Inkundla Yezindaba Newspaper is a community Newspaper providing information, News, Knowledge for the
UChristophe Pappas we-Democratic Alliance (DA) uthe lolukhetho alukho mayelana nokukhetha uhulumeni kuphela, kepha lithinta ikusasa lesizwe.Lokhu ukusho ngemuva kokugaya ivoti lakhe ngaphansi kohlelo lokuvota olukhethekile namuhla esikhungweni saseThembelihle eHowick.
USihlalo wezokuthuthukiswa koMnotho kuMasipala waseThekwini uKhansela Thembo Ntuli, unikezele ngokusemthethweni ngoxhasomali elingango-R1. 5 Million, kumathimba amahlanu asemkhakheni wamafilimu. Lokhu kwenzeke namuhla e-Inkosi Albert Luthuli International Convention Centre (Durban ICC) eThekwini.
UNgqongqoshe woMnyango Wezemidlalo, Ezobuciko Namasiko KwaZulu-Natal uDkt Ntuthuko Mahlaba ukhuze abahleli bemicimbi abaqola amaciko besebenzisa uxhaso lukahulumeni .UMahlaba wexwayise ngalesisenzo ngesikhathi kuqhubeka ingqungquthela obekudingidwa kuyo amasu azothuthukisa amaciko Kanye nabezemidlalo, namuhla eThekwini.
I-Democratic Alliance (DA) isikulungele ukusingatha abalandeli bayo embuthwaneni waleliqembu obizwa nge-DA KZN Rescue Rally 2024.Lomcimbi waleliqembu uzokuba senkundleni yezemidlalo iCurries Fountain Stadium eThekwini, NgoMgqibelo womhlaka 11 May 2024.
Kulindeleke ukuthi low'ogaqele esokuba uNdunankulu waKwaZulu-Natal Kwi-DA uMnu Christopher Pappas ethule umqulu wezethembiso kubantu bakulesifundazwe njengoba kuyiwa okhwetheni lukazwelonke oluzokuba ngomhlaka-29 May.kuphinde kwavele ukuthi uMengameli walenhlangano uMnu John Steenhuisen uzokuba ingxenye yabaholi abazohambela lombuthano.
UNtandoyenkosi Ncube waseMtuba onqobe umklomelo wendondo yeThusi nemali engango R28 000 emncintiswaneni weMandela African Boxing Cup obuseThekwini
UNtandoyenkosi Msweli waseMtuba ongumshayela sibhakela ujabule ngokunqoba indondo yeThusi kumqhudelwano we-Mandela African Boxing Cup, obuse-INkosi Albert Luthuli International Convention Centre eThekwini.
KONKE SEKUMI NGOMUMO NGE-MANDELA AFRICAN BOXING CUP
LINDOKUHLE NGCOBO
Intaka ibekelwe amazolo eThekwini njengoba kuzosingathwa iMandela African Boxing Cup,okuwumdlalo wabashayi sibhakela basezwenikazi i-Afrika.Lomqhudelwano wethulwe ngokusemthethweni inhlangano emele isibhakela i-International Boxing Association(IBA) ngokuhlanganyela ne-African Boxing Confederation (AFBC),e-Inkosi Albert Luthuli International Convention Centre eThekwini,NgoMsombuluko womhlaka-15 April.
Angu-41 amazwe azokuba ingxenye yalomncintiswano kanye nabashayi sibhakela abangu-363 uma sekuhlanganisiwe abesifazane kanye nabesilisi.Abagqugquzeli balomqhudelwano i-IBA abakwa-AFBC kanye nenhlangano i-South Africa National Boxing Organisation (SANABO) baqambe lomncintiswano wesibhakela ngengqalabutho yomzabalazo uDkt Nelson Mandela ngemvumo yomndeni wakwaMandela.
“Kuyintokozo ukuthi nginethulele iMandela African Boxing Cup ezosingathwa lapha eNingizimu Afrika ngo-April 2024.Isizathu esenze siqambe lomdlalo ngoDkt Nelson Mandela ongasekho emhlabeni ukuthi uyiqhawe elihlonishwa umhlaba wonke futhi wayewukhonzile umdlalo wesibhakela,Lomqhulwano wenziwe ngenhloso yokumhlonipha” kusho uNobhala jikelele aphinde abeyisikhulu esiphezulu kwinhlangano i-IBA uMnu Chris Roberts OBE.
Eqhuba uChris uthe abashayi sibhakela kumele kubagqugquzele ukuthi uMandela wayethanda isibhakela.Wathi abasebenzise uthando lwalengqalabutho ukukhumbula amagalelo ayo.
I-Mandela African Boxing Cup izosingathelwa e-Inkosi Albert Luthuli International Convention Centre eThekwini,kusukela NgoLwesibili womhlaka-16 April kuya NgeSonto lomhlaka-21 April.
uMholi Jali waseMzimkhulu onqobe iHarry Gwala Marathon ewu-42. 2 km, namuhla eXopo.
IMeya yeTheku uKhansela Mxolisi Kaunda udlulise umlayelo wokuthi bonke abasebenzi balomkhandlu abatelekile, kumele babuyele emsebenzini namuhla lingakashayi ihora lesine ntambama.
