سامي زكريا Sami Zakaria

10/12/2024

فيديو مالو علاقة بالتصميم لكن مفيد لمستقبل سوريا
#سوريا #صيدنايا #حزب

27/11/2024

أكيد وانت داخل ع السوبرماركت او المول بيلفتك تصميم المنتج قبل حتى ما تذوفه 🥹
اي هي هي لعبتنا 🕹

دوري كحلال مشاكل بشتغل على تصميم ملصق لمنتج لساعدو يحكي قصتو الفريدة
وبعدها لما صمم صورة للمنتج لتنعرض على الموقع أحيانًا الصور الفوتوغرافية المنتجات بتكون مش ولا بد، الإضاءة ضعيفة، أو الزاوية مو مظبوطة.
هون بيبدأ التحدي الحقيقي: كيف فيني حول هاد المنتج من مجرد صور عشوائية بسيطة لشي بيلمع وبيلفت الأنظار؟

السر يكمن بالتفاصيل 😉
بشتغل على الألوان بطريقة تعبر عن شخصية المنتج.
بستخدم زوايا وأفكار تخلي المنتج يحكي عن حاله بنفسه.

والأجمل، إنو هالشي ما بيعتمد على ذكاء أو غباء اصطناعي
القصة كلها الإحساس بالمنتج وكيف ممكن نوصلو لجمهورو

دايماً برجع للأساس: كيف الشي البسيط ممكن يتحول لشي جذاب؟
وهاد هو السحر، بعيداً عن كل التكنولوجيا: بعين المصمم وقلبه يلي بيحس بكل تفصيلة.

وانتو شو رأيكم أصدقائي؟!

30/06/2024

النشرة #1
—————————————————————
typographicposters
موقع للمهتمين بمجال التايبوغرافي فيه ارشيف
—————————————————————-
Logo Wave
عبارة عن منصة لجوائز الشعارات مُعاد تصميمها، مما يمنح المصممين والوكالات قيمة إضافية وعرضًا يؤدي إلى تأثير تنظيمي إيجابي.
قيمة الجوائز تصل لمليون دولار كاش - المنصة ليست مجانية
—————————————————————-
pixelbuddhal
موقع موكب اب وتأثيرات نصية وفلاتر فوتوشوب مجانية.
—————————————————————-
Webdesigner Depot
موقع يقدم أفضل الأفكار حول التصميم وتجربة المستخدم والعمل الحر، لأنهم مصممون حقيقيون، يعملون مع عملاء حقيقيين، ويجلبون تجربة العالم الحقيقي إلىك.
—————————————————————-
يم كرييتف
مدونة عربية تنشر عن التصميم والتسويق والعمل الحر
—————————————————————-
انسخ اسم الموقع على محرك البحث غوغل
شارك القناة للمهتمين في مجال التصميم والفكر الابداعي

11/05/2024

احدهم امس انشر عن استبيان عن امكانية تغيير واجهة برامج شركة ادوبي للغة العربية وحسب قوله ان لم يتم هذا الأمر فعلى الأقل يتم دعم اللغة العربية في البرامج.
أولا: البرامج من قبل شركة ادوبي تدعم اللغة العربية بشكل كامل وكل تحديث جديد نشاهد تأثيرات وادوات جديدة للغة العربية.
ثانياً: يوجد برنامج الفووشوب بواجهة الغة العربية لكن هل يوجد احد يستخدمها -_-
الأستهزاء بعقول العالم امرا كنت ومازلت احاربه مهما كان الشخص..

الصورة المرفقة تبين ماذا يوجد في الاستبيان وهو استبيان لبرنامج أدوبي اكروبات فقط ( لإدارة/معالجة ملفات PDF )
وعليه أرجو من أي حد ان يفهم ما ينشر يوعرف ما يتكلم.

06/05/2024

هذه حرية شخصية ما دخلنا بس ما دخل هي القصص بالابداع.

#إبداع #كاريزما #مبدع #حلق #وشم #شتم #متحرر #فنان #عبثي #قبعة #حرية

23/04/2024

بعض الألوان المستوحاة من احدى اتجاهات التصميم الايقاعات المهدئة حسب شركة ادوبي.
ملف الألوان بصيغة SVG على قناة التيليجرام.

