Muzamil irfan AFG

14/05/2024

د پاسپورټ د ثبت نام په وخت کي ولي د فورم دوهمي مرحلې ته نسو تللی؟

اکثره کسان چي کله د پاسپورټ لپاره ثبت نام کوي، د لومړۍ مرحلې تر ثبت وروسته دوهمي مرحلې ته د تګ اپشن یعني بعدي نه ښکاره کوي.
حللاره یې دا ده چي د لومړۍ مرحلې تر ثبت وروسته دوهمي مرحلې ته د جستجو له لاري داخل سئ، یعني د جستجو له لاري خپل فورم خلاص کړئ او پاته مرحلې یې تکمیلي کړئ.
پیاد ولرئ چي د جستجو له لاري خپل شخصي معلومات لکه: نوم، د پلار نوم، د نیکه نوم او تولد تاریخ خاص هغسي ولیکئ، چي څنګه مو د فورم په لومړۍ مرحله کي ثبت کړي وو.
Muzamil irfan AFG

08/05/2024

که هر انسان پر ځان باور ولري او خپلو ټاکلو موخو ته ژمن او د ټینګې پریکړې خاوند وي، نو د الله په ملتیا او خوښه به هرو مرو بختور ورڅخه جوړیږي.
ښکاره خبره ده چي د ژوندانه چاري پخپله نه بلکي د انسان په هوډ، پرېکړه، هڅه، هاند او کوښښونو بدلون او سمون مومي، نو په ژوند کي هیڅکله ماتي مه منئ!

د تیرو کلونو په شان دا ځل هم هغه افغانان په ګرین کارټ لاټرۍ کي بریالي سوي دي چي پر شرایطو برابر ثبت نام یې کړئ و او بخت ورسره مل و، همدارنګه هغه کسان چي نه دي بریالي سوي؛ کولی سي د ۲۰۲۶ کال لپاره ۵ میاشتي وروسته یو ځل بیا ثبت نام وکړي او خپل بخت و ازمایي.

د ۲۰۲۵ کال ګرین کارټ لاټرۍ ټولو ګټونکو ته په کار ده چي تر هر څه مخکي Ds260 فورم د خپلو انګلیسي ژباړل سویو اسنادو مطابق ډک او انلاین ولېږي، چي په دې اړه ما مخکي هم پوسټونه کړي دي👇

https://www.facebook.com/share/p/Hbb8xjn7fmCRw5nT/?mibextid=oFDknk

👇
https://www.facebook.com/share/p/vPau5XUbL5gMHkMc/?mibextid=oFDknk

👇
https://www.facebook.com/share/p/VETDy8CYoApW93du/?mibextid=oFDknk

د یادوني وړ ده چي د افغانستان څخه د ۲۰۲۵ کال اکثره ګټونکي لوړ کېس نمبرونه لري، په داسي حال کي چي لوړ کېس نمبرونه ډېر لږ چانس لري، ترڅو د امریکا سفارت څخه د مرکې بلنلیک ترلاسه کړي، خو په هغه صورت کي چي کښته کېس نمبرو والا پر شرایطو برابر نه وي، نو پر ځای یې لوړ کېس نمبر والا ته د مرکې بلنه ورکوي او نوره پروسه یې مخته ځي.
د لوړ او کښته کېس نمبرونو اړوند ما مخکي پوسټ کړئ دی، کولی سئ هغه وګورئ 👇

https://www.facebook.com/share/p/hPAaxpg3EtmcgAD2/?mibextid=oFDknk

________________________________
Muzamil irfan AFG

04/05/2024

دا چي نن د افغانستان پر وخت د شپې ۸ بجې د ګرین کارټ لاټرۍ نتیجې اعلانیږي، تاسو ټولو ته ښه بخت غواړم!

پیاد ولرئ چي هر کال ګرین لاټرۍ ته د نړۍ د بېلابیلو هیوادونو څخه تقریباً ۲۰ میلیونه کسان ثبت نامونه کوي او دا ټول پر یو وخت د خپلو نتیجو کتلو کوښښ کوي، نو معلومه خبره چي د زیات رش له امله به سسټم جامیږي او نتیجه کتل به مشکله وي، نو باید حوصله ولرئ او په ارام فکر سره خپلي پایلي وګورئ.

نوټ: هیڅ چاته خپل کنفرمېشن نمبر او شخصی معلومات مه لیږئ، کولی سئ خپله نتیجه د لاندي ویډیو په واسطه خپله وګورئ👇
https://youtu.be/Q8CLKbpbAFY

دوهم نوټ: که د ثبت نام کنفرمېشن نمبر درڅخه ورک سوی وي کولی سئ، د لاندي ویډیو په واسطه یې لاسته راوړئ او خپله نتیجه وګورئ 👇
https://youtu.be/SKnfIuTLZdA

درېیم نوټ: خپله نتیجه د امریکا بهرنیو چارو وزارت د لاندي ویب سایټ د لاري کتلی سئ 👇
https://dvprogram.state.gov/

03/05/2024

د 2025 کال ګرین کارټ لاټرۍ نتیجې کتلو ته یوه ورځ ، یو ساعت او ۲۵ دقیقې پاته دي.
د خپلي نتیجې کتلو لپاره د لاندي ویډیو څخه استفاده کولی سئ 👇

#لاتاری #لاټرۍ د امریکا ګرین کارټ لاټرۍ د 2025 کال پایلې (نتیجه) داسي معلومه کړئ!د ویب سایټ لینک:https://dvprogram.state.gov/

29/04/2024

په طبي معاینه کي د رد کېدلو لاملونه:

د متحده ایالاتو په طبي معاینه کي رد کیدل، د لاټرۍ ګټونکو او د امریکا مهاجرت ویزې غوښتونکو له اندیښنو څخه دي.
دا چې کوم لاملونه په طبي معاینه کي د ردېدو لامل کېږي، پر لاندي ۴ عمده برخو یې ویشو :

۱- په خطرناکو ساري ناروغیو اخته کسان:

هغه څوک چي خطرناکي ساري ناروغۍ لري لکه:
سوزاک( Gonorrhea) چي د جنسي اړیکو له لاري انتقالیږي.
جذام (Leprosy) چي د تنفسي سیسټم، هاضمي سیسټم، پوستکي او د مور د رحم له لاري ماشوم ته انتقالیږي.
سیفلیس (Syphilis) چي د جنسي فعالیت له لاري د نر څخه ښځي او د ښځي څخه نارینه ته د باکتریاوو په واسطه انتقالیږي.
همدارنګه د نري رنځ ( Tuberculosis ) ناروغۍ په لرلو سره کېدای سي معاینات رد او چانس له لاسه ورکړئ، خو که د ناروغۍ کافي اسناد له ځانه سره ولرئ او دا وښیي چې ناروغ تر درملني لاندي دی؛ نو بیا هم د مخته تګ چانس سته.

