د اطلاعاتو او فرهنګ وزارت له لوری د مۍ دریمه د مطبوعاتو د ازادۍ نړیواله ورځ په ځانګړو مراسمو سره ونمانځل شوه
حکومتي مسۇلینو داډ ورکړ چې د رسنیو او خبریالانو هر اړخیز ملاتړ به کوي
پدغه مراسمو کې له رسنیو او غوښتنه وشوه چې د ملي او اسلامی اصولو په رڼا کې دې خپل رسالت په سمه توګه ادا کړي.
د حکومت د اطلاعاتو او رسنیو په مرکز کې د مطبوعاتو د آزادۍ نړیواله ورځ په داسې حال کې ونمانځل شوه چې گڼ شمیر د کورنیو او بهرنیو رسنیو استازو او د حکومتي ادارو مسۇلینو ګډون پکې کړی وو او په هیواد کې د رسنیز نظام د سمون په اړه پکې ویناوې وشوې.
د مۍ دریمه دمطبوعاتو د ازادۍ ورځ د خبریالانو د مصونیت کمیټې له لوري هم ونمانځل شوه.
د خبریالانو د مصونیت کمیټې او د یو شمیر رسنیو مسۇلینو پدغه مراسمو کې وویل چې نیږدې ۲۰۰ رسنۍ بندې شوې او زرګونو خبریالانو خپلې دندې له لاسه ورکړې دی.
یو شمیر خبریالان وایی چې اقتصادی ستونزې یې دې حل شی او اطلاعاتو ته د لاس رسی په برخه کې دې ورته اسانتیاوې رامنځ ته شي
کابل ښار کې د یو خصوصي ښوونځي له لوري د کتاب د مینه والو لپاره د کتابونو درۍ ورځنی نندارتون جوړ شو.
د غه نندارتون د کابل په شهرنو سیمه کې د حاجی یعقوب څلور لارې ته نیږدې د سردار محمد جان خان د ښوونیز مرکز له لوری د دریو ورځو لپاره د کتاب د مینه والو لپاره جوړ شوی چې بیلابیل دیني پوهنیز او معلوماتي کتابونه پکې نندارې ته وړاندې شوي دي.
د نندارتون جوړونکي وایی چې د کتابونو او مطالعې سره د خلکو علاقه کمه شوې ده نو دغه فرهنګ ته د ځوانانو د هڅولو په موخه یې د زرګونو ټوکونو کتابونو دغه نندارتون جوړ کړ.
داچې د ځوانانو د زهنی پیاوړتیا او پوهې د زیاتیدو غوره لار مطالعه ده، نو همدې موخې ته د رسید لپاره له تیر یو کال راپدې خوا په کابل ښار کې د بیلابیلو حکومتي او خصوصي ادارو له لوری د کتابونو نندارتونونه جوړ شوی چې ښې لاسته راوړنې هم لري.
د ارشاد حج او اوقافو وزارت مسؤلین وایي چې سږ کال به له افغانستان څخه 30 زره کسان د حج د فریضې اداکولو لپاره و استول شي او ټول حاجیان به د کام اییر شرکت له لوري انتقال شي.
همدارنګه د هیواد په څلورو زونونو کې به د حاجیانو لپاره کمپونه جوړ شي.
او حاجیانو ته به په هیواد کې د ننه او د حج په مراسمو کې هر ډول آسانتیاوې رامنځ ته شي.
او حاجیانو ته به د مسلکي ښوونکو لخوا د حج د مناسکو د ادا کولو لارښوونه کیږي او هغوی ته به پوهاوی ورکول کیږي.
د حج او اوقافو وزارت مسؤلین وایي هڅې یې دا دی چې راتلونکو کلونو ته 45 زره افغانانو ته د حج د فریضې ادا کولو زمینه برابره کړي
د مسولینو په وینا چې سږ کال د حج د ادا کولو د فریضې په جریان کې به یو کس ۳۹۲۴ ډالره لګښت ورکوي، چې ۳۴۰۰۵۰ درۍ لکه او څلویښت زره او پنځوس افغانۍ کیږی
د پروان ولایت امنیه قومانداني د اختر په ورځو کې پدغه ولایت کې د ځانګړو امنیتي تدابیرو د نیولو خبر ورکوي.
خوست ولایت د حکیم تڼیوال تفریحي پارک د اختر په ورځو کې
د کابل په تیمورشاهي پارک کې د داخلی تو لیداتو، سوداګریزو توکو او د میرمنو د لاسي صنایعو نندارتون جوړ شوی چې لس ورځې به دوام وکړي.
سوداګر او صنعت کاران وایي چې دا ډول نندارتونونه جوړول د سوداګرۍ د ودې لپاره ارزښتناک رول لري.
د نندارتون ګډونوالو وویل چې حکومت دې د داخلی تولیداتو ملاتړ وکړی او د تولیدي فابریکو شته ستونزې دې هوارې کړی تر څو داخلی تولیدات او سوداګري نوره هم وده وکړي.
د تیرو کلونو په پرتله په سوادګرۍ او صنعت کې د پام وړ رغنده بدلونونه رامنځ ته شوی بهرنیو هیوادونو ته د صادراتو زیاتیدل او د داخلي تولیداتو د کیفیت ښه کیدلو په پولي ثبات باندې هم مثبت اغیز کړی دی.
د ملي پراختیا شرکت مسوولینو د کلني راپور وړاندې کولو په غونډه کې وویل، دې شرکت په ۱۴۰۱ کال کې د هېواد په ټولو ولایتونو کې په خپلو داخلي عوایدو، ۸۳ پروژې بشپړې او اړوندو سکټورونو ته سپارلې دي.
