Dareez

15/10/2023

#په پکتیا کې د هرات ولایت زلزله ځپلو له پاره یو نیم میلیون افغانۍ مرسته راټوله شوې

#دریځ
۱۴۰۲/تله/۲۳

پکتیا کې د اطلاعاتو او کلتور ریاست په هڅو په مرکز ګردېز، زرمت، څمکني او سیدکرم ولسوالیو کې د هرات ولایت زلزله ځپلو سره د مرستې په موخه د ايښودل شویو صندقونو له لارې یو نیم میلیون افغانۍ راټولې شوې.

د اطلاعاتو او کلتور رئیس وايي، چې دغه راټوله شوې مرسته د ټاکل شوې کمېټې پواسطه د اطلاعاتو او کلتور وزارت د ځوانانو چارو معینیت سره په همغږۍ به د هرات ولایت علماؤ شورا ریاست ته ولېږدول شي، تر څو زلزله ځپلو او اړمنو کورنیو ته په شفاف ډول وویشل شي.

مسولین وايي، چې دغه راټوله شوې مرسته د ولایت په کچه له مختلفو ریاستونو څخه د ټاکل شوې کمېټې استازو په موجودیت کې شميرل شوې.

د یادونې وړ ده، چې په دغه ولایت کې د هرات زلزله ځپلو سره د مرستې په موخه پیل شوي کمپاین څلور ورځې جریان درلود.

14/10/2023

#د افغانستان د اقتصادي پرمختیا ملي کنفرانس کې د سرپرست حکومت چارواکو ویناوې په اقتصادي ځان بسیاینې ورټولې وې

#دریځ
۱۴۰۲/میزان/۲۲

په پکتیا پوهنتون کې د افغانستان د اقتصادي پرمختیا ملي کنفرانس چې نن يې د پیل لومړۍ ورځ وه، د سرپرست حکومت لوړ پوړو چارواکو د ویناؤو ډیره برخه د افغانستان په اقتصادي ځان بسیاینې باندې ورټولې وې.

د دغه کنفرانس لومړۍ ورځ تر ډیره ویناؤو ته ځانګړې شوې وه، چې د لوړو زده کړو، کانونو او پترولیم، د کورنیو چارو، اقتصاد، کرنې اوبو لګولو او مالدارۍ وزیرانو پکې خبرې وکړې.

د لوړو زده کړو سرپرست وزیر #ندا محمد ندیم یاد ملي کنفرانس کې وویل، ژمن دي چې د علمي کنفرانسونو لپاره په ټولو پوهنتونونو کې وخت په وخت علمي کنفرانسونه جوړ کړي او غواړي چې مجربو او مسلکي استادانو ته اسباب برابر کړي، تر څو د هيواد پۀ اقتصادي پياوړتيا کې رغنده ګامونه واخلي.

د لوړو زده کړو علمي مرستیال دوکتور #لطف الله خیرخواه بیا وویل، اوس د دې وخت رارسېدلی چې پوهنتونونه د هېواد په ملي موضوعاتو کې خپل ارزښمند رول ولوبوي.

د کورنیو چارو وزیر #سراج الدین #حــق ا ني دې کنفرانس کې ویلي د هېواد پۀ ابادۍ کې تر ټولو اړين امنيت دی، او سرپرست حکومت دغه لاسته راوړنه لۀ ځان سره لري. هغه زیاته کړې د هېواد په آبادۍ کې دیني او عصري دواړو علومو ته اړتیا ده.

د کانونو او پترولیم سرپرست وزیر #شهاب الدین دلاور ویلي، د دې لپاره چې سياسي، اقتصادي، ټولنيز پرمختګونه ولري، باید چې نوی نسل په بېلابېلو علومو سمبال شي. د نوموړي په وینا افغانستان بې شمېره کانونه او معدنونه لري نړیوال تجاران دې د استخراج په برخه کار وکړي.

د پکتیا پوهنتون مسؤلین وايي، چې له دغه کنفرانس جوړیدو څخه موخه د افغانستان اقتصادي پرمختیا، په اقتصادي پیاوړتیا کې د خصوصي سکتور ونډه، په ملي اقتصاد کې د کرنې، بریښنا او اوبو رول او په اقتصاد يې اغیزې دي.

