https://www.facebook.com/108430329015651/

Gondzo ra vutomi, Giyani (2024)

23/11/2023

GONDZO RA VUTOMI 59

N'waHlungwani mhana vananga mina a ndza ha ri na nkarhi wo tala,ndzi kombela ku landza malume Nhlengani ndzi ta hlamusela leswi swi nga ndzi humelela hikwaswo va rikona.

Ya lawa a ku ri marito ya Mabihani a ri karhi a kombisana na nsati Basambilu.

Mabihani u te magoza mambirhi ma nharhu a kongoma eka malume wakwe. A nga se fika u hlanganile na malume wakwe na timbyana takwe a ri karhi a ti yela ekwhatini ku ya ti hlotela.

Hlengani a tsakile ngopfu ku vona ntukulu Mabihani kambe u hetiwe matimba hi leswi Mabihani a tsanise xiswona onge u lo wela hi mberha hikuva a n'wi tiva a ri munhu wa misawu no tshama a ri mafenyeni.

"Hayi ntukulu,u nga ndzi chuwhisi. X**a ku lo humelela yini mixo wotani u ngo humelela hi ndlela yo chavisa so?" Ku vutisa Hlengani.

"Malume a hi fambeni ekaya ndzi ya mi hlamusela hi tshamile hikuva a ndza ha ri na nkarhi wo tala" Ku yangula Mabihani.

Mabihani na malume wakwe Nhlengani va khomisanile ndlela va kongoma eka Mabihani kutani va fika va tshama hi vunharhu bya vona kutani Mabihani a tlhantlha mahungu hikwawo makala ma ku biiii.

Se lexi xi ndzi vuyusaku sweswi malume i ku ta phahla papa,mhani na hahani no byela mikwembu hikwayo leswaku va nga ndzi tshiki a va ndzi pfuleli tindlela ekaya ndzi ta vuya no tlhela ndzi hlayisa munti no pfuxa munti wa vona. Ku heta ka ku phahla ndzi fanele ku hlamba timhamba leti ndzi tikumeke en'angeni leswaku maphorisa va nga ndzi voni nandzu hikuva ndzi fanele ku tiheleketa emaphoriseni namuntlha kunene handle ka swona se swi nga tika.
Ku yisa Mabihani emahlweni.

Ku heta ka Mabihani u humesile xinefu lexi a nga hundza a xi xava eGiyani a sungula ku phahla kutani a chela mati yo hlambha a hlambha timhamba a khoma ndlela a tiheleketa emaphoriseni eGiyani...

22/11/2023

GONDZO RA VUTOMI 58

Ku nghena ka Mabihani ekaya ra sirha tata wakwe eka Mudavula nsati wakwe wa xitekwa Basambilu ntombhi ya ka Hlungwani a yi ri karhi yi khongela xikhongelo xa mahlomula mbilu hi rito ra le henhla.

"A ndzi ta va mani handleni ka rirhandzu ra wena we hosi.
Loko a ku nga ri tintswalo ta wena a ndzi to swiyini na vana kusukela nuna a famba a ndzi siya a ya kholwa hi ku yengiwa hi swinwhanyetani edirobeni ra Giyani. Swona loko a ku nga ri boti a kayakayaku na mapulangi ku kuma ximalani leswaku a hlayisa ximuntani xakwe ku katsa na mina na vana vana a ndzi ta va nyika yini"

Xikhongelo xa Basambilu xi kavanyetiwile hi movha wa boti wakwe Charles Malwangu Hlungwani loyi a va tisela xigaywani, ticondzo, swinhan'wani na mazambhani leswaku a ta dya na vana.

Charles Malwangu Hlungwani a ku ri munhu loyi a tikayakayela na Gaza hikwayo a tibelelela malwangu ku ri ndlela yo hlayisa ximuntani xakwe na swona swipfunile swinene hikuva handle ka munti wakwe ntsena se a hlayisa na makwavo wa yena na vana van'we lava Mabihani a tsutsumile a va siya endzhaku ka loko a kumile ntirho wa vudyondzisi exikolweni xa le henhla xa Giyani.

Basambilu u te wa ha huma o hlanganisiwa hi nuna Mabihani a ri karhi a pfikula.
Hi ku chuwha Basambilu i lo vhela a vitana boti wakwe Charles ku ta n'wi vonisa mihlolo hiloko Malwangu a s**a emovheni laha a ti tshigetele kona loko a ha yimele leswaku makwavo a ta na bara ku ta teka swakudya.

Babihani a rilisa hi xikhongelo xa nsati wakwe kambe a nga tiboxangi ta xikhongelo i boxe leswi a swi n'wi vuyisa kaya ku nga ta mhangu ya ku dlaya muhlekisani wa nsati wakwe Xitlurhutlurhu loyi ku nga yena loyi a nga endla leswaku Mabihani a nga ha vuyi ekaya hambhi ku ri ku posa mali yo xava swakudya swa vana no hlayisa munti.

Charles u lo switwisa sweswo o e-e,leti a ti lavi mina mi nge mina ni heleketa swipikirhi hi ta hetisa yindlu ya vanhu...