22/04/2024

اغلبنا سمع لحلقة الدكتور فيصل القاسم ببودكاست اثير لما قال:
انا لما برجع ع البيت بحب اسمع شي هادئ بعيداً عن الخناق والصوت العالي يلي بيكون ببرنامج الاتجاه المعاكس.
🏠🎧

ايوااااا شو دخل هاد الشي بالتصميم يا برونتو!!؟ 🤔
هاد يا سيدي لأنو الأرض هلا عايش فوقها أسوء حقبة بشرية عرفها التاريخ يلي هو مليء بالتغير والتوتر والحروب والإبادة الممنهجة لأخوتنا بفلسطين والسودان وسوريا وباقي دول الإسلامية. 😢💔 طيب كمان هاد شو ارتباطو بالتصميم !!!!!؟

الإنسان حاليًا صار مرهق نفسيًا من المحيط يلي عم يعيشه فلحتى (يرتاح) ويقدر يوازن الأمور في حياته اليومية أصبح يطلب الهدوء ويشتري لحظات من السكينة والسكون وهون مربط الفرس للمصمم. 🧘‍♂️🕊

ادوبي لما نشرت عن الاتجاهات الجديدة للتصميم كان من اول ما تكلمت عنو هو اتجاه اسمو (الإيقاعات المهدئة) يلي بتخبرك انو التصميمات يلي تدعو للهدوء هي مش ترف هي مطلب جماهيري وضرورة حيوية للصحة النفسية والعقلية بظل الظروف يلي عم نعيشها. 🍃🌊

'الإيقاعات المهدئة' (Calming Rhythms) بيركز على استخدام الأشكال المتدفقة مثل المياه الهادئة أو السحب الرقيقة والألوان الهادئة لخلق بيئة ترحيبية بتعزز الراحة النفسية. ولها تأثير مهدئ بيساعد على استعادة التوازن العاطفي. ☁️

هاد الاتجاه بيستخدم تقنيات متنوعة مثل الخلفيات المجردة (abstract backgrounds) والمحتويات المرئية المهدئة (Soothing Visuals) يلي غالبًا بتكون بسيطة وتكرارية وبيتم دمجها مع أصوات وموسيقى مريحة (ASMR). 🔊🎶

العلامات التجارية والشركات حسو انو الضرب مو ضرب صحاب فبدئوا يستخدموا هي التقنيات بمختلف الأماكن مثل المكاتب ومناطق التسوق والمنصات الاجتماعية، لحتى يتم تقديم تجربة مرئية تعزز الرفاهية العقلية والعاطفية. 🛍💡

حسب البيانات يلي نشرتها منصة تيك توك انو في اهتمام متزايد بتقنيات التهدئة يلي عم نحكي عنها. ومقاطع الفيديو الأكثر مشاهدة وتداولاً مستوحاة من تقنية (ASMR) والخلفيات المجردة (abstract backgrounds) يلي بيدل على أن هي الأساليب صارت جزء من السعي الرئيسي لتحقيق التوازن والراحة في جميع الديموغرافيات. 📊🎥

الزبدة عزيزي:
نحن كمصممين او عاملين في مجال صناعة المحتوى البصري بدنا نلبي طلب الجمهور ونحاول قدر الامكان نستخدم تدرجات الالوان الهادئة ( حشارككم بعض هي التدرجات ) ونستخدم اسلوب التكرارية مع العناصر ( كمان حنحكي عنو بمقال منفصل ) ونعطي التصميم مساحة ليتنفس. 🎨🌟
اذا وصلت لهون بالقراءة فأنا ممتن جداً لأهتمامك وان شاء الله كون وفقت بالشرح
اذا عجبكم المقال شاركوني رأيكم بالتعليقات وشاركو المنشور

19/04/2024

ما بتصور في حدا ما بيحن للماضي وخاصة فترة الألفينات والتسعينات
وهاد الحنين بلش يطلع مع المبدعين بإعادة صياغتو لكن باسلوب عصري..

