Ndi yone mini yeneyi

Home
South Africa
Polokwane
Ndi yone mini yeneyi

Heino ndi nganeathevhekani ya duvha linwe na linwe u bva Musumbuluwo u swika Lavhutanu.
(10)

Kotara u bva kha awara ya u thoma masiari na ndovhololo ya tshipida nga madekwana nga minete ya rathi u bva kha awara ya tahe Ndi nganeathevhekani I tanaho vhutshilo ha duvha linwe na linwe kha vha mirole yothe, matshilele, vhurereli, ndavhuko, pfunzo, mutakalo na polotiki. Nganeathevhekani iyi I fhufhuma nga vhukoni ha vhabveledzi, Muhulwane wa vhubveledzi Mulalo Ramarumo, mubveledzi Madala Masha

mba, kha sia la thekhinikhi hu na Ambroise Ranwashe na Busisiwe Gala. Nganeathevhekani yo tikwa nga vhanwali dzitha, vha tshinnani vhararu na vha tshifumakadzini vhararu. Vha tshinnani Madidimalo Edward Kutama, Ntodeni Maposa na Domina Napoleon Munzhelele. Vha tshifumakadzini ndi Azwinndini Shirley Mudau, Ndikandafhi Suzan Ravuku na Tshifhiwa Dorothy Mamelasigidi.

05/12/2024

Memorial Service wa Mr Brilliance Ndivhuwo Munyai …”Lufhaho” kha Ndi yone mini yeneyi, Muya wawe u adele nga mulalo.

29/11/2024

Thekhisi yo hwala zwibobolibo, zwikondo zwo dunulelwa nnḓa, thavha dza vhalaudzi dzi khou dzinginyiswa sa jelly na custard, zwo ambarwaho? Zwo nwiwaho? Zwo fembedzwaho? Ndi tshipiḓa tsha gidimbili ambili fuṱahe.

28/11/2024

Vhana vha fhedza u ṅwala a vha tshee vhana vha tshikolo? Nga vha pfe ndelelo nga vhana vha tshikolo musi vho no fhedza u ṅwala, vha vho ḓihangwa uri uri u fhedza u ṅwala a zwi ambi u hulela vhadededzi. Ndi tshipiḓa tsha gidimbili ḓambili fumalo ṱahe.

27/11/2024

Pens Down, ndi luambo lu ḓihwaho nga vhana vha tshikolo lu re milomoni ya vhoṱhe heino vhege. Iyi ndi inwe ya pfanelo dza vhana vha tshikolo. Ndi tshipiḓa tsha gidimbili ḓambili fumalo malo.

26/11/2024

Instagram I khou ṱana mafhungo, sa izwi maṱo a sa swielelwi, Gulokulo vho fhenḓa Instagram, ya vha ṱolela hune Mosima vha vha hone, he vha ya vha songo onesa. Nga vha pfe phiriphiri I tshi ṋuṋedzwa kha tshilonda munna a tzhema mutzhemo u fhiraho na wa nguluvhe I tshi khou shidzhiwa. Ndi tshipiḓa tsha gidimbili ḓambili fumalo sumbe.

25/11/2024

Mosima vha Durban, hodelani ya maimo, Boy Ten u ri maudu a khovhe ndi vhana vhayo, a kandaho mme awe o kanda Boy Ten. Nga vha ṱanganyise nthihi na nthihi dzi ḓo vha nea mbili, fhedzi kha heḽi ḽa Boy Ten, mme awe na u ngalangala ha tshelede, zwi tshi ṱanganyiswa phindulo ndi fumi-mthihi. Ndi tshipiḓa tsha gidimbili ḓambili fumalo rathi.

22/11/2024

Muthuḓe u khou dzhena nga mufhululu a tshi fhululedza khotsi. A si zwa tshiseo bunyu itsho? Nga vha pfe mukalaha a tshi akhamala mulomo wa guma nga nḓevhe. Ndi tshipiḓa tsha gidi dambili fumalo thaṋu.