د پکتیا پوهنتون استاد دوکتور عبدالوهاب حکمت په دې اړه #دريځ ته وویل:

"دغه کنفرانس چې پکتیا پوهنتون يې کوربه توب کوي له دې کنفرانس څخه موخه د افغانستان د اقتصاد پر وړاندې د شته ستونزو، ننګونو پیژندل او د هېواد د اقتصاد پرمختیا لپاره سپارښتنې او حل لارو پیدا کول دي، همدارنګه له طبعيي منابعو او هغوی څخه د پایداره استفادې په برخه کې د لومړیتوبونو په نښه کول دي او په ټوله کې د هیواد اقتصادي پرمختګ ته یوه روښانه لارې په ګوته کول بلل شوې."

د اقتصادي پرمختیا ملي کنفرانس ارزښت په اړه د دغه پوهنتون مسؤلینو ویلي، چې دغه ملي کنفرانس په ټولنه کې د اکاډمیکو مرکزونو د څېړلو ارزښت په ګوته کوي او د هېواد پرمختګ او بهبود لپاره د نویو تر سره شویو څیړنو په رڼا کې د پالیسیو جوړونکو او ښکیلو اړخونو سره معلومات او اطلاعات شریکوي تر څو د افغانستان اقتصادي فرصتونه او ننګونې را برسیره او حل لارې وموندل شي.

د پکتیا پوهنتون د مسؤلینو په وینا دغه کنفرانس ته له بېلابېلو ولایتونو څخه تر ۱۲۰ پورې علمي مقالې ور لیږل شوې، چې له جملې څخه يې د اقتصادي ځان بسیاینې په موخه ټاکل شوې ۵۶ څېړنیزې او علمي مقالې به پکې وړاندې شي.

د یادونې وړ ده، چې دغه کنفرانس به راتلوونکې دوه ورځې نور هم دوام ولري.

#راپور: ځلاند

14/10/2023

#په پکتیا پوهنتون کې د افغانستان اقتصادي پرمختیا لومړنی کنفرانس پیل شو

#دریځ

نن شنبه، په پکتیا پوهنتون کې "د افغانستان اقتصادي پرمختیا لومړنی کنفرانس" پیل شو، چې تر راتلوونکو دری ورځو پورې به دوام ولري.

په دغه کنفرانس کې بېلابېلو علمي کدرونو، استادانو او لوړ پوړو چارواکو ګډون کړی، او مختلفو ولایتونو څخه تر ۱۰۰ زیاتې مقالې ورته رالېږل شوې چې د اقتصادي ځان بسیاینې په موخه به ۵۶ څيړنېزې او علمي مقالې پکې وړاندې شي.

12/10/2023

#په پکتیا کې د ځمکې لاندې اوبو سطحه ښکته تللې او زیات شمېر کاریزونه وچ شوي

#د پکتیا سیندیزې فرعي حوزې مسؤلین وايي، چې په دغه ولایت کې زیات شمېر کاریزونه وچ شوي او د اوبو سطحه ښکته تللې، که خلک ورڅخه سمه ګټه وانخلي او چاپیریال پاکوالې ته پام ونه کړي د اوبو له کړکیچ سره به مخ شي.
#دریځ
۱۴۰۲/میزان/۲۰
#ویډیو راپور👇

#په پکتیا پوهنتون کې د اوبو له سرچینو څخه د سمې ګټې اخیستنې، د اوبو بې ځایه ضایع مصرف څخه د مخنیوي او د اوبو مدیریت په اړه خلکو ته د عامه پوهاوي علمي سمینار ...

12/10/2023

#په پکتیا کې د ځمکې لاندې اوبو سطحه ښکته تللې او زیات شمېر کاریزونه وچ شوي

#دریځ
۱۴۰۲/میزان/۲۰

په پکتیا پوهنتون کې د دغه ولایت سیندیزې فرعي حوزې له لورې د اوبو له سرچینو څخه د سمې ګټې اخیستنې، د اوبو بې ځایه مصرف څخه د مخنیوي او د اوبو مدیریت په اړه د عامه پوهاوي علمي سمینار وړاندې شو.

د پکتیا سیندیزې فرعي حوزې مسؤلین وايي، چې په دغه ولایت کې زیات شمېر کاریزونه وچ شوي او د اوبو سطحه ښکته تللې.

د دغه حوزې رئیس محمد کریم فاتح وايي، چې اوبه انساني اړتیا ده، که خلک ورڅخه سمه ګټه وانخلي او چاپیریال پاکوالې ته پام ونه کړي د اوبو له کړکیچ سره به مخ شي.

فاتح وویل:

"په پکتیا ولایت د اوبو سطحه ډیره ښکته تللې او په همدې موخه مو وغوښتل چې خلکو ته عامه پوهاوی ورکړو، تر څو د اوبو بحران ته متوجه شي، د اوبو ساتنې لپاره باید چک ډیمونه جوړ شي او له مؤسساتو مو غوښتنه ده، چې د اوبو ساتنې په برخه کې همکاري وکړي."

