https://www.facebook.com/105448298966898/

MAbhodla media news, R22, KwaNdengezi (2024)

02/08/2024

Shout out to my newest followers! Excited to have you onboard! Mabhanyaza Mgazi Ntshangase Ntshangase, Lihle Mthunzi, Patricia Mgqadi

19/08/2023

APHENDUKE INHLEKISA AMPHEPHANDABA ASEMBAZWANE EBIKA NGE AK HARDWARE

Bawaphendule ihlaya amaphephandaba aseMbazwane ebika ngesitolo esikhulu I AK hardware ethi uyavalwa soze yavulwa...abantu babhale ekhasini imbazwane update bawayoca bethi awuhubhu kabhejane..lamaphepha amabili ( amagama siwagodlile) aze abhale loludaba nje ,izolo lithe lishona ilanga kwagasela amadoda abehlome nezinhlokohlela zezibhamu kulesitolo.Lamadoda abehlomile akwaziwa noma angamaphoyisa noma aluhloboluni lwabantu.Lamaphephendaba athe angabona lamadoda abehlomile agijima abikela abantu ukuthi siyavalwa isitolo sezinto sokwakha.Amemezele ukuthi abaphuthume abantu bayathenga kwezinye izitolo ngoba lesi kuphelile ngaso.

Asweele nomgodi wokucasha ekuseni sivulwa lesitolo njengoba sisebenza njengokwejwayelekile.Leliphephandaba lifonele imithombo engabahlobo baleliphephandaba lemithombo isebenza kuso lesitolo ivele yaphela insini yathi "siyasebenza isitolo akukho konke lokho"

07/07/2023

LIYAVULWA IBANDLA

18/06/2023

How To Apply For Coca-Cola Fridge

First you'll need to open an account with ABI "Coke" they have have a credit accounts for their clients. From there they'll give you a local sales representative who will be dealing with your orders.

However, for Coca-Cola company to borrow you their fridge, it will depends on your order size (number of cases ordered). They can either borrow a small or big fridge. You don't choose which fridge you want.

Like any business, their fridge it comes with strictly terms and conditions. You must only sell their products out of that fridge or else they will take it if they find other products that are not from Coca-Cola brands.

Advantage of using Coca-Cola fridge is that they service it for free in case it get broken or run out of gas.

01/05/2023

KUSHAQISE ABANINGI UKUDLULA EMHLABENI KUKASOMABHIZINISI WODUMO U AK

Zisamangele izakhamuzi zakwaHlabuyalingana ngokudlula emhlabeni kukasomabhizinisi wokufika odume ngo AK onoxhaxha lwamabhizinisi.Losomabhizinisi lishone elayizolo sezisabalele izindaba zokudlula kwakhe emhlabeni.Emasontweni adlule kwashaqisa abaningi ukuzwakala kwezindaba zokuthi ihard ware ingase idayiselwe omunye umuntu...isizathu zokushona kwakhe esaziwa...

15/04/2023

IPHUNYUKE YABALEKA INDODA ENGUMDLWENGULI SEBEYIBAMBILE EMAHLAKWE

Ngemva kokushicilela kwephephandaba labantu iMabhodla media news umphakathi waseNqatheni naseMahlakwe uzame ukuyibamba indoda okuthiwa ihlalise umphakathi lubhojozi,ngebhadi kuthiwa iphunyule yabaleka.Lendoda kubikwa ukuthi isuka endaweni yaseJozini oselalisa abantu basemahlakwe (Nqatheni,sganyanini,ndongeni etc) bengalele ngenxa yokwesaba novalo.kuthiwa lo wesilisa usezame kaningi ukudlwengula abesigazane kuleyandawo kodwa ngenhlanhla uyehluleka.