۲- د الکول یا مخدره توکو څخه ناوړه ګټه اخیستنه:

هغه کسان چي الکول یا مخدره توکي استعمالوي، د متحده ایالاتو په طبي معاینه کي یې د رد کیدو خطر شتون لري. یعني که د سفارت لخوا ټاکل سوی ډاکټر شکمن سي چي تاسو مخدره مواد استعمالوئ، یا مو هم مخکي استعمال کړي دي، کېدای سي په دې اړه ستاسو څخه د نورو معایناتو غوښتنه وکړي، نو سپارښتنه مي دا ده چي که الکول یا مخدره توکي استعمالوئ، باید د طبي پروسې د پیل کولو مخکي یې پریږدئ.

۳- په رواني او عصبي ناروغیو اخته کسان:

د ګرین کارټ لاټرۍ په طبي معایناتو کي پر فزیکي روغتیا سربیره، د غوښتونکو رواني روغتیا هم ارزول کیږي، له همدې امله که څوک د رواني ناروغۍ او لیونتوب تر حده عصبي ناروغي لري؛ باید خپل طبي اسناد مسئول ډاکټر ته وروړي او وښایي چي ناروغ بشپړ جوړ او ټولني ته د تاوتریخوالي ګواښ نه ګڼل کیږي. که نه امریکا ته د دا ډول ناروغانو د تګ چانس ډېر کم دی.

۴- د کار کولو وړتیا:
که چیرې غوښتونکی په ښه فزیکي حالت کي نه وي، یعني په امریکا کي د کار کولو توان ونلري او خپل لګښتونه نسي پوره کولی، نو د دا ډول اشخاصو چانس هم ډېر کم دی، ترڅو وېزه ترلاسه کړي.

-----------------------------------------
که د ګرین کارټ لاټرۍ اړوند کومه پوښتنه او نظر لرئ، په کمینټ کي یې راته ولیکئ.
Muzamil irfan AFG

28/04/2024

ادبي غلا !
تاسو باور وکړئ زه همېشه ډېر زیات کوښښ کوم چي ټول لومړي لاس او دقیق معلومات راټول، ترجمه او تر تاسو پوري ورسوم، خو اکثره کسان نه یوازي دا چي له پوسټونو زما نوم خرابوي، بلکلي حد اقل کاپي هم نه ورسره لیکي او په خپل نوم یې نشروي.

23/04/2024

د ګرین کارټ لاټرۍ لپاره طبي معاینات (Medical Examination)

د ګرین کارټ لاټرۍ ګټونکي ته به د امریکا خارجه وزارت اړوند KCC څانګه ایمېل وکړي، ترڅو په یوه میاشت یا هم تر دې لنډ وخت کي د امریکا سفارت ته د مرکې لپاره حاضر سئ.
نو همدا یوه میاشت وخت ستاسو لپاره ښه فرصت دی ترڅو خپل صحي معاینات تکمیل او د مرکې په ورځ یې د نورو اسنادونو سره یوځای سفارت ته یوسئ.

په دې لیکنه کي د طبي معایناتونو هدف او نور ضروري معلومات درته لیکم، هیله ده تر پایه یې ولولئ!

د امریکا ګرین کارټ لاټرۍ ګټونکي ته پکار ده چي د متحده ایالاتو د حکومت لخوا معرفي سوي ډاکټر ته مراجعه وکړي او په لاندي څو عمده برخو کي خپل معایناتونه بشپړ کړي:

• د فزیکي او رواني حالت ارزونه
• د مخدره توکو او الکولو معاینه کول
• د مختلفو ناروغیو معاینه کول
• د مخکني ناروغیو تاریخچه او د واکسین کولو ریکارډو بیاکتنه

دا ټول معایناتونه د لاټرۍ ګټونکو د روغتیا حالت د ډاډمن کولو په هدف ترسره کیږي، ترڅو متحده ایالاتو حکومت ته معلومه سي چې هیواد ته یې ننوتونکي کسان بشپړه فزیکي او رواني روغتیا لري.
پیاد ولرئ چي په دې مرحله کي د ناکام کېدلو امکان ډېر لږ موجود وي، نو ځکه د اندېښنې وړ خبره نده.

یوه بله مهمه خبره دا ده چي ترڅو د مرکې لپاره بلنلیک ترلاسه نکړئ؛ تر هغه وخته معایناتونه مه کوئ، ځکه همدا معایناتونه ۶ میاشتي وخت لري، که تر وخت تیر سي اعتبار یې ختمیږي.
همدارنګه د ډاکټرانو لیست او ادرس د هغه سفارت په ویب سایټ کي ترلاسه کولی سئ، کوم چي تاسو یې مرکې ته دعوت کړي یاست. مثلاً په پاکستان کي د امریکا سفارت ویب سایټ.

د طبي معایناتو لپاره لاندي اسناد اړین دي چي باید د ځان سره یې ولرئ:

• د واکسین کارډ.
• هغه کسان چي جراحي یا هم کومه بله لویه ناروغي ولري، اسناد او نسخې یې.
• د هر ډول پخوانیو ایکس رې (X—RAY) کاپي، که شتون ولري.
• د هغه ډاکټر تصدیق پاڼه چي ستاسو د روغتیا ضمانت یې کړئ وي.
• پاسپورټ
• د روغتیايی معایناتو فیس چي تقریباً 300 ډالر کیږي.
• د ګرین کارټ لاټرۍ مطابق عکس
• په پاکستان کي ادرس
• په امریکا کي ادرس ( هغه ادرس چي په Ds260 فورم کي مو لیکلی و)
• د امریکا سفارت ته د مرکې بلنلیک کاپي

تر معایناتو وروسته مسئول ډاکټر ستاسو څخه غوښتنه کوي چي فورم امضاء کړئ، پیاد ولرئ چي فورم بغیر له امضا د قبول وړ نه دی.
همدارنګه د معایناتو د بشپړېدو سره سم ډاکټر تاسو ته د معایناتو پایله (نتیجه) په یوه تړل سوي پاکټ کي درسپارې ترڅو د امریکا سفارت ته یې د نورو اسنادونو سره یوځای ور وړئ. همدا مهر سوی پاکټ مه خلاصوئ همداسي تړلی یې باید سفارت ته وسپارئ، خو اکثره وخت د معایناتو نتیجه د مسئول ډاکټر لخوا په انلاین توګه هم د امریکا سفارت ته لېږل کیږي.