UKaunda uthi abasebenzi abazoqhubeka nalesiteleka esingekho emthethweni bazolahlekelwa imisebenzi yabo ngoba lokhu abakwenzayo akukho emthethweni.Lokhu ukusho e-Inkosi Albert Luthuli International Convention Centre eThekwini, kwingqungquthela yengqalasizinda yamanzi ephakathi kwabafundi noMasipala weTheku.
https://inkundlayezindaba.co.za/i-eff-isakubeke-eqhulwini-eyokubuyiswa-komhlaba-kwabamnyama/
I-EFF ISAKUBEKE EQHULWINI EYOKUBUYISWA KOMHLABA KWABAMNYAMA ezepolitiki Lindokuhle Ngcobo 10 February 202411 February 2024 Share Facebook Twitter LinkedIn 0 0 Bebephume ngobuningi babo abalandeli beqembu lezombusazwe i-Economic Freedom Fighters (EFF), ukuzokwethamela uhlwa lwezethembiso zokhetho lwa...
https://inkundlayezindaba.co.za/owe-ifp-uvuselele-ubudlelwano-nabahlali-basemahostela/
OWE-IFP UVUSELELE UBUDLELWANO NABAHLALI BASEMAHOSTELA ezepolitiki Lindokuhle Ngcobo 10 February 202411 February 2024 Share Facebook Twitter LinkedIn 0 0 Usihlalo we-Inkatha Freedom Party(IFP) esifundazweni iKwaZulu-Natal uMnu Thamsanqa Ntuli ubambe umhlangano nezinduna zasemahostela, ngenhloso yokwa...
UMKHANDLU WASEMTHONJANENI UKLOMELISE ABAFUNDI NEZIKOLE
LINDOKUHLE NGCOBO
Kubeyinjabulo kubazali, othisha kanye nokubafundi ngesikhathi uMasipala uMthonjaneni uhlonipha abafundi abayishumi abaphumelele ngamalengiso ibanga leshumi kanjalo nezikole eziyishumi ezakhiqiza imiphumela emihle kuMatikuletsheni ngonyaka owedlule(2023). Lomcimbi obuhlelwe iloMkhandlu ubuseMthonjaneni enyakatho neTheku, NgoLwesihlanu womhlaka-2 February.
Inhloso yalomcimbi ukuqhakambisa imfundo njengoba loluhlelo belwenzeka okwesikhombisa kulonyaka.
IMeya kasiMasipala uMthonjaneni uMnu Mbangiseni Biyela uthe imfundo iyisisekelo sempilo esibakulekile ingakho bewuMkhandlu benohlelo kanye nesikhwama esingango-R350 000 sokulekelela abafundi abasuke bephase kahle ukuze bekwazi ukungena ezikhungweni zakwaNgqondonkulu.
"Siyafisa ukuthi mangabe umfundi esephothulile enyuvesi sibuye simqashe khona lapha eMthonjaneni nakuba singeke sikwazi ukubaqasha bonke kepha siyadinga ukuthatha ingxenye ethile, ukukhombisa ukuthi ngaloluhlelo lwethu lokusiza abafundi nampa abafundi esabayisa enyuvesi babuye bazosebenza lapha" Kusho uBiyela.
Eqhuba uMeya uthe inkinga abanayo ukuthi kwesinye isikhathi abafundi bayabaflathela uma sebethole loluxhaso ababebesabuya ukuzobika ngokuqhubakalayo , wathi kodwa abekho abakebabuya bakhala ngendlala okusho ukuthi bathola amadlelo aluhlala kwezinye izindawo.
UBiyela uphinde waveza ukuthi loluhlelo luhambakahle ngoba phambilini lukhiqize odokotela omunye wabo usebenza esibhedlela sakwaMagwaza esingaphansi kwawo loMasipala.
Umfundi obaqwaqwade emakhanda bonke kuMasipala uMthonjaneni uPhilasande Biyela oneminyaka engu-17 , owaphumelele ngamalengiso ibanga leshumi (Matric 2023) eMthonjaneni Secondary School. Lomfundi uthole umklomelo wesitifiketi, indondo kanye neLaptop.
"Ngizizwa ngijabule kakhulu, nemizwa yami ixovene angazi noma ngikhale noma ngihleke kodwa khona ngijabule kakhulu" Kusho uBiyela.
UPhilasande useyisitshudeni saseNyuvesi yaseCape Town lapho enzakhona izifundo ze-Bachelor of Medicine and Surgery.
Sihlonishwe ngesitifiketi kanye nendondo isikole okwaphumelela kuso bonke abafundi bebanga leshumi bangonyaka owedlule, ogama laso uPhumosizini High School, esiholwa nguthishanhloko uDkt uZakhele Ndaba.
Sebebonke abafundi abahlonishwe kulomcimbi nabasohlelweni lokuqhutshwa uMasipala uMthonjaneni ukuya ezikhungweni zemfundo ephakeme ilaba: Philasande Biyela obefunda eMthonjaneni Secondary School, Nomkhosi Nsele obefunda eMthonjaneni Secondary School, Senamile Biyela obefunda kwanxusa High School, Musa Magudulela obefunda kwanxusa High School, Kwandokuhle Ntethe obefunda kwanxusa High School, Okuhle Mpungose obefunda kwanxusa High School, Lwandile Ngqulunga obefunda kwanxusa High School, Mvuselelo Biyela obefunda eNhloyana Secondary School, Nsindiso Biyela obefunda kwanxusa High School kanye noKwenzokuhle Mashiyana obefunda eNkosithandile High School.
