05/02/2024
जिन्दगीमा धेरै बसन्तहरु पार गर्नु नै छ । आज भने ठ्याक्कै ३१ सौं बसन्त पार गरेर ३२ सौं बसन्तमा प्रवेश गरिएछ । समय यति छिटो दौडिदो रहेछ कि पत्तै नहुदो रहेछ । हिजो अस्ति सम्म आमाबुबाको कान्छो छोरो, दिदिदाजुहरुको घरको कान्छो भाई म सानै थिएँ झै लाग्थ्यो तर यो काँधमा बसन्तहरु पार हुँदै धेरै नै जिम्मेवारीहरु थपिएछन्।आफुँलाई बुबा आमाको अनी दाजु दिदिहरुको सानै छोरा वा भाई लाग्छ नै! त्यस्तै उहाँहरुलाई पनी छोरा वा भाई सदैव सानै लाग्छ ।
मेरा पुजनिय आमाबुबाले अनेकौं दुख कष्ट गर्दै मलाई जन्मदिनु भयो, हुर्काउनु भयो, शिक्षादिक्षा दिनु भयो, गलत के हो , सहि के हो त्यो मज्जाले चिनाईदिनु भयो साथै छोराको भविष्यको निमित्त धेरै नै राम्रा राम्रा प्रण गर्नुभयो । विभिन्न कष्टकारक जिवनको बाबजुध पनी मलाई जन्मदिएर यो सन्सार देखाई अनेकौं क्रियाकलाप सिकाई यो स्थान सम्म पुर्याउनु हुने पुजनिय, ढोगनिय आमाबुबालाई अन्तर हृदयदेखी नै नमन व्यक्त गर्दछु !
आमाको त्यो दुधकोभारा, बुबाको त्यो जिम्मेवारीको बोझिलो भारीको गुण तिर्न त यो जुनीमा पर्याप्त मात्रामा नसकुँला तर मलाई यहाँ सम्म पाईला देखाउने आमाबुबाको लागी भने केही न केही खुशी र सुखी बनाउने चक्करमा नै अनवरत रुपमा लागी परिरहेको छु । यो सन्सारमा मलाई जन्मदिएर देश विदेश सम्म देख्न पाउँने अवसर दिनुभएकोमा पुजनिय मेरा आमाबुबालाई प्रणाम व्यक्त गर्दछु ।
आफ्ना आमाबुबा साथै परिवारको निमित्त लेख्ने शब्दहरु प्रयाप्त नै हुदैनन्। जति लेखें पनी लेखी नै रहन सकिन्छ । आज मेरो जन्मदिनको अवसरमा विशेष रुपमा पुजनिय आमाबुबा लगायत आदरणीय दिदि दाजुहरुलाई आभार प्रकट गर्दै यो जिवनमा यसरी नै साथ, सहयोग, सल्लाहसुझाव , हौसला सँगै आशिर्वाद पाईनै राख्न सकुँ कामना गर्दछु । शब्दहरु अनगिन्ती छन्। आमाबुबा लगायत मेरो परिवारमा नमन व्यक्त गर्दछु । लभ यु आमाबुबा❤️ लभ यु मेरो परिवार😘
![[मेरो टोपी कैलाशको शिर जस्तो।हिमाली भिर जस्तो।]…कहिले पनि झुक्न नजान्ने।कहिले पनि रुक्न नमान्ने।मेरो टोपी, नेपाली भिर जस...](https://img5.medioq.com/344/231/853616643442314.jpg)