نور وروسته ...

__________________________________________
که د ګرین کارټ لاټرۍ اړوند نظر او پوښتنه لرئ؛ په کمینټ کي یې راته ولیکئ 👇
Muzamil irfan AFG

23/04/2024

زیاتره کسان پوښتنه کوي چي ګرین کارټ لاټرۍ د ثبت نام څخه تر امریکا پوري څومره لګښت لري ؟

جواب: د ګرین کارټ لاټرۍ مصرف باید له دریو اړخونو وڅېړو لکه: د ثبت نام لګښت، تر کامیابۍ وروسته لګښت او د وېزې تر اخیستلو وروسته لګښت.

۱- د ثبت نام لګښت:

د امریکا وزارت خارجه ویب سایټ کي د ثبت نام لپاره هیڅ فیس نه اخیستل کیږي، یعني ګرین کارټ لاټرۍ ته ثبت نام په وړیا (مفت) ډول کولی سئ، چي ما یې د ثبت نام په اړه ښوونیزه ویډیو هم جوړه کړې ده کولی سئ هغه وګورئ 👇
https://youtu.be/ZCC5sPNabvE

پیاد ولرئ چي د ۲۰۲۶ کال لاټرۍ لپاره ثبت نام د روان ۲۰۲۴ کال په اکتوبر میاشت کي شروع کیږي او یوه میاشت دوام کوي.

۲- په لاټرۍ کي تر کامیابۍ وروسته لګښت:

په عمومي توګه د ګرین کارټ لاټرۍ مصارف د لاټرۍ تر ګټلو وروسته شروع کیږي.
هغه کسان چي دا لاټرۍ ګټي باید لاندي کارونه ترسره او لګښت یی پر غاړه واخلي:

* ګټونکی شخص سمدستي باید Ds260 فورم ډک کړي، چي ما یې مخکي په اړه لارښووني لیکلي دي👇
https://www.facebook.com/share/p/K5QSjuCckHgrhfQF/?mibextid=oFDknk

دا فورم وړیا (مفت) ډکولی سئ، خو د فورم ډکول ډېر دقت، فکر او خاص مهارت ته ضرورت لري، په نوموړي فورم کي یوه کوچنۍ غلطي هم ستاسو راتلونکي مرحلې د مشکل سره مخ کوي او کېدای سي بیخي د مرکې لپاره بلنه درنکړي. نو په کار داده چي په دې اړه په یوټیوب کي انګلیسي، دری او پښتو ژبه ښوونیزي ویډیوګاني پیدا کړئ او د لارښوونو څخه یې ګټه واخلئ.

* خپل اسنادونه لکه: پاسپورټ، الکترونکي تذکره، تولد خط، نکاح خط، د مکتب شهادت نامه باید اماده او په وزارت خارجه کي ټاپه کړئ، همدارنګه کوم اسنادونه چي انګلیسي ترجمې ته ضرورت لري، هم باید وژباړل سي، چي دا ټول یوه اندازه مصرف ته ضرورت لري.

* دا چي اوس مهال په افغانستان کي د امریکا سفارت بند دی، نو د مرکې لپاره مجبور یاست چي پاکستان یا هم کوم بل هیواد ته مراجعه وکړئ، مثلا د مرکې لپاره پاکستان انتخابوئ، نو د هغه هیواد وېزه، سفر کول او هلته د لنډ مهال لپاره پاته کېدل هم یوه اندازه مصرف ته ضرورت لري.

* د امریکا سفارت ته تر تګ مخکي باید صحي معاینات وکړئ، چي د هر شخص د معایناتو او واکسینونو مصرف شاید فرق وکړي، خو په عمومي توګه د هر نفر صحي معاینات د 270 څخه تر 300 ډالر پوري لګښت لري، چي په دې اړه به په راتلونکي کي پوسټ کي مکمل معلومات درته ولیکم ان شاء الله.

* امریکا سفارت ته د تګ پر وخت هر شخص مکلف دی چي د وېزې او مرکې په موخه 330 ډالر تحویل کړي.

۳- د وېزې تر اخیستلو وروسته لګښت:

د وېزې تر اخیستلو وروسته د طیارې ټکټ او امریکا ته تر تګ وروسته د کور کرایه، خوراک څښاک او د ژوند نور سهولتونه برابرول ټول د لاټرۍ ګټونکي پر غاړه دي چي په دې باره کي د امریکا حکومت د هیچ چا سره مالي کومک نه کوي، دا ځکه چي ګټونکي ته سمدستي ګرین کارټ او په امریکا کي د کار اجازه ورکول کیږي، ترڅو هلته کار وکړي او خپل ټول مصرفونه خپله پوره کړي.

که په لنډ ډول ولیکم: هر ګټونکی شخص د اسنادونو له جوړېدو څخه د طیارې تر ټکټ پوري تقریباً 3 زره ډالر یا هم تر دې کم و زیات مصرف لري، ترڅو امریکا ته ورسیږي.

—————————————————————————
که د ګرین کارټ لاټرۍ اړوند کوم نظر او پوښتنه لرئ؛ په کمینټ کي یې راته ولیکئ👇
Muzamil irfan AFG

20/04/2024

د امریکا ګرین کارټ لاټرۍ Interview ( مرکه)

د امریکا ګرین کارټ لاټرۍ تر نتیجې کتلو وروسته کامیاب کسان کولی سي، تر ټولو مخکي Ds260 فورم ډک کړي او وروسته د خپل کېس نمبر کرنټ کېدلو ته انتظار وکړي، ترڅو د امریکا سفارت ته د مرکې لپاره بلنه ورکړل سي، چي دا ټول موضوعات مي مخکي په بېلابیلو پوسټونو کي په تفصیلي شکل تشریح کړي دي، کولی سئ لومړی هغه وګورئ.

په DS260 فورم کي د مرکې لپاره د امریکا سفارت ستاسو په خوښه انتخابولی سئ، د یادوني وړ ده، چي اوس مهال په افغانستان او ایران کي د امریکا سفارتونه وجود نلري، نو کولی سئ د مرکې لپاره پاکستان یا هم کوم بل هیواد چي رسیدګي ورته کولی سئ، انتخاب کړئ.

د یادوني وړ ده چي کله کېس نمبر کرنټ سي، نو د لاټرۍ ګټونکي ته به د (Kentucky Consular Center) لخوا د مرکې لپاره تقریباً یوه میاشت یا هم تر دې مخکي ایمېل وسي، ترڅو پر ټاکلي تاریخ او وخت انتخاب سوي سفارت ته مراجعه وکړي.

