Travel with Min Wai

29/08/2024

Vienna , Austria Part (2), ကျွန်တော်နဲ့အတူ Vienna မြို့ကို လည်ပတ်လိုက်ရအောင်၊ ခုလို video လေးတွေ အမြဲမပြတ်တင်ပေးနေတဲ့ page လေးကို Like/Share/Comment လေးတွေ ချီးမြှင့်ပေးသူတွေကို အထူး ကျေးဇူးတင်ရှိပါတယ်။ နောက် video လေးတွေ အရင်ဆုံး ဦးဦးဖျားဖျား မြင်ရအောင် Page ကို favorite လုပ်ထားဖို့ တိုက်တွန်းပါရစေ။

28/08/2024

ရန်ကုန်ရဲ့ အိမ်ခြံမြေစျေးတွေ အခုတလော USD နဲ့ စျေး စဖွင့်လာတာတွေ့နေရပါပြီ။ မြန်မာကျပ်ငွေ အပေါ် ယုံကြည်ရမှု အတော်အားနည်းလာတာတွေ့ရပါတယ်။ အိမ်ခြဲမြေတခုကို စရန်ယူလိုက်တဲ့ အချိန်မှာ ဒေါ်လာစျေးက တစျေး၊ ငွေချေခံရချိန်မှာ တစျေးဆိုတော့ ရောင်းသူအတွက် နှစ်နာကြတာကို ကာမိအောင် ၊ ခုလို USD နဲ့ စျေးတန်းဖွင့်တဲ့ သဘောပါ။ ဒါဟာလည်း ငွေကြေးမတည်ငြိမ်တဲ့ နိုင်ငံတွေမှာဖြစ်လေ့ဖြစ်ထ ရှိတဲ့ သဘာဝတရားပါဘဲ။ ခက်တာက လုပ်ခလစာနဲ့ ဝင်ငွေရှာနေရသူတွေအဖို့ အိမ်မြေပိုင်ဆိုင်ဖို့ရာ အတော်ကို ခက်ခဲသွားခြင်းပါ။လူတွေကလည်း Rental Income ငှါးရမ်းခကို လိုခြင်တာထက်၊ မိမိငွေ မပြောက်ရအောင်၊ Capital appreciation ရင်းနှီးငွေ တိုးပွါးခြင်လို့ လိုက်ဝယ်နေ ရောင်းနေကြပါတယ်။ ဝယ်ပြီး ငှါးစားရင်တောင် ဉပမာ သိန်း ၁၁၀၀၀ တန်ဖိုးကြီး ရင်းရင်တောင် တလ သိန်း၃၀ ငှါးခ မသေချာတဲ့ အိမ်ကို ပိုက်ထားခြင်ကြပါတယ်။ တခြားစီးပွါးရေးလုပ်ဖို့ အတော်ခက်ခဲနေချိန်ဖြစ်တော့၊ ရှိတာကိုင်ထားနိုင်မှ တန်ခါကျဆိုသလိုဖြစ်နေတော့၊ စီးပွါးရေး အတော်ဆုတ်ယုတ်သလိုဖြစ်နေပါတယ်။

27/08/2024

If she wanders alone at night without fear in Myanmar. Definitely, She must be a ghost😆.

26/08/2024

Thanks for being a top engager and making it on to my weekly engagement list! 🎉

Ko ZawDubai Zaw, Anneliese Genevieve, Mya Mya Hlaing, Kyinkyin Than, Omar Omar, Olive Nyein, Su Su Khin, တင်တင်ညို, Shwe Eain San, Lu Min Aung

26/08/2024

Having of knowledge without actual applying is equal to not knowing in it. Knowledge is a power but without actioning is useless.
အသိပညာ ဉာဏ်ရှိသောလည်း အသုံးမချနိုင်ခြင်းဟာ ၊ ဘာမှ မသိရှိခြင်းနဲ့ တူညီပါတယ်။ အသိဉာဏ်ပညာဟာ ခွန်အားကြီးပါတယ်။ သို့သော် တကယ်အသုံးမပြုရင်တော့ အချည်းနီးသာဖြစ်ပေမည်။

26/08/2024

Austria နိုင်ငံရဲ့ မြို့တော် Vienna ကို ကျွန်တော်နဲ့ အတူ လိုက်လည်ရအောင်နော်

26/08/2024

Around the World

25/08/2024

One fine afternoon at the Center of Vienna.

25/08/2024

Big shout out to my newest top fans! 💎

Kaung SI Thu, Anwar Soe Theilla, Chit Pandora Mg, Nancy Scott, Lotus Lili, Ellie HayMan Khin, Ko Phyo, Htet Yin Mon Aung, Hninn Nu, Kyawthu Soe, Khin Mar Yin, HanThu, Naing Naing Aung, Nang Lin, Zaw Htet Aung, Shin Thant, Aung, Myint Thein, Nunu Dravis, Hlamaw Lin, Shaung Thazin Oo, Lone Lone, Nay Win Kyi, Kyaw Thu Naing, Soe Paing, Htet Htet, Thet Naing Tint, Daw Swe Swe, Ko ZawDubai Zaw, Chit Lynn Naing, Sein Myintoo, Ma Phyu, Hein Htet, Chaw Chaw Su, Ma Naing, San San Htwe, Aung Zaw Moe, Han Zaw Lin, Mg Mg Soe, Sai Tun, Daw Hlaing Hlaing Moe, May Phue Khin, Honey Dates, Aero Raja Leonard, Diamond Huang, ကို လစ် ကြီး, Kyaw Naing Swe, မင်းညီအောင် မြန်မာ, Poe Poe

Drop a comment to welcome them to our community,

22/08/2024

dubai မှာ နှစ်စဉ် ကား license ဝင်ရပုံလေးကို ပြောပြခြင်ပါတယ်။ ကားကို သူများဆီက ဝယ်ရင်ဖြစ်ဖြစ်၊ ကိုယ့်ကား လိုင်စင်သက်တမ်းတိုးဖို့ဖြစ်ဖြစ် ၊ ဒီ post လေးက အထောက်ကူဖြစ်မှာပါ။

ပထမဆုံး RTA (road transport authority) application ကို download လုပ်ထားဖို့လိုပါတယ်။ ကိုယ်လိုခြင်တဲ့ကားကို စျေးညှိုနှိုင်း စစ်ဆေး ဝယ်ဖို့ သဘောတူညီဖို့ရပြီဆိုရင်တော့ အနီးစပ်ဆုံး Tasjeel vehicle inspection center ကို သွားရမှာဖြစ်ပါတယ်။ ထို center ကို App မှ ဖြစ်စေကြိုတင် booking ယူနိုင်သလို၊ ကိုယ်တိုင် walk in ဖြစ်စေ သွားရောက် ပြီး ယဉ်စစ်ဆေးဖို့ တန်းစီရပါမယ်။ ယဉ်စစ်ဖို့ ကိုယ့်အလှည့်ကျရင် တိုကင်ပေးပြီး Center ထဲ သွားခိုင်းပါလိမ့်မယ်။ ကားစစ်ဆေးနေစဉ်အနီးမှာ မည်သူမျှ ရှိမနေရပါ။ ပုံမှန်ယာဉ်စစ်ခ ၁၇၀dhs ကျသင့်မှာဖြစ်ပါတယ်။ ယဉ်စစ်တာ အောင်မြင်ရင် ၊ insurance ဝယ်ရမှာပါ။ insurance ကို ကြိုက်နှစ်သက်ရ online platform ကဖြစ်ဖြစ် ဉပမာ- insurance.ae တို့ policy bazaar တို့ကနေ ဝယ်နိုင်သလို RTA မှာဖွင့်ထားတဲ့ insurance company တွေကနေ ဝယ်နိုင်မှာဖြစ်ပါတယ်။
ပြီးရင်တော့ RTA ကောင်တာမှာ Vehicle transfer လုပ်ရုံပါ။ ၃၇၀ dhs ကျသင့်မှာဖြစ်ပါတယ်။ မည်သည့်အပိုအခွန်မှ ပေးမဆောင်ရပါ။

