مشرانو په حضور کې ګټې اخیستنې ته وسپارل شوه. د لغمان ولایت دبریښنا ریاست یو تن انجینر میرویس رسنیو سره دیادې شبکې په تخنیکې اړخ خبرې وکړې او زیاته یی کړه چې په دغه شبکه کې د ۱۶۰کیلو ټایمپر ترانس فرمر دلته نصب شوې چې تقریبا دری کیلو متره شبکه دمتوسط او ټي ټن پاس دلته تطبیق شوې ده چې یادو کورونو ته به په ښه شکل سره بریښنا ورسوي.
دلغمان والي ښاغلي شیخ شیر احمد حقاني هم کاوون غږ راډیو ته وویل چې دیادې شبکې پروژه چې دلغمان ولایت بریښنا ریاست په هڅو او دافغانستان بریښنا ریاست په همکاری پدې سیمه کې دیوه کال په موده کې تطبیق شوه. چې خوشبختانه نن مو ګتې اخیستنې ته وسپارله.
دهمدې سیمې اوسیدو نکي هم ددولت او دلغمان ولایت بریښنا ریاست څخه مننه کوې او وایی چې دبرق نشتون ورته ډیر سخت وو. د سیمې یو تن دینې عالم مولوی ضیاالحق کاوون غږ راډیو ته وویل: چې مخکې دبرق نشتون زیاتو مشکلاتو سره مخ کړي وو داړتیا په وخت کې به مو په تیلفونو کې چارج نه وو او زیاتره وخت به مو دشپې دوډی په تروږمۍ کې خوړله نوموړي زیاته کړه چې اوس زیات خوشحاله یو چې دبرق له سهولیت څخه برخمن شوو او دکلي ټول وګړي مو ډیر زیات خوشحاله دي او له بریښنا ریاست څخه ډیره مننه کوی چې دا سهولیت یی ورته برابر کړو.
یادې سیمې بل اوسیدونکی ملک روح الله کاوون غږ راډیو ته وویل چې دزیاتو هلو ځلو وروسته وتوانیده چې یاده شبکه په خپل سیمه کې تطبیق کړي . هغه زیاته کړه چې دګرمۍ له زیات مشکل سره مخ وو او حتا په اسد او سرطان میاشتو کې به یی دکلیو خلکو د زیاتی ګرمۍ له امله دشپی خوبونه نکول او ټوله شپه به یی دګرمی له امله په ویخه تیروله او کوچینو ماشومانو به ورته ټوله شپه ژړل . نو اوس چې دوي ته دبرق ستونزه حل شوه نو ددې په شمول یی دکلي ټول وګړي د اسلامی امارت یادې کړنې ستایی او له خدمتونو څخه ېې مننه او قدردانی کوي
دیادونې وړ ده چې تردې مخکې هم په لغمان کې دیته ورته دبریښنا شبکې جوړی شوي چې خلک دبرق له سهولیته برخمن شوي دي.
راپور: مجیب الرحمن یوسفزی

11/06/2024

لغمان ولایت مهترلام ښار کې د صنعت او سوداګری ریاست لخوا د یو ګډ کمسیون له لوری د نرخونوکنترول ترسره شو.

نن دلغمان ولایت مرکز مهترلام ښار کې د صنعت او تجارت ریاست له لوري دنرخونو کنټرول او بی کیفیته او تاریخ تیره توکو څارنه او کنترول ترسره شو
دلغمان ولایت دصنعت او سوداګری رئیس مولوي سلامت خان بلال کاوون غږ راډیو ته وویل چې دیو ګډ کمسیون په ملتیا په لغمان ښار کې دنرخونو دکنټرول ترڅنګ دتاریخ تیره او بی کیفیته توکو کنټرول هم ترسره کوي ښاغلي بلال وویل چې دلوی اختر تر لمړی ورځی پوری به یاد کمسیون دلغمان ښار کې ګرځي او دنرخونو کڼترول به ترسره کوي او سرغړوونکو سره به قانوني چلند کوي. نوموړي زیاته کړه چې مونږ ټولو دوکاندارانو او عمده فروشانو ته نرخ نامی ورکړي دي او دوې مکلف دي چې دنرخ نامو مطابق خپل توکي وپلوري.
د لغمان ولایت هټیوال هم ددولت لدې کړنې خوښي څرګندوي او وایی چې دا څارنه او کنټرول هم مونږ ته او هم مشتریانو ته په ګټه دی. ځکه چې دظلم مخنیوی پکې کیږي. د لغمان ولایت اوسیدونکي هم د اسلامي امارات او دصنعت او سوداګری ریاست له دغسی کړنو خوښ دي.
خاکسار چې دلوی اختر لپاره یی په لغمان ښار کې سودا اخیسته کاوون غږ راډیو ته وویل چې نرخونه له پخوا څخه ډیر کنټرول شوي دي اوهم دبی کیفیته توکو مخنیوی شوی . ده وویل مخکې به نرخ نامو شتون نه درلود او د پلورونکو به چې څنګه خوښه وه نو په خلکو به یی همغسې سودا خرڅوله. خو د اسلامي امارت په راتګ سره هرڅه بدلون کړی او دپخوا په پرتله څو چنده ښه والی پکې راغلی دی.
دیادونی وړ ده چې لدې مخکې هم وخت ناوخته په لغمان ولایت کې د یاد ریاست له لوري د نرخ نامو او بی کیفیته توکو کنټرول ترسره شوی دی.
راپور: مجیب الرحمن یوسفزی کاوون غږ راډیو لغمان.

01/06/2024

لغمان ولایت کی د شاوخوا دوه میلیونه افغانیو په ارزښت دیوه سړک دجوړیدو چاری پیل شوی.

