29/01/2025
LAPA LA GA MOLAPO KA MOROKE BA RE BA KGAKANEGONG MABAPI LE DIPEAKANYO TJA POLOKO YA MOFFAT MOLAPO YEO A BOLAILWEGO KA DRC KE MARABELE A M23.
Morago ga gore maloko a seshole sa Afrika Borwa a tle ka lapeng go tla go ba tsebisha ka lehu la Moffat Molapo, ba lapa ba re ba sa beile mokganya phatleng mabapi le tshedimosho ya thulaganyo ya poloko.
Ga bjwale maloko a setshaba sa Moroke ka ntlenyana ga Burgersfort ka masepaleng wa Fetakgomo Tubatse ba bothana ka lapeng la Molapo letjatji ge lehlaba go fihla ge le dikela go ya go ba homotja ka seo se ba hlagetjego eupja ba lapa le bona ba gakanegile ga ba tsebe gore ba tla botja eng setshaba seo.
Maloko a seshole a begetje ba lapa gore Moffat Tseke Molapo wa mengwaga ye masome tlhano nne (54), o magareng ga masole ao a hlokofetjego morago ga go sahlelwa ke marabele a M23 ka nageng ya DRC.
Go ya ka mosadi wa gagwe Vainny Molapo, o re o makatjwa ke gore mo dikuranteng le dithelebisheneng ga go bolelwe selo ka mogatjagwe ge go bolelwa ka masole ao a hlokofetjego ka DRC. O re le bao ba seshole e sale ba ba tshepisha gore ba tla boa le tshedimosho yeo e tletjego ka morago, eupja go shetje go fetile beke ba sa kwe selo go tjwa go seshole sa Afrika Borwa goba go mmusho. Le ge go le bjwale, ba lapa ba re ba emetje mmeyara wa masepala wa selegae wa Fetakgomo Tubatse khanselara Eddy Maila letjatjing la lehono.
Moffat Tseke Molapo o nale mengwaga ye masome tharo pedi(32) a shomela seshole sa Afrika Borwa go tloga ka ngwaga wa sekete makgolo senyane masome senyane tharo(1993)
BOIZEN!! Mohlala KJ
