Swat Alerts (2025)

17/01/2025

سوات (بیورورپورٹ)ایس پی ٹریفک وارڈن حبیب اللہ خان کا سہراب خان چوک، نیو روڈ ، گرین چوک اور گڑھ بازار کا دورہ۔
ایس پی ٹریفک وارڈن حبیب اللہ خان نے سہراب خان چوک، نیو روڈ ، گرین چوک اور گڑھ بازار میں تجاوزات کے خلاف کیجانے والی کاروئیوں کا جائزہ لیا۔ ان کے ہمراہ ڈی ایس پی ہیڈکوارٹر ٹریفک وارڈن امیر زیب خان بھی موجود تھے۔

تفصیلات کے مطابق سوات ٹریفک وارڈن پولیس کے حکام تجاوزات کے خلاف کارروائی کر کے ہموار ٹریفک کی راہ میں رکاوٹوں کو دور کرکے عوام کو درپیش تکالیف کو کم کرنے کی کوشش کر رہے ہیں. سوات ٹریفک پولیس نے مختلف شاہراہوں پر سروے کرکے مختلف رکاوٹوں کو سڑک سے ہٹا کر سڑک کو ٹریفک کے لئے ہموار بنا دیا جس پر عوام نے ٹریفک پولیس سوات کے اس اقدام کو سراہا. ایس پی ٹریفک وارڈن حبیب اللہ خان نے کہا کہ ٹریفک پولیس صرف ٹریفک کنٹرول نہیں کر رہی بلکہ تجاوزات کے خاتمے میں بھی بڑھ چڑھ کر حصہ لے رہی ہیں۔ شہریوں کو کسی قسم کے سفری مشکلات درپیش نہ ہو اور عوام کو سڑکوں پر زیادہ سے زیادہ سہولتیں فراہم کرکے ان کے سفر کو آرام دہ بنایا جاسکے.

17/01/2025

سوات (بیورورپورٹ)ڈی پی او سوات ناصر محمود اور ایس پی ٹریفک وارڈن ضلع سوات حبیب اللہ خان کے خصوصی احکامات اور ہدایات کی روشنی ٹریفک قوانین کی پاسداری اور عوام الناس میں شعوراجاگرکرنے کے لئے ڈی ایس پی ٹریفک وارڈن لوئر سوات آکبر حیات خان سیکٹر سٹی میں رکشوں پرآگاہی مہم کے سلسلے میں بینرز لگارے ہیں۔

17/01/2025

سوات (بیورورپورٹ)ڈی پی او سوات ناصر محمود کی سربراہی میں سوات پولیس کی گزشتہ ایک ماہ میں بدنامِ زمانہ منشیات فروشوں کے خلاف کی گئی کارروائیاں
جن کے قبضے سے مجموعی طور پر39 کلو گرام چرس، 4 کلو گرام ہیروئن، 765 گرام آئیس اور 71 لیٹر شراب برآمد
ڈی پی او سوات ناصر محمود کی سربراہی میں سوات پولیس نے منشیات جیسے ناسور کے دھندے سے وابستہ لوگوں کے خلاف سخت کریک ڈاؤن کرتے ہوئے گزشتہ ایک ماہ میں اب تک متعدد بدنامِ زمانہ منشیات فروشوں/سمگلروںکو گرفتار کر لیا گیا۔ گرفتار ملزمان میں ضلع سوات کے بدنام زمانہ منشیات فروشوں سمیت بین الضلاعی منشیات سمگلرز بھی شامل ہیں۔ گزشتہ ایک ماہ ضلع بھر میں مختلف کاروائیوں کے دوران منشیات فروشوں اور سمگلروں کے قبضے سے 39کلو گرام چرس، 4 کلو گرام ہیروئن، 765 گرام آئیس اور 71 لیٹر شراب برآمد کر لیے گئیں ہیں۔ گرفتار بدنامِ زمانہ منشیات فروشوں میں اختر منیر عرف بابو ولد محمد رشید سکنہ زوڑ چم سیدو شریف جن کے خلاف منشیات فروشی کے 9 مقدمات درج ہیں، سکندر ولد گل رحمان سکنہ زوڑ چم سیدو شریف جن کے خلاف 8 منشیات فروشی کے مقدمات درج ہیں، احمد شاہ ولد امیر باچا سکنہ کالا کلے کبل جن کے خلاف منشیات فروشی کے 6 مقدمات درج ہیں، نصیب روان عرف پیر ولد کاکی سکنہ برہ بانڈی کانجو جن کے خلاف منشیات فروشی کے 10 مقدمات درج ہیں، نور زادہ ولد محمد حلیم سکنہ شنگواٹی مٹہ ، ارشاد علی ولد معمبر ساکن گاڑو چر کوٹکے الپوری ضلع شانگلہ، محمد سلیمان ولد عبد الخالق سکنہ شگئی سیدو شریف حال نعمت آباد کانجو، رحمت علی ولد سید رحیم ساکن کوٹکے الپوری حال کانجو ، خلیل اللہ ولد خانشیر ساکن میلہ گاہ کبل، امجد علی ولد محمد اقبال سکنہ محلہ ایس ڈی او شاہدرہ وتکے، فیاض خان ولد ریاض خان سکنہ رنگ محلہ مینگورہ شامل ہیں۔
اس حوالے سے ڈی پی او سوات ناصر محمود نے اپنے پیغام میں کہا کہ ضلع سوات کو منشیات سے پاک بنانا سوات پولیس کا مشن ہے سوات پولیس منشیات فروشوں کی خاتمے کے لیے بلاتفریق کاروائیاں کر رہی ہے، سوات پولیس کے لیے عوام الناس کی حمایت کی بغیر اس مقصد میں کامیابی پانا ناممکن ہے۔ انہوں نے عوام الناس سےا پیل کرتے ہوئے کہا کہ منشیات فروش جو ہمارے نوجوان نسل کو تباہی کے طرف دھکیل رہے ہیں جن کی روک تھام اور بیخ کنی کرنے کے لیے اپنے اردگرد اس ناسور کے کاروبار میں ملوث لوگوں کے بارے میں سوات پولیس کو خفیہ اطلاع دے کر معاشرے اور نوجوان نسل کی مستقبل کو محفوظ بنانے میں اپنا اہم کردار ادا کریں۔