ښه خبر دا ده چي سفارت ته تر تګ مخکي خپل صحي معایناتونه هم تکمیل کړئ ترڅو د مرکې په ورځ د نورو اسنادونو لکه: پاسپورټ، تذکره، تولد خط... سره د صحي معایناتو راپور هم د ځان سره ولرئ.
د صحي معایناتو يا Medical Test اړوند به په راتلونکې مرحله کي مکمل معلومات درته ولیکم، ان شاء الله.

د مرکې په ورځ باید لاندي څه په نظر کي ونیسئ:

• مرکې ته پر ټاکلي وخت حاضر سئ!
• سفارت ته د اضافي شیانو لکه بسته، ګوشکي او داسي نور د وړولو څخه ډډه وکړئ!
• سفارت ته د تګ پر وخت باید ډېر منظم واوسئ!
• سوالونو ته ډېر لنډ او رښتیني جوابونه ورکړئ!
• هغه کسان باید ټول مرکې ته حاضر سي چي په Ds260 فورم کي مو معلومات ورته لیکلي وي لکه: مېرمن او اولادونه.
• سفارت ته د تګ پر وخت خپل ټول اسنادونه چي د خارجه وزارت لخوا ټاپه سوي او انګلیسي ترجمه سوي وي؛ باید د ځان سره ولرئ، لکه : د مکتب شهادت نامه، پاسپورټ، تولد خط، الکترونیکي تذکره او که واده مو کړئ وي، نکاح خط هم ضرور دی.

پیاد ولرئ چي په دې مرکه کي د کامیابۍ لومړی شرط صداقت او رښتیني معلومات ورکول دي، یعني د درواغو او غلط معلوماتو ورکولو څخه باید په جدي توګه ځان وساتئ!
همدارنګه د یادوني وړ ده چي مرکې ته د تګ پر وخت د هر نفر په سر تقریباً 330 ډالر فیس باید تحویل کړئ.

اکثره کسان پوښتنه کوي چي په مرکه یا انټروي کي مسئول کس څه ډول سوالونه کوي؟

جواب: په مرکه کي فقت څو ساده پوښتني کوي چي رښتیا او صداقت یې د کامیابۍ لومړی شرط دی، چي باید هر څه حقیقت ورته ووایاست.

مثلاً دا ډول پوښتني کوي:

* زده کړي مو چیري بشپړې کړې دي.
* مخکي مو کومه وظیفه لرل او په کوم کار کي مهارت لرئ؟
* د امریکا کوم ایالت مو په څه دلیل خوښ دی، ترڅو راتلونکی ژوند هلته تېر کړئ؟
* تاسو له چا سره امریکا ته د مهاجرت پلان لرئ؟
* ایا امریکا ته تر تګ وروسته خپل مصارف پوره کولی سئ؟ ځکه د امریکا حکومت په دې پروسه کي د ګټونکي سره هیڅ ډول مالي کومک نه کوي. هر څوک چي د دې پروسې له لاري امریکا ته ځي هلته سم دستي ګرین کارټ ترلاسه کوي او په دې سره د کار اجازه ورکول کیږي، ترڅو کار وکړي او د ژوند مصروفونه خپله پوره کړي.
* کوم چا چي واده کړئ وي شاید په دې اړه هم پوښتني وکړي.

بیا هم یادونه کوم چي په مرکه کي د کامیابۍ تر ټولو مهم راز په خپلو جوابونو کي صداقت او رښتینولي ده، څومره چي جوابونه لنډ، دقیق او رښتیني وي هومره مو د کامیابۍ چانس زیات دی.

که د ګرین کارټ لاټرۍ اړوند کوم نظر او پوښتنه لرئ، په کمینټ کي یې راته ولیکئ.

همدارنګه که څوک غواړي په ويډیویي شکل لا زیات معلومات تر لاسه کړي، په لاندي یوټیوب چینل کي راسره ملګري سئ. 👇
https://youtu.be/Q8CLKbpbAFY

Muzamil irfan AFG

18/04/2024

د DS-260 فورمې ډکولو وروستۍ نېټه !

وروسته له دې چي د لاټرۍ پایلې اعلان سي، ګټونکي باید تر ټولو مخکي د DS-260 فورمه ډکه کړي.
د DS-260 فورمې ډکولو لپاره وروستۍ نېټه، د ګټونکي د کېس نمبر په کرنټ کېدلو پوري اړه لري.یعني د کرنټ کېدلو مخکي باید نوموړې فورمه ډکه سي.
دا چي یو کېس نمبر څنګه کرنټ کیږي، په لاندي پوسټ کي یې مطالعه کولی سئ.👇
https://www.facebook.com/share/p/HXKixaKkvC1P9snN/?mibextid=oFDknk

پیاد ولرئ چي د DS-260 فورمې ډکولو او لیږلو پرته، په امریکا سفارت کي د مرکې لپاره بلنه نه درکول کیږي. نو باید د لاټرۍ د ګټلو سره سم تر ټولو مخکي DS260 فورم په ډېر دقت او مشوره سره ډک کړئ.
د DS260 فورم اړوند مي په لاندي پوسټونو کي ځیني مهمي لارښووني کړي دي، کولی سئ هغه هم مطالعه کړئ 👇
https://www.facebook.com/share/p/HXKixaKkvC1P9snN/?mibextid=oFDknk

👇
https://www.facebook.com/share/p/MkskENT6rFivWuAx/?mibextid=oFDknk

اکثره کسان پوښتنه کوي چي د Ds260 فورم تر سپارلو وروسته به څومره وخت ونیسي، ترڅو د مرکې بلنلیک ترلاسه کړو؟

جواب: ما په مخکني پوسټونو کي هم یادونه کړې ده چي د مرکې (Inrerview) وخت د کېس نمبر په لوړوالي او ټیټ والي پوري اړه، یعني څومره چي کېس نمبر ټیټ وي هومره ژر د مرکې لپاره وخت درکوي، که په لنډ ډول ولیکم حد اقل د ۶ څخه تر ۱۲ میاشتو پوري وخت نیسي، ترڅو د مرکې لپاره وخت ترلاسه کړئ.

___________________________________________

که کوم نظر او پوښتنه لرئ، په کمینټ کي یې راته ولیکئ.
Muzamil irfan AFG

17/04/2024

د کېس نمبر کرِنټ ( CURRENT ) څه مانا لري؟

په ګرین کارټ لاټرۍ کي د کامیابو کسانو لپاره لازمه ده چي تر ټولو مخکي Ds260 فورم په انلاین بڼه ډک او وروسته د کېس نمبر کرنټ ته انتظار وکړي.

