Dareez

29/10/2024

د مغول کلا سیمه، چې د سختې جګړې شاهده وه، خلک يې څه وايي؟ موږ یادې سیمې ته ورغلي یو، او خلکو مو غږولي دي.
#دريځ نېوز
#بشپړه ویډیو دلته کتلی شئ👇

https://youtu.be/y6FmjBf8Ib0?si=MLw__QbICG2bfYab

28/10/2024

د مغول کلا سیمه، چې د سختې جګړې شاهده وه، خلک يې څه وايي؟ موږ یادې سیمې ته ورغلي یو، او خلکو مو غږولي دي.
#دريځ نېوز
#بشپړه ویډیو دلته کتلی شئ👇

مغول کلا سیمه چې د سختې جګړې شاهده وه، خلک یې له لومړنیو خدماتو بې برخې ديموږ په دې ویډیو کې ورته کتنې کړې او یادې سیمې ته تللي یو، د خلکو احوال مو اخیستی دی...

17/10/2024

په دې راپور کې د ۲۰۳ م. قول اردو اسلحو او پوځي نقلیه وسایطو ترمیم ورکشاپونو ته کتنه شوې
په دغو ورکشاپونو کې د پخواني شوروي اتحاد څخه پاتې چین دار ټانګونه هم ترمیم شوي
#دریځ.نېوز
#بشپړه ویډیو دلته کتلی شئ👇

په دې راپور کې د ۲۰۳ قول اردو د اسلحو او پوځي نقلیه وسایطو د ترمیم ورکشاپونه درښیوموږ د دغې قول اردو ورکشاپونو ته ورغلي یو، او کتنه مو ورته کړې. مسؤلین وايي،...

08/10/2024

#بدخشان کې غر ښویدنه رامنځته شوې

د بدخشان ولایت د سیمه ییزو سرچینو له قوله ویل شوي چې د دغه ولایت په یاوان ولسوالۍ یادنیل کلي کې غر ښویدنه رامنځته شوې.

د چارواکو په وینا په دې پېښه کې چا ته زیان نه ده اوښتی، خلکو ته له پيښې وړاندې خبرداری ورکړل شوی ؤ، تر څو ځانونه خوندي کړي.

د باختر اژانس سیمه ییز خبریال دریځ.نېوز ته ویلي، چې څو ورځې وړاندې هم په یاده سیمه کې کمه اندازه غر ښویدنه رامنځته شوې وه.

مسؤلین وايي چې د یاد غر یوه څنډه پخوا د زلزلې له امله بیله شوې وه، چې د ښویدو اټکل يې ورکړل شوی ؤ.
#دريځ.نېوز

#ویډیو دلته کتلی شئ👇

14/09/2024

شیخ عبدالحمید حماسي پکتیا کې یوې غونډې ته په تازه وینا کې ویلي، چې د نظامونو بقا لپاره نورو علومو ته اړتیا ده، او ټولنه هغه وخت پرمختګ کوي چې نور علوم زده کړي.
#نوموړي زیاته کړې د اسلامي نظامونو بقا او ړنګیدلو دلیل نورو علومو ته نه پاملرنه دی.

#بشپړه ویډیو دلته کتلئ شئ👇

اسلامي نظامونه ځکه ړنګېږي چې واکداران يې واک ته ورسیږي بیا تعلیم ته ډیر پام نه کوي.شیخ عبدالحمید حماسي پکتیا کې یوې غونډې ته په وینا کې ویلي، چې علماء ولې دو...

12/09/2024

خلیل الرحمن حقاني: که نظام د ملت زړونه خپل کړي ملت په خپله له نظام څخه ملاتړ کوي

#دریځ.نېوز ـ سنبله، ۲۲

د ګډوالو او بیرته راستنېدونکو چارو سرپرست وزیر خلیل الرحمن حق.ا.ني پکتیا ته د سفر پرمهال یوې دینې مدرسې څخه د قرآن کریم حافظانو فراغت غونډې ته په وینا کې ویلي، اوس مهال اتفاق او وحدت ته اړتیا ده، نظام او ولس دواړه مسؤل دي، نظام باید ملت خپل کړي او ملت هغه وخت خپل کېږي چې نظام د ملت زړونه خپل کړي، که ملت ته پروژې عملي شي ملت په خپله نظام څخه ملاتړ کوي.

