08/07/2023
Today in history or history making Isiziba Sokuphila NPO launches as a community organization based in UNzalabantu Reserve. The Programme starts Isiphethu Media will bring updates.
Arts News blog
(1)
Today in history or history making Isiziba Sokuphila NPO launches as a community organization based in UNzalabantu Reserve. The Programme starts Isiphethu Media will bring updates.
IZINDABA: INgonyama yamaZulu ivule izichuse zamaqhawe aseSandlwane. UNtshingwayo kaMahole Khoza umdidiyeli omkhulu wempi. UMnyamana kaNgqengelele uNdunankulu kaZulu wangalezo nsuku. Isifundo ngeNgonyama uCetshwayo sethulwe yilowo onguNdunankulu kaZulu uDkt. M. Buthelezi uMntwana wakwaPhindangene. Ukhulume wathi; amaNgisi ayefuna ukuhlakaza uMbuso kaZulu ngale mpi. Uthi ahluleka ngoba lo mbuso usamile futhi uqinile nanamuhla kuhleli abazukulu bakhe uJininindi esiHlalweni sobukhosi. Lo msebenzi wenza izizukulwane zamaqhawe ayeyibambe eSandlwane baziqhenye ngokhokho babo. Amadelamzimba oqobo.
Kuyaphawuleka njalo ukuthi laba likhulu iqhaza le ntsha kaZulu kule mpi ibutho iNgobamakhosi ukubalula oMehlokazulu kaSihayo waseMaQungebeni. Zonke izinsizwa zeNgobamakhosi zazisencane kepha zazisencane.
Umbuzo uthi uZulu oyintsha uzowuvikela yini yena umhlaba neFagugu?
Sobantu
IZulu eladum' eSandlwane umbani lawuphons' emankankane. Nani belungu ningamshayi ngezibhamu niyobe nimbangile. Animphathela amaphanda angawezinhlendla!!!
Leyo iNgonyama uCetshwayo kaMpande kaSenzangakhona kaJama. Yiyo eyaphaka impi yokuvikela ilungelo lezi ngane ezimpisholo lokuba nezwe lokuhlala nokulima. Kulo mbango owasuka ngezwe laseZungwini elathathwa ngamaBhunu amaplazi nokuthe iNgonyama mayithumela inxusa layo uNkinsimane nezikhulu zombuso ukuyoyizwela emaNgisini zaboya nempendulo ethi: AkuluHlanga lwalahlana lodwa!
Nango-ke uMehlokazulu kaSihayo esebulala onina ngale koThukela. Wo wawokhela umlilo wothathe. Ithi imbube mayishweleza ngenyonikayiphumuli engamashumi amahlanu bathi bafuna amaphuzu ayisithupha. Sizobhala ngawo ngokukhethekile sibabaza ukushinga kwentoyoMnkinsimane. Nokwaholela ekutheni amaNxusa kaZulu ahlangane nawamaNgisi ngaphansi kwesihlahla Somnqamulajuqu. Wabe eseShikizela uMashikizela omnyama ephikelele oLandandlovu Royal Palace a Military Kraal- Isigodlo SamaButho. Kuyazi-ke ukuthi yabe isijuba uNtshingwayo kaMahole Khoza benoVumengwane kaNtethi kanjalo noNdunankulu kaZulu uMnyamana kaNgqengelele ukuba bayiphathe ngobunono impi yayo.
Kuloba uSobantu
Isiphethu Media Sethula umdlalo weshashalazi osihloko sithi: Nomhoyi And Other Stories. Obhalwe uThandokuhle Sobantu Dlamini. Abadlali ngoLucky Ngema noSobantu. Ngomhlaka 12 kwephezulu. Ziyobe zibulalana. UR30 emnyango. Ungaphuthelwa umlando amahubo nendaba kaShembe
Akasekho Emhlabeni uMncedisi Shabangu.
