Freeminder

24/06/2024

新歌發佈🤣🤣🤣

cantonese, pop, dramatic, alternative rock song. Listen and make your own with Suno.

25/05/2024

Hello! 星期六大家好👋🏻

較早前fb 分享過我喺英國買咗隻PP，仲喺個post 提及過買咗一隻Grand Seiko 送比老公，仲問大家如果想睇就留言話比我知😉 點解事隔一個月先再同大家update？原因我忍唔住訂多咗隻錶，今早去攞貨，趁新鮮熱辣同大家分享先⌚️😍

其實買呢兩隻錶都有個故仔，事源年頭老公生日，我決定買錶作為生日禮物。但對錶係白痴嘅我，剩係識得勞力士。相信大家都知勞力士就算食炒價，大熱款式都未必即刻有現貨。所以我真係用咗2、3日時間瘋狂上網做功課，並且配合自己嘅預算鎖定咗 Grand Seiko 同Tudor 呢兩個品牌。而最後機緣巧合下生日當天買咗Grand Seiko~ SBGW231 作為他的生日禮物 🎁

最弊就係做完功課，我自己對隻Tudor BB58 有啲掛住，又比藉口自己買咗呢隻錶男女都戴得（感覺抵啲😅）所以最後都決定入手。而咁多隻BB58 我自己選擇了“銀”呢一款，覺得比較classic 同耐看一啲。唔知大家又覺得我買呢2隻錶靚唔靚呢？

Timmy 💸

24/05/2024

✨預告✨今晚YT開箱限量版LV手袋💕據講全日本得12個😅
❗️密切留意❗️時間大約八九點🤭

#今晚兩位嘉賓

09/05/2024

電腦壞咗⋯
拎去整⋯

05/05/2024

🇯🇵 名古屋5日4夜之旅順利完結，唔知有冇觀眾睇晒我哋四晚嘅 YouTube live 直播🥰

今次個旅程比起以往family trip 真係買多咗好多嘢。購物時如果對件產品或者件衫一半半、15 16 唔知買唔買好，我今次態度都係買埋，唔好煩。始終交通費和時間都係我嘅成本😎

不過換嚟就係好重好重，拎餐死😖⋯⋯今次真係發自內心多謝Emi，佢好支持我買嘢，同時仲幫我拎嘢。先唔講outlet 同市內shopping，就講回程機場佢都支持我買酒回港，因為我又係機場買咗一大袋魷魚蝦片，所以有一刻emi 幫我拎住三枝酒，真係少啲力氣同義氣都搞唔掂🙂‍↕️

昨日香港天氣十分惡劣，但因為預約了餐廳唔想甩底，所以我們還是冒着大風大雨同母親大人慶祝正日生日🎂💐 感恩所以事情都開心和順利情況下完成🙏🏻

Timmy 💞

30/04/2024

👩🏻18歲體質而家去緊車站搵定聽朝早JR乘車路線，而無鬼用80歲體質，只好呆站一旁看守物品

Timmy 👵🏻
真係唔易做

29/04/2024

✈️✈️✈️飛去邊？

今晚Live🤗

26/04/2024

💭 話說幾年前去英國旅行，路過Harrods 附近一間錶舖，八卦入去問吓有冇勞力士大熱款式，答案當然冇啦🙂‍↔️

之後店員serve 我哋幾杯橙汁，又推介吓其他手錶，圖中呢隻錶當時佢話全英國好似剩返兩隻定三隻存貨（可能係騙局🤫）⋯⋯最後，我有帶咗佢返咗屋企。今日老公幫我去保管箱上鏈，影咗張相俾我，我又順便同大家分享😌 大家見到呢隻錶我一次都冇戴過，恐怕將來又要留俾新抱仔🤣

曾經有網友留言話我哋成日外地/ online消費，其實我都有默默支持本地消費㗎，特別係食方面。呢隻Grand Seiko 係我最近期係香港買嚟送比🍯，雖然唔係啲乜嘢名貴嘢，但我覺得佢造功幾靚，值得日常佩戴使用。如果有興趣知我買咗乜嘢款式，可以留言話我知，多人想睇可以再同大家分享💞

Timmy
#如果貶值咗唔使講俾我知😂

24/04/2024

💁🏻‍♀️屋企早餐推介

我仍然有喺屋企製作簡易早餐，今日要推介呢個牌子叫千金丹，一個賣咗149年黑芝麻醬嘅品牌😱😱😱

香濃、純粹嘅黑芝麻香味，產品無添加糖，日本製。最簡單嘅食法就係用丸十金鋼烤香麵包，直接塗抹黑芝麻醬，完勝😌

順便介紹埋個麵包🍞 我係Little Mermaid 買的叫“香軟米包”。呢款麵包柔軟度極高，但仍然保留少少軟糯感，就算隔夜第2日食，都仍然軟熟。建議如果整蛋治，今次麵包就唔使烤，可以食到麵包另一個口感😋

