දුටු නුදුටු dutu nudutu

  • Home
  • දුටු නුදුටු dutu nudutu

දුටු නුදුටු dutu nudutu This is a fan page on my poems and writing. You can read and make your comments or critics on my poe

ගුරුත්වක බලයසපත්තුවට පෑගෙන තණබිස්සගෙන නොයේ පයට සුමුදු බවඋඳුපියලිය පතක...නිසලව නිදනා සිරුරගෙන නොයේ හදට උණුහමදෙයදර රැඳි හා...
28/10/2023

ගුරුත්වක බලය

සපත්තුවට පෑගෙන තණබිස්ස
ගෙන නොයේ පයට සුමුදු බව
උඳුපියලිය පතක...
නිසලව නිදනා සිරුර
ගෙන නොයේ හදට උණුහම
දෙයදර රැඳි හාදුවක...

නැවතුන කළ කැරකෙන ලෝකය
මොහොතක
විසිව යයිද අහසට
පොළොවේ පය ගහන උන්ව...
ජිවත් වීම අත ඇරුණු කළ
නැවත මිනිස් සිරුරක්
කුමට... සතපවන්නට තෘෂ්ණාව...

© දිමූ
2023.10.28

දෑස තෙමාලන සිතුම් විහඟුන්ඉගිල ගියා සඳකැන් අතරින්දෙයදර වෑහෙන නුරා මතින්සැනසෙන්නම්...හිරිගඩු පිපෙනා උණුහුමින්සමනළ පියාපතකද...
25/10/2023

දෑස තෙමාලන සිතුම් විහඟුන්
ඉගිල ගියා සඳකැන් අතරින්
දෙයදර වෑහෙන නුරා මතින්
සැනසෙන්නම්...
හිරිගඩු පිපෙනා උණුහුමින්

සමනළ පියාපතක
දේදුනු අතරේ...
සිතුවම් කළ පෙමාතුර සිහිනේ
රැඳෙන්නම්....
නුඹ ආ ගිය වාරේ මතකයේ

ගත දැවටෙනා සීතක
පවන් අතරේ
පුපුරා ගිය සෙනෙහසිනි බැඳුනේ
සරන්නම්
නුඹ මගෙ නොවෙනා මතකයේ...

© දිමූ
2023.10.25

02/10/2023

මැරිලා කෙල්ලෙක්
කපලා කොල්ලෙක්
උඩ පනියි දනෝ
ඉල්ලා සාධාරණය
ප්‍රේමයක...

සුලබද දුලබද
මෙවැනි ප්‍රේමයන්
ජීවිතය නිමාවන
අනෙකා කුප්පවන
කතිකා මවන...

වෙනස් වන ලෝකයක
වෙනස් නොවිය හැකිද
ප්‍රේමය
මරා දැමීමෙන්
කෙළවරවන
ප්‍රේමයක රඟ...

අමතකව යාවි
කාලයත් සමග
මිය ගියේ කවුද
මැරුවේ කවුද
ප්‍රේමයේ නාමයෙන්...

© දිමූ
2023.01.19

02/10/2023

පුරන් වූ ආදරේ

ජීවිතය වටකරන්
මධු විතක පහසක්
නගයි නම් දුම්රොටු
පුරවයි ලය උන්
දැවෙනා ඕනම දෙයකින්
මකන්නට යටගියාව
පුරන් වූ ආදරයක
අමතක නොවන මොහොතක්...

ප්‍රියාවිය එන්න මා වෙත
පරණ මතකයක පාව
දකින්නට නුඹෙ
කලක් වූ පෙම්බරයාව

පාර පුරා පිරුණු වාහන
යන්නෙ කොහිදැයි
නොදනියි සිත්
ඉබාගාතේ යන සඳ
පහුකළා මනස් සළෙලුන්
නොනිදා පහන් කළ
පුරන් වූ ආදරයක
අමතක නොවන මොහොතක්...