اهاااااا انت عيني هون منكون وصلنا للجزء التاني من اتجاهات التصميم لـ 2024.
جماعة ادوبي بيخبرونا انو الحنين للماضي ويلي اسمو النوستالجيا الجديدة (The New Nostalgia) يلي بيجمع بين الحنين للماضي والأساليب الحديثة. هي مو بس رجعة للموديلات القديمة؛ هي إعادة تفسير للماضي بأدوات اليوم.
المصممين عم يستخدموا الذكاء الاصطناعي (AI) ليولدوا تصاميم تحاكي جودة وجمالية الماضي بأسلوب يليق بتوقعاتنا اليوم. هالعملية بتعزز من الأصول البصرية (visual assets)، يعني بتتيح إنشاء تجارب بتذكرنا بالماضي دون ما نضحي بالابتكار.
بهالاتجاه، بنشوف مفاهيم متل التصوير الفوتوغرافي الفوري (instant photography) والرسوم المتحركة بأسلوب البيكسل (pixel art animations) كمثال على تأثير التقنيات الجديدة بإحياء الأنماط الفنية من العقود الماضية. الرجعة لاستخدام الكاميرات الفيلمية (film cameras) والتصاميم يلي بتعكس فترات الثمانينيات والتسعينيات بتقدم للمستهلكين شعور بالراحة والألفة، بس بجودة ودقة تناسب هالعصر.
طيب ادوبي كيث استثمرت هاد الشي (يا اخي مو عن عبس هنن رواد هاد المجال)
النوستالجيا الجديدة بتستفيد من منصات مثل Adobe Express وAdobe Firefly، يلي بتمكن المصممين من تجربة واستكشاف مجموعات تصميمية تفاعلية بكل سهولة. هالأدوات بتوفر تقنيات متل Text to Image، يلي بتسمح بإنشاء صور من وصف نصي، يعني بتسهل على المصممين تجسيد أفكارهم بسرعة وكفاءة.

من خلال ربط الحاضر بالماضي عن طريق التكنولوجيا، النوستالجيا الجديدة بتفتح باب للإبداع يزيد من التقدير للأساليب التقليدية مع إضافة رؤية عصرية. الجمع بين الأساليب القديمة والأدوات الحديثة بيخلق تصاميم فريدة بتربط الأجيال مع بعضها، وبتتيح للمصممين فرصة لإعادة صياغة التاريخ بطريقة تحاكي الواقع الجديد.

الزبدة عزيزي حمادة وعزيزتي سعاد:
اتعلم كيف تشتغل على AI وتعلم كيفية صنع الصور من خلال النصوص ويلي بيخلينا نروح لحتى نتعلم كيفية صناعة الاوامر يلي من خلالها منقدر نأنشئ صورة من خلال الذكاء الاصطناعي لأنو بكل بساطة اذا ما عرفت تستخدمو وتعرف تتشغل عليه حتودع المونديال بعد سنتين على افضل تقدير.
وعفكرة اذا اخد فكرة عن انو تصميم الصور بالـ AI هو بمصاري فبتكون عزيزي ما دورت منيح ححطلك كم موقع مجاني بالتعليقات تماما لتدرب عليهم.
انا ممتن لوصولك بالقراءة لهون ولهيك لا تنسى تشاركني رأيك بالتعليقات وتتفاعل مع المنشور.

18/04/2024

متخيلين هاد الموكب مجاني!!!!!؟
عم اشتغل على براند شوكولا واحتجت موكب لحتى انهي ملف الهوية البصرية.
انا عندي اشتراكات بأغلب المواقع المشهورة المختصة بهاد الشي لكن حبيت استكشف اكتر.
وإااااااااااااااااااااااااااااااااااااااااااااااااااااااذ بيطلع معي موقع عنجد لا فري بيك ولا طل الطلايل شي فخم ومجاناً بشكل كامل.
بحبشت شوي بالموقع لقيت فيو شغلات كتير ظريفة خطوط وموديل 3D وحبشكلات ظريفة.
ما بدو لا تسجل دخول ولا اشتراك فوت حمل وامشي.
رابط موقع ان بلست بالتعليق تحت.
لا تنسى المتابعة واللايك يا برونتو .