17/01/2025

سوات(بیورورپورٹ)کنٹونمنٹ بورڈ کے خلاف سوات کے 3 یونین کونسلوں کی ہزاروں افراد کا عظیم الشان احتجاج، ہزاروں افراد نے ڈھیرئی گراونڈ سے کانجو چوک تک عظیم الشان ریلی نکالی گئی ، تفصیلات کے مطابق سوات کے تحصیل کبل کے 3یونین کونسلوں کانجو ، کوزہ بانڈی اور برہ بانڈئی کے ہزاروں افراد نے کنٹونمنٹ بورڈ کے خلاف احتجاجی مظاہرہ کیا گیا جبکہ مظاہرین نے ڈھیرئی گراونڈ سے کانجو چوک ریلی نکالی اور کانجو چوک میں احتجاج ریکارڈ کیا ۔احتجاج کی میزبانی تنظیم سمہ لار نے کیا جبکہ مظاہرین میں مختلف سیاسی جماعتوں، سیاسی وسماجی تنظیموں کے علاوہ علاقہ کے عمائدین نے کثیر تعداد میں شرکت کی ۔ مظاہرے سے خطاب کرتے ہوئے چیئر مین تنظیم سمہ لار سلطان علی خان ، سابق ایم پی اے رحمت علی خان ، چیئرمین تحصیل کبل سعید خان ، سابق چیئرمین حاجی رحمت علی ، سوات کونسلرز اتحاد کے صدر رشید احمد سواتی ، کانجو ٹاؤن شپ سوسائٹی کے صدر امجد کمال زنی، لیاقت علی خان ، ویلج کونسل ننگولئی کے چیئرمین فتح اللہ خان ، وی سی برہ باندئی کے چیئرمین طارق خان ، وی سی کوزہ بانڈی کے چیئرمین عاصم خان ، کانجو ٹاؤن شپ کے رحیم شاہ خان ، وکیل خان بدادا، ظاہر شاہ پاچا، فلک ناز خان ،دمغار سے ملک عبدالبصیر، ریاض خان آف ننگولئی سجاد خان اور دیگر نے خطاب میں کہا کہ ہمیں کنٹونمنٹ بورڈ کسی صورت قبول نہیں ہے اور ہم مزید زمینیں کسی صورت دینے کو تیار نہیں ہیں انہوں نے کہا کہ ہم نے ماضی میں بہت زیادہ قربانیاں دی ہے اور ہم مزید قربانیوں کا متحمل نہیں ہوسکتا۔ انہوں نے کہا کہ ہم نے آئندہ لائحہ عمل تیار کیا ہے اور ہم کسی بھی صورت میں مزید زمینیں دینی کو تیار نہیں اور نہ ہی کنٹونمنٹ بورڈ کے لئے تیار ہیں ۔ انہوں نے کہا کہ فیصلہ عوام کی مرضی کے بغیر نہیں ہوگا اور عوام جو چاہیں گا وہ ہوگا

