The Balochistan Post - Urdu

02/02/2025

زیر حراست بلاچ قتل کیسز میں عدالت سے سزا یافتہ سی ٹی ڈی اہلکار کی 18 گریڈ تک ترقی

دی بلوچستان پوسٹ

ذرائع کے مطابق تربت میں زیر حراست بالاچ مولا بخش قتل میں نامزد ملزم کو ترقی دی گئی ہے۔

بلوچ صحافی کیاء بلوچ نے کہا ہے جب سی ٹی ڈی افسر عادل عامر جنہوں نے نومبر 2023 میں تربت میں بالاچ مولا بخش کے قتل کا حکم دیا تھا جسکے نتیجے میں اسلام آباد میں ایک مہینہ دھرنا ہوا، انہیں گریڈ 18 میں ترقی دے دی گئی ہے۔

یاد رہے کہ بلوچستان ہائی کورٹ نے نومبر 2023 میں عادل سمیت CTDکے چار اہلکاروں کی معطلی کا حکم دیا تھا۔

انسانی حقوق کے کارکن اور وکیل ایمان مزاری نے ردعمل دیتے ہوئے کہا ہے کہ جو اہلکار بلوچوں کا خون بہاتے ہے، انکو یہ دہشتگرد ریاست ہمیشہ ترقی اور حفاظت دیتی ہے۔

انہوں نے کہاکہ ایسے قاتل ہی ایسی دہشتگرد ریاست کے اثاثے ہوتے ہیں۔ بلوچ نسل کشی ریاست پاکستان کی پالیسی ہے۔

- https://thebalochistanpost.com/2025/02/%d8%b2%db%8c%d8%b1-%d8%ad%d8%b1%d8%a7%d8%b3%d8%aa-%d8%a8%d9%84%d8%a7%da%86-%d9%82%d8%aa%d9%84-%da%a9%db%8c%d8%b3%d8%b2-%d9%85%db%8c%da%ba-%d8%b9%d8%af%d8%a7%d9%84%d8%aa-%d8%b3%db%92-%d8%b3%d8%b2%d8%a7/

02/02/2025

کوئٹہ: انتظامیہ نے پولیو سے انکاری 5 والدین کو گرفتار کرلیا

دی بلوچستان پوسٹ

کوئٹہ کی ضلعی انتظامیہ نے پولیو ویکسین پلانے سے انکار کرنے والے والدین کے خلاف کارروائی کرتے ہوئے پانچ افراد کو گرفتار کر لیا ہے۔

اسسٹنٹ کمشنر سریاب، ماریہ شمعون، نے پولیو ٹیم کے ہمراہ سریاب کے مختلف علاقوں کا دورہ کیا اور انکاری والدین سے بات چیت کی۔

اس دوران، 15 بچوں کو پولیو کے قطرے پلائے گئے۔ تاہم، متعدد بار سمجھانے کے باوجود بھی انکار کرنے والے پانچ والدین کو حراست میں لے لیا گیا۔

حالیہ رپورٹس کے مطابق، بلوچستان میں پولیو کیسز کی تعداد میں اضافہ دیکھا گیا ہے، جس کی وجہ سے انتظامیہ نے ویکسینیشن مہم کو مزید مؤثر بنانے کے لیے اقدامات تیز کر دیے ہیں۔ 

- https://thebalochistanpost.com/2025/02/%da%a9%d9%88%d8%a6%d9%b9%db%81-%d8%a7%d9%86%d8%aa%d8%b8%d8%a7%d9%85%db%8c%db%81-%d9%86%db%92-%d9%be%d9%88%d9%84%db%8c%d9%88-%d8%b3%db%92-%d8%a7%d9%86%da%a9%d8%a7%d8%b1%db%8c-5-%d9%88%d8%a7%d9%84/

02/02/2025

قلات سٹی پولیس چوکی پر دستی بم سے حملہ کیا ہے۔ بی ایل ایف

دی بلوچستان پوسٹ

بلوچستان لبریشن فرنٹ کے ترجمان میجر گہرام بلوچ میڈیا کو جاری کردہ بیان میں کہا ہے کہ سرمچاروں نے یکم فروری رات سات بج کر پینتالیس منٹ کو قلات سٹی میں قائم ہائی اسکول کے امتحانی ہال کے قریب قائم پولیس چوکی کو دستی بم حملے میں نشانہ بنایا ہے جس کے نتیجے میں ریاستی پولیس کو جانی و مالی نقصان پہنچا ہے.

انہوں نے کہا کہ پولیس کو متنبہ کرتے ہیں کہ وه ریاستی افواج کی ہمنوائی سے گریز کریں ورنہ دشمن جیسا برتاو کیا جائے گا.