د Ds260 فورم اړوند مي مخکي پوسټ کړئ دی 👇
https://www.facebook.com/share/p/boLa8pq1oQs2xDEL/?mibextid=oFDknk

د DS260 فورم تر ډک کولو وروسته معلومه خبره ده چي نور به د مرکې ( Interview ) لپاره انتظار کوئ، ترڅو ایمېل درته وسي او پر ټاکلې نېټه د امریکا سفارت ته حاضر سئ، خو د مرکې تر مخه یو مهم څه چي باید مخکي له مخکي یې په اړه معلومات ولرئ؛ د کېس نمبر کرنټ کېدل دي.

د کېس نمبر کرنټ کېدل دا مانا لري، چي د لاټرۍ ګټونکي شخص کېس نمبر د بولټن وېزې په جدول کي راغلی دی، نو په هغه صورت کي ګټونکی باید د مرکې بلنلیک ته انتظار وکړي، خو دا د دې تضمین نه کوي چي حتماً به د مرکې بلنلیک ترلاسه کوي، یعني امکان لري چي د کېس نمبر تر کرنټ کېدو وروسته هم ګټونکی د امریکا سفارت د ظرفیت د کموالي په خاطر کوم ایمېل ترلاسه نه کړي.

د یادوني وړ ده چي د امریکا بهرنیو چارو وزارت په لاندي ویب سایټ کي هره میاشت کرنټ سوي کېس نمبرونه اعلانیږي، ترڅو ګټونکی د مرکې لپاره امادګي ونیسي. د مثال په ډول په لاندي ویب سایټ کي د اسیا لپاره د ۲۰۲۴ کال د لاټرۍ ګټونکو کېس نمبرونه تر ۹۰۰۰ پوري اعلان سوي دي، چي تر راتلونکي جون میاشتي پوري به عملي سي👇

https://travel.state.gov/content/travel/en/legal/visa-law0/visa-bulletin/2024/visa-bulletin-for-may-2024.html

د کرنټ کېدلو وخت د کېس نمبر په لوړوالي او ټیټ والي پوري اړه لري، یعني چي څومره مو کېس نمبر کښته ( ټیټ ) وي، هومره ژر کرنټ کیږي.
_____________________________________________
هیله مي دا ده چي خپل نور ملګري هم په کمینټ کي را مینشن کړئ، ترڅو د ګرین لاټرۍ د لارښوونو څخه استفاده وکړي او معلومات ترلاسه کړي، همدارنګه که د ګرین کارټ لاټرۍ اړوند کومه پوښتنه او نظر لرئ، هم یې په کمینټ کي یې راته ولیکئ.

Muzamil irfan AFG

________________________________________________________________
#ډيوي #لاټرۍ #امریکا

16/04/2024

د DS 260 فورم اړوند ستاسو د پوښتنو جوابونه :

۱- د Ds-260 فورم له کومه ځایه ترلاسه کړو ؟

جواب: د کېس نمبر په لرلو سره، تاسو کولی سئ د لاندي لینک په واسطه DS260 فورم پیدا او انلاین یې ډک کړئ. 👇
https://ceac.state.gov/IV/Login.aspx

د نوموړي فورم اړوند ما په مخکني پوسټ کي مهمي لارښووني کړي دي، کولی سئ لومړی هغه وګورئ 👇
https://www.facebook.com/share/p/xxEhtxo53T2MvsGN/?mibextid=oFDknk

۲- ایا کولی سو د لارښود ویډیو په شان خپل DS260 فورم ډک کړو ؟

جواب: د لاټرۍ ګټلو په صورت کي د هر کس لپاره شرایط او معلومات د بل کس څخه توپیر لري، مثلاً : مجرد، متاهل، ماشوم، کونډه، طلاق سوې او داسي نور باید په فورم کي د خپلو معلوماتو سره سم ولیکل سي، یعني که تاسو د DS260 اړوند کومه ښوونیزه ویډیو ګورئ یا هم پوسټ مطالعه کوئ، باید خپل شرایط هم په نظر کي ونیسئ.

۳- ایا د امریکا وزارت خارجه د DS260 فورم اړوند کوم لارښود کتاب لري؟

جواب: بلې هو ! که په انګلیسي ژبه پوهېږئ، کولی سئ د لاندي لینک په واسطه د DS260 فورم لارښووني ډاونلوډ او ولولئ، کوم چي سایز یې ۱۴.۶ ام بي او ۱۱۱ صفحې دی. 👇
https://travel.state.gov/content/travel/en/us-visas/visa-information-resources/forms/online-immigrant-visa-forms/ds-260-faqs.html

همدارنګه که په انګلیسی ژبه نه پوهېږئ، کولی سئ زما یوټیوب چینل تعقیب کړئ ترڅو په نږدې راتلونکي کي د DS260 فورم اړوند د یوې تفصیلي ويډېو څخه برخمن سئ 👇

https://www.youtube.com/channel/UCX-I1vyoajGEgLWhbzFwhog

۴- د Ds260 فورمه څه وخت او کله ډکه کړو ؟

جواب: د دې فورمې بشپړولو وخت د لاټرۍ ګټونکي په کېس نمبر پورې اړه لري.
که چیرې د ګټونکي کېس نمبر ټیټ( کښته) وي، نو دا پدې مانا ده چې هغه به ډیر ژر د مرکې لپاره د امریکا سفارت ته بلنه ورکړل سي.
د لوړ او ټیټ کېس نمبر اړوند ما مخکي په لاندي پوسټ کي مکمله ښوونه کړې ده. 👇
https://www.facebook.com/share/p/41iQDidTgc52UA4s/?mibextid=oFDknk

که د ګرین کارټ لاټرۍ اړوند کومه پوښتنه او نظر لرئ، په کمینټ کي یې راته ولیکئ!
Muzamil irfan AFG

______________________________________________________________
#ډيوي #لاټرۍ #امریکا

15/04/2024

د DS 260 فورم اړوند ځیني مهمي لارښوړني:

په ګرین کارټ لاټرۍ کي دوه ډوله فورمونه ډکیږي چي لومړی یې د ثبت نام یعني DS-5501 او بل د نتیجې د اعلان سره سم د بریالي کسانو لپاره د Ds 260 په نوم فورم دی.

د ګرین کارټ لاټرۍ د نتیجې تر اعلان وروسته کامیاب کسانو ته د کېس نمبر په نوم یو عدد راځي، چي په لاندي ویډیو کي مي مکمل تشریح کړئ دی. 👇
https://youtu.be/27F8lCO-uUA

کله چي مو کېس نمبر معلوم سو، نو سمدستي باید Ds260 فورم په ډېر دقت او فکر سره ډک کړئ.

