ഹോമിയോ ശാസ്ത്രം

22/12/2022

ചങ്ങനാശ്ശേരി ആൽമതാ കേന്ദ്രത്തിൽ നിന്നും കെയ്ക്കുമായി ഡയറക്‌ടറച്ചനും മാത്യു സാറും വീട്ടിൽ വന്നപ്പോൾ....

13/04/2022

01/04/2022

21/01/2022

അലർജിക്ക് ഹോമിയോപ്പതി
-----------------------------------------------
പുറത്തുനിന്നും കടന്നു കൂടുന്ന ഏതെങ്കിലും വസ്തുക്കളോട് ശരീരത്തിലെ പ്രതിരോധ സംവിധാനം അസാധാരണമായി പ്രതികരിക്കുന്ന അവസ്ഥയെ അലർജി എന്ന് പറയാം. ത്വക്ക്, മൂക്ക്, ശ്വാസകോശം തുടങ്ങിയവയെയാണ് ഇത് കൂടുതലായി ബാധിയ്ക്കുന്നത്. പൊടി, പൂപ്പൽ, പൂമ്പൊടി, വളർത്തുമൃഗങ്ങളുടെ രോമങ്ങൾ, ചിലയിനം മരുന്നുകൾ തുടങ്ങിയവയൊക്കെ അലർജിയ്ക്ക് കാരണം ആകാം. അലർജിയുടെ ലക്ഷണങ്ങൾ അനുസരിച്ച് അവയെ മൂന്നായി തിരിയ്ക്കാം. (1)തീവ്രമല്ലാത്തത് (Mild Allergy). ഇതു പൊതുവെ തിരിച്ചറിയാറില്ല. ചെറിയ ജലദോഷമോ തുമ്മലോ ഒക്കെ വരുന്നത് സ്വാഭാവികമെന്നു കരുതി കാര്യമാക്കാറില്ല. ശരീരത്തിൽ കാണുന്ന ചെറിയ തടിപ്പുകൾ , കണ്ണ് ചൊറിച്ചിൽ, കണ്ണിൽ വെള്ളം നിറയുക , തുമ്മൽ, മൂക്കിൽ എന്തോ ഇരിയ്ക്കുന്നതുപോലെ തോന്നുക തുടങ്ങിയവയൊക്കെയാണിത്തിന്റെ ലക്ഷണങ്ങൾ. (2) മിതമായ അലർജി (Moderate Allergy ) തുമ്മൽ, ചൊറിച്ചിൽ, ശ്വാസം മുട്ടൽ തുടങ്ങിയവയൊക്കെയാണിതിന്റെ ലക്ഷണങ്ങൾ. (3) കഠിനമായ അലർജി(Severe Allergy ). ശരീരം വസ്തുക്കളോട് പെട്ടെന്ന് പ്രതികരിക്കുകയും കണ്ണും മുഖവും ചൊറിഞ്ഞു തുടങ്ങുകയും നീരു വയ്ക്കുകയും ശ്വാസം മുട്ടൽ, വയർ വേദന , വയറിളക്കം, മാനസിക പിരിമുറുക്കം തുടങ്ങിയവയൊക്കെയാണ് ലക്ഷണങ്ങൾ.അലർജി ഉണ്ടാക്കുന്ന സാഹചര്യങ്ങളും ഭക്ഷണങ്ങളും ഒഴിവാക്കിയും ഓരോ രോഗി യുടെയും ശാരീരിക , മാനസിക , വ്യക്തിഗത ലക്ഷണങ്ങളും സാഹചര്യങ്ങളും, ഏത് വസ്തുവിനോടാണോ അലർജി എന്നതൊക്കെ കണക്കിലെടുത്താണ് ഹോമിയോപ്പതിയിൽ ചികിത്സ നിശ്ചയിയ്ക്കുന്നത്.

