17/11/2022
சூட்சுமங்கள் நிறைந்த சூழலின்
சூழ்நிலைக்கைதியென உணராதீர்…
தொலைதூர விளக்கொளியை
நோக்கிப்பயணிக்கும் பொழுதில்,
சிறு தடுமாற்றம் இயற்கையே!…
ஸ்திரத்துடன் மென் பாதங்களை
கடும்பாறைகளில் பதித்து செல்க…
பிணம் உண்ணும் கழுகுகள்
கொத்திக்குதறத் துடிக்கும்…
செந்நாய்கள் உமைச்சுற்றி
ஊளையிட்டுத்திரியும்…
கலங்காதே! கலையாதே!
கர்வமுடன் நிமிர்ந்து செல்…
அடர் வனத்தில் கைகோர்த்து உடன் பயணிக்க ஓர் அன்னப்பறவை சிக்காமலா போகும்?!…
பாலையிலும் நீர்ச்சோலை உண்டு தோழா… தோழீ…
தொடர்ந்து நட,
துவளாதே!…
முன்னோர்கள் துணையிருப்பர்…
தேவர்கள் துணையிருப்பர்…
தேவதைகள் துணையிருப்பர்…
யாம் அனைவரும் துணையிருப்போம்…
கர்வமுடன் தொடந்து நட…
காலம் உமை எங்கு சேர்க்கவென தீர்மானிக்கின்றதோ,
அது தன் கடமையைச் சரியாகச் செய்யும்…
மேன்புறுக… சிறப்புறுக…