نوموړي په ورته وخت کې خلکو او ځوانان څخه غوښتي چې بهرنیو هېوادونو ته د تګ په موخه دې خپلې پیسې نه مصرفوي، او هېواد کې دې کارو بار پرې جوړ کړي. هغه ټینګار کړی چې که څوک ځوانان په غیر قاچاقي لارو بهرنیو هېوادونو ته لیږي سخت به مجازات شي.

20/08/2024

ګردېز کې د پخواني شوروي اتحاد پاتې نظامي وسایط په کوم حالت کې دي

دې راپور کې په ګردېز کې له پخواني شوروي اتحاد څخه پاتې نظامي وسایط درښایو، موږ هغې سیمې ته تللي چې شوروي ځواکونو څخه په لسګونه ټانګونه پاتې شوې دي، کتنه مو ورته کړې.
#دريځ.نېوز
👇

د شوروي اتحاد ځواکونو څخه په افغانستان کې پاتې نظامي وسایط په کوم حالت کې دي؟په دې راپور کې موږ په افغانستان کې له پخواني شوروي اتحاد ځواکونو څخه پاتې نظامي ...

28/07/2024

د پکتیا پوهنتون ژبو او ادبیاتو پوهنځي استاد عارف الله حق پرست د لیکوالانو او شاعرانو پر ستونزو او حل لارو چارو غږیدلی.
#دریځ.نېوز
#دلته يې کتلی شئ👇

د لیکوالانو او شاعرانو ستونزې دو د هغوی حل لارې چارې څه دي؟د پکتیا پوهنتون ژبو تو ادبیاتو پوهنځي استاد عارف الله حق پرست پرې غږیدلیدلته يې کتلئ شئ ...

21/07/2024

د ۱۴۰۳ کال د کانکور لومړۍ مقام ګټوونکی #اتل خان رحیمزوی پکتیا ولایت څخه دی
#نوموړي د ۳۵۹ نمرو په ترلاسه کولو سره کابل طبي پوهنتون ته بریالی شوی👇

22/06/2024

نښتر مشاعرې کې د #عبدالستار سعید لخوا غزې ته ویل شوی شعر👇

نه د عرب نه د عجم غیرت را وپاریده
د اقصی لور د یهود لاس کې زولانه پاتې شوه

بشپړ شعر دلته 👇 کتلئ شئ

نښتر مشاعرې کې د عبدالستار سعید لخوا غزې شهیدانو ته ویل شوی شعر #سږ کال نښتر دودیزه مشاعره ځاځي آریوب ولسوالۍ سپینې شګې تفریحي سیمه کې وشوه. #شعرونه شعر ...

22/06/2024

نښتر مشاعرې کې د محمد عالم بسمل لخوا ویل شوي شعرونه
#👇

#دا ځل نښتر دودیزه مشاعره د پکتیا ولایت ځاځي اریوب ولسوالۍ سپینې شګې تفریحي سیمه کې وشوه #نښتر مشاعره کې د محمد عالم بسمل لخوا ویل شوي شعرونو یوه برخه دلته کت...

14/06/2024

پکتیا کې د کانګو ناروغۍ له امله د یوې ښځې مړینه، عامې روغتیا ریاست خلکو ته د کانګو جدي ګڼلو خبرداری ورکړی

#دريځ.نېوز

د پکتیا ولایت عامې روغتیا ریاست مسؤلین وايي، چې د دغه ولایت په څمکنیو ولسوالۍ کې یوې ځوانې ښځې پر کانګو ناروغۍ اخته کېدو وروسته خپل ژوند له لاسه ورکړی.

د عامې روغتیا رئیس خیرالله منصور باختر دریځ.نېوز ته ویلي، چې یاده ښځه ۲۵ کلنه وه، او یوه اوونۍ وړاندې پر کانګو ناروغۍ اخته شوې وه، خو روغتیايي مرکز ته پر وخت نه ورتللو وروسته يې خپل ژوند له لاسه ورکړی ؤ.

