Read Avenue

11/05/2024

හිනැහුනත් මුව අගේ සරසා
ගිනි ගොඩක් ඇත ඔහේ සඟවා
පරයමින් ඇති නේක ආශා
වසා මීදුම් පටල ගවසා

තෙරක් නොපෙනෙන මහා වැඩ කඳු
උදව්වට නැති උන්ගෙ මහ තෙද
එකම පවුලැයි දොඩන යස බස
අට පහෙන් පසු සොයාගනු නැත

ඉරේ රශ්මිය නොවේ දැනුණේ
පාස්වෙන බෝලයේ ගැටුනේ
දවස අවසන කෙසේ හෝ මේ
කුමක් කළදැයි අසන්නට වේ

හඹා යන්නට අංක මත්තේ
ගෙනෙන්නට තර ලාභ සිත්සේ
ශේෂ කඳු කිහිපයක් ඔස්සේ
ඉහළ උදවිය සැපත විඳිතේ…

#ශේෂ_කඳු
Episode 40 (May 2024)

All Rights Reserved.

Photo created for Read Avenue by Leonardo AI.

06/01/2024

ජනවාරියේ දවසක්...

සිසිරයේ සිරි මැදින්
වසන්තය වෙත අත වනා
සියොත් තටුවක සැහැල්ලුවකින්
ඔහේ පාවෙන පැතුම් පොදියට
පහන් දල්ලක දීප්තියකින්
අලුත් ජීවය ලඟාකරවන
ගිම්හානයේ දිනෙක එළඹෙන
අමයුරුව හැබැහින් විඳින දා....

Episode 39 (Jan 2024)
Photo created for Read Avenue by Leonardo AI
All Rights Reserved

31/12/2023

25/11/2023

Great news for candle lovers 🕯️

24/09/2023

සඳැසියේ...

තෙරක් නොපෙනෙන ගුවන් තලයක
පසෙක හිඳ පෑ මදහසක් මත
වසත් කල දිවිමංපෙතේ හිඳ
සරසවනු රූ සඳැසියේ නුඹ

තෙමුණු කොපුලක මිහිරි මතකෙක
එක්ව විඳිනා පුළුල් වරුවක
රනින් ලියවා මතක පිටු මත
දිදුලවනු රූ සඳැසියේ නුඹ

තෙළිතුඩෙන් මැවෙනා අනන්තෙක
කෝපි සුවඳක උණුහුමක් මත
අලුත් හැඩතල මවාලන්නට
රටා ගලපනු සඳැසියේ නුඹ…

Episode 38 (Sep 2023)

Photo created for Read Avenue by Leonardo AI
All Rights Reserved

13/08/2023

පෑනකින් නොලියූ කවිය...

හිරිමලුන් ලෙස වසත් දොර ළඟ
රස්තියාදුවේ ඔහේ දුවනා
කාසි පොදි මත දිවිය තබමින්
දිවා රෑ එක රවුමෙ දුවනා
සැවොම පිම්මට සතුට පතමින්
නිවාඩුව වෙත උදා කරනා
පමා වුණ රස මෙතෙක් දිවියේ
බොහෝ ලෙස ඇත මතක් කරනා

හිතින් නොගොසින් ගතින් යන්නට
මතක සටහන් එකතු කරනා
එක්ව රැස්වී රස කතාබස් සමඟ
රැඳෙනට පෙරුම් පුරනා
දිනපතා පෑනක් රැගෙන කඩදාසියක් මත
ඔහේ ලියනා
පෑනකින් නොලියූ කවිය අද
නිවාඩුව වෛවර්ණ කරනා…

#පෑනකින්_නොලියූ_කවිය
Episode 37 (Aug 2023)
All Rights Reserved.

10/06/2023

විඩාබර ඇස්....