18/04/2024

الأبعاد الديناميكية: مستقبل التصميم الإبداعي

مع انتقالنا نحو عصر جديد من الإبداع، يظهر تقرير الاتجاهات الإبداعية لعام 2024 من أدوبي بصيرة فريدة تستكشف كيف يمكن للأفكار والتقنيات أن تمزج بين العناصر الفنية لإنشاء أعمال تفوق الخيال.
يقدم الدليل مجموعة من الأنماط التي تعد بإحداث ثورة في الطريقة التي نفكر بها وننتج المحتوى الإبداعي. أبرز هذه الاتجاهات هو "الأبعاد الديناميكية" (Dynamic Dimensions)، والذي يعد بتجربة بصرية غنية ومتعددة الأبعاد تستحضر الجمالية والفنية في كل تفصيل.

الأبعاد الديناميكية (Dynamic Dimensions) تمثل مفهومًا فريدًا حيث تلتقي العناصر ثنائية الأبعاد (2D) وثلاثية الأبعاد (3D) في بيئة موحدة تتيح للمصممين والفنانين خلق تجارب بصرية لا مثيل لها. يمكن تصور هذه الأبعاد كجسر يوحد بين الرسوم المسطحة التقليدية والنماذج المجسمة التي تضيف عمقًا وحيوية للمشاهد. في هذا الاتجاه، يُعتبر الاندماج بين هذه الأنماط ليس فقط تحديًا فنيًا ولكن أيضًا فرصة لاستكشاف جديد للفن والتصميم.

في عصر يهيمن عليه الواقع الافتراضي (Virtual Reality, VR) والواقع المعزز (Augmented Reality, AR)، تبرز الأبعاد الديناميكية كعنصر أساسي يدعم التفاعلات بين الأبعاد المختلفة، مما يخلق عوالم حيث الحدود بين الحقيقي والمحتمل تصبح غير واضحة. يستطيع المصممون الآن دمج الرسوم المتحركة (animations) والموسيقى والرسوم التوضيحية في سرد قصصي متعدد الوسائط يعزز من تجربة المستخدم بطريقة تفاعلية ومغمورة.

استكشاف الإمكانيات بأدوات جديدة
مع تقديم أدوبي لأحدث ابتكاراتها في هذا المجال، تصبح المهمة أسهل للمصممين لاستكشاف هذه الأبعاد دون الحاجة إلى تعلم تقنيات معقدة. الأدوات مثل Adobe Premiere Pro وAdobe After Effects توفر قوالب جاهزة تسمح بدمج الفيديوهات والرسومات بطريقة سلسة تلبي الاحتياجات الإبداعية للمستخدمين.

لذلك، فإن "الأبعاد الديناميكية" لا تمثل فقط اتجاهًا بصريًا جديدًا، بل هي دعوة لكل مصمم وفنان أن يختبر حدود الإمكانيات الإبداعية. من خلال تكامل الأدوات الرقمية والابتكارات التكنولوجية، يتم فتح باب واسع لإنشاء أعمال فنية تتجاوز المألوف وتنقل المشاهد إلى عوالم تتخطى تصوراتهم الأصلية.

الزبدة:
التغذية البصرية لهذا النمط ومحاولة التطبيق ولو كان التطبيق (يبدو فاشلاً) لكن يمكننا من المحاولة للتماشي مع الاتجاه الجديد.
المصادر: موقع ادوبي (بالتعليقات).
المصمم: Wessam Thaer
اذا احببت المقال شاركني رأيك بالتعليقات.

14/04/2024

شاركوني الاجابة بالتعليقات.
بس صدق هااااا.

#تصميم #افكار #تعليم #ابداع

13/04/2024

التفكير خارج الصندوق مو صدفة.
#تصميم #افكار #تعليم #ابداع #دبي #ابوظبي

06/04/2024

فكرة جديدة لتصاميم العيد.
كلنا منعرف انو الازمة الاقتصادية عم تجبر الناس تروح لمصادر حلويات غير صحية لحتى تعمل جو العيد.
كتير ممارسات منعملها خلال العيد ممكن تكون كارثية.
انت كمصمم لازم تضوي على هي الممارسات الغلط من خلال تصماميمك الابداعية يلي ممكن تبتكرها بطريقة واسلوب مميز كنوع من المساهمة المجتمعي.
ملف دليل صحي للعيد مقدم من وزارة الصحة السعودية.
ممكن تستخدموه لحتى تعملو محتوى للعيد بعيداً عن كل عام وانتم بخير.
مناسب لمصممين الصفحات الاعلانية والاعلامية والمجموعات.