21/11/2024

“Nṋe ndo tou ni lela’ni tshanu, ndi ni koloda vhugai ndi ni lifhele….”Heyi miṅwedzi ya Lara na Nyendavhusiku, maipfi hayo a ela na mulomoni wa vhoṱhe vhanna na vhafumakadzi, nga vha pfe tandalatandala I tshi tandalala munna a songo tandavhala. Ndi tshipiḓa tsha gidi mbili ḓambili fumalo ina.

20/11/2024

Muḓivhalea o ḓisedzwa ṅwana ofisini, vothi ḽi a valwa, munna u tanda tsinga na dza maṱo, biko ḽa elela ḽi tsh tshimbila na mutzhilitzhili. Ndi tshipiḓa tsha gidi mbili ḓambili fumalo raru.

19/11/2024

Tshiṅwe tshifhinga u tshi ri ndi a thusa ndi u tshinya . Nga vha pfe u pombolowa ha dandetande ḽa u tswiwa ha tshelede, munna na mufumakadzi vha tshi ri vha a tandulula ha vha u ḓitandedza nga nga vhulidzhi. Ndi tshipiḓa tsha gidi mbili ḓambili fumalo mbili.

18/11/2024

Nyendavhusiku I ḓa na u ngalangala ha tshelede. Zwiṱokofele na kilaba, dza vhanna na vhafumakadzi. Hu khou ngalangala tshelede ya tshikolo, I tshi ngalangadzwa nga ṱhoho ya tshikolo na mudedekadzi, muthu wawe, I tshi ngalangadzw nga ….. Ndi tshipiḓa tsha gidimbili ḓambili fumalo nthihi.

04/10/2024

Nga vha pfe uri kha fhafhu hu itea mini musi nyaope na crystal zwi tshi ita mushumo kha fhafhu ḽa muthu, zwa amba mini nga mubebi we miṅwedzi ya ṱahe a tenengedza a sa ḓivhi uri o tengenedza khwara. Ndi tshipiḓa tsha gidi mbili ḓambili fuṱhanu.

03/10/2024

Vha a dzhena wadini ya vha muhumbulo vhe si mulwadze wa muhumbulo, vha dzheniswa ngeḓane zwanḓani na milenzheni vhe si tshigevhenga, nga vha ḓikande nga nḓivho I pfukhiselwaho kha vhone nga mahala. Ndi tshipiḓa tsha gidi mbili ḓambili fuina ṱahe.

02/10/2024

U beba ndi u bva muya, vhavenḓa vha tshi sala vha tshi ḓa na ḽiambele iḽi, vho vha vho vhona mini? Nga vha ḓikande nga bono ḽli tutuswaho nga Thendokhae, zwa dzhenisa tshipengo kha mme vhe si natsho. Ndi tshipiḓa tsha gidimbili ḓambili fuina malo.

23/09/2024

Hu na a no khou swikisa fhungo kha Mosima uri Gulokulo vha na lufhera ha Phillemon, hu nga vha hu nnyi? Nga vha pfe buse ḽi tshi duba, ha ṱangana zwinaḓa nga miṅwenda, ngeno wa ndebvu a tshi ri onoyo a kundaho, ndi ṱuwa nae. Ndi Tshipiḓa tsha gidi dambili fuina nthihi.

20/09/2024

Ruvhuruvhu ḽa phalamenndeni ḽi tshi dzhena kerekeni ḽi na muṋo waḽo, fhedzi musi muṋo wa hone u tshi shelwa nga Muthuḓe, vhulaḓa ha hone a vhu na mukano. Ndi Yone Mini Yeneyi? Tshipiḓa tsha gidimbili dambili furaru ṱhanu.

19/09/2024

Mindandane ya maine I a fhiriṱanya tsheo dza mutshutshisi na madzhisiṱira? Nga vha ḓikande nga bembela ḽi vuswaho nga Tsembetsembe na Boy Ten, Mosima na Magezi. O swikelelaho gundo henefho ndi nnyi? Ndi tshipiḓa tsha gidimbili ḓambili furaru ṱahe.

Address

19 Hospital Street
Polokwane

Website

http://www.phalaphalafm.co.za/

Alerts

Be the first to know and let us send you an email when Ndi yone mini yeneyi posts news and promotions. Your email address will not be used for any other purpose, and you can unsubscribe at any time.