05/09/2023

GONDZO RA VUTOMI 57
..A hi yeneni mahlweni na tinhlolo a hi pfumeleni.
Savhuma.
Phela jaha leri mi nga dlaya a ko va jaha ntsena ri na mi kwembu yo tika na swona ri ta mi karhata.
Savhuma.
Jaha ri na mikwembu ya vandawu a ri dlayiwi i Sthole.
Savhuma.
Ni ri jaha i Sthole ri ta mi karhata,mundzuku ka siku jaha ra ka Sthole ri ta lava nsati na jaha hambi ku ri ku akeriwa ndhumbha emuntini wa n'wina.
Savhuma.
A hi humeni eka leswi ni mi hlamusela hi ta le kaya na leswaku mi fanele ku swi endlisa ku yini.

N'wina tlhelelani kaya laha tata wa n'wina a nga mi siya kona mi ya chela fole mi byela tata wa n'wina hi kwaswo no kombela ku rivaleriwa eka kokwa wa n'wina na hahani wa n'wina hikuva matevula ya n'wina na n'wana wa vunharhu va humeriwile hi vito ra kokwani wa n'wina na hahani wa n'wina na swona sweswi va kwatile va ri mi va tshikile.

Teka timhamba leti. Leyi u ta nghena ematini sweswi u hlamba leswaku loko u famba lava va ku tivaku va nga ku voni ku kondza u fika kaya.
Leyi u ta hlamba loko u heta ku phahla tata wa wena na va kokwa wa wena kutani u ya tinyiketa emaphoriseni,u nga chavi ku ya tinyiketa ku nge vi na chumu xo chavisa ngopfu.
Ku gimeta n'anga.

Tani hi leswi Mabihani a nga ha ri na nambara ya nsati kumbe vana u foyinerile n'wana hahani Rhandzu Sambo wakwe a n'wi vutisa loko kuve emuntini lowu Mabihani a nga siyela hi tata wakwe a ka ha tshama munhu kumbe a ku ri na munhu na.

N'waSambo va titshamelaku xilungwini,u lo vula leswaku yena a nga le kaya kambe kona ka ha Tshama munhu.

Mabihani u hlambhile mhamba kutani a khandziya xipandza mananga xi pandza mananga ya sala ya hlangana a kala a ya fika edorobeni ra Giyani.
U fikile eGiyani a khandziya xipandza xo ya eka Mudavula a fika emuntini a nghena hambi leswi a khomiwa hi saka ra tingana hikuva se a swi endla khume ra malembe a tshikile nsati Basambilu ntombhi ya ka Hlungwani na vana.

Mabihani u kumile nsati Basambilu a ri ku khongeleni...

05/09/2023

GONDZO RA VUTOMI 56

Tatana Mabihani,hina hi nge ngheni en'angeni. Hi mi heleketile swiringene.
Eka tatana Mahlasela hi lahayaaaa,ku vula mufelakazi a ri karhi a kombetela munti wa n'anga hi rintiho.

Hi ndzawutile emuntini.
Aheeeee,aaaaaah. I Ngoveni haaaaa, i Mlabya manyela ndleleni a tshembha nkanu. Leswi mi twaku na ndlala yo hi nge he buli swotala va to mi lunghisela swakudya mi khomisa nyoka hi ta ya bula hala ndhumbheni mi ta hantla mi tlhela hikuva loko mo ka mi nga ti nyikeli emaphoriseni swi ta tika swilo.

Mabihani u hlamarile ngopfu ku vitaniwa hi xivongo,ku va a byeriwa hi ta ndlala leyi a yitwa hambhi kuri ku tsutsuma maphorisa hikuva a nga se xewetana na munhu kumbe ku gavela munhu mahungu lawa.

Va munti va nyikile Mabihani swakudya kutani a dya no nwa mati hi loko va rwhalana na n'anga va kongoma endhumbheni.

N'anga yi fikile yi chela fole yi vitana mikwembu ya yona kutani yi haxa tinhlolo...
..A hi fambeni na tinhlolo a hi pfumeleni.
Savhuma.
Ni vona khombo ri mi landzelelaku hikwako laha mi yaku kona.
Savhuma.
Khombo leri se i khale nyana ri ri karhi ri mi landzelela kambe ni vona namuntlha se mi hlongoriwa na le ntirwheni laha namuntlha mi nga halata na ngati ya xijahetanani.
Savhuma.
Khombo leri ni nga vula leswaku mi lo ri vanga hi ku tshika nsati na vana hi ku yengiwa hi xintombhani kumbe nsati loyi se a mi tshama na yena loyi a nga mi halatisa ngati eka n'wana wa vanhu.
Savhuma.
Phela nsati loyi mi nga n'wi tshika na vana mikwembu ya n'wina yi tiva yena naswona mativula ya n'wina i thyiwile vito ra sirha kokwani wa n'wina na swona kokwani wa n'wina wa vilela loko mi tshike munti mi nga ha wuhlayisi naswona hi swona swi mi vangelaku madzolonga hikwako laha mi fambaku kona.
Savhuma.
Sweswo a hi humeni eka swona hikuva n'wina sweswi mi tisiwa hi ku lunghiseriwa timhamba leswaku maphorisa va nga mi voni nandzu kambe ndzi nga se mi lunghisela timhamba ndzi ta mi byela switsongo hi ta jaha leri mi nga dlaya...

05/09/2023

GONDZO RA VUTOMI 55

Loko N'wamarwhale na maphorisa va fika eka Homu mugangeni wa ndhuna Manyangi va nghenile ekaya ra Xitlurhutlurhu.