دعوة لأهلنا في غزة وبيوصلك الرابط

04/04/2024

الصورة يلي عم تشوفوها فاتحة نافذة عالفرق بين أربع شغلات بتلعب دور كبير بحياتنا: الخبرة، المعرفة، الإبداع، والحكمة.

المعرفة:
هي متل نقط منتشرة هون وهنيك، كل وحدة لحالها، يعني معلومات الواحد بيكتسبها بس ما بتكون مرتبطة مع بعضها.
الخبرة:
هي متل شجرة فيها غصون وجذور، كل شي بيتعلمو الواحد من تجاربو بتصير جزء منو، وكل تجربة بتربط مع التانية وبتخلق شبكة كبيرة من العبر.
الإبداع:
بتلاقيه مرسوم متل قطة عم تلعب بخيوط، بتربط النقط بطرق غريبة وجديدة. يعني القدرة على شوف الأمور من زاوية غير مألوفة وابتكار فكر جديد.
الحكمة:
هي أكبر شبكة، كل النقط مترابطة مع بعضها بقوة، هالشي بيعكس الفهم العميق والتحليل لكل التجارب والمعلومات يلي اكتسبناها.
للمزيد من المعلومات المفيدة لا تنسى تعمل متابعة
#ابداع #معرفة #تصميم #خبرة #حكمة #الامارات

02/04/2024

لسكافي حافي:
متل كل سنة بهي الايام الفضيلة والمباركة, حمّادة وسُعاد بيكونو عم يشربوا اباريق قهوة تركية ☕ ( اكيد مو نسكافيه لأنو نحن مقاطعين ) من شان يركزوا على تصميم بطاقات المعايدة لعيد الفطر السعيد مع احياء ليالي العشر من اواخر رمضان.
لكن كالعادة بيلتهوا وبصمموا لعملائهم وهنن بيطلعوا ايد من ورا وإيد من قدام ✋ ما بيعملوا شي لحالهم وأول يوم العيد بتلاقيه بكل براءة منزل صورتو مع كل عام وانتم بخير والله ينصر اخواننا بغزة 🔻
لكن انا هون لحتى ساعد سُعاد وحمّادة يصمموا معايدات خاصة فيهم (كمصممين) ويبعتوها لعملائهم كرمال يضل اسمهم راسخ بالراس ( كحركة تسويقية ) انو نحن دايرين بالنا ع عملائنا المميزين ليحافظوا على صورتهم الإبداعية وبيقووا علاقتهم التسويقية معهم.
لهيك في ملف بيحتوي على تصميمات جاهزة ناطرة بس تعبيها بشعارك وكلمة من قلبك.
بيكفي تكتبلي بالتعليقات دعوة لأهلنا بغزة لحتى يوصلك الرابط.

30/03/2024

من لما كنا صغار كلنا وقعنا بهاد الفخ.
سعيد وعيد طلعوا الجبل نزل سعيد مين صفى: طبعا الجواب والحربوء يلي بتعرفوه؟ عيد.
هون منرجع منسمع ( يلي ع اساس نكتة ) الحزورة مرة تانية بصوت تيليتابيز وبيضل الجواب نفسو (عيد).
وهيييييييك لبعد شي طلطعشر مرة لنستوعب انو جوابنا عم يكون طلب من رفيقنا السمج انو يكرر علينا نهفتو بس بدون ما نوعى من خلال التلاعب بالحكي.
على سيرة العيد ما في داعي قلكم انو في ملف فيو مخطوطات العيد نزل ع قناة التيلجرام بصيغة EPS يمكن يمكن فيو 500 مخطوطة كرمال تعطوا العيد رونوقو وتصممولنا المعايدات الحلوة لعملائكم بالاسلوب الابداعي الحلو.
لحتى تقدر توصل للقناة لازم تكتبلي الحل بالتعليقات :
سعيد وسامي انضموا للقناة فات سعيد مين صفى!!؟

10/03/2024