نن شنبه ۱۴۰۳/۳/۲۱

نن د لغمان ولایت مرکز اړوند دمسري کلا په سیمه کې یو سړک چې دهمدې سیمی شاو خوا لس کلي سره نښلوي دکلیو بیاراغونې ریاست لخوا ددوه میلیونه افغانیو په ارزښت جوړیږي. یاد سړک چې یو نیم کیلو طول او پنځه متره عرض لري چې د څه کم دوه میاشتو په اوږدو کې به یی دجوړیدو چارې بشپړې شي. د لغمان دانکشاف ادهاد رئیس مولوي محمد ظاهر زرکمر کاوون غږ راډیو ته وویل. چې د یاد سړک بودیجه د انکشاف ادهاد ریاست لخوا برابره شوې ده . چې زیات شمیر کلیوالو ته پکې دکار زمینه برابره شوی ده او د همدې کلیو وګړي پکې په کار بوخت دي. د همدې سړک یو تن کاریګر شریف خان کاوون غږ راډیو ته وویل چې ډیر زیات خوښ دي چې په خپل کلي کی ورته دکار زمینه برابره شوه او لدې طریقه به خپلو اولادونو ته حلال نفقه برابره کړي. ددې سړک په اوږدو کې پراته دسیمی خلک زیات خوښ دي او داسلامي امارت او دانکشاف ادهات ریاست څخه مننه کوي چې دا سړک ورته جوړوي او ددوې ستونزی ته رسیدګي کوي
دهمدې سیمی ملک ملاجان کاوون غږ راډیو سره په خپلو خبرو کې وویل چې ددوې دا سړک داوبو دراتګ له امله له ستونزو سره مخ وو. چې کله به باران شو نو تګ راتګ به پری بیخی سخت وو. ښاغلی ملاجان زیاتوي چې اوس مو که دا سړک په ښه شکل سره جوړ شي نو زمونږ د ولسونو زیاتی ستونزی به پری حل شي. ملاجان دانکشاف ادهات له رئیس ښاغلي زرکمر نه مننه وکړه چې دولسونو ستونزو ته په ښه شکل رسیدګي کوي.
دیادونی وړ ده چې داسلامي امارت په راتګ سره په لغمان ولایت کې دبیاراغونې کارونه چټک شويِ چې څه موده مخکې د انکشاف ادهات ریاست له لوری دعلیشنګ او دولت شاه ولسوالۍ ترمنځ دسیند پورې غاړې دوهم جوړ او ګټی اخیستنی ته وسپارل شو.

راپور: مجیب الرحمن یوسفزی کاوون غږ خپلواکه راډیو لغمان

29/05/2024

لغمان ولایت کې دڅه کم پنځه میلیونه افغانیو په ارزښت داوبو یوه سولري شبکه جوړه او ګټی اخیستنی ته وسپارل شوه.

نن دلغمان ولایت قرغیو ولسوالۍ اړوند ګنداب کلي کې د څه کم پنځه میلیونه افغانیو په لګښت داوبو یوه سولري شبکه چې د لغمان ولایت دکلي او بیا راغونی ریاست په همکاری دیونسف مؤسیسی په مالي لګښت او دیاد کلي دپراختیایی شورا په مرسته جوړه او ګټی اخیستنی ته وسپارل شوه. یاده شبکه چې د ۳۳سولرو، د۴۰ مترو په اوږدو د اوبو یوه ذخيره او تر ۱۳۳ پوری کور په کور د اوبو د شیردانونو تیرول پکې شامل دي. چې د پنځوو میاشتو په اوږدو کې جوړه او نن د لغمان مرستیال والي اختر محمد مزمل د لغمان دکلیو بیاراغونې ریاست رئیس مولومحمد ظاهر زرکمر او دګنداب دکلي دقوم مشرانو په حضور کې ګټې اخیستنی ته وسپارل شوه. دلغمان ولایت دانکشاف دهات ریاست رائیس مولوي محمد ظاهر زرکمر کاوون غږ راډیو سره په خپلو خبرو کې وویل چې دیادې شبکې له کار څخه یی په خپل وخت څارنه او لیدنه ترسره کړی او ددې شبکې په جوړیدو سره له دری نیم سوو څخه زیاتی کورنۍ دصحي اوبو څخه برخمنی شوی. بلخوا دهمدې سیمی قومي مشر کاوون غږ راډیو سره په خپلو خبرو کې داسلامي امارت نه مننه وکړه او زیاته یی کړه چې مخکې دوې له زیاتو ستونزو سره مخ وو پاکې اوبه یی نه لرلی او له سیند څخه به یی په سختیو سره اوبه جیګولی چې هغه اوبه صحي هم نه وې. دهمدې سیمې ملک محمدعمر د لغمان ولایت مقام رهبري دیو نسف مؤسیسی او دانکشاف ادهات له رائیس نه مننه وکړه چې ددوې ستونزی ته یی په ښه شکل رسیدګي وکړه. او له حکومته نه یی غوښتنه وکړه چې ددوې سیمه کې دمعارف په برخه کې هم خدمات کم دي او مکتب یی دستادانو له کمبود سره مخ دی. اوزیاته یی کړه چې دمنظم پول دنشتون له امله سختو ستونزو سره مخامخ دي او ددې ترڅنګ یی ځینی نوری غوښتنی هم وکړئ
پای کې دلغمان مرستیال والي ښاغلي مزمل دګنداب دکلي خلکو ستونزو اوریدو ترڅنګ ډاډ څرګند کړ چې دوې به تر خپل وس او توان پوری ددوې ټولو شته ستونزو دحل لپاره کار کوي او دوې ته به ټول امکانات برابروي.
دیادونې وړ ده چې د اسلامي امارت حکومت په راتګ سره نه تنها داسیمه بلکې تردې مخکې هم دیته ورته سیموخلکوته د پاکو او صحي اوبو شبکې جوړی شوي دي .