👆🏻以上兩個產品我都喺city‘super買的（非廣告）。佢哋而家做緊會員快閃推廣至27/4，大家可以碰吓運氣，睇吓會唔會買得平過我 😁

Timmy 💖

24/04/2024

💁🏻‍♀️ 好味麻糬QQ球分享

呢盒麻糬波波係我老友買開嘅時候，買多一盒送俾我，老老實實呢個牌子嘅麻糬波波我都係第一次食😎 估唔到口感和味道有驚喜喎💓

特別深印象係開心果味，另外曲奇味都好食，可惜只吃了一口就俾阿囝搶食，所以未試得真🤣

麻糬波波愛好者如果見到呢間舖頭～簡品堂，都買嚟試吓，應該唔會令你失望😋

Timmy 🎈
#呢個可以用手食🤫

24/04/2024

💁🏻‍♀️新購入外帶餐具分享

先唔講4月22日起實施首階段即棄膠餐具管制，就算以前喺可以嘅情況下我都盡量唔用外賣餐具，其中一個原因係用餐體驗會好啲，食得開心啲 😁🍴

見呢排日圓再低咗，我又借啲意係Amazon Japan online shopping，順便同阿囝換咗佢套餐具盒

挑選新餐具過程，最好係要不鏽鋼，唔要木/ 塑膠或其他花巧物料、也不要什麼顏色和接駁位。而餐具盒最好比較容易開合，盒身slim 啲方便日常攜帶，最後我決定揀咗OXO

收到貨品後其實overall 都ok，唯一美中不足係匙羹兩旁造功不夠順滑，明顯見到不鏽鋼左右兩邊有輕微內屈😔 除此之外，size、清潔和收納都滿意。

給大家參考，Amazon 日本買呢套餐具如果寄香港，check out 時會自動除稅，免稅後約2000日圓，中國製。如果購買特定商品夠12,000日圓，可享免費送貨📦

Timmy

15/04/2024

今年第一次飛✈️✈️✈️
快閃🤭🤭
睇吓今晚有冇時間開Live😙😙😙

#前日突然決定 #快閃 #好眼瞓呀

09/04/2024

剪頭髮💇🏻‍♀️開心

半島有堆閃閃發光嘅佈置

13/03/2024

💁🏻‍♀️2024年我收到最喜愛嘅賀年禮盒🎁

唔知大家農曆新年期間，有冇收到好多由親戚朋友送嚟嘅賀年禮盒？以我自己為例，我真係好怕收到糖果禮盒😖 好似今年咁，收到一大盒樂X杏仁糖，真係唔知點算😫，又硬又甜，最慘送比人，人哋都唔要。另外，哥哥從日本帶回來的蘋果批禮盒，甜到真係嚇死人，我真係忍唔住同返哥哥講：呢個蘋果批好甜，真係好一般（客氣mode😌)

講完啲唔鍾意嘅，而家講返啲鍾意嘅😍 就係“花硏草說”嘅養生茶 🍵

親戚就送咗「三棗養顏大補茶」比我哋，佢話男女都啱飲💞 Check 返官方資料呢款係針對血氣虛弱、體虛怕冷人仕，有助滋補氣血、健脾養肝、抗敏，同時具養顏瘦身功效，產品經中醫調配補而不燥。
當然啦，有冇進補效果？我未知但肯定嘅係飲落好滋潤，果香豐富，排便效果顯著（加咗superfood 奇亞籽）仲有就算我加水返渣再焗，仍然十分出味信心推介。我自己絕對會回購，放屋企方便日常飲用👍🏻

成份：紅棗、南棗、蜜棗、奇亞籽、蘋果乾、雪梨乾和甜菊葉
官網資料養生茶禮盒（一盒10包）：$128- $148

Timmy😍

12/03/2024

唔洗太乖✨唔想做嘅事可以拒絕🙄
做唔到嘅事唔好勉強🙃
唔啱聽嘅說話🙉可以扮聽唔到

我哋嘅人生唔係嚟討好別人
好好善待自己❤️

#菠蘿

06/03/2024

💁🏻‍♀️我心目中的廚具名牌～ 柳宗理🇯🇵

今日忽發奇想想同大家分享吓我嘅柳宗理廚具collection，雖然預咗會俾人鬧“屎波多架撐”😝 但我真係用得開心，食落口又好放心💓

先講不鏽鋼餐具由左至右：小巧咖啡羹➡️甜品/ 水果叉➡️湯羹➡️咖喱飯羹➡️晚餐羹➡️晚餐叉➡️飲品用搞搞棒

煎pan：分別22cm 高碳鋼窒化加以及16cm迷你全鑄鐵

最後，22cm全不鏽鋼食物夾子

👆🏻以上餐具全部使用率都高，以依嗰價錢用到咁高質素嘅廚具，真係消費者嘅福氣🥰。除咗支搞搞棒係好多年前喺日本當地買之外，其餘全部都係日本Amazon 買完寄返香港，唯一缺點要比運費

