Inkundla Yezindaba Newspapers

24/01/2025

Namuhla e-Durban ICC, uMayor waseThekwini uCyril Xaba, uSekela Mayor uNkk uZandile Myeni kanye nozakwabo bahlangene nabaxhasi ukuhlonipha abaphume phambili ku top 10 ohlwini lwezilokotho eKZN eThekwini ngo-2024. Laba bafundi bahlonishwa ngenxa yokuphumelela kwabo okubabazekayo ezikoleni ezinsebenzayo. Umelusi Mncwane, oneminyaka engu-17, oqhamuka eMandlenkosi High School eNtuzuma kanye no-Olwethu Langelihle Ntombela, oqhamuka eNanda Newtown Comprehensive High School oneminyaka engu-18, babeyinxenye yabafundi abathole imiklomelo ekhethekile ngokusebenza kwabo ngokuzikhandla. Baphume ku top 10 ngokusebenza kanzima, ngenkathi abanye abafundi bezothola imiklomelo yabo ebalulekile ukuzobungaza ukufunda kwabo futhi bezothola nokuxhaswa ngomfundaze wokuyofunda emanyuvesi."

19/01/2025

uNkk Sanelisiwe Lembede kanye nozakwabo bahlangene nezingane eLindelani, eNtuzuma A Art Centre, belungiselela umcimbi ozayo weMiss Ink Valentine 2025.

Lo mcimbi uzoba nezigaba ezahlukene: i-Little Miss (5-8), uJunior Miss (9-12), amaTeens (13-17), kanye nama Seniors (18+). Uzoba seLindelani Ntuzuma A Hall ngomhlaka 8 kuNdasa 2025.

UNkk Nombuso Ntobela, omunye wabamodeli abahamba phambili, uthe: "Ngijabule kakhulu ngokuba yingxenye yalomcimbi. Kuyithuba elihle lokukhombisa amakhono ethu nokukhuthaza izingane ezincane ukuba zibe nesibindi sokulandela amaphupho azo."

Abahleli bomcimbi iMMA, uBaba Wenu Holdings, Ikusasa lemfundo kanye no Nkk
Sanelisiwe Lembede, wengeze wathi: "Sifuna ukudala indawo lapho izingane nabantu abadala baseLindelani bengakhula khona futhi bathole ithuba lokukhombisa amakhono abo."

16/12/2024

IMeya kaMasipala weTheku, uCyril Xaba, uvakashele izisebenzi zikamasipala ezahlukene ohlelweni lwakhe lokuqinisa ukuphepha ngesikhathi samaholidi. Uhambo lwakhe obeluse ma-beach ahlukahlukene aseThekwini ukuze axhumane nezivakashi, abasebenzi bezokuphepha, futhi aqinisekise ukuphepha kwazo zonke izifunda ezivakashele iThekwini ngesikhathi samaholide.

14/12/2024

UMeya weTheku uCyril Xaba Nabalingani Bakhe Baxoxa Nabantu BaseNtuzuma Ngethemba Lokulungisa Izinkinga Zamanzi eNtuzuma B Hall

Abantu baseNtuzuma bebuza imibuzo ngesikhathi uMeya weTheku uCyril Xaba, kanye nozakwabo, bephendula futhi benikeza izimpendulo mayelana nezinkinga zamanzi nezinye izinkinga zomphakathi.

IHholo Lomphakathi laseNtuzuma B beligcwele izakhamuzi ebezifisa ukuveza izikhalazo zazo futhi zithole izixazululo mayelana nenkinga yamanzi eqhubekayo. Lomcimbi wembizo yamanzi uhehe abantu abaningi baseNtuzuma abebezimisele ukubamba iqhaza kule ngxoxo ebalulekile. UMeya weTheku, uCyril Xaba, ehamba nozakwabo kanye namakhansela omkhandlu wedolobha bahlanganise imiphakathi yaseNtuzuma, ukuze bazwe kabanzi izikhalazo zabantu futhi baqinisekise ukuthi kuthathwa izinyathelo zokubhekana nezidingo zabo.

Amalungu omphakathi waseNtuzuma bathole ithuba lokukhuluma ngezinkinga ezibathinta kakhulu ngokwama-wards abo, kusukela ku-ward 41, 43, 44 kanye no-45. Bathole ithuba lokukhuluma ngezinkinga eziphathelene namanzi kanye nezinhlelo zokuthuthwa kwendle.