Iphephandaba lethu lihambele leyandawo lathola amalungu omphakathi edingida lona loludaba,owesilisa ongathandanga ukudalulwa uthe lomunty osephilisa ikakhulukazi abesifazane kabuhlungu uke wazama ukudlwengula omunye ucc khona lapha endaweni kodwa ngamandla kaNkulunkulu uhlulekile noma egcine ngokumlimaza kabi ekhanda,kuthe kusenjalo ubesexosha ngommbese intombazanyana khona endaweni ithunywe etuck shop nakho yabaleka yangena kwamakhelwane, akagcinanga lapho kuthangi ntambama ube esebonakala ecathama komunye umuzi khona lapha enqatheni okuyila usisi wakulowo muzi ehlabe khona umkhosi

Bazamile obaba nabafana bendawo ukumxosha kodwa lomalugaju ukhe phansi ngejubane wena owabona inyamazane ihujwa yizinja,akekho umuntu obaleka njengalendoda ikushiya ngathi umile..akakhethi bulili uma ungowesilisa ukushaya ngesagila ukhalakathele le uzovuka ungazi nokuthi lidume labhekaphi uma ungowesifazane uyakudlwengula

Manje kuxwayisa wonke umuntu ongambona abikele isikebhe ngoba uyingozi lomuntu emphakathini

Ungubhuti onedread ekhanda,unokugqoka ujazi omude ongathi unavy noma ijacket ye camaflash,unengozi ebsweni....niphephe nonke

31/03/2023

Asamukeli bonke abasanda kusijoyina kulombutho wezindaba ezingashayi eceleni....siyanamukela nonke...sisazoqhubeka nokunilethela izindaba zakwaMhlabuyalingana nangaphandle kuze kufike kwezinye izifundazwe.Wena nje share our page and encourage your frnds to do the same😍

29/03/2023

ANGASE ABE SOBISHINI OMUNYE FUTHI UMFUNDISI WASEMSELENI

Uyavungama umphakathi wakwaMboma eMadramini ngoMfundisi odume ngokuphulukisa abagulayo baphile qingqo,lenceku umphakathi ukhala ngayo ukuthi noma kushoniwe komakhelwane ikhalisa izinsimbi ayiyingeni eyokuhlonipha isifo.Leliphephandaba labantu lizame lehluleka ukuthola loMfundisi okhonzisela emzini wakhe kwazise kuthiwa phakathi neviki uyasebenza...

16/03/2023

UTHISHOMKHULU USHAYE INGANE WAYIGQEMA INGOZI

Akazi kumele enzenjani umzali wengane yomfana eshaywe uthishomkhulu wesifazane wayigqema ingozi,lengane ifunda eskoleni iMbalenhle primary ethekwini.Akwaziwa ukuthi beyoneni ingane ize igqenywe ingozi.Lomzali ubhale kufacebok ecela imibono kwazise ingane ivuvukele ikhanda sengathi bishaywa ngento esindayo nasezingalweni ibomvu imivimbo.Unnyango wezemfundo wayivala induku ngo1995 kuyamangaza ukuthi kusekhona izikole ezibhaxabula abafundi ngalendlela.Siyiphephandaba iMabhodla media news sizoluthathela phezulu loludaba aze ajeze lothishanhloko ogangayo nohlukumeze ingane.

14/03/2023

USABISA NGOKUNQAMULA IZINTAMBO ZIKAGESI UESKOM EMSELENI

Inkampani ephakela ugesi eNingizimu Afrika ithembisa ukuthi yonke imizi erobhe ugesi izonqamula izintambo ingakapheli inyanga kaMarch,leliphephanda belishayela lenkampani mayelana nokuhlupha kukagesi eMseleni njengoba uyaye uhambe ilanga lonke ungekho.Lenkampani iphendule ngokuthi ugesi uhlupha eMseleni ngoba imizi eminingi iwubhubhudla mahhala ugesi lokhu kwenza uhluphe kwazise abanye kukhulu ukuphazamiseka okubakhona uma ukokotelwa.Lenkampani isabise ngokuthi bazoyihamba yonke imizi yaseMseleni bahluthule izintambo kuyo yonke imizi.Iqhuba lenkampani ithi imizi ekhokhela ugesi imbalwa iningi liwudla mahhala.