د دغه ولایت عامې روغتیا رياست مسؤلین خبرداری ورکوي که خلک د لوی اختر قربانۍ "د څارویو حلالې" پرمهال د ډاکترانو لارښوونې عملي نه کړي کانګو ناروغۍ کچه به لا زیاته شي.

خلک وايي، چې کانګو ناروغۍ ته اندیښمن دي خو د روغتیا برخې کارپوهانو سپارښتنې به جدي ډول په پام کې ونیسي تر څو دغې وژونکې ناروغۍ څخه ځانونه وساتي. دوی له مسؤلینو غواړي چې په دې برخه کې پراخ کمپاین وکړي.

د عامې ریاست مسؤلینو په خبره د کانګو ناروغۍ مخنیوي په وړاندې يې روغتیايي ټیمونه ګمارلي تر څو خلکو ته د کانګو ناروغۍ څخه د ځان ساتنې په موخه عامه پوهاوی ورکړي. دوی زیاتوي خپلې هڅې يې چټکې کړې تر څو خلک له دې ناروغۍ څخه وژغورل شي.

ډاکتران وايي، چې کانګو "CCHF" یوه وژونکې ناروغي ده، چې څارویو څخه انسانانو ته لیږدول کېږي او که احتیاط ورسره ونشي ډیر خلک به پرې اخته شي. د دوی په خبره د کانګو ناروغۍ عمده نښې نښانې د سر درد، شدیده تبه، د ملا او بندونو دردونه، خوابدي، د سترګو سره کېدل دي.

په پکتیا کې د سرویلانس مسؤل ډاکتر محمد شریف وايي، چې پر دې ناروغۍ د اخته کېدو د مخنیوي لپاره باید د څارویو سره د مخامخېدو پرمهال دستکشې، ماسک، موزې او سپینه چپنه واغوستل شي.

پر کانګو ناروغۍ اخته ناروغ که چیرته پر خپل وخت روغتیايي مرکز ته لاړ نشي او په ټاکل شوې دوره کې يې درملنه ونشي خپل ژوند له لاسه ورکوي.

د کانګو "CCHF" یوه وژونکې وایروسي ناروغي ده، چې تر ټولو لویه سرچینه يې څاروي دي، دغه ناروغي له څارویو څخه انسانانو ته انتقالیږي چې د انسان د وینې سپین کرویات "دفاعي سیستم" باندې حمله کوي او انسان د مرګ تر کچې رسوي.

#راپور: ځلاند

04/06/2024

پکتیا مرکز ګردېز کې د بې‌ سرپرسته ماشومانو لپاره روزنتون پرانیستل شو

#دریځ.نېوز

په پکتیا مرکز ګردېز کې د کار او ټولنیزو چارو ریاست لخوا د ۱۰۰ تنو بې سرپرسته ماشومانو لپاره روزنتون پرانیستل شو.

د دغه روزنتون پرانیستلو پرمهال د کار او ټولنیزو چارو وزارت د ټولنیزو چارو مرستیال عبدالبر ویلي، چې د بې سرپرسته ماشومانو لپاره د روزنتونونو ټول امکانات او لګښت اوسنی حکومت ورکوي. د هغه په خبره پلان لري چې بې سرپرسته ماشومانو لپاره ولسوالیو کې هم روزنتونونه جوړ کړي.

د کار او ټولنیزو چارو وزارت ویاند سمیع الله ابراهیمي وايي، چې د سرپرست حکومت راتګ څخه وروسته د هېواد په کچه تر ۳۰ زیاتو ولایتونو کې د بې سرپرسته ماشومانو لپاره روزنتونونه جوړ شوي. د هغه په وینا یاد وزارت په دې هڅه کې دی چې د روان کال تر اخیره د بې سرپرسته هلکانو ماشومانو ترڅنګ په ټول هېواد کې د انجونو لپاره جلا روزنتونونه جوړ کړي.

د کار او ټولنیزو چارو وزارت ویاند څرګندوي په یادو روزنتونو کې تر ۱۰۰۰۰ پورې بې سرپرسته ماشومان ځای پر ځای شوي او په خبره يې دغو روزنتونو کې بې سرپرسته ماشومانو لپاره د زده کړو تر څنګ خوراک، څښاک، روغتیا، کالي او د ژوند نورو اړتیاؤ اسانتیاوې برابرې شوې.