17/01/2025

کوہستان لوئر پولیس!
منشیات کی لعنت سے علاقہ کو پاک کرنا کوہستان لوئر پولیس کی اولین ترجیح۔
ڈسٹرکٹ پولیس آفیسر کوہستان لوئر کی قیادت میں منشیات فروشوں/ ڈیلروں کیخلاف بلا امتیاز کاروائیوں کا سلسلہ جاری۔
انسپکٹر جنرل آف پولیس خیبرپختونخوا اختر حیات خان ،ریجنل پولیس آفیسر ہزارہ ناصر محمود ستی کے احکامات کی روشنی میں ضلعی پولیس سربراہ تیمورخان (PSP) کے زیر قیادت ایس ڈی پی او سرکل پٹن محمد سجاد خان, ایس ایچ او تھانہ پٹن بلند اقبال معہ نفری پولیس و ایلیٹ کمانڈوز کے اپر، لوئر بازار پٹن کے مختلف مشکوک دکانوں ، ہوٹلز اور مشکوک مقامات کی چیکنگ عمل میں لائی گئی۔ دوران چیکنگ متعدد مشکوک افراد کو حراست میں لیا گیا۔
منشّیات فروشوں/ڈیلروں کےخلاف بلاامتیاز بھرپور کاروائیاں جاری رہے گی۔ کوہستان لوئر کے تمام علاقوں کو منشیات جیسے لعنت سے پاک کیا جائے گا۔
عوام الناس سے اپیل ہیکہ منشیات فروشوں/ڈیلروں کے حوالے سے یا دیگر کوئی بھی غیر قانونی سرگرمی نظر آئے فوری پولیس کو اطلاع دیں۔ آپ کا نام صیغہ راز میں رکھا جائے گا۔

16/01/2025

سوات(بیورورپورٹ)مشہور بدنام زمانہ جیب تراش گینگ گرفتار

گل باچاہ ولد احمد سکنہ نےٹیلی نے رپورٹ کی تھی کہ کچھ ملزمان جن کے نام وغیرہ معلوم نہیں نے فراڈ وھوکہ دہی سے مجھے گاڑی میں بیٹھا کر مجھ سے رقم مبلغ 100000 روپے لے گئے
مذکورہ کی رپورٹ پر مقدمہ درج کر کے تھانہ شھیدان وینئ میں رجسٹر ہوا
واقع کا نوٹس لیتے ہوئے DPO سوات ،ایس پی اپر سوات کے ہدایت پر
ایس ڈی پی او سرکل مٹہ کے نگرانی میں ایس ایچ او تھانہ شھیدان وینئ ہمراہ ڈی ایس بی اہلکار، ٹریفک پولیس کے کاروائی کرتے ہوئے چند گھنٹوں کے دوران ملزمان
1.تاج اللہ عرف غریب دوست ولد زردلوگل
2.واجد عرف رحمانی ولد خان زمان
3.شہزاد ولد شیر ذادہ سکنہ نعمان افغانستان حال تخت بھائی جلالہ مردان کو بمقام بالاسور چوک چپریال بازار میں گرفتار کر کے قبضے سے رقم 182050 روپے پاکستانی برآمد کرکے ملزمان کو تھانہ میں پاپند سلاسل کردیا مزید تفتیش کے لیے حوالہ شعبہ تفتیش کرکے تفتیش جاری ہے ۔