Xijahetanani le xi nga dlawa hi Mabihani a ku ri n'wana wa hahlwa ra mana wa N'wamarwhale na swona a xi nga ha ri na vantswari.
Mana wa xona a duke naro a xambila na mapurasi hi mbitsi ya nuna loyi a khorwile Joni naswona a nga ha vuyi no vuya kumbe ku rhumela xisakani xa mugayo hambi ku ri swigujani swa vana.

Hikwavo va tswari va jaha va vuyile kaya hi bokisi kutani lo wa jaha na tindzisani ta yena timbirhi a tihlayisiwa hi N'wamarwhale.
Tani hi leswi N'wamarwhale a ri ngon'wa lava mbirhi vo hetisela vana va sirha malume wakwe a ku nga ri vangani lava a va switiva leswaku vana a hi va yena hikuva a va teka tani hi vana vakwe.

Xitandi xa sirha malume wakwe a xi lo khigelana na xa N'wamarwhale na swona ku lova ka vatswari va jaha munti a wu hundzukile wun'we.

N'wamarwhale u vitanile ndhuna ya muganga leswaku va ta hlamuseriwa hi ta khombo leri ri nga humelela laha Xitlurhutlurhu a nga hlamusela mhaka hikwayo.

Xitlurhutlurhu u tshembhisile no yimela swa nkosi hikwaswo no vula leswaku i tiyimiserile hi xiboho xin'wani na Xin'wani lexi xi nga ta tekiwa hi maphorisa ehenhla ka yena loko va ha lavana na Mabihani.

Maphorisa va fambile na Xitlurhutlurhu na N'wamarwhale ku ya pfula nandzu wo dlaya.
Ku s**a emaphoriseni Xitlurhutlurhu u foyinerile un'wani wa maxaka yakwe ku ya va fambisa hi movha wa nuna yena na N'wamarwhale ku longisela rifu ra jaha...

Mabihani yena se a twala Phalaborwa eka n'anga ya yena leyi a yi tshembhile hi ku n'wi lunghisela timhaka loko swilo swibihini.

Mabihani u nghenile emuntini wa n'anga va n'wi xeweta na swona a nga ha tivi xayena loko va n'wi byela leswaku se a swi endla n'wheti ya vumune n'anga yakwe yi funye buwa.

Mabihani u vutisile loko ku ri na yin'wani n'anga ekusuhi na swona a va n'wi felangi mona va n'wi heleketile eka n'anga leyi yi nga twhasisiwa hi n'anga yakwe...

30/08/2023

GONDZO RA VUTOMI 54

Loko maphorisa va fika eka Xitlurhutlurhu N'wamarwhale a ri karhi a hetisa ku kukula jarati entirwheni wakwe hi loko a vona Xitlurhutlurhu a ri karhi a chika vheneni a ri karhi a tikomba kutsana.

Xitlurhutlurhu na N'wamarwhale va kotlanile hi mahlo kutani Xitlurhutlurhu a vitana munghana wakwe N'wamarwhale ku ta n'wi gavela hi ta mhangu leyi yi nga n'wi humelela matolo.

He seveni,matsundzuka loko ni ku na ha ku kuma xijahetanani hala ka n'wina?
Matolo ndzi landze xijahetanani xa mina hi ta tiphina laha kaya hi ti oxela nyama no nwa mabyalwa. Hi hetelele hi ya eku etleleni laha ku nga humela Mabihani kwalhaya ndlwini a humesa xibamu a balesa lowa jaha loko a ha lava ku balesa mina a kuma leswaku titlulu ti herini,a vula hi ku pfikula.

Sweswi a ndzi switivi leswaku ndzi to swiyini eka n'wana wa vanhu. Hala tlhelo eka Mabihani ndzi sirha ro hanya.

Ku vula Xitlurhutlurhu a ri karhi a humesa foyini leswaku a kombeta N'wamarwhale xithombhe xa lo wa jaha leswaku maphorisa ya ya lavana na va munti.

Loko N'wamarwhale a khoma foni o vheta a ku xi buku,yooooh,yooooh va ndzi dlele mabanooo.
Vo tshuka va ni dlayela n'wana ma malume a fa a nga lelangi minoooo.
Na swona u ze u dlayisa n'wana malume hi nuna wa wena a wo pfumala tintangha ta wena tiko leri hikwaro ri nga tala hivavanuna.
Ku rila N'wamarwhale a ri karhi a huwelela.

Loko maphorisa ma switwisa sweswo va lo vhela va vutisa N'wamarwhale hi ta jaha leriya laha a nga va hlamusela hikwaswo kutani va foyinela maphorisa lawa se a va ri eka Homu ku ya lava va munti wa jaha leswaku va yimela N'wamarwhale na la man'wani maphorisa.

Maphorisa ya tlhavile xikhiya vhene yi dya thayela yi kongoma eka Homu ku burisana na va munti no va Xitlurhutlurhu a hlamusela ta mhangu...

XIVUTISO
x**a mi khomeke njhani ku fikelela sweswi...

Ni kombela no khomeriwa ku pfa ndzi mi khomisa torha ra ku hungasa...