د DS 260 فورم اړوند ځیني لارښووني په لاندي ډول دي :

* په لاټرۍ کي بریالي کسان باید تر ټولو مخکي د کېس نمبر په واسطه Ds260 فورم په انلاین بڼه په ډېر دقیق او د خپلو اسنادو مطابق ډک کړي، ځکه یوه کوچنۍ غلطي او غلط معلومات لیکل مو د دې پروسې څخه پاته کولی سي، زه کوښښ کوم چي په دې اړه ستاسو لپاره یوه ښوونیزه ویډیو هم جوړه کړم، ترڅو د فورم په ډک کولو کي له ستونزو سره مخ نسئ.

* په DS260 فورم کي ستاسو د هویت ، استوګنځی، وظیفه، تعلیم، تحصل او کورنۍ مکمل معلومات لیکل کیږي.

* دا فورمه ځیني امنیتي پوښتني هم لري، چي سم ځوابونه یې خورا مهم او حساس دي، که تاسو د دې پوښتنو په ځواب کي تېروتنه وکړئ، د لاټرۍ ګټلو چانس له لاسه ورکوئ، نو باید ډېر دقیق او په ارام فکر سره دا فورم ډک او پوښتني یې جواب کړئ، چي دا ټول به په یو ویډیو کي هم درته تشریح کړم. ان شاء الله.

* په دې فورم کي د ځینو برخو ډکول اجباري او ځیني برخي یې اختیاري دي، یعني که یې ډک کړئ ښه خبره ده او که یې ډکي نه کړئ مشکل نسته، خو هغه برخي چي اجباري دي باید حتماً ډکي سي، د نه ډکولو په صورت کي مو فورم نسئ لېږلئ .

* په Ds260 فورم کي ټول معلومات باید په انګلیسي ژبه ولیکل سي، خو ځینو برخو کي ستاسو نوم باید په خپله مورنۍ ژبه ولیکئ.

* د DS260 فورم ته داخلېدو لپاره لاندي معلوماتو ته ضرورت سته:

۱- کېس نمبر
۲- تخلص
۳- ستاسو میلادي تولد تاریخ
۴- ستاسو کنفرمېشن نمبر، کوم چي د ثبت نام په وخت کي مو ترلاسه کړئ و.

* د DS260 فورم ډک کولو مخکي باید لاندي کارونه وکړئ:

۱- خپل د ضرورت وړ معلومات باید اماده کړئ، چي لوړ مي درته لیکلي دي.
۲- خپل اسنادونه په انګلیسي ژبه ترجمه کړئ او په فورم کي ټول معلومات د ترجمه سوي اسنادونو مطابق ولیکئ.
۳- که مو د پاسپورټ وخت تر ۶ میاشتو کم پاته وي، باید نوی یې کړئ او په Ds260 فورم کي د نوي پاسپورټ معلومات ورکړئ.
۴- دا چي اوس مهال په افغانستان او ایران کي د امریکا سفارتونه وجود نلري، نو تاسو کولی سئ د DS260 فورم په لومړۍ برخه کي پاکستان انتخاب کړئ، ترڅو د مرکې په وخت کي نوموړي سفارت ته مراجعه وکړئ.

هیله ده معلومات مو د خوښي وړ ګرځېدلي وي، که کومه پوښتنه او نظر لرئ په کمینټ کي یې راته ولیکئ.

Muzamil irfan AFG

______________________________________________________________
#ډيوي #لاټرۍ #امریکا

14/04/2024

ایا تر دا مهاله په ګرین کارټ لاټرۍ کي د افغانستان څخه کوم څوک کامیاب سوی دی ؟

د امریکا ګرین کارټ لاټرۍ هر کال د بیلابیلو هیوادونو څخه تقریبا یو لک او شل زره کسان انتخابوي چي د دې جملې څخه ۵۵ زره کسانو ته چي پر شرایطو برابر وي وېزې ورکوي.
افغانستان هم یو له هغه هیوادونو څخه دی چي هر کال په دې لاټرۍ کي کامیاب کسان لري، د مثال په توګه د ۲۰۲۳ کال کامیابو کسانو شمېر د امریکا وزارت خارجه په لاندي رسمي ویب سایټ کي کتلی سئ، چي ټوټل 2724 کسان کامیاب سوي دي 👇

https://travel.state.gov/content/travel/en/us-visas/immigrate/diversity-visa-program-entry/dv-2023-selected-entrants.html

اوس پوښتنه دا ده چي همدا د ۲۰۲۳ کال 2724 کامیاب کسان ټول امریکا ته تللي دي ؟ که تللي دي نو ولي یې د نورو کسانو سره د تګ جریان او تجربې ندي شریکي کړي، یا هم ولي څوک په خبر سوي نه دي چي کوم کسان تللي دي ؟

جواب: لومړی خو دا چي امریکا ځکه هر کال تر ۵۵۰۰۰ زیات کسان انتخابوي، ترڅو په هغوی کي پر شرایطو برابر ۵۵۰۰۰ کسان انتخاب او د امریکا وېزې ورکړي.
نو تاسو ته بهتره معلومه ده چي افغانان په دې لاټرۍ کي کم او لږ معلومات لري او یا هم تر کامیابۍ وروسته په بې تجربې او غیر مسلکي کس نوره پروسته مخته وړي، چي په ډېره کوچنۍ غلطي او غلطو معلوماتو ورکولو سره هم د دې پروسې څخه پاته کیږي او چانس یې د لوړ کېس نمبر شخص ته ورکول کیږي.

دوهمه خبره دا ده چي اکثره افغانان د ثبت نام په وخت کي یو ډول او تر کامیابۍ وروسته په DS260 فورم کي بل ډول معلومات لیکلي وي، چي دا هم د ناکامۍ او پاته کېدو بل لامل دی.

درېیم دا چي کوم کسان د دې لاټرۍ له لاري امریکا ته تللي دي، هلته مصروف او په کار اخته سوي، ځکه نو نورو کسانو ته د معلوماتو ورکولو وخت نلري، یا هم قصدا دا کار نه کوي.

څلورم: که غواړئ په دې اړه معلومات ترلاسه کړئ، چي له افغانستان کوم کسان کامیاب سوي او امریکا ته تللي دي، نو په دې اړه د مسلکي او تجربه لرونکو شرکتونو سره چي د لاټرۍ لپاره ثبت نامونه کوي، معلومات وکړئ.