Ukushoda Kwamanzi
Abantu bakhononde ngokushoda kwamanzi okuqhubekayo, okwenza kube nzima ukuqhuba imisebenzi yansuku zonke. Abanye bathi sekuphele iminyaka emibili bengakaze bathole amanzi ahlanzekile.

Izinhlelo Zokuthuthwa Kwendle
Izakhamuzi zikhulume ngezinkinga eziphathelene nezinhlelo zokuthuthwa kwendle ezingasebenzi kahle, okuholela ekutheni kube nezindawo ezinephunga elibi futhi ezingcolile.

Ukungabi Nokuxhumana Okusebenzayo
Bakhononde ngokungabi khona kokuxhumana okusebenzayo phakathi komphakathi kanye nezikhulu zikamasipala, okuholela ekutheni izikhalazo zabo zingalalelwa.

Ukungabi Nokuthuthuka
Abantu bakhulume ngokungabi khona kokuthuthuka kwezinsiza zomphakathi, okuhlanganisa izikole, izibhedlela, kanye nezindawo zokudlala.

Ukungabi Nokuthola Amathuba
Abanye bakhononde ngokungabi khona kwamathuba okuhlangana nezikhulu zikamasipala ukuze bazwakalise izikhalazo zabo, okuholela ekutheni izinkinga zabo zingaxazululwa.

Ngaphezu kwalokho, amalungu omphakathi abhekene nenkinga enkulu yamanzi iminyaka emibili edlule. Bavame ukuthembela emanzini avela ezimotweni eziletha amanzi, okungahlali kuthembekile.

Izakhamuzi eziningi zabhekana namapayipi amanzi aphukile, okuholela ezikweletini eziphezulu zamanzi.

Lawa mapayipi aphukile kanye nokuqhuma kwamapayipi amanzi kube nomthelela omkhulu emiphakathini yabo, kwenza impilo yansuku zonke ibe nzima kakhulu. Abanye babika ukuthi ukuqhuma kwamapayipi amanzi kuholele ekugugulekeni kwezindlu nemigwaqo yabo, kudala izimo zokuphila eziyingozi.

Ukungabi khona kokuhlinzekwa kwamanzi okuqhubekayo kanye nomthwalo wezezimali wezikweletu eziphezulu ngenxa yokuvuza kwandisa izinkinga zomphakathi. Lezi zinkinga zibonisa ukuthi kunesidingo esikhulu sokuthi izikhulu zikamasipala zisebenze ngokubambisana nomphakathi ukuze kutholakale izixazululo eziphuthumayo nezisebenzayo.

UMeya uCyril Xaba uchaze kabanzi ngokuhlelwa kwezinhlelo zamanzi ezizobhekelelwa amalungu omphakathi:

"Njalo ngoLwesihlanu kusukela ngo-9 ekuseni kuya ku-12 emini, kunomhlangano obizwa ngokuthi iThangami, lapho kuhlangana khona izikhulu ezivela emahhovisi e-Water, uMngeni, kanye ne-Sanitation ukuze baxoxe ngezinkinga zamanzi eThekwini, ikakhulukazi eNtuzuma. Enye yezinkinga ezinkulu kwaba umlilo ePump Station NR2, ephakela amanzi ama-ward amaningi eNtuzuma. Le pump station iyalungiswa futhi ithuthukiswa, futhi kulindeleke ukuthi umsebenzi uphele ngoNovemba wonyaka ozayo. Lokhu kuthuthukiswa kuhloswe ukuthuthukisa ukunikezwa kwamanzi ezindaweni ebezingawatholi ngaphambili eNtuzuma."

"IThekwini ibhekene nenkinga enkulu yamanzi ngenxa yokuthi uMngeni unciphisele amanzi. Inkampani iqashwe ukuthola nokulungisa ama-leaks, okuzosiza ukubuyisa amanzi alahlekile nokuthuthukisa ukunikezwa kwamanzi ezindaweni ezifana neNtuzuma. Ngaphezu kwalokho, kunezinye izinkinga zokulethwa kwezinsiza. Abantu babonga ukuthi uhulumeni ubakhela izindlu, kodwa abanye basakhononda ngokuthi abanakho izindlu. Kukhona futhi izikhalazo ngemigwaqo ebhuqu."