16/01/2025

سوات( بیورورپورٹ )حبیب احمد گرداور کے قتل کے خلاف کبل سرکل کی پٹواری برادری کا ہڑتال ، دفاتر بند ،کام روک دیا گیا
کل نامعلوم افراد نے حبیب احمد گرداور کو قتل کرکے ان کو لاش علاقہ کوکاری میں پھینک دی گئی تھی، پولیس نے لاش قانونی تقاضوں کے بعد لواحقین کو حوالہ کرکے تفتیش شروع کردی گئی ہے ، گرداور قتل کے خلاف محکمہ ریونیو کبل سرکل کی پٹواری برادری نے آج اپنے ساتھی حبیب احمد گردوار کے المناک قتل کے بعد مکمل ہڑتال کرکے دفاتر بند کردی۔ پٹواری برادری نے اپنے غم و غصے کا اظہار کرتے ہوئے اپنے دفاتر بند کر دیے، کام مکمل روک دیا، اور مرحوم کے اعزاز میں تین روزہ سوگ کا اعلان کیا۔ انہوں نے حکام سے مطالبہ کیا کہ مجرموں کی فوری گرفتاری کو یقینی بنایا جائے اور انہیں قانون کے مطابق سزا دی جائے۔ اس موقع پر پٹواری برادری کے نمائندوں نے محکمے کے ارکان کی حفاظت کے لیے حفاظتی اقدامات کی ضرورت پر زور دیا۔ انہوں نے دکھ کا اظہار کیا اور اعلان کیا کہ حبیب احمد گرداور کے لیے انصاف کی فراہمی اولین ترجیح ہوگی۔اس افسوسناک واقعے نے تمام پٹواری برادری کو صدمے میں ڈال دیا ہے ، پٹواری برادری کبل نے گرداور کی قتل کے مذمت کی۔ پٹواری برادری کبل سرکل نے مجرموں کو انصاف کے کٹہرے میں لانے تک اپنا پرامن احتجاج جاری رکھنے کے عزم کا اظہار کیا ہے۔دوسری جانب کیس کے حوالے سے مزید تفتیش جاری ہے۔ پولیس کا کہنا ہے کہ حبیب احمد گرداور نامعلوم ملزمان کے مبینہ تشددسے جان بحق ہوا ہے ، بہت جلد ملزمان تک پہنچ جائے گی ۔

16/01/2025

سوات( بیورورپورٹ )ڈی پی او سوات ناصر محمود کے سربراہی میں جملہ ایس ایچ اوز کے ساتھ میٹنگ کا انعقاد۔
ضلعی پولیس سربراہ سوات ناصر محمود کے سربراہی میں دفتر ڈی پی او آفس میں میٹنگ منعقد کی گئی۔ میٹنگ میں ڈی ایس پی ایڈمن کلیم اللہ، ضلع سوات کے جملہ ایس ایچ اوز اور دیگر دفتری سٹاف نے شرکت کی۔ ڈی پی او سوات نے شرکاء میٹنگ کو ہدایات دیتے ہوئے کہا کہ زیرو ٹالیرنس پالیسی کو اپناتے ہوئے منشیات فروشوں اور جرائم پیشہ افراد کے خلاف اہنی ہاتھو سے نمٹا جائیں۔ منشیات ایک ناسور ہے اس کی بیخ کنی اور نوجوان نسل کی مستقبل کو ان موت کی سوداگروں سے محفوظ بنانے کے لیے بھر پور کریک ڈاؤن کریں۔ قیام امن قیام کو برقرار رکھنے کے لیے اپنے تھانوں کی حدود میں سرچ اینڈ سٹرائیک آپریشن کریں، پرامن معاشرے کی تشکیل کریں پبلک لائزان کمیٹی مبران کے ساتھ میٹنگز کیا کریں اور جرائم کی بروقت روک تھام کے لیے رات کے وقت ناکہ ناکہ بندیا لگائی جائیں۔ انھوں نے کہا کہ عوام الناس کی خدمت ہمارا فرض ہے اس لیے تھانوں میں آنے والے سائلین کے ساتھ عزت سے پیش آئیں اور ان کی مسائل بغور سن کر ان کے جائز مسائل ترجیحی بنیادوں پر حل کی جائیں۔ ڈی پی او سوات نے کہا ضلع سوات ایک سیاحتی علاقہ ہے یہاں آنے والے ملکی اور غیر ملکی سیاحوں کی سیکیورٹی اور دیگر سہولیات کا بھر پور خیال رکھیں اور انہیں درپیش مسائل میں بروقت مدد فراہم کیا جائیں۔ انہوں نے کہا فارنرز اور چائنیز کی سیکیورٹی پر کوئی سمجھوتہ نہیں کیا جائے گا سوات آنے والے فارنرز اور چائنیز کی سیکیورٹی کے لیے بھر پور اقدامات کئیں جائیں۔ تمام ایس ایچ اوز اپنی علاقہ اختیار میں جرائم پیشہ اور سٹریٹ کرائم میں ملوث افراد کو کیفر کردار تک پہنچا کر پرامن معاشرہ کی تشکیل میں اپنا فرض نبھائیں۔ ڈی پی او سوات کہا کہ کمیونٹی پولیسنگ پر یقین رکھتا ہوں اس لیے مخلصانہ طور پر عوام الناس کی بے لوث خدمت کے لیے اپنی تمام وسائل بروئے کاری لائی جائیں، انھوں نے جملہ ایس ایچ اوز کو تنبیہ دیتے ہوئے کہا کہ اگر کوئی بھی پولیس آفیسر کرپشن یا دیگر اخلاقی جرائم میں ملوث پایا گیا تو اس کی خلاف سخت سے سخت محکمانہ کاروائی عمل میں لائی جائی گی۔