Le ngwazi yeciko yafunda ukulingisa eState theatre laboratory. Yakhula kule ndima. Yadlala emdlalweni; Woza Albert noHamilton Dlamini la eyakhombisa elicokeme ikhono lokulingisa. Ibhale yaphinda yakhiqiza eminingi imidlalo yeshashalazi ebibuye iyiqondise. Ubebonakala ewumfokaNgobese kwi Rhythm City lapho abecikoza khona.
Namuhla sivuka nezithi ezintatha namuhla iguqile le ngwazi yeshashalazi. Ezobuciko azisobuye zifane ngokuhamba kwale ngwazi.
Phumula Mbhele ukulwile ukulwa okuhle. Sidabukela iwele lakhe uHamilton Dlamini abakhiqize naye eminingi imidlalo yeshashalazi. Phumula Shabangu omkhulu.
Kuloba uSobantu
Ithuba
UMNCINTISWANO WEZINKONDLO: Ukubhalwa kweSonethi!
Isonethi yinkondlo emfishane edume ngokuba nemigqa eyishumi nane( 14) kuphela. Kepha ukubhala inkondlo enemigqa eyishumi nane bese uthi iyisonethi ungayibhekanga eminye imithetho yayo kungayiphutha. Ngokomsuka wayo indikimba yayo kwakuwuthando yagcina isizimumatha nezinye.
Izinhlobo zayo: EyaseNtaliyane( Italian sonnet) ebumbeka ibe nezigaba ezimbili okuyimigqa eyisishiyagalombili ( 8) enemvumelwano ( abba) noma ( cdcd) bese esesibili sibe nemigqa eyisithupha(6) esuke isisonga umongo wenkondlo. Bese kubakhona eyamaNgisi( Shakespearean sonnet) yona izigaba zayo zihluka zibe zine bese ezokugcina ezimbili zibe nemvumelwano efanayo. ( abab, cdcd, efef, gg) bese kuba eka John Milton: Milton's Sonnet yona ethi ayifane nalezo ezande kwezamaZulu ethe ukukhululeka ekuhlelweni kwayo edumileyo ilena ethi( On His Blindness) Le mvumelwano sigcino ekulenkondlo eyisonethi yakha isigqi nomgqumo omnandi osamculo mayihaywa!
Siluleka ukuba obhala le nkondlo ake aphonse iso kwezinye izinkondlo ezike sashicilelwa bese ethatha usiba alobe izaqheqhe azihlomulele kulomncintiswane othulwa okaZihlandlo.
Ishashalazi
Singakhohlwa! Entries close on the 1st of July 2022.
UMNCINTISWANO WEZINKONDLO 2022!
Umncintiswano uhlelwe uSolwazi Zamokwakhe Mkhize owuMbhali wemidlalo yomoya oKhozini kanjalo nezincwadi ezinye zazo: Ikhanzi, Zidlana Imilala nezinye. Udume njengomunye wabagqugquzeli bomncintiswano wakwaAvbob Poetry.
Umncintiswano uqala mhlaka- 1 June 2022 uzovala mhla- 30 June 2022. Imali yokujoyila uR150.00 kuphela. Imiklomelo imi kanje: Number 1: R5000, Number 2: R4500 Number 3: R4000. Kuzokwamukelwa imingenela ewu 750 KUPHELA ngenxa yesikhala. Kanti imiphumela iyomenyezelwa ngomhlaka 09 July 2022. Kuyobe sekuba nesifundo semibhalo( Worshop) mayelana nomunye umncintiswano ozoqala mhlaka 1 August 2022.
QAPHELA: Kubhalwa ngenkondlo yothando kuphela. Inkondlo yakho ayibe nemigqa eyishumi nane( Sonnet)
Kungenela abaneminyaka eli- 16 kuya phezulu. Izihlobo zomhleli kanye namajaji azivunyelwe ukungenela. Isinqumo samajaji singujuqu.
QAPHELA: Kungenelwa ngenkondlo eyodwa kuphela.