သက်တမ်းတိုးရင်တော့ သက်တမ်းတိုး counter ကို သွားရုံပါ။ အားလုံး ready ဆို ကိုယ့်ရဲ့ ဖုံးနံပါတ်၊ email address မှာ Link တွေ ဝင်လာတဲ့အတွက်၊ ထိုညွှန်ကြားချက်အတိုင်း လိုက်နာရုံပါ။ ကားပိုင်ဆိုင်မှု Mulkiya ဆိုတဲ့ ကဒ်ကိုလည်း ATM လို စက်မှာ နောက်ဆုံးပိတ်သွားရောက် Print ထုတ်ရမှာဖြစ်ပါတယ်။

သက်တမ်းတိုးလည်း ၃၇၀dhs ဆောင်ရပါတယ်။ Insurance မဖြစ်မနေအရင်ဝယ်ပြီးမှ သက်တမ်းတိုးတာ၊ Transfer လုပ်တာ လုပ်လို့ရတာပါ။ insurance company တွေက RTA နဲ့ ချိတ်ဆက်ပြီး online က update လုပါပေးသလို၊ policy issuance ကိုလည်း မိမိရဲ့ email ကို ပေးပို့တာဖြစ်ပါတယ်။
အကယ်၍ မိမိက ကားကိူ Comprehensive စစ်ခြင်သေးရင်တော့ အပိုကြေး ပေးဆောင်ရမှာဖြစ်ပါကြောင်း #

22/08/2024

We are the one and only

Emirates is the only airline that serves Dom Perignon and other LVMH champagnes in the air.

21/08/2024

အမေဇုံ တောထဲမှာပါ😜🤪

20/08/2024

🎉 Facebook recognized me as a consistent reels creator this week!

20/08/2024

လူတွေမမေးကြသောမေးခွန်းများ

၁။ အရမ်းစျေးကြီးတဲ့ နာမည်ကြီး brand နှုတ်ခမ်းနီတွေ ၊ ပါးစပ်ထဲအမြဲ ဝင်နေကြဖြစ်ပေမဲ့ ၊ စားလို့ရလား Edible ဖြစ်လား။ Chemical ကင်းရဲလား?

၂။ စျေးအရမ်းကြီးတဲ့ ကျောင်းမှာ ကျောင်းထားရတဲ့မိဘတွေ၊ ကျောင်းပြီးသွားရင် တကယ်လောကမှ လုပ်စားကိုင်စား၊ နေရာဝင် လူဝင်ဆန့်မဲ့ ပညာရှင်ကြီးတွေဖြစ်ဖို့ အာမခံနိုင်လို့လား။?

၃။ အရမ်းချမ်းသာပါတယ်ဆိုတဲ့လူတွေကို အထင်ကြီး၊ အရေးပါအရာရောက်၊ အားကျကြည်ညိုုနေကြသောလည်း ၊ ထိုသူဝင်တဲ့ ပိုက်ဆံ၊ မည်သို့မည်ပုံရှာထားသလဲ၊ မစမ်းစစ်၊ မမေးမြန်းခြင်သူများ။?

20/08/2024

ဒီ video လေးကတော့ ရောမ ကိုသွားလည်တဲ့ နောက်ဆုံး Video ပါ။ ပထမပိုင်း နဲ့ ဒုတိယပိုင်း ကိုလည်း Travel with Min Wai page လေးမှာ တင်ထားပြီးဖြစ်လို့ မကြည့်ရသေးရင် ဝင်ရောက်ကြည့်ရူ့နိုင်ပါတယ်။ ခုလို ကျွန်တော့်ရဲ့ စိတ်ဝင်စားစရာ ခရီးတွေကို ဆက်လက်ကြည့်ရူ့နိုင်ဖို့ page လေးကို Favorite လုပ်ထားဖို့ တိုကိတွန်းလိုက်ပါတယ်

19/08/2024

Rome Part (2) ။ ကျွန်တော်နဲ့အတူ လေယာဉ်မောင် ခရီးစဉ်တခုဖြစ်တဲ့ Italy က ရောမမြို့ကို လိုက်ကြည့်ဖို့ ဖိတ်ခေါ်ပါရစေ။ ဒီနေ့ gladiator လို့ခေါ်တဲ့ ရောမမြို့က တိုက်ခိုက်ရေး ကျွန်သူရဲကောင်းတွေ သတ်ပုတ်ကြတဲ့ Colosseum arena ကို သွားလည်ကြရအောင်ပါ

19/08/2024

ကျွန်တော်နဲ့အတူ လေယာဉ်မောင် ခရီးစဉ်တခုဖြစ်တဲ့ Italy က ရောမမြို့ကို လိုက်ကြည့်ဖို့ ဖိတ်ခေါ်ပါရစေ။ ဒီနေ့ gladiator လို့ခေါ်တဲ့ ရောမမြို့က တိုက်ခိုက်ရေး ကျွန်သူရဲကောင်းတွေ သတ်ပုတ်ကြတဲ့ Colosseum arena ကို သွားလည်ကြရအောင်ပါ

19/08/2024

ရောမနဲ့ ပတ်သတ်တဲ့ စကားပုံတွေသိရင် ပြောပါအုနါး။ ကျွန်တော်သိတာ

“ရောမဟာ တရက်တည်း တည်​ဆောက်ခဲ့တာမဟုတ်ဖူး” “Rome wasn’t built in a day”

“ရောမရောက်ရင် ရောမလိုကျင့်ရတယ်”
In Rome, Do as the Romans do”

“All roads lead to Rome”. “လမ်းတွေအားလုံး ရောမကို တည်”

ရောမမီးလောင်ပေမဲ့ ၊ နီရိုးဘုရင် တယောထိုးမပျက်
“Nero fiddle out Rome’s obsequies”

ကျွန်တော့်ရဲ့ Video လေးနဲ့ အတူတူ ရောမမြို့ ရဲ့ အထင်ကရ Gladiator တွေ ဖိုက်ကြတဲ့ colosseum arena နဲ့ Roma Forum ကို အတူတူသွားလည်ဖို့ page ကို Favorite လုပ်ထားဖို့ မမေ့ကြနဲ့နော်။ Video ကို edit လုပ်ပြီးတာနဲ့တင်ပေးမှာဖြစ်လို့ Like/Share/Comment များနဲ့ ကူညီဖို့ မေတ္တာရပ်ခံပါတယ်။

ကျွန်တော်ကတော့် Emirates လေကြောင်းလိုင်းမှာ အလုပ်လုပ်နေတဲ့ လေယာဉ်မောင် ကျော်မင်းဝေပါ။ အလုပ်ကြောင့်ရောက်ရတဲ့နေရာတွေကို ဗဟုသုတ အနေနဲ့ လူကြီးမင်းတို့ကို ခေါ်သွားပါရစေ။ See you

19/08/2024

ရောမအာဏာပိုင်။ ။ “မောင်မင်း ရောမ ဘာလာလုပ်တာလဲ။ ဆေးပုံးတော့မပါလာပါဘူးနော်။ မင်းတို ဗြမာပြည်သားတွေ ယုံရတာမဟုတ်ဖူး၊ ဟောင်းနေတယ်ဆိုပြီးဆေးသုတ်ဖို့ ချောင်းနေတဲ့ကောင်တွေ”