30/08/2023

GONDZO RA VUTOMI 53

Tani hi leswi Xitlurhutlurhu a va byerile leswaku Mabihani a ri na Xibalesa maphorisa va tirhile ntirho wa vona hi vukheta na vurhon'wani laha va nga juma va kala va ya nghena ekamareni leyi mhangu yi nga humelela eka yona kambe ko fana na kwala. Mabihani a balekile khale a tala na nhovha ya le ti F a ya humela eD2 kutani a tlula darata ya ntshava ya Man'ombe a ba hi le ndzeni a ya humelela eswitshabyanini swa le xikarhi ka Homu 14C na 14A.

Leswi Mabihani a ti tivela tindzhawu letiya u lo vhela a rhelela a hundza hi le 14B mugangeni wa le Mabangeni a tsemakanya nambu wa ritavi a ya humelela eka Ngove kutani a kuma lifiti eka Mazimbabye lawa a ya tiyela ePhalaborwa ku ya cela mugodi swi nga ri enawini.

Maphorisa wona ya lavalavini Mabihani ekaya kakwe kofana na kwala. Maphorisa matwanani ku hangalaka ma hlotana na Mabihani no foyinela va moxara ya mfumu ku ta teka ntsumbu wa jaha leri Mabihani a nga ri balesa endlwini yakwe hi kokwalaho ko endla vugangu na nsati wakwe.

Ri kale rixa Maphorisa va ha hlotana na Mabihani kambe ku nga ri na nhlanga yo baleka ngati hiloko va sungula ku haxa mahungu eka xiya na moya no teka Xitlurhutlurhu ku ya n'wi konanisa hi ta mhangu leyi na leswaku a hlamusela leswaku lo wa jaha i jaha ra ka mani naswona a ri huma kwini.

Xitlurhutlurhu a ti tivela ntsena leswaku jaha rihuma eka Homu emugangeni wa ndhuna Manyangi kambe leswaku i ta ka mani a nga switivi.

Maphorisa va lerisile Xitlurhutlurhu leswaku a tshuxeka a ya wisa kambe yena a nga ha pfumeli ku tlhelela ekaya hi ku chavela vutomi byakwe naswona a lava leswaku va landza vana va yena hava mbirhi hikuva Mabihani a nga va vuyela a ta va yayarhela tani hileswi Mabihani a ti sochwa a nga se va mudyondzisi.

Maphorisa a ma nga ha switivi leswaku va fanele ku swindlisa kuyini laha va nga rhumela ntlawa wun'wani ku ya lava munti wa jaha eka Homu 14c no tlhela van'wani va heleketa Xitlurhutlurhu ku ya longa swa yena na vana ku va va baleka Mabihani...

30/08/2023

GONDZO RA VUTOMI 52

Endzhaku ka loko Xitlurhutlurhu a humile ndlwini a binyile thawula Mabihani a nga ha switivi leswaku u to swi yini. U tele hi mianakanyo yo teka ntambhu a ti hinga kambe mbilu yi ku e-e,teka banga u hlongorisa Xitlurhutlurhu u ya n'wi yayarhela a hela a ku bi kutani u ti sunga hikuva a nga sala a dya mali leyi u nga yi tirhela malembe na swigangu swakwe.

Leswi Xibalesa xa Mabihani a xi herile titlulu u lo vhela a xi bela ehansi kutani a teka banga a huma a hlongorisa Xitlurhutlurhu.

Leswo Xitlurhutlurhu a ri ku nweni ka byala a wu nga ta ta switiva no switiva hikuva se a byi hlephukile hi ku chavela vutomi byakwe. Ku huma ka Xitlurhutlurhu a tsutsuma u lo vhela a hlangana na movha wa maphorisa lowu a wu ri karhi wu patirola kutani a tsutsumela eka wona laha ku ya va hlamusela hi ta mhangu leyi yi nga n'wi humelela ekaya.

Loko Mabihani a ku i huma hi gede ya munti na banga u vonile Xitlurhutlurhu a yimile na vhene ya maphorisa kutani a tlhelela ndzeni ka munti a hlometela kunene. Mabihani u vonile un'wani wa phorisa a humesa foyini kutani a foyina hiloko Mabihani a swivona leswaku ri n'wi xele kambirhi hiloko a tsutsumela ndlwni a fika a teka mukwana no mbala tibutsu kutani a tlula khumbhi ra munti wakwe a nghena hi le ka Makhelwani wa le ndzhaku kutani a tlula na khumbhi ra makhelwani a wela a handle a huma a tsutsuma a kongoma matlhelo ya lendzhawini yo hungasela na byetlelo leyi a yi ri kusuhi na patu ro jikela elokixini ra D1 kus**a elokixini ra ti E na ti F.

Loko Mabihani a hundza Kulani ku tshunelela patu ro s**a elokixini ra ti E na ti F ku hundzile mimovha yo tala ya maphorisa yi ri karhi yi tsutsuma hi riviluro ro chavisa. Mabihani u tumberile ku kala mi movha ya maphorisa yi helela ku nga ha vonaki movha na wun'we epatwini kutani a tsemakanya patu a tala na nhovha leyi a yi rikona exikarhi ka lokixi ra ti F na D2.

Maphorisa mafikile marhendzela munti wa Mabihani ku katsa na xitarata xa le mahlweni na le ndzhaku...

30/08/2023

GONDZO RA VUTOMI 51

Tisavannah se a ti sungula ku komba Xitlurhutlurhu n'wanuna kasi xijahani xa Xitlurhutlurhu na xona se a xi lo hliki hi switawuti leswo mikisana na masi a bazela hi chigwani yo huma ka Magezi loyi a va n'wi vitana The-genius.