راپور: مجیب الرحمن یوسفزی کاوون غږ لغمان

12/05/2024

ټاکل شوې سبا سهار اته بجې د نغلو برښناکوټ د ګل‌آبې دروازه د سېلابي اوبو د خټو، خځلو او خاشاکو د تخليې په موخه پارچاو شي.
له همدې امله، د جلال آباد ښار ټولو هغو درنو اوسېدونکو ته چې د کابل سيند د مسير په دواړو خواوو کې سيند ته نږدې اوسي، خبر ورکول کيږي چې د سیند د اوبو د کچې د زیاتېدو له امله د خپل خونديتوب له پاره احتياطي تدابير ونيسي او سيند ته له نږدې ورتلو ډډه وکړي.

12/05/2024

لغمان ولایت کې دڅه باندې څلور میلونه افغانیو په ارزښت د یوه چک ډیم دجوړیدو ډبره کیښودل شوه.
نن د لغمان ولایت مرکز مهترلام اړوند ګلارام سیمه کې د څلور میلیونه او دری لکه افغانیو په ارزښت دیوه چک ډیم دجوړیدو ډبره کیښودل شوه. یاد چک ډیم چې دلغمان ولایت دسیندیزی حوزی په همکاری دWPF مؤسسې په مالي ملاتړ جوړیږي چې پکې دیادې سیمی۷۱ تنه ځوانان پکې په کار بوخت دي. او هر ګاریګر ته به دمیاشتی ۶۴۰۰افغانۍ اجوره ورکول کیږي چې دشپږومیاشتو په اوږدو کې به یی دجوړیدو چارې بشپړی شي.ددې چک ډیم په جوړیدو سره به د ګلارام د سیمی لسګونه جریبه ځمکه خړوبه شي. چې دسیمی خلکو ته به یی ډیره ګټه ورسیږي. دیاد چک ډیم دافتتاح پرمهال دلغمان ولایت مرستیال والي مولوي اخترمحمد مزمل، د لغمان داقتصاد رائیس مولوي جان محمد حامد، دلغمان ولایت دسندیزی حوزی امر مولوی شیرجان راشیدي، او د یادې مؤسیسی غړو ګډون درلود. د لغمان دسیندیزی حوزی امر مولوي راشیدي کاوون غږ راډیو سره په خپلو خبرو کې وویل چې یاد چک ډیم د دری نیم زره متره مکعب اوبو د ذخیری ظرفیت لري چې طول یی ۳۰ متره او لوړوالی یی ۴ متره دی. بل خوا دلغمان مرستیال والي ښاغلي مزمل رسنیو سره په خپل خبرو کې وویل چې ددې چک ډیم په جوړیدو سره به دګلارام سیمی خلکو داوبو ستونزی هواري او هغه داوبو سرچینی چې مخکې وچې شوې وې ددې چک ډیم په جوړیدو سره به هغه بیرته تازه شي.
دهمدې سیمي اوسیدونکي له اسلامي امارت او د Wfp مؤسسی له مسؤلینو خپله خوښي څرګندوي او وایی چې ددې چک ډیم په جوړیدو سره به ددوې سیمه له اوبو څخه برخمنه شي. د همدې سیمی یو تن اوسیدونکي وکیل خان کاوون غږ راډیو ته وویل چې ډیر زیات خوشحاله دي چې ددوې په سیمه کې داسې پرمختګ ترسره کیږي. ځکه مخکې یی اوبه نه لرلی او حتی اکثره وخت به یی څاروي داوبو دنشتون له وجې تږي پاتې کیدل او ونې بوټی به یی وچ شول خو اوس ددې چک ډیم په جوړیدو سره به یی دا ستونزه هواره شي.
دیادونې وړ ده چې له دې څخه مخکې هم اسلامي امارت دلغمان په پنځه ګونو ولسوالیو کې دغسې چیک ډیمونه جوړ کړي دي چې څه موده مخکې یی پنځه نور چک ډیمونه ګټې اخیستنې ته وسپارل .
راپور: مجیب الرحمن یوسفزی کاوون غږ راډیو لغمان

