Online Urdu Update (2026)

08/11/2025

الحمدللہ! امریکہ میں ڈاکٹر عافیہ صدیقی کی سـ.ـزا معافی اور ریـ.ـویو کے لیے درخواست جمع کروا دی گئی ہے۔ پاکستانی قوم سے گزارش ہے کہ ڈاکٹر عافـ.ـیہ کی رہائی کے لیے دعا کریں۔ 🙏

05/11/2025

ایک دن نبی کریم صلی اللہ علیہ وسلم نیند سے گھبرا کر اٹھے اور اپنی زوجہ حضرت زینب بنت جحش رضی اللہ عنہا کے پاس تشریف لائے اور فرمایا
اللہ کے سوا کوئی معبود نہیں
عربوں کے لیے ہلاکت ہے اس شر سے جو قریب آ چکا ہے
آج یاجوج ماجوج کی دیوار میں اتنا سوراخ ہو چکا ہے
آپ نے اپنے انگوٹھے اور اس کے برابر والی انگلی کو ملا کر اشارہ کیا

حضرت زینب رضی اللہ عنہا نے عرض کیا
یا رسول اللہ کیا ہم ہلاک ہو جائیں گے حالانکہ ہم میں نیک لوگ بھی ہوں گے
آپ نے فرمایا ہاں جب بے حیائی اور گناہ عام ہو جائیں گے

یاجوج ماجوج کون ہیں اور کب نکلیں گے
اور ان کے نکلنے کی کہانی کیا ہے
ان کا فساد اور انجام کیسا ہو گا
اور اس دیوار کی کہانی کیا ہے

اللہ تعالیٰ نے قرآن میں فرمایا
لوگ آپ سے ذوالقرنین کے بارے میں پوچھتے ہیں
کہہ دیجیے میں تمہیں اس کے بارے میں کچھ سنا دیتا ہوں

ذوالقرنین دنیا کے ان عظیم بادشاہوں میں سے تھے جنہیں اللہ نے حکومت اور وسائل عطا کیے
اللہ نے انہیں وہ سب کچھ دیا جس سے وہ پوری دنیا پر حکومت کر سکیں
چنانچہ انہوں نے مغرب کی طرف سفر کیا
وہاں ایک ایسی قوم ملی جو اللہ کو نہیں مانتی تھی
انہوں نے نرمی سے ان کو دعوت دی
اور وہ ایمان لے آئے

پھر ذوالقرنین مشرق کی طرف روانہ ہوئے
وہاں ایسی قوم ملی جو دھوپ میں ننگے میدانوں میں رہتی تھی
انہوں نے ان کے لیے چھپنے کے لیے گھر اور پناہ گاہیں بنوائیں

پھر وہ شمال کی طرف روانہ ہوئے
جہاں دو پہاڑوں کے درمیان ایک قوم ملی
وہ سادہ لوگ تھے جو یاجوج ماجوج کے ظلم سے پریشان تھے
یاجوج ماجوج فساد کرنے والی قوم تھی
وہ حملے کرتے، قتل کرتے، مال لوٹتے اور زمین کو تباہ کرتے تھے
اس قوم نے ذوالقرنین سے کہا کہ ہمارے اور ان کے درمیان ایک مضبوط دیوار بنا دیں
تاکہ ہمیں ان کے ظلم سے بچایا جا سکے

ذوالقرنین نے ان سے مزدوری نہیں لی
بس ان سے کہا کہ لوہا اور آگ لا کر دو
انہوں نے ایک بڑی دیوار لوہے اور تانبے کی مدد سے بنائی
اتنی مضبوط کہ یاجوج ماجوج اس پر چڑھ بھی نہیں سکتے تھے اور نہ ہی اسے توڑ سکتے تھے

نبی کریم صلی اللہ علیہ وسلم نے فرمایا
یاجوج ماجوج حضرت نوح علیہ السلام کے بیٹے یافث کی نسل سے ہیں
ان کا شمار انسانوں میں ہوتا ہے
لیکن وہ بہت طاقتور اور جنگجو ہیں
ان کی قوم میں ان کا ایک سردار ہوتا ہے
یہ لوگ روز اس دیوار کو توڑنے کی کوشش کرتے ہیں
جب وہ تھوڑا سا توڑ لیتے ہیں تو کہتے ہیں کہ باقی کل کریں گے
مگر جب اگلے دن آتے ہیں تو دیوار ویسی کی ویسی ملتی ہے
یہ سلسلہ اس وقت تک جاری رہے گا جب تک اللہ تعالیٰ انہیں نکلنے کی اجازت نہ دے