Sezizonke izikole ezihlonishwe kulomcimbi ilezi:Phumosizini High School 100%, oBuka High School 97.8%, Nkosithandile High School 96.5%, Kwanxusa High School 93.9%, Manzimhlophe High School 89.7%, Incaphayi High School 87.5%, Cebisa High School 87.1%, Sibekezelele High School 85.4%, Nhloyana High School 83.6%0 kanye neYanguya High School 79.5%.
Iqembu le-Inkatha Freedom Party (IFP) lizofolosa ngoMhlonishwa uThamsanqa Ntuli, kwesokuba uNdunankulu wesifundazwe iKwaZulu-Natal njengoba kuyiwa okhethweni lukazwelonke, lokhu kumenyezelwe uMengameli waleliqembu uMnu Velenkosini Hlabisa esithangamini sabezindaba ebesibanjelwe eThekwini.
Azokhishwa ohlwini lukaKhongolose amalunga azobonakala eyingxenye yemikhankaso yamanye amaqembu, lokhu kuvezwe uNobhala we-ANC KwaZulu-Natal uBheki Mtolo esithangamini sabezindaba namuhla ekuseni, eThekwini.
I-DA NOMKHANKASO WOKUTHI KUHLAKAZWE UMKHANDLU WETHEKU
Lindokuhle Ngcobo
UMengameli we-Democratic Alliance uMnu John Steenhuisen wethule ngokusemthethweni umkhankaso waleli qembu wokuthi kuhlakazwe ubuholi obuphethe uMasipala weTheku.
Lomkhankaso wethulwe NgoMgqibelo womhlaka 20 ku-January,eCity Hall,eThekwini.
LoMasipala obuswa ngokubambisana iqembu le-African National Congress (ANC) kanye ne-Economic Freedom Fighters (EFF),i-DA ikhala ngokungaphathwa kabi kwalomkhandlu ithe akusabekezeleleki.
“Sinxusa wonke amaqembu abeka phambili izidingo zomphakathi,ukube aseke lesi siphakamiso sokutakula uMasipala weTheku ngoba sekucace ngokusobala ukuthi laba abasemandleni bayahluleka ukulawula leli dolobha” kusho Steenhuisen.
Eqhuba uJohn uthe sekuyisikhathi sokuthi isikunyelwe inkinga yamanzi kanye nokungalungiswa kwengqalasizinda efaka imigwaqo.
Ohola amakhansela e-DA kuMasipala weTheku uKhansela Thabani Mthethwa uthe akhona amanye amaqembu ayingxenye yomkhandlu weTheku asebeke baxoxisana nawo ngokuthi aseke lesi siphakamiso sokuhlakaza loMasipala.
“Akubalulekile ukuthi usuka ukuliphi iqembu kodwa mangabe unonembeza ubona ukuthi abantu baseThekwini bathwele kanzima,abalungiselwa ingqalasizinda,kuyilungelo lakho ukweseka ukungabuthembi ubuholi balaba abasemandleni kuloMkhandlu”.
Kulindeleke ukuthi ubengomhlaka-31 January ,NgoLwesithathu umhlangano okuzophakanyiswa kuwona isicelo sokuthi kuvotelwe ukuhlakazwa kaMasipala weTheku.
UMengameli we-National Teachers Union (NATU) uMnu Sibusiso Malinga, ngesikhathi ekhuluma nabezindaba uveze ukuthi beyi nhlangano i-NATU bajabule ngemiphumela yabafundi bebanga leshumi(2023) etholwe isifundazwe iKwaZulu-Natal.
UNobhalo we-South African Democratic Teachers Union(SADTU) KwaZulu-Natal, uNks Nomarashiya Caluza uvezwe umuzwa wakho ngemuva kokuthi isifundazwe ikwaZulu-Natal silale isibili ngo-86. 4% ezweni ,uphinde wancoma ukusebenza ngokuzikhandla kothisha emcimbini woklomelisa abafundi abaphumelele kahle kumatikuletsheni, e-Durban ICC.
Isifundazwe iKwaZulu-Natal silale isibili ngemiphumela kamatikuletsheni ka 2023.
Halala kubo bonke abaphumelele!
UNkk Lindiwe Mofokeng waseMgungundlovu ubike izingqinamba abhekene nazo kuMengameli we-African Congress for Transformation (ACT),uMnu Ace Magashule, ngesikhathi leliqembu liqhuba umkhankaso walo wokhetho, eMgungundlovu NgoLwesihlanu womhlaka 12 January.
KULINDELEKE UMDLALO WESIBHAKELA OMUHLE KOWE-IMPI THIS IS WAR
Lindokuhle Ngcobo
Intaka ibekwelwe amazolo kumdlalo wesibhakela obizwe nge-Impi this is War ohlelwe iHlula Dladla Promotions, lokhu kuvele esithangamini sabezindaba ebesibanjelwe eRaddson Blue Hotel, eThekwini, NgoLwesihlanu 1 December.
Impi elindelwe ngamehlo abomvu ephakathi kosaziwayo ababili umculi weHip Hop uSiyabonga "Big Zulu" Nene kanye nosomabhizinisi uPhumlani Njilo.
Ekhuluma uPhumlani uthe konke sekumi ngomumo njengoba esenenyanga enza amalungiselelo alempi. "Mina ngigabe ngokushesha angishayi kalula,uBig Zulu unamandla nesandla sokudla esiyingozi kumele ngisiqaphele nginawo amaqhinga" Kusho uNjilo.