ප්‍රියාවිය එන්න මා වෙත
පරණ මතකයක පාව
දකින්නට නුඹෙ
කලක් වූ පෙම්බරයාව

ගැඹුරු වූ මොහොතක
හුදකලා වූ ස්නෙහයක්
නගයි වේදනා රැළි
කීතු කරමින් හදවතක්
වීදුරු කඳුලක්
ලය මත වැටී බිඳ යයි
පුරන් වූ ආදරයක
අමතක නොවන මොහොතක්...

© දිමූ
2023.02.13

02/10/2023

සා-පිපාසාවට... හෙට තවත් දවසක්

අම්මේ...
හැමෝම කතා වෙන
ඩොලරය කියන්නේ
උඩ යන දෙයක්ද
නැත්නම් පාවෙන දෙයක්ද...

අම්මේ...
මට කියනවද
දෙන්න අඳුනනවද
ඩොලරයයි
රුපියලයි...

අම්මේ...
එක කටක්
කන්න බැරිද
ඩොලර් නැතිව
රුපියල් නැතිව...

අම්මේ...
බඩගින්න නැති කරන්න
රට විකුණනවයි
ඩොලර් ගේන්න
රුපියල් මවන්න...

අම්මේ...
නින්ද යනවා
බඩගින්න වැඩිකමට
හීනෙන් ඩොලර්
බෙදයි නේද සුරංගනාවියෝ...

අම්මේ...
ඇයි මේ කඳුලු
බඩගිනි නැහැ මට
ඩොලරුත් එපා
රුපියලුත් එපා...

අම්මේ..
හෙට තවත් දවසක්
ඩොලර් ගැන
නන් දොඩවන්න
දියවන්නාවේ මාමලාට...

© දිමූ
2023.03.23

ඉපදිලා...බුදු වෙලා...පිරිනිවන් පෑවේ... එයා...පාරේ ඉපදිලා...පාරේ ඉල්ල ගෙන කාලා...පාරේ මැරිලා ගියේ..එයාසංසාරයක් ගැනකර්මයක්...
02/10/2023

ඉපදිලා...
බුදු වෙලා...
පිරිනිවන් පෑවේ...
එයා...

පාරේ ඉපදිලා...
පාරේ ඉල්ල ගෙන කාලා...
පාරේ මැරිලා ගියේ..
එයා

සංසාරයක් ගැන
කර්මයක් ගැන
මැදුම් පිළිවෙතක් ගැන
කතා කළේ
එයා

හැබැයි...

ඇහුම් කන් නැති උඹලා නිසා
අද මේ වෙන කිසි දෙයකට
වගකිව යුතු නැහැ...
එයා

© දිමූ
2023.06.07

ගුහාවගුහාවේ ඉන්නා මිනිසුනේමවන සෙවනැල්ලේ... නුඹ මන රැවටුනේඅඳුරක...ඇස ගැසෙනා... හඬ වැකෙනාඒ සියලු දේ....ඇත්තක් නොම බව නුඹ හ...
02/10/2023

ගුහාව

ගුහාවේ ඉන්නා මිනිසුනේ
මවන සෙවනැල්ලේ... නුඹ මන රැවටුනේ
අඳුරක...
ඇස ගැසෙනා... හඬ වැකෙනා
ඒ සියලු දේ....
ඇත්තක් නොම බව
නුඹ හට නොදැනුනේ

සඳ හිරු සමග ගෙවෙනා ජීවිතේ
කාලය සමග මවයි...
වෙනසක අරුමේ...
වංකගිරියක සරනා සිත නුඹේ
ආලෝකෙ සොයයි වියසිදුරේ

සොබා රුව පෙනෙනා නිම්නයේ
කඩා බිඳ ඉරයි...
ගිලි අවිඳු අඳුරේ
බිඳ දැමූ මනස් සළෙලුන් නුඹේ
අරුත සොයයි මෙමොහොතේ

© දිමූ
2023.07.12

අශුභවාදය වූ ශුභවාදයරෝස මලේ නටුවේ කටුනොව...කටු නටුවේරෝස මලක්වේ...© දිමූ2023.09.30
02/10/2023

අශුභවාදය වූ ශුභවාදය

රෝස මලේ
නටුවේ කටු
නොව...
කටු නටුවේ
රෝස මලක්
වේ...