ترجمان نے کہا کہ بلوچستان لبریشن فرنٹ اس حملے کی ذمہ داری قبول کرتی ہے اور آزاد بلوچستان کے حصول تک قابض فورسز اور ان کے ہمنواؤں کو نشانہ بنانے کاعزم کرتی ہے۔

https://thebalochistanpost.com/2025/02/%d9%82%d9%84%d8%a7%d8%aa-%d8%b3%d9%b9%db%8c-%d9%be%d9%88%d9%84%db%8c%d8%b3-%da%86%d9%88%da%a9%db%8c%e2%80%8c-%d9%be%d8%b1-%d8%af%d8%b3%d8%aa%db%8c-%d8%a8%d9%85-%d8%b3%db%92-%d8%ad%d9%85%d9%84%db%81/

02/02/2025

حب: جبری گمشدگیوں کے خلاف دھرنا تیسرے روز جاری، مذاکرات ناکام

دی بلوچستان پوسٹ

حب چوکی میں جبری لاپتہ افراد کے لواحقین کی جانب سے پیاروں کی عدم بازیابی کے خلاف احتجاج جاری ہے، جس کے باعث کراچی ، کوئٹہ مرکزی شاہراہ گزشتہ تین دنوں سے ہر قسم کی ٹریفک کے لیے بند ہے۔

پاکستانی فورسز کے ہاتھوں جبری گمشدگی کا نشانہ بننے والے دو بھائیوں، جنید حمید اور یاسر حمید، کے ساتھ چاکر بگٹی کے لواحقین نے تین دنوں سے بھوانی کے مقام پر شاہراہ بلاک کر دی، جس سے کراچی کا کوئٹہ، گوادر اور دیگر علاقوں سے زمینی رابطہ منقطع ہو گیا ہے۔

شاہراہ پر دھرنے کے باعث سینکڑوں گاڑیاں پھنس کر رہ گئے جبکہ انتظامیہ کے ساتھ متعدد مذاکرات بھی ناکام ہوگئے ہیں۔

گذشتہ شب ضلعی انتظامیہ سے مظاہرین کے مذاکرات کے تین دور ناکام ہوئے، انتظامیہ کے مطابق چاکر بگٹی اداروں کی تحویل میں ہے اور انکے لواحقین سے فون پر بات کرایا جاسکتا ہے۔

کل رات ایس پی حب رانا معروف عثمان، اے ڈی سی حب ، چیرمین ایم سی حب بابو فیض شیخ، نامزد وائس چیرمین ایم سی حب عظیم سیاں، ایس ایچ او حب سٹی قادر شیخ، ایس ایچ او بیروٹ گل حسن، ایس ایچ او ہائیٹ عبدالجبار رونجھو و دیگر نے مظاہرین سے مذاکرات کیے مذاکرات کسی نتیجے پر نہ پہنچ سکیں۔

مذاکراتی ٹیم مظاہرین کو مطمئن کرنے میں ناکام رہی، ضلعی انتظامیہ نے مظاہرین سے کہاکہ چاکر بگٹی پر درج کیا گیا ایف آئی آر انکو پیش کیاجائے گا لیکن وہ کوئی ایف آئی آر پیش نہیں کرسکے۔

لواحقین کا کہنا ہے کہ اگر انہوں نے کوئی جرم کیا ہے تو عدالتوں میں پیش کرکے منظر عام پر لایا جائے ۔

مظاہرین کا موقف ہے کہ ان کے پیاروں کی بازیابی تک دھرنا جاری رہے گا۔

حب چوکی میں جبری لاپتہ افراد کے لواحقین کی جانب سے پیاروں کی عدم بازیابی کے خلاف احتجاج جاری ہے، جس کے باعث کراچی ، کوئٹہ مرکزی شاہراہ گزشتہ تین دنوں سے ہر قسم کی ٹریف....

02/02/2025

تجارتی جنگ کا آغاز: کینیڈین وزیراعظم کا امریکی اشیا پر جوابی ٹیرف عائد کرنے کا اعلان

دی بلوچستان پوسٹ

https://buff.ly/4hImNfb

کینیڈا کے وزیراعظم جسٹن ٹروڈو نے کہا ہے کہ ان کا ملک امریکہ سے درآمد ہونے والی مخصوص اشیاء پر 25 فیصد جوابی ٹیرف عائد کرے گا۔

فرانسیسی خبر رساں ایجنسی اے ایف پی کے مطابق جسٹن ٹروڈو نے کہا کہ کینیڈا امریکہ کے تجارتی اقدام کا جواب 106 ارب ڈالر مالیت کے امریکی سامان پر 25 فیصد محصولات عائد کر کے دے گا۔‘

پہلے مرحلے میں منگل کو امریکہ سے درآمد ہونے والی 30 ارب کینیڈین ڈالر مالیت کی مصنوعات پر ٹیرف لاگو ہوگا۔ اس کے بعد تین ہفتوں میں 125 ارب کینیڈین ڈالر مالیت کے سامان پر مزید ٹیرف لگے گا۔

امریکی صدر ڈونلڈ ٹرمپ نے سنیچر کو کینیڈا، میکسیکو اور چین پر محصولات عائد کر دیے ہیں جس سے ایک نئی تجارتی جنگ چھڑنے کا خدشہ بڑھ گیا ہے۔