د پکتیا ولایت کار او ټولنیزو چارو رئیس محمد رحیم نصرت وايي، چې د اوس لپاره به په دغه روزنتون کې تر ۱۰۰ پورې بې سرپرسته ماشومان ځای ولري خو ډاډ ورکوي چې په نږدې راتلوونکي کې به یاد شمېر ۶۰۰ تنو ته لوړ شي.

نوموړی زیاتوي چې ډیر ژر به د حرفوي زده کړو برخه هم فعاله شي چې بې سرپرسته ماشومانو ته به زده کړې ورکول کېږي.

د یاد ریاست مسؤلین وايي، چې که معیاري ودانۍ ورته جوړې شي او دغه ستونزه حل شي د وړکتون ترڅنګ به د زده کړو ټولګي هم فعال کړي.

#راپور: ځلاند

21/05/2024

پکتیا کې د "کتاب لوستنې ملي اوونۍ" په مناسبت د کتابونو نندارتون جوړ شو

#دریځ.نېوز
۱۴۰۳/جوزا/۱

د پکتیا په مرکز ګردېز کې د اطلاعاتو او کلتور ریاست لخوا د "کتاب لوستنې ملي اوونۍ" په مناسبت د کتابونو نندارتون جوړ شو.

د اطلاعاتو او کلتور ریاست مسؤلین وايي، چې په دغه نندارتون کې تر ۱۰ زره ټوک پورې د بېلابېلو برخو کتابونه نندارې ته کېښودل شوي چې تر راتلوونکې دری ورځو پورې به دوام وکړي.

د هنر او کلتور آمر عقل خان وهاج دریځ.نېوز ته وايي، چې دغه نندارتون جوړېدو څخه يې موخه مطالعې فرهنګ دودول او کتاب ته په اسانه د زده کړیالانو او ځوانانو لارسی دی.

وهاج وايي:
"هڅه مو دا ده، چې کتاب دودولو فرهنګ عام شي، په همدې موخه مو علمي سیمینار هم دایر کړ، چې یو شمېر استادانو لخوا د کتاب په ارزښت، ژبې بډاینې او مطالعې په ګټو مقالې وړاندې شوې."

محمد رضا چې د کتابپلورنځي یو تن مسؤل دی، وايي په لسګونه ټوګه کتابونه يې په دغه نندارتون کې کم تخفیف سره نندارې ته ایښي، تر څو ځوانان په اسانه او ارزانه بیه کتابونه ترلاسه کړي.

نوموړي دريځ ته وویل، چې په دغه ولایت کې د کتاب پلور او مطالعې دود کمرنګه شوی خو په خبره يې چې دا ډول نندارتونونو جوړیدل د ځوانانو او مطالعې مینوالو لپاره یو ښه فرصت دی، او د کتاب فرهنګ ورسره پیاوړی کېږي.

نجیب الله څاروان بیا هغه ځوان دی چې دغه نندارتون ته راغلی، وايي چې داسې نندارتونونو جوړېدل سره کتاب ته لاسرسی اسانه کېږي، باید شمېر يې زیات شي او ولسوالیو کې دې هم جوړ شي.

په ورته وخت کې استادان او ادیبان وايي، چې د کتاب الکترونیکي یا "پي ډي ایف" بڼې د کتاب لوستنې پر کاغذي بڼې منفي اغیز کړی، د هغوی په خبره د کاغذ پرمخ مطالعه نسبت الکترونیکي بڼې ته ډیره ګټوره ده، او د ژبې بډاینې لپاره پر ژباړې ټینګار کوي.

د پکتیا پوهنتون ژبو او ادبیاتو پوهنځي استاد عارف الله حق پرست وايي، چې د ژبې او فرهنګ بډاینې لپاره په کار ده، چې نورو بشري ټولنو او ژبو څخه مهم اثار را وژباړل شي، د ژبې غنا او فرهنګ په پیاوړتیا کې ژباړې مهم رول لري.

حق پرست دریځ ته وویل:
"اول خو پښتو ژبه د نړۍ یا د ګاونډیو هېوادونو ژبو په پرتله لاهم ډیره زیاته ترجمې ته اړه ده، ځکه له ځانه څه نه لري خو نیکمرغه په تېرو ۳۰ کالونو کې ترجمې له لارې ډیر زیات کار وشو."