Timmy🍴🥄🍳

03/03/2024

如果大家有睇emi 昨日的live，應該知我珠寶展最後買了珍珠，包括一條花珠頸鏈連2粒珠再造對吊吊耳環，以及一對10.5mm Akoya 耳環。

今早我攞返日本買的Mikimoto做比較，先知原來大咁鬼多😅，而且珠皮一樣的美，比較顏色應該Mikimoto帶銀白多少少，10.5mm 那對帶粉紅色多少少。

Mikimoto對耳環比昨日買的貴（連稅¥137,500 vs USD800)，當然mikimoto 耳針耳托、包裝和品牌都高一個檔次，仲有我昨日無的購物體驗又無得簽咭🤣 而我就把呢啲成本all in 粒珍珠身上（耳針18K配膠粒耳托），10.5mm真係大成條街 🤩

至於條頸鏈都都真係好靚，好合眼緣，明明眼前仲有一批花珠頸鏈可以揀，我都冇再去揭了，而且條鏈有真科硏証書，將來可以𠄘傳留俾新抱仔（諗得太多😂）

珠寶展入場要比錢或者完成HKTDC 手續都可以免費入場。真心如果小資女都想買對珍珠耳環日常襯衫，其實有啲$350美金日常載都已經非常之好，size 仲要大過我對mikimoto （題外話，當中有一對我都愛不釋手，不過最後都聽大家意見買粒最大嘅）。溫馨提示：珠寶展會場只收現金，唔好學我篤下個鼻就走😜

Timmy 💸💸💸

23/02/2024

願身邊嘅人同貓都健健康康💕世界和平✌🏻

認真看待每一天，做好每一個選擇🌹

#多謝每一個祝福
#一起優雅地變老
#世界真係好需要和平
#施比受更有褔

18/02/2024

大吉大利🍊笑口常開😙

03/02/2024

聽日立春，大家準備好迎接新年未呀🧧

#四處喜氣洋洋💕
#深水埗好熱鬧🥳
#支持本地消費

19/01/2024

🎬 舊片宣傳～ 簡易版年糕😍

呢條片係2022年1月上傳，我見每年一月條片都會突然有好多人翻睇😜
今日睇吓個view數，原來已經去到140,000 觀看次數，所以唔爭在喺Facebook宣傳吓😎 呢個做法真係好容易同成功的，未試過嘅朋友仔都可以今年試吓整🥰

未試過做年糕嘅朋友真係要試下，超級簡單易做，個半鐘就完成！ #年糕 #成本25蚊 💸💰Payme 贊助我哋嘅頻道﹕https://payme.hsbc/emmi​ 💰💸💸★ PayPal 贊助頻道經營﹕http://bit.ly/2Nw6syD​ ★💸💸💰Patreon贊...

19/01/2024

Hello 大家好👋🏻 我係Timmy

說話上年11月Black Friday 我係Amazon 都買咗唔少嘢，其實樣樣產品收到貨都好滿意🥰 當中買得最抵應該係Brita 濾水壺連濾芯（呢個淡藍色好靚）和當初擔心有啲多餘，但用落又幾鍾意嘅Amiro LED化妝鏡。始終打咗光嘅關係，照鏡時會覺得自己靚啲（暗夾🤭），同區別化妝品嘅顏色都精準咗👍🏻
另外，護膚品今次BF就冇買到啦，因為仲有好多日本買落嘅存貨。但係化妝品當中我覺得Armani呢盒10號色（intimate)胭脂，無論品質和顏色都真係好好，做到佢所講嘅霧化柔焦效果，而且顏色好日常，適合大多數女生👍🏻 (我自己係selfridges 買，當時入手價$325）。

最後，12月某一日飲完茶冇嘢做，同屋企人講不如去睇車，原本target 想睇新E-class，但事情最後180°轉變，結果買咗部電車，所以今年開始我哋family 都加入咗電車嘅行列，長遠慳返唔少入油開支⛽️