UMeya Xaba ukhuthaza abantu ukuthi bakhokhele izinsiza ezifana namanzi, ugesi, kanye namarates, ngoba le mali isetshenziswa ngumaspala ukugcina nokulungisa i-infrastructure. Ukuxhumana nomphakathi kubalulekile. Iwadi ngayinye inekhansela kanye nama-ward committees okufanele abize imihlangano njalo ukuze baxoxe ngezinkinga zomphakathi. UMeya uCyril Xaba uthe: "Sizibophezele ekutheni siqinisekise ukuthi izakhamuzi zaseNtuzuma zithola amanzi ahlanzekile futhi izinkinga zamanzi zixazululwa ngokushesha. Ukuthuthukiswa kwePump Station NR2 kuyisinyathelo esibalulekile ekuthuthukiseni ukunikezwa kwamanzi endaweni."

Le ngxoxo ibonisa isidingo sokubambisana phakathi kwabantu baseNtuzuma nabaphathi bezinsiza zomphakathi ukuze kuzuzwe izixazululo ezisebenzayo zokuthuthukisa ukuphila kwabo.

11/12/2024

Inkundla Yezindaba Newspaper(Sizikhipha
njengoba zinjalo)
Ungazitholela iphephandaba lakho kulezindawo
ezilandelayo.

SPAR kwaMashu,
INK Tourism center,
Ohlange library
Sivananda Clinic
The BAT Center
Durban Central Public Library

04/12/2024

UMENGAMELI RAMAPHOSA UMEMEZELE IZINGUQUKO KWIKHABINETHI LIKAZWELONKE

1. UNksz Mmamoloko Tryphosa Kubayi, njengamanje onguNgqongqoshe Wezokuhlaliswa Kwabantu uqokwe njengoNgqongqoshe Wezobulungiswa Nokuthuthukiswa Komthethosisekelo.

2. UNksz Thembi Nkadimeng, okwamanje onguNgqongqoshe Wezobulungiswa Nokuthuthukiswa Komthethosisekelo uqokwe njengoNgqongqoshe Wezokuhlaliswa Kwabantu. Ngaphezu kwalokho, ngokuhambisana nesigaba 93(1) (a) soMthethosisekelo,

3. UNksz Phumzile Mgcina, uqokwe njengePhini LikaNgqongqoshe Wezokumbiwa phansi kanye Nemithombo Yamafutha. UNksz Mgcina ubesesigungwini esiphezulu sikazwelonke njengePhini likaNgqongqoshe Wezabasebenzi Nokuqashwa.

4. UNksz Judith Nemadzinga-Tshabalala uqokwa njengePhini likaNgqongqoshe Wezokuqashwa Nezabasebenzi. UNkk Nemadzinga-Tshabalala uke wasebenza esigungwini esiphezulu kuzwelonke njengePhini likaNgqongqoshe wezokuMbiwa Phansi noPhethroli.

03/11/2024

https://inkundlayezindaba.co.za/ukusebenza-kanzima-kuzala-impumelelo-sthembiso-ndlovu/

UKUSEBENZA KANZIMA KUZALA IMPUMELELO: STHEMBISO NDLOVU Ezamabhizinisi Ezomphakathi inkundlayezindaba.co.za 28 September 20243 November 2024 Share Facebook Twitter LinkedIn 0 0 UKubona iphupho lakhe leminyaka lifezeka ngemumva kwesikhathi kuyisona Sibusiso esikhulu kunazo zonke. uSthembiso Ndlovu, on...

03/11/2024

https://inkundlayezindaba.co.za/uthobe-ugqugquzela-intsha-esafisa-ukungena-emkhakheni-wemfashini/

UTHOBE UGQUGQUZELA INTSHA ESAFISA UKUNGENA EMKHAKHENI WEMFASHINI Ezamabhizinisi Ezemfundo Izindaba inkundlayezindaba.co.za 30 September 20243 November 2024 Share Facebook Twitter LinkedIn 0 0 UThobekile Sokhela, owaziwa ngelika-Thobe, ugqugquzela intsha ethanda imfashini ukuba ingazibeki phansi. Uth...

03/11/2024

https://inkundlayezindaba.co.za/ucwaningo-abafundi-amasezindaweni-zasemakhaya-babhekene-nobunzima-ngenxa-yobudlobongela-okusezinkundleni-zokuxhumana/

UCWANINGO: ABAFUNDI AMASEZINDAWENI ZASEMAKHAYA BABHEKENE NOBUNZIMA NGENXA YOBUDLOBONGELA OKUSEZINKUNDLENI ZOKUXHUMANA. Ezemfundo Izindaba inkundlayezindaba.co.za 30 September 20243 November 2024 Share Facebook Twitter LinkedIn 0 0 UMnu Sphelele Myeni onguthisha odabuka endaweni yakwa Hlabisa Esigodi...