د پکتیا پوهنتون انجینري پوهنځي استاد او د دغه سمینار وړاندې کوونکې سیدمیر اغا معنوي خلکو ته د اوبو سطحې ټیټوالې لاملونو او حل لارو چارو په اړه معلومات ورکړل او ویې ویل، چې په ګردېز کې د اوبو سطحه د تېرو څو کالونو په پرتله مختلفو سیمو کې له ۳۰ څخه تر ۸۰ مترو پورې ښکته تللې که چیرته دوام پیدا کړي د اوبو کړکیچ به رامنځته شي.

هغه دريځ ته وویل:
"که چیرته اوبه یوې سیمې کې خلاصېږي ناورین رامنځته کېږي، د فاضلابو ښه مدیریت موږ نه لرو، که چیرته ککړې اوبه د برمو له لارې ښکته لاړې شي ټولې د اوبو ګرین واټر به ککړ کړي. په ګردېز کې کله چې موږ لومړنۍ سروې ۱۵ کاله وړاندې وکړه، ۷ مترو پورې اوبه وه، اوس ۳۰ څخه تر ۸۰ مترو پورې ګرین واټر (د اوبو سطحه) ښکته تللی دی همدا اوس موږ په دې ناورین کې یو."

کارپوهان وايي، چې د اوبو ساتنې او سطحې ټیټوالي مخنیوي او مدیریت لپاره په کار ده، چې د اوبو رسولو منظم سیستم او شبکې جوړې شي او د خپلسرو ژورو څاګانو مخنیوی دې وشي. دوی په وینا د چاپیریال ساتنه د اوبو ساتنه ده، او دولت ته په کار ده، چې د اوبو لګولو سیستم ته تغیر ورکړي.

د پکتیا اوسیدونکي وايي، چې په سیمو کې يې زیاتره کاریزونه وچ شوي او د وچکالۍ له امله ګڼو ستونزو سره مخ دي، دوی له دولت غوښتنه کوي چې د خپلسرو ژورو څاګانو کیندلو مخنیوی وکړي.

ولایتي مسؤلین بیا وايي، چې د خپلسرو ژورو څاګانو مخنیوي کوي او د اوبو ساتنې لپاره به په هرې ژورې څاه میټر لګول کېږي.

#راپور: ځلاند

11/10/2023

#پکتیا کې پر ۱۷ زره ۸۰۰ بزګرانو د غنمو اصلاح شویو تخمونو او کیمیاوي سرو ويش پیل شو

#دریځ
۱۴۰۲/میزان/۱۹

د پکتیا ولایت کرنې اوبو لګولو او مالدارۍ ریاست مسؤلینو ویلي، چې د افغانستان لپاره د ناروې کمېټې له لورې د دغه ولایت مرکز ګردېز په ګډون ۱۴ ولسوالیو کې پر ۱۷ زره ۸۰۰ اړمنو بزګرانو د غنمو اصلاح شویو تخمونو او کیمیاوي سرو ويش پیل شوی.

د کرنې اوبو لګولو او مالدارۍ رئیس مولوي عبدالروف سعید ویلي، چې هر بزګر ته ۵۰ کېلو ګرامه اصلاح شوي غنم، ۵۰ کېلو ګرامه توره سره او ۵۰ کېلو ګرامه سپینه سره په وړیا ډول ورکول کېږي.

د کرنې اوبو لګولو او مالدارۍ رئیس له بزګرانو غوښتي چې د غنمو اصلاح شوي یاد تخمونه په خپلو کرنیزو ځمکو وکري تر څو په ښه ډول حاصلات ترلاسه کړي.

مسؤلینو ویلي چې د غنمو اصلاح شویو تخمونو ویش څخه يې موخه د اړمنو بزګرانو لاسنیوی او ملاتړ دی تر څو ښه حاصلات په لاس راوړي.

یادو بزګرانو بیا د غنمو اصلاح شویو تخمونو ویش ته خوښي څرګنده کړې او ویلي يې دي چې دا به ورسره د حاصلاتو په ښه والي کې د پام وړ کومک وکړي.

د یادونې وړ ده، چې تر دې وړاندې یادو بزګرانو ته د افغانستان لپاره د ناروې کمېټې مسؤلینو له لوری د اصلاح شویو غنمو کرلو او د کیمیاوي سرې استعمال په اړه پوهاوی هم ورکړل شوی.