Ephawula ngalempi uBig Zulu uthe inhloso yakhe kuzobe kungasiyona ukulimaza uPhumlani kuzobe kuwubonisa abathandi besibhekela umdlalo omuhle,"Ngokwakhe uthi ufuna ukungiwisa kumzuliswano wesithathu ngoba ucabanga ukuthi ngizobe sengikhathele kanti sengicabanga ukumshaya lapho amncane ngakhona" Kusho uNene.
Impi This is War izokuba se-Oliver Conversation Centre eThekwini NgoMgqibelo womhlaka 9 December.
KWETHULWE NGOKUSEMTHETHWENI IMIDLALO YAKWA-SALGA KA-2023
Lindokuhle Ngcobo
Usihlalo wenhlangano i-South African Local Government Association KwaZulu-Natal, uMnu Thami Ntuli wethule ngokusemthethweni imidlalo yalenhlangano , eNgwelezane, eMpangeni, ngoLwesibili womhlaka-21 November 2023.
"Kubalulekile ukuthi siyinhlangano emele uhulumeni wezindawo sisingathe imidlalo yalolu hlobo ngoba ikwazi ukuthola ikhono elicashile njengoba yakwazi ukuvundulula ikhona labantu abanjengo Siyabonga Sangweni, Amanda Dlamini, Bongumusa Mthembu nabanye abaningi.Angikuveze ukuthi uMnyango wezemidlalo, amaciko nezamasiko KwaZulu-Natal ubukeka unokungabaza ekutheni uxhase lemidlalo, nakuba basicikica isivumelwano sokusebenzisana kodwa kumele ngabe aseqalile amalungiselelo kepha sisalindile" Kusho uSihlalo we-Salga KZN uMnu Thami Ntuli.
Eqhuba uNtuli uveze ukuthi lemidlalo yakwa-salga efaka izinhlobo zemidlalo ezahlukene, izosingathwa kwisifunda saseKing Cetshwayo ngaphansi kaMasipala waseMfolozi kanye noMasipala uMhlathuze, kusekela NgoLwesihlanu womhlaka 8 KuDecember kuya NgeSonto lomhlaka-10 December.
I-MUT NOMKHANKASO WOKUGQUGQUZELA UKUNAKEKELWA KWEMVELO
Lindokuhle Ngcobo
Umkhakha wezimiso zemvelo,ukuvuselelwa kanye nokubuyiselwa (Ecosystem, Rehabilitation and Restoration),ngaphansi kwesikhungo semfundo ephakeme iMangosuthu University of Technology (MUT) uqhube umkhankaso wokukhuthaza umphakathi ukuba unakekele imvelo ngendlela efanelekile.
Lomkhankaso ubuqhutshwa eMangosuthu University of Technology,eMlazi eningizimu yeTheku,NgoMsombuluko womhlaka 20 kuNovember.Ekhuluma uNks Sithembile Nkosi ongumsunguli waloluhlelo ofundisa khona e-MUT uthe lomkhankaso wawuqala ngonyaka ka-2018 ngenhloso yokuqwashisa umphakathi ngokubaluleka kokugcina imvelo ihlazekile.
USithembile uthe kwabanezingqinamba ngesikhathi esebenzisana nabantu bomphakathi kuthe ngo-March walonyaka waqoka ukusebenzisana nabafundi besikole samabanga aphezulu iNdukwenhle esikhona eMlazi.
"Into esiyicelayo kumphakathi wethu ukuthi into encane ingashintsha into enkulu kakhulu,into yokuqala engicela ukuthi besilekelele kuyona engadingi hulumeni ukuthi udoti siwulahle ngendlela efanelekile.Wonke lodoti olahlwa ngendlela engalungile uyahamba uyemfuleni bese umangabe sekunezikhukhula sithwale izandla ekhanda kanti ilodoti thina esiwulahlile ,mangabe usemotweni yiba noplasitiki wokufaka udoti,yonke umfucuza ayingene emgqonyeni” kusho uNkosi.
Eqhuba uSithembile unxuse abasebenzi abaqoqa udoti ukuthi benze isiqiniseko sokuwulanda uma usufakiwe endaweni ukuze kube khona ukusebenzisana phakathi komphakathi kanye nabasebenzi abalekelela ekuthetheni udoti.
USolwazi Dumsile Hlengwa waseNyuvesi iDurban University of Technology uchaze kabanzi ngokubaluleka kokunakekela imvelo,ethinta izihlahla,ulwandle,indawo isimo sezulu kanye nezilwane ezitholakala ezweni ,uHlengwa uthe yonke lemvelo ayibalile iyona ekwazi ukuheha izivakashi ingakho kubalulekile ukuthi iphathwe kahle.
“Uma singcolisa imvelo yethu kubanzima ukuthi kubekhona umuntu ovela ngaphandle kwezwe ofuna ukuzovakasha lana, ngoba ayikho into enhle azoyibona.Uma ulwandle lethu lingahlazekile,umangabe sigawula izihlahla izinyoni ziyahamba kanye nokungcolisa umhlaba esikuwo ngokulahla imfucuza endaweni engekho emthethweni yizo zonke izinto okumele siziqaphele.”kusho uHlengwa.
IBAFANA IWUQALEKAHLE UMGQIGQO WOKUHLUNGELA INDEBE YOMHLABA
Lindokuhle Ngcobo
Injabulo kumqeqeshi weBafana Bafana iqembu lakhe liqale ngegiya eliphezulu umkhankaso wokuhlungela iNdebe yoMhlaba ka-2026 ngesikhathi lishaya iBenin ngo 2-1 emdlalweni obuseMoses Mabhida Stadium,eThekwini,NgoMgqibelo womhlaka-18 November ntambama.