Imbila yaswela umsila ngokuyalezela!
Ngu: Sobantu
& His American Bantu!
We make a turn at Gqeberha on our way to Pretoria from Soweto! ๐๐๐๐ฟ๐๐ฟ๐๐ฟ
NAF 2022 *Tickets available*โฆ.
https://nationalartsfestival.co.za/2022-all-shows/?title=bloke
The KwaZulu-Natal Film Commission sends heart felt condolences to the Bartlett family, friends and fans following the untimely passing of the South African actor, Jamie Bartlett who was popular for his role as the devious David Genaro on e. tv's Rhythm City.
May his soul rest in peace. The film and television industries appreciate him for the contribution he made during his career.
New Hope Development ezobuciko beziphambili kulo mcimbi.
Bekudlala osonkondlo nezimbongi zihamba nomaskandi emcimbini wokuqwashisa ngodlame lwasekhaya kanjalo nezingozi zezinsuku zamaholidi.
Uhaye inkondlo ethi: The Voice of A Silent Man uKatlego Dube ongowesifazane osemncane ofunda enyuvesi yasePitoli. Ibikhuluma ngesililo esingazwakali samadoda nezwi lawo elithule lingathule.
UMshini weMali yena ujabulise abalandeli bakhe nezihlwele ebezethamele ngengoma yakhe yodumo Dali uNgavumi eyenza kahle kakhulu kuma Digital Platforms. NoHlobisile Mbuyazi akasalanga ngaphandle kanjalo noSobantu ubephethe inoni likaDkt. ML Langa elithi: Ngo-Uyinene Mrwetyana; uLanga uqweqwe lukathisha oyikazela iminyezane ogxile ekucwaningeni nge-Feminism.
Muhle umlayezo mawethulwa ngendlela engasindi ezwakalayo kubaNtu. Sibonge kuNkszn. A. Mpanza oyi MD yalo msebenzi ngokukhumbuza abasha ukuba bajabule bazibheke.
Kuloba
USobantu.
KWAHLENI BAFANA; UBUHOLI BAMACIKO ESIFUNDENI.
Isho kanjalo ingwazi yomsakazi engasekho uDr. Bhodloza esakaza kuRadio Bantu/Zulu/ UKhozifm. Nathi sithi libambemi bafana bakithi nilidlale kahle ngoba kini amadolo asavuma. Gijimani impela impela zithunywa zethu THINA MACIKO!
Nijutshwe yisikhathi nomlando emihleni evumayo ubuciko bubhekene nempi yokubukelwa phansi. Imihla ivuma ngoba sethembe ukuthi nizosukuma nilwe. Nilwe ngezikhali zobuchopho. Ubuhlakani yibo obuzonichumisa.
USya Nzima ongusihlalo wekomidi siyamazi ephatha imicimbi eyihlela futhi. UKingM-Zet Khumalo siyamazi ecula useke wagudlana nezingwazi esteji nezaphesheya kwezilwandle noSjava. Umculo wakhe uwodwa uyamweza ukuba engagijima emele amaciko. Kanjalo noMa-Afrika Mpanza uwumhleli wemicimbi engahlulwa yini ukuhlela ekomidini intuthuko siyibone ngamehlo?
NomfokaNdlovu uThabiso uwumlingisi esesike sambona enza kahle pho umfana engahlulwa yini ukigijima? NoTommy Mdletshe uzodansa ebheke khona la simthuma khona.
Ke bafana bakithi nithweswe ijoka elesindayo kanti futhi kuShaywa edonsayo ningethuki uma sinikhahla koba ukuthi niyasebenza kodwa uma sesithule singasho lutho koba ukuthi sekonakele anisenzi enikuthunyiweyo. Incwadi yamakholwa ithi; OTHUNYIWE KAMKHULU KUMNOTHUMILEYO!
Nakanjalo futhi Zulu isithunywa asoni. Ke ningathunywa ugwayi nibuye nenhlaba nobe nisilimeze.