برطانوی خبر رساں ایجنسی روئٹرز کے مطابق ڈونلڈ ٹرمپ نے منگل سے کینیڈا اور میکسیکو کی درآمدات پر 25 فیصد اور چین سے آنے والے سامان پر 10 فیصد ٹیرف عائد کرنے کا حکم دیا ہے۔

امریکی صدر کے اس اقدام کے بارے میں ماہرین اقتصادیات کا کہنا ہے کہ یہ عالمی نمو کو سُست کر سکتا ہے اور افراطِ زر میں دوبارہ اضافہ ہو سکتا ہے۔

ڈونلڈ ٹرمپ نے فلوریڈا میں تین الگ الگ ایگزیکٹیو آرڈرز پر دستخط کیے اور اس عزم کا اظہار کیا کہ وہ اُس وقت تک ڈیوٹی برقرار رکھیں گے جب تک کہ منشیات ’فینٹینیل‘ کے بارے میں قومی ہنگامی صورتحال اور امریکہ میں غیر قانونی امیگریشن ختم نہ ہو جائے۔

فینٹینل ایک مہلک مصنوعی افیون اور کوکین کے خواص پر مشتمل جزو ہے جو ہیروئن سے 50 گنا زیادہ طاقتور ہے۔ امریکہ میں حال ہی میں اس کے استعمال کے بعد بہت سے افراد کی ہلاکت ہو چکی ہے۔

امریکی صدر نے کینیڈا سے توانائی کی مصنوعات پر صرف 10 فیصد ڈیوٹی عائد کی ہے جبکہ میکسیکو کی توانائی کی درآمدات پر25 فیصد ٹیرف لگایا گیا ہے۔

نئے حکم نامے سے گاڑیاں تیار کرنے والی کمپنیاں شدید متاثر ہوں گی۔ کینیڈا اور میکسیکو میں بنی گاڑیوں پر نئے ٹیرف کے ساتھ علاقائی سُپلائی چین پر بوجھ پڑے گا۔

’چین ورلڈ ٹریڈ آرگنائزیشن میں امریکہ کے خلاف دعویٰ دائر کرے گا‘

چین نے اپنے ردعمل میں کہا ہے کہ وہ امریکی صدر ڈونلڈ ٹرمپ کی جانب سے بیجنگ پر عائد کیے گئے نئے محصولات کی ’سختی سے مخالفت‘ کرتا ہے۔

چین کی وزارتِ خارجہ نے اتوار کو جاری بیان میں کہا ہے کہ چین ’اپنے حقوق اور مفادات کے تحفظ کے لیے اسی طرح کے جوابی اقدامات‘ کرے گا۔

بیان میں مزید کہا گیا کہ چین ورلڈ ٹریڈ آرگنائزیشن میں واشنگٹن کے خلاف دعویٰ دائر کرے گا۔

وائٹ ہاؤس کی ایک فیکٹ شیٹ میں کہا گیا ہے کہ ’ٹیرف بحران کے خاتمے تک برقرار رہیں گے‘، تاہم اس حوالے سے تفصیلات نہیں بتائی گئیں کہ تینوں ممالک کو اس سے چھٹکارے کے لیے کون سے اقدامات کرنے کی ضرورت ہوگی۔

یاد رہے کہ ڈونلڈ ٹرمپ 2024 کی صدارتی مہم کے دوران اور اقتدار سنبھالنے کے بعد سے کینیڈا، میکسیکو اور چین پر ٹیرف عائد کرنے سے خبردار کرتے رہے ہیں۔

ریپبلکنز نے اس اقدام کا خیر مقدم کیا ہے جبکہ صنعتی گروپس اور ڈیموکریٹس نے قیمتوں پر پڑنے والے اثرات کے بارے میں سخت انتباہ جاری کیا ہے۔

نیشنل فارن ٹریڈ کونسل کے صدر جیک کولون نے کہا کہ ’ٹرمپ کے اس اقدام سے ایوکاڈو سے لے کر آٹوموبائل تک ہر چیز کی قیمت میں اضافے کا خطرہ ہے۔‘

انہوں نے امریکہ، کینیڈا اور میکسیکو پر زور دیا کہ وہ کشیدگی سے بچنے کے لیے فوری حل تلاش کریں۔

کینیڈا کے وزیراعظم جسٹن ٹروڈو نے کہا ہے کہ ان کا ملک امریکہ سے درآمد ہونے والی مخصوص اشیاء پر 25 فیصد جوابی ٹیرف عائد کرے گا۔ فرانسیسی خبر رساں ایجنسی اے ایف پی کے مطا....