11/10/2023

#ځوانانو لوبډلې د پکتیا انټرکلب سیالیو پایلوبه خپله کړه

#دریځ
۱۴۰۲/میزان/۱۹

د پکتیا انټرکلب سیالۍ، چې یوه نیمه میاشت وړاندې د دغه ولایت ۳۱ لوبډلو تر منځ د پکتیا کریکټ ملي لوبغالي کې پر لاره اچول شوې وې ځوانانو لوبډلې د باور کریکټ لوبډلې ته په ماتې ورکولو پایلوبه خپله کړه.
د دغې لوبې پچه ځوانانو لوبډلې وګټله او خپله یې د توپ وهنې پریکړه وکړه، چې په ټاکلو ۲۵ اورونو کې یې سیالې لوبډلې ته د ۱۵۷ منډو هدف وټاکه.

باور لوبډلې د هدف په تر لاسه کولو د ۲۱،۲ اورونو لوبولو وروسته یوازې ۹۳ منډې جوړې کړې او لوبه د ۷۲ منډو په توپیر د ځوانانو لوبډلې په ګټه تمامه شوه

په دغو سیالیو کې یاسین نوري تر ټولو زیاتې ۴۵۷ منډې او حقمل اریا ۲۲ لوبغاړي سوځولي وؤ، چې د ټورنمینټ توپ وهونکو او توپ اچوونکو کې یې لومړي ځایونه خپل وؤ.

د پکتیا کرکټ بورډ مسول بخت الله زرملوال دریځ ته وویل، چې دغه لوبې د افغانستان کریکټ بورډ لخوا په ټولو ولایتونو هر کال پر لاره اچول کیږي، چې موخه یې د ولایتي لوبډلو لپاره د نویو لوبغاړو موندل دي.

لوبغاړو د یادو لوبو په تر سره کیدو خوښي څرګندوله او غوښتنه یې کوله، چې پکتیا کې دې د ورته سیالیو تر څنګ دغه لوبغالي کې د نندارچیانو لپاره ځانګړی ځای جوړ شي او همدارنګه د زون په کچه دې د لوبغاړو لپاره اسانتیاوې برابرې شي.

د یادولو وړ ده، چې دغه لوبې تېر دوه ځلي پکتیا کې د معیاري لوبغالي د نشتون له امله په نورو ولایتونو کې تر سره شوې وې، چې وروستی ځل یې د نادر خان کرکټ کلب لوبډلې پایلوبه خپله کړې وه.

09/10/2023

#پکتیا کې د هرات ولایت زلزلې ځپلو سره د مرستې راټولولو په موخه کمپاین پیل شوی

#دريځ
۱۴۰۲/دوشنبه/۱۷

د پکتیا اطلاعاتو او کلتور ریاست له لورې په پکتیا کې د هرات ولایت زلزلې ځپلو قربانیانو سره د مرستې راټولولو په موخه کمپاین پیل شوی.

د اطلاعاتو او کلتور ریاست مسؤلینو ویلي دي چې د مرستې ټولولو دغه کمپاین په مرکز ګردېز او څمکنیو ولسوالۍ کې پیل شوی، چې تر راتلوونکو دری ورځو پورې به دوام ولري.

د دغه کمپاین پيل پرمهال د پکتیا والي لخوا د هرات زلزلې ځپلو قربانیانو سره د ۵۰۰ سوه زره افغانیو مرسته هم شوې.

چارواکو پر خیریه بنسټونو او سوداګرو غږ کړی چې خپلې مرستې ونه سپموي او د زلزلې قربانیانو سره همکاري وکړي.

د پېښو پر وړاندې د مبارزې او چمتوالي رئیس ویلي دوی په کافي اندازه د مرستې کېټونه لري او کولای شي چې دغه مرستې هرات ولایت ته انتقال کړي.

پکتیا ولسونه د مرستې راټولولو له دغه کمپاین هرکلی کوي او وايي، چې تیار دي تر څو د هرات ولایت زلزلې ځپلو سره مرستې وکړي.

07/10/2023

#ګردېز کې د ترافیکي پیښې له امله یو تن شهید او یو بل ټپي شوی

#دریځ
۱۴۰۲/میزان/۱۵

تېره ورځ ماښام ناوخته، په پکتيا ولايت مرکز ګردېز کې د دریمې امنیتي حوزې اړوندې سټو کنډو سیمه کې د دوه موټرو ترمنځ ترافیکي پېښه رامنځته شوې، چې له امله يې یو تن شهید شوی او یو بل ټپي شوی.

ټپي شوی کس روغتون ته لیږدول شوی او روغتیايي وضعیت يې د ډاډ وړ ښودل شوی.

