24/12/2024
کوئٹہ: دو روز قبل ہونیوالے قتل کا معمہ حل دوست قاتل نکلے
کوئٹہ ائیر پورٹ روڈ سے ایک روز قبل ملنے والی لاش کا معمہ حل قاتل دوست نکلے سیریس کرائم انوسٹی گیشن ونگ نے ایک ملزم کولورالائی سےگرفتار کر کے کوئٹہ منتقل کر دیا ۔
پولیس کے مطابق 22دسمبر کی صبح چھ بجے جمیل شہید پولیس کو ائیر پورٹ روڈ نادرا آفس کے قریب سے پشتون آباد کے رہائشی محمد یعقوب ولد نسیم خان کی لاش ملی تھی جسے نامعلوم افراد نے خنجر کے وار اور فائرنگ کر کے قتل کرنے کے بعد لاش ائیر پورٹ روڈ پر پھینک کر فرار ہو گئے تھے۔
جمیل شہید پولیس نے مقدمہ درج کر کے کیس سیریس کرائم انوسٹی گیشن ونگ کے حوالے کر دیا تھا جس پر ایس ایس پی سیریس کرائم انوسٹی گیشن ونگ زوہیب محسن نے ٹیم تشکیل دی جس نے 24 گھنٹے میں جدید ٹیکنالوجی کا استعمال کرتے ہوئے ایک ملزم کا سراغ لگایا جو وقوعہ کے بعد لورالائی فرار ہو گیا
ٹیم نے لورالائی جا کر ملزم ایاز کو گرفتار کر کے کوئٹہ منتقل کر دیا پولیس ذرائع نے بتایا کہ گرفتار ملزم مقتول کا پارٹنر اور دوست ہے لین دین کے تنازع پر قتل کیا گیا مقدمے میں نامزد دوسرے ملزم کی گرفتاری کے چھا پے مارے جا رہے ہیں۔