04/03/2023

KONAKELE EZIMBUZINI KUGASELA AMASOSHA NAMAPHOYISA ESTOLO

Kutheleke abombutho wezempi waseNingizimu Afrika uhambisana namaphoyisa manje eZimbuzini,bangene basesha bonke abebekhona esestolo babutha notshwala savalwa thaqa isitolo.Basale bethukile abomphakathi bengazi kwenzakalani.Amasosha namaphoyisa bebengahleki bephethe nezinhlokohlela zezibhamu.
Amaphoyisa ake afika ngolwesine ntambama njengoba esebuya namasosha.Abelokhu ememeza amaphoyisa ethi umphakathi uyakhala ngalesitolo ukuthi nidayisa utshwala ngokungemthetho.Kube nesixakaxaka kufika umnikazi wesitolo kuphanjanwa ngenkulumo.izintatheli zaleliphephandaba bezikhona zazibonela konke one kwenzeke.Sibe sesibuza kumalunga omphakathi abemi akhe umkhanya ukuthi kwenzakalani achaza ukuthi lestolo sokudla sidayisa utshwala ngkungekho emthethweni.Amaphoyisa ashaqe bonke utshwala abuthole emafrijini abahlawulisa nemali esingaziwa inamba sawo...AMASOSHA ashayise izinsizwa ezithile amapush up ezinye bezidelela azihubha zagcwala amahlathi....okunye amaphoyisa alunywe indlebe ukuthi izinsizwa eziphuza kuverandi ziphatha izibhamu.Ezinsukwini zike zathusana kanzima nesikebhe zitholana kwishelter....

02/03/2023

IFORUM YASEMSELENI IBHAXABULE ISANGOMA ESIGANGA NGABAFANA...

Sibhaxabulwe ngenduku sanaba isangoma saseMseleni eZimbuzini esizivumele ngokwaso ukuthi samunca isitho sangasese somfana.Silandwe iforum ebusuku sayophoswa imibuzo esheshayo eZimbuzini.Sikhulume sahlanza lonke iqiniso phambi kwenduna nomphakathi obuphume ngezinkani ungafle nkobe namuntu.Kube usizi lodwa umama wesangoma ekhala ebalisa sibhaxabulwa ngenduku.Kusale kancane naye umama waso athelwe induku njengoba abanye bebethi akashaywe naye.

22/02/2023

USIHLE MDLETSHE UCULA USHAYA INTO ECOKEME EMCULWENI WEGOSPEL...

Abaningi abababaza ikhono eliyisimanga lensizwa esencane yaseMseleni edume ngoSihle Mdletshe.Lensizwa icula umculo wokholo ohambisana nendumiso eshukumisa inkundla kwehle umoya ongcwele.Iyaqashwa lensizwa uma unomcimbi uyakwaz ukuyiqasha nixoxisane.Nansi inamba kwabafuna amacd ayo noma abafuna ukuyiqasha0648667853

20/02/2023

INGONYAMA KAZULU EZINSOLWENI ZOKUJOLA

Kusuke isiphithiphithi esikhulu ezinkundleni zokuxhumana ngodaba lobukhosi bukaZulu,kusolwa ukuthi isilo samabandla onke siyajola.Abazaziyo bathi sikhokhobise intombi sayifaka esigodlweni sayo yacashiswa ukuze umndlunkulu ungayiboni.Zonke lezindaba ziqekethwa yiyon intombi okuthiwa ishendezana nengonyama kaZulu.

11/02/2023

UDUTSHULWE ZIKABI UMCULI WEHIP HOPP U AKA

Udutshulwe ngentululwane yezinhlamvu washona umculi wodumo owaziwa ngo AKA,ngikwesitatimende esikhishwe amaphoyisa sithi lomculi ubesemotweni nabanye abwhambisana nabo ngesikhathi kuqhamuka imoto engaziwa ababephakathi bavulela ngenhlamvu kwamenela lomculi.ISouth Africa isiphenduke isigodi sethunzi lokufa ngenxa yokubulawa kwabantu usuku nosuku.

08/02/2023

ZISETSHENZISWA BUHLABHA IZIMOTO ZAMAPHOYISA

05/02/2023

LILOKHU LIYILANDELE NJALO ISHWA IKAIZER CHIEFS

Ilokhu iphike njalo imiphumela njengoba Amakhosi edlale ngokulingana ne TS Galaxy.IChiefs ihluleke yancama ukuthola igoli nakuba izitha zayo besezingaphelele.Idlale ngokulingana kuba maqanda nhlangothi zonke.Kanti iSundowns ilokhu iqhubekile nokucoboshisa kwasani njengoba ngoMgqibelo ibhaxabule iPirates ngo1-0

05/02/2023

USATSHISWA NGAMAGINSA OBEPOSTA IGINSA ELAZIWA NGOMAFU

Uthole umyalezo omesabisayo owesifazane obeposta kufacebook egroupini yaseManguze eposta ngodaba lomlisa obanjiwe okuthiwa ubezama ukuwelisa imoto ayiwelisele ezweni laseMozambique.Lomyalezo ubumexwayisa ukuthi akayeke ukuposta ngoMafu ngoba bayawazi umuzi wakubo.Lo wesifazane akazange ananaze uyithathe leyongxoxo wayinameka eqoqweni laseManguze.Lomlisa ozibiza ngoFreedy Mabaso okunguye osabisa lowesifazane.