IBafana icacise zisuka ukuthi izimisele ukunqoba lomdlalo, lokhu kuhlale obala ngesikhathi uPercy Tau eshaya igoli ngomzuzu webisili umdlalo uqalie,kwathi igoli lesibili libekwe enethini ngu-Khuliso Mudau ngomzuzu ka-45.Igoli leBenin lishawe nguSteve Mounie ngesiwombe sesibili ngomzuzu ka-70.
Ngaphambi kwalomdlalo umqeqeshi weBafana Bafana uHugo Broos uveze ukuthi ukunqoba lomdalo kuzobajabulisa ngoba kuzobabeka esicongweni sika-Group C,okuyinto akholelwa ukuthi izonyusa ukuzethemba kubadlali.
Ephawula emva kwalomdlalo uBroos uthe akafuni ukubala amathuba abawatholile nokuhlaziya kakhulu indlela abadlale ngayo ,ebeka ngelithi okubalulekile ukuthi bakwazile ukunqoba.
“Zibekhona izikhathi ezinzima ngesiwombe sesibili kodwa namuhla ukubakhona kwabalandeli kusinike amandla.
Angifuni ukuqamba amanga ngijabule ukubona abalandeli abayizinkulungwane bezosiseka ngobuningi babo,okuyinto ebiqala ukwenzeka selokhu ngafika kuleliqembu” kusho uHugo.
Ekhuluma ngemuva kwalomdlalo umqeqeshi weBenin uGernot Rohr uthe ubevele elindele umdlalo onzima ngoba iBafana inabadlali abaseqopheleni eliphezulu ebala uPercy kanye nabadlali beqembu leMamelodi Sundowns. “Sibenezinkinga ekhimpini yethu sisalungisela lomdlalo lapho u-Olivier ethole izindaba zokudlula emhlabeni kamfowabo kwabesekuphoqa ukuthi abuyele emndenini wakhe,nasemdlalweni siphoqelekile ukukhipha uHountondji ngenxa yokuthi ubegula, kodwa angizami ukubika izaba basebenzile abafana sizobona emdlalweni olandelayo” kusho uRohr.
Emdlalweni waleliqoqa olandelayo iBenin izobhekana neLesotho khona eMoses Mabhida Stadium NgoLwesibili womhlaka-21 November ngo-3 Ntambama.Ngesikhathi esifanayo iBafana izovakashela iRwanda eHuye Stadium.Njengoba eyisithupha amazwe akuleliqoqo lika-C amanye amazwe akhona iNigeria neZimbabwe.
ABAKWA-ABSA BETHULE NGOKUSEMTHETHWENI INGADI YESIKOLE
Lindokuhle Ngcobo
Injabulo ibibhalwe ebusweni kothisha kanye nakubafundi basesikoleni samabanga aphezulu, iGroutville ngesikhathi ibhange lakwa-Absa ngokubambisana nenkampani yakwa-Urban Harvest bethula ngokusemthethweni insimu elixhase ngayo lesikole ngaphansi komkhankaso waleli bhange othi "Possibilities Unearthed".
Lokhu kwethulwa kwenzeke ngaphakathi emagcekeni aseGroutville High School, KwaDukuza eNyakatho neTheku nokuyilapho lengadi ikhona, NgoLwesibili womhlaka 14 November.
"Siyajabula ukuthi namuhla silapha KwaDukuza ukuzokwenza umsebenzi obalulekile eGroutville High school kanye nasemphakathini wakulendawo. Ukuthola ukudla ngendlela efanelekile kuyinto emqoka kubafundi, ingakho siwu-Absa sakhetha ukuqhuba loluhlelo lokunikezela ngembewu yezitshalo zokudla ngoba sifuna ukwenza isiqiniseko sokuthi abafundi bayakuthola ukudla okunempilo" Kusho uMnu Mandisa Buthelezi oyisikhulu esiphezulu kwa-Absa esifundazweni iKwaZulu-Natal.
Eqhuba uButhelezi uthe ingadi izonakekelwa isikole bese bona njengo-Absa beyihlola ukwenza isiqiniseko sokuthi isikole siyinakekela ngendlela efanele . UMandisa uthe lomsebenzi uzogqugquzela abafundi ukuthi bekwazi ukuzitshalela izitshalo zabo zokudla njengoba kukhona nabafundi abenza izifundo zolimo.
UThishomkhulu weGroutville High School, uMnu Simphiwe Gumede udlulise amazwi okubonga ibhange lase-Absa ngokuthi lakhetha isikole asiholayo ukuthi sikwazi ukuthola loluhlobo loxhaso, nakholelwa ukuthi lomsebenzi wengadi uzoba nomthelela omuhle kubafundi.
"Lensimu yethu esiyenzelwe u-Absa izosiza abantwana ukuthi bekwazi ukunaka izifundo zabo ikakhulukazi njengoba sekubhalwa isivivinyo zokuphela konyaka. Izophinda yenze kubelula ukuqwashisa ngokongiwa kwemvelo kanye nokukhuthaza abafundi ukuthi badle ukudla okunempilo" Kusho uGumede.
Iqembu I-Action SA lizofolosa ngo Zwakele Mncwango kwesobu Ndunankulu wesiFundazwe iKwaZulu-Natali.
Lokhu kuvele njengoba bebebambe isithangami sabezindaba namhlanje eThekwini.