جب وہ نکلیں گے تو زمین پر ہر طرف پھیل جائیں گے
پانی کو پی جائیں گے
یہاں تک کہ طبرستان کی جھیل بھی خشک کر دیں گے
ہر چیز کو کھا جائیں گے
درخت، جانور، انسان جو بھی سامنے آئے

پھر وہ غرور میں آ کر کہیں گے
ہم نے زمین والوں کو مار دیا
اب آؤ آسمان والوں سے لڑیں
وہ اپنے نیزے آسمان کی طرف پھینکیں گے
اللہ تعالیٰ انہیں آزمائش کے لیے خون آلود واپس کرے گا
تو وہ مزید مغرور ہو جائیں گے

نبی کریم صلی اللہ علیہ وسلم کے ایک صحابی فرماتے ہیں
یہ سب عیسیٰ علیہ السلام کے نزول اور د۔جا۔ل کے قتل کے بعد ہو گا
جب د۔ج۔ال مارا جائے گا
تو اللہ تعالیٰ حضرت عیسیٰ علیہ السلام کو حکم دیں گے
کہ مسلمانوں کو لے کر پہاڑ کی طرف چلے جائیں
کیونکہ یاجوج ماجوج نکلنے والے ہیں

پھر اللہ تعالیٰ ان سب کو ایک چھوٹے کیڑے کے ذریعے مار ڈالے گا
جو ان کے نتھنوں اور سروں کے پیچھے سے نکلے گا
اور سب زمین پر مر جائیں گے
زمین ان کی بدبو سے بھر جائے گی

پھر اللہ تعالیٰ پرندے بھیجے گا
جو ان کی لاشوں کو اٹھا کر کہیں دور لے جائے گا
پھر بارش نازل ہوگی
جو زمین کو پاک کرے گی

اس کے بعد زمین پہلے سے بہتر ہو جائے گی
ہر طرف امن ہوگا
حتیٰ کہ آدمی شیر کے پاس سے گزرے گا اور شیر اسے کچھ نہیں کہے گا
سانپوں پر پاؤں رکھے گا مگر کوئی نقصان نہ ہوگا
دلوں میں حسد، دشمنی اور کینہ باقی نہیں رہے گا
یہ وہ وقت ہوگا جب نبی کریم صلی اللہ علیہ وسلم نے فرمایا
کاش میں اس وقت زندہ ہوتا اور اس وقت کا زمانہ دیکھتا

اللہ ہمیں فتنوں سے محفوظ رکھے
اور ایمان پر موت عطا فرمائے
ہمیں بھی ان لوگوں میں شامل کرے جو عیسیٰ علیہ السلام کا ساتھ پائیں گے
اور امن کے اس دور کو دیکھیں گے جہاں نہ دشمنی ہو گی نہ ظلم
صرف سکون، سلامتی اور اللہ کا ذکر ہوگا

اللّٰہ ہمیں ہدایت دے، بصیرت
دے، اور اپنی پناہ میں رکھے.
آمین یارب العالمین بجاہ نبی الکریم ❤️

