Umculi u Chicco Twala uthi ugeza izandla ngamadodana akhe u Longwe no Sello, Uthi ubuye phesheya sekukhala ibhungane endlini entshontshe yonke into. Laba bazovela enkantolo namhlanje ngecala lokweba njengoba uyise ethathe isinqumo sokuthi ababizele amaphoyisa #izindabazethu
Avele enkantolo amadodana womculi u Chicco Twala amabili uSello no Longwe ngecala lokweba impahla kababa wabo yasendlini ebalelwa ku R300 000 . UChicco Twala okunguyena obophise lamadodana akhe izolo ukuphikile ukuthi u Longwe uyabandakanyeka ecaleni lokubulawa kuka Senzo Meyiwa, uthi ukube kunjalo ngabe kade wambophisa.. #izindabazethu
Kushone abayisithupha
Kufe abasolwa abayisithupha khathi betholene phezulu ngezulu lezandla namaphoyisa esakhiweni esise South Beach e Thekwini izolo ebusuku. Abasolwa bebefuneka ngoxhaxha lwamacala okubulala nokuphanga e Mariannhill na KwaNdengezi. U Khomishana wamaphoyisa KwaZulu-Natal u LT Gen Nhlanhla Mkhwanazi uyachaza. #newsonwethu #izindabaku163
Umhlahlo wesimo sezulu. #izindabaku163 #NewsOnWethu
Ikhuz'ibuya imidlalo yokwakha ubumbano ezikhungweni zemfundo ephakeme ebizwa nge Intervasity Sport Day ebisingethwe inyuvesi yas'Ongoye. #izindabaku163 #NewsOnWethu
Inhlangano yezinkampani ezizimele zokuqopha umculo i Association of Independent Record Companies of South Africa ithi ilahlekelwe kakhulu ngumuntu obeyizwi nethemba lamaciko akulelizwe kulandela ukushona kwembongi u Dr Bishop Jessica Mbangeni. U Mbangeni ushonele esibhedlela i Hellen Joseph eGoli emva kokugula isikhashana, ubeseneminyaka engu 47. #izindabaku163 #NewsOnWethu
Owengamele ezokubusa ngokubambisana nezindaba zomdabu KwaZulu Natal uMfundisi Thulasizwe Buthelezi ukhuthaze umphakathi wase Macambini eDokodweni eGingindlovu, KwaZulu Natal ukuba ungayeki ukuvikela abesifazane njengoba inyanga yabo isiphelile nje. #izindabaku163 #NewsOnWethu
Ifuna ubulungiswa imndeni yezithandani zabomphakathi othandana ube unobulili obufanayo i LGBTQI plus ezibulawe eMgungundlovu eNyakatho yeKwazulu Natal ngoLwesibili. Kusolakala ukuthi uNombuleko Bhixa kanye no Minenhle Ngcobo badutshulwe ngowesilisa owayethandana nomunye wabo. #izindabaku163 #NewsOnWethu
NgoMgqibelo bekuhlangana unyaka selokhu kwasha isakhiwo Usindiso eMarshalltown eGoli kwashona abantu abangamashumi ayisikhombisa nesithupha. Esinye isisulu esalahlekelwa unkosikazi kanye nengane yaso eyabe inezinyanga eziyishumi nesithupha izelwe sithi asikutholi ukuphumula njengoba kuze kube manje asikasitholi isidumbu sengane yaso. #izindabaku163 #NewsOnWethu
Umndeni kaThishanhloko oneminyaka engu 55 ubudala wesikole iZakhele Senior Primary School kwaBhaca eEastern Cape uthi usashaqekile ngokushona kuka Mpakamiso Nciweni. Lothishanhloko wadutshulwa phambi kwabafundi, othisha kanye nezisebenzi zakulesikole ngoLwesithathu olwedlule. #izindabaku163 #NewsOnWethu
Bangamashumi amabili nanye abantu abashonile KwaZulu Natal ezingozini ezintathu ezenzeke kulesiyasifundazwe ngempelasonto. Kwenye yalezingozi kudlule abantu abayishumi nambili. Owengamele ezekuthutha esifundazweni uSiboniso Duma ubambe isithangami nabezindaba eThekwini namhlanje mayelana nezinhlelo zokungenelela ekunqandeni izingozi zomgwaqo esifundazweni. #izindabaku163 #NewsOnWethu
Kuqalile namhlanje ukulalelwa kwecala elibhekene noMfundisi Paseka " Mboro" Motsoeneng enkantolo yemantshi yase Palm Ridge. UMboro uthi uboshelwa amanqina enyathi ngoba nakhu edumile ezweni. #izindabazethu
Kudutshulwe kwabulawa uthishanhloko wesikole i Zakhele Primary kwaBhaca e Eastern Cape. Kubikwa ukuthi umsolwa ubefuna ukukhokhelwa imali yokuthi avikele uthishomkhulu , walile uthishomkhulu ukukhipha lemali bamdubula washona. #izindabazethu
UMengameli uCyril Ramaphosa uhola ithimba longqongqoshe noNdunankulu elihambele eChina ukuyoqinisa ubudlelwano bokusebenzisana phakathi kweNingizimu Africa kanye neChina. #izindabaku163 #NewsOnWethu
Owengamele umnyango wezokuThutha KwaZulu-Natal u Siboniso Duma uthi bathumele amathimba azovakashela imindeni ethintekile kulandela izingozi ezenzeke esifundazweni ngempelasonto lapho kushone khona abantu abangu 21 . #izindabaku163 #NewsOnWethu
Ihlambo
Uyaqhubeka umcimbi wehlambo lebutho lesizwe saKwa Buthelezi e Mahlabathini kulandela ukukhothama kweNkosi u Mangosuthu Buthelezi nyakenye. #izindabaku163 #NewsOnWethu
Umhlahlo wesimo sezulu. #izindabaku163 #NewsOnWethu
Ahoxile Amazulu emidlalweni yendebe yokuhlonipha umsunguli weqembu i IFP i Prince Mangosuthu Legacy Cup. Lemidlalo ibandakanya amaqembu amathathu aKwaZulu Natal nelinye lase Swatini. Nakulokhu bamenyiwe omakadebona beqembu iKaizer Chiefs. #izindabaku163 #NewsOnWethu
UNobhala weANC KwaZulu-Natal uBheki Mtolo uthi ubuqembuqembu bangaphakathi kuKhongolose kuholele ekutheni amagatsha eqembu abentekenteke esifundazweni nokunciphise ukwesekwa kweqembu. Ubekhuluma esithangamini sabezindaba mayelana nezinhlelo zeqembu zokulawulwa kwesifundazwe eThekwini namhlanje. #izindabaku163 #NewsOnWethu
Amakhosi anxusa uhulumeni ubhekane ngokushesha nenhlupheko yabantu abahlala ezindaweni zasemakhaya. Abaholi bendabuko bebenomhlangano nongqongqoshe wezokubusa ngokubambisana nezindaba zomdabu uVelenkosini Hlabisa ePitoli namhlanje. #izindabaku163 #NewsOnWethu