09/05/2024

لغمان کې دڅه کم دوه میلیارده افغانیو په ارزښت پروژې ګټی اخیستنی ته وسپارل شوې

نن پنجشنبه
۱۴۰۳/۳/۱۹/
نن په لغمان ولایت علیشنګ او بادپښ ولسوالیو کې دکلیو پراختیا ریاست په همکاری داکټید مؤسیسی په مالي لګښت پروژې چې پکې سړکونه جوړول ، دکوڅو جوړول،د سړک دغاړواو واشونوجوړول او تر دوه نیم زرو بی سرپرسته کورنیو ته خوارکي موادو ورکول شامل وو.چې په تیر یوه کال کې تطبیق او نن ګټی اخیستنی ته وسپارل شو. د یادې پروژی دګټی اخیستنې په پار جوړه شوې غونډه چې د علیشنګ ولسوالی په مرکز کې نیول شوې وه. د لغمان ولایت مرستیال والي مولوي اختر محمد مزمل ترڅنګ دلغمان ولا یت دکلیو بیاراغونی او پراختیا ریاست رئیس، داکټید مؤسیسي یوشمیر مشران ، د علیشنګ ولسوالۍ ولسوال او دعلیشنګ ولسوالی یوشمیر قومي مشرانو او داقتصاد رایاست استازو ګډون کړی وو. په پیل کې دعلیشنګ ولسوال قاري متوکل د ښه راغلاست وینا ترڅنګ وویل چې دخدای نه زیات شکر اداکوو چې مونږ ته یی داسی نظام راکړ چې ټولو هیوادوالو ته پکې خپل حقوق رسیږي او زیاته یی کړه چې دا وطن انکشافی کارونو ته ضرورت لري او مونږ ټول دولایت له مقام او داکتید موسیسی له مسؤلینو څخه ډیره مننه کوو چې داسې پروژې یی په علیشنګ ولسوالی کې پلي کړی چې نن یی ګټی اخیستنی ته سپاري.
بلخوا داکټید مؤسیسی لخوا دیادو پروژو مسؤل مدیر کاوون غږ راډیو سره په خپلو خبرو کې وویل .چې یادې 243مختلف پروژ ې چې په علیشنګ او باد پښ ولسوالیو کې تطبیق شوي.چې تر نولس زرو زیاتو ځوانانو ته پکې دکار زمینه برابره شوې وه اوس بشپړی شوی اوګټی اخیستنی ته وسپارل شوې . د وویل په یادو پروژو کې دعلیشنګ او دولت شاه ولسوالۍ ترمنځ دسیند بلی غاړی دوهم فرعي سړک جوړیدل هم شامل وو. چې یاد سرک دعلیشنګ ولسوالۍ د سیند هغې غاړی ولسونو ته غټ سهولت شو.ځکه چې مخکې دسیند هغې غاړی دکلیو خلک له سړک څخه بی برخې وو او په سختئ سره یی دخپل ورځیني ژوند اکمالات کول. چې ددې سړک په جوړیدو سره دهغوی زیاتی ستونزی حل شوی. په همدې سره دلغمان ولایت دکلیو او بیاراغونې ریاست رئیس مولوي محمد ظاهر زرکمر رسنیو سره په خپلو خبرو کې وویل. چې مونږ تر ډیره حده هڅه کو ترڅو دخپل ملت ټولو ستونزو ته رسیدګي وکړو او زیاته یی کړه چې دیادو پروژو څخه یی وخت ناوخت لیدنه او نظارت ترسره کړی دی او یادونه یی وکړه چې دټولو پروژو کارونه په ښه او شفاف ډول سره ترسره شوي دي. بلخوا دعلیشنګ او بادپښ ولسونه دامارت او داکتیډ مؤسیسي څخه دمننې ترڅنګ خوښی څرګنده کړه او وې ویل چې دیادو پروژو دپلي کیدو څخه مخکې دوې له ګڼو ستونزو سره مخامخ وو سړکونه یی نه درلودل کوڅې یی خامې وې او دپلونو دنشتون سره مخ وو دبادپښ ولسوالۍ یو تن قومي مشر کاوون غږ راډیو ته وویل. چې ډیر زیات خوښ دي چې اسلامي امارت ورته توجه وکړه او داکتیډ موسیسې یادې پروژی یی ددوې په سیمه کې تطبیق کړی او له حکومت او همکارو مؤسیسو څخه یی وغوشتل چې بادپښ ولسوالی ته غزیدلی سړک ورته په معیاري شکل جوړ کړي. ترڅو دوې لغمان ښار ته دستونزو په وخت په اسانۍ سره راتګ وکړی. بلخوا دلغمان مرستیال والي دټولو قومي مشرانو ستونزی واوریدی او ډاډ یی څرګند کړ چې ددوې غوښتنې به لوړو مقاماتو سره شریکوي او ددوې ستونزو ته به رسیدګي کوي ښاغلي مزمل له ټولو ولسونو وغوشتل کوم کارونه او بیارغونه چې ددوې په سیمو کې شوې باید ښه ساتنه تری وکړي.ّ ترڅو په راتلونکي کې له ورته ستونزو سره مخامخ نشي.
دیادونې وړ ده چی داسلامي امارت په راتلو سره دهیواد او خصوصاً په لغمان کې ورته زیاتې پروژي پلي شوي دي چې خلکو ته یی دسهولت برابرولو ترڅنګ دکار زمینه هم برابره کړی ده.
راپور: مجیب الرحمن یوسفزی کاوون غږ راډیو لغمان