16/01/2025

سوات (بیورورپورٹ)انجمن پٹواریان و قانونگویان ضلع سوات کے معزز رکن حبیب احمد گرداور کو نامعلوم افراد نے بے دردی سے قتل کیاگیاہے۔انجمن پٹواریان و قانونگویان ضلع سوات اس بہیمانہ قتل کی پرزور مزمت کرتی ہے۔اور حکومت وقت سے مطالبہ کرتی ہے۔کہ وقوعہ میں ملوث افراد کو فورا گرفتار کر کے کیفرکردار تک پہنچاہۓ.ضلع سوات کےانجمن پٹواریان و قانونگویان خیبر پختون خواہ کےکابینہ سے مطالبہ کرتی ہے۔کہ حبیب احمد گرداور کی بےدردی سے قتل پرضلع سوات کی طرح پورے صوبے میں ہڑتال کا اعلان کریں۔

15/01/2025

سوات(بیورورپورٹ ) سوات کوکاری میں نامعلوم شخص کی لاش برامد مقامی پولیس
لاش معمر شخص کی ہے
پولیس جاۓ وقوعہ پر پہنچ کر لاش کو ہسپتال منتقل کر دیا جبکہ
لاش کی شناخت کا عمل جاری ہے ۔

15/01/2025

سوات(بیورورپورٹ)نعمانیہ کنٹری ڈے سکول سسٹم کانجو کیمپس نے نتائج کا اعلان کردیا، نتائج سوفیصد رہا،اس موقع پر تاریخی لمحات ، ہر طرف خوشی اور مسکراہٹیں ،
نعمانیہ کنٹری ڈے اسکول سسٹم کانجو مسلسل کامیابیاں حاصل کرنےکے طرف گامزن ، نعمانیہ کنٹری ڈے اسکول سسٹم کانجو نے اپنے قابل ذکر اور منفرد انداز کے ساتھ تعلیم کے میدان میں ایک نیا معیار قائم کیا ہے۔ آج نعمانیہ کنٹری ڈے اسکول سسٹم کانجو میں نتائج کے اعلان کرتے ہوئے اس تاریخی موقع پر بچوں کے ساتھ ساتھ بچوں کے والدین کو بھی طلب کرلیا تھا ، اسکول نے اپنے سالانہ نتائج کو جاری کیا جس نے طلباء اور ان کے والدین دونوں کو ناقابل فراموش انداز میں اعزاز بخشا، غیر معمولی انتظامات کے ساتھ منعقد ہونے والی اس تقریب نے یونیورسٹی جیسا ماحول بنا دیا۔ طلباء کو رزلٹ کارڈز بڑے احترام کے ساتھ دئیے گئے اور بچوں کو تعلیمی کیپ پہنائی گئی ان کے تصاویر بنائی، پوزیشن حاصل کرنے والے بچوں میں رزلٹ کارڈ کے ساتھ انعامات بھی فراہم کی گئی جو کہ ان کی تعلیمی کامیابی کی علامت تھی۔ والدین بھی اس خوشی کے موقع کا حصہ تھے، مہمان نوازی کے خصوصی انتظامات کئے گئے تھے مہمانوں کیلئے چائے ،بسکٹ اور خشک میوہ جات تک دستیاب تھے، یہ دن نعمانیہ کنٹری ڈے اسکول سسٹم کانجو میں عید جیسا محسوس ہوا، ہر طرف عید کا سماں تھا مسکراہٹوں اور خوشیوں کے ساتھ ہر بچے اور والدین کے چہروں کو روشن کر دیا گیا۔ اسکول کی انتظامیہ اور عملے کی سوچی سمجھی کوششیں ہر تفصیل سے عیاں تھیں، جس نے اس تقریب کو ادارے اور والدین کے لیے باعثِ فخر بنا دیا۔ چیئرمین ڈاکٹر کوثر علی اور ڈائریکٹر نعمانیہ کنٹری ڈے اسکول سسٹم کانجو مس شیما ناصر کی دور اندیش قیادت میں سکول نے ایک جدید تعلیمی نظام متعارف کرایا ہے تاکہ طلباء کے لیے سیکھنے کے بہترین تجربے کو یقینی بنایا جا سکے۔ یہ نیا نظام عنقریب لاگو ہونے والا ہے، جو کہ تعلیم میں بہترین کارکردگی کے لیے اسکول کے عزم کا ایک اور سنگ میل ہے۔اج کا دن نہ صرف تعلیمی فضیلت بلکہ ادارے اور والدین کے درمیان مضبوط رشتے کو فروغ دینے کے لیے اسکول کی لگن کی عکاسی کرتی ہے۔ نعمانیہ کنٹری ڈے اسکول سسٹم کانجو کی انتظامیہ اور عملے نے واقعی اس جشن کو سب کے لیے ایک قابل فخر لمحہ بناتے ہوئے بار بلند کیا ہے۔ والدین نے میڈیا کو بتایا کہ نعمانیہ کنٹری ڈے اسکول سسٹم کانجو نے آج نتائج کے موقع جس طرح انتظامات کیے گئے تھے یہ پہلی بار ایک اسکول میں دیکھتے ہیں اس سے پہلے کبھی بھی اس طرح کے انتظامات نہیں دیکھی،نعمانیہ کنٹری ڈے اسکول سسٹم کانجو نے آج حقیقت میں بچوں اور والدین کو عزت بخشی جو کو ہمیشہ کیلئے یاد رکھا جائے گا،نعمانیہ کنٹری ڈے اسکول سسٹم کانجو کے چیئرمین ،ڈائریکٹر اور دیگر عملہ انتہائی مخلص ، ایماندار اور خوش اخلاق ہے جوکہ بچوں کے ساتھ بہت محنت کرتے ہیں ، نعمانیہ کنٹری ڈے اسکول سسٹم کانجو دن دگنی رات چوگنی ترقی کریں گے ۔