02/02/2025

خیبر پختونخوا میں بم دھماکہ:بلوچستان لیویز فورس کے چار اہلکار ہلاک

دی بلوچستان پوسٹ

خیبر پختونخوا کے ضلع ڈیرہ اسماعیل خان کے علاقے درابن میں ہونے والے ایک بم دھماکے میں بلوچستان کی لیویز فورس کے چار اہلکاروں سمیت پانچ افراد ہلاک ہو گئے ہیں۔

لیویز فورس کے مطابق ضلع پشین سے تعلق رکھنے والے پانچوں افراد درابن کے علاقے میں بم دھماکے کا نشانہ بنے ہیں۔

ذرائع کے مطابق چند روز پہلے ضلع پشین کے علاقے خانوزئی سے ایک ٹرک چوری ہوئی تھی جسے ڈیرہ اسماعیل خان میں برآمد کیا گیا تھا۔

ضلع پشین سے خانوزئی تھانے کے نائب رسالدار نور احمد کی قیادت میں تین مزید اہلکار اور ٹرک ڈرائیور ٹرک وصول کرنے اور ملزمان کو گرفتار کرنے ڈیرہ اسماعیل خان گئے تھے۔

ڈیرہ اسماعیل خان پہنچنے سے پہلے درابن کے علاقے میں لیویز فورس کے اہلکاروں کی گاڑی بم دھماکے کا نشانہ بن گئی اور پانچوں افراد ہلاک ہوگئے۔

جن کی شناخت نور احمد نائب رسالدا ، رشید زمان سپاہی، داؤد خان سپاہی اور بلال احمد سپاہی کے ناموں سے ہوئی ہے ۔

خیبر پختونخوا کے ضلع ڈیرہ اسماعیل خان کے علاقے درابن میں ہونے والے ایک بم دھماکے میں بلوچستان کی لیویز فورس کے چار اہلکاروں سمیت پانچ افراد ہلاک ہو گئے ہیں۔ لیویز فور...

01/02/2025

قلات، سبی اور چمن میں بم دھماکے، فائرنگ: ایف سی اہلکار ہلاک

دی بلوچستان پوسٹ

ہفتے کی شب بلوچستان کے مختلف علاقوں سبی، قلات اور چمن میں دھماکوں اور فائرنگ کے واقعات پیش آئیں۔

تفصیلات کے مطابق قلات سٹی میں پولیس لائن کی ہائی سکول کے امتحانی ہال کی جانب سے قائم پاکستانی فورسز چوکی پر بم حملہ ہوا ہے تاہم دھماکے میں نقصان کی تفصیلات معلوم نہیں ہوسکی۔

وہاں سبی میں نامعلوم افراد کریکر سے حملہ کیا ہے ۔

پولیس ذرائع کے مطابق کریکر دھماکہ میں کو جانی نقصان نہیں ہوا،پولیس نے موقع پر پہنچ کر تفتیش شروع کر دی ہے ۔

دریں اثنا چمن ماسٹر پلان کے قریب مغرب کے بعد نامعلوم افراد کی فائرنگ سے ایف سی اہلکار عبدالحکیم ولد امیر محمد قوم عشیزئی سکنہ پڈو کاریز ہلاک ہوگئے۔

- https://thebalochistanpost.com/2025/02/%d9%82%d9%84%d8%a7%d8%aa%d8%8c-%d8%b3%d8%a8%db%8c-%d8%a7%d9%88%d8%b1-%da%86%d9%85%d9%86-%d9%85%db%8c%da%ba-%d8%a8%d9%85-%d8%af%da%be%d9%85%d8%a7%da%a9%db%92%d8%8c-%d9%81%d8%a7%d8%a6%d8%b1%d9%86%da%af/

01/02/2025

تربت: ساچ اسکول کے پرنسپل کے گھر پر سرکاری حمایت یافتہ مسلح گروہ کا حملہ

دی بلوچستان پوسٹ

تربت میں نامعلوم مسلح افراد نے ساچ اسکول پرنسپل اور معروف شخصیت شریف ذاکر کے رہائش گاہ کو بم دھماکے میں نشانہ بنایا ہے۔

تفصیلات کے مطابق سنگانی سر میں نامعلوم مسلح افراد نے معروف شخصیت شریف ذاکر بلوچ کی رہائش گاہ کو پہلے بم حملے میں نشانہ بنایا اور بعدازاں فائرنگ کی گئی ہے۔

واقعہ کی تصدیق کرتے ہوئے لواحقین نے بتایا کہ نماز عشاء کے بعد نامعلوم افراد نے پہلے گھر کے احاطے میں دستی بم پھینکا جو چار دیواری کے اندر گر کر زور دار دھماکے سے پھٹ گیا اس کے بعد فائرنگ کی گئی۔ تاہم اس سے کوئی نقصان نہیں ہوا۔

انہوں نے کہا کہ اس واقعہ کے بعد پولیس کو بھی اطلاع دی گئی جب کہ فیملی نامعلوم افراد کے خلاف اس کی ایف آئی آر بھی درج کرائے گی۔

مقامی ذرائع کے مطابق حملہ آوروں کا تعلق سرکاری حمایت یافتہ مسلح گروہ سے ہیں۔

خیال رہے کہ یہ پہلی دفعہ نہیں ہے کہ شریف ذاکر یا اس کے اہلخانہ کو نشانہ بنایا گیا ہو اس قبل بھی ان پہ حملے ہوئے ہیں۔ اس سے پہلے سنہ دوہزار بیس کو بھی ذاکر شریف کے رہائش گاہ کو نشانہ بنایا گیا تھا۔