ကျွန်တော်။ ။ ရိုရိုသေသေဆက်ဆံစမ်း၊ ကြွေပြားပါ မင်းတို့အုတ်ပုံတွေကို ကပ်ပစ်လိုက်မယ်၊ ဘာမှတ်နေလဲ ဗြမာပြည်သားကွ။

ရောမအာဏာပိုင်။ “ မလုပ်ပါနဲ့ ကွီးရယ်၊ ဒီအုတ်ပုံတွေနဲ့ဘဲ တယောက် ယူရို ၁၈ ယူရို နဲ့ တိုးရစ်တွေဆီက ရိုက်စား၊ ဟုတ်ပါဘူး ၊ ရှာစားနေရတာပါ။”😎

16/08/2024

အဲ့တော့ ဘာဖြစ်လဲ။ ပြန်မတက်ဖူးထင်ပြနါရောလား။ ကျည်ဆံ တတောင့် ၁ ဒေါ်လာတန်တယ်၊ ဗုံးတလုံး ဒေါ်လာ၃၀၀၀ က စတယ်။ စစ်ဖြစ်တဲ့ တိုင်းပြည်မှ အထွက်များနေသ၍ အဝင်နည်းနေသ၍ ငွေကြေးဖောင်းပွ နေမှာဘဲ။ That’s not even close to nation economic, that is called basic mathematics

ထိုင်းငွေ တစ်ဘတ် (၁၅၀) ကျပ်ဝန်းကျင်အထိ ဈေးပြန်ထိုးကျလာ

ပြီးခဲ့သည့်ရက်ပိုင်းက ငွေဈေးကစားသူများ၏ ဈေးကစားမှုများကြောင့် အဆမတန် မြင့်တက်သွားခဲ့သည့် ထိုင်းဘတ်ဈေးနှုန်းသည် ယမန်နေ့ ဩဂုတ်လ (၁၅) ရက် နေ့လယ်ပိုင်းမှ စတင်ကာ တရှိန်ထိုး ပြန်လည်ကျဆင်းလျက်ရှိရာ ယနေ့ ဩဂုတ် (၁၆)ရက် မွန်းလွဲပိုင်းအချိန်တွင် တစ်ဘတ်လျင် (၁၅၀) ကျပ်ဝန်းကျင်အထိသို့ ပြန်လည်ကျဆင်းခဲ့ကြောင်း ထိုင်း - မြန်မာ ငွေလဲလှယ်သူများထံမှ စုံစမ်းသိရသည်။

ပြီးခဲ့သည့် ရက်ပိုင်းက ထိုင်းငွေ တစ်ဘတ်လျင် မြန်မာငွေ (၂၀၀) ကျပ်အထိရောက်အောင် ဈေးစွဲတင်ပြီး ဈေးကစားကြခဲ့သည့်အတွက် ထိုင်း - မြန်မာ ငွေကြေးအရောင်းအဝယ်ဈေးကွက်တွင် အရောင်းမှားအဝယ်မှားဖြစ်သူများလည်း ရှိခဲ့သလို ရက်ပိုင်းအတွင်း၌ပင် ငွေကြေးဆုံးရှုံးသူများလည်း ရှိခဲ့ကြောင်း သိရသည်။

" အဓိကတော့ ဝိသမလောဘသမားတွေရဲ့ ဈေးကစားကြတဲ့ ကိစ္စပဲ။ အွန်လိုင်းက လျှောက်ဖွကြတဲ့တစ်ဖွဲ့ကလည်း သပ်သပ်ကို ရှိနေတာ။ အဲဒီမှာ အတင်းလိုက်ဝယ်ကြ ၊ လိုက်စုကြတာလေ။လိုချင်တဲ့အနေအထားလည်းရောက်ရောဈေး ကို ပြန်ထိုးချပစ်လိုက်ရော။ ဒါမျိုးက ခဏတိုင်း ဖြစ်နေကြ။ မပါးနပ်တဲ့သူတွေကတော့ ခံကြရတာချည်းပဲ။ တစ်ရက်နှစ်ရက်နဲ့ ရက်ပိုင်းအတွင်းလေးနဲတင် ဆယ်ချီ ၊ ရာချီ ဆုံးရှုံးကုန်တဲ့သူတွေတောင်ရှိတယ်။ အစ်မတို့ကတော့ ဈေးမငြိမ်တော့ဘူး ၊ ကမောက်ကမဖြစ်ပြီဆိုရင် ရောင်းမနေတော့ဘူး ၊ ဆိုင်ကို ပိတ်ထားလိုက်တာပဲ။ ဈေးငြိမ်မှပဲ ပြန်ဖွင့်ပေးတယါ။ ကိုယ့်လူတွေ မနစ်နာအောင်ပေါ့။ ကိုယ်လည်း ဒါမျိုးနဲ့ စီးပွားမရှာချင်ဘူး" ဟု မြဝတီမြို့ခံ ထိုင်း - မြန်မာ ငွေလဲလုပ်ငန်းလုပ်ကိုင်သူ တစ်ဦးက ပြောသည်။

ယနေ့ ဩဂုတ်လ (၁၆) ရက် နံနက်ပိုင်း ဈေးကွက်ဖွင့်ချိန်တွင် မြန်မာငွေ (၁) သိန်းလျင် ထိုင်းဘတ် (၆၃၅) ဘတ် ရှိခဲ့ရာမှ နေ့လယ်ပိုင်းအချိန်တွင် (၆၇၅) ကျပ်သို့ ဆက်လက်ကျဆင်းခဲ့ကြောင်း သိရသည်။

ထိုင်းဘတ်ဈေးနှုန်းသည် ရက်ပိုင်း၊ နာရီပိုင်းအတွင်း၌ပင် အတက်အကျကြမ်းပြီး ငွေကြေးဆုံးရှုံးနိုင်ခြေ မြင့်မားသည့်အတွက် ဝယ်ယူစုဆောင်းခြင်းမျိုးမလုပ်သင့်ဘဲ ဈေးကွက် တည်ငြိမ်သည့်အခြေအနေတွင်သာ အရောင်းအဝယ်ပြုလုပ်သင့်ကြောင်း သတိပေး ပြောဆိုမှုများလည်း ရှိသလို မြန်မာပြည်သူလူထု၏ အကျိုးစီးပွားကိုငဲ့ညှာကာ ဈေးကစားခြင်းများ မပြုလုပ်ကြရန်လည်း အသိပေးပန်ကြားမှုများလည်း ရှိနေစည်။

လက်ရှိတွင် တရုတ်-မြန်မာနယ်စပ်ကုန်သွယ်ရေးလမ်းကြောင်း အများစုမှာ လုံခြုံရေးအခြေအနေကြောင့်ရပ်တန့်နေရပြီး ထိုင်းမှ ကုန်ပစ္စည်းအများစုကို တင်သွင်းနေရချိန်ဖြစ်သည်။

ထိုင်းနိုင်ငံမှ နယ်စပ်ကုန်သွယ်ရေးလမ်းကြောင်းမှတဆင့် အိမ်ဆောက်ပစ္စည်းများ ၊ စားသောက်ကုန်၊ မီးဖိုချောင်သုံး ကုန်ပစ္စည်းများ၊ အဝတ်အထည်၊ အလှအပရေးရာ အသုံးအဆောင်များ၊ ဆေးဝါးများ၊ အိမ်သုံးပစ္စည်းများ၊ အချိုရည်နှင့် နေ့စဉ်သုံးပစ္စည်းအများအပြားကို တင်သွင်းနေရခြင်းဖြစ်သည်။