13/09/2024

Akasekho emhlabeni owayengungqongqoshe wezamabhizinisi kahulumeni uPravin Gordhan obeseneminyaka engu-75 ubudala.
Ngokombiko okhishwe umndeni wakhe, ushonele esibhedlela namhlanje ekuseni ngemumva kokuxinwa yisifo somdlavuza.

10/09/2024

https://inkundlayezindaba.co.za/i-njampela-fc-yenze-ezibukwayo-ibhaxa-i-natal-rich-boys/

I-NJAMPELA FC YENZE EZIBUKWAYO IBHAXA I-NATAL RICH BOYS Ezemindlalo inkundlayezindaba.co.za 7 September 202410 September 2024 Share Facebook Twitter LinkedIn 0 0 Kuqhume umkikizo namafiliji ngesikhathi iNJampele Fc ithela ngesibhaxu I-Natal Rich Boys, kumqhudelwano we-Prince Mangosuthu Legacy Cup ka...

07/09/2024

NONGOMA AWUMNCINYANA

Kuqhume umkikizo namafilije ngenkathi Njampela Football Club ithela ngesibhaxu I-Natal Rich Boys kumaphenathi ngo 4-3. Lemidlalo ibisenkundleni oLundi namhlanje mhlaka 7 September 2024.

UMqeqeshi we Njampela FC, uTshepo Motsoeneng, uthi kuyamthokozi kakhulu ukwenza kahle kweqembu lakhe beqala nokungena kulo mqhudelwano ka 2024.

INjampela FC iqembu lakwa Nongoma.

07/09/2024

UMqeqeshi we Royal AM, u John Maduka uthi ukungaphumeleli kwabo Kumdlalo wanamhlanje we Prince Mangosuthu legacy Cup kubavule amehlo, ukuthi ikuphi lana okumele baqinise khona.

07/09/2024

IRICHARDS BAY FC IGILA IZIMANGA ISHAYA I-ROYAL AM

I-Natal Rich Boys isivele yabathela induku omphetha be Prince Mangosuthu legacy Cup bangonyaka odlule okuyi Royal AM. I-thwihli Thwala yashaya AmaZulu ngenqaku eli 1- 0 kowamanqamu.
Amanqaku amabili e-Rich Boys afakwe u Ntsundwana elilodwa lafakwa uSibanyoni.

Lo mqhudelwano owenzeka minyaka yonke wosuku olulodwa, owandulela isizini uthathwa njenge midlalo ebaluleke kakhulu ababambe iqhaza njengoba ubanikeza ithuba lokukala izinga labo ngaphambi kwesizini ezayo.

Lo mcimbi wenzelwe ukuhlonipha lowayengumsunguli weqembu-IFP aphinde abe uNdunankulu kaZulu ongasekho uMntwana uMangosuthu Buthelezi.

Kumdlalo wokuqala INatal Rich Boys iguqise I Royal AM ngamanqaku amathathu kwelilodwa.

12/08/2024

Akasekho emhlabeni lona owayengumsunguli wama Crown Gospel Music awards, uNkk Zanele Mbokazi-Nkambule. Udlule emhlabeni ngemumva kokugula isikhashana.

Lala ngoXolo Mam' Zanele.

28/05/2024

UChristophe Pappas we-Democratic Alliance (DA) uthe lolukhetho alukho mayelana nokukhetha uhulumeni kuphela, kepha lithinta ikusasa lesizwe.Lokhu ukusho ngemuva kokugaya ivoti lakhe ngaphansi kohlelo lokuvota olukhethekile namuhla esikhungweni saseThembelihle eHowick.

24/05/2024

USihlalo wezokuthuthukiswa koMnotho kuMasipala waseThekwini uKhansela Thembo Ntuli, unikezele ngokusemthethweni ngoxhasomali elingango-R1. 5 Million, kumathimba amahlanu asemkhakheni wamafilimu. Lokhu kwenzeke namuhla e-Inkosi Albert Luthuli International Convention Centre (Durban ICC) eThekwini.

23/05/2024

UNgqongqoshe woMnyango Wezemidlalo, Ezobuciko Namasiko KwaZulu-Natal uDkt Ntuthuko Mahlaba ukhuze abahleli bemicimbi abaqola amaciko besebenzisa uxhaso lukahulumeni .UMahlaba wexwayise ngalesisenzo ngesikhathi kuqhubeka ingqungquthela obekudingidwa kuyo amasu azothuthukisa amaciko Kanye nabezemidlalo, namuhla eThekwini.