واضح ریے کہ سنہ دوہزار بیس کو شریف ذاکر کے بھائی حنیف چمروک کو بھی مسلح افراد نے فائرنگ کرکے قتل کردیا جس کے بارے میں بتایا جاتا انہیں سرکاری حمایت مسلح گروہ (ڈیتھ اسکواڈ ) کے ارکان نے قتل کیا ہے۔

- https://thebalochistanpost.com/2025/02/%d8%aa%d8%b1%d8%a8%d8%aa-%d8%b3%d8%a7%da%86-%d8%a7%d8%b3%da%a9%d9%88%d9%84-%da%a9%db%92-%d9%be%d8%b1%d9%86%d8%b3%d9%be%d9%84-%da%a9%db%92-%da%af%da%be%d8%b1-%d9%be%d8%b1-%d8%b3%d8%b1%da%a9%d8%a7/

01/02/2025

بلوچستان: 4 افراد جبری لاپتہ ، 2 بازیاب

دی بلوچستان پوسٹ

بلوچستان کے مختلف علاقوں سے مزید چار افراد کے جبری گمشدگی کے کیسز رپورٹ ہوئے ہیں ۔

تفصیلات کے مطابق 30 جنوری 2025 کو محمد اقبال ولد حاجی میر خان اور ذاکر یعقوب سکنہ کوڈاسک ضلع خضدار کو پاکستانی فورسز نے پنجگور بائی پاس پر فورسز چیک پوسٹ سے ماورائے عدالت حراست کے بعد جبری طور پر لاپتہ کر دیا۔

مذکورہ دونوں افراد تیل کے کاروبار سے وابستہ تھے اور اپنی گاڑی میں تیل لے کر جا رہے تھے۔ فورسز نے تیل کے ساتھ ان کی گاڑی بھی قبضے میں لے لی۔

ضلع ڈیرہ بگٹی کے تحصیل سوئی کے بگٹی کالونی میں بگو ولد براہم بگٹی کو فورسز اہلکاروں نے دن دھاڑے جبری طور پر لاپتہ کردیا۔

دریں اثنا 29 جنوری 2025 کو نصیر آباد کے علاقے چھتر میں شکلوں بگٹی کو ایف سی اہلکاروں نے جبری طور پر لاپتہ کردیا ہے ۔

وہان رکنی سے جبری لاپتہ ہونے والا بلوچی فنکار ناڑی گلاب بازیاب ہوگیا۔

ضلع نوشکی سے لاپتہ فٹبالر فیروز خان ولد حاجی موسی خان بڑیچ 4 مہینے بعد بازیاب ہوکر اپنے گھر غریب آباد پہنچ گیا جن کی بازیابی سے اہلخانہ و اقارب میں خوشی کی لہر دوڑ گئی۔

- https://thebalochistanpost.com/2025/02/%d8%a8%d9%84%d9%88%da%86%d8%b3%d8%aa%d8%a7%d9%86-4-%d8%a7%d9%81%d8%b1%d8%a7%d8%af-%d8%ac%d8%a8%d8%b1%db%8c-%d9%84%d8%a7%d9%be%d8%aa%db%81-%d8%8c-2-%d8%a8%d8%a7%d8%b2%db%8c%d8%a7%d8%a8/

01/02/2025

ڈاکٹر منان اور ساتھیوں کی قربانیوں سے آزادی کی جدوجہد مزید مضبوط ہوچکی ہے۔ ڈاکٹر جلال

دی بلوچستان پوسٹ

ڈاکٹر منان اور ساتھیوں کی قربانیوں سے آزادی کی جدوجہد مزید مضبوط ہوچکی ہے۔ ڈاکٹر جلال

بلوچ نیشنل موومنٹ کے جاری بیان کے مطابق پارٹی کے وائس چیئرمین ڈاکٹر جلال بلوچ نے شہدائے مستونگ کی یاد میں بی این ایم کوئٹہ کے مختلف سیلز کے مشترکہ پروگرام سے خطاب کرتے ہوئے کہا کہ ڈاکٹر منان بلوچ اور ان کے ساتھیوں کی قربانیاں آزادی کی جدوجہد کو مزید مضبوط کر چکی ہیں۔

بیان کے مطابق کوئٹہ میں شہید ڈاکٹر منان بلوچ اور شہدائے مستونگ کی نویں برسی کے موقع پر تعزیتی ریفرنس منعقد کیا گیا، جس میں مختلف سیل ذمہ داران نے شرکت کی۔ اجلاس کی صدارت کوئٹہ میں سیلز کوآرڈینیٹر رامین بلوچ نے کی، جبکہ مہمانِ خصوصی ڈاکٹر جلال بلوچ تھے۔