Timhaka se a ti la ku biha kwalhaya kamareni ro tshamela eka rona hikuva Xitlurhutlurhu se a switwile kambe xijahani xakwe xi ala hi ku chava leswaku vana va Xitlurhutlurhu va nga ha no humelela nkarhi wun'wani na un'wani.

Xijahani xi kokakokile xigangu Xitlurhutlurhu ku kala va ya ku kamareni ya Xitlurhutlurhu na Mabihani hohlo. Lo wa jaha i love a hluvula mpahla hikwayo a ku mbyinya bya le ntangeni wa Edeni kasi Xitlurhutlurhu u lo hluvula buruku ntsena hikuva na ndzisani ya burhuku a nga mbali loko a lava ku endla mikhuva yakwe.

Loko Xitlurhutlurhu na xijahani xakwe va ha ntswotswana no kunguhata ku ya ekamareni ya Xitlurhutlurhu Mabihani a ri karhi a switwa hikwaswo kutani a huma ekamareni ya va yeni a fika a tumbela endzhaku ka ntloko ya mubedo ekamareni yakwe.

Xitlurhutlurhu na xijahani xakwe va yile mahlweni va ntswotswana va lo mbyinyaaa, phela a vo ngo ntswotswana ntsena a va ntswotswana no mamana na hala murhogolo leswi va mpheheleni a va swivona ka mavona-kule kumbe eka tifoyini ta manguva lawa.

Xitlurhutlurhu u ceme lero na cema loko lo wa jaha a n'wi mama hala murhogolo laha Xitlurhutlurhu a nga kala a huwelela a vula leswaku loko mali ya Mabihani yi huma i lava ku thala vukati eka Mabihani a ti tshamela na lo wa jaha.

Mabihani hi ku twa sweswo u tsandzekile ku tikhoma laha a nga humela rivaleni a hlundzukile bya mamba ya vukarhi a humesa Xibalesa a balesela lo wa jaha ka mbirhi lo wa jaha a lovela kwalano.

U te wa hundzuluka ku balesa lowa nsati wakwe Xitlurhutlurhu leswaku a ta hetelela hi yena ku tibalesa o kuma leswaku Xibalesa a xa ha hlanti chumu hikuva a xi nga ha ri na chumu ndzeni.

Xitlurhutlurhu ku swivonisa sweswo o vheta a huba thavula a ku sikisi yi pfune votala a huma hi nyangwa

16/08/2023

GONDZO RA VUTOMI 50

Se a swiendla masiku yo hlaya nyana Xitlurhutlurhu a nga se hlangana na jaha rakwe.Tani hi leswi a ku ri mahelelo ya vhiki Xitlurhutlurhu u foyinerile xijahetanani xakwe a xi byela leswaku xi nga fambeli kule leswaku a ta xiteka namadyambu va ta ya bela hi moya.

Xitlurhutlurhu tirhile migingiriko ya munti hikwayo a bazela hi ku sweka no oxa nyama a lunghisela leswaku va ta tiphina hi nkarhi wa xidyambu na xijahani xakwe.

Dyambu rikale ripela laha a nga huma hi movha wa nuna wakwe Mabihani a landza jaha ra yena eka Homu 14c.
Movha wu fikile wu paka etlhelo ka le Samora laha Xitlurhutlurhu a nga rhuma Jaha rakwe ku ya xava tiphayindhi ta masi.

Loko va fika ekaya Xitlurhutlurhu u humesile swakudya laha va nga dya va tiphina va ri karhi va ntswotswana lero na ntswotswana.

Kuheta ka kudya Xitlurhutlurhu u humesile byalwa bya Tisavannah na switawuti laha va nga nwa le ro na nwa jaha ra Xitlurhutlurhu ri karhi ri hlanganisa na masi.

Xitlurhutlurhu u byele jaha rakwe leswaku kuze a xave xitawuti i kuri i switwe kahle leswaku loko jaha rakwe rinwe le bya xitawuti a ri chova swinyawula naswona a kala a fika vugimanusi bya ntsako jaha ri nga se karhala.

Siku ra Khombo ri nga tivekeku, Mabihani se a karhele ku hanya vutomi byo tumbela naswona maphorisa se a va n'wi chuchile ku vuyela emuntini wakwe hikuvona leswaku vutomi byakwe a byi nga ha ri ka xungweto na switsongo.

Ku huma ka Xitlurhutlurhu a landza jaha rakwe eka Homu Mabihani u sale a nghena emuntini wakwe naswona u hlamarile ku kuma leswaku movha wakwe a wu nga ri kona naswona nghamu na yona a yi nga ri kona.

Mabihani a nga ha lavangi na leswaku vana va n'wi vona u lo vhela a tinghenela ekamareni ya vayeni a ku whiiii a ti byela leswaku u lava ku wisisa mehleketo ku va a bula na nsati kahle mundzuku rixile.

Xitlurhutlurhu na jaha rakwe a va tiphina hi tinyama na mabyalwa endlwini ya Mabihani kasi Mabihani se a vuyile emuntini wa yena kambe hikwavo a va nga tivi chumu...