پنځم دا چي اکثره کسان د لوړ کېس نمبر لرلو په خاطر له انټروي( مرکې ) څخه پاته کیږي او د کامیابۍ چانس یې د لاسه وزي.

نو په لنډ ډول باید ولیکم چي که په ګرین کارټ لاټرۍ کي انتخاب سئ راتلونکي مرحلې یې باید په ډېر دقت او ارام فکر سره مخته یوسئ، ترڅو د امریکا وېزه او ګرین کارټ لاسته راوړئ او دا چي ټول کامیابو کسانو ته ولي وېزې نه رسیږي، لوړ لیکل سوي یې څو عمده علتونه دي.

که مو معلومات خوښ سوي په کمینټ کي خپل نظر ولیکئ او خپل نور ملګري هم رامینشن کړئ، ترڅو د دې لاټرۍ اړوند د راتلونکو او مهم معلوماتو څخه خبر سي.

Muzamil irfan AFG

______________________________________________________________
#ډيوي #لاټرۍ #امریکا

13/04/2024

په ګرین کارټ لاټرۍ کي لوړ او ټیټ کېس نمبرونه کوم دي ؟

درنو لوستونکو دا چي د ګرین کارټ لاټرۍ تر ګټلو وروسته کومي مرحلې باید سرته ورسوئ، لومړئ یې کېس نمبر دی، چي تر دې پوسټ مخکي مي هم په دې اړه معلومات نشر کړي دي، کولی سئ هغه وګورئ او ګټه ترې واخلئ.

نن په دې لیکنه تاسو ته د لوړ او ټیټ کېس نمبر اړوند ډېر مهم معلومات لیکم، هیله ده تر پایه یې ولولئ.

تر ټولو مخکي باید په دې پوه سئ چي څومره مو کېس نمبر ټیټ ( کښته) وي؛ هومره ژر د امریکا په سفارت کي د مرکې بلنه درکوي. مثلاً ۱ نمبر ته ژر او ۱۰۰۰۰ نمبر ته به د انټروي بلنه ناوخته ورسیږي.

شاید اوس مهال دا پوښتنه ستاسو په ذهن کي وي چي څنګه کولی شئ د یو هیواد تر ټولو لوړ او ټیټ کېس نمبرونه معلوم کړئ ؟ مثلا افغانستان چي د اسیا لويي وچي مربوط دی، لوړ او ټیټ کېس نمبرونه یې څه دي ؟

د دې پوښتني په جواب کي باید ولیکم چي د اسیا کېس نمبرونه د ټولو اسیایي هیوادونو لپاره په تصادفي ډول وېشل کیږي، مثلاً 200 کېس نمبر کیدای سي په افغاني ګټونکي پوري اړه ولري، همدارنګه 201 نمبر د نیپال او 202 کېس نمبر د عراق څخه د ګټونکي پورې اړه ولري، نو په عمومي ډول د یوې سیمي هیوادونو ترمنځ د کېس نمبرونو ویشلو لپاره کوم ځانګړی عامل شتون نلري.

پیاد ولرئ چي هر کال د دې لاټرۍ د ګټونکو شمېر زیات وي خو وېزې کمو کسانو ته ورکول کیږي، مثلاً ګټونکي ۷۰ زره نفره وي او وېزې ۵۵ کسانو ته ورکوي، دا په دې خاطر چي اکثره کسان وروسته تر ګټلو پر شرایطو برابر نه وي، نو ځکه یې پر ځای د لوړ کېس نمبر لرونکی کس ته د مرکې او وېزې چانس ورکول کیږي، خو که ټول پر شرایطو برابر وي نو لومړی هغه ۵۵۰۰۰ کسانو ته وېزې ورکوي چي کښته کېس نمبرونه لري او د لوړ کېس نمبرونو کسان بې نتیجې پاتي کیږي.

یوه بله مهمه خبره دا ده چي کله په لاټرۍ کي کامیاب سئ او کېس نمبر مو معلوم سو، تاسو ته تر هغه وخته په سفارت کي د مرکې بلنه نه درکوي، ترڅو د امریکا وزارت خارجه ویب سایټ کي ستاسو کېس نمبر کرنټ نه سي.
د کېس نمبر کرِنټ ( CURRENT ) په دې معني دی چي تاسو په عمومي شکل د امریکا لاټرۍ پروسې ته داخل سوي یاست او کولی سئ راتلونکي مرحلې پوره کړئ، چي د Current او نورو مرحلو اړوند به په راتلونکو پوسټونو او یوټیوب ویډیوګانو کي په تشریحي توګه معلومات درکړم، ان شاء الله.

هیله ده پوسټ د خپلو نورو ملګرو سره هم شریک کړئ، ترڅو په دې اړه معلومات ترلاسه کړي .

Muzamil irfan AFG

______________________________________________________________
#ډيوي #لاټرۍ #امریکا

09/04/2024

د امریکا ګرین کارټ لاټرۍ کېس نمبر او کانفرمېشن نمبر څه فرق لري ؟

کانفرمېشن نمبر هغه ځانګړی 16 عددي کوډ دی چي تاسو یې د لاټرۍ د ثبت نام په وخت کي ترلاسه کوئ، ترڅو د نتیجې د اعلان په وخت کي خپله نتیجه په وګورئ. چي ښوونیزه ویډیو یې په لاندي لینک کي لیدلی سئ.
https://youtu.be/Q8CLKbpbAFY
اکثره کسان پوښتنه کوي چي زموږ څخه همدا کنفرمېشن نمبر ورک سوی دی، څنګه کولی سو لاسته یې راوړو، ترڅو خپله نتیجه وګورو ؟
د دې لپاره ما ښوونیزه ویډیو جوړه کړې ده، چي د لاندي لینک په واسطه یې کتلی سئ.
https://youtu.be/SKnfIuTLZdA

همدارنګه کېس نمبر 14 عددي کوډ دی چي فقت او فقت د ګرین کارټ لاټرۍ ګټونکي یې ترلاسه کولی سي.
په دې اړه ما مخکي په فسبوک کي پوسټ کړئ دی کولی سئ هغه وګورئ 👇

https://www.facebook.com/share/p/Dsfky6AfjvmnYb6L/?mibextid=qi2Omg

د کېس نمبر او کانفرمېشن نمبر تر منځ توپیرونه په لاندي ډول دي :

* کېس نمبر 14 رقمي او کانفرمېشن نمبر 16 رقمي عدد دی.
* کانفرمېشن نمبر د لاټرۍ ټولو ثبت نام کوونکو ته ورکول کیږي او کېس نمبر فقت د لاټرۍ ګټونکي ترلاسه کولی سي.
* کانفرمېشن نمبر د لاټرۍ د ثبت نام پر وخت، یعني د نتیجې د اعلان مخکي ترلاسه کولی سئ او کېس نمبر د نتیجو تر اعلان وروسته فقت ګټونکو ته ورکول کیږي.
* د ګرین کارټ لاټرۍ د مصاحبې ( مرکې) نېټه فقت په کېس نمبر پوري اړه لري، نه په کنفرمېشن نمبر پوري.
* په کانفرمېشن نمبر سره کولی سئ خپل کېس نمبر وګورئ او په کېس نمبر سره کولی سئ د لاټرۍ نوري مرحلې مخته یوسئ.
* کانفرمېشن نمبر ستاسو د ثبت نام په ورقه کي لیدلی سئ او کېس نمبر د کامیابۍ په ورقه کي درته معلومیږي.