UCHAZWE NJENGENSIKA YEQEMBU AMAZULU FC
Lindokuhle Ngcobo
Kube umunyu wodwa enkozweni yomngcwabo kaBonginkosi “Mdeva” Ntuli, obengumgadli waMazulu FC ,odlule emhlabeni NgeSonto lomhlaka 5 kuLwezi esibhedlela saseMgungundlovu, ngemuva kokuxinwa isifo somdlavuzo isikhathi esifishane.
Lenkonzo ibibanjelwe e-African Congregational Church, eCliffdale,eNtshonalanga yeTheku, NgoLwesine womhlaka-9 November.
Ongumdlali waMazulu FC uRamahlwe Mphahlela uchaze uNtuli njengomdlali obeyinsika yoSuthu. Eqhuba uRama uthe uBongi ubezwana nabo bonke abadlali aphinde aqhulule izingoma uma leliqembu selingena enkundleni.
“Ungabuza noma imuphi umdlali webhola odlale noBongi noma abamaziyo ukuthi kukhona yini lapho abake bamubona ebacasukela noma exabana nabo,bonke bazokutshela into eyodwa ukuthi akukaze kwenzeka lokho” kusho uMphahlela.
USihlalo weqembu Amazulu FC uMnu Sandile Zungu,uthe uNtuli ubengumdlali obezinika isikhathi sokusondelana nabo bonke abadlali beqembu aphinde abenomoya wokugqugquzela abanye abadlali ukuthi belelwe ukunqoba enkundleni.
“Sonke siyazi ukuthi ngesizini ka-2019/20 iqembu Amazulu lalibhekene nokudliwa izembe kwakunzima ngendlela eyisimanga kodwa ukulwa kukaNtuli enkundleni kwasiza leliqembu ngoba uyenamgadli owayeyohlehlela leliqembu amagoli” kusho uZungu.
UBonginkosi “Mdeva” Ntuli udlule emhlabeni eneminyaka engu-32 kanti ushiye ngemuva abazali bakhe bobabili,odadewabo abathathu,abantwana bakhe abangu-4 kanye nonkosikazi wakhe uSinenjabulo Zungu-Ntuli.UBongi ubekwe endlini yakhe yokugcina,eLalakahle,eHillcrest eNtshonalanga yeTheku.
Amaqembu adlale kuwona:Lamontivile Golden Arrows,AmaZulu FC,Mamelodi Sundowns kanye nePlatinum Stars.Udlale imidlalo engu-222,washaya amagoli angu-74 kanti ijezi abeligqoka bekunombolo-7.
UMnyango wezoKuqashwa nabaSebenzi oholwa nguNgqongqoshe uMnu Thulas Nxese, uzosingatha ingqungquthela yezinsuku ezintathu kusukela NgoLwesibili womhlaka-7 November kuya NgoLwesine womhlaka-9 November, eCoastland Hotel Musgrave,eThekwini.
Oyisikhulu esiphezulu se-Occupational Health and Safety uNks Milly Ruiters uthe inhloso yalengqungqulethe ukuzodingida ezokuphepha kwabasebenzi kanye nokubafundisa indlela yokuzinakekela ngokwezempilo.
Akasekho emhlabeni umdlali waMaZulu FC uBonginkosi Ntuli obesanda kushadelwa uSinenjabulo Zungu oyiCEO kuleli qembu nophinde abe indodakazi kaMengameli waleli qembu uMnu Sandile Zungu.
https://inkundlayezindaba.co.za/wp-content/uploads/2023/11/Mzansi-community-Media-1.pdf
KUHELEZE UMOYA WENJALO KUMA-KZN SPORT AWARDS
Lindokuhle Ngcobo
Kugqame ubumbano nothando lwezemidlalo ngenkathi kuqhubeka umcimbi i-KZN Sport Awards obuhlelwe uMnyango weZemidlalo,ezobuCiko namaSiko KwaZulu Natal ngaphansi kobuholi bukaNgqongqoshe uDkt Ntuthuko Mahlaba.Lomcimbi wokuklomelisa abasemkhakheni wezemidlalo esifundazweni iKwaZulu-Natal, ububanjelwe e-Inkosi Albert Luthuli International Convention Centre eThekwini,ngoMgqibelo womhlaka 4 November kusihlwa.
“Ezemidlalo zinamandla okuhlanganisa abantu ngokwehlukana kwabo zibenze babemunye njengoba nathi sihlangene lapha ngazo.Sibonile iqembu lesizwe Amabhokobhoko linqoba indebe yomhlamba,lokhu kuhlanganise isizwe sonke sabamunye”kusho uNgqongqoshe uDkt Ntuthuko Mahlaba.
Eqhuba uMahlaba uncome abezindaba ngokubika ngendlela eyakhaya uma bebika ngezemidlalo zasesifundazweni iKwaZulu-Natal. UNgqongqoshe uthe abezindaba banamandla akobhidliza baphinde babe namandla okwakha ingakho kubalulekile ukubashayela ihlombe.
Kulo mcimbi bekubhekwe ngamehlo abomvu umkhakha wowesifazane ovelele kwezemidlalo kanye nowesilisa ovelele kwezemidlalo.Umdlali wekhilikithi uNonkululeko Mlaba uyena okhale wemuka nomklomelo wemoto yohlobo lakwa-Volkswagen (VW), ngaphansi komkhakha wokuba ngowesifazane ovelele kwezemidlalo.