အဆိုပါအခြေအနေတွင် ထိုင်းဘတ်ဈေးအဆမတန် မြင့်တက်ပါက ထိုင်းနိုင်ငံမှတင်သွင်းသည့် ကုန်ပစ္စည်းများ၏ ဈေးနှုန်းများပါ လိုက်လံမြင့်တက်လာမည်ဖြစ်သည့်အတွက် ပြည်တွင်း၏ စားသုံးသူ ပြည်သူများမှာ ကုန်ဈေးနှုန်း ကြီးမြင့်မှု၏ဒဏ်ကို တိုက်ရိုက်ခံစားရမည်ဖြစ်သည်။

14/08/2024

ဘာထူးကြလဲ ခင်ဗျား။ အိပ်လို့တောင်မပျော်ဘူး။
ဘာဘာ ဘာမှ မထူးဘူးလား😁

14/08/2024

Mauritius ဆိုတာ ဟိုး Indian Ocean ထဲက ကျွန်းနိုင်ငံလေး တခု ဖြစ်ပါတယ်

13/08/2024

Ace ကို down ပြီး Joker ဖမ်းထုတ်မယ် ထင်တယ်
အပြစ်မှန်သမျှ Ace ကြီးသာ ၊ Joker က ဝန်းရံပေးမှ ဒိုင်းကြီးကိုကယ်နိုင်မယ်။ စဉ်လာမပျက် ဒိုင်းမရှိရင် မဖြစ်ဖူးသိလား လုပ်အုန်းမလားမသိဘူး။ ဒီလောက်ထိနှစ်လာပြီးမှာတော့ ကြမ်းပြင်ထိစေခြင်တယ်။ ဒါမှ မြန်မြန် ပြန်ကန်တက်မှာ။ ခုမှတော့ Joker ပြန်လာလည်း အနစ် နှေးတာဘဲ ရှိမယ်။ Joker ကြီးလည်း အဆဲခံရအုန်းမယ်။

07/08/2024

အားလုံးကတော့ အသက်ရှင်နေကြတာဘဲ
ဒါပေမယ့် အဓိပ္ပာယ်ရှိတဲ့ ရှင်သန်နေဖို့ တော့ဖြစ်ရမယ် ကမ်းကို မရှာနိုင်ရင်တောင် သစ်ကိုင်းတခုကိုဆွဲကိုင်ထားပါ မုန်တိုင်းဟာစဲချိန်တန်နေပါပြီ

07/08/2024

Chapter (15) ။ ။Business has no Religion
ကျွန်တော်တို့လူမျိုးတွေဟာ အမျိုး၊ ဘာသာ၊ သာသနာကို အလွန် ချစ်မြတ်နိုးလွန်းကြတာ ဂုဏ်ယူစရာပါ။ ထိုသို့ ချစ်မြတ်နိုးလွန်းသော် အချို့ကောက် ကျစ်သောသူတွေရဲ့ အသုံးချခြင်းကို မကြာခဏခံကြရပါတယ်။ ကိုယ်ကသာ အရက် လေးတွေ့ ဝင်သောက်လိုက်မယ်၊ ဖဲလေးတွေ့ ဝင်ပွတ်လိုက်မယ်၊ ငါးကိုမလတ်မှာ စိုးလို့ အရှင်လတ်လတ်ကိုမှ ငါးသည်က ငါးရဲ့ခေါင်းကို တူနဲ့ထုပြီး သေအောင်လုပ်တာ ကြည့်ပြီးမှဝယ်တဲ့သူ၊ မုသားမပါ လင်္ကာမချောဖြစ်မှာစိုးလို့ မုသားလေးနဲ့ကြွားလိုက်ရ သူ၊ အချို့ဆို အွန်လိုင်းပေါ် မိန်းမရှိရှိ ယောင်္ကျားရှိရှိ အကြောင်းမရှိ အကြောင်းရှာ ဝင် Hi လိုက်တဲ့သူ စသဖြင့်ပေါ့။

​ဘာ ဘာသာကိုးကွယ်ကိုးကွယ် ဒါဟာလူသားတွေရဲ့ ယေဘုယျ စရိုက်လက္ခဏာပါ။ ဒီစာရေးနေတဲ့ ကျွန်တော်လည်း အပေါ်ကအချက်ပေါင်းများစွာထဲ က တစ်ချက်မကငြိနေသူကြီးပါဘဲ။ မဟုတ်ဘူးလား။ အားလုံး ဒီပုတ်ထဲက ဒီပဲကြီးပါ။ မဟုတ်ရင် ရဟန်းတွေသာ ဖြစ်ကုန်တော့မှာလေ။ ငါးပါးသီလဆိုတာ ပြောတော့သာ လွယ်တာ။ နေ့စဉ်ကျင့်ကြံဖို့ဆိုတာ အင်မတန်မှ ခက်ခဲသောအရာမလား။ သို့ပေမယ့် တစ်ယောက်ယောက်ကများ ချွန်ပြီး ရန်တိုက်ပေးလိုက်ပြီဟေ့ဆိုရင် စလာပြီ..... အမျိုး ဘာသာ၊ သာသနာအတွက် ဆိုလိုက်တာနဲ့ သွေးတွေထောင်းလာပြီ။ အမှားအမှန် သိပ်မခွဲခြားတော့။ ဥပဒေတွေဘာတွေ မလိုအပ်တော့။ တုတ်ကိုင်၊ ဓားကိုင် ဖြေရှင်း လိုက်မှ ပြီးသွားမယ် ထင်နေကြလေရဲ့။ ဒီကောင်တွေကိုတော့ ဟိုကထောက်ပံ့ပေးတာ ဒီကထောက်ပံ့ပေးတာ၊ ဘုရားကျောင်းတွေက ပိုက်ဆံတွေပေးနေတာ။ နိုင်ငံခြားက ဟိုအသင်းတွေက ပေးနေတာ စသဖြင့်.... အားလုံး Bu****it တွေပါ။ ထိုသို့သာပေး တယ်ဆိုရင် တစ်ချက်သွားကြည့်လိုက်ပါ။ ထိုဗလီအနားမှာ ဘယ်လောက်တောင် တောင်းစားနေတဲ့သူများသလဲဆိုတာ။ ကလေးတွေချီ၊ ပုဝါလေးတွေခြုံ၊ ဒုက္ခရောက်နေ
သောသူတွေ ဆင်းရဲခြင်းက လူမျိုးဘာသာ၊ သာသနာမရွေးပါဘူး။ နိုင်ငံဆင်းရဲရင် အားလုံးကို စနစ်တကျရိုက်ခတ်စမြဲပါ။ ထိုဘုရားရှိခိုးကျောင်းတွေတောင် လူတွေက ဝတ်ပြုဖို့ရာ နေရာဖြစ်လို့ လှူကြတန်းကြရင်း ဖြစ်တည်လာတာ။ ဒါတောင် ဂေါပက တွေက အိပ်ထဲထည့်သေးတယ်။ အားလုံးတူတူပါပဲ။