16/08/2023

GONDZO RA VUTOMI 49

Tsemisa na Gwhirhani va yile mahlweni no tibulela va teka leti na letiya ku fika laha va ongori va nga lerisa Tsemisa leswaku u fanele ku huma a famba hikuva nkarhi wo pfuxela wu hundzile.
Tsemisa a nga si famba Gwhirhani u vitanile munghana wakwe Tsemisa kutani va sungula ku hlevetela kunene.

Munghano,ndzi ngombela leswaku hambhi u lo dakwa kanjhani u nga pfuki u vurile leswaku ku humelerile yini hi mina eka majaha ma mina kumbe ku vula leswaku ndzi humele hi kwhirhi.
Exikolweni kona u nga vuli leswaku kwhirhi ri hume hikokwalaho ka yine ntsena a va tivi leswaku ri lo huma kwhirhi ra mina tani hileswi va tivaku swona hi wena.

Gwhirhani na Tsemisa va twananile sweswo kutani Tsemisa a huma a famba.

Loko N'wamdanisi a chika thekisini yo huma exibedlele u hlanganile na N'wamarwhale a ri karhi a huma emakuleni kutani va longoloka va ri karhi va bulelana leswi a swi n'wi yisa exibedlele no tlhela a vula leswaku u fambile njhani kambe a nga vulangi xivangelo xo va Gwhirhani a humeriwa hi kwhirhi.

Hala ka Xisiwana na Madambhi buku a yi hundzukile banti na buruku eka vona naswona eka vanhu a va kala bya phorisa ra mukula,ku vona vona a ku ri kuya exikolweni hi nkarhi wa xikolo.

Xitlurhutlurhu yena endzhaku ko tlela vusiku hikwabyo na Jackson kambe ku ngari na nhlanga yo baleka ngati hi kokwalaho ka vuvabyi bya chukele eka Jackson a nga ha lavi no twa hi Jackson.

Xitlurhutlurhu se a tikumerile xijahani xa ka Homu lexi a hambha a xiyela navusiku hi movha wa Mabihani.
Xitlurhutlurhu a hambha a xavela jaha rakwe timpahla,tintangu hambhi kuri foni leswo durha hi khadi ra xihundla leri a tumbeta no hlengeletela mali leyi Mabihani a n'wi nyika eka rona kusukela va kuma n'wana wa vumbirhi loyi se a hlanganisile na khume mbirhi wa malembe.

Leswo nuna wa ha hanya na swona a nga humelela nkarhi wun'wani na wun'wani eka Xitlurhutlurhu a swi nga ri kona sweswo.
Lo wa jaha yena mubedo wa Mabihani se a wu hunduke wakwe.

16/08/2023

GONDZO RA VUTOMI 48

Vutomi bya le mabyaleni ku nga byalwa na vavasati,majaha Polo ya lo vhela mateka Gwirhani na Tsemisa va va heleketa eka va Tsemisa kutani Polo yi dya thayela yi kongoma eka Mabunda edorobeni ra Giyani ku ya kuma vo chulula eka vona madleke lawa a va ma kukutlerile leswaku va ta kuma matimba yo rihisa Tsemisa na Gwhirhani mabyalwa ya vona la yo durha.

Gwhirhani na Tsemisa xi lo kala rixa vurhongo byi nga phahangi Gwirhani a ri karhi a rila hi le ndzeni laha a vula leswaku marhumhu yakwe onge a yo tsemeleriwa.

Tsemisa a nga ha switivi leswaku u ta endla yini laha a nga kala a foyinela ambulese.
Hambhi leswi swi nga teka nkarhi wo leha swinene ambulese yi kale yi fika laha va nga teka Gwirhani na va n'wi tsutsumerisa exibedlele xa Nkhensani.

Tsemisa yena u khandziyile thekisi a tsutsumela edorobeni ra Giyani ku ya kuma thekisi yo ya eka Homu ku ya byela n'wa Mdanisi hi ta ntukulu wakwe Gwhirhani.

Loko Tsemisa a fika eka N'wamdanisi N'wamdanisi a tshamile na N'wamarwhale va ri karhi va gobozelana hi mahungu ya vanhu.

Tsemisa u fikile a hlamusela N'wamdanisi hi ta ntukulu Gwhirhani kutani va tekana va khadziya thekisi va ya exibedlele xa Nkhensani.

Loko va fika tin'anga ta xilungu a ta ha ku heta heta ku tirha ntirho wa tona.
Tin'anga tihlamuserile N'wamdanisi leswaku Gwhirhani u humeriwile hi kwhirhi naswona xivangelo hileswaku u nwile ngopfu mabyalwa yo hisa laha ya nga kala ya hisa n'wana endzeni ku kala a lova.

Tin'anga ta xilungu tilerisile leswaku Gwhirhani u ta boheka ku tshama exibedlele masiku yo kari a rikarhi a ongoriwa ku kala a basa hikuva a ku onhakile endzeni ka yena.

N'wamdanisi u tlherile ekaya na saka ra tingana kasi Tsemisa yena u sale a ri karhi a tibulela na munghana wakwe no tlhela va hleka onge a ku humelelangi chumu hikuva Gwhirhani yena se a tiyile endzhaku ka vuongori lebyi a byi kumile...

