شـفـق تلویـزیـون Shafaq Tv

01/06/2024

29/05/2024

‏د ‎روسیې ولسمشر ولادیمیر ‎پوتین په یوه بیانیه کې ویلي چې افغان حکومت اوسمهال د ‎افغانستان پر ټوله خاوره واکمن دی. نوموړي وړاندې ویلي چې افغان حکومت یو واقعیت دی او له هغوی سره د اړیکې ټینګولو لپاره هڅې کوي.
او شنونکي په دې باور دي چې شاید لمړۍ هیواد روسیه وي چې اوسنی افغان حکومت په رسمیت وپېژني.

28/05/2024

د کابل کندهار لويې لاري د بیا رغوني کارونه دوام لري.

د غزني ولایت د ټولګټو چارو ریاست مسؤلین وایې:
له غزني ښاره ، تر مقُر ولسوالي پوري د کابل - کندهار د لویي لاري د جوړېدو کارونه روان دي.
د ده په خبره د دې پروژې چاري ۳۰ سلنه مخکي تللي دي.

27/05/2024

۲۵۰ افغان سوداګر د ازبکستان په یو نندارتون کې ګډون کوي.
د صنعت او سوداګرۍ سرپرست وزیر وایي، هڅه کوي چې د افغانستان او سیمې هېوادونو ترمنځ سوداګریزه راکړه ورکړه زیاته کړي. نورالدین عزیزي ټینګار کوي چې ټاکل شوې تر راتلونکې یوې میاشتې په ازبکستان کې یو نندارتون جوړ شي چې، نږدې ۲۵۰ افغان سوداګر به هم په‌کې ګډون وکړي. نوموړی وایي چې په قزاقستان او روسیه کې به هم نور نندارتونونه جوړ شي.

26/05/2024

له پاکستانه څه باندې ۵۰۰ کډوال هېواد ته راستانه شول.

له پاکستانه د افغان کډوالو د جبري اېستلو په دوام د کډوالو او بېرته راستنېدونکو چارو وزارت وايي، د ۱۹ بندیانو په ګډون ۵۵۹ تنه افغان کډوال له پاکستانه په جبري توګه افغانستان ته ستانه کړل شوي. دغه وزارت پر خپله ټویټر پاڼه لیکلي؛ چې دغه کډوال د سپین بولدک او تورخم له لارو هیواد ته راستانه شوي. یاد وزارت د سپین بولدک او د تورخم سرحدي امریتونو په حواله لیکلي؛ ۷۰ کورنۍ چې د غړو شمېر یې ۳۷۰ تنو ته رسیږي د سپین بولدک له لارې او ۳۶ کورنۍ چې د غړو شمېر یې ۱۷۰ تنو ته رسیږي د تورخم له لارې افغانستان ته راستنې کړل شوې. په یادو تازه راستنو کړل شویو کډوالو کې ۱۹ تنه هغه افغانان هم شامل دي چې د پاکستان په بېلابېلو بندخونو کې بندیان وو.

26/05/2024

د مېوو سوداګر وایې:
افغان حکومت دې په نورو هېوادونو کې هم زموږ د مېوو لپاره مارکېټ پیدا کړي.
دوی وايي، پاکستان ډېر وخت له افغانستان سره ستونزې پیدا کوي، چې بیا یې اغېز مستقیما د دوی پر سوداګري وي.

د لمدې مېوې سوداګر وایي، د کروندګرو د حاصلاتو رسېدو په وخت کې پاکستان پر دوی لارې تړي، چې ډېر کله یې اخیستې مېوې خرابیږي، له حکومت څخه مو غوښتنه ده چې دوی له نورو ګاونډیو هېوادونو سره هم سوداګریزي اړیکې پراخې او موږ ته زمینه سازي وکړي، دغه راز له ګاونډیو هېوادونو هم غواړو چې د سوداګریزو اړیکو پر وړاندې خنډ پیدا نه کړي.

26/05/2024

قطر افغانستان ته راستانه شویو افغان کډوالو ته کورونه جوړوي.

د قطر سرې میاشتې د مرستو او نړۍوالې پراختیا مشر دوکتور محمد صلاح ابراهیم د کډوالو او راستنېدونکو چارو سرپرست وزیر سره لېدنه کې ژمنه کړې، چې د راستانه شویو کډوالو لپاره به کورونه جوړ کړي. دوکتور صلاح ابراهیم ویلي، دا چې څومره کورونه به جوړ او څه وخت به یې عملي چارې پیل شي، د قطر خېریه صندوق سره له مشورو وروسته به یې په اړه مالومات شریک شي.

20/05/2024

#عاجل
دایران ولسمشر دچورلکي د نسکورېدو په پېښه کي ژوند له لاسه ورکړی.

10/06/2023

‏د لوړو زده کړو سرپرست وزیر
د فدراتیف روسیې تاتارستان جـمهوریت د لوړو زده کړو او پوهنې وزیرانو په «فورم» غونډه کې ګډون او د افغانستان د تحصیلي نظام په اړه خبرې وکړې.

10/06/2023

‏د هيواد يو تن تکړه ډاکټر محمد عظیم کبیر چي ډيره موده له هيواده د باندي اوسېدی، د نوي حکومت له راتګ وروسته يې هيواد ته د راتک لپاره زړه ښه کړ نن له جرمني څخه افغانستان ته راستون شو.

07/06/2023

افغان حکومت د یوه فرمان په صادرولو سره په هرات کې یو شمېر سلمانانو ته امر کړی چې له دې وروسته به نه د چا ږیره خرېیي، نه به یې کموي او نه به یې هم په سټایل جوړوي،
ځکه چې دا د شریـعت خلاف عمل دی.

27/03/2023

افغان حکومت افغانانو ته له پاکستان څخه د تیرې شپې کرکټ دوهمې لوبې ګټلو مبارکي ویلې.
د ریاست الوزرا سیاسي مرستیال ویلي، یادې بریا وښوده چې افغانان په کمو امکاناتو هم د پرمختګ وړتیا لري.
هغه زیاته کړې چې «افغان حکومت» د افغان کرکټ لوبډلې سره ولاړ دی او د وړتیاو لوړولو لپاره لا نورې هڅې کوي.
نوموړي زیاته کړې: "د پاکستان پر وړاندې د افغان لوبډلې پرلپسې او تاریخي بریا مو مبارک شه.
موږ د کرکټ اتلانو د لا بريا هیلې لرو او په پوره اخلاص ورته دعاګانې کوو."
د افغانستان د کرکټ ملي لوبډلې د شارجه په نړیوال میدان کې پاکستان ته په دویمې شل اوریزې لوبې کې هم ماتې ورکړه او یو بل تاریخ یې جوړ کړ.

05/01/2023

رانا ثناءالله: ‏ما کله هم نه دي ويلي په افغانستان کې دننه به اهـداف په نخښه کوو.

د پاکستان د داخله چارو وزير رانا ثناءالله د خپلې خبرې په شا شوی او په اسلا م اباد کې يې يو خبري کنفرنس ته ويلي، ده کله هم دا نه دي ويلي چې په افغانستان کې دننه به هغه اهـداف په نخښه کړي د کومو نه چې پاکستان ته خطره پېښـه ده.