28/12/2021

കുടുംബാരോഗ്യത്തിന് ഹോമിയോപ്പതി
--------------------------------------------------------------
ആരോഗ്യ പരിരക്ഷയുടെ കാര്യത്തിൽ കേരളം പല പ്രകാരേണ പ്രത്യേകം ശ്രദ്ധിയ്ക്കപ്പെട്ടിട്ടുണ്ട്. പൊതുജനാരോഗ്യ സൂചകമായി കണക്കാക്കുന്ന ശിശുമരണനിരക്ക് , മാതൃമരണനിരക്ക് , പൊതുമരണനിരക്കു , തുടങ്ങിയവയിലുള്ള കുറവിലും ആയുർദൈർഘ്യത്തിലും ഈ കോവിഡ് കാലത്തും ഇതര സംസ്ഥാനങ്ങളെ അപേക്ഷിച്ച് നാം മുന്നിലാണ്. എന്നാൽ വിദഗ്ദ്ധരാൽ പുകഴ്ത്തപ്പെടുന്ന ഈ മാതൃക നില നിൽക്കുമ്പോൾ തന്നെ നിരവധി രോഗങ്ങളും ജീവിത ശൈലീ രോഗങ്ങളും കൂടി വരികയാണ്. ആധുനികശാസ്ത്രത്തിനു വളരെയധികം നേട്ടങ്ങൾ കൈവരിയ്ക്കാൻ കഴിയുമ്പോഴും വ്യവസായവൽക്കരണവും നഗരവൽക്കരണവും പുത്തൻ നാഗരീകതയും എല്ലാംകൂടി സൃഷ്ടിയ്ക്കുന്ന അന്തരീക്ഷ - പരിസരമലിനീകരണങ്ങളും ശുദ്ധജലക്ഷാമവും സംഘർഷപൂർണ്ണമായ കുടുംബ - സാമൂഹ്യ ജീവിതവുമൊക്കെ ചേർന്ന് അനേകം രോഗികളെ സൃഷ്ടിയ്ക്കുന്നു എന്നു മാത്രമല്ല പുതിയ രോഗങ്ങൾ ആവിർഭവിയ്ക്കുന്നതിനും കാരണം ആകുന്നു. ഒരു കാലത്തു നിർമ്മാർജ്ജനം ചെയ്തു എന്നു കരുതപ്പെട്ടിരുന്ന പല രോഗങ്ങളും തിരികെ വരുന്നു. പല പുതിയ രോഗങ്ങളും പടർന്നു പിടിയ്ക്കുകയും നിരവധി മരണങ്ങൾ ഉണ്ടാകുകയും ചെയ്യുന്നു. പരിസ്ഥിതി മലിനീകരണത്തോടൊപ്പം നാം കഴിയ്ക്കുന്ന പച്ചക്കറികൾ, പഴവർഗ്ഗങ്ങൾ , തുടങ്ങിയവയിലെ കീടനാശിനി പ്രയോഗവും ആഹാരസാധനങ്ങൾ കേടു കൂടാതെ സൂക്ഷിയ്ക്കുന്നതിനുള്ള വിഷപ്രയോഗവും മത്സ്യ - മാംസാദികൾ കേടുകൂടാതിരിയ്ക്കുന്നതിനുള്ള അമിത വിഷപ്രയോഗവും ഒക്കെ നമ്മുടെ ആരോഗ്യ സ്ഥിതിയെ പ്രതികൂലമായി ബാധിയ്ക്കുന്നു. കാലാകാലങ്ങളിൽ കണ്ടുവരുന്ന പുതിയ പുതിയ രോഗാണുക്കളാകട്ടെ അതിനെതിരെയുണ്ടാകുന്ന നടപടികളെയൊക്കെ അതിജീവിച്ചു കൂടുതൽ കരുത്താർജ്ജിയ്ക്കുന്നു. ഇത്തരുണത്തിലാണ് മനുഷ്യന്റെ ജീവശക്തിയിലാധാരമായ ഹോമിയോപ്പതി മരുന്നുകളുടെ പ്രസക്തി. പ്രതികൂല സാഹചര്യങ്ങളിൽനിന്നും പല വിധ രോഗാണുക്കളിൽ നിന്നും ശരീരത്തിന്റെ പ്രതിരോധ ശക്തിയെ നില നിർത്തി കൂടുതൽ കരുത്താർജ്ജിയ്ക്കുവാൻ ഹോമിയോപ്പതി ഔഷധങ്ങൾ വഴി കഴിയുന്നു.