په دې ولایت کې ځوانان او لیکوالان غواړي چې په راتلوونکې کې دې ورته نور نندارتونونه هم جوړ شي، او د لیکوالانو لاسنیوی دې وشي تر څو د کتاب بیه راټېټه او هر څوک ورته په اسانۍ لاسرسی ولري.

#راپور: سیدرضا ځلاند

14/05/2024

د ملي بس آمریت مسؤلین وايي، چې ګردېز څخه ځاځي اریوب ولسوالۍ ته يې د عامه ترانسپورټ، خلکو ته د اسانتیاؤ برابرولو او ارزانه کرایې په موخه د "ملي بس" خدمات پیل کړي
#دريځ.نيوز👇

د ملي بس آمریت مسؤلین وايي، چې ګردېز څخه ځاځي اریوب ولسوالۍ ته يې د عامه ترانسپورټ، خلکو ته د اسانتیاؤ برابرولو او ارزانه کرایې په موخه د "ملي بس" خدمات پیل ...

14/05/2024

#پکتیا کې د بغلان ولایت سیلاب ځپلو سره د نغدي مرستې راټولو په موخه صندوق کېښودل شو
#دریځ.نيوز👇

پکتیا کې د بغلان ولایت سیلاب ځپلو سره د نغدي مرستې راټولو په موخه صندوق کېښودل شود مرستې راټولو په موخه دغه صندوق د اطلاعاتو او کلتور ریاست ځوانانو چارو آمری...

06/05/2024

پکتیا کې خلک له دولت څخه د چهارمغزو بڼوڼو جوړېدو غوښتنه کوي

#دریځ.نېوز

پکتیا کې خلک وايي، چې که د غوزانو "چهارمغزو" بڼوڼه جوړ شي او دولت په دې برخه کې د بڼوالو ملاتړ وکړي نو ښه حاصلات به ترلاسه کړي، او په خبره يې دا د دوی پر اقتصاد مثبت اغیز لرلی شي.

د پکتیا اوسیدونکي وايي، چې په دغه ولایت کې چهارمغز ښه حاصلات ورکوي که پاملرنه ورته وشي او د چهارمغزو نیالګي کېنول شي د بڼوالو او هېواد اقتصاد په ښه والې کې مهم رول لري.

په دې ولایت کې د چهارمغزو ونې او ځنګلونه په طبیعي ډول شتون لري خو د کرنې برخې مسلکي اشخاص وایي، اړتیا ده چې د غوزانو نیالګي وکرل شي، تر څو ښه حاصلات ترلاسه شي چې د هېواد په اقتصاد کې مهم روا لري.

د کرنې برخې مسلکي شخص جاوید درمان په دې اړه داسې وايي:
"چهارمغز هغه نبات دی چې صحرايي اقلیم کې ډیره ښه نتیجه ورکوي کمو اوبو ته ضرورت لري، حاصلات يې قیمت بیه دي، د بڼوالو او هېواد په اقتصاد کې مهم رول لوبوي."

د چهارمغزو بڼوال بیا دولت څخه غوښتنه کوي چې، د چهارمغزو ترویج ترڅنګ قوريې جوړې او بڼوالو ته نیالګي ورکړي. د دوی په وینا د قوریو او نیالګیو نشتون يې په وړاندې لويې ستونزې دي.

یو تن د چهارمغزو بڼوال احمد نبي په دې اړه دریځ.نېوز ته وویل:
"د چهارمغزو کارو باریانو او بڼوالو ته مسلکي روزنه ورکړل شي چې د چهارمغزو بڼوڼو امراض وپيژني تر څو ښه حاصلات ترلاسه کړي."

په ورته وخت کې یو بل تن بڼوال داسې وايي:
" د چهامغزو د ترویج لپاره کار نه ده، شوی. لومړی باغدران باید په دې وپوهول شي چې غوزانو اقتصاد ارزښت څومره دی، بڼوالو ته مسلکي روزنه ورکړل شي."