​မြန်မာပြည်က နိုင်ငံသားကဒ်မှာသာ လူမျိုးဘာသာတွေ ထည့် ဖော်ပြနေတာ။ ပတ်စ်ပို့လုပ်ရင် အဲ့ဒါမပါတော့ဘူး။ အဲ့တော့ တခြားနိုင်ငံသွားလို့...ဟာ! ဒီကောင်က ခရစ်ယာန်မို့လို့၊ ဂျူးမို့လို့၊ မွတ်ဆလင်မို့လို့ အဝင်ခံမယ်ထင်သလား။ Visa မပါရင် လေယာဉ်ပေါ်တောင် ပေးမတက်ဘူး။ Check-in က ကန်ထုတ်လိုက်လိမ့်မယ်။ ဗုဒ္ဓဘာသာမို့လို့ဆိုပြီး၊ တရုတ်မို့လို့ဆိုပြီး ဒီတိုင်းသွားလို့ရမလား။ ထိုင်းက Visa agreement ရှိလို့ ၁၄ ရက်ပေးမယ်။ ပြီးရင် ပြန်ခိုင်းမှာ။ ၁၄ ရက်ကို တစ်မိနစ်ကျော် သွားရင် ဒဏ်ငွေပေးရမှာ။ မဟုတ်ရင် ပိုက်ဆံထပ်ပေး၊ visa သက်တမ်းတိုး။ အလားတူ ပဲ မြန်မာပြည်က မွတ်ဆလင်တစ်ယောက်၊ UAE တို့ Qatar တို့သွားဖို့ visa မလျောက်ရဘူးထင်လား။ ပိုက်ဆံပေးမှ visa ရမှာ။ Haj သွားဖို့ Saudi ကိုဆို ပိုဆိုး သေးတယ်။ ရိုက်စားတွေ။ ၂၀၂၃ မှာ ဟာဂျီတစ်ယောက်ဖြစ်ဖို့ အနည်းဆုံး USD 7000 (မြန်မာငွေ သိန်း ၂၀၀) လိုတယ်။ ဒါတောင် ကံမကောင်းလို့ လိမ်တဲ့ဟာဂျာ် agent နဲ့ တွေ့ရင် အပူချိန် ၅၀ ဒီဂရီမှာ လမ်းမှာအိပ်နေရမယ်။ ဟိုတယ်မရလို့။ လေယာဉ် လက်မှတ်တောင် သူများကူညီလို့ ရောက်သွားတဲ့ဘဝတွေ။ ဟိုလည်းရောက်ရော ငါးပိငါးချဉ်လို ပုံမှန်နှစ်ယောက်ခန်း၊ ၆ယောက်လောက်ထည့်၊ ခြေထောက်ချစရာမရှိ။ အခန်းထဲ ဝတ်ပြုစရာနေရာမရှိ။ အဝတ်တွေလှန်းဖို့တောင် ဒုက္ခရောက်နဲ့၊ နောက် တစ်ခေါက်မသွားတော့ဘူးလို့ စဉ်းစားတဲ့လူတွေနဲ့။ ဘုရားရိပ်၊ တရားရိပ်များနေကြလို့ အားလုံး Hala တွေ ရှာစားနေကြမယ်ထင်လား။ အောက်ဆင်းသွားလို့ ဖုန်းကဒ်မထည့် တတ်ရင် agent နဲ့ရောင်းနေကြတာ။ ပိုက်ဆံသာယူသွားတယ်။ ဖုန်းထဲပိုက်ဆံ မရောက်လာဘူး။ ဟိုတယ်ရောက်ရင် Haj agent နဲ့ ဟိုတယ်နဲ့ ရန်ဖြစ်ပြမယ်။ ပြီးရင် နောက် ၄၊ ၅ ရက် ဟိုလူပြန်သွားရင် ဒီလူပြန်သွားရင် အခန်းရမယ်။ အခုတော့ သည်းခံ ပါနဲ့ ပိုက်ဆံလည်ပြန်ပေးမယ်ထင်လား။ တစ်ပြားမှပြန်မရဘူး။ မကျေနပ်လို့လည်းမရ
ဘူး။ အဲ့အချိန် ဘယ်မှာမှနေရာမရတော့ဘူးလေ။ ဒါတွေကြိုငွေပေးထားတာ လနဲ့ချီပြီ။

​ဒါ agent တစ်ခုတည်းဖြစ်သလားဆိုလည်းမဟုတ်၊ ကိုယ့်နိုင်ငံက ချည်းပဲလားဆိုလဲမဟုတ်။ အဲ့သလိုမဖြစ်ချင်ရင်ရတယ်။ USD 13000 လောက်ကျမယ်။ Mina ဆိုတဲ့ အပြင်မှာ တဲတွေမှာ အိပ်ရတဲ့နေရာမှာ AC နဲ့ ကုတင်နဲ့ပါ ပါမယ်။ facilities ကောင်းရင် ကောင်းသလို USD 20000 လောက်အထိပါ ပေါက်သွားမယ်။ ပွဲ ပြီးသွားရင် သည်းခံပါ၊ သည်းခံပါနဲ့။ အားလုံးအသံတွေတိတ်သွားရော။ “That’s why, Business has no religion” အဲ့ agent တွေကလည်း visa ရဖို့၊ ဟိုအခ၊ ဒီအခ ဆော်ဒီ အစိုးရကိုနင့်အောင်ပေးရတာ။ အဲ့ဒီလိုငွေတွေ ကိုယ်တွေဆီကထွက်သွားမှ ကြာကြာ... ထိုနိုင်ငံတွေက ဟိုအထိမ်းအမှတ်၊ ဒီအထိမ်းအမှတ်၊ ဒီနိုင်ငံတွေမှာ ဒုက္ခရောက်တဲ့လူ တွေကို ကူညီတာဆိုပြီး နှစ်ပဲခြောက်ပြား ပညာတော်သင် ပြန်ခေါ်ကြတာတွေပါ။

​အားလုံး ဟိုအသင်း၊ ဒီအသင်းဖွဲ့မယ်။ NGO တွေ INGO တွေနဲ့ အလှူတွေ ကောက်ခံမယ်။ အစိုးရအရပ်ရပ်တွေဆီက Humam Rights တွေ၊ Humanitarian aid ဆိုတဲ့ ခေါင်းစဉ်တွေတပ်မယ်။ ကိုယ့်ဆီလုပ်တဲ့သူတွေ ပါးစပ်တွေ ပိတ်ထားအောင် လစာတွေ ကောင်းကောင်းပေးထားမယ်။ အဲ့ဒီတစ်ခြားအစိုးရတွေက ဒီအသင်းတွေကိုပေးရတဲ့ငွေနဲ့တန်အောင် back channel ကနေ သတင်းပြန်ရောင်း စားမယ်။ soft diplomatic တွေ တည်ထောင်မယ်။ မတည့်တဲ့အစိုးရတွေ၊ policy မညီ သူတွေအကြား သတင်းစကားပါးတဲ့နေရာတွေမှာ အသုံးချကြတာပေါ့။ ဒီနေရမှာ Human Rights အကြောင်းကြုံတုန်း ကြားတုန်း တွေ့ခဲ့ရတာလေးတွေ ပြောပြချင်ပါ တယ်။ အနောက်နိုင်ငံတွေ၊ ဥရောပတွေက Human Rights တွေသာအော်နေတာ သူတို့နိုင်ငံတွေကျရင် visa ဘယ်တော့မှ လွယ်လွယ်နဲ့မချပေးဘူး။ bank account ထဲ ဘယ်လောက်ရှိသလဲ၊ properties တွေရှိလား၊ ဘာအလုပ်လုပ်သလဲနဲ့ အထူးသဖြင့် ဆင်းရဲတဲ့အာရှနိုင်ငံကလူတွေကို ပိုပြီးတင်းကြပ်ထားပါတယ်။ သို့သော် ထိုဆင်းရဲတဲ့ နိုင်ငံကပဲ သူဌေးတွေ EURO 500000 လောက် သယ်လာနိုင်သလား။ ချက်ချင်း bank account ဖွင့်၊ ထို 500000 အဲ့အကောင့်ထဲ ပြစ်ထည့်လိုက်ရင် Residence Permit
ချက်ချင်းရသွားရော။ ၄၊ ၅ နှစ်လောက်ထားလိုက်ရင် ပတ်စ်ပို့တွေဘာတွေ ပစ်ပေးပြီး နိုင်ငံသားတွေဘာတွေ ကောက်ပေးလိုက်တာ။ သူတို့သိတယ်လေ။ ဒီလူ ၄၊ ၅ သိန်း တောင် ဒီလောက်ကြာကြာ ပြစ်ထည့်နိုင်ရင် သူ့အနောက်မှာ ပိုက်ဆံတွေ ဝယ်ရှိနေနိုင် သေးတယ်ဆိုတာ ပိုက်ဆံကပဲ ပိုက်ဆံကိုပွားတယ်ဆိုတော့ ထိုသူတွေထည့်လိုက်တဲ့ ပိုက်ဆံကို ထိုဘဏ်တွေက စီမံခန့်ခွဲခွင့်ရရင် အကျိုးအမြတ်တွေ ထွက်လာမယ်။ ထိုအကျိုးအမြတ်ပေါ် government က tax တွေရမယ်။ ထိုအခွန်ငွေက ထိုသူ ငွေသယ်လာတဲ့သူတစ်ယောက်ကို အဲ့နိုင်ငံက တင်ကျွေး တာဝန်ယူရတာထက် အများ ကြီးပိုရမယ်။ ထို့အပြင် အဲ့လူတွေက နောက်ထပ် သူသယ်လာမယ့်ငွေနဲ့ အလုပ်ပါထပ် လုပ်ဦးမယ်ဆိုရင် သူ့နိုင်ငံရဲ့ GDP တိုးမယ်လေ။