04/10/2023

#پکتیا کې د کرکټ لوبغاړي له کرکټ بورډ د رسمي لیګونو د جوړیدو غوښتنه کوي
#دريځ
#نور حال دې راپور کې...
👇

03/10/2023

#پکتیا کې د کرکټ لوبغاړي له کرکټ بورډ د رسمي لیګونو د جوړیدو غوښتنه کوي. دوی وايي په دغه ولایت کې دې د نورو ولایتونو په څېر داخلي لوبې برابرې شي.

مسؤلین بیا وايي، چې پخوا د معیاري لوبغالي نشتون ؤ، او اوس د معیاري لوبغالي په درلودلو سره هڅې کوي چې بېلابېل لیګونه په لاره واچوي.
#دريځ
#نور حال دې راپور کې...
👇

پکتیا کې د کرکټ لوبغاړي له کرکټ بورډ د رسمي لیګونو د جوړیدو غوښتنه کوي. دوی وايي په دغه ولایت کې دې د نورو ولایتونو په څېر داخلي لوبې برابرې شي او لوبغاړو ته...

28/09/2023

د پکتیا په ځاځي اریوب ولسوالۍ کې د چرسو ۳ زره ۶۰ جریبه کښت له منځه وړل شوی

#دريځ
۱۴۰۲/میزان/۶

د پکتیا امنيې قوماندانۍ مسؤلینو د یوې خبرپاڼې په خپرولو سره ویلي دي، چې د ټولو امنیتي ادارو په ګډې همغږۍ او د نشه يي توکو پر وړاندې د مبارزې پولیسو د دغه ولایت په ځاځي اریوب ولسوالۍ کې د چرسو ۳ زره ۶۰ جریبه کښت له منځه وړی دی.

د پکتیا امنیې قوماندان د چرسو کروندې د له منځه وړلو پرمهال ویلي دي، چې په ټول هېواد کې د نشه يي توکو په وړاندې پراخه مبارزه روانه دی.

ځايي اوسیدونکو که څه هم له دې ګام هر کلی کړی خو غوښتنه کوي چې خلکو ته دې په بدل کې د کښتونو اصلاح شوي تخمونه ورکړل شي.

په دغه ولایت کې سیمه ییزو چارواکو بیا ویلي، هغو خلکو ته چې د چرسو کښتونه يې له منځه وړل شوي په بدل کې اصلاح شوي تخمونه او د ضرورت وړ مواد ورکوي.

د نشه يي توکو پر وړاندې د مبارزې مسؤلین وايي، چې په ټول ولایت کې د نشه يي بوټو او توکو له منځه وړلو کمپاین دوام لري.

د یادولو ده، چې تر وړاندې هم په دغه ولایت کې د چرسو او نشه يي بوټو په سلګونه جریبه کرونده له منځه وړل شوې وه.

27/09/2023

#پکتیا کې څه د پاسه ۲۳ میلیونو افغانیو په لګښت د اوبو رسولو ۷ شبکې جوړېږي

#دریځ
۱۴۰۲/میزان/۵

په پکتیا کې د یونېسف په مالي ملاتړ د لمریزې بریښنا پواسطه د اوبو رسولو او د روغتیا ساتنې په برخو کې د ۲۳،۳ میلیونو افغانیو په لګښت د ۷ شبکو تړونونه له ځايي پراختیايي شوراګانو سره لاسلیک شول.

د پڪتیا کلیو بیا رغونې او پراختیا ریاست مسؤلینو ویلي، چې دغه شبکې په مرکز ګردېز، زرمت، جانيخېلو او سیدکرم ولسوالیو کې جوړېږي چې کارونه به يې په نږدې راتلوونکې کې پیل شي، او پر مټ يې ۱۵۰۰ کورنیو، یوې مدرسې، ۹ جماعتونو او څلور ښوونځيو ته د څښاک پاکې اوبه برابرېږي.

ځایي خلک د دې شبکو رغونې ته خوښ دي او وایي چې په دې سره به د څښاک پاکو اوبو ته په اسانۍ لاسرسی ولري.

د یادونې وړ ده، چې د دغو شبکو رغنیزو چارو پیل سره به په سلګونه ځایي اوسېدونکو ته کاري زمینې هم برابرې شي.

10/09/2023

#د ګردېز او زرمت ولسوالۍ تر منځ غځیدلې لویې لارې پخولو چارې پیل شوې

#دريځ

د ټولګټو چارو وزارت له لورې د مرکز ګردېز او زرمت ولسوالۍ ترمنځ غځيدلي سړک، چې ۲۰ کیلو متره اوږدوالی او ۹ متره سور لري د یوې برخې پخولو چارې د ۳۳۵ میلیونو افغانیو په لګښت نن عملاً پيل شوې.
#بشپړ جزیات #راپور کې...