16/08/2023

GONDZO RA VUTOMI 47

Tsemisa yena a nga ha lavangi ku tinghenelerisa eka mhaka ya Mabihani hi ku chava mana wa yena na tata wakwe.
Leswi ingi a swi nga dumangi swa Tsemisa na Mabihani Tsemisa u humesile kwhirhi kutani a ya hemba eka muhlekisani wakwe leswaku u humeriwile hi kwhirhi na swona a lava mali yo ya tibasisa eka tin'anga ta xilungu.

Tsemisa u yi kumile mali no tlhela a ya tibasisa hi laha a vurile ha kona kutani a ya mahlweni na vunghupepe bya yena hi ntolovelo.

Vunghana bya Tsemisa na Gwhirhani se a byi pfukile hi matimba naswona Gwirhani a nga ha tshuneli eka Xisiwana na Madambhi laha a pfunetiwa kona eka mhaka ya tidyondzo takwe.

Tani hi leswi kwhirhi ra Gwhirhani a ra ha ri ritsongo Tsemisa na Gwhirhani loko ro ze ri ku mahelele ya vhiki a va ku petapeta na rona mabyaleni na majaha ya mi movha ya tiPolo na swona ku vona vona hi Musumbhunuku exikolweni a ku ri mihlolo.

Tani hi ntolovelo, Tsemisa u tile na jaha rakwe na munghana wa rona hi Polo yo basa va fika va teka Gwirhani etlhelo ka ndzhawu ya mabyalwa ya Samora leyi yi nga lo khige na tshava ya Man'ombe etikweni ra ka Homu 14c.

Movha wu dyile thayela wu kongoma eka Siyandhani endzhawini leyi a yi tiveka hi Royal laha a va vula leswaku ku nwa la vo tikota.

Va nwile mabodlela hi kuhambana ka wona la yo hisa laha Gwirhani a nga sungula ku tlhava tlhaviwa endzeni ku kala a hela matimba a wela ehansi.

Tsemisa i lo na swivonisa xisweswo o vhela a tela hi mehleketo yo ya ku wiseni na Gwirhani tani hi leswi ka va Tsemisa a ku ri kwalhaya ka Siyandhani na swona a ku nga ri kule na laha ndzhawu ya vuhungaselo a yi ri kona.

Majaha se a ya khomiwile hi tingana ku kukutlerisa tintombhi mabodlela la yo durha kambe ku nga vi na nhlanga yo baleka ngati...

16/08/2023

GONDZO RA VUTOMI 46

Leswi N'wamarwhale se a byi ri nhlokweni u lo vhela a tala henhla ka Jackson a sungula ku n'wi ntswotswa le ro na n'wi ntswotswa.
Leswi Jackson na yena a ri karhi a holova na ximatsatsa xa yena u lo vhela na yena a ku Xikwembu a xi nyiki hi voko a nyiketana na Xitlurhutlurhu.

U te ka mbirhi ka nharhu Jackson hi loko nyoka yi tshika bya huku.
Leswi Xitlurhutlurhu a ku ri khale a nga twangi chumu na switsongo hi loko a ya mahlweni na Jackson a n'wi ntswotswa na hala murhogolo kambe ku pfuka dolololoooo.

Jackson veri a ri na vuvabyi bya chukele lero loko nyoka yo ze yi tshika ku pfuxa yena hambhi timitsu ta va porofita na tin'anga a swi nga ta n'wi kota...

Se a swiendla mavhiki manharhu vandzawulo ya dyondzo na va ndzawulo ya xiphorisa va ri karhi va lavisisa swihehlo swa Mabihani na swona va kumile leswaku hakunene Mabihani leswi a hehliwa hi swona a swiendla naswona a ku ngari ro sungula hikuva na nsati wakwe Xitlurhutlurhu u n'wi kumile a hi lembe ra vunharhu a ri mudyondzisi exikolweni xa le henhla xa Giyani.

Ndzawulo ya dyondzo yi bohekile ku yimisa Mabihani entirwheni no n'wi phalala hi mali yo kari eka malembe lawa a nga tirha wona a ri mudyondzisi kasi va xiphorisa vona va bohekile ku tihlanganisa na va twisiwa kuvava hi Mabihani leswaku va ta vulavurisana na vona ku va va teka xiboho.

Khombomuni na Gwhirhani hi vona va nga hantla va tivonakarisa kutani maphorisa ya bohekile ku teka xiboho ehenhla ka swiboho swa Khombomuni na Gwhirhani.

Mabihani se a boheka ku hlayisa Khombomuni na n'wana wakwe no tlhela a endlela Khombomuni swilaveko hikwaswo swa Xikolo hikuva Khombomuni se a boheka ku tlhelela exikolweni eka lembe le ri landzelaka tani hileswi a tshikile xikolo eka ntangha nkaye hikwalaho ko pfumala wo n'wi siya na n'wana loyi a nga nyikiwa hi ndlela ya tihanyi hi Mabihani.

Gwirhani yena a nga lavangi swotala hikuva lexi a xi ri mehleketweni ya yena a ku ri ku endlela Mabihani vuloyi leswaku a hambha a n'wi nyika mali...

12/08/2023

GONDZO RA VUTOMI 45

Xitlurhutlurhu se a lo yimela kutwa hungu ra nuna leswaku ku nga va ku humelerile yini hikuva n'wamahungu wakwe N'wamarwhale se a ma chulurile khale ya ku toyatoya ka vadyondzi ku ri ndlela yo hlongola Mabihani entirwheni.