د دغه شرکت مسۇلینو وویل چې د هیواد په کچه ټولې ۱۱۳۱ پروژې د بیلابیلو سکتورونو سره تر کار لاندې لری.
ملي پراختیا شرکت د یو لوی دولتي شرکت په توګه په ۱۳۹۸ لمریز کال کې د پراختیایي پروژو د کارونو د همغږۍ او د هیواد د اقتصادي پرمختګ په موخه تاسیس شوی دی چې د اوبو د بندونو، کانالونو، ودانیو، تولیداتو، کرنې اوکانونو په برخه فعالیتونه ترسره کوي.
د هیواد په تولیدی فابریکو کې د ګاونډیو هیوادونو په پرتله د لوړ کیفیت لرونکي توکي تولیدیږي.
اوس مهال د هیواد په مرکز او ولایتونو کې لس ګونه تولیدي فابریکې او شرکتونه شتون لری چې د لوړ کیفیت او ارزانه بیې لرونکی توکی پکې تولیدیږي.
د اوبو رسولو د سیستم لپاره د کاریدونکو پیپونو دغه تولیدی شرکت د کابل په صنعتی ښارګوتي کې فعالیت لری چې لس ګونو کسانو ته پکې د کار زمینه هم برابره ده او دښه کیفیت لرونکی د اوبو پیپونه هم پکې تولیدیږی
د تولیدی فابریکو مسولین وایی که په هیواد کې د اوبو بندونه او دبریښنا تولیدی فابریکې جوړې شی او د دوی د بریشنا ستونزې په اساسي توګه حل شی نو د تولیداتو کچه به یې نوره هم لوړه شي او دهیواد داقتصادی پرمختګ لپاره به نور هم رغنده فعالیتونه تر سره کړي.
د اوسپنۍ پټلۍ د ادارې مسولین وایي چې په ۱۴۰۱ لمریز کال کې د افغانستان د ریل پټلۍ په انتقالاتو کې ۳۶ سلنه زیاتوالی راغلی دی.
د حکومت د اطلاعاتو او د رسنیو په مرکز کې د اوسپنې د پټلۍ د ادارې له لوری ولس ته د حساب ورکولو په خبري کنفرانس کې د یادې ادارې مسۇلینو وویل چې په تیرکال کې څه د پاسه ۴ میلیونه میټریک ټنه واردات او څه باندې ۱۲ زره مټریک ټنه صادارت د اوسپنې پټلۍ له لارې تر سره شوي دي
د اوسپنې پټلۍ د ادارې مسولین وایی چې په تیر کال کې د دغه ادارې عواید ۲۲ سلنه زیات شوي دي.
په انتقالاتو کې زیاتوالي، د عوایدو ډیریدل، ترکمنستان او ایران هیوادونو ته د کارکوونکو لیږل، د اوسپنۍ پټلۍ په برخه کې افغان محصلینو ته بورسیې ترلاسه کول، د افغان ټرانس پروژې پیل کیدل او په دیجټل توګه د اداري کارونو سیستم عیارول د اوسپنې د پټلۍ د ادارې د تیر کال مهمې لاسته راوړنې دی.
د مالیې وزارت مسۇلین وایي چې په تیر ۱۴۰۱ کال کې یې ۱۹۳ میلیارده او ۹۱۲ میلیونه افغانۍ عواید را ټول کړي، چې د تیرو کلونو په پرتله ۳۷ سلنه زیاتوالی پکې راغلی دی.
د مالیې وزارت مسۇلینو په کابل کې په یوه خبري ناسته کې د تیرکال د فعالیتونو او راتلونکو پلانونو په اړه له رسنیو سره معلومات شریک کړل.
په عوایدو کې زیاتوالی، د مصرفي توکو مالیات کمیدل، د زیربنایی پروژو پیل کیدل، د حکومتي مامورینو د تنخوا ګانو په وخت ورکول، د سوداګرو مالیاتی جرایم معافیدل، د دولتی املاکو ښه ساتنه، له دولتی شرکتونو نظارت، په منظم ډول مالیات راټول په ګمرکونو کې د فساد مخنیوي کول د مالیې وزارت د تیرکال لاسته راوړنې دی.
د مرکزي بانګ مسولین وایي چې عواید یې د تېرو کلونو په پرتله ۵۹ سلنه ډېر شوي دي.
د افغانستان د مرکزي بانک د پولي سیاست مشر احمد جواد سداد په یو خبري کنفرانس کې وویل، چې دغه بانک تېر کال ۸ میلیارده ۶۸۳ میلیونه ۲۴۴ زره افغانۍ عواید راټول کړي، چې د تېرو کلونو په پرتله دپام وړ زیاتوالی دی.
د افغانستان بانګ مسولین زیاتوي چې، مرکزي بانک په تېر کال کې څه باندې ۳ میلیارده افغانۍ نوي بانکنوټونه چاپ کړي دي
د مرکزي بانک چارواکی وایي داچې د امریکا لخوا د هیواد د بهرنیو اسعارو زیرمې بندې شوې خو؛ مرکزي بانک وتوانید چې د هیواد د بهرنیو اسعارو زیرمو په اداره کولو سره د بازار اړتیاوې پوره کړي.
د مرکزي بانک د پاليسۍ مشر وايي، دغه بانک هڅه کوي، چې د هېواد د بهرنيو اسعارو د زېرمو د خلاصون له لارې د بانکدارۍ او مالي سکټور د پياوړتيا لپاره اغېزمن ګامونه پورته کړي.