25/12/2023

🎄聖誕節快樂！Merry Christmas 🎅🏻

大家聖誕節有冇出去外邊玩呀？而我哋節日通常都會同三五知己屋企聚餐，輕輕鬆鬆飲吓酒、食吓嘢、傾吓計。今日我要推介一個適合party 嘅飲品和一個好正嘅service 🥰

先講party drink 就係Don Simon 呢枝Sangria (酒精含量8.5%），要令佢提升啲、高級啲就係自己刨橙皮，再加橙、蘋果和檸檬粒，如果想酒精或甜度淡啲，又可以加有氣梳打水，重點呢枝Sangria 本身調得都已經好飲，但零售價只需$30幾蚊，昨晚飲咗三枝先一舊水多啲🤩

另外，準備一個party 事前功夫係多嘅，好似我咁樣樣都想要少少，又要去不同地方購買，都要花不少時間。所以昨日街市部份我搵了HKTV mall 嘅 “街市即日餸”，今次係我第一次體驗（非廣告）。感覺方便，食物準時送到又乾淨企理，而且品質又ok 喎！重點運費只需$25，第一次體驗仲有$100 e-coupon 扣減，十分抵！又唔洗自己買自己拎咁辛苦！

昨日食品種類十分多，show 少少比大家睇吓，數到最奢華一定係🇫🇷Gillardeau生蠔 🦪，其次就係龍蝦尾🦞 ，聖誕節普天同慶，絕對值得食得正啲 😋

Timmy

23/12/2023

🇮🇳印度餐廳～Chaat 初體驗

話說12月16號係我同老公結婚周年記念，呢間餐廳我大約提前2、3 個月上網才book到😅 事先聲明，我本身唔多食印度菜，而且我同呀囝又唔係好食得辣，不過我心目中認為Chaat 係有別於一般印度餐廳，而且口碑一向十分好，所以決定必須一試，果然無令我哋失望😍

食物方面我哋偏向選擇唔辣或者少辣，每一道菜式賣相都好特別，可見廚師花了不少功夫和心機。我自己特別欣賞牛面頰肉和Naan，真係超高水準👍🏻 另外，當日安排坐嘅位置十分舒適，服務員態度又親切友善，晚餐完結時大廚更親自出現攞食客嘅意見，他更和我們分享他們選擇香料和肉類的要求⋯⋯收費方面，除相片食物外，我仲叫了2杯印度啤酒🍻，埋單$17xx，講真係Rosewood 酒店，呢個價錢食到米芝蓮一星，我覺得性價比高，整體十分滿意，唯一缺點只是太難book 枱😣

Timmy💞

13/12/2023

100隻貓貓等救，幫手分享出去，救得一隻得一隻🙏🏼🙏🏼

#非常緊急 #幫到幾多得幾多
#大家盡力幫

08/12/2023

💇🏻‍♀️髪型真係好重要

平時又懶又無事忙，經常冇整理頭髪就出街，有時真係有啲不修邊幅😮‍💨 今日終於的起心肝去搵我嘅靚仔髮型師Jason HAIR 攪攪佢。最後決定做“直療”，應該最啱我呢啲又冇時間又唔識styling 嘅人。

另外，多謝technician~ Alex 為我做出自然柔順，不死直的效果。出來頓時覺得自己好端莊😜 喺髮型屋呢三個半鐘頭係值得的！

Timmy💞
#自費非廣告

29/11/2023

好榮幸今日出席POLA嘅Event🥳佢哋最新一代殿堂級嘅BA Grandluxe好正呀💕現場出席嘅嘉賓仲個個都好靚添💮🫶🏻

有睇我之前影片介紹應該唔陌生✨Grandluxe IV✨一支有齊🪄B.A.、Wrinkle Shot同White shot所有頂尖成份，全方位照顧晒緊緻、抗皺、美白、抗衰老💫

未睇片嘅快啲去睇番就知佢有幾犀利👇🏻👇🏻👇🏻
🎄Giveaway🎄【限定貴婦級好物】但前所未有咁抵⁉️聖誕節日送禮好介紹「第一回」｜冬日扮靚靚分享｜Feat. POLA
👉🏻👉🏻 https://youtu.be/_VP8W2WIgHA





#日本製造

29/11/2023

一條友行街🛍️估下買左乜？

#獨遊 #尖沙咀
#行下街買下野
#本地消費 #香港購物分享
#發仔

23/11/2023

Cheetah licking my hand 👅🐆




#答應菠蘿會探佢亞叔
#條脷好鞋好正
#口水唔臭
#好夢幻

20/11/2023

Encounter an elephant 🐘

#非洲象
#好興奮
#人生真係好多野要親身感受
#開心到癲咗
#呢個只係開始