Izindaba ku163

Izindaba ku163 Bukela izindaba zethu ku Mzansi Wethu Channel 163 ngo 19:00
(2)

13/01/2025

Umhlahlo wesimo sezulu.

13/01/2025

Uyaqhubeka umbango wesihlalo sobukhosi esizweni saBalobedu nakuba uMengameli Cyril Ramaphosa amemezela umntwana uMasala-bando Modjadji njenge Ndlovukazi okumele ithathe isihlalo ngo Zibandlela nyakenye.

13/01/2025

Isifundazwe i Kwazulu-Natal yisona esibaqwaqwade emakhanda ngemphumela ka Matric yabafundi abaphumelele nge Bachelor ezifundweni zabo , silandelwa yi Gauteng , kugcine i Eastern Cape.

13/01/2025

NgoMsombuluko ozayo, inkantolo enkulu Emgungundlovu izolalela isicelo esiphuthumayo esifakwe ngomunye woNdlunkulu beNgonyama uMisuzulu ka Zwelithini sokuzama ukuvimba umgcagco wakhe nenye ingoduso. Ngesonto eledlule iNgonyama imemezele ukuthi izogcagcelwa nguNomzamo Myeni ngasekupheleni kwephezulu. Kepha omunye uNdlunkulu we Silo uthi akuzange kuxhunyanwe naye ngakho ke Ingonyama ngeke igcagcelwe omunye uNdlunkulu bebe beshade umshado ohlanganisa amafa.

IMIPHUMELA KA MATRIC 2024 NGOKWEZIFUNDAZWE1. Free State. - 91%2. KZN - 89.5%3. GAUTENG - 88.4%4. NORTH WEST - 87.4%5. W...
13/01/2025

IMIPHUMELA KA MATRIC 2024 NGOKWEZIFUNDAZWE

1. Free State. - 91%
2. KZN - 89.5%
3. GAUTENG - 88.4%
4. NORTH WEST - 87.4%
5. WESTERN CAPE - 86.6%
6. LIMPOPO - 85.1%
7. MP - 84.9%
8. EASTERN CAPE - 84.9%
9. NORTHERN CAPE - 84.2%

13/01/2025

Luqalile namhlanje ukusebenza uhlelo lokutakula abantu emayini i Stilfontein nolwenziwa yithimba longoti elijutshwe ngu Hulumeni. Osukwini lokuqala nje, bayishumi nane ozamazama abakhishwe besaphila, ababili babo bebegula kakhulu kanti abahlanu bakhishwe sebeshonile.

13/01/2025

Kube nombhikisho buthule khathi ungqongqoshe wemfundo eyisisekelo ememezela imiphumela ka Matric e Gauteng. Ababhikishi bakhala ngoku xoshwa kothisha.

13/01/2025

Izakhamuzi zase Newcastle naseNseleni enyakatho yesifundazwe iKwaZulu Natal zizama ukuhlenga impahla yazo kulandela imvula enamandla ehlasele kulezindawo.

13/01/2025

UNgqongqoshe wemfundo eyisisekelo uSiviwe Gwarube uthi uphiko lwama Hawks luphenya izinsolo zokuputshuka kwemiphumela kaMatikuletsheni ebidayisa ku Internet ngekhulu lamarandi izolo. Lokhu kulandela ukusabalala kwesikhangiso ezinkundleni zokuxhumana ebesidayisa lemiphumela ngaphansi kwenkampani i Edu Marks. UGwarube ukusho lokhu ngesikhathi esingethe isidlo sasekuseni sokuhalalisela abafundi bakaMatric ka 2024 abenze kahle ngokwemiphumela.

13/01/2025

Isifundazwe i Kwazulu Natal yisona esibaqwaqwade emakhanda ngemphumela ka Matric yabafundi abaphumelele nge Bachelor ezifundweni zabo , silandelwa yi Gauteng kugcine i Eastern Cape. Lokhu kumenyezwe ku Ngqongqoshe wezemfundo u Siviwe Gwarube namhlanje.

13/01/2025

Imvula enamandla ishiye umonakalo ezingxenyeni zesifundazwe i KwaZulu-Natal okukhona kuzo i Richards Bay, Newcastle nase Vryheid.

13/01/2025

Izifundazwe i KwaZulu-Natal ne Mpumalanga zihambe phambili ngezibalo zabakopelile ephepheni lika Matric 2024. Ibhodi eliqapha izivivinyo uMalusi lithi likhathazekile ngalokhu.

13/01/2025

Izakhamuzi zaseNseleni enyakatho ye KwaZulu Natal zicela usizo kulandela ukuhlasela kwemvula enamandla eholele ekutheni kudilike izindlu zazo.

13/01/2025

Umonakalo oshiywe izikhukhula ENseleni enyakatho ye KwaZulu Natal.

12/01/2025

Ilungu lomphakathi wase Stilfontein e North West selizinikele ekutheni liye phansi emgodini wemayini i Bufelsfontein liyokhipha izidumbu zozamazama kanye nalabo abasesele emgodini. Lelilungu lomphakathi lithi lixoxisane nethimba elijutshelwe ukutakula abantu kulemayini bavumelana ngalokhu.