Abantu baseManguze bamntinyele lomlisa bancoma isibindi salowesifazane othe yena akesabi neze.Kulezinsuku izinto zishube ngendlela exakile kwaMhlabuyalingana njengoba kulezinsuku zibanjwa izigebengu azintshontshwa izimoto.Kusanda kusabalala izithombe zowesilisa wakhona eManguze owaziwa ngoMafu eboshwe izandla ngemuva ehlezi ngemuva evenini okusolakala ukuthi iyona abezama ukuyeba. Kudlule izinsukwana kwasabalala omunye eboshwe izandla nezinyawo naye kuthiwa ubentshontsha izimoto.

KwaMduku naseMnqobokazi bayaqhubeka abantu ukushisa izimoto zasezweni laseMozambique.Njengoba namuhla kushiswe enye imoto okungacaci ukuthi ingeyaphi.Imihlangano yomphakathi nohulumeni nabamele uhulumeni waseMozambique ubukeka ungatheli zithelo.Umphakathi ulwa ngandlela zonke namasela awelisa izimoto.

02/02/2023

KUSOLWA ILOADSHEDDING KUSHA IZITOLO NEBHANGE

Bakhala bayazithulisa abantu baseMbazwane namaphethelo njengoba kushe izitolo ezimbili nebhange,kusolwa ugqamucishi kulesibhicongo.

Iphephandaba lifike umlilo udl isibhakabhaka izicoshamlilo zihluleke zancama ukukhalima umlilo obuvutha ngendlela emangalisayo.Lomlilo kusolwa ukuthi uqale ebusuku ngesikhathi kubuya ugesi ekuseni bekusha esitolo sakwaJockmorriison esaziwa ngo OK.Emini besekuthungeleke nebhange laseCapitec nalo elixhumene nalesitolo.Lithe sezibuya inhlazane izinkomo bese kusha nesitolo sakwaDunns esikulo lelibhilidi.Abanijgi bakhala ngebhange okuyilo abasizakala kulo netm yakhona.Okwesitolo sakwaJockmorrison kube usizi kwazise baningi abangase nangabo natoho.

25/01/2023

UMBOMA USUPHENDUKE ISIGODLO SEZINKABI EZIQEDA ABANTU

Bafa usuku nosuku abantu abakhele isizwe sakwaNxumalo,okuwubukhosi obuyinzalo kaZwide kaLanga owayeyinkosi edumile eyalwa nesilo uShaka kaSenzangakhona.Bafa usuku nosuku abantu bakwaMboma beqedwa isibhamu nezinkabi ezibaqotha imihla ngemihla.

Kusanda kudutshulwa uMnumazane wendawo uMoses Nxumalo obedayisa izimpahla, akuyena yedwa uMfo kaNxumalo uNkosikazi kaDlamini wahlaselwa inkabi yambulala.Kanti eminyakeni edlule kwadutshulwa uthisha owayefundisa eskoleni inkosi Justice Nxumalo high school.Baningi nabanye bebulawa kuyo nendawo esiphenduke isidleke sezigebengu.Inkosi izinduna namaphoyisa sebebize umphakathi,lomhlangano uzoba mhlaka 27January 2023 ngolwesihlanu ekuseni ngob9:00am.

23/01/2023

KUDUMALE ABANTU UESKOM UTHI UNGASE UFAKE LELIZWE KUSTAGE 4NO STAGE 3 IMINYAKA EMIBILI EGCWELE....

Bamangele baphelelwa ithemba abantu bakulelizwe uEskom umemezela ukuthi lelizwe bahlela ukulifaka ku stage 4 no 3 iminyaka emibili.Lokho kusho ukuthi amabhizinisi amaningi asazowa ,abantu basazophelelwa imisebenzi.

Isizathu abasibekayo ukuthi befuna ukulungisa kahle imishini ephehla ugesi bengaxhamazeli.Ugqamucishi uphazamisa kakhulu umnotho wezwe kwazise izinto zonke zidinga wona logesi.Kulonyaka ophelile baningi ababolelwe inyama yezitokofela ngenxa yawo ugesi.