© දිමූ
2023.09.30

01/03/2023

සීතල

හීන සානුවක් උඩ
පාට පාටින් හැඟුම් පොදි ගැහිලා
දේදුන්නක වර්ණ හොයන හිත
උණුහුම් වෙලා
හද ගැහෙන රාවයේ එළිසමයක්ව...

කඳු අතරේ හමා යන
වේගවත් සුසුම්
කෙඳිරියක්ව
නිහඬ බව බිඳිනවා
මූසල අන්ධකාරයේ ගීයක්ව...

නා දල්ලක් වෙව්ලනවා
තෙත බරිතව
හමනා සුළඟේ ගන්ධයෙන්
මුසපත්ව පිපිරෙන්න
අරුණ නැගෙන සියපතක්ව...

සරනය වන සිතිවිල්ලක
උත්කර්ශය නංවන
පියඹා යන සමනළ රංචු
අඩවන්වූ රන් තාරක අතරින්
බොඳව යයි සිහිනයක්ව...

දරන්න බැරි පාලුවක්
සුළං රැල්ලේ පා වෙනවා
සීතල ගුලි කරගෙන
තනිව නැගෙන හඳ රැස්
ගලා යන ගඟුලක්ව...

© දිමූ
2022.12.11

01/03/2023

එක් දිනක්
පවතින ක්‍රමය වෙනස් කිරීමේ අරමුණින්
මිනිසුන් එක්වුනා...
ජන අරගලයකට
සොයා ජීවිතයට අරුතක්...

උන් මොර දුන්නා
උගුර ලේ රහ වෙනකන්
කිය කිය සටන් වැකි
බලවතුන්ගේ කන් බිහිරි කරවන
එකම ඝෝෂාකාරී සද්දෙන්...

බිය දැනුනේ නැහැ
යකඩ සපත්තුවේ හඬට
උන් පොදියට රැස් කකා
එකිනෙකා රැකුමට
ජන පවුරක් තැනුව බැවින්...

ලොකු කුඩා උන් නිදිවැරුවා
දින ගණන්... අරුතක් දකින්නට
ජය ගැන්මට අරමුණු...
ආදරයේ පණිවුඩය
උනුන් අතරේ බෙදා ගනිමින්...

රැළි පිට රැළි නැගුණා
මිනිස් ගංගා ගලා බසිමින්
පන දෙන්නට...
මිය යමින් තිබූ ජීවිතයට
වැස්සේ ගසා යන කුහුඹු රොත්තක්
තණ පතක එල්ලීමට
වෙර දරන පරිද්දෙන්...

පාහර දේසපාලුවන්
රටකට කළ විනය
අකා මකා දැමිය හැකිද
අරගලය කළ පමණින්
උන්ම නැවත...
බලය අතට ගන්නේ නම්
පාලනයට අනුන්ගේ ජීවිත
උනුන්ගේ මෙන්....

© දිමූ
2022.09.03

01/03/2023

කාලය ගලා යයි වේගයෙන්
දැනට දෙදහස් පන්සියකටත් වැඩිය
බෞද්ධ ගති ගුණ පුහුණු කළ
අත්හැරීම දන්නේ නැති...

අෂ්ට ගුණ ධර්මයේ
ලාභය පමණක්ම
ප්‍රගුණ කළා වූ අපි...
අත්හරින්නේ කෙසේද සැප...
කෙතරම් කාමසුඛල්ලිකානු වුව...

දුක්ඛ... දුක යැයි
සිතා සිටිනා පුඟලයින්
ශරීරයට වද දෙයි නිවටුන්ව
ධර්මය ගුරු කොට ගත්
එවුන්ගේ රැවටුනු බස් ඇතිව...

අවිද්‍යාවෙන් විද්‍යාවට
පටිච්චය කරකවයි සසර
ඇත... නැත...
ඇත්තෙත් නැත... නැත්තෙත් නැත
චතුස්කෝටිකය පසක් කර දෙයි
මම ඉන්න නම්
අනෙකා සිටිය යුතු බව....