හදවතට අමතා
රස බසින් ගී ගයන
පෙම් හඬින් විමසා
රස නිලය හසුරුවන
ගතින් තව නොරිද්දා
අණසකට නතු කරන
විඩාබර ඇස් නිසා
උදා කළ විරාමය

යළි යළිත් වයන්නට
තිස්සේම හිතට එන
සුපෙම් රස වීණාවේ
සුසර කළ තත් පෙළට
බටනළා තුඩු අගින්
පිටකරන සත්සරය
මුසුව මම වයන්නම්
හොඳම ගීතය යසට...

Episode 36 (June 2023)
Sasanka Dasanayake
All Rights Reserved.

23/10/2022

තරුවකින් තවත් තරුවකට...

අකාලික සිත් හැඟුම් වඩවන
ලොවක් නොපතන ප්‍රේම පන්දම
ඇරයුමක දවටා යවන ලද
දැල්වුමට යස මිහිරි මීවිත

සීතලට ගුලි වී ගොතන ලද
නිමාවක් නැති රසම කවි පෙළ
ගයන්නට යුග ආසනේ හිඳ
එන්න පිළිගෙන පන්දමත් ගෙන

ඇයිද ලෝකෙට අවැසි ලෙසටම
බැරිද අපහට අපේ ලෙසටම
තරු සඳට වඩනා ආලෙ මැද
දුටිමි රසයක් තවත් තරුවක...

Episode 34 (Oct 2022)
(C) Sasanka Dasanayake
All Rights Reserved.

06/07/2022

මේ සෙනසුරාදා හවසට...

15/01/2022

අටවිසිය...

හිනැහෙමින් උන් පුන්සඳේ හැඩ
එක්වනම බැහරට ගොසින්
පැතිරෙමින් තිබු එළිය දසතම
කළුවරව නික්මී බැවින්‍
රැව්දෙමින් ඇති සදය හඬ දැන්
ගොළුව මුනිවත රැක ගමින්
ගෙවී ගොස් ඇත අටවිසිය අද
හිඳින් ලෝකෙට සඟවමින්

තරු ගැටව් දඟ කරන හින්දා
තනිව උන් අස්සේම රන්දා
පරෙස්සම දැඩි හිතට බන්දා
හිඳින් හාවට තුරුළු වීලා

අලුත් හඳ නුදුරේම හින්දා
එළිය එදිනට දකින හින්දා
අමාවක ටික දිනක් හින්දා
ඉවසපන් මේ සියලු නින්දා...

#අටවිසිය
Episode 30 (Jan 2022)
සියලුම හිමිකම් ඇවිරිණි.

31/10/2021

It's offcial now !!!

You can own a personalized Dream Catcher from Four Petals 😍

Reasonable Prices 🤗

Hit the Like button & Drop a message 📲

31/10/2021

Something new 😍 coming soon...

Follow on Instagram >>>

https://instagram.com/four___petals?utm_medium=copy_link

26/09/2021

හිරුත් සුවසේ නිදන දවසක
වැහි පොදෙන් බිම තෙමෙන වරුවක
ඇගේ අත රිසි අවැසි මොහොතක
තනි වුණේ හිත මුදුව හවසක

පොතේ පිටු නැත අකුරු පෙනුනේ
ටෙලි තිරේ ඔබෙ රුවයි මැවුණේ
හිතේ කහටක් නැතත් දැනුනේ
අමුතු තනියක මාව රැඳුණේ

මදහසක් පා සුවඳ හීනෙක
තරු මලක් වන් සොඳුරු යාමෙක
එවන් හීනයේ සුවඳ විඳගෙන
හිඳින් නොගොසින් එයින් ඉවතට...

#අමුතු_තනියක
Episode 29
(Sep 2021 - 2)

24/07/2021

හදවත් රසවත් කළ පස් වසක්...

23/07/2021

හොඳටම සමරමු OK 😏😉

20/06/2021

සියපතක් වී
මඩ ගොහොරුවක් මැද
පිපී වැජඹියන්
සදය සිනා මැද....

විශ්වයේ සියලුම පියවරුන්ට සෙනෙහසින් ❤️

26/05/2021

🙏