که مو معلومات خوښ سوي وي، پوسټ لایک او د خپلو نورو ملګرو سره یې هم شریک کړئ.
Muzamil irfan AFG

______________________________________________________________
#ډيوي #لاټرۍ #امریکا

08/04/2024

که کنفرمېشن نمبر او ایمېل ادرس دواړه مو ورک یا هیر کړي وي، د DV لاټرۍ نتیجه څنګه کتلی سو ؟

درنو لوستونکو که ستاسو څخه فقت خپل کنفرمېشن نمبر ورک سوی وي، نو کولی سئ چي په دغه لاندي طریقه یې بیرته لاسته راوړئ 👇

https://youtu.be/SKnfIuTLZdA

او که چيري مو کنفرمېشن نمبر او ایمېل دواړه ورک یا هیر کړي وي، نو په هیڅ صورت خپله نتیجه کتلی نه سئ، که څه هم کامیاب سوي یاست.
اکثره کسان فکر کوي چي د خپل ایمېل ادرس د پیدا کولو لپاره به KCC یعني Kentucky Consular Center ته ایمېل یا هم زنګ وهي، ترڅو له دوی سره مرسته وکړي، خو KCC په رسمي ډول څو ځله اعلان کړی، چې دوی ستاسو د کنفرمېشن نمبر په پیدا کولو کي هیڅ ډول مرسته نسي کولی او دا ډول پیغامونو ته به ځواب ورنکړي.
نو تاسو باید د DV لاټرۍ د ثبت نام په وخت کي درکړل سوی کانفرمېشن نمبر له ځان سره وساتئ، ترڅو د نتیجې د اعلان پر وخت خپله نتیجه وګورئ، که درڅخه ورک سوی هم وي خو ایمېل ادرس مو حتما باید په یاد وي، ترڅو په واسطه یې بیرته خپله ورک سوی کنفرمېشن نمبر لاسته راوړی، او که مو ایمېل ادرس هم پیاد نه وي نو بیا په هیڅ صورت تاسو خپله نتیجه نسئ کتلی او باید د بل ثبت نام لپاره امادګي ونیسئ.

Muzamil irfan AFG

______________________________________________________________
#ډيوي #لاټرۍ #امریکا

08/04/2024

کېس نمبر ( Case Number)

د ګرین کارت لاټرۍ ګټونکی به د Case Number په نوم یو 14 عددي کوډ ترلاسه کړي، چي د ویزې او ګرین کارټ تر لاسه کولو تر وخته پوري به همدا کوډ وکارول سي.

کېس نمبر دا معنی لري، چې د متحده ایالاتو د مهاجرت څانګې قونسلګرۍ سیسټم کې ستاسو د قضیې پروسس پیل او ستاسو د منلو وروسته ټول مرحلې به د دې شمیرې پر اساس ترسره کیږي.

کېس نمبر په دغه شکل درته راځي 2025AS000006512 چي لومړي څلور عددونه یعني 2025 د هغه میلادي کال سره مطابقت لري، په کوم کي چي تاسو انتخاب سوي یاست. ورپسې دوه عددونه د هغه براعظم ( لويه وچه) د نوم لنډیز دی، چیرې چې تاسو زیږیدلی یاست، چي (AS د آسیا براعظم لپاره ایښودل سوی دی) او د افریقا د اوسېدونکو لپاره به په کېس نمبر کي AF لیکل سوی وي.
همدارنګه ورپسې عددونه ستاسو ځانګړی کېس نمبر دی، لکه د همدې نمبر په پای کي چي 6512 لیکل سوی دی. دا کېس نمبر مي فقت د نموني په شکل ولیکئ، چي ټولو کامیابه کسانو ته به په همدې شکل بېلابیل نمبرونه ورکړل سي.

د یادوني وړ ده چي هر کال د دې لاټرۍ لپاره ۵۵۰۰۰ کسان انتخابیږي او د دې لاټرۍ نتیجه به د روان ۲۰۲۴ کال د مې میاشتي په لومړۍ اوونۍ یعني تقریباً یوه میاشت وروسته اعلان سي.

که معلومات مو لوستلي وي، هیله ده په کمینټ کي خپل نظر راته ولیکئ، همدارنګه که په دې اړه کومه پوښتنه لری، هم یې راته ولیکئ.
Muzamil irfan AFG

______________________________________________________________
#ډيوي #لاټرۍ #امریکا

07/04/2024

څنګه کولی سو د پاسپورټ لپاره آنلاین ثبت نام وکړو ؟

درنو لوستونکو دا چي د څه وخت لپاره د پاسپورټ انلاین ثبت نام بند سوی و، اوس مهال تاسو کولی سئ، په انلاین فورم کي تر درېیمي مرحلي پوري خپل معلومات ولیکئ.
په فورم کي درېیمه او پاتي نوري مرحلې هغه وخت پوره کولی سئ چي کله په ویب سایټ کي ستاسو ولایت خلاص سي.

یادونه: په فورم کي تر درېیمي مرحلې پوري د معلوماتو لیکلو ګټه دا ده، چي ستاسو د ولایت د خلاصېدو په صورت کي خپل پاته معلومات د جستجو له لاري پوره کولی سئ. یعني اساني دا ده چي نور معلومات خو مو مخکي له مخکي په فورم کي لیکلي دي، فقت په درېیمه مرحله کي د فورم د تبدیلۍ په شان خپل ولایت انتخابوئ او پاته برخي یې تکمیلوئ.

دوهمه یادونه: د پاسپورټ عمومي ویب سایټ تخنیکي برخه لا هم تر کار لاندي ده او کېدای سي په اپډېټ سره یې سسټم تغیر وکړي او د ثبت نام طریقه هم بدله سي، خو فعلاً په همدې طریقه سره ثبت نام کولی سئ.

Muzamil irfan AFG