© දිමූ
2022.06.14

01/03/2023

පුරවැසි අරගලයක
එක් නිමේෂයක
ගිනි ගනී හාත්පස
බිඳවා සාමය
රැළි නංවා
ඒකාධිපතියෙකුගේ බලය...

බලා සිටි උන්
මොළය පරදා
හදවතට දුනි ආවේගය
අතමිට රැඳි විනාශය
මුදා හරිමින් අවකාශයට...

වීදි දිග ගලා ගිය
රුධිරය
උත්කර්ශයට නැංවුවා
අරගලය
සුදු පරවියා මරා දමමින්...

නිවෙන්න... නිවන්න
කෑමොර දුන්නා අනෙකා
යකඩ සපත්තුවට
මල් පිදූ සෙනෙහසින්
මරා දමන්නට පිපිරීම...

© දිමූ
2022.05.13

01/03/2023

මට එයා අයිති නැහැ
සබඳ... නුඹටත් අයිති නැහැ
එයාගේ අයිතිය... එයාට පමණි
කිසිවිට කිළිටි වන්නේ නැහැ...
හඳේ හාවා හඳට අයිතියි
කීවත් තෙපි හඬගා
හඳ රාහු ගිල්ල කළ
හාවා පැන යයි
හඳේ අයිතිය නොතකා...
මුදු සිහින ගොන්නක
සතපවා පොරොත්තු අහුරක්
හගිස්සවයි අයිතිය පෙමක
හුයෙන් බැඳි අතැඟිලි මිරිකා
දැන දැන ම එයා වෙනෙකෙකු කියා....

© දිමූ
2022.04.23

හාදු මල් වැස්සේ තෙමීහීන් හඬින් කොඳුරනානුරා සිතක ඉඟි බිඟි පාහංස පෙමක පැටලෙනාසඳ වළාකුලින් වැහුනාකළුවන් නුඹ හිනැහුනාකෝල බැල...
05/01/2022

හාදු මල් වැස්සේ තෙමී
හීන් හඬින් කොඳුරනා
නුරා සිතක ඉඟි බිඟි පා
හංස පෙමක පැටලෙනා

සඳ වළාකුලින් වැහුනා
කළුවන් නුඹ හිනැහුනා
කෝල බැලුම් පා නෙතඟින්
සිත අද්දර ගුලි වුනා

සිහින විමන් කවුළු මැදින්
ක්ෂිතිජ දුරක පාවෙලා
දෝරෙ ගලා ගිය සෙනෙහින්
නෙතු කඳුලැලි දිලිසුනා

© දිමූ
2022.01.04

දිගු ජනේල අතරින් ගලා ආ සුළං පොදතිර රෙදි වෙලා ගෙනයෙදෙයි රමනයක...තෙත හිරිකඩනගයි හිරිගඩුනගන වූ උරතලයකිතිකවමින් හීනියට...පදම...
14/12/2021

දිගු ජනේල අතරින්
ගලා ආ සුළං පොද
තිර රෙදි වෙලා ගෙන
යෙදෙයි රමනයක...

තෙත හිරිකඩ
නගයි හිරිගඩු
නගන වූ උරතලය
කිතිකවමින් හීනියට...

පදම් කළ බීරමල්
නගයි සුදු පෙන කැටි
මුදා හල කළ වීදුරුවට
රන්වන් ගංගාව...

රටා මවනා දුම් රොටු
දියව යන කළ වා තලය මත
කිසිදු සේයාවක් ඉතිරි නොාකර
අඳුරු කුටිය තුළ...

කැරකෙන පංකාව
එල්ලුම් ගහකි
කිසිත් නැති ජීවිතය ම
පැවැත්ම වූ කළ....

© දිමූ
2021.12.12

#පැවැත්මේවාදයExistentialism

ඔහු අත ගෙන ආදර වවැදහොත්ව සයනයකඋණුසුම සොයන ගත වල්මත්වදෙදෙනා නොව එකෙකි යන සිහිනයක අතරමංව...රමණයක අවසනමුදාහළ ජීවධාතුසොයයි ල...
20/11/2021

ඔහු අත ගෙන ආදර ව
වැදහොත්ව සයනයක
උණුසුම සොයන ගත වල්මත්ව
දෙදෙනා නොව එකෙකි යන
සිහිනයක අතරමංව...