Ekhuluma uNonkululeko uthe akakholwa ukuthi uyena onqobile ngenxa yobunzima. “Indlela engijabule ngayo kunzima nokukhuluma ngiyabonga kubahleli bomcimbi kanye nabaxhasi balomcimbi ngiphinde ngibonge bonke abantu abakholelwa kimi abahlezi bengeseka” kusho uMlaba.
Emkhakheni wabesilisa ovelele kwezemidlalo kunqobe umdlali wezokubhukuda uMetthew States naye okhale wemuka nomklomelo wemoto yakwa-VW. uMetthew udlulise amazwi okubonga emndenini wakhe wathi ubonga nabahleli bomcimbi ngokunakekela ezemidlalo.
Sebebonke abanqobile kuma-KZN Sport Awards ilaba:
Emkhakheni we-Photography of the year: uThulisile Dlamini (Media)
Emkhakheni we-Sport Journalist of the year: Sthembiso Mkhize (Media)
Emkhakheni we-Technial Official of the year: Lee Anne Stewart
Emkhakheni we-Newcomer of the the year: Grant Williams (Rugby)
Ekhakheni we-Volunteer of the Year:Sbongile Mazibuko
Emkhakheni we-Administration of the Year: Nomkhosi Zulu (Football)
Emkhakheni we-Coach of the Year: Wayne Riddin (Swimming)
Emkhakheni we-Recreation body of the Year: Made for you (ParaSurfing)
Emkhakheni we-Federation of the Year: KZN Cycling (Cycling)
Emkhakheni we-Life Achievement Award :Siyabonga Nomvete (Football) no Hashim Amla ( Cricket)
Emkhakheni we-Honours (Black Blazer)Award :Kebotseng Moletsane (Football),Mlungisi “Professor” Ngubane(Football) kanye noClaudia Barrabail( Shooting)
Emkhakheni we-Federation of the Year: Smiso Buthelezi (Boxing) no Clive Barker (Football)
Emkhakheni we-School Teams of the Year :Edendale Technical School
Emkhakheni we-Junior SportWoman of the Year: uNobahle Ndelwe(Football)
Emkhakheni we-Junior Sportman of the Year:Miles Liebenberg
Emkhakheni we- Sportwoman of the Year with Disability: Alan Ferreira kanye no Tracy Mckay
Emkhakheni we-Sportman of the Year: David Watts (Para-Golf)
Emkhakheni we-Team of the Year: Phantane Athletics (Athletics)
Emkhakheni we-Sport Personality of the Year: Zakithi Nene (Athletics)
Emkhakheni we-Sportwoman of the Year: Nonkululeko Mlaba (Cricket )
Emkhakheni we-Sportman of the Year: Matthew States (Swimming)
Kwazimele
Durban
44693
Be the first to know and let us send you an email when Inkundla Yezindaba Newspapers posts news and promotions. Your email address will not be used for any other purpose, and you can unsubscribe at any time.
Send a message to Inkundla Yezindaba Newspapers:
USihlalo wezokuthuthukiswa koMnotho kuMasipala waseThekwini uKhansela Thembo Ntuli, unikezele ngokusemthethweni ngoxhasomali elingango-R1. 5 Million, kumathimba amahlanu asemkhakheni wamafilimu. Lokhu kwenzeke namuhla e-Inkosi Albert Luthuli International Convention Centre (Durban ICC) eThekwini.
UNtandoyenkosi Ncube waseMtuba onqobe umklomelo wendondo yeThusi nemali engango R28 000 emncintiswaneni weMandela African Boxing Cup obuseThekwini
UNtandoyenkosi Msweli waseMtuba ongumshayela sibhakela ujabule ngokunqoba indondo yeThusi kumqhudelwano we-Mandela African Boxing Cup, obuse-INkosi Albert Luthuli International Convention Centre eThekwini.
uMholi Jali waseMzimkhulu onqobe iHarry Gwala Marathon ewu-42. 2 km, namuhla eXopo.
Iqembu le-Inkatha Freedom Party (IFP) lizofolosa ngoMhlonishwa uThamsanqa Ntuli, kwesokuba uNdunankulu wesifundazwe iKwaZulu-Natal njengoba kuyiwa okhethweni lukazwelonke, lokhu kumenyezelwe uMengameli waleliqembu uMnu Velenkosini Hlabisa esithangamini sabezindaba ebesibanjelwe eThekwini.
Azokhishwa ohlwini lukaKhongolose amalunga azobonakala eyingxenye yemikhankaso yamanye amaqembu, lokhu kuvezwe uNobhala we-ANC KwaZulu-Natal uBheki Mtolo esithangamini sabezindaba namuhla ekuseni, eThekwini.
UMengameli we-National Teachers Union (NATU) uMnu Sibusiso Malinga, ngesikhathi ekhuluma nabezindaba uveze ukuthi beyi nhlangano i-NATU bajabule ngemiphumela yabafundi bebanga leshumi(2023) etholwe isifundazwe iKwaZulu-Natal.
UNobhalo we-South African Democratic Teachers Union(SADTU) KwaZulu-Natal, uNks Nomarashiya Caluza uvezwe umuzwa wakho ngemuva kokuthi isifundazwe ikwaZulu-Natal silale isibili ngo-86. 4% ezweni ,uphinde wancoma ukusebenza ngokuzikhandla kothisha emcimbini woklomelisa abafundi abaphumelele kahle kumatikuletsheni, e-Durban ICC.