#یوټیوب 👇

https://youtu.be/yetG-VmyPWM?si=uGm3RfioZY0K3D0F

09/09/2023

#په نښتر مشاعره کې د #مطیع الله تراب غزل او نظم یوه برخه

#دريځ
#یوټیوب ته ورشئ
👇
https://youtu.be/kfjqNhOa0oI?si=fVhyWqjcH9LOIhI5

09/09/2023

#په نښتر مشاعره کې د #شرر ساپي غزل او نظم یوه برخه

#دريځ
#یوټیوب ته ورشئ
👇
https://youtu.be/zStVimrjw5M?si=jenPKDImjAWXigF2

09/09/2023

‏‎ #پکتیا مرکز ګردېز کې د اطلاعاتو او کلتور ریاست له لوري، نښتر دودیزه کلنۍ مشاعره وشوه.

نور حال ‎ #راپور کې....
#دريځ
#دلته یوټیوب کې يې هم کتلئ شئ👇
https://youtu.be/zStVimrjw5M?si=YfyTwwybFiaN_aQU

08/09/2023

#پکتیا کې نښتر دودیزه کلنۍ مشاعره ترسره شوه

#دريځ
۱۴۰۲/سنبله/۱۷

په پکتیا مرکز ګردېز کې د دغه ولایت اطلاعاتو او کلتور ریاست له لورې نښتر دودیزه کلنۍ مشاعره ترسره شوه.

په دغه مشاعره کې د هېواد له بېلابېلو ولایتونو څخه ګڼ شمېر مشهورو شاعرانو، شعر مېنوالو او ادیبانو ګډون درلود.

د اطلاعاتو او کلتور وزارت مسؤلینو د مشاعرې ګډونوالو ته په وینا کې وویل، چې دا ډول مشاعرې د نویو شاعرانو او ځوانانو روزنې لپاره ډیرې ګټورې دي. چارواکو شاعرانو څخه غوښتنه وکړه، چې د هېواد پرمختګ او یووالې په موخه د شعر په ژبه پیغامونه وړاندې کړي.

ورپسې د هېواد له بېلابېلو ولایتونو څخه راغلو مشهورو شاعرانو، د شعر او ادب مېنوالو خپل ترتیب کړي شعرونو او نظمونو د مشاعرې ګډونوالو ته واورول، او په خپلو شعرونو کې يې د هېواد پرمختګ او یووالې په موخه پیغامونه وړاندې کړل.

په دې مشاعره کې مشهورو شاعرانو هر یو مطیع الله تراب، شرر ساپي، خوږمن ځاځي، مالګین ځاځي، طنزیه شاعر جهانزیب جوهر، مفتون او ګڼ شمېر نورو شاعرانو ګډون درلود.

د یادونې وړ ده، چې د پکتیا نښتر دودیزه کالنۍ مشاعره هر کال د دغه ولایت د اطلاعاتو او کلتور ریاست له لورې تر سره کېږي.

07/09/2023

#پکتیا کې د نښتر دودیزه کلنۍ مشاعره به په څو شېبو کې پیل شي

#دريځ


دغه مشاعره چې د اطلاعاتو او کلتور ریاست له لورې ترسره کېږي، ټاکل شوې چې له بېلابېلو ولایتونو څخه به مشهور شاعران او ادب مېنوال پکې ګډون ولري.

مشاعره به په رتلوونکو څو شېبو کې پیل شي او د شپې تر ۱۲ بجور پورې په دوام وکړي.

06/09/2023

#پکتیا کې په نشه يي توکو ۷۱ تنه روږدي له درملنې وروسته بیرته خپلو کورونو ته ستانه شول

#دريځ
۱۴۰۲/سنبله/۱۵

نن چهارشنبه، پکتیا مرکز ګردېز کې د نشه يي توکو پر وړاندې د مبارزې مدیریت له لورې په نشه يي توکو ۷۱ تنه روږدې له دری میاشتنۍ درملنې وروسته خپلو کورونو ته ستانه شول.

د نشه يي توکو پر وړاندې د مبارزې مدیر محمد طاهر عباس وايي، چې دغه شمېر روږدې له مرکز ګردېز او ولسوالیو څخه راټول شوي ؤ، چې تر درملنې وروسته په ضمانت بیرته خپلو کورنیو سره یو ځای شول، او تقریباً تر ۷۰ پورې نور روږدې کسان تر درملنې لاندې دي.