15/01/2025

سوات( بیورورپورٹ )پولیس اہلکاروں کے درپیش مسائل اور جائز عرض معروض سننے کے لیے ڈی پی او آفس سوات میں ان لائن اردلی روم کا سلسلہ بدستور جاری۔
ڈی پی او سوات ناصر محمود نے پولیس جوانوں کے درپیش مسائل سے آگاہی حاصل کرنے اور ان کے جائز عرض و معروض سننے کے لیے اپنی دفتر میں ہفتہ وار اردلی روم کا انعقاد کیا جہاں انہوں نے پولیس افسران و جوانوں کے جائز مسائل سننے کے ساتھ ساتھ دور افتادہ علاقوں میں فرائض انجام دینے والے پولیس افسران و جوانوں کی جائز عرض معروض زوم اپلیکیشن کے ذریعے آن لائن سنے گئیں۔ جنہوں نے ڈی پی او سوات کو اپنے جائز عرض معروض سنائیں جن کے مسائل اور جائز عرض معروض سن کر ڈی پی او سوات نے موقع پر احکامات جاری کئیں۔

ڈی پی او سوات ناصر محمود نے کہا پولیس جوانوں کو درپیش مسائل کا حل میرے اولین ترجیحات میں شامل ہیں اس لیے پولیس جوانوں کے جائز مسائل کی حل کے لیے ہفتہ وار اردلی روم کی انعقاد کا سلسلہ آئندہ بھی جاری رہےگا۔ چونکہ پولیس ایک خود مختار فورس ہے ان کے مسائل کے حل کے لیے ترجیحی بنیادوں پر اقدامات اٹھائے جارہے ہیں اور تمام پولیس اہلکاروں کے جائز مسائل ہر صورت حل کئیں جائیں گے۔ انہوں نے مزید کہا وہ پولیس اہلکار جو بیمار ہے یا دور افتادہ علاقوں میں فرائض انجام دے رہے ہیں انہیں اپنے مسائل کے لیے دفتر آنے کی ضرورت نہیں ان کے مسائل اور جائز عرض و معروضات آئندہ بھی آن لائن سنے جائیں گے۔