29/10/2025

22/10/2025

وه عالم اسلام کا ایک نایاب اور نامور سلطان تھا۔ وه ان گنت زبانوں پر عبور رکھتا تھا ۔ عربوں سے عربی میں ، منگولوں اور تاتاریوں سے تاتاری میں ، یونانیوں سے یونانی میں، حبشیوں سے ان کی زبان میں اور اس طرح دوسری اقوام سے ان کی زبان میں گفتگو کرنے کی مہارت رکھتا تھا ۔😌😌
سلطان بننے سے پہلے وہ جگہ جگہ ایک غلام کی حیثیت سے دھکے کھاتا پھرتا تھا لہذہ اس نے اس دوران میں مختلف زبانیوں میں مہارت حاصل کر لی تھی ۔
وقت کی آنکھ نے اسے کبھی ایک گڈریے کی صورت میں " دشت قپچاق " میں بھیڑ بکریاں چراتے ہوئے دیکھا ، آسمان نے اسے کبھی دمشق شہر میں برده فروشوں کی منڈی میں ایک غلام کی حیثیت سے بکتے دیکھا ، کبھی اس نے دمشق اور مصر کے امراء کی نوکری و چاکری کرتے ہوئے وقت گزارہ اور کبھی رزم گاہ میں ایک صف شکن لشکری کے سنگ میں بھی دیکھا گیا اور کبھی وقت کی تیز آنکھ نے اسے اسلامی لشکر کے سالار اعلی کی حیثیت سے بھی دیکھا ۔
مشہور امریکی مؤرخ ہئیر لڈیم اس کے متعلق لکھتا ہے ۔
اسے اپنے سوا کسی پر اعتبار نہ تھا اس لیے وہ بھیس بدل کر خود گشت لگاتا اور اپنے لیے خود ہی دشمنوں کی مخبری کرتا تھا ۔ وہ اپنے ہم پیالہ ، ہم نوالہ ساتھیوں کو چھوڑ کر تنہا نکل جاتا۔ کبھی اسے مصر میں دیکھا جاتا اور کبھی وہ دوسرے دن فلسطین میں نمودار ہوتا ۔ چار دن بعد لوگ اسے عرب کے ریگزاروں میں دیکھتے اور اس کے چند دن بعد وہ خانہ بدوشوں کی سی تیز رفتاری کسی دوسری جگہ لوگوں کو دکھائی دیتا ۔
جن دنوں وہ عالم اسلام کا سلطان بنا ان دنوں منگولوں نے مسلمانوں پر حملہ آور ہو کر ان کے بیشتر علاقوں کو تباہ و برباد کر دیا تھا اور ہلاکو خان مسلمانوں کے علاقوں میں دندناتا پھرتا تھا ۔
ایک بار ایک منگول مغنی کے بھیس میں وه اکیلا و تنہا ہلاکو کی سلطنت میں داخل ہوا اور قریہ قریہ چل پھر کہ جاسوسی کرتا رہا ، چونکہ وہ مختلف زبانوں پر عبور رکھتا تھا اور جاسوسی میں بھی مہارت کا حامل تھا اس لیے کسی کو شک نہ ہوا کہ وہ مسلمان ہے یا مسلمانوں کا سلطان ... !
ایک دن اس نے منگولوں کے ایک شہر میں ایک دکان میں کھانا کھایا اور اپنی انگوٹھی جان بوجھ کر ایک محفوظ جگہ پر رکھ آیا ، اس کے بعد وہ اپنے علاقے میں آ گیا اور ایک قاصد بھیج کر ہلاکو خان کو کہلایا۔
٫ میں تمہاری مملکت میں حالات کا معائنہ کرنے فلاں فلاں جگہ گیا تھا ۔ فلاں شہر میں فلاں دکان پر اپنی شاہی انگوٹھی بھول آیا ہوں مہربانی کر کے وہ انگوٹھی تلاش کر کے مجھے مجھے بھجوا دو کیونکہ وہ انگوٹھی مجھے بے حد عزیز ہے ۔
ہلاکوں خان مسلمانوں کے سلطان کی اس جرأت اور جسارت پر ششدر رہ گیا اور وه اس کی دلیری سے ایسا مرعوب ہوا کہ اس کی انگوٹھی تلاش کر کے اس کی طرف بھیجوا دی ۔ منگولوں کو جب خبر ہوئی کہ مسلمانوں کا سلطان خود بھیس بدل کر ان کے علاقوں میں داخل ہوا تھا تو ان پر سلطان کی ہمت و شجاعت کی وجہ سے ایک دہشت اور خوف طاری ہو گیا تھا اور وه سوچنے لگے تھے کہ جس سلطنت کا حکمران اس قدر جری و جرأت مند ہو اس کے لشکریوں کا کیا عالم ہوگا اور ہم اس کا مقابلہ کیسے کریں گے ۔
