01/03/2022
Obituary of Pi Thanpari Pautu 1935-2022 (87 yrs) The first B.Sc.Nursing Degree holder in Mizoram.
Born October 15 1935
Died Januray 21 2021
THANPARI PAUTU
Pian leh murna:
Chawngbuaia (L) leh Zakhumi(L) fa 9 zinga 8 na ni turin October 15 k*m 1935 Saitual khua ah a piang a. An unau chu:
1. Denghlira (L) h/o Hmingliani
2. Vanmawia (L) h/o C. Thantluangi (L)
3. Lalbiaktluangi (L) w/o Lalbiakliana (L)
4. Khualluna (L) h/o Thangliani
5. Rosiami (L) w/o Darthankima (L)
6. Khawlkungi – naupan laia thi
7. Rinkimi (L) w/o Saizam (L)
8. Thanpari w/o Sanghmingthanga H. Pautu
9. Thangkima Cherpoot h/o Zothanpari
Chhungkua:
C. Thanpari leh Sanghmingthanga H. Pautu te June ni 17, 1969 khan Shillong a Police Bazar Biak Inah Rev. Lalthanzauva (L) kutah Kohhran Dan Thianghlim in an innei a. Chuta tang chuan C. Thanpari pawh chu Thanpari Pautu ti in thlak a ni. Fa 3 an enih te chu:-
1. Jeremy Lalrinsanga Pautu h/o Ellen Lalthanzuali
2. Sarah Lalmuankimi Pautu
3. Joel Lalnghakliana Pautu h/o B. Lalawmpuii.
K*m 1974 ah Aizawl ah chhuakin Electric Veng ah mi in luahin an awm a. Thanpari nu leh pa ten an Diamond Jubilee thilpek ah tuna an inhmun hi an pe a. K*m 1978 atangin tun thlengin an la awm ta ani. Tu 9 leh tuchhuan 2 an nei tawh. K*m 2019 khan an inneih k*m 50-na, Golden Jubilee, lawm a ni nghe nghe. Tin, amah hian a pa, Pu Chawngbuaia, kha chhunin k*m upa tak thleng pawh hian a fim kar reng a, k*m 87 mi hian a hnukchah hma darker khat vel thleng khan family whatsapp group-ah thu a la post reng thei a ni. Khuma mu reng chung hian kawng engkimah a tu leh fa te, in hranga awmte pawh hian a hnen atangin thu rawn an la la reng thin a ni. Tin, a boral ni thleng hian zun ram thiar leh inbual thlengin a la ti thei a ni. A k*m zat ngaihtuah chuan tar chhia an ti maithei a, mahse an chhungkaw tan chuan hotu tha a la tling tak meuh meuh a ni. A tu leh fate veng hrang hranga awmte hi a ngaihtuah em em a, chhungkaw group-ah te hian damlo a hriatte pawh tawngtaipui tura thawhtu ber a ni.
Zirna leh hnathawh:
Primary leh Middle School chu Saitual ah a zir a, Class VII – Matric chu Govt. High School (tuna Higher Secondary School) ah a zir a. I.A. (tuna Class XII) chu Cotton College, Gauhati atangin a passed a. Hemi hnu hian k*m 2 a chawl a, Sawrkar hna LDC te a thawk a. Chutah R.A.K. College of Nursing, New Delhi ah B.Sc Hons (N) chu k*m 1962 ah a passed a. Mizo zingah B.Sc (Nursing) degree nei hmasa ber a ni nghe nghe a. North-East ah pawh pahnih na a ni.
K*m 1962 ah AMCH, Dibrugarh a Sister/Sister Tutor hna a zawm a. K*m 1967 ah Gauhati Medical College a Nursing School thar din tura koh a ni a. K*m 1968 April thlaah Assam Health Directorate ah Assistant Nursing Superintendent ah a kaisang a. Mizoram in Statehood an neih khan Mizorama thawk turin k*m 1974 khan koh chhuah ani a. ANS atangin Asst, Director Nursing ah leh Dy. Director Nursing ah a kaisang a. DDN post in k*m 1996 khan supernuation in a pension ta ani.
Pi Biaksangi nena theihtawp an chhuahna zarah, k*m 1992 ah Mizoram Nursing Council neih a ni a. MNC hi India hmar chhakah pawh Assam dawta nei thei kan ni nghe nghe. A pension hnu te pawhin Mission Foundation Movement (MFM) te Nursing School dinpuiin k*m 2009 ah khan MFM Principal hmasaber a ni.
Rawngbawlna lam:
Mizoramah Sawrkar hna a lo zawm hlim in Evangilical Nurses Fellowship, Mizoram Branch hi a thawhpui helama tui mite nen dinin chairman leh O.B. k*m rei tak a chelh a ni.
Chhinga Veng Presbyterian Kohhran Hmeichhia ah leh Dawrpui Pastor Bial Kohhran Hmeichhia ah te Chairman leh OB in a awm thin a, Kohhran ah Naupang leh Puitling zirtirtu ah te awmin k*m 25 chhung zirtirtu chawimawina Pi Zaii medal a dawng. Kohhran ah Nilai Zan thupui hawngtu a ni bawk. Guwahati a awm lai hian Kohhran Hmeichhe Chairman-ah rei vaklo chu a awm a, Central Kohhran Hmeichhe Committee ah Vice Chairman leh committee member nihna a chelh tawh bawk.
Khawtlang lamah:
MHIP General Hqrs leh Social Welfare Board ah te member a ni thin. MHIP Chhinga Veng ah President leh OB k*m 20 tang chin chawimawina a dawng bawk. Chhinga Veng MHIP chanchinbu ZONU ah hian k*m rei tak Editor a ni a. K*m 1996-2014 thleng khan ama chanchinbu thlatin chhuak hmeichhiate chawikanna lam hawi LUNGDUM a siam bawk.
A nat dan tlangpui:
A pension hnu hian natna neuh neuh te a nei chho ve a, K*m 2005 ah a khup ruh thlak a ni a, a khel ruh hi k*m 2013 ah thlak leh niin a fuhloh vangin a kal thei ta meuhlo a, inchhungah bak hian a kal chhuak ta lemlo a ni. Zunthlum hi k*m 3 vel a vei ve tawh a, a BP sang hi k*m rei tak vein enkawl a ni. K*m 2021 tawp lam khan Covid-19 vei ve in, in sawiselna nei em em lovin Sawrkar dan angun dam a puan a ni.
Ni 20/01/2022 tlai chawei kham khan chau deuhva a in hriat avangin a BP pawh amahin a in check a 70/40 mmHg chauh alo ni a, a fa ten an han buaipuia a, a BP chu 80/50 mmHg ah a chho ve leh mai bawk a. Amah pawh tha in tiin kan kalsan a, a tuka thisen test tur te hrilh a ni. Ni 21/01/22 zingah pawh harh pangngaiin a harh a, a BP te pawh 116/74 mmHg te a lo ni chho a, thisen test tur te chu lak niin, zing chaw leh chhun thingpui pawh a khumah a eiin a in a. Tlai dar 4:45 pawh khan a thisen test result a chhuah thu a fapa upa zawk Dr. Jerry-a chu a va hrilh a. Tlai lam dar 5 vel khan a monu B. Lalawmpuii chu a BP check turin a va kal a, kawngkhar a lo hawn saka a thaw a hah thu a lo hrilh a. A fapa naupang zawk Dr. Joel-a chu ko in an in buaipui nghal a, oxygen leh damdawite pek a ni a, tha leh mai tur a an inngaih lain ni 21/01/21 tlai 5:45 khan chatuan ram min pansan ta a ni.