اجلاس کا آغاز بلوچ قومی ترانے سے ہوا، جس کے بعد شہداء کی یاد میں دو منٹ کی خاموشی اختیار کی گئی۔ تعزیتی ریفرنس سے ڈاکٹر جلال بلوچ، رامین بلوچ، رستم بلوچ اور گھرام بلوچ نے خطاب کیا۔

ڈاکٹر جلال بلوچ نے کہا کہ آزادی کا راستہ شعوری فیصلے کا نتیجہ ہوتا ہے، اور اس میں قربانی دینا ناگزیر ہے۔ جو لوگ اپنی زندگی کو وطن کے لیے وقف کرتے ہیں، وہ ہمیشہ کے لیے امر ہو جاتے ہیں۔ شہید ڈاکٹر منان بلوچ کی جدوجہد ہمیں سکھاتی ہے کہ آزادی کے متوالے مشکلات اور خطرات کو مسکراتے ہوئے گلے لگاتے ہیں۔ وہ ایک سچے رہنما تھے، جن میں قیادت کی تمام خوبیاں موجود تھیں۔

انھوں نے مزید کہا کہ شہید بابو نوروز، شہید اشرف بلوچ، شہید حنیف بلوچ اور شہید ساجد بلوچ نے اپنی جانیں قومی آزادی کے لیے قربان کیں، اور ہم ان کا قرض تبھی ادا کر سکتے ہیں جب ہم بھی اسی جدوجہد کو جاری رکھیں۔

سیلز کوآرڈینیٹر رامین بلوچ نے خطاب میں کہا کہ شہید ڈاکٹر منان جیسے متحرک اور بہترین رہنما کو صرف رسمی الفاظ میں خراجِ عقیدت پیش کرنا کافی نہیں۔ ہمیں ان کی تعلیمات اور جدوجہد سے سیکھنا ہوگا۔ آج ہم شہداء کی قربانیوں کی بدولت ہی سفارتی اور سیاسی محاذ پر کامیابیاں حاصل کر رہے ہیں۔

انھوں نے کہا کہ بی این ایم شہداء کی جماعت ہے، جس کے کارکن ریاستی جبر کے باوجود اپنے نظریات پر قائم ہیں۔ ریاست کی یہ خام خیالی تھی کہ وہ بی این ایم کے رہنماؤں اور کارکنوں کو ختم کر کے جماعت کو کمزور کر سکتی ہے، لیکن تاریخ نے ثابت کر دیا کہ آزادی کی تحریک ہر نئی قربانی سے مزید مضبوط ہوتی ہے۔

انھوں نے مزید کہا کہ ڈاکٹر منان ایک مفکر اور کتاب دوست شخصیت تھے، اور ایسے مفکر جسمانی طور پر تو دنیا سے چلے جاتے ہیں، مگر ان کے نظریات ہمیشہ زندہ رہتے ہیں۔ بلوچ قوم کو یہ اعزاز حاصل ہے کہ ہمارے سیاسی اسلاف نے سب سے پہلے 1920 میں انگریز سامراج کے خلاف قومی سیاسی جماعت کی بنیاد رکھی، اور آج وہی جدوجہد پنجابی سامراج کے خلاف جاری ہے۔

آخر میں انھوں نے کہا کہ ہم بحیثیت جماعت شہید ڈاکٹر منان اور ان کے ساتھیوں کے نقشِ قدم پر چلتے ہوئے جدوجہد کو مزید متحرک انداز میں آگے بڑھائیں گے، کیونکہ اگر ہم سست روی کا شکار ہوئے تو شہداء کے مقروض رہیں گے۔

- https://thebalochistanpost.com/2025/02/%da%88%d8%a7%da%a9%d9%b9%d8%b1-%d9%85%d9%86%d8%a7%d9%86-%d8%a7%d9%88%d8%b1-%d8%b3%d8%a7%d8%aa%da%be%db%8c%d9%88%da%ba-%da%a9%db%8c-%d9%82%d8%b1%d8%a8%d8%a7%d9%86%db%8c%d9%88%da%ba-%d8%b3%db%92-%d8%a2/

01/02/2025

خاران و بلیدہ میں دشمن آلہ کار اور رسد کو نشانہ بنانے کی ذمہ داری قبول کرتے ہیں – بی ایل اے

دی بلوچستان پوسٹ

بلوچ لبریشن آرمی کے ترجمان جیئند بلوچ نے میڈیا کو جاری بیان میں کہاکہ سرمچاروں نے خاران اور بلیدہ میں دو مختلف کاروائیوں میں قابض پاکستانی فوج کے ایک آلہ کار کو ہلاک اور رسد کو قبضے میں لے لیا۔

ترجمان نے کہاکہ بلوچ لبریشن آرمی کے سرمچاروں نے آج خاران میں گریڈ اسٹیشن کے قریب دشمن فوج کے آلہ کار انیس ولد گل محمد بنگلزئی سکنہ کلی بنگلزئی کو مسلح حملے میں ہلاک کردیا۔