Ningalibali yibukhwebezane futhi okonwabu luthunywe izindaba zempilo nize nedlulwe intulo iletha ukufa size sibambe ele Ntulo!
Bathunywa ICIFSA ukuba basimele.
Kuloba: uSobantu
INGQAYIZIVELE YOBUCIKO KULELI GUQA!
ISENCANE le nsizwa kodwa ubuciko bayo buyababazeka. Bushiya othanda ubuciko nesibukeli nje sikhexile ngenxa yokungajwayeleki kohlobo lo msebenzi.
UNkosinathi Ngwenya ungowokudabuka eSifundazweni saseMpumalanga ezintabeni zaseNhlazatshe; ungumdwebi nombazi. Uthi mayeyixoxa indaba yogqozi lwakhe nathi lwaqutshulwa ukufuna ukuzikhipha otakwini iningi le ntsha yakithi elibisha kulo lokungasebenzi. Akabukanga kude naye kwangenakho kodwa wabheka izandla zakhe wabona ukuthi yizo ezinokumphilisa.
Wasondela emahlathini angakubo efuna zona zohlobo izigxobo nopende washa umshawushile ibhodwe lasehhotela.
Ikhono lika Mntimande liyababazeka nakuba esanda kuqala ukuba yiciko ngokuphelele ngonyaka wezi-2016. Imisebenzi yakhe iyatholakala kuye uma umthinta. Kobe usuyawubona ususegumbini lokubukela umabonakude elokudlela; nasehhotela nakuBnB yakho uheha izivakashi zomhlaba?
Mlandele umthinte: Nkosinathi Art Email: [email protected]
Ngu:Sobantu
Indabuko Yethu Written and Directed by Bongani Ngcobo
Zulu siyakhuleka sithi asinazise sesiyatholakala kuTwitter. Isiphethu Samaciko News
Phuthuma usilandele sikulandele sixoxe ngobuciko wayawaya.
Ulozolo
Isiphethu Media Publications
Sinethulela iNxusa le Isiphethu Samaciko News uNonhlanhla Zincume.
Owesifazane osemusha onogqozi lokufeza amaphupho akhe; umuntu wabantu. Ungumthwebuli wezithombe nosomabizinisi osakhula. Lokhu kwenza saqoka yena njengobuso balo msebenzi wamaciko. Khumbula isiqubulo sithi: EYETHU THINA MACIKO okungukuthi ukuphumelela kwalo mzamo sikubeke ezandleni zamaciko. Akulona olwethu lolu shicilelo ngolwamaciko. Ayazi nawo ukuthi zincane izindawo ezisabalalisa umsebenzi wabo.
Ngokuzithoba egameni le Isiphethu Media Reg. No. 2019/413537/07
Khula Ngwenyama!
DR. MBONGENI NGEMA'S TOWNSHIP LEGACY TOUR
Committed Artists Proudly Presents Mbongeni Ngema's Township Legacy Tour. Konakele
Hamba Ngwazi Yosiba!
Yisililo esinganqamukiyo
Yukugedla kwamazinyo
Mnyamande wagoduka
Sisathi sisaphinda umphehlu!
Hamba Juba lethu;
Usikhonzele koVilakazi
Usikhonzele koBulima Ngiyeke,
Usikhonzele koNonkamfela,
Usikhonzele koNyembezi,
Kubo usho uyijijimezile
Wayikhapheza eyobuchopho
Uyilwa ngemiqingo nosiba!
Sinhliziyo ziyopha,
Simakhanda azimukile,
Ukukholwa asikakholwa
Hlezi basazothi yiphupho.
Ke singekuvimbe ngemvula
Yezinyembezi ngwazi,
Kuhle sikudedele uphumule
Kade ugiya uqephuza inyama
Isikhathele; ubovuka uvukele
Kwabangomhlomunye
Njengoba namuhla sikwendlalela
Emqubeni; kulo iqabazi lezibangamlotha.