​အဲ့တော့ အဲ့လိုသူဌေးမျိုးတွေကျ welcome ပေါ့။ သင်က ဘာမှ မသယ်လာ၊ ဘာအထူးပညာရပ်မှ မတတ်မြောက်၊ သူ့နိုင်ငံထဲဝင်သွားရင် Refugee လို Asylum လိုမျိုးဆိုရင် သူ့နိုင်ငံက liabilities ဖြစ်မှာလေ။ အစိုးရက တင်ကျွေးထားရ ပြီလေ။ အဲ့လိုမျိုးတွေကျတော့ မခေါ်ဘူးမဟုတ်။ ခေါ်ပါတယ်။ ခေါ်ပြီး camp တွေမှာ ထား၊ အစာကျွေးထား၊ သူ့နိုင်ငံစကားသင်ခိုင်း၊ သူတို့ရဲ့ system ထဲမှာ အံဝင်ခွင်ကျနေ အောင်လုပ်ပြီးတော့မှ Application တင်ထားတာ Approve မဖြစ်သေးဆိုတာကြီးနဲ့ Asylum ဆိုလည်း Asylum case တွေ၊ Refugee ဆိုလည်း Refugee case တွေ လျှောက်လွဲချက်တွေတင်ရင်းနဲ့ အချိန်တွေဆွဲပြီး နောက်ဆုံးတစ်နေ့ကျမှ နေထိုင်ခွင့် ဆိုတာချပေးပြီး အလုပ်လုပ်ကိုင်ခွင့်ရတာ။ အဲ့အချိန်လည်းကျရော သူတို့ဆီက သူ့တို့နိုင်ငံသားတွေမလုပ်တဲ့ အောက်ခြေသိမ်းအလုပ် 3D (dirty, dangerous, difficult) ဆိုတဲ့အလုပ်တွေ စပေးတာ။ ကံကောင်းရင် UBER မောင်း၊ လေဆိပ်မှာ wheelchair တို့ trolley တို့ တွန်းပေါ့။ ကံဆိုးရင် အမှိုက်ကားလိုက်၊ အမှိုက်သိမ်း၊ မိလ္လာကျုံးပေါ့။ ရလာတာ tax ဆောင်၊ ခြိုးခြံချွေတာ၊ အစွန်းထွက်လေးတွေ အိမ်ပို့ပေါ့။

​အဲ့တော့ တစ်ချို့တွေကပြောကြမယ်။ လူတိုင်းအဲ့လိုမဟုတ်ပါဘူး။ ဥရောပတို့၊ ကနေဒါတို့၊ အမေရိကတို့ သွားပြီး အောင်မြင်နေတဲ့သူတွေ တစ်ပုံကြီးပါဘဲ
တဲ့။ ဟုတ်ပ...အောင်မြင်မှာပေါ့...သူတို့တွေ အလုပ်လုပ်ကြရတာလည်းကြည့်လေ... Professional မဟုတ်ရင် တစ်နေ့ကို ၁၂ နာရီ၊ ၁၄ နာရီ၊ ၁၆ နာရီအထိ Double shift တွေဆွဲ၊ ရသမျှကျုံးစု၊ အလုပ်မှာနေ၊ အလုပ်မှာစားနဲ့ ကြိုးစားကြရတာ။ ဒီလိုကြိုးစား တဲ့သူမျိုးဆို အမေရိက၊ ကနေဒါမှမဟုတ် မြန်မာပြည်မှာလည်း ချမ်းသာသွားကြတာ ဘဲလေ။

​စကားကြုံလို့ လေယာဉ်ပေါ်မှာ Cruise လိုက်ပြီး ပြန်လာကြတဲ့ မြန်မာလူမျိုးလေးတွေ၊ မေးမြန်းကြည့်ပါတယ်။ မှတ်မှတ်ရရ Germany မှာ Cruise တက်တာ၊ နယ်သာလန်တို့ ဘာတို့တွေ သွားရတယ်။ ဟာ! ဥရောပရဲ့ Human Rights အမြင့်ဆုံးနိုင်ငံကြီးတွေမှာ သွားအလုပ်လုပ်ရတာဆိုတော့ ငွေတွေအများကြီး ရမှာဘဲ ပေါ့။ တစ်လ EURO 800-1100 ကြားပဲရပါတယ်တဲ့။ ဒါတောင် တက်ရင် ရိုက်ကြေး တွေပေးရတာနဲ့ သုံးလေးလနေ ပြန်တက်နဲ့။ အဲ့လိုနားနေတုန်း စုထားတာနဲ့စားရ တာတဲ့။ အော်...ဒါဆိုလည်း သိပ်ပင်ပန်းမှာမဟုတ်ဘူးပေါ့ဆိုတော့...တစ်နေ့ ၁၂ နာရီ တစ်ပတ် ၆ ရက် လုပ်ရတယ်တဲ့။ ဟာ! များလှချည်လားလို့၊ အဲ့လောက်လုပ်ရတာ ဥရောပစံချိန်အရဆိုရင် ဆိုတော့...contract မှာက ၈ နာရီဘဲ လုပ်ရတယ်လို့ ချုပ်ထား ပေမယ့် ၁၂ နာရီလုပ်ရတယ်တဲ့။ ဘာအချိန်ပိုကြေးမှမရဘူး။ မသွားခင်ကတည်းက ညှိထားတာတဲ့၊ မလုပ်နိုင်ရင် မလုပ်နဲ့ပေါ့။ မြန်မာပြည်သားအတွက် Euro 800 ကနေ 1100 ကြားရတယ် ဆိုတာလည်း မနည်းဘူးမလား။ လုပ်ချင်တဲ့လူတွေ တန်းစီနေကြ တာလေ။ အဲ့တော့ ဟိုရောက်ရင်တိုင်ပေါ့ဆိုတော့ တိုင်ရင်ပြန်ပို့လိုက်တယ်။ နောက် ဒီလူကို ဘယ် agent မှ လက်မခံတော့ဘူး။ ကဲ...ဒါဆိုလည်း ခုန်ချကွာဆိုတော့... အာမခံထားရတယ်၊ အိမ်စာချုပ်ပေးထားရတဲ့လူနဲ့၊ နောက်ဆုံး သူတို့ရဲ့ ကိုယ်ချင်းစာ တရားပေါ့။ ခုန်ချလိုက်ရင် နောက်လူတွေ ဒုက္ခရောက်ကုန်မယ်။ မခေါ်တော့ဘူးတဲ့။ ကျွန်တော်တို့လူမျိုးတွေဟာ သိပ်မြင့်မြတ်ပါတယ်။ ဟိုမှာခုန်ချပြီး တရားမဝင်အလုပ် လုပ်ရင် Cash in hand ဆိုတာမျိုးလုပ်ရင် တစ်လ ၂၅၀၀ Euro လောက် ရှာနိုင်ပါလိမ့် မယ်။

