07/05/2023
ከፅንፈኛ ኃይሎች ጋር ተባብሮ በመሥራት የሽብር ተግባር ፈፅሟል በሚል ሲፈለግ የነበረው ጎበዜ ሲሳይ የተባለው ግለሰብ በቁጥጥር ስር ዋለ‼️
ግለሰቡ አምልጦ ጅቡቲ ከገባ በኋላ ወደሌላ አገር ሊሻገር ሲል ከዓለም አቀፉ ፖሊስ እና ከጅቡቲ መንግሥት ጋር በመተባበር በቁጥጥር ስር እንዲውል እና ተላልፎ ለኢትዮጵያ እንዲሰጥ ተደርጎ ትናንት ምሽት አዲስ አበባ መግባቱን የፀጥታ እና ደኅንነት የጋራ ግብረ ኃይል ገልጿል።
በአማራ ክልል ሕገ-መንግሥታዊ ሥርዓቱን በማፍረስ ክልላዊ ሥልጣንን በኃይል ለመያዝ በሀገር ውስጥ እና በውጭ ሀገራት በህቡዕ ተደራጅተው እና ተቀናጅተው በሚንቀሳቀሱ ፅንፈኛ ኃይሎች ላይ የማያዳግም ሕጋዊ እርምጃ እየወሰደ መሆኑን የፀጥታ እና ደኅንነት የጋራ ግብረ-ኃይል ሚያዚያ 22 ቀን 2015 ዓ.ም ባወጣው መግለጫ ማስታወቁ ይታወሳል።