Luvava lwenkunzi yakithi
AmaZulu namaSwati ayithokoza,
AmaNgisi namaNdiya ayathokoza,
Uyilwe wayinqoba yikho
Namuhla sesizidlela amahlanga
Ngenxa yobuqhawe bakho
Wo; ngewele lakho u- EJ
Osuwende walishiya nobuhlungu.
Ke wela ngaphesheya
Kukhona umqhele wokunqoba,
Kukhona isihlangu sabanqobi,
Izingcula zamaqhawe ukuba
Esengamathongo abuye alwe
Ngobusuku asihlebele imfihlo
Ye lizwe elingaphesheya,
Ubuhlakani nenjula yempilo
Hamba ngwazi yosiba
Sinqaba sivume akunqumi thina.
Ngu: Sobantu
Izigomagoma Zamaciko Esibhuda
Lapha sikhuluma ngezinkakha ezimhlanubanzi kwezikawedisizungu nasendimeni yobuciko jikelele. Laba besifazane basebenza kakhulu ukucaba indlela becabela abasha besizwe. Abaningi babo sesabendlalela emqubeni.
Uma ubuka kwezeshashalazi uyofica oMama Mary Thwala, Abigail Kubheka( obuye abe umculi), Nomhle Nkonyeni( the narrator), Lillian Dube nabanye. Babe ngamavulandlela bavela kakhulu ezingqayini zekhethelo lapha nangaphesheya.
Emculweni kukhona oMama Afrika; Mirriam Makeba phela isishoshovu somzabalazo wenkululeko. Walwa kakhulu ngomculo emazweni esekudingisweni, ngeshwa akazange anikwe indawo emfanele ekhaya nguhulumeni emnyangweni wezobuciko namasiko. Lapha kukhona oDkt. Sibongile Khumalo umntaka Solwazi Khabi Mngoma owash*tsha umculo wezinsimbi nobungqambothi( Jazz) wawenza wafanele izidingo zaboHlanga. ODorothy Masuku, Yovonne Chakachaka, Brenda Fassie, Mahhotela Queens izintombi zomgqashiyo ezazingena noMahlathini ethi: Zangena zangena izintombi zomgqashiyo.
Baningi abesifazane abanohlonze kulenyanga nasewusukwini lwabo esithi siyathokoza Nzalabantu ngokuzikhandla kwenu kule ndima yobuciko ukube beningekho ngabe akunje. Sifisa umoya wokukhuthala ungene nakwabesifazane abasha nabo basukume. Sinifisela usuku oluhle Mbokode kamagayisa niyimele ingabadi ngaphandle kwenu asilutho.
Kuloba: Nompumelelo Msothoana noSobantu
's_day
Sithanda ukuxolisa Zulu omuhle kakhulu ngokungaveli isikhathi eside. Besisamile ukusebenza ngenxa yezinselelo ezikhona.
Ithimba selibuyile, kuzosetshenzwa. Sinxusa ukuba amaciko aweseke lo msebenzi ngoba ungowawo.
Ithimba le Isiphethu Media
Isiguqile inkakha yomlingisi uBaba Macdonald Mathunjwa! Ubuciko bokukhuluma esilandwe ezimpandeni isiXhosa bekumenza abe ngomunye wabayincosana abamele izilimi zaboMdabu. Udlale kweziningi izingqayi okubalwa kuzo uGugu noAndile nezinye eziningi. Bala umhlaba kawunoni!
Kuloba uSobantu
Sixolise nge Tribute to the Queen. Uhlehliselwa ingomuso kukhona imvume okufanele siyithole
Makhosini Street
Richards Bay
Be the first to know and let us send you an email when Isiphethu Samaciko News posts news and promotions. Your email address will not be used for any other purpose, and you can unsubscribe at any time.
Send a message to Isiphethu Samaciko News:
Dumezweni films and custing agency
Esikhawini