25/12/2021

മദ്യ പാനാസക്തിയ്ക്ക് ഹോമിയോപ്പതി ചികിത്സ.
-------------------------------------------------------------------------------
മദ്യപാനാസക്തിയെ ഒരു രോഗം ആയി കണ്ട് ഹോമിയോപ്പതി ചികിത്സ നൽകിയാൽ അവരെ അതിൽനിന്നു പിന്തിരിപ്പിയ്ക്കുവാൻ കഴിയും. ഏതൊരു രോഗിയുടെയും ഇഷ്ടാനിഷ്ടങ്ങൾക്ക് ഹോമിയോപ്പതിചികിത്സയിൽ വളരെ പ്രാധാന്യം ഉണ്ട്.ഏതൊരു വസ്തുവിനോടുമുള്ള അമിതമായ ആഗ്രഹത്തെ ആസക്തി എന്നു പറയാം. അങ്ങനെ മദ്യത്തോടുള്ള അമിതമായ ആഗ്രഹത്തെ മദ്യപാനാസക്തിയായി കണ്ടുകൊണ്ട് അവരുടെ ശാരീരികവും മാനസികവും വ്യക്തിപരവുമായ ലക്ഷണങ്ങളെ അടിസ്ഥാനമാക്കി ഉത്തമമായ ഔഷധങ്ങൾ കണ്ടെത്തി നൽകിയാൽ ഹോമിയോപ്പതി മരുന്നുകൊണ്ട് മദ്യപാനാസക്തിയിൽനിന്നും മുക്തി നേടാം. മറ്റു ചികിത്സാരീതികളുമായി താരതമ്യപ്പെടുത്തുമ്പോൾ കുറഞ്ഞ ചെലവിൽ പാർശ്യഫലങ്ങളൊന്നുമില്ലാതെതന്നെ ഹോമിയോപ്പതി ചികിത്സകൊണ്ട് മദ്യപാനാസക്തിയിൽനിന്നും പൂർണ്ണമായി മുക്തി നേടാം. മദ്യപാനം പെട്ടെന്ന് നിർത്താതെ ക്രമേണ നിയന്ത്രിച്ചു കൊണ്ടുവരാൻ കഴിയുന്നതുകൊണ്ട് പിന്മാറ്റ അസ്വസ്ഥതകൾ ഉണ്ടാകുന്നില്ല. സാധാരണഗതിയിൽ ആശുപത്രിയിൽ കിടന്നു ചികിൽസിയ്‌ക്കേണ്ട ആവശ്യമില്ല. അതിനാൽ ജോലി, പണം , സമയം, മറ്റുള്ളവരുടെ സേവനം തുടങ്ങിയ നഷ്ടങ്ങൾ ഒഴിവാക്കാം.

20/12/2021

മഞ്ഞുകാല ചർമ്മ പ്രശ്നങ്ങളോ....? വിഷമിയ്ക്കേണ്ട ഹോമിയോപ്പതിയിൽ പരിഹാരമുണ്ട്......
മഞ്ഞുകാലത്ത് കാൽപ്പാദങ്ങൾ വിണ്ടു കീറുക , കൈവെള്ളയിലെ തൊലി കാട്ടിയാകുക, പൊളിഞ്ഞു പോകുക, ചുണ്ടുകൾ വരഞ്ഞു പൊട്ടുക, ചർമ്മത്തിൽ ചുളിവുകൾ , പൊരിപോലെ വരിക തുടങ്ങി നിരവധി പ്രശ്നങ്ങൾ പലരേയും അലട്ടാറുണ്ട്. കുളിയ്ക്കുമ്പോൾ സോപ്പ് ഒഴിവാക്കി ചെറുപയർ പൊടി പോലെയുള്ള പ്രകൃതി ദത്ത മാർഗങ്ങൾ വരണ്ട ചർമ്മുള്ളവർ ഉപയോഗിയ്ക്കുന്നത് നല്ലതാണ്. ചൂടുവെള്ളം നിർബന്ധം ഉള്ളവർ ചെറുചൂടുവെള്ളം ഉപയോഗിയ്ക്കുവാൻ ശ്രമിയ്ക്കുക. പഴം , പച്ചക്കറികൾ , സാലഡുകൾ , ഉണങ്ങിയ പഴവർഗ്ഗങ്ങൾ തുടങ്ങിയവ ഭക്ഷണത്തിൽ ഉൾപ്പെടുത്തുന്നത് നല്ലതായിരിയ്ക്കും . ഭക്ഷണം ചൂടോടെ തന്നെ കഴിക്കുകയും ധാരാളം വെള്ളം കുടിയ്ക്കുകയും വേണം. ഇവയൊക്കെ ശരീരത്തിലെ ജലാംശം നഷ്ടപ്പെടാതെ സംരക്ഷിയ്ക്കും. തണുപ്പിനെതിരെ കമ്പിളി വസ്ത്രങ്ങൾ ധരിയ്ക്കുന്നവർ കോട്ടൺ വസ്ത്രങ്ങൾക്ക് മുകളിൽ അവ ധരിക്കണം. ഓരോരുത്തരിലും കാണുന്ന പ്രത്യേക ലക്ഷണങ്ങൾക്കനുസരിച്ചു കാൽപ്പാദങ്ങൾ വിണ്ടു കീറുന്നതിനും ചുണ്ട് പൊട്ടുന്നതിനും ഇതര ത്വക്ക് രോഗങ്ങൾക്കും മറ്റു ശാരീരിക പ്രശ്നങ്ങൾക്കും ഹോമിയോപ്പതിയിൽ ഔഷധങ്ങൾ ലഭ്യമാണ്. പുറമെ പുരട്ടുന്നതിനുള്ള ലേപനങ്ങളും തലയിൽ പുരട്ടുന്നതിനുള്ള എണ്ണയും ഹോമിയോപ്പതിയിൽ ലഭ്യമാണ്.