Dubai Malayalam

20/06/2024

ഒരുഅടിപൊളിഓഫർ

📍 Available in Ajman

CityLife Al Tallah - Ajman-Sheikh Ammar Bin Humaid St - Ajman

15/04/2024

ഒമാനിലെ ശക്തമായ വെള്ളപ്പൊക്കം

15/04/2024

ഒമാനിലെ സിയോളിലെ കുട്ടികളെ രക്ഷിക്കൂന്നു !

25/03/2024

01/08/2023

എയർ ഇന്ത്യ എക്സ്പ്രസ്സ് വൈകിയത് 33 മണിക്കൂർ, മുടങ്ങിയത് രണ്ട് വിവാഹ നിശ്ചയങ്ങൾ
ദുബായിൽ നിന്ന് തിരുവനന്തപുരത്തേക്ക് ശനിയാഴ്ച രാത്രി 8.45ന് പുറപ്പെടേണ്ടിയിരുന്ന എഎക്സ് 544 വിമാനം പുറപ്പെട്ടത് തിങ്കളാഴ്ച പുലർച്ചെ 2.45ന്. യാത്രക്കാർ വിമാനത്താവളത്തിൽ എത്തിയ സമയം കൂടി കണക്കാക്കിയാൽ 33 മണിക്കൂറോളമാണ് വിമാനം വൈകിയത്. കാത്തിരിപ്പ് അനിശ്ചിതമായപ്പോൾ യാത്രക്കാരിൽ പലരും എതിർപ്പ് പ്രകടിപ്പിച്ചത് കൊണ്ട് മാത്രം പിന്നീട് ഇവരെ ഹോട്ടലിലേക്കു മാറ്റി. 160 പേരുടെ യാത്ര അനിശ്ചിതമായി വൈകിയതിനാൽ ഞായാറാഴ്ച നടക്കേണ്ട രണ്ടു വിവാഹ നിശ്ചയങ്ങളാണ് മുടങ്ങിയത്.160 യാത്രക്കാരിൽ 20 കുട്ടികളും 50 സ്ത്രീകളും ഉണ്ടായിരുന്നു. ഇവരിൽ ഭൂരിഭാഗവും സംസ്കാര ചടങ്ങുകൾ ഉൾപ്പെടെ അത്യാവശ്യ കാര്യങ്ങൾക്കായി നാട്ടിലേക്കു പുറപ്പെട്ടവരാണ്. തിരുവനന്തപുരം കടയ്ക്കൽ സ്വദേശി മുഹമ്മദിന്റെ വിവാഹത്തിനു മുന്നോടിയായുള്ള നിക്കാഹ് ഞായറാഴ്ച വൈകിട്ട് നടക്കേണ്ടിയിരുന്നതും വിമാനം വൈകിയതോടെ മുടങ്ങി.

അതേസമയം സാങ്കേതിക തകരാർ എന്ന വിശദീകരണമാണ് എയർ ഇന്ത്യ എക്സ്പ്രസ് പുറത്ത് വിട്ട പ്രസ്താവനയിൽ പറയുന്നത്. എന്നാൽ തുടർച്ചയായുണ്ടാകുന്ന സാങ്കേതിക തകരാറുകൾ വിമാന കമ്പനിയിലുള്ള വിശ്വാസമാണ് നഷ്ടപ്പെടുത്തുന്നതെന്ന് യാത്രക്കാർ പറഞ്ഞു. ഞായറാഴ്ച രാത്രി പുറപ്പെടേണ്ട വിമാനം കാര്യമായി വൈകിയിരുന്നില്ല. മറ്റൊരു വിമാനമാണ് ഈ സർവീസിന് ഉപയോഗിച്ചത്. ഇതിന് ശേഷമായിരുന്നു ശനിയാഴ്ചത്തെ വിമാനം പുറപ്പെട്ടത്.തിരുവനന്തപുരം, കരിപ്പൂർ എന്നിവിടങ്ങളിലേക്ക് നേരത്തെ എയർ ഇന്ത്യ സർവീസുണ്ടായിരുന്നെങ്കിലും ഇപ്പോൾ എയർ ഇന്ത്യ എക്സ്പ്രസ് മാത്രമാണ് ആശ്രയം. ശരാശരി കണക്കെടുത്താൽ ആഴ്ചയിൽ ഒന്നു വീതമെങ്കിലും വൈകാറുണ്ട്. എയർ ഇന്ത്യ എക്സ്പ്രസിന്റെ ടിക്കറ്റ് ക്യാൻസൽ ചെയ്താൽ ഒരാഴ്ച കഴിഞ്ഞു മാത്രമേ റീഫണ്ട് ലഭിക്കുകയുള്ളു എന്നതും യാത്രക്കാരെ ആശങ്കയിൽ ആഴ്ത്തുന്നുണ്ട്.