Xitlurhutlurhu na N'wamarwhale a va ri karhi va tidyela mabulu ya gubya loko maphorisa ma fika emuntini wa Mabihani.
Maphorisa a maheleketa Mabihani ku ta longa dyangu wakwe ku ya pfa va vhikela vutomi bya vona ehenhleni ka ku hlundzuka ka vadyondzi ehenhla ka Mabihani.

Xitlurhutlurhu u a rile ku s**a a siya ndyangu wakwe woxe a vula leswaku yena na vana a va ngheni helo ehenhla ka vudabadama bya wanuna wa malebvu yo basa wo tiyela ku hundzula ticece vavasati vakwe,a fambi yena a ri yexe,va tolo va te ximita ntsengele xitshembha nkolo.
Ku yisa Xitlurhutlurhu emahlweni.

Maphorisa ma tekile Mabihani ma n'wi yisa endzhawini ya xihundla ya vutumbelo laha a ku tiviwa hi yena ba maphorisa naswona movha wakwe a va wu vekile exiticini xa maphorisa xa Giyani.

Ku famba ka maphorisa Xitlurhutlurhu u sale a chuchela munghana wakwe N'wamarwhale ta le mbilwini.
Xitlurhutlurhu u vule leswaku yena se u lo yimela leswaku ntirho wu hela eka Mabihani no va Mabihani a kuma mali yakwe kutani yena a dlaya vukati leswaku va avelana rifumu hi le xikarhi hikuva va tsarisile xa mina xa wena eka mucato wa vona.

Xitlurhutlurhu se a karhele na mehleketo hi ku hleketa hi loko a rhamba munghana wakwe N'wamarwhale va tiolola va ya ku ntsevu wa mabodlela ya Tisavannah eka Mageza va vuya va lilingela ku ri ndlela yo tlangela xiboho lexi se a xi tekiwa hi Xitlurhutlurhu ehenhla ka nuna Mabihani.

Xitlurhutlurhu na N'wamarwhale va tinwerile Tisavannah ri kala ri pela N'wamarwhale a nga voni chumu laha a nga ku phaphara dyambu se ri tlomutile naswona a fanele ku muka kaya.

Xitlurhutlurhu yena leswiv a ku ri khale a nga se hlangana na n'wanuna Tisavannah se a ti sungula ku n'wi komba hangayivona laha a nga kala a foyinela khale ka mudyondzisi kulori loyi a rhandzana na yena hinkarhi wa vona exikolweni a nga se yengiwa hi Mabihani.

Jackson u fikile laha va nga heleketa N'wamarwhale kutani kutani va vuya va ku pfampfa hi vumbirhi ka vona ehenhla ka mubedo wa Mabihani...

10/08/2023

GONDZO RA VUTOMI 44

U lo na heta ku vulavula malandza ya nhloko ya xikolo yena tatana Swigingi hi loko ku tlhela ku yima Khombo a lerisa vadyondzi leswaku loko va hangalaka va fanele ku ya khomisa nyoka kutani va hangalaka va ya makaya ku ya tilulamisela siku ra mundzuku ra xikolo.

Loko ku ri malandza ya nhloko ya xikolo tatana Swigingi u hlanganisile vadyondzisi ekamareni ra vadyondzisi.

Swigingi a ko va vito ro duvulela leri a ri kuma eka vadyondzi. Ava vula leswaku loko wo ze u twa Swigingi wo fanele ku tsutsuma hikuva a wu ta biwa swinene hi kokwalaho ka ku ri a nga lavi munhu ehandle hi nkarhi wa xikolo na swona a ku ri mudyondzisi a ri un'we exikolweni xa le henhla xa Giyani loyi a tirha ntirho wakwe hi ku hetiseka no rhandza ntiyiso.
Xivongo xa tatana Swigingi a ku ri Hlungwani,vo tala vadyondzisi a va n'wi vita Tshika Msava kambe vadyondzi a va n'wi vitana Swigingi. Tshika Msava a ri n'wanuna ntiyela naswona hakunene loko a ha ta hi le kule Swigingi a wu ta switwa hi ku a ku ta munhu.

Tshika Msava u va vutisile leswaku va fanele ku ya njhani emahlweni va fambisa xikolo kahle eka khombo leri a va hlanganile na rona ro hlongoriwa ka Mabihani hi vadyondzi.

Ku sukile ku yima un'wani wa va dyondzisi a vula leswaku a ku yiwi mahlweni ku fambisiwa xikolo tani hi ntolovelo ku fana na loko ku nga humelelangi chumu no tlhela a vula leswaku Tshika Msava vo fanele ku tirha na ntirho wa nhloko ya xikolo hikuva a nga voni un'wani loyi a nga wu tirhaku hi ntiyiso handle ka Tshika Msava.

Ku twarile marito ya xinuna lawa a ya ri karhi ya gungula kambe a ma humelangi erivaleni ku kombisa leswi a swi va vilerisa.

Tatana Swigingi Tshika Msava va kombisile leswaku vadyondzisi va nga tihangalakela va ya hetisa mitirho ya vona hambhi leswi vadyondzi se a va fambile.

Mabihani yena a ha ri Maphoriseni na swona a va ha kunguhata ndzhawu ya kahle laha a fanele ku yisiwa kona ku tumbeta xungweto wa vutomi byakwe ehenhla ka vadyondzi...
..45 YI LE NDLELENI NAMADYAMBU