کرم خان بیا هغه بڼوال دی چې دولت څخه د چهارمغزو لپاره د بازارموندنې زمینې برابرولو غوښتنه کوي، هغه وايي:
"زراعت ریاست څخه مو غوښتنه ده، چې موږ ته د چهارمغزو نیالګي راکړي چې موږ يې وکرو، او دولت څخه مو غوښتنه ده، چې حاصل څخه ورورسته راته بازارموندنې سهولت برابر کړي."

په پکتیا کې د کرنې برخې مسلکي کسان وايي، چې د چهارمغزو بڼوالو په وړاندې د معیاري پروسس ځایونو نشتون او په تېر کې د چهارمغزو بڼونو تخریب لویې ستونزې دي.

د زراعت برخې کارپوه عتیق الله درد وايي:
"د چهارمغزو بڼوال له زیاتو ستونزو سره مخ دي، دوی د محصولاتو د خرڅلاؤ لپاره مناسب مارکیټ ته لاسرسی نه لري، چې خپل محصول خرڅ کړي، د محصولاتو راټولولو څخه وروسته د محصولاتو زیرمه ځایونه نشته دي چې هلته د یو وخت لپاره محصولات زیرمه کړي، او د وروستیو جګړو له امله ډیری ونې تخریب شوې چې بڼوالو ته يې زیات زیانونه اړولي دي."

د پکتیا کرنې اوبو لګولو او مالدارۍ ریاست مسؤلین د بڼوالو یادې ستونزې مني او د قوریو کموالې خبره کوي خو زیاتوي چې د چهارمغزو ځنګلونو بیا احیا کولو باندې ځینې ولسوالیو کې کار شوی، او هڅې کوي چې د چهارمغزو بڼوالو ستونزو ته رسیدنه وکړي.

د کرنې اوبو لګولو او مالدارۍ ریاست د طبیعي ځنګلاتو مسؤل اصف الرحمن بسمل وايي، چې ۲۰ هکتاره ازمایښتي جلغوزي کرلي او پلان لري چې ځنګلونه په مستفیم ډول بیا احیا کړي:

بسمل وویل:
"په تېرو ۵ کالونو کې تقریبا ۹۳۰ هکتاره ځنګلونه مو بیا احیا کړي چې په دې کې نیمايي جلغوزي او نیمايي چهارمغز دي. په ۱۴۰۲ کال کې مو ۲۰ هکتاره ازمایښتي جلغوزي میرزکې ولسوالۍ کې کرلي دي که چیرته نتیجه يې مثبته وه، نو راتلوونکي کالو لپاره بیا په ټولو ولسوالیو کې پلان لرو چې ځنګلونه په مستقیم ډول بیا احیا کړو."

مسؤلین زیاتوي چې د پکتیا چهارمغز مختلفو ولایتونو ته صادرېږي او هڅې کوي چې نیالګي يې کینوي، تر څو ځنګلات يې زیات شي.

کارپوه کسان وايي چې د چهارمغزو ځنګلونو پراختیا لپاره دې د قوریو جوړېدو ترڅنګ، بڼوالو ته مسلکي روزنه او اقتصادي ارزښت په ډاګه کړل شي.

د یادونې ده، چې پکتیا په بازارونو کې اوس مهال یو من چهارمغز ۱۰۰۰ افغانۍ پلورل کېږي.

#راپور: ځلاند

02/05/2024

#ګردېز کې د ۴۹ زره امریکايي ډالرو په ارزښت د اوبو رسولو يوې شبکې چارې پیل شوې

#دریځ.نېوز

په پکتیا مرکز ګردېز تېرې زعفران خېلو سیمو کې د "دیو ان هبیتات" مؤسسې لخوا د ۴۹ زره امریکايي ډالرو په لګښت د اوبو رسولو یوې شبکې چارې پیل شوې.

د اوبو رسولو دغې شبکې د جوړېدو په چارو کې یوې ژورې څاه کیندل، د اوبو ذخیره، کورونو ته د اوبو لیږد پاپيونه او لمریزې بريښنا سیستم شامل دی، چې پر مټ يې ۲۰۰ کورنیو ته د څښاک پاکې اوبه برابرېږي، چې رغنیزې چارې به په راتلوونکو ۴ میاشتو کې بشپړې شي.