വിമാന ടിക്കറ്റിന്റെ ചെലവും അത്യാവശ്യം വീട്ടു ചെലവിനുള്ള പണവുമൊക്കെ കൃത്യം കണക്കു കൂട്ടി പുറപ്പെടുന്ന യാത്രക്കാരെ വലയ്ക്കുന്ന സാഹചര്യമാണ് ഉണ്ടാകുന്നത്. വിമാന കമ്പനികൾക്കിടയിലുള്ള കടുത്ത മത്സരം നിലനിൽക്കുന്ന സാഹചര്യത്തിലാണ് ഇത്തരം പ്രശ്നങ്ങൾ ഇന്ത്യൻ വിമാനക്കമ്പനിക്ക് ചീത്തപ്പേരുണ്ടാക്കുന്നത്. വിദേശ എയർലൈനുകൾ ഈ സാഹചര്യം പരമാവധി മുതലെടുക്കുന്നുണ്ട് എന്നാണ് റിപ്പോർട്ട്‌.

അതേസമയം മറ്റ് വഴിയൊന്നും ഇല്ലെങ്കിൽ മാത്രം എയർ ഇന്ത്യ എക്സ്പ്രസ് തെരഞ്ഞെടുക്കാം എന്ന നിലയിലേക്ക് യാത്രക്കാർ എത്തുന്നതായും ട്രാവൽ ഏജൻസികൾ പറയുന്നു. മാത്രമല്ല ശനി, ഞായർ ദിവസങ്ങളിൽ വിമാനം വൈകിയാൽ മറുപടി നൽകാൻ പോലും വിമാനക്കമ്പനി ഓഫിസിൽ ആരുമുണ്ടാകില്ലെന്ന പരാതിയും നിരവധിയാണ്. ടിക്കറ്റ് ബുക്ക് ചെയ്ത ട്രാവൽ ഏജൻസികൾ മറുപടി പറഞ്ഞ് കുഴയുകയാണ്.

27/07/2023

അബുദാബി രാജകുടുംബാംഗം ഷെയ്ഖ് സഈദ് ബിന്‍ സായിദ് അല്‍ നഹ്യാന്‍ അന്തരിച്ചു
യു.എ.ഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്റെ സഹോദരനും അബുദാബി ഭരണാധികാരിയുടെ പ്രതിനിധിയുമായ ഷെയ്ഖ് സഈദ് ബിന്‍ സായിദ് അല്‍ നഹ്യാന്‍ അന്തരിച്ചു. മരണത്തില്‍ സഹോദരന്‍ ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ അനുശോചനം രേഖപ്പെടുത്തി.ആരോഗ്യകാരണങ്ങളാല്‍ ചികിത്സിയിലായിരുന്ന രാജകുടുംബാംഗത്തിന്റെ അന്ത്യം ഇന്ന് രാവിലെയായിരുന്നു. രാജ്യത്ത് മൂന്ന് ദിവസത്തേക്ക് ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്.മരണത്തില്‍ വിവിധ ജിസിസി രാഷ്ട്ര നേതാക്കള്‍ അനുശോചനം രേഖപ്പെടുത്തിയിട്ടുണ്ട്. 2010ല്‍ ആണ് അബുദാബി ഭരണാധികാരിയുടെ പ്രതിനിധിയായി ചുമതലയേല്‍ക്കുന്നത്. ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെയും പ്രതിനിധിയായി പ്രവര്‍ത്തിച്ചിരുന്നു.അബുദാബി എക്‌സിക്യൂട്ടീവ് കൗണ്‍സിലിലെ മുന്‍ അംഗമായ ഇദ്ദേഹം അബുദാബി മാരിടൈം പോര്‍ട്ട് അതോരിറ്റിയുടെ ചെയര്‍മാന്‍ പദവിയിലും സേവനമനുഷ്ഠിച്ചിട്ടുണ്ട്.