රමණයක අවසන
මුදාහළ ජීවධාතු
සොයයි ලැගුම්ගත වෙන්න
ගර්භාෂ බිත්ති අතර
ඩිම්බයක් හා මුසුව....

දසමසක් කුස දරා
වැදූ ඒ ජීවය
වඩයි ලේ කිරි කර
මව නම් ඒ ගැහැණිය
දාරක ස්නේහයක නමින...

ආදරය ද මේ
සොයයි ඈ නිදිවර්ජිතව
ළඟ වැදහොත් උන්
ඒ නව්‍ය වූ ජීවිතය
තුරුලු කරගෙන සිහින ගොන්නක...

© දිමූ
2021.11.20

අද මහ මූසල දවසක්...ඉකි බිඳියි අහස තනිවම... අන්ධකාරයක...ගසාගෙන යන පරඬැලක...කලක වූ තේජසගිලී යයි... ජල කඳක...අළු වර්ණ වටපි...
16/11/2021

අද මහ මූසල දවසක්...
ඉකි බිඳියි අහස
තනිවම... අන්ධකාරයක...

ගසාගෙන යන පරඬැලක...
කලක වූ තේජස
ගිලී යයි... ජල කඳක...

අළු වර්ණ වටපිටාව
ගිල ගනී කාන්තිය
පාලුව... රජ කරන...

පාව යන මතකයක
බොඳව යන මිහිර
වඩවයි... හුදකලාව...

© දිමූ
2021.11.16

සෙව්වා...පොතක පිටු අතරේඇති පේළි අතරේනුඹව සෙව්වා... අරුත් අතරේවිඳින්නට ප්‍රේමයඅවැසි ලෙස... මනස් අඹරේමුදාහල කෙහෙරැළිනංවයි ...
31/08/2021

සෙව්වා...

පොතක පිටු අතරේ
ඇති පේළි අතරේ
නුඹව සෙව්වා... අරුත් අතරේ
විඳින්නට ප්‍රේමය
අවැසි ලෙස... මනස් අඹරේ

මුදාහල කෙහෙරැළි
නංවයි රටා
පංකා සුළඟේ
සුසිනිඳු නිදි ඇඳුමේ
තුඩු නෙරූ හංසයෝ
රඟති නිවිහැනහිල්ලේ
අකුරු කර වූ ඒ හැඟුම්...

මහපට ඇඟිල්ලේ නැගි විදුලිය
ඔඩු දුවයි සියොළඟ
බල්බයක් දල්වන තරමට
සිත වල්මත් කොට
දරාගත නොහෙන ප්‍රීතියකි
ක්ෂණයක
මහන්සිය සමග....

© දිමූ
20210831

නාරි මලේ...සත්පෙති මලක පෙති සිඳලාවීසි කළා උඩු සුළඟේවිසිරුණු පෙති සතර අතේඉකි ලන්නේ ලන්දා...එදා ම⁣ගේ හද ඉල්ලාලුහු බැන්දා ප...
31/08/2021

නාරි මලේ...

සත්පෙති මලක පෙති සිඳලා
වීසි කළා උඩු සුළඟේ
විසිරුණු පෙති සතර අතේ
ඉකි ලන්නේ ලන්දා...

එදා ම⁣ගේ හද ඉල්ලා
ලුහු බැන්දා පෙමිනා
සිනා බසට අවනත වී
පිය මැන්නා ඡායා...

මහමායා දුටු ගජනිඳු
නැත සිහිනෙක පෙනුනේ
ළඟ හඬනා නාරි මලේ
දුටු රුව සේයා....

© දිමූ
2021.08.28

නික්ම යාම...නික්ම යන්නේ නොකියාමඑපා වීද මා හද ආදරේදුම් රොටුවක්ව නැගෙන්නේකඳුලක්ව මතකය ආදරේබියකරු සිහිනයකඅතරමංවනොනිදනා ඇස් ...
31/08/2021

නික්ම යාම...