ان دنوں کیونکہ بحیره روم کے ساتھ ساتھ مغرب کے صلیبیوں نے اپنے بڑے بڑے اڈے بنا لیے تھے جہاں سے نکل کر وه مسلمانوں کے خلاف صلیبی جنگ کی ابتداء کرتے تھے ۔ ان میں زیاده نامور انطاکیہ کا حاکم بوہمینڈ تھا ۔ سلطان ایک مرتبہ ایک نصرانی زائر کا بھیس بدل کر صلیبیوں کے مقبوضہ علاقوں میں جا داخل ہوا اور کئی ماہ تک ان کے عسکری استحکامات ، قلعوں اور دوسرے کئی مقامات کا جائزہ لیتا رہا۔ وہ تقریباً بائیںس ایسے قلعے دیکھنے میں کامیاب ہو گیا جو ان دنوں صليبيوں کی عسکری قوت کا مرکز تھے اور یہ سارا کام اس نے تن تنہا کیا اور اس کے بعد اس نے ایک عجیب ستم ظریفی کی۔
اس نے ایک قاصد اور ایلچی کا روپ بدلا اور جنگل میں ایک ہرن کا شکار کر کے وہ ہرن لے کر انطاکیہ کے بادشاہ بوہیمینڈ کے دربار میں حاضر ہوا اور اسے وہ شکار پیش کر کے کہنے لگا۔ ٫٫ عالی جاه ! مجھے مصر کے سلطان " الملک الظاہر نے بھیجا ہے ، پتا چلا ہے کیونکہ آپ شکار کا بہت شوق رکھتے ہیں اور ان دنوں شکار کے قابل نہیں۔ لٰہذا انہوں نے یہ تازه شکار بطور ہدیہ بھیجا ہے ۔ اسے قبول فرمائیے۔ میرے آقا آپ کے شکر گزار ہوں گے ،،
سلطان جب گفتگو کرنے اور شکار بادشاه انطاکیہ کے حوالے کرنے کے بعد وہاں سے نکل گیا تو چند دن بعد انطاکیہ کے بادشاہ پر کسی نے انکشاف کیا کہ جو شخص تمہارے پاس ہرن کا شکار لے کر آیا تھا وہی مسلمانوں کا سلطان تھا۔
اس انکشاف پر نصرانیوں کے بادشاہ بوہیمنڈ پر خوف اور لرزه طاری ہو گیا تھا۔
ایسے ناقابل یقین معرکے سرانجام دینے اور عین الجالوت پر پہلی بار منگولوں کو عبرت ناک شکست دے کر، مسلمانوں پر اپنی دہشت کا سکہ جمانے والے منگولوں کو سربازار گھما کر ذلت و رسوائی عطا کر کے مسلمانوں کے قلوب سے منگولوں کے خوف و دہشت کا غلبہ زائل کرنے والی اس نادر و نایاب اور جاہ و جلال کی سے مزین ہستی کا نام " رکن الدین بیبرس " تھا۔
رکن الدین بیبرس منگولوں کی فتوحات اور مسلمانوں پر مظالم ڈھا کر اپنی دہشت کا سکہ جما کر حکومت کرنے والے ہلاکو خان کے متعلق کہا کرتے تھے کہ ،
٫٫ وقت آنے پر ہم ان کو بتا دیں گے کہ اللہ کیلئے لڑنے والے کبھی شکست تسلیم نہیں کیا کرتے ،، ۔
اور پھر وقت نے ثابت کیا کہ سلطان رکن الدین بیبرس اپنے قول و قرار کا کس قدر پاسدار تھا ۔😇😇😇
باوجود اس کے ، کہ دیگر نامور اسلامی شخصیات کی طرح تاریخ سے اس ذہین و فطین اور دلیر و بے باک ہستی کے نقوش بھی ایک منظم سوچ و سازش کے تحت بڑی سنگ دلی ، مہارت اور عیاری سے ممکنہ حد تک مٹا دئیے گئے لیکن کچھ مدھم نقوش ابھی بھی سلامت ہیں ،
لیکن اس سے بھی زیادہ دکھ کی بات یہ ہے کہ ہم عشق ، محبت اور شادی بیاہ کی کہانیوں کے دلدادہ ہیں اور جو اصل اثاثہ ہیں ان کو بڑی ہی خود غرضانہ سفاکی سے فراموش کر رکھا ہے ہم نے😐😐