24/12/2025
Letšatši ebe ele la di 6 December 2025 ge yo e bego ele Molekane (ex wife) wa Frank Butinyana Nkoana a thuntšhwa ke Frank nakong ya ge Amanda Tshego (ex wife) a be a le lenyalong la Mmangwane wa gage ka motseng wa Driekop ka ntle nyana ga teropo ya Burgersfort.
Go ya ka Amanda ,ka kgwedi ya September ngwageng wa 2024, Frank oile a tšea seo elego sa gagwe ka ntlong yeo bobedi bo bego bo dula ka gare go yona gomme a napa a wela tsela ntle le go lemoša Molekane wa gagwe,Amanda.
Ka morago nyana, Frank oile a leletša yo molekane wa gagwe gomme a mmotša gore ke phetho ke tuu, ga ele yena ga a sa monyaka. Ka morago ga dibeke tše tharo, Butinyana oile a hlanoga ,a leletša Amanda gomme a mo kgopela maitshwarelo le go kgopela go boya g*e ka ge a itshola go kgato yeo a e tšerego. Amanda oile a mmotša tsebe gokwa a re "Ntatago weni, le nna ke tšwile go wena. Ka yona tsela yeo, re tšwane". Amanda ore oile a mofa dilo tša gagwe tšeo dibego di šetše ka ntlong ka ge aile a ikgethela go mo tlogela gore a ye a dule le mosadi tsoko. Go tloga ka lona letšatši leo, Frank a sake a tlogela go latela Amanda le go nyaka go tseba gore o dira eng,kae le mang. Yena oile a thoma ka go dira matšhošetši a go mo tšeyela bophelo le gore o tla tlogela go hlokomela Bana ge bobedi bo ka se boelane.
Ka letšatši la di 12 May 2025, Frank oile a bega yo mmago bana go di Social Worker gola Dilokong ka ditatofatšo tša bofora tša gore o gana ge a bona Bana. Go kwagala gore Di Social Worker di ile tša eletša bobedi go ya Kgorong tsheko ka ge bobedi bo be bo thulana ka dihlogo go dipeakanyo tša go tšeya maeto le Bana. Amanda o re oile a gana ge Frank a re o nyaka go tšeya maeto le Bana ka ge seo se sake se direga, ebile o be a boifa gore Bana ba sepele le Tatago bona yo a thunyago muši ka dinkong.
Go ile goa fihlelelwa kwano ya gore go tla fiwa letšatši la gotšwelela kgorong tsheko go rarolla bothata bjo bobedi bo bego bo lebane le bjona. "Nnete re ile ra tšwa ka offising ya di Social worker, gomme ge rele tseleng re lebile difatanageng tša rena, Butinyana oile a thoma go dira matšhošetši a gore o tla fapanya moya waka le p**a" tse ke goya ka Amanda yo a rego oile gokwa tšeo, a napa a homola ka letšhogo a leba sefatanageng sa gagwe. Ka morago ga go tsena ka gare ga sefatanaga sa gagwe, Frank oile a otlela le gothula sefatanaga sa yo ebego ele molekane wa gagwe.
Ka morago ga tiragalo yeo, Amanda Ore oile a leba Sephodiseng sa Driekop goya go bula molato, le ge gole bjalo, Bagwera ba gagwe ba Maphodisa ba ile ba mo eletša gore a botše Frank gore a lefelele ditshinyagalelo kamoka gofeta gore a bule molato. Yena oile a dumela seo.
Matšatši morago ga go emiša mekgwa ya gagwe ya go mo latela (stalking), yena oile a thoma gape mo a bego a kgona go ema ka ntle ga kgoro ya Ntlo gare ga mpa ya bošego gomme a leletše Amanda a kgopele gore ba boelane ka lebaka la gore o palelwa ke go bopata bošego.
Le ge Amanda aile a tlogela go araba ge Butinyana a leka go mo leletša, efela a sake a tlogela go mo leletša le go mmotša gore o lefetše mašeleng a go kokota ga lapeng la gabo gomme ka gorialo ke mosadi wa gagwe.
Ka morago ga ngwaga bobedi bo kgaogane, Amanda oile a kopana le Lesogana tsoko leo le ilego la utswa pelo ya gagwe go ba Molekane wa gagwe. Letšatši pele ga Mokete wa lenyalo, Amanda o be a le ga Mmangwane wa gagwe mo a bego a ba thuša ka dipeakanyo tša mokete wa lenyalo ge Frank Butinyana Nkoana a feta kgauswi nyana le Ntlo ya Mmangwane. Go ya ka yena (Frank) ,oile a gopola gore Amanda ga a mmona ge a feta ka sefatanaga le o mongwe wa bašomi ba gagwe. Ka morago ga di iri tšeo di ka bago tše pedi, yena oile a leletša Amanda yo ailego a mmethiša ka moya gomme a se arabe Sellathekeng sa gagwe. Go tšwelela gore Frank o be a tseba ka lenyalo la Mmangwane wa Amanda ka ge Amanda aile a mo kgopela gore a rekele Bana diaparo tša lenyalo.