بلخوا روغ شوي کسان وايي، چې بې کارۍ څخه دې ته اړ شوي ؤ، چې د نشه یي توکو استعمال ته مخ کړي، دوی وايي اوس خوښ دي چې درملنه يې وشوه، او بیرته خپلو کورنیو سره یو ځای شول، او له دولت څخه غواړي چې د کار زمېنه ورته برابره کړي.

د نشه يي توکو پر وړاندې د مبارزې مسؤلین وايي، یاد شمېر روږدو کسانو ته د درملنې ترڅنګ زده کړې هم ورکړل شوې دي، او په راتلوونکې کې پلان لري چې حرفوي او کسبي زده کړې هم ورکړي. دوی همدا راز زیاتوي هغه کسان چې په مرکز ګردېز او ولسوالیو کې لاهم په نشه يي توکو روږدې دي، هڅې کوي چې راټول او درملنه يې وکړي.

امنيتي مسؤلین وايي، هڅې يې دا دي هغه روږدې کسان چې درملنه يې کېږي، کاري زمینې هم ورته برابرې کړي تر څو بیرته نشه يي توکو استعمال ته مخه نه کړي، د دوی په وینا د نشه يي توکو خرڅلاؤ مخه نېول شوې او چا ته اجازه نه ورکوي چې نشه يي توکې وپلوري.

امنيتي چارواکي بیا وايي، په دغه ولایت کې په نشه يي توکو د روږدو کسانو راټولېدو او درملنې سره د غلا او جنايي پېښو کچه راکمه شوې ده.

د نشه يي توکو په وړاندې د مبارزې مدیریت د معلوماتو له مخې تر دې مهاله تقریباً تر ۵۰۰ زیاتو په نشه يي توکو د روږدو کسانو درملنه شوې دی.

27/08/2023

#ګردېز کې د "رڼا کتاب" په نوم د کتابونو نندارتون!

په ګردېز کې یو شمېر فرهنګپالو ځوانانو لخوا د "رڼا کتاب" په نوم د کتابونو نندارتون جوړ شوی.

د دغه نندارتون جوړونکي وايي، چې له دې ننداتون جوړیدو څخه يې موخه کتاب ته لاسرسی او مطالعې ته د ځوانانو هڅول.

#نور حال دې چمتو شوې ویډیو کې...

#په پکتیا مرکز ګردېز کې یو شمېر فرهنګپالو ځوانانو لخوا د "رڼا کتاب" په نوم د کتابونو نندارتون جوړ شوی.د دغه نندارتون جوړونکي وايي، چې له دې ننداتون جوړیدو څخ...

21/08/2023

#پکتیا کې د نشه يي بوټو او چرسو کرکیلې له منځه وړلو کمپاین پیل شوی

چارواکي وايي چې تر دې مهاله د نشه يي بوټو او چرسو کرکیلې په زرګونه جریبه ځمکه اړول شوې، او لا هم دغه کمپاین جریان لري.

18/08/2023

#پکتیا کې د نشه يي بوټو او چرسو کرکیلې له منځه وړلو کمپاین پیل شوی
#ويډيو👇

#پکتیا کې د نشه يي بوټو او چرسو کرکیلې له منځه وړلو کمپاین پیل شویچارواکي وايي چې د چرسو کرکیلې په زرګونه جریبه ځمکه تر دې مهاله اړول شوې او لاهم دغه کمپاین ...

17/08/2023

#د کار او ټولنيزو چارو وزارت د یو مکتوب په خپرولو سره ویلي دي چې راتلونکې شنبه د زمري ۲۸مه، د افغانستان د خپلواکۍ د بېرته اخيستلو ورځ په ټول هېواد کې عمومي رخصتي ده.

16/07/2023

پر څلورو علومو د اسدالله غضنفر په زړه پورې لکچر!

Interesting lecture
Do not miss

په ۳۱ دقيقو کې په سلګونه علمي خبرې زده کړئ! #استاد اسدالله غضنفر په دې لکچر کې پر فلسفې، ادبیاتو، ارواپوهنې او ټولنپوهنې په زړه پورې علمي بحث کړئ.دغه لکچر حتم...

15/06/2023

#پکتیا پټان ولسوالۍ کې د ژوندۍ ښخې شوې انجلۍ په اړه حقيقت څه دی؟
موږ په همدې موخه پټان ولسوالۍ ته سفر کړی او د هغې شهیدې انجلۍ کورنۍ غړو سره غږیدلي يو، چې په خواله رسنیو کې يې په اړه ویل کیدل چې ګواکې ژوندۍ ښخه شوې ده.