නික්ම යන්නේ නොකියාම
එපා වීද මා හද ආදරේ
දුම් රොටුවක්ව නැගෙන්නේ
කඳුලක්ව මතකය ආදරේ

බියකරු සිහිනයක
අතරමංව
නොනිදනා ඇස් තෙත් වී
උණුසුම සොයයි නිදි පැදුරේ
දාව ගිය සිතිනි... ප්‍රේමයේ

රත් පුංචි කොපුලක
හාද්දක්ව
සොයනා ඔබ තොල් සඟල
පුතේ නැහැ ආයෙ එන්නේ
රාග සිඳ වැටුනි... සංසාරයේ

© දිමූ
2021.08.25

අකල් කරුමා (කොවිඩ්-19)ඈත බලා හිටියාපාලුවේ... රාත්‍රියේතරු අහුරක් නෙලා ගෙනනුඹ පැමිණියා සඳ දියඹ දිගේ...මා ඇකයෙ නිදනාපුතු ග...
31/08/2021

අකල් කරුමා (කොවිඩ්-19)

ඈත බලා හිටියා
පාලුවේ... රාත්‍රියේ
තරු අහුරක් නෙලා ගෙන
නුඹ පැමිණියා සඳ දියඹ දිගේ...

මා ඇකයෙ නිදනා
පුතු ගෙ මුහුණ සිඹ
මා නළලත අදරෙන් පිරිමැද
පවනක්ව හමා ගියා
මා මතකය අවදිකර
පෙම්සුන්දරාණෙනි

සා සසර කරුමා
භවය සරණ නුඹ
අප තනිකර ජීවන මග මැද
කඳුලක්ව බොඳව තියා
මා මතකය ඉතිරිකර
පෙම්සුන්දරාණෙනි

© දිමූ
2021.08.07

අද්දර....මා අත ඇතිවසිහින ගං දිය මතහන්තාන අඩවියකවළාකුළු මතපාව ගිය මතකයක්වියලුන සිත අද්දර....නුඹේ කතා බහසිනාකැන් දලුලනඉඟිබ...
31/08/2021

අද්දර....

මා අත ඇතිව
සිහින ගං දිය මත
හන්තාන අඩවියක
වළාකුළු මත
පාව ගිය මතකයක්
වියලුන සිත අද්දර....

නුඹේ කතා බහ
සිනාකැන් දලුලන
ඉඟිබිගි දෙකොනින්
නුරාව කැන්දන
පාව ගිය මතකයක්
වස්සානයක අද්දර

මා අත අතැර
නැදෑ හිතමිතුරන් මැද
ජීවිතය සොයා ගිය
නුඹ වත කමළ
පාව ගිය මතකයක්
කදුළු බිඳුවක අද්දර

© දිමූ
2021.07.12

ජීවන ගමනඔත්තේ...!ඉරට්ටේ...!ජීවන ගමනසංඛ්‍යාවකි.....හැඳුනුම්පතකට අනන්‍ය වූ....©දිමූ2021.05.17
21/06/2021

ජීවන ගමන

ඔත්තේ...!
ඉරට්ටේ...!

ජීවන ගමන
සංඛ්‍යාවකි.....
හැඳුනුම්පතකට අනන්‍ය වූ....

©දිමූ
2021.05.17

වචනයක්...ලඳුනේ... හඬ... ඇහුනම....සිහියට එන්නේ නැද්දඅනෙක් ගැහැණු...මතක් වෙන්නේ....මාව.... විතරදනුඹෙ ඔය මනසට...© දිමූ2021...
21/06/2021

වචනයක්...

ලඳුනේ...
හඬ... ඇහුනම....
සිහියට එන්නේ නැද්ද
අනෙක් ගැහැණු...
මතක් වෙන්නේ....
මාව.... විතරද
නුඹෙ ඔය මනසට...

© දිමූ
2021.06.04

හසිනියේ....නෙතඟින් වැගිරෙනනුඹෙ සිනහ කඳුළු කැටමා වල්මත් කළ බවනොදනියි නුඹ සිත....හසිනියේ...දෑසේ අග රැඳි නුඹගෙ රුවැති රුවඅත...
21/06/2021

හසිනියේ....