انہوں نے کہاکہ مذکورہ آلہ کار قابض پاکستانی فوج کے پیرول پر خاران شہر و گردنواح میں مخبری کا کام کررہا تھا۔ انیس بنگلزئی قابض فوج کے ہاتھوں نوجوانوں کو جبری لاپتہ کروانے میں ملوث پایا گیا تھا جبکہ گھروں پر چھاپوں میں بھی دشمن فوج کو معاونت فراہم کرنے میں براہ راست ملوث تھا۔

انہوں نے کہاکہ انیس بنگلزئی، بلوچ دشمن اعمال کا مرتکب ہونے پر بی ایل اے کے سرمچاروں کے ہٹ لسٹ پر تھا جس کو آج سرمچاروں نے اس کے منطقی انجام تک پہنچا دیا۔

مزید کہاکہ دریں اثناء بلوچ لبریشن آرمی کے سرمچاروں نے آج بلیدہ کے علاقے گردانک میں قابض پاکستانی فوج کے رسد کو قبضے میں لے لیا۔ سرمچاروں نے رسد پہنچانے والے افراد کو حراست میں لیا جنہوں نے اعتراف کیا کہ وہ قابض فوج کے وکائی کیمپ رسد پہنچا رہے ہیں۔

ترجمان نے کہاکہ سرمچاروں نے رسد کو اپنے قبضے میں لے لیا جبکہ ڈرائیوروں کو بلوچ ہونے کے ناطے تنبیہ کے بعد چھوڑ دیا گیا۔

بیان کے آخر میں کہاکہ بلوچ لبریشن آرمی ان دونوں کاروائیوں کی ذمہ داری قبول کرتی ہے۔

- https://thebalochistanpost.com/2025/02/%d8%ae%d8%a7%d8%b1%d8%a7%d9%86-%d9%88-%d8%a8%d9%84%db%8c%d8%af%db%81-%d9%85%db%8c%da%ba-%d8%af%d8%b4%d9%85%d9%86-%d8%a2%d9%84%db%81-%da%a9%d8%a7%d8%b1-%d8%a7%d9%88%d8%b1-%d8%b1%d8%b3%d8%af-%da%a9/

01/02/2025

تربت: پاکستانی فورسز کے چوکی پر حملہ

دی بلوچستان پوسٹ

بلوچستان کے علاقے تربت میں مسلح افراد نے پاکستانی فورسز کو حملے میں نشانہ بنایا ہے۔

فورسز کو تربت کے علاقے آبسر شہید حیات چوک پر قائم چوکی کو نشانہ بنایا ہے۔

مقامی ذرائع کے مطابق حملے کے فائرنگ کی شدید آوازیں سنیں گئی ہے۔

حملے میں فورسز کو نقصانات کا سامنا رہا ہے تاہم حکام کا موقف تاحال سامنے نہیں آیا ہے ناہی حملے کی ذمہ داری تاحال کسی نے قبول کی ہے۔

https://thebalochistanpost.com/2025/02/%d8%aa%d8%b1%d8%a8%d8%aa-%d9%be%d8%a7%da%a9%d8%b3%d8%aa%d8%a7%d9%86%db%8c-%d9%81%d9%88%d8%b1%d8%b3%d8%b2-%da%a9%db%92-%da%86%d9%88%da%a9%db%8c-%d9%be%d8%b1-%d8%ad%d9%85%d9%84%db%81-5/

01/02/2025

کچھی میں تعمیراتی کمپنی پر حملے کی ذمہ داری قبول کرتے ہیں- بی آر جی

دی بلوچستان پوسٹ

بلوچ ریپبلکن گارڈز کے ترجمان دوستین بلوچ نے کہا ہے کہ بی آر جی کے سرمچاروں نے کچھی کے علاقے سنی میں ترقیاتی کام کرنے والی کمپنی پر حملہ کیا،استحصالی کمپنی کے مشینری کو نذرآتش کرکے تباہ کردیا۔

انہوں نے کہا کہ سرمچاروں نے وہاں کام کرنے والے مزوروں کو بلوچ ہونے پر چھوڑ دیا۔

ترجمان نے کہا کہ ہماری تنظیم اس حملے کی ذمہ داری قبول کرتی ہیں اور اس طرح کے کاروائیاں بلوچستان کی ازادی تک جاری رہیں گے۔

بلوچ ریپبلکن گارڈز کے ترجمان دوستین بلوچ نے کہا ہے کہ بی آر جی کے سرمچاروں نے کچھی کے علاقے سنی میں ترقیاتی کام کرنے والی کمپنی پر حملہ کیا،استحصالی کمپنی کے مشینری ک....