د سیمې اوسیدونکي د اوبو رسولو دغې شبکې چارو پیل ته خوښي ښيي او وايي، چې دې شبکې جوړېدو ته د خلکو اساسي اړتیا دی.

01/05/2024

#ګردېز ښاریان له دولت څخه غوښتنه کوي چې ښاري ترانسپورټ دې تنظیم او پراختیا ورکړل شي. دوی وايي، د اډو او تمځایونو نشتون له کبله موټر د سړک پر غاړه ولاړ وي او غوښتنه کوي چې د ښار له ګڼې ګوڼې سیمو او سړک غاړو دې د ترانسپورت سیمې بېلې شي
#دريځ.نېوز
بشپړ جزئیات #راپور کې...👇

ګردېز ښاریان له دولت څخه غوښتنه کوي چې ښاري ترانسپورټ دې تنظیم او پراختیا ورکړل شي. دوی وايي د موټرو معیاري تمځایونو نشتون له امله د ترانسپورټ په برخه کې ستو...

29/04/2024

د پکتیا ولایت مرکز ګردېز او پټان ترمنځ غځیدلې لویه لار د غر ښویدنې له امله بنده شوې

#دریځ.نېوز

د پکتیا ولایت ټولګټو چارو ریاست خبر ورکړی چې تېره شپه د شدیدو اورښتونو له امله د ګردېز او پټان ترمنځ غځیدلې لویه لار د احمدخېلو ولسوالۍ په اوږدو کې د غر ښویدنې له امله د تګ راتګ پرمخ بنده شوې.

د دغې پیښې له کبله د شپږو ولسوالیو "ځاځي اریوب، ډنډې پټان، څمکني، جاني خیل، لجه منګل او احمدخېلو" ته غځیدلې لارې بندې شوې.

د ټولګټو چارو ریاست مسؤلین وايي، چې سیمې ته يې مسلکي کاري ډله مجهزو وسایلو سره لیږلې او ډاډ ورکوي چې ژر تر ژره به یاده لار د هر ډول تګ راتګ پرمخ خلاصه شي.

24/04/2024

ګردېز کې د ۵۰ زره امریکايي ډالرو په لګښت د یو کانال جوړولو چارې پیل شوې

#دریځ.نېوز

د ګردېز ښاروالۍ مسؤلین وايي، چې د ښار لومړۍ ناحیې اړوند شیخانو سیمه کې د "یو ان هبیتات" مؤسسې په مالي ملاتړ د ۵۰ زره امریکايي ډالرو په لګښت د اوبو لګولو یوه کانال جوړولو چارې پیل شوې.

ګردېز ښاروال وايي، چې دغه کانال د دوی تر بشپړې څارنې لاندې د ۳۵۰ مترو په اوږدوالې، د یو متر په پلنوالې او د یو متر په لوړوالې سره په اساسي ډول جوړېږي.

د مسؤلینو په خبره د دغه کانال رغنیزو چارو پیل سره لسګونه کسانو ته د کار زمېنه برابره شوې او ټاکل شوې چې د جوړولو چارې به يې په راتلوونکو دوه میاشتو کې بشپړې شي.

چارواکي وايي، چې دغه کانال جوړېدو سره به د اوبو بېځایه ضایع کېدو مخه ونیول شي او د سیمې اوسیدونکي ترې په منظم ډول ګټه اخیستلی شي چې ستونزې به يې ورسره حل شي.

د سیمې اوسیدونکي د دغه کانال جوړېدو ته خوښ دي او وايي، بشپړېدو سره به د پخوا په پرتله د دوی زیاتې کرنیزې ځمکې خړوبې شي.

09/04/2024

#ګردېز کې د پلور بازار تود شوی، خلک د کوچني اختر لپاره تیاری نیسي
#دریځ.نېوز
#نور حال راپور کې...👇

په ګردېز ښار کې د خلکو ګڼه ګوڼه ډیره شوې، د عادي ورځو په پرتله د پلورونکو شمېر په پراخ ډول زیات شوی. د پلور بازار هم تود شوی. د ګردېز اوسیدونکي وايي، د کوچني...