17/04/2024

لغمان ولایت کې د ۱۶۶۹کډوالو کورنیو سره نغدی مرسته ترسره شوه.
نن په لغمان ولایت کی دافغانستان د اسلامي امارت له لوري دتیرو پنځوو میاشتو په اوږدو کې دپاکستان هیواد څخه په جبري توګه داخراج شوو کډوالو کورنیو سره څه باندې (۱۹) میلیونه افغانیو نغدو پیسو ویش ترسره شو.یادې پیسې چې دویش پرمهال یی دلغمان ولایت مرستیال والي اختر محمد مزمل، دکډوالو چارو رئیس غلام الرحمن بلال، دلغمان ولایت دمستوفیت رئیس، دافغانستان بانک او دلغمان ولایت داستغباراتو استازو ګډون درلود . دکډوالو چارو رئیس رسنیو سره په خپلو خبرو کې وویل هغه کورنۍ چې له پاکستان هیواد څخه راستنې شوې وي او په تورخم کې ورته دافغان دولت لخوا لس زره افغانی ورکړل شوې وې. چې ټول یی ۱۶۶۹کورنۍ کیږی چی هر فامیل ته چې دکور دغړو تعداد یی پنځه نفرۀ وي في نفرته ۲۰۰۰افغانۍ او هغه کورنۍ چې فامیل یی له پنځوو کسانو څخه زیات وی هرکس ته زرافغانۍ ورکول کیږي. چې یاده توزیع نن چهار شنبه شروع شوه او تر راتلونکو څو ورځو پورې به دوام ولري .بل خوا دلغمان ولایت مرستیال والي ښاغلي مزمل په خپلو خبرو کې وویل چې دغه مرسته چې نولس میلونه دوه لکه یویشت زره افغانۍ دي. چې داسلامي امارت له خپلې شخصي بودیجې څخه هغه کډوالو کورنیو ته ورکول کیږي چې له پاکستان هیواد څخه په اجباري ډول اخراج شوي دي. او اوس یی دلته په لغمان ولایت کې ژوند له ستونزو سره مخ دی. مرستیال والي ډاډ څرګند کړ چې دپیسویاده پروسه شفافه ده او هیچاته به ددرغلیو اجازه نه ورکوي او حق به خپل حقدار ته سپارل کیږي. دهمدې مرسته اخیستونکو له ډلی یوتن فرمان الله چې له پاکستان هیواد څخه په زوره ویستل شوې کاوون غږ راډیو سره په خپلو خبرو کې وویل چې خوشحاله دی چې د افغان حکومت توجه ورته زیاتۀ ده او یاده مرسته یی ورسره وکړه. فرمان له اسلامي امارته غواړي چې داسې مرستې ورسره زیاتې کړي. ځکه چې ددوې مال او حال په ګاونډي هیواد پاکستان کې پاتې شو او یوازې له خپلو اولادونو سره خپل هیواد ته راستانه شوي دي. بل تن چې ګوهرخان نومیږي او دلغمان ولایت دمرکز اوسیدونکی دی وایی مخکې یی په پاکستان هیواد کې دکډوالۍ شپې او ورځې تیرولی اواوس خوښ دی چې خپل ګران هیواد ته راغلی او خپل هیواد کې دامن په فضا کې ژوند تیروي ګورخان خپل ژوند له ستونزو ډک یاد کړ اود افغان حکومت او خصوصاً دلغمان ولایت له ټولو چارواکو یی مننه وکړه چې له دوې سره یی پدې سختو حالاتو کې دنغدو پیسو مرسته وکړه هغه له اسلامي امارت وغوشتل چې دا پیسې ورته کافي ندي او باید له دوې سره نورې مرسته هم وشي. ګوهر دحکومت تر څنګ په ټولو خیریه مؤسیسو غږ وکړ چې دکډوالو لاسنیوی وکړي.
دیادونې وړ ده چې دا ا ا حکومت تردې وړاندې هم له کډوالو کورنیو سره بیلابیلې خوراکي او غیرې خوراکي مرستې ترسره کړي دي.
راپور: مجیب الرحمن یوسفزی کاوون راډیو لغمان

08/04/2024

دشه💝داؤو دورثه وو له دوه سوه کورنیو سره نغدي مرسته وشوه

نن دوشنبه دلغمان ولایت دکډوالو او بیرته راستنیدونکو چارو ریاست رئیس مولوي غلام الرحمن بلال له لوري دخپل دلګي دش شویو مج دینو له ورثوو سره دنغدي پیسو ترڅنګ دیو شمیر ژمنیو توکومرسته وشوه
یاده مرسته کې هرې کورنۍ ته ددرې او پنځه زره افغانیو ترڅنګ نور ژمني کیټونه چې پکې کالي،جمپر،بوټان،جرابې، او دست کشې، شاملی وې ورکړل شوې
دویش غونډې پرمهال یی د لغمان ولایت دجلب او جذب قومندان مولوي عبد الرازق ، دلغمان ولایت دمخابراتو ریاست رئیس، د امرباالمعروف، ولایت مقام، اوداستخباراتو ریاست استازوسربیره دش اوولسګونو ورثه ؤ ګډون کړی وو
غونډه دقران عظیم الشان د مبارکو ایاتونوپه تلاوت سره پیل شوه
دپیل وینادلغمان ولایت دکډوالو چارو رئیس مولوي غلام الرحمن بلال وکړه او ویی ویل
لکه څنګه چې اسلامي ا یو واحد صف دی اومونږ هم ژمنه کوو چې دش انو له وینو اوارمانونه سره خیانت نکوو .
ښاغلي بلال وویل
د شکر ځای دی چې ددومره قربانیو سره سره بیا هم ځمونږ ملت مات ندی او بیرته په خپلو پښو ولاړ دی ده وویل چې مونږ دټولو شه انو د اولادونو دتعلیم او ژوند په مخته وړلو کې مرسته کوو
له دوې سره ولاړ یو
او ددوې دښوونځي
او مدرسې دفیسونو ترڅنګ دژوند په ټولو چارو کې ورسره مرسته کوو ښاغلي بلال زیاته کړه چې ټول ش ان زمونږ په یاد دي او هیڅکله به زمونږ له یاده ونه وځي
ده غږ وکړ چې دټولو
ش انوکورنۍ باید پدې کار کې له مونږسره مرسته وکړي او خپلی ټولې ستونزې له مونږ سره شریکې کړي
ترڅو مونږ ورته رسیدګي وکړو .
ورپسې دلغمان ولایت مقام اودامرباالمعروف والنهی عنی المنکر او سمع شکایاتو ریاست استازي مولوي سید حسن هاشمي خبرې وکړې او ویی ویل چې انسانان دکوم نعمت شکر وباسي نو خدای (ج) یی ورته نور هم زیاتوي او زیاته یی کړه چې د، اسلامي ا دحکومت له پیله ترننه له هیڅ ډول ناکامي سره ندی مخ شوې ځکه دا دداسې فدایانو اوش انو برکت دی چی خپلی غوښې او هډوکي یی له اسلامه ځار کړل
هغوي چې شه ان شول الله ج ورته لوړاخروي منصبونه ورکړل
او پاتې مجاهیدین اوس د امتحان سره مخ دي
ښاغلي هاشمي له مولوي غلام الرحمن بلال حقاني څخه مننه وکړه چې خپل ش ان یی ندي هیر کړي او تل کوشش کوي چې دهغوې له کورنیو سره مرسته وکړي
پای کې دش داوو دکورنیو په استازولۍ حاجی حاجت ګل خبرې وکړی او ویی ویل چې مونږ باید ټول دالله ج شکر ادا کړو ځکه چې زمونږ داولادونو وینې همداسې پاتې نشوې او خدای پاک ج مونږ ته یو اسلامي نظام راکړاو پرمونږ یی رحم وکړهغه د شل کلن ج د سختۍ بیان کړی او زیاته یی کړه چې مونږ د خپلو تورسرو په لاس مج نو ته په ډیرې سختی سره ډوډی وړي دي او دسر په قیمت مو له اسلامي امارت سره مرسته کړی ده او بیایی هم کوو
دمرسته اخیستونکو کورنیو څخه دشهید عطاءوالله زوی کاوون غږ راډیو ته وویل چې زیات خوشحاله دی او ددې کورنۍ زیاته خوشحاله ده چې د ښاغلي بلال په یاد دي او تل یی ورسره همداسې مرسته کړی او تراوسه یی یوازې نه دي پریخي .
دیادونې وړ ده چې ښاغلي بلال دخپلو ملګرو په همکاری لدې مخکې هم دش دانو له کورنیو سره داسې مرستې ترسره کړي دي.
دبلال حق اني دلګی ښایی په لغمان کی یواځینی دلګی وي چی له خپلو ټولو مجاهدینو دشه دانو دکورنیو دپاللو لپاره میاشتنی حق العصویت راټولوي اودش دانو کورنی پری پالي
راپور: مجیب الرحمن یوسفزی کاوون غږ.لغمان