#ټول حقایق په دې راپور کې 👇
#ځلاند

موږ د هغې انجلۍ کورنۍ سره خبرې کړي چې خواله رسنیو کې يې په اړه ویل کیده چې ګواکې ژوندۍ ښخه شوې وه.ټول حقایق په دې اړه دې راپور کې کتلئ شئ.

06/10/2021

#لېسانس
د ښځو لپاره اسیایي پوهنتون چې د بنګله دېش هېواد کې پروت دی، د افغانانو لپاره ۲۵۰ د لېسانس دورې سکالرشیپونه اعلان کړي دي، دا سکالرشیپونه به د افغانستان ټولو ولایتونو لپاره ورکول کېږي او د کوچیانو لپاره پکې ځانګړي سیټونه په نظر کې نیول شوي دي.

دا سکالرشیپونه یواځې د افغان نجونو لپاره دي، ځکه چې دا پوهنتون د ښځو پوهنتون دی او یواځې ښځينه محصلانې او استادانې لري، د نړۍ له نورو ۱۸ بېلابېلو هېوادونو چې ډېری یې مسلمانان دي هم محصلانې لري؛ دا سکالرشیپونه د راتلونکي ۲۰۲۲ کال د پسرلي سمستر لپاره دي یعنې درسونه به یې د ۲۰۲۲ کال د جنوري میاشت کې پیلېږي.

هېواد: بنګله دېش
پوهنتون: د ښځو لپاره اسیایي پوهنتون
د زده کړو کچه: لېسانس
سکالرشیپ: بشپړ وړیا
شمېر: ۲۵۰ سکالرشیپونه – یواځې د ښځو لپاره
لس سکالرشیپونه د کوچیانو لپاره ځانګړې سهمیه ورکړل شوې ده.
د نوم لیکنې وروستۍ نېټه: د روان ۲۰۲۱ کال د اکتوبر میاشتې ۳۰مه

یاد پوهنتون لاندې څانګې لري:
• Environmental science (B.Sc.)
• Public Health (B.Sc.)
• Bioinformatics (B.Sc.)
• Economics (B.A.)
• Politics, Philosophy, and Economics (PPE) (B.A.)

د سکالرشیپ امتیازات:

• د اوسېدو لپاره ځای (تر پنځو کلونو پورې)
• د زده کړو بشپړ فیس
• د کتابونو او درسي موادو لګښت
• روغتیایي خدمتونه
• د تګ راتګ ټکټ (له کابل تر پوهنتون پورې)

د انګلیسي ژبې کوم سند حتمي ندی، که د چا انګلیسي زده نه وي، نو دا پوهنتون د انګلیسي ژبې پروګرام هم لري چې د همدې سکالرشیپ برخه دی، یعنې لګښت به یې د پوهنتون پر غاړه وي.

د اړتیا وړ سندونه:

• تذکره
• پاسپورټ (حتمي ندی)
• د ښوونځي شهادتنامه
• عکس

نوم لیکنې لپاره دوی یو ګوګل فارم ورکړی دی چې هغه به هم په انلاین بڼه ډکوئ او وروسته به د پوهنتون انلاین سیستم له لارې هم نوم لیکنه کړئ، چې لومړی به اکونټ جوړ او بیا نوم لیکنه بشپړه کړئ.

د نورو معلوماتو او نوم لیکنې لپاره لاندې لېنک کلېک کړئ:

https://asian-university.org/2021/10/04/asian-university-for-women-announces-scholarships-for-the-students-from%e2%80%afafghanistan%e2%80%af/

که په شرایطو برابر یئ نو انلاین نوم لیکنه وکړئ او یا هم د نوم ليکنې او معلوماتو لپاره زموږ دفتر ته مراجعه وکړئ او يا په وټسپ پوښتنه وکړئ.

وټسپ: +93780434949
#پته: کابل، لوړو زده کړو وزارت تر څنګ تخنيک ثانوي ته مخامخ، عروج پلازا، څلورم منزل، دفتر شمېره ۸۰.
Win Scholarship #کاپي

Asian University for Women Announces Scholarships for the Students from Afghanistan Download Admissions Brochure in Dari & Pashto About...

03/03/2021

افغان حکومت ته د امریکا نوې طرحه کې د انتقالي حکومت موضوع شامله ده.
Dareez

26/12/2020

https://www.facebook.com/122256314471875/posts/4016306395066828/

د جمعې په ورځ د ډسمبر په ۲۵ (مرغومي۵) د امریکا د متحدو ایالتونو د تینیسي ایالت په مرکز ناشویل کې یوه چاودنه شوې ده.