21/01/2023

ILUNGA LEPHALAMENDE LIBOSHELWE IZINSOLO ZOKUBULALA UMFAZI WALO.

Ukhalelwe amasongo kasgonyela lowo oyilunga lephalamende elimele iqembu leANC uSbusiso Kula.Kusolakala ukuthi bekunesikhathi eside egqimuza ngezibhakela nangezimpama umfazi wakhe uJennifer Mathlomo.Kusukela ngonyaka odlule 2022 uJennifer ubebhala ekhala ngokuhlukunyezwa.Kulelisonto eledlule ubhale umbhalo othuse abaningi othi...
"Uma ngifa ningabheki kude kodwa umbulali nimbheke eduze"

Nangempela ubulewe izolo,uphenyo lwamaphoyisa lwakhala kulo isoka lakhe uMr Kula.

20/01/2023

IXOLISILE INSIZWA ENGAZIWA EKHOHLISE ABANGASEBENZI YATHI ABABHALISE AMAGAMA ELIBRARY EMSELENI

Bahambele ubala abantu baseMseleni abanye bebesuka kwezinye izindawo ngemva kokubona isimemezelo sensizwa engaziwa muntu,ezibiza ngo SyandaNB ebhale ende ipost icela bonke abangasebenzi abanomatric ukuthi babhalise amagama abo eLibrary adingeka kwamasipala wakwaMhlabuyalingana.

Namuhla ivuke yabhala lensizwa engaziwa yaxolisa ngamafushane yabe isihlala izigqozo kubaholi nakosopolitiki.Iveze ukuthi amanga ayo ibivele iwahlosile futhi abenezizathu ayizichazanga lezozizathu.Ikhale ngabaholi abangenandaba nabantu nakuba iphuma imali kumasipala.Ibuze inqwaba yemibuzo ithi yini ingenziwa iYouth league ezothuthukisa intsha.

Abantu bayihlale amagqoza beyithethisa.

19/01/2023

OWENCANDWENI CHRIST AMBASSODORS UKHALA NGAMASELA AGQEKEZE ESONTWENI ANTSHONTSHA IZINSIMBI

Ucela usizo uMfundisi Timothy Myeni weNcandweni Christ AMBASSODORS ngemva kokuba amasela egqekeze endlini yesonto antshontsha izinsimbi okubalwa amakeyboard,izipikha ama mic nokunye okuhambisana nazo izinsimbi.Lezinsimbi uMyeni uthi zibiza ngaphezu kuka R100 000 sezihlangene zonke.
"Nginxusa umphakathi ukuthi uselekelele uma kukhona odayisa izinsimbi asazise noma afonele amaphoyisa,nawe ozintshontshile ngifisa uphenduke wamukele uJesu wazi ukuthi akwebiwa endlini kaJehova.Zenzele wena umusa izolethwa sokuxolela" kusho yena.

19/01/2023

ILIBRARY YASEMSELENI ITHI AYINALO ULWAZI NGOKUBHALISWA KWAMAGAMA ABANGASEBENZI...

Lowo ozibiza ngoSyandaNB akabonwa nangokhalo ngemva kokubhala ipost wacela bonke abangasebenzi abanomatric ukuthi beze eMseleni library nomazisi babo bazobhalisa amagama abo ngoba afuneka kwamaspala wakwaMhlabuyalingana ngokuphuthuma.

Abasebenzi baseLibrary bayaziqhelelanisa nalesimemezelo salomlisa ongaziwa omeme abantu qede wanyamalala.
"SiyiLibrary yaseMseleni asinalo ulwazi ngalesimemezelo" kubhala omunye osebenza eLibrary.Lesimemezelo sithi ukubhalisa kuqala mhlaka 20 January 2023 ngo 9:00am kuze kuvalwe ngo 14:30 pm ntambama.....

16/01/2023

BAYIFUNA IPHELELE OMALUME ABATHUTHA IZINGANE

Bayakhala abazali bezingane ezifunda isikole njengoba abashayeli banaveni athutha izingane bethi bayifuna iphelele imali kaJanuary nakuba izikole zivulwa inyanga isiphakathi.Iphephandaba likhulume noMalume abashayela amaveni abangathandanga ukudalulwa amagama.