12/01/2025

Kuvalwe ngehlahla emndeni wakwa Sigubudu eNquthu kulandela ukushona komama ubaba nezingane zabo engozini eyenzeka e Van Reenen Pass emgwaqeni u N3 ngobusuku bangolwesibili olwedlule.

12/01/2025

Kuhlasele izimvula kuleli nje, e-Melika balwa nemililo yequbula. Kubikwa ukuthi bayishumi nesithupha abantu abashonile e Carlifonia, kulandela imililo yequbula kanti bayishumi nantathu abalahlekile.

Address

271 Oak Avenue
Randburg
1724

Telephone

+27716702548

Website

Alerts

Be the first to know and let us send you an email when Izindaba ku163 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Izindaba ku163:

Videos

Usheshe wafika u Khisimuzi kuzakhamuzi esezikhulile e Dududu KwaZulu Natal kulandela izipho zezijumbane zokudla eziphuma enhlanganweni i Sandile Phakathi Foundation. #izindabaku163 #NewsOnWethu

Umhlahlo wesimo sezulu. #izindabaku163 #NewsOnWethu

Iphini lika ngqongqoshe wezokuthutha uMkhuleko Hlengwa selinxuse abantu ukuthi bethobele imithetho yemigwaqo. Lokhu kuza emva kokuba lomnyango udalule ukuthi isibalo sabantu abashone ezingozini zomgwaqo selokhu kuqale uZibandlela senyuke ngamaphesenti amathathu uma kuqhathaniswa nesangonyaka odlule. #izindabaku163 #NewsOnWethu

Ulindeleke ukuba wande umthamo wezimoto emgwaqeni omkhulu uN3 obheke KwaZulu-Natal kulempelasonto njengoba abantu abaningi abayochitha amaholide belibhekise kulesifundazwe. Abashayeli bezimoto banxuswe ukuthi baqaphele emgwaqeni. #izindabaku163 #NewsOnWethu

Ungqongqoshe wamaphoyisa uSenzo Mchunu kanye nezikhulu zalomnyango zihole umkhankaso wezokuphepha eBelhar eWestern Cape namhlanje. Lokhu kuyingxenye yemizamo yokuqinisa ezokuphepha kulelizwe ngalesikhathi samaholide. #izindabaku163 #NewsOnWethu

Udlame olweyamene nobulili eNingizimu Africa luyaqhubeka nokuba yinhlekelele ebhekene nezwe. Izikhungo ezibhacisa izisulu zaloludlame ezifana ne Bet Sheekoom eGqeberha eEastern Cape zisengcupheni yokuvalwa ngenxa yokungatholi uxhaso lwezimali olwanele kuhumeni. #izindabaku163 #NewsOnWethu

Iqembu i DA belingahambisani nezigatshana ezimbili ze BELA Bill ebekusaboniswana ngazo. Kepha manje ibukeka ngathi igobe uphondo. #izindabaku163 #NewsOnWethu

UMengameli Cyril Ramaphosa useyalele ungqongqoshe wezemfundo eyisisekelo uSiviwe Gwarube ukuthi agunyaze ukusebenza komthetho omusha othinta ukusebenza komnyango wezemfundo iBella Act. #izindabaku163 #NewsOnWethu

Amaphoyisa ase Mkhomazi ogwini oluse Ningizimu ye KwaZulu Natal aphenya amacala amabili okubulala kulandela ukuthi owesilisa oneminyaka engamashumi amabili nane ebulale intombi yakhe eneminyaka engamashumi amabili nambili kanye nengane yabo eneminyaka emithathu ngaphambi kokuthi azibulale eMgababa. Izidumbu zabo zitholakale endlini abebehlala kuyo ekuseni namhlanje. #izindabaku163 #NewsOnWethu

Amaphoyisa asemgwaqeni ukuqinisekisa ukuthi akekho ophula umthetho emgwaqeni kulamaholide asehlobo njengoba nomthamo wezimoto ubonakala wenyuka emgwaqeni. #izindabaku163 #NewsOnWethu

Asikaziwa isizathu esiholele ekutheni owesilisa oneminyaka engamashumi amabili nane (24) abulale owesifazane abethandana naye obeneminyaka engamashumi amabili nambili (22) kanye nengane yabo eneminyaka emithathu (3). Izidumbu sowesifazane nesengane zitholakale namhlanje ekuseni kulendlu zinamanxeba okugwazwa kanti owesilisa utholakale elenga entanjeni abezikhunge ngayo. #izindabaku163 #NewsOnWethu

Usashaqekile umndeni wowesilisa wase Mgababa ogwini oluseNingizimu ye KwaZulu Natal emva kokuba ebulale owesifazane obethandana naye kanye nengane yabo naye wase ezikhunga. #izindabaku163 #NewsOnWethu

Shortcuts

Share

Category