Cyril Ramaphosa
UMengameli u Cyril Ramaphosa uthi uphenyo oselwenziwe aluvezi ukuthi bekuyinhloso ukudlisa izingane ama snacks anoshevu. Lokhu kulandela izigameko ezehlukene esezibikiwe neseziholele ekutheni ezinye izingane zigule zize zishone. Umengameli uyalelw ukuvalwa kwamathilomu athinteka kulezigameko kubhaliswe namanye.
#izindabaku163 #NewsOnWethu
Amathilomu
UMengameli u Cyril Ramaphosa uthi amathilomu azobe engakabhaliswa emva kwezinsuku ezingamashumi amabili nanye azovalwa. Uphinde wathi amaphoyisa kanye nezinye izinhlaka zezomthetho bazobopha baphinde beshushise labo abaphula lo mthetho. #izindabaku163 #NewsOnWethu
Umhlahlo wesimo sezulu. #izindabaku163 #NewsOnWethu
Izakhamuzi zasemijondolo yase Phumla Mqashi e Lenasia eNingizimu yeGoli zizwakalise ukukhathazeka ngenselele yamanzi. Zinxuse iziphathimandla ukuthi zingenelele ngokushesha ukuxazulula lenkinga ngaphambi kokuqala kwama holide. #izindabaku163 #NewsOnWethu
Umphakathi waseMgababa eningizimu yeTheku unike abanikazi bamathilomu abangabokufika kuleli isonto ukuthi bavale izitolo zabo. Namhlanje lomphakathi ububambe umhlangano nabanikazi balamathilomu bebonisana ngezigameko zokudla okunoshevu osekuholele ekungenisweni esibhedlela kwezinye izakhamizi. Umphakathi ufuna kwande ukugaselwa kungazelele muntu kulamathilomu ukuhlola ukulandelwa kwemithethio. Ufuna nokuthi abanikazi baphumele obala ngokuthi ukudla abakudayisayo bakuthathaphi. #izindabaku163 #NewsOnWethu
UMengameli Cyril Ramaphosa uzokwethula inkulumo ayibhekise ezweni mayelana nokuphepha kokudla ngokugamanxa kwalelihora khona kusihlwa nje. Lokhu kulandela izigameko eziningi zokugula nokushona kwezingane okusolwa kukho ukudla okunoshevu. #izindabaku163 #NewsOnWethu
Iziphathimandla zeminyango ehlukene kumasipala i-King Sabata Dalindyebo eMthatha e-Eastern Cape zivale amathilomu amahlanu e-Norwood emva kokutholakala ukuthi awayilandeli imithetho kamasipala. #izindabaku163 #NewsOnWethu
UNgqongqoshe wamaphoyisa u Senzo Mchunu ehambisana nomnyango wezokuvikela namhlanje bahambele emayini i Stilfontein e North West ukuyohlola inqubekela phambili ngomkhankaso wokulwa nokumbiwa kwegolide ngokungemthetho i Operation Vala Umgodi. Emgodini wemayini engasebenzi i Stilfontein, kusolakala ukuthi kuvaleleke abamba igolide ngokungemthetho abangaphezu kwezinkulungwane ezine. Sekuyophela isonto manje kwasabalala izindaba zokuthi kunabantu abavaleleke emathunjini omhlaba kuleyamayini. Umphakathi nezihlobo banxusa uHulumeni ukuba usize lababantu ukuthi baphume. #izindabaku163 #NewsOnWethu
Inkantolo yemantshi yase Blue Downs e Kapa ilihlehlisele umsombuluko icala labokufika abayisithupha abasolwa ngokukhiqiza ukudla endaweni engcolile ababhadanywe bekhiqiza amasoseji ngokudla kwezinja eMfuleni eWestern Cape. Abasolwa badabuka eMalawi nase Somalia. #izindabaku163 #NewsOnWethu
Abokufika abayisithupha abadabuka e Somalia nase Malawi bavele enkantolo yeMantshi yase Blue Downs ngaphandle kwase Kapa namhlanje. Laba abahlanu baboshwe ngo Lwesithathu ngecala lokukhiqiza ukudla bengangenawo amaphepha abagunyazayo. Amaphoyisa abhadama abasolwa bekhiqiza ukudla endaweni engcolile futhi besebenzisa ukudla kwezinja i-bone meal ukukhiqiza amasoseji (sausages). #izindabaku163 #NewsOnWethu
Abokufika kulelilizwe abahlanu kulindeleke ukuthi bavele enkantolo yeMantshi yase Blue Downs ngaphandle kwase Kapa namhlanje. Laba abahlanu baboshwe ngo Lwesithathu ngecala lokukhiqiza ukudla bengangenawo amaphepha abagunyazayo. Amaphoyisa abhadama abasolwa bekhiqiza ukudla endaweni engcolile futhi besebenzisa ukudla kwezinja i-bone meal ukukhiqiza amasoseji (sausages). #izindabaku163 #NewsOnWethu
Iziphathimandla zeminyango ehlukene ngaphansi komasipala iKing Sabata Dalindyebo e-Eastern Cape ziqhuba umkhankaso wokuhlola amathilomu ase Mthatha. Lomkhankaso ulandela imibiko ethi izakhamuzi zaselokishini lase Ngangelizwe bezidayiselwa ukudla osekuphelelwe isikhathi. #izindabaku163 #NewsOnWethu