15/01/2025

نئے تعینات ایمرجنسی آفیسر انجنیئر شاہ عبد الطیف نے باقاعدہ طور پر اپنے عہدے کا چارج سنبھال لیا۔

14/01/2025

سوات(بیورورپورٹ) اسسٹنٹ کمشنر کبل آفتاب احمد خان نے کنٹونمنٹ بورڈ کے حوالے سے کانجوٹاون شپ سوسائٹی کا جرگہ طلب کرلیا ، جرگہ مشران نے کانجوٹاون شپ سوسائٹی کے صدر امجد کمال زئی کے سربراہی میں اسسٹنٹ کمشنر کبل آفتاب احمد خان سے ملاقات کی ، جرگہ میں سابق صدر بخت کرم، ایکشن کمیٹی کے صدر رحیم شاہ، حاجی بامین خان، شمشیر علی کونسلر ، رحم زیب، عقل ودان استاد صاحب، افتخار، عبد الروف اور کانجوٹاون شپ سوسائٹی کے میڈیا ایڈوائزر صحافی لعل شیرخان شامل تھے ، اسسٹنٹ کمشنر کبل نے جرگہ کو یقین دہانی کرائی کہ کنٹونمنٹ بورڈ میں کسی کا ملکیت ضبط نہیں کیا جائیگا، کنٹونمنٹ بورڈ کے حدبرید کیلئے صرف نشانات لگے گا ، کنٹونمنٹ بورڈ قائم ہونے سے ترقیاتی منصوبے لائیں گے ، جرگہ مشران نے کانجوٹاون شپ سوسائٹی کے حوالے سے اپنے تحفظات سے اسسٹنٹ کمشنر کبل سوات کو آگاہ کیا ۔ اسسٹنٹ کمشنر کبل نے کانجوٹاون شپ سوسائٹی کے مکینوں کے ساتھ ہرقسم تعاون کی یقین دہانی کرائی ۔

14/01/2025

سوات (بیورورپورٹ ) ریجنل پولیس آفیسر ملاکنڈریجن شیر اکبر خان اور ڈسٹرکٹ پولیس آفیسر سوات ناصر محمودنے کہا ہے کہ سوات اور ملاکنڈ ڈویژن میں بیش بہاقربانیوں کی بدولت قائم امن پولیس کی اولین ترجیح ہے اور کسی کو بھی اس امن کو سبوتاژ کرنے کی اجازت نہیں دی جائے گی۔منشیات معاشرے کا ناسور ہے اور اس ناسور کو میڈیا اور عوام کے تعاون سے ختم کرکے ہی دم لیں گے۔ سوات ایک سیاحتی زون ہے اور ہم دنیا بھر کے سیاحوں کو خوش آمدید کہتے ہیں۔سوات ٹریفک نظام کو رواں دواں رکھنے کیلئے ایک جامع منصوبہ بندی کے تحت کام کریں گے۔ان خیالات کا اظہار انہوں نے سوات پریس کلب کے دورہ کے موقع پر سوات پریس کلب، سوات یونین آف جرنلسٹس اور گورننگ باڈی کے نومنتخب عہدیداروں کو مبارکباد کے موقع پر گفتگو کرتے ہوئے کیا۔سوات پریس کلب کے نومنتخب عہدیداروں اور سینئر صحافیوں نے ان کو خوش آمدید کہا۔ آرپی او ملاکنڈ ریجن شیر اکبر خان نے کہا کہ سوات اور ملاکنڈ ڈویژن کے دیگر اضلاع میں بہت سخت وقت ہوکر گزرا ہے اور یہاں کے لوگوں نے امن کی خاطر بڑی قربانیاں دی ہیں اور اس ضمن میں کسی قسم کی کوتاہی کوبرداشت نہیں کیا جائے گا۔انہوں نے کہا کہ خیبر پختونخوا پولیس ہر قسم کے حالات سے نمٹنے کیلئے تیار ہے اور ہر قسم کے جدید اسلحہ سے لیس ہے۔ انہوں نے کہا کہ ہم عوام کو یہ باور کرانا چاہتے ہیں کہ پولیس ان کے اعتماد پر پورا اترے گی اور کسی کو قانون ہاتھ میں لینے کی اجازت نہیں دی جائے گی۔ریجنل پولیس آفیسر نے کہا ہے کہ ہم نے سوات میں منشیات فروشوں کے خلاف ایک جامع مہم شروع کردی ہے اور نوجوان نسل کے مستقبل سے کھیلنے والے عناصر کے خلاف سختی سے نمٹا جائے گا۔انہوں نے کہا کہ بازاروں میں ممنوعہ اور نشہ آور اشیاء کی فروخت کے خلاف بھی پولیس عملی اقدامات اٹھا رہی ہے اور بہت جلد اس ضمن میں تاجر برادری کو بھی اعتماد میں لیا جائے گا،۔انہوں نے کہا کہ ٹریفک نظام کو بھی بہتر سے بہتر بنایا جارہا ہے اور غیر قانونی رکشاؤں اور موٹر سائیکلوں کے خلاف کریک ڈاؤن سمیت ٹریفک کو رواں دواں رکھنے کیلئے اقدامات اٹھائے جارہے ہیں۔ آرپی او ملاکنڈ ریجن شیر اکبر خان نے کہا کہ پولیس اور صحافی ایک گاڑی کے دو پہئے ہیں اور ہم چاہتے ہیں کہ صحافی مثبت تنقید اور معاشرے کی اصلاح کیلئے پولیس کا ساتھ دیں۔ آخر میں آر پی او ملاکنڈ ریجن شیر اکبر خان اور ڈی پی او سوات ناصر محمود نے سوا ت پریس کلب کے مختلف شعبوں کا دورہ کیا اور امن و امان اور علاقے کی ترقی کیلئے صحافیوں کے کردار کو سراہا۔