05/04/2024

د پکتیا په ځاځي اریوب ولسوالۍ سپینې شګې تفریحي سیمه کې به ډیر ژر د یو هوټل جوړولو چارې پیل شي

#دريځ.نېوز
۱۴۰۳/حمل/۱۷

چارواکي وايي له ډیرو هڅو وروسته په دې توانیدلي چې په یاده سیمه کې د هوټل جوړولو نقشه پلې کړي او ټاکل شوې چې په نږدې راتلوونکې کې به يې د جوړولو چارې رسماً پیل شي.

یاد هوټل چې "ګرافیکي نقشه" يې دغه خبر سره مل ده، د اطلاعاتو او کلتور وزارت لخوا په اساسي ډول جوړیږي.

مسؤلین وايي، چې په دغه سیمه کې د هوټل جوړېدل یوه اساسي اړتیا ده، چې جوړېدو سره به د سیلانیانو لپاره ګڼې اسانتیاوې رامنځته او ډیری ستونزې به ورسره حل شي.

#نوټ: لاندې "ګرافیکي نقشه" په سپینې شګې تفریحي سیمه کې د هوټل جوړېدو لپاره ډیزاین شوې.

31/03/2024

#ګردېز ښاروالۍ د نیالګیو او زینتي بوټو کېنولو اشر پیل کړی

#دریځ.نېوز

د ګردېز ښاروالۍ مسؤلین وايي، چې د "ابادې او ښېرازې پکتیا" تر سرلیک لاندې يې د نیالګیو او زینتي بوټو کېنولو اشر پیل کړی.

ګردېز ښاروال وايي، چې د ښار ښکلا په موخه سږ کال بېلابېلو سیمو او څلور لارو په اوږدو کې ۲۰۰۰ زره میوه او غیر میوه لرونکي نیالګي، ۱۰۰۰ زینتي بوټي او ګلان کېنوي.

ګردېز ښاروال #دریځ.نېوز ته ویلي، چې د نیالګیو او زینتي بوټو اوبو کولو او ساتلو لپاره منظم پلان لري او په خبره يې د کال په جریان کې به ترې په منظمه توګه ساتنه او پالنه کوي. هغه ښاریانو څخه غوښتنه کړې، چې د نیالګیو په کینولو او ساتلو کې خپل مسؤولیت ادا کړي.

ګردېز ښاریان د نیالګیو او زینتي بوټو کېنولو دغه اشر د ښار زرغونتیا او چاپیریال پاکوالې لپاره ګټور بللی او د ښاروالۍ مسؤلینو څخه يې غوښتي چې د ښار ښکلا په برخه کې پروژې عملي کړي.

د ښاروالۍ مسؤلین بیا وايي چې سږ کال د ښار ښکلا په موخه بېلابېلې پروژې لري چې په تطبیق سره به د ګردېز ښار یوه نوې بڼه خپله کړي.

02/03/2024

د امریکا متحده ایالاتو غزې ته لومړنۍ مرستې د هوا له لارې رسولې دي

دریځ.نیوز

"بي بي سي انګلیسي" څانګې د AFP خبري اژانس له قوله خبر ورکړی چې د امریکا متحده ایالاتو ۳۰ زرو څخه زیات خواړه غزې ته دریو نظامي الوتکو پواسطه د هوا له لارې خلکو ته رسولي دي.

خبر زیاتوي چې په دې الوتکو کې C-130 ترانسپورټي الوتکې شاملې وې چې د شنبې په ماسپښین يې د خواړو ۶۶ بنډلونه د پراشوټ پواسطه د هوا له لارې غزې خلکو ته وغورځول.

د امریکا متحده ایالاتو ولسمشر جو ـ بایډن په داسې حال کې غزې ته د مرستو رسولو اعلان کړی چې دوه ورځې وړاندې اسرائیلي ځواکونو لخوا په غزه کې بشري مرستو ترلاسه کولو لپاره ورټول شوي تر ۱۰۰ زیات فلسطنیانو په ډزو سره شهیدان کړل.

د یادولو وړ ده، چې د امریکا متحده ایالاتو ولسمشر جو ـ بایډن د اسرائیلو او ح.اس ترمنځ جګړې پیل وروسته په خپلو څرګندونو کې اسرائیلو څخه هر ډول نظامي ملاتړ اعلان کړی.