04/04/2024

په ایران کې دجنازې نا اشنا او نادره مراسم

19/03/2024

د څه باندې ۱ میلیون افغانیو په ارزښت له ولایت مقام څخه تر مستؤفیت پورې د کټارې د لګولو پرانیسته وشوه.

د مهترلام ښاروالۍ له لوري له ولایت مقام څخه تر مستؤفیت پورې د ګلانو او بوټو د ښې ساتنې په موخه د ۱میلیون او ۳۹۴ زره افغانیو په ارزښت کټارې لګول کېږي، چې نن یې د لغمان والي شیخ الحدیث شېر احمد ح قاني، د ولایت مرستیال الحاج مولوي اختر محمد مزمل او د مهترلام ښاروال الحاج مولوي رحمت شهامت په لاسونو یې پرانیسته وشوه.

لغمان والي وویل: نننۍ پروژه د مهترلام ښاروالۍ په مالي لګښت پیل شوه چې له ولایت مقام څخه تر مستؤفیت پورې کټارې لګول کېږي او په راتلونکي ۱۴۰۳ کال کې ډیرې پروژې په پلان کې لرو تر څو لغمان کې یې عملي کړو.

مهترلام ښاروال الحاج مولوي رحمت الله شهامت وویل: یادې کټارې د ۱ میلیون او ۳۹۴ زره افغانیو په لګښت لګول کېږي، چې چارې یې د رودوال الیاس خېل ساختماني شرکت له خوا پر مخ وړل کیږي.

ښاروال وویل: د شرکت مسؤلینو ته د یادې کټارې د نصب کولو لپاره یو میاشت وخت ورکړ شوی تر څو په اساسي او معیاري شکل یې ولګوي.

نوموړي زیاته کړه، چې ډیر ژر به د پوهنې ریاست شاته د ویالې او لس پلچکونو د جوړېدو ترڅنګ د قبایلو ریاست مخې، د کډوالو ریاست ترڅنګ او د ښاروالۍ دننه سرکونو باندې کانکرېټ اچونه هم پیل شي.

همداراز ښاروال د مهترلام اوسیدونکو ته یو ښه زیری ورکړ چې د ښار د برېښنایي تنویرې پایو د ترمیم کارونه بشپړ شوي چې په نږدې ورځو کې به له ګټې اخیستې وروسته ټول ښار روښانه شي.

مهترلام اوسیدونکو د ښاروالۍ وروستي فعالیتونه وستایل او زیاته یې کړه چې د کټارې په لګولو سره ګلان، ونې او بوټي له څارویو ژغورل کېږي او د مهترلام ښار ښکلا او سمسورتیا ساتل کېږي.

د یادونې وړ دی چې د مهترلام ښاروالۍ له لوري په پنځمه ناحیه کابل - جلال آباد هډه کې په دریو مختلفو پروژو هم کار روان دی چې سل ګونه خلک پکې په کار مصروف دي.
کاوون غږ خپلواکه راډیو