UNkk Lindiwe Mofokeng waseMgungundlovu ubike izingqinamba abhekene nazo kuMengameli we-African Congress for Transformation (ACT),uMnu Ace Magashule, ngesikhathi leliqembu liqhuba umkhankaso walo wokhetho, eMgungundlovu NgoLwesihlanu womhlaka 12 January.
UMnyango wezoKuqashwa nabaSebenzi oholwa nguNgqongqoshe uMnu Thulas Nxese, uzosingatha ingqungquthela yezinsuku ezintathu kusukela NgoLwesibili womhlaka-7 November kuya NgoLwesine womhlaka-9 November, eCoastland Hotel Musgrave,eThekwini. Oyisikhulu esiphezulu se-Occupational Health and Safety uNks Milly Ruiters uthe inhloso yalengqungqulethe ukuzodingida ezokuphepha kwabasebenzi kanye nokubafundisa indlela yokuzinakekela ngokwezempilo.
UNobhala we-African National Congress(ANC) KwaZulu-Natal uMnu Bheki Mtolo wethula umbiko ngomhlangano wesigungu esiphezulu se-ANC kwaZulu-Natal. Lombiko uwethule esithangameni sabezindaba ebesibanjelwe ezindlini zaleliqembu, e-Dr Pixley Ka Isaka Seme House, eThekwini,NgoLwesine womhlaka 2-November.
UNkk Jabulisile MaKhumalo Nkosi, ngesikhathi echaza ngomonakalo wezimvula.
Lona umuzi wakwaMthethwa, eMtubatuba, eMapheleni okhahlamezekile ngenxa yemvula enamandla ehambisana nokuduma, eyenzeke kulempela sonto womhlaka- 21 October ebusuku. Lesi siphepho sicekelela phansi isakhiwo salomuzi saphinde sadlula nomphemfumulo wengane yomfana eneminyaka engu-13. Ivido: ithathwe ngu Lindokuhle Ngcobo
Izinhlangano zomphakathi zibungaza uxhaso eziluthole kwa- PEPFAR, obuse The Capital Zimbali Hotel, NgoLwesihlanu womhlaka 13 October
UNgqongqoshe Wezamanzi nokuthuthwa kwendle, uMnu Senzo Mchunu, ubika ngokuqala komsebenzi, uMkhomanzi Water Project , izolo eDurban ICC.
Iqembu lomculo we-Afro Pop, i-AfroSoul ngenkathi linandise eWushwini Pan African Centre, KwaNgcolosi, eNyakatho neTheku. Lendawo yokuncebeleka ephethwe uMnu Jerry Pooe, ibigubha iminyaka eyishumi yakhiwa, NgoMgqibelo womhlaka 30 September.
UNks Ntombizanele Tshali ofundisa eMangosuthu University of Technology ngaphansi koMnyango weZemvelo (Natural Conservation), echaza kabanzi ngengqunguthela yokubungaza kokusetshenziswa kwemithi yesintu. Lengqungquthela ebihlelwe uMnyango weNatural Conservation ogxile ekufundiseni eZemvelo, ibisemagcekeni aseMangosuthu University of Technology, eMlazi eNingizimu yeTheku ngomhlaka 28 September. Ivido ithathwe nguMbali Hlambisa.
Sunken Gardens, North Beach. #TourismMonth #DurbanHasMore
Iqembu l-Democratic Alliance(DA) izofolosa ngoMnu Christopher Pappas kwesokuba uNdunankulu waKwaZulu-Natal ngokhetho lwangonyaka ozayo,lokhu kumenyezelwe uMengameli we-DA uMnu John Steenhuisen, namuhla,eCity Hall, eThekwini.
UPHOTHULWE NGOSUKU LOKUQALA UMKHOSI WOMHLANGA Lindokuhle Ngcobo Awuhambanga kahle umcimbi wezimbali zesizwe njengoba Isilo uMisuZulu Sinqobile KaZwelithini siwunqamule ngelanga lokuvula, ukuhlonipha ukukhothama kweNkosi Mangosuthu Buthelezi, uMntwana wakwaPhindangene, obewuNdunankulu kaZulu. UMntwana wakwaPhindangene uguqe NgoMgqibelo womhlaka 9 September,kanti bese kuvele kuhlelwe konke ngoMkhosi woMhlanga, nezintombi kanye nezihambeli zaloMkhosi bese zikhona eNyokeni, kwaNongoma. Lomcimbi bekulindeleke ukuthi uphothulwe ngeSonto lwangomhlaka, 10 September. "Lomkhosi ngeke usahamba ngendlela ejwayelekile, ngiyazi zimbali zesizwe benithanda ukuzwa iziyalo kanye nokusina,kodwa ngeke zisababikho izinkulumo, ngokuhlonipha uNdunankulu wami,zonke izinhlelo zizoma namuhla, loMkhosi usuyobakhona ngonyaka ozayo" Kusho ISilo uMisuZulu Sinqobile KaZwelithini.Iqhuba Ingonyama ikhalele sizwe sonke sikaZulu ngokukhothama kukaMntwana uMangosuthu Buthelezi, Isilo siveze Ukuthi kuningi uMntwana akwenzele iNdlunkulu kanye nesizwe sonke. "Sizwe sikaMageba besekuningi ebisisakuhlela noNdunankulu kaZulu obekuzoyisa lesizwe phambili, manje ngoba sikunjena asazi sokwenzanjani ngoba uMntwana ubelimela iqiniso kuze kube sekugcineni" Kusho ISilo MisuZulu KaZwelithini.
The Rise Up Movement South Africa
Clark Road