Ka letšatši la di 6 December 2025, Amanda le Lesogana la gagwe le leswa, ba ile ba ya go keteka lenyalo la Mmangwane ka motseng wa Driekop. Ka lona letšatši leo la mokete, Amanda obe a le ka lapeng gomme Lesogana la gagwe lebe le le gare le p***a lebilwana la sefatanaga ge Frank a fihla gomme a mmotšiša gore Amanda o kae. Lesogana le ile la napa la ya go bitša Amanda yo a bego ale ka lapeng.
Ka ge Sebiletšwa se roba, Amanda oile a tšwela ka ntle go ya gokwa gore ah ekaba Tatago Bana o nyaka eng ka ge bobedi bo sahlwele bo nwišana meetsi.
Mesong ya letšatši lona leo la mokete, yena oile a feta a otlela sefatanaga sa Bakkie ya mohuta wa Toyota Daker ya mmala o mo orange , efela ge a boya lekga la bobedi lona letšatšing leo la mokete, o be a otlela sefatanagasa Bakkie ya mmala o mo silver. Ka morago ga go fihla sefatanageng, Amanda oile a ema kgauswi nyana le lebati la monamedi ge Frank a mo kgopela gore a tsene ka gare. Ka go hlompha Lesogana la gagwe le leswa, Amanda oile a gana go tsena ka gare ga sefatanaga seo. Yena oile a mmotšiša gore o nyaka eng. Ge a fetola oile a re o hloka go bolela le yena, ge Amanda a botšiša gore ekaba o nyaka go boledišana le yena ka eng. Yena oile a fetola ka seja hlapi a re "I want to talk about us". Amanda oile a napa a fetola ka la gore "There's no us". Seo seilego sa befetšwa Amanda le gofeta ke gore oile a rogwa kudu ka letšatši la labone pele ga lenyalo ka morago ga go dumelela yena tatago bana gore a bone Bana. Ka morago ga gokwa gore "There's no us", yena oile a napa a wela wela ka sefatanaga gomme morago ga di iri, a boya gape ka sefatanaga se sengwe sa mohuta wa Toyota Rumion. Bobedi bo bontšha gore ba be ba sa ele hloko gore Tatago bana o boile gape ka sefatanaga se sengwe go fihla ge ba be ba leka gotšwa ka sefatanaga sa bona ge Frank a thoma go ba thibela tsela ka sefatanaga sa gagwe. Yena oile a fologa sefatanaga sa gagwe gomme a ya go bona. Lesogana la Amanda leile la kgopela Amanda gore a fologe sefatanaga gomme a kwe gore ekaba o nyaka eng (Frank). Yena oile a dira bjalo gomme a ema lebating la sefatanaga sa ga Tatago Bana. Tatago bana oile a botšiša a re "Maara keng tšeo o ntirago tšona" ge Amanda a botšiša gore ekaba o bolela ka eng. Yena oile a botšiša a re "who's this guy?" Yena oile a botšwa gore tšeo ga dinyake yena. Oile a botšiša gore a ekaba ba tlo nka ba boelana goba nnete o tšwelapele ka bophelo bja gagwe. Ge a fetola, Amanda oile a re ga gona mohola wa go botšiša lekga la bo 200, ka ge ba šetše ba boletše ka seo, ebile o šetše a mmoditše tsebe gokwa gore ga gona letšatši leo bobedi bo ka tsogago bo boelane. "Ka ge gobe go tšwelela monkgo nyana wa sewage, ke ile ka mokgopela gore re tloge lefelong leo, nnete goile goaba bjalo"-Amanda.
Ka morago ga go tloga lefelong leo, Yena oile botšiša gape gore Amanda o tloga a tišitše gore bobedi bo ka se sa hlwela bo dupana marago ka lebaka la gore o be a nale kholofelo ya gore ba tla lokiša ditaba? Ge a fetola, Amanda oile a re ke phetho ke tuu,go fedile. Yena oile a goga sethunya gomme a thunya Amanda mo dimpeng. Ge Lesogana le ekwa sethunya se galagala, yena oile a napa a tšwa ka gare ga sefatanaga gomme a kitimela mo bobedi bo bego bo eme gona. Pele a ka fihla, lesogana le ile la thuntšhiwa makga a mabedi ,elego hlogo le serope. Le ge ba be ba thuntšhitšwe, Amanda le Lesogana la gagwe ba ile ba swara Frank gomme ba mo amoga sethunya seo. Pele a ka tšeyelwa sethunya, yena oile a ngangela monwana wa letsogo wa Lesogana leo ka meno.
Lesogana le rile gokwa gore meno a tsena nameng, a napa a t**a lebotlelo leo le bego le le kgauswi nyana gomme a betha Frank mo hlogong ka lona. Yena oile a tšeyelwa Sethunya gomme Lesogana la leka go mothuntšha efela sethunya sa gana go raga kolo (jammed). Lesogana le lekile makga a mabedi efela sethunya sa gana go raga kolo (jammed), gomme morago Frank a hlanola direthe a tsena ka gare ga leswiswana leo le bego le šetše le apešitše naga. Bobedi bo ile bja kitimišetšwa Bookelong.