06/03/2024

لغمان ولایت کې د141زره امریکایی ډالرو په ارزښت یو محافظوي دیوال ګتی اخیستنی ته وسپارل شو .
چهارشنبه
۱۴۰۲/۱۲/۱۶
نن د لغمان ولایت قرغیو ولسوالۍ اړوند په حسین اباد کلي کې دحوادثو ریاست له لوری CWSمؤسیسې په مالي ملاتړ یو محافظوي دیوال جوړ او ګټی اخیستنې ته وسپارل شو یاد دیوال چې ۵۰۰متره اوږدوالی لري چې ۱۴۱زره امریکایی ډالر پری مصرف راغلی.
دهمدې دیوال دپرانیستې په پار جوړه شوې غونډه چې دقرغیو ولسوالۍ حسین اباد سیمه کې دایره شوې وه پکې دلغمان ولایت دحوادثو رئیس مولوي خیرمحمد غازي، داقتصاد رئیس مولوي جان محمد ،دلغمان ولایت داطلاعاتو او فرهنګ رئیس مولوي عبدالنور رسولي ، دکابل پوهنتون استادانو او د لغمان ولایت مقام په نمایندګی مولوي جمالدین هاشمي او دCwsمؤسیسی ځینو مشرانو ګډون کړی وو . غونډه دقران عظیم شان په تلاوت سره پیل شوه او وروسته دهمدې [CWS]مؤسیسی استازي انجینر شریف الله هاشمي ددې پروژې او ددې دیوال په ارزښت خبری وکړی. او ویل چې یاد دیوال چې 500متره اوږدوالی لري او تقریباً ۵۰۰ هکټاره زرعتي ځمکه یومکتب او ددې سیمې یو شمیر ثمر لرونکي باغونه یی دسیلاب له خطره وژغورل چې مخکې دسیلاب له جدي خطر سره مخامخ وو. چې خوشبختانه دیاد دیوال په جوړیدو سره دا ټول خوندي شول .ښاغلي هاشمي زیاته کړه چې دیاد بورډروال مالي ملاتړ جاپان هیواد لخوا شوې دی.او رغنیزی چاری یی دنوي سادات شرکت له لوری ترسره شوي دي. چې ددری میاشتو په اوږدو کې دجوړیدو چارې بشپړی شوی. وروسته دلغمان ولایت مقام دفتر ریس محترم مولوي جمالدین هاشمي هم خبرې وکړی. او د یاد محافظوي دیوال په جوړیدو یی زیاته خوښي څرګنده کړه .او زیاته یی کړه چې اوس جنګ نشته هیواد امن دی نو ټول باید بیارغونې ته کار وکړو. او ده ورورۍ په فضا کې خپل هیواد جوړ کړو . بیا دلغمان ولایت دحوادثو محترم ریس مولوي خیرمحمد غازي رسنیو سره په خپلو خبرو کې وویل چې . خپله یی دیادې ساحې څخه لیدنه کړی او تردې مخکې دبارانونو اوسیلابونو له وجې په دغه سیمه کې زیاتې اوبه ډنډیدلی او خلک یی له پراخ مشکل سره مخامخ کړي وو. چې څوځله مخکې هم دزیات سیلاب د راتګ له وجې په یاده سیمه کې زیات خلک په اوبو کې بند پاتي وو چې بیا دهلیکپټرو په واسطه وژغورل شول. خو ددې دیوال په جوړیدو سره دخلکو ځمکې مالونه او کورونه په امن کې شول. ښاغلي غازي له ټولو مؤسیساتو څخه وغوښتل چې باید دې برخې ته زیاته توجه وکړي. ځکه چې دلغمان ولایت اکثره سیمې له داسې خطر سره مخ دي او خلک یی دزیاتو بارانونو اود سیلابونو دراتلو له ویری خپل کورونه پریکدي او خوندي ځایونو ته ځان انتقالوي .بل خوا دهمدې سیمې یو تن اوسیدونکي توریالي عبدالرحمیزي کاوون غږ راډیو سره په خپلو خبرو کې وویل. کوم دیوال چې اوس جوړ شو دا ددوې لپاره زیات په ګټه تمام شو. ځکه چې مخکې دوې غوشتل چې په خپله سیمه کې یو مکتب جوړ کړي. چې داوبو داوختلو له وجې یی نه شو جوړولی خو اوس چې یاد محافظوي دیوال جوړ شو ددوې مال او ځان په امن کې شو .دهمدې سیمی دښوونځۍ یو تن استاد عبدالجمیل حقمل کاوون غږ راډیو ته وویل. چې ددوې سیمه ښه حاصل کوي. خوهر وخت به چې ددوې فصلونه ورسیدل نو ددوې په فصلونو به اوبه راغلی او ټول حاصلات به یی ورته له منځه یوړل. خو خوشبختانه چې دیاد محافظوي دیوال په جوړیدو سره ددوې دا ستونزه حل شوه ښاغلي حقمل لمړی دحوادثو له محترم ریس او بیا داسلامي امارت له ټولو مسؤلینو څخه مننه وکړه. چې ددوې ستونزی ته یی په خپل وخت رسیدګي وکړه . په پای کې دحوادثو له وزارت څخه راغلي استازي ژمنه وکړه چې ډیر ژربه په لغمان ولایت کې دیته ورته نورې غټي پروژی هم پلي او ترلسو زرو زیات ځوانانو ته به په مستقیم او غیر مستقیم ډول دکار زمینه برابره شي.
یاده دې وي چې دحوادثو ریاست له خوا څو ورځې وړاندي دلغمان ولایت دولت شاه ولسولۍ اړوند فرشغان سیمه کې په واوره کې ایثارو خلکو ته خوراکي مواد هم رسولي شوي وو.
مجیب الرحمن یوسفزای کاوون غږ خپلواکه راډیو لغمان

05/03/2024

لغمان کې ديوې دينې مدرسې څخه ديارلس تنه زده کونکي دقران کريم له ناظرې څخه فارغ شول

دلغمان مرکز اړوند دحضرت عمرفاروق رض په مدرسه کې 13 لس تنه زده کونکي دقرانکريم له ناظرې څخه فارغ شول چې نن ېې ددستار فضيلت غونډه ترسره شوه

غونډه دقران عظيم الشان دڅو مبارکو ايتونو په تلاوت سره پيل شوه, په سر کې ديادې مدرسې مهتمم مولوي نجيب الله. ټولو راغلو ګډونوالو ته دښه راغلاست ترڅنک .وويل چې نن مونږ دخپلې مدرسې څخه 13 تنه دقرانکريم له ناظرې څخه فارغ کړل او زياته ېې کړه چې په راتلونکي کې هم غواړو چې له دې څخه زيات زده کونکي دناظرې او حفظ څخه فارغان کړو

ورپسې دلغمان جامع مسجد خطیب مولوي رفيع الله حقاني ددنيوي او اخروي علم په اهميت خبرې وکړې او وېې ويل چې دقران عظيم الشان زده کول دانسانانو لپاره دروح غذا ده او دا زمونږ تګلاره ده چې ترڅو مونږ خپلو اولادونو باندې دقران کريم علم زده کړې وکړو او خپل دونيا او اخرت پرې خايسته کړو.