01/02/2025

ریاستی فورسز نے ہمارا جینا حرام کرکے رکھ دیا ہے۔ انیسہ

دی بلوچستان پوسٹ

انیسہ بنت محمد بخش زوجه عاصم سکنہ تمپ کونشقلات نے بلوچ یکجہتی کمیٹی کے رہنماؤں کے ہمراہ تربت پریس کلب میں پریس کانفرنس کرتے ہوئے کہا کہ ان کے گھر پر مسلسل حملہ اور اہل خانہ کو ذہنی تشدد کا نشانہ بنایا جارہا ہے۔ ل

انہوں نے کہا کہ ہمارے گھر میں میرے بوڑھے والدین کے سوا کوئی نہیں ہے، میرے شوہر عاصم کو جبری گمشدگی کے بعد ماورائے عدالت قتل کرکے اس کی لاش پھینکی گئی تھی، تب سے ریاستی فورسز، ایجنسیز اور ان کے مقامی اہلکار روز ہمارے گھر کا چکر کاٹتے ہیں، ہمارے نقل و حرکت پہ نظر رکھا گیا ہے ہمارا جینا حرام کرکے رکھ دیا ہے۔

انہوں نے کہا کہ ریاستی جبر سے شاز و نادر ہی کوئی گھر محفوظ رہا ہو، بلوچستان میں جبری گمشدگیاں، ماورائے عدالت قتل، فوجی آپریشن اور جارحیت روز کے معمول بن چکے ہیں، آئے روز دن دیہاڑے یا رات کی تاریکی میں فورسز براہ راست یا اپنے قائم کردہ مسلح اسکواڈز کے زریعے معصوم بلوچوں کے گھروں میں گھستے ہیں، فائرنگ کرتے اور لوگوں کو مختلف طریقوں سے تشدد یا زدکوب کرتے ہیں۔

انہوں نے بتایا کہ فورسز اور مسلح ڈیتھ اسکواڈز کے اہلکار ہمیں مسلسل مختلف طریقوں سے شدید پریشان کر رہے ہیں اس جبر کی طویل داستان ہے جو ہم مسلسل سہہ رہے ہیں کونشقلات میں واقع ہمارے گھروں کو دو دفعہ لوٹنے کے بعد جلایا گیا۔ ایک دفعہ پھل آباد میں میرے بھائی کے سسر کے گھر کو جلا گیا ہے گزشتہ سال تین دفعہ ہمارے گھروں پہ دھاوا بول دیا گیا گھروں کے دروازے اور کھڑکیوں پہ فائرنگ کی گئی انکو توڑا، گھر میں موجود مال مویشی اور قیمتی سامان کو چرایا گیا۔

انہوں نے کہا کہ ہمارے گھر میں میرے بوڑھے والدین کے سوا کوئی نہیں ہے، میرے شوہر شہید عاصم کو جبری گمشدگی کے بعد ماورائے عدالت قتل کرکے اس کی لاش پھینکی گئی تھی، تب سے فورسز، ایجنسیز اور ان کے مقامی کارکن روز ہمارے گھر کا چکر کاٹتے ہیں، ہمارے نقل و حرکت پہ نظر رکھا ہوا ہے، ہمارا جینا حرام کرکے رکھ دیا ہے۔ گزشتہ رات پھر ہمارے گھروں پہ حملہ کیا گیا، دروازے اور کھڑکیوں کو توڑا گیا اور اس دفعہ گھر کے اندر ہینڈ گرنیڈ پھینکے گئے ہیں پولیس نے اس حملے کی ایف آئی آر درج کرکے تفتيش شروع کرنے کی یقین دہانی کرائی ہے.

ہم متعلقہ حکام سے اپیل کرتے ہیں کہ ہم پر بلاوجہ ظلم اور جبر کا سلسلہ بند کیا جائے اور ہم بلوچ قوم سے اپیل کرتے ہیں کہ اس جبر اور ظلم کے خلاف آواز اٹھانے کے لیے ہمارا ساتھ دیں۔

انیسہ بنت محمد بخش زوجه عاصم سکنہ تمپ کونشقلات نے بلوچ یکجہتی کمیٹی کے رہنماؤں کے ہمراہ تربت پریس کلب میں پریس کانفرنس کرتے ہوئے کہا کہ ان کے گھر پر مسلسل حملہ اور اہل...

01/02/2025

کچھی: مسلح افراد کا تعمیراتی کمپنی پر حملہ ل، مشینری نذر آتش

دی بلوچستان پوسٹ

بلوچستان کے علاقے کچھی میں کل رات نامعلوم افراد نے تعمیراتی کمپنی کے مشینری کو نذرآتش کردیا ہے۔ مشینری کو کچھی سنی کے مقام پر نشانہ بنایا گیا ہے

ذرائع کے مطابق اس دوران حملہ آوروں جاہ وقوعہ پر موجود مزدوروں کو بھی تحویل میں لیا جنہیں بعدازاں چھوڑ دیا گیا۔

تاہم واقعے کی ذمہ داری تاحال کسی نے قبول نہیں کی ہے۔

بلوچستان کے علاقے کچھی میں کل رات نامعلوم افراد نے تعمیراتی کمپنی کے مشینری کو نذرآتش کردیا ہے۔ مشینری کو کچھی سنی کے مقام پر نشانہ بنایا گیا ہے ذرائع کے مطابق اس دور....