14/01/2025

*کوہستان لوئر پولیس*
*14جنوری2025*

*ڈی پی او کوہستان لوئرکی پولیس افسران سے کرائم میٹنگ*

ڈی پی او کوہستان لوئر تیمورخان (PSP) نے پولیس افسران سے کرائم میٹنگ کی۔

میٹنگ میں ایس پی انوسٹی گیشن ، ڈی ایس پی ہیڈکوارٹر ، سرکلز کے ایس ڈی پی اوز ، سرکلز کے ایس ایچ اوز، اور تمام ہیڈ آف برانچز نے شرکت کی۔

ڈسٹرکٹ پولیس افیسر کوہستان لوئر منشیات فروشوں کے خلاف بڑے پیمانے پر بلا تفریق کاروائیاں کرنے،کرائم کے روک تھام کے حوالے سے پولیس افسران کی کارکردگی کا تقابلی جائزہ لیا۔

ڈی پی او کوہستان لوئر نے کہا کہ ضلع بھر میں منشیات فروشوں کے خلاف بھرپور اور بلا تفریق کاروائیاں ، کرائم کو کنٹرول کرنے کے متعلق احکامات پر سختی سے عمل درآمد کیا جائے۔ اس میں کسی صورت سستی تاخیر برداشت نہیں کی جائے گی۔

انہوں نے مزید کہا کہ شہریوں کی جان و مال کے تحفظ اور مظلوم کی داد رسی کو ہر ممکن یقینی بنائیں اور جرائم کے خاتمے و بیخ کنی کیلئے تمام افسران اپنے علاقے میں ہونے والی مشکوک سرگرمیوں پر کڑی نظر رکھیں اور جرائم پیشہ، مجرمان اشتہاریوں، منشیات فروشوں کے خلاف کاروائیوں میں اضافہ کریں اورکرائم کی روک تھام کیلئے گشت کے نظام کو مؤثر بنائیں۔

*قانون کی بالادستی، فرینڈلی پولیسنگ، میرٹ پر تفتیش، منشیات اور کرپشن کا خاتمہ میری اولین ترجیحات میں شامل ہے۔ڈی پی او کوہستان لوئر۔*

14/01/2025

سوات سیدوشریف کے علاقہ گل کدہ میں فائرنگ سے دو بھائی ملک ارشد ایڈوکیٹ اور ملک مستجاب جاں بحق:پولیس

13/01/2025

سوات توتانوبانڈئی میں پرانی دشمنی پر فائرنگ ایک شخص زخمی

Swat Alerts

17/01/2025

17/01/2025

17/01/2025

17/01/2025

17/01/2025

16/01/2025

16/01/2025

16/01/2025

16/01/2025

15/01/2025

15/01/2025

15/01/2025

15/01/2025

14/01/2025

14/01/2025

14/01/2025

14/01/2025

13/01/2025

Address

Website

Alerts

Videos

Shortcuts

Share