دغونډې په دوام کې نورو علمای اکرامو هم پخپل وار سره دقران عظيم الشان دزده کړې پر اهميت خبرې وکړې او له والدينو څخه وغوښتل چې پخپلو اولادونو باندې دقران کريم زده کړې وکړي.

ورته مهال ديادو زده کونکو والدينو خوښي وښوده او وېې ويل چې مونږ خپل ماشومان ډېر تشويقوو ترڅو دقرانکريم حافظان شي او ياده غونډه په دعايې سره پای ته ورسېد.
سعادت ستوری کاوون غږ لغمان

26/02/2024

21/02/2024

لغمان ولایت کې دعلماو شورا له لوری ددوو قومونو ترمنځ شخړی ته دپای ټکی کیښودل شو
نن په لغمان ولایت کې دمرکز اړوند الینګار ولسوالۍ کې ددوو قومونو ادهار اومنګو ترمنځ چې دیوه پله په سر یی سره لانجه وه.د علماوو شورا په منځګړي توب یادې ستونزې ته دپای تکې کیښودل شو .دهمدې ستونزې دهواری په پارغونډه چې نن چهارشنبه په لغمان ولایت کې دعلماوو.شورا دفتر کې دایره شوې وه. غونډه دقران عظیم الشان د څو مبارکو ایاتونو په تلاوت سره پیل شوه .اووروسته دهمدې شورمعاوین شیخ صاحب امرالله خبری وکړی .اوو ویل چې اتفاق او اتحاد دمسلمانانو.ترمنځ دیر ضروري دی .اوباید تول مسمانان خپلومنځونوکې په اتفاق سره ژوند وکړي ترڅو.یوموټی اوسي .او.زیاته یی کړه که چیرته دیوې ټولنی ټول غړي واړه او زاړه په قران کریم عمل وکړي او د خپلوشخصي نظرونو څخه تیر شي. نوهیڅکله به ددوې ترمنځ ستونزه پیدا نشي .او دوې به تل په اتفاق او اتحاد سره ژوند کوي او زیاته یی کړه چې دعلماووشورا تل هڅه کوي چې په ډیر صداقت سره خپلو هیوادولو ته کار وکړي او خوشبختانه چې تر اوسه یې ښه نتیجه هم ورکړی ده.
بیا دلغمان ولایت دعلماوو شورا محترم رایس شیخ صاحب محمد سلیم دښه راغلاست ترڅنګ وینا وکړه.اوو
ویل چې.
خوشحاله دی چې داسې مجلسونه جوړیږي چې خپل هیواد وال پکې یوځای کیږی ددوې ستونزی او نفرتونه پکې ختمیږي او په دوستی بدلیږي
نوموړی وویل چې ده اسلامي حکومت دنده او کار دادی چې دخپل ملت ترمنځ اتحاد او اتفاق راولي او ددوې ستونزی او لانجې په دوستی بدلی کړي او دوې ته کار وکړي. او.ددوې خدمت په وخت سره وکړي ښاغلي سلیم زیاته کړه چې مخکې دلته رقم رقم.نظامونه وو.چې دخلکو له ژوند نه خبر نه وو.خواوس خوشبختانه.چې اسلامي نظام.دی او دتولنې دټولوافرادوله ستونزوخبر دی ده وویل چې کفار نه پریږدي چې مسلمانان سره متحد او یوځای شي ځکه چې دوي له مسلمانانو ویریږي او نه غواړي. چې مسلمانان پرمخ تګ وکړي شیخ صاحب زیاته کړه چې افغانان دنړۍ اتلان دي خو په خپلومنځونوکې ځکه وران دي ځکه چې ددوي په منځ کې خارجي لاسونه اوسي او دوې دبل چا خبری مني په پای کې ښاغلي سلیم زیاته کړه چې خپل منځي ټولی ستونزی به په داسې ناستواو.مجلسونو.حلوو او ددنیایی مالونوپه سر به خفګانونه نه رامنځته کوو.
بیا دهمدې قومونو له جملی یو تن ملک شیرین اغا چې دمنګو دکلي اوسیدونکی وو کاوون غږ راډیو ته وویل چې دوې دعلماوو شورا او داسلامي امارت څخه ډیر زیات خوښ دي .چې ددوې دې ستونزې ته یی په خپل وخت سره رسیدګي وکړه.او ددوو قومونه ترمنځ یی دیو غټ ناورین دراتلو مخه ونیوله. اوله ټولو هیوادوالویی وغوشتل چې ددوې په څیر خپلی ټولې ستونزې دخبرو له لارې حل کړي. ځکه چې اوس اسلامي نظام دی او حق حقدار ته رسیږي.
بل تن ډاکتر عبدالباقي چې ده ادهار دکلي اوسیدنکې دی کاوون غږ راډیو سره په خپلو خبرو کې وویل چې کومه خواري چی دلغمان علماووشورا ددوې دستونزي دهواري لپاره کړی دوې ډیر زیات خوښ دي او دعلماوو شورا له ټولو مسؤلینو یی مننه وکړه.چې دلغمان ولس ته په صداقت سره خدمت کوي او ددوې ستونزې دورورۍ په فضا کې حل.کوي.
یاده دې وي چې د لغمان ولایت دعلماوو شورا لدې مخکې هم دلغمان ولسونو هرډول ستونزې داسلامي قانون په رڼا کې حل کړي
دي.
مجیب الرحمن یوسفزی
کاوون غږ لغمان