​သို့သော် သူတို့ ထိုလမ်းကိုမရွေးကြပါ။ နောက်လူ ဒုက္ခရောက်မှာ စိုးရိမ်လို့တဲ့။ ကျောင်းသွားတက်ကြပါတယ်ဆိုတဲ့ လူတွေလည်း ထိုနည်းတူတွေပဲ။ ဟိုကျောင်း ဒီကျောင်းက scholor လေးပေးတာ တစ်ယောက်စ နှစ်ယောက်စ။ ကျန် တဲ့လူတွေက မြန်မာငွေ သိန်းထောင်ချီ အကုန်ခံကြရတာ။ အခုဆို ငွေဈေးကြောင့် သုံးဆလောက်ပိုကုန်မှာပေါ့။ ဒေါ်လာ ၁သိန်း အနည်းလေးရှိတက်ကြတယ်။ ဒါလည်း တက်တဲ့ကျောင်းတွေက ဘာမှဟုတ်တိပတ်တိ ပညာသင်ပေးတာမဟုတ်။ တစ်ပတ်ကို နာရီ ၂၀ တို့၊ ၃၀ တို့ အလုပ်လုပ်ခွင့်ရမယ်ဆိုပြီး ဖျားယောင်းကြတာ။ ပိုအလုပ်လုပ်ခွင့် ရတဲ့ကျောင်းက ပိုစည်ကားတယ်။ ထိုကျောင်းတွေကလည်း သူတို့အစိုးရကို အခွန်တွေ‌ ပေးရတာ။ အဲ့ကျောင်းတွေတက်ရင် ၃ နှစ် ဗီဇာလောက်ရတယ်။ ပြီးတော့ ထပ်နေချင် ရင် ဗီဇာဖိုးထပ်သွင်း၊ မဟုတ်ရင်ပြန်။ အဲ့တော့ ကိုက်အောင်လို့ Cash in hand ဆိုတဲ့ အလုပ်လေးတွေ လိုက်ရှာ၊ အချို့အလုပ်ရှင်တွေက ထိုဈေးပိုပေးတဲ့ Cash in hand သမားတွေကို အောက်ကြေးနဲ့ခိုင်းကြ။ သတ်မှတ်ဈေးပေးရတဲ့အလုပ်တွေက အလုပ် သမားလက်ထဲ ပိုက်ဆံ (cash) မပေးကြပါ။ ဘဏ်ကနေတစ်ဆင့်ပဲ ဘဏ်ကဒ်ထဲ ထည့်ပေးကြတာလေ။ အဲ့တော့ သူတို့လုပ်ငန်းအတွက် အလုပ်သမားခဖြတ်ပြီးမှ အခွန် ဆောင်ကြရတာ။ အဲ့လိုအလုပ်မျိုးကျတော့လည်း ကျောင်းနဲ့လာသူတွေက နာရီ ၂၀ ထပ် ပိုလုပ်လို့မရ။ ပိုလုပ်ရင် အစိုးရက ပိုက်ဆံဝင်တဲ့ ဘဏ်လမ်းကြောင်းကနေ လိုက်မယ်လေ။ ဒါဆို visa ban ခံထိမှာပေါ့။ ဒါကြောင့် ဘယ်သူမှ မသိတဲ့ ခေါင်းပုံဖြတ်ခံရလည်း ငွေလက်ထဲရမယ့် cash in hand အလုပ်တွေရှာလုပ်ရတာပေါ့။

​ဒါတွေသိထားတဲ့ကျွန်တော့်ကို အဆက်အသွယ်တွေဘယ်လောက် ရှိရှိ၊ အခွင့်အလမ်းတွေဘယ်လောက်များများ၊ အချို့ဆို သူတို့ခေါ်တာ မလာလို့ဆိုပြီး စိတ်ပါဆိုးတဲ့ UK, Canada, Austrila က ဆွေမျိုးသားချင်း၊ သူငယ်ချင်းတွေ ရှိပါလျက် နဲ့ Dubai မှာဘဲ ကုပ်ကပ်ပြီးနေနေလို့ အပြစ်တင်ချင်ကြတယ်။ ဟိုမှာသွားပြီး ကျွန်တော့်ဘဝကို သုညက မဟုတ်တောင် နှစ်၊ သုံး၊ လေး လောက်က မစချင်ပါ။ Dubai မှာ ကျွန်တော်ကပြောရရင် တစ်လလုံးမှ နာရီ ၁၀၀ လောက်လုပ်၊ ၁၅ ရက်က နားချိန်ရတယ်။ ၇ ရက်က layover တွေမှာနားသေးတယ်။ တကယ်လုပ်ရတာက
အားလုံးပေါင်းကြည့်ရင် ၇ ရက်လောက်ပဲရှိလေရဲ့။ တစ်နှစ်ကို တစ်လခွင့်ရသေး။ တစ်ကမ္ဘာလုံးပတ်မလား။ ကြိုက်တဲ့လေယာဉ်ကောက်စီး၊ Emirates ဆို ID 90 လို့ခေါ် တဲ့ Tax + 10% လက်မှတ်၊ တခြား airline ဆို ၅၀ ရာခိုင်နှုန်းလောက်တောင် မပေးရ။ ကိုယ့်လေယာဉ်လိုင်းက မြို့ပေါင်း ၁၅၀ လောက်ကို cover ဖြစ်ထားတာဆိုတော့ ကမ္ဘာကြီးရဲ့ ဘယ်နေရာကို သွားချင်သလဲ။ visa ပဲလိုတယ်။ visa ကလည်း လေကြောင်းလိုင်းမှာလုပ်တဲ့အတွက် ကြိုက်တဲ့သံရုံးသွားလျောက်၊ ဘယ်ကောင်မှ Reject မထုဘူး။ အချို့သံရုံးဆို သူများတစ်ပတ်လျောက်ရတယ်။ ကိုယ်က ၁ရက်ပဲ ကြာတယ်။ Schengen လား၊ US Visa လား၊ ကြိုက်တာအေးဆေးလျောက်လို့ရတယ်။ မဟုတ်လည်း ထိုနိုင်ငံတွေ အလုပ်နဲ့သွားနေရလို့ ရိုးနေပြီ။