නෙතඟින් වැගිරෙන
නුඹෙ සිනහ කඳුළු කැට
මා වල්මත් කළ බව
නොදනියි නුඹ සිත....
හසිනියේ...

දෑසේ අග රැඳි නුඹගෙ රුවැති රුව
අත් පා ලෙලවා කළ වන් දොඩමළු
මගේ ළඟින් ඉඳ අකුරු කරවු නුඹ
පුබුදු කළා මා මන ඉඳුරන්
නොදනියි නුඹ සිත...
හසිනියේ...

නෙලුම් පැහැය රැඳි ලවනත මුමුණන
අවසන් තිතක් නැති සුමට කතාබහ
සවනත වැකි ගී මිහිරක් විලසට
සතුටු කළා මා මන ඉඳුරන්
නොදනියි නුඹ සිත...
හසිනියේ...

සෙනෙහෙ තටාකයෙ සඳ දිය රළ මත
පවනෙ හමා ගිය නුඹෙ සුවඳ පොද
මා හද අරණෙහි පිපුණ නුරා මල
සැනහුවා මා මන ඉඳුරන්
නොදනියි නුඹ සිත...
හසිනියේ...

© දිමූ
2021.06.21

අවි සොයා දෙන්නා....'නැගපිය වාහනේට'යන්න වී ඇතසොයා දෙන්නට අවි....මා ද පාතාලයෙකිකලකට පෙර... 'නැගපිය වාහනේට' කියාමිනිසුන් රැ...
14/05/2021

අවි සොයා දෙන්නා....

'නැගපිය වාහනේට'
යන්න වී ඇත
සොයා දෙන්නට අවි....
මා ද පාතාලයෙකි
කලකට පෙර...
'නැගපිය වාහනේට' කියා
මිනිසුන් රැගෙන ගිය...

මගේ වෙඩි පත්තු වී
මගේ කඩුවෙන් දෙපලු වී
මගේ කිනිස්සට හිල් වී
මරණය දුටුවෝ....

මා පසු පස සිටි
දේසපාලුවන්... ගෝලයින්...
කෝ උන්...
තවත් මා දොඩමලු වනු
බලා ඉන්නට බැරි...

වේගයෙන් යන සුදු රිය
පසු කරයි... ගම්මණ්ඩිය
අවි ගත්තෝ අවියෙන්ම නැසෙති
අම්මා කිව්වා කාලයකට පෙර
'බැහැපිය වාහනයෙන්'
'හොයාපන් අවි....'
අම්මේ....
නැති අවි මා කෙසේ සොයා දෙන්නද...

© දිමූ
2021.05.14

එහා... මෙහා යන... හුස්මහුස්ම ඉහළට අදීහුස්ම පහළට හෙලයි...ආශ්වාසය.... ප්‍රශ්වාසය... ඉහළට ඇදි හුස්මපහළට හෙලන හුස්මපපු තුළ හ...
11/05/2021

එහා... මෙහා යන... හුස්ම

හුස්ම ඉහළට අදී
හුස්ම පහළට හෙලයි...
ආශ්වාසය.... ප්‍රශ්වාසය...

ඉහළට ඇදි හුස්ම
පහළට හෙලන හුස්ම
පපු තුළ හමුවන මොහොත...

ඉහළට ඇදි හුස්ම
පහළ සිට ඉහළට හැරෙන්නත්
පහළට හෙලන හුස්ම
ඉහළ සිට පහලට හැරෙන්නත්
පපු තුළ හැරෙන මොහොත....

ඇතුලත... පිටත...

ශක්ති හීන... ශක්ති පූර්ණ
පපු තුළ ඇති වන බව....

වෛරසයකට පුලුවන
නිමා කරන්නට....

භාවනාව....

©දිමූ
2021.05.11

Address


Website

Alerts

Be the first to know and let us send you an email when දුටු නුදුටු dutu nudutu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to දුටු නුදුටු dutu nudutu:

Shortcuts

  • Address
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share