"Wemfowethu,uyabiza upetrol ngakho lemali siyifuna igcwele!full prize ingane futhi ingane webhuti mele ihlale phezu lemali,siyasebenza lapha" kusho umalume wezingane bemvumela nalaba ahlezi nabo.
"Lezimoto ziyathela we bafo,nathi mele sizisevise imali leyo akungabi namsindo ngoba asaz uRamaphosa why evula izikole mhlaka18 thina wazi izikole zivula le komhlaka8 or 10 lokhu kuyasixaka,nathi abasizweli uma siyisevis izimoto abasizweli uma sifaka upetrol,ayikhale ezandleni!"

Lijikelezile leliphephandaba lazithel komunye umalume obehlezi emotweni.
"Cha webhuti,bazokhokha uhhafu wemali ejwayele ukukhokhwa ngoba inyanga iphakathi nawe uyabona"kusho yena ehleka.

Unqabile ukushuthwa isithombe wathi akazi yini abanye bafune imali egcwele kodwa inyanga isiyophela.

Izikole kwaZulu Natal ziyavula ngolwesithathu mhlaka 18 KuMasingana 2023.

Leliphephandaba lifisela bonke abafundi ukufunda okuhle...ikusasa umuntu uyazakhela futhi uyazibhidlizela lona.

14/01/2023

SELIPHENDUKE UNDABAMLONYENI IBHODI LAKWAMHLABUYALINGANA...

Selidume izwe lonke ibhodi ilikhomba abantu ukuthi sebefike kwaMhlabuyalingana.Indawo yakwaMhlabuyalingana isenyakatho nesifundazwe sakwaZulu natal.Kuqale uDJ Tira oshuthe egibele phezu kwemoto emi ngakulo lelibhodi lezimanga.Waposta isithombe zakhe kwase kuba ukugcwala kwabantu beyoshutha bemi kulo lelibhodi.

Kulezinsuku ezedlule kubonakale okusabhentshi kubhalwe amagama athi "gibela lapha" kuyacaca kwenzelwa labo abangenazo izimoto.Muva nje nabelungu babonakala beshutha baphinde baposte kufacebok nakotwitter bethe chwaa ngakulo lelibhodi.

Indawo yakwaMhkabuyalingana idume ngemithi enzima nokukhunkula okumangalusayo.Akekho ongayazi abantu abaningi bakholwa ukuthi abahlali bakwaMhlabuyalingana nabangezona izinyanga bayayazi imithi enamandla.Baningi osaziwayo ababonakala bengena kwaMhlabuyalingana abanye bafika ebusuku.Lendawo edume ngezigebengu ezintshintsha izimoto qede baziwelisele ezweni elingomakhelwane iMozambique...

05/01/2023

UGCINE EYIVULILE IFONI KAMAMPINTSHA UBABES WODUMO...

Emngcwabeni wakhononda ngokuthi uze wahamba emhlabeni uMampintsha engamtshelanga ipassword iyocinga.Namuhla ubonakale eposta kufacebook nge account yomyeni wakhe eposta izithombe zabo eyake nombhalo othi "Kuze kube sekufeni"

UMandla Maphumulo sidlule emhlabeni ngoDecemba ngemva kokushaywa istroke,kube umlando ukuthi ingoma yakhe ethi ngeke ngivume iyona edle umhlanganiso OKHOZINI fm.Nakuba amaphaphu ayephezulu ngokwakuzokwenzeka emngcwabeni walesihlabani kwazise bekukhona ukungahoshelani kahle phakathi kukaBabes wodumo nomama kaMampintsha kodwa kwenzeka okungejwayelekile bexolelana kwamangala abantu.

03/01/2023

KUCHWAZE UMHLABUYALINGANA UMALUNGELO EPHUMA UNOMBOLO 5 OKHOZINI

Iyaziqhenya iMbazwane ngeqhawe labo elishukumise umhlabuyalingana ngengoma emnandi laze langena kuyip 10 yoKhozi,uMalungelo uthele othulini izinkunzi ezindala waphuma unombolo 5.U Malungelo ungowokuzalwa eMbazwane endaweni yaseNqatheni ushiye izinkunzi zabaculi bemangele.Nakuba engawudlanga umhlanganiso kwazise leyatop 10 ibinzima kakhulu ibibophele izinkakha zabaculi.

Leliphephandaba liyakuhalalisel insizwa yakithi uqhubeke njalo nomsebenzi omuhle!!!!!