Imibongo ka Anongosiba

  • Home
  • Imibongo ka Anongosiba

Imibongo ka Anongosiba Yagqum'imbongi ❤️🙏

Onalo Thulile Ndabambi🤞😭
Calls 0762155769/0710698975❤️🥺

04/01/2025

Kulomhlaba akusekho noyhini Nah kodwa.🥺🤞

14/11/2024

Ndiyamcinga!🥺

Kowu mama ndithi ndakungqukruleka ikumeme kuqala ingcinga engqondweni yam.
Ndihlasimla kukungabikho kwakho caleni kwam zehl'inyembezi.
Mama nguwe umthuthuzeli wam ngoko ndiyakukhonza ndikwenz'inkosi.
Kuyo yonk'intlungu uhlal'undibangula undihlangula kwindlel'ezigwenxa.

Kanti wena mama uQamata Kweli lamagad'ahlabayo umilel'ukukugcina.
Kuba wen'ungumgcini wolonwabo lwam hay ukuxhwaleka kwam.
Ndisoloko ndakuva isingqukru sindixhel'intliziyo ndicinga ngawe.
Kaloku wena mama nguwe uthixo wezenzo zam wakuthetha konke kuyenzeka.

Ukubaluleka kwakho entliziyweni yam nakobam'ubom ngekhe kufezwe nakukufa.
Uyintsikelelo eyeza ngempatho yakhelw'uthando ngaphakathi.
Oww! Qhawekazi lam ndingayintoni ngaphandle kolomelezeko lwakho Kuba wena uyintsika yobom bam mama.
Ndikhangela kuwe indlela zobom Kuba nguwe ikhandlela lokukhanya kwendlela zam mama.

Yagqum'imbongi❤️🙏(T)

28/10/2024

Ndibhotise ngebhongo nangeqhayiya,ndingumxhos'oth'akuzijonga abon'ubuxhosa.ubuyile uAno kwakhona engaqal'eqhubeka ngokuxhwayeka esixhoseni ngelesixhosa🥺🤞ndingaxoxa kuse kub'isixhosa ndasichutyelwa zizandla ezisikelelekileyo."Ngomnombo wokuba len'intsimbi uyakuwawongulul'manzi kuvulek'indlela ukubone ukuphuma kwelanga🥺🤞Uzuz'amaxhos'asithekelele ngawe isixhosa🥺"

Yagqum'imbongi♥️🙏

24/06/2024

INdlovu ayisindwa ngumboko wayo🤝❤️

Kukanye sihamba ngenyawo elinye, indlela ingekhonye.
Ingxaki zam ziyandidlokovis'ukunikela kundikhwaz'imihla nezolo.
Ukunyamezela kuyandiyekelela ngoko ndilwa ngentliziyo ngokwethemb'amandla ndiwaswele.
Ndibuliseleni kubawo obu ubunzima abungekhe bundifeze.

Buyandileqa kodwa ukunyamezela kundibambe shiqi ngazo zozibini.
Kwezam indlela ndihamba nobawo lenqwelo yobunzima ndikhonza ngayo.
Kuthiw'intaka yakha ngoboya benye kodwa ngokunokwam kwezoncedo ndiswele.
Intaba ndizigquba ngawam amandla ebunzimeni bandihleka ngokubila,bendikhwaza ngolavuth'ibhayi.

Lithi lakuzongoma ndixel'isisila senkukhu ndiyithobel'ingxaki.
Abaphantsi bandithwele nemithwalo yam bandiqinisa ngokwengcinga.
Andisayi kubuya mva,kwabo ndibashiye ngemva bayakundiva ngembali.
Ndakukhonya ndixel'umqhagi mhlazana owam umthwalo wandivumel'undinik'ithuba lokuwuphakamisa.
Ndakunyamezela ndihlal'ethembeni kuba ekunyamezeleni ukhon'umvuzo.

Yagqum'imbongi ❤️🙏

03/06/2024

Ithemba lityala

Kub'eyam intliziyo ndihlala ngokuyixokisa.
Xalingabulali ngumkhohlisi kowu lityala.
Hlabelan'ukhwelo phambili ngethemba nindibikele.
Lindigxumis'ubusuku nemini liwuvez'umnqweno.

Ndakuhlal'ethembeni s**a litshambuluke.
Kuba kaloku lona alibulali liyadanisa.
Ndakuninik'ithemba bazali bam ndisithi nakobam ubom impumelelo yakutyhileka.
Ndakubik'okuhle ndiziph'ithemba ngokwengcinga.

Ndicela ningalilahl'ithemba kub'elityala nakuliphumelela.
Iminqweno yakufezek'inene elityala lakutshabalala.
Fumbath'ityali uyenz'isali ngesosenzo wakuzuz'ithemba.
Hlambuluk'ungalibiki nakubani ityala kuba lakukuqingqa.

Yagqum'imbongi❤️🙏

25/04/2024

Uhambo lwam🥺❤️

Kuyakufika intsuku zolonwabo kobu bam ubom.
Mam'uzungakhal'intando kayehova yakukwenzeka.
Ndizimis'ubusuku nemini ndibucing'ubuhle bendalo.
Yakuba lulonwabo nempumlo kobam ubom.
Bakundigxibha bendibek'amabala ndingenatyala.

Bayakuhlanza bengandiboni bayakundiva ngembali.
Ndakuba sisinyanya nindinqule ndiniphekel'esihle kwezobom.
Nindikhonze nindibiza ngomvangeli nomkhuseli.
Kwintsapho zam zezingakhali zophele ndakuniphakel'intlantla ndizibhedesh'ezobumnyama.
Ndibe ngumgwebi wobubi ndiniphakel'intsas'egqam'uvuyo.

Bantakwethu ndakulala ngoxolo zeningazondi nibe ngabathiyi bentakatho.
Ndakuhamba kwintando kabawo ndibalek'intsokolo.
Mzali wam lana ngamazw'am okunityhilel'indlela yohambo lwam.
Andikufungel'ukulala ngophotho ntonje ndibon'imeko.
Ndakuthi ndakulal'umlibe ndiwuval'umlomo wokugxekwa kwam.

Yagqum'imbongi ❤️🙏

06/03/2024

Isikhuni sibuya nomkhwezeli😭🕯️🤞

Umbong'olungiselelweyo🙏📑(lindela)😭

06/03/2024

Ndifikelwe yimibongo emithathu ngalemini yangese ndixel'intaka yekhisimusi ndihlabelele.
Nditsho ngesand'esimnandi kubabhedeshi ndivakale ngoyilo.
Ndakuzikrwitsha ndizikhonxa ngayo lemibongo ndixel'intlanz'enkonxeni.
Ndithimbeni bakhulu ngelam iphupho ndinokholo.

21/01/2024

Mntasekhaya ngayo lecawe thatha nanku umyalezo,musa ukudlala ngomntu okuthandayo🤞❤️uthixo uyakunika ixesha akuphe ichance❤️😭ukanti esibaboniswa nguthixo bezakusigcina ababhalwa 💔😭ngoko bulela lendawo uthixo akubeke kuyo, ungadlali ngalo ixesha Kuba lakudlula aliyi kubuyamva🤞😭 kentlungu uyivisa omnye umntu ekuthanda iyakubuya ngawe sele esamkele isimo lona ubumvisa bugwenxa😭💔zithundeze uzibambe uligcine ilizwi elisikelelekileyo💔💔

Yagqum'imbongi❤️

Address


Telephone

+27710698975

Website

Alerts

Be the first to know and let us send you an email when Imibongo ka Anongosiba posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Imibongo ka Anongosiba:

Shortcuts

  • Address
  • Telephone
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share