​အဲ့တော့ ဘာသွားလုပ်မလဲ။ လစာဆိုလည်း ထိုနိုင်ငံကလူတွေက တောင် ကျွန်တော့် company မှာ လာပြီးအလုပ်လုပ်ကြတာ။ တန်းတူလစာရနေတဲ့ ကျွန်တော်...အချို့နိုင်ငံတော်တော်များများက လစာတွေထပ်တောင် Tax မပေးရတဲ့ အပေါ် ကျွန်တော်ကပိုများသေး။ ဒီကြားထဲ တစ်ချက်တစ်ချက် ပါမစ်လေးထွက်လာလို့ Client တွေက ဟိုကားလေးဝယ်ပေး၊ ဒီကားလေးကြည့်ပေးပါဆိုရင် အပိုဝင်ငွေကရ သေး။ ရှိထားတဲ့အရင်းအနှီးလေးနဲ့ ရွှေအရောင်းအဝယ်လုပ်လို့ရတာက အိမ်ငှားခ ကာ မိသေးတော့ Middle-east ဟာ ကျွန်တော့်အိမ်ပါ။ အပြင်သွားရင် စကားကို ချိုချို သာသာလေးပြော၊ လူတိုင်းကို ကောင်းကောင်းမွန်မွန်ဆက်ဆံ၊ ကိုယ့်ထပ်ခက်ခက်ခဲခဲ လုပ်နေရသူတွေဆို Tip လေး ၅ ကျပ်၊ ၁၀ လောက် သုံးပေးလိုက်ရင် 5 stars service နဲ့ အိတ်တင်ပေးသူတွေ၊ grocery အထုပ်တွေ ကားပေါ်လိုက်တင်ပေးသူတွေနဲ့၊ ကိုယ် က သူတို့စကားနားလည်တော့ ကောင်းကောင်းမွန်မွန်လေး နှုတ်ဆက်လိုက်ရင် သားငါးသွားဝယ်ရင်တောင် အပိုထည့်ပေးသူနဲ့၊ စေတနာထားသူတွေနဲ့ကြား ဒီနိုင်ငံ သား မဖြစ်သာနေမယ်။ အားလုံးကအေးဆေးပါ။ အသက် (၅၀) အထိ လက်ရှိအလုပ် ကို လုပ်လို့ရတယ်။ Visa က medical insurance တွေကလည်း အလုပ်လုပ်နေသ၍ ရနေမှာဆိုတော့ နောက် ၁၃ နှစ် ထပ်အလုပ်လုပ်ရင် အသက် (၅၀) အထိ နေလို့ရတာ ပေါ့။

​အဲ့တော့ အသက် (၅၀) ကျော်ရင်ရော အလုပ်ကထွက်ရရင် ဘယ်လိုလုပ်မလဲ။ အကယ်၍ ကိုယ်ပိုင်အလုပ်လုပ်နိုင်မယ်ဆိုရင် Company ထောင် အဲ့ company က visa နဲ့ ဆက်နေယုံပေါ့။ medical insurance ဝယ်ရရုံပေါ့။ မလုပ် နိုင်လည်း ကိုယ့်သားသမီးက အလုပ်လုပ်မှာဘဲ အဲ့အချိန်ဆိုသူတို့ကျောင်းပြီးလောက် သလို ကိုယ်တွေမှာလည်း စုဆောင်းမိတာ တစ်ခုတော့ရှိနေမှာဘဲ၊ နောက်ဆုံးဘာမှ လုပ်ရမလဲ မြန်မာပြည်ပြန်၊ ရှိထားတာလေးရင်းနှီးမြှုပ်နှံ၊ ကိုယ်တက်ထားတာလေးနဲ့ စာလေးဘာလေးသင်ပေါ့။ ဒီလောက်ထိလျှောက်ခဲ့ပြီးသွားရင် ပြိုဖို့ကခက်ခဲသွားပြီး မပျက်နိုင်တော့ မပျက်သင့်တော့ဘူးပေါ့။ ပျက်ခဲ့သည်ရှိသော်လည်း ပြန်လည်တည် ဆောက်နိုင်ဖို့ အတွေ့အကြုံတွေရှိသွားခဲ့မှာဘဲလေ။ ဘဝမှာ ဘာမှလုပ်ခွင့်မရတဲ့အချိန် မှာ ဘာမှမလုပ်လိုက်ရတာက အရေးမကြီးပါ။ လုပ်ခွင့်လေးရရဲ့သားနဲ့ မလုပ်ခဲ့လိုက် လို့ မဖြစ်ခဲ့မှာတော့ အကြောက်ဆုံးဘဲ။ ဒါကြောင့် ရေးခွင့်ရတုန်း အမြင်တွေကိုဖွင့်ချပြီး ရေးရမှာဘဲ။ သီချင်းစကားလေးတစ်ခုကြားဖူးတယ်။ အကယ်၍ သင့်မှာ တိုင်းပြည် တစ်ပြည်လုံးကို ပြောင်းလဲစေနိုင်တဲ့လျှာကလေးတစ်ချောင်း၊ ပြောရမှာကို မပြောဘဲ ထိုလျှာကို ကိုက်ထားရမလဲ။ ဒါကြောင့် ဒီစာလေးနဲ့ ကလေးတွေရဲ့ဘဝ နောင်လာ နောက်သားတွေရဲ့ လမ်းကို ကောင်းမွန်တဲ့ Impact ဖြစ်ဖို့ရေးမိတာပါ။

​အနည်းဆုံး situational awareness ၊ လောကကြီးမှာဘာတွေ ဖြစ်နေပြီး ဘယ်အရာတွေက အရေးကြီးသလဲ။ ဘယ်အရာတွေကိုတော့ လွှတ်ချခဲ့သင့် သလဲဆိုတာ ကြားဖူးခဲ့ရုံနဲ့ ထို situation ထဲမှာ ကူးခတ်နေရသော်လည်း အခွင့်သာ လက်ပန်းမကျခင် ခုန်ထွက်နိုင်ဖို့ ဒီစာတွေက ရည်ရွယ်ပါတယ်။ ဒီစာအုပ်ထဲမှာ ကျွန်တော့်အရွယ်လေး၊ အသိဉာဏ်လေးနဲ့ ဘာသာရေးတွေ၊ လူမျိုးရေးတွေပါ ထည့် ထားတာ အတင့်ရဲလွန်းလှပါတယ်။ ကျွန်တော့်ကိုကျွန်တော်လည်း ဒီစာအုပ်ကရလာ မယ့် stress တွေ impact တွေကိုလည်း ကြောက်ရွံ့မိပါတယ်။ နာမည်ကြီးချင်လို့ ရေး တာလားဆိုရင် လုံးဝမဟုတ်ပါ။ ဒါတွေရှောင်ပြီး လူပိန်းကြိုက်မယ့် Nairobi က ညမျိုး ပတ်ပုန်းက အကြောင်းမျိုး နောက်ကြုံရင်ပြောပြပါ့မယ်။ ထိုသို့ story တွေ၊ similar တွေ လုပ်ကြံရေးပြီး လူကြိုက်အောင်ရေးလို့ရပါသေးတယ်။
PS. အပိုင်း ၁၆ ပိုင်းလုံး တအုပ်လုံးစာ ဒီ Page မှာ တင်ထားပေးပါပြီ။ ဆဲခြင်သူများ အစဆုံး ဝင်ဖတ်ပြီးမှ ဆဲကြပါရန် မေတ္တာရပ်ခံအပ်ပါသည်။


P.S

06/08/2024

အိမ်မက်တွေကို ရောင်းစားမှာ၊ ရွှေသားအတိနဲ့ ပြီးတဲ့ နန်းတော်ရာ၊ ကျောတခင်းစာ ဒဟန်း ၅၀၀ (၇သိန်း)၊

05/08/2024

Bangladesh ရဲ့ သက်တော်ရှည် ဝန်ကြီးချုပ် ရှိတ်(ခ်) ဟစီနာ ဒီနေ့ ရာထူးက နှုတ်ထွက်ပေးလိုက်ပါတယ်။ အစိုးရကို ဆန္ဒပြတဲ့ ကျောင်းသားတွေကို ရက်ရက်စက်စက် ကိုင်တွယ် နှိမ်နင်းခဲ့လို့ ၊ တာဝန်ယူတဲ့အနေနဲ့ နှုတ်ထွက်သွားခဲ့တာပါ။ သူမ လက်ထက်မှာ Bangladesh က တော်တော်လေး တိုးတက်လာခဲ့တာတော့ အမှန်ပါ။ လူတိုင်းက အမြဲ မှန်မနေဘူး ဆိုတာ၊ သူမလက်ခံပုံရပါတယ်။