143 Media

16/11/2023

തമ്പാനൂരത്തെ ബാറിൽ നിന്ന് ഒന്നെര വോഡ്ഗ അടിച്ച് ബസ്സ്റ്റാൻഡിൽ വന്നപ്പോൾ തൃശൂർ വണ്ടി കിടക്കണു. കണ്ടക്ടറോട് ചോദിച്ചപ്പോൾ ഈ വണ്ടിക്ക് മുന്നേ വേറെ വണ്ടിയുണ്ടെന്ന് പറഞ്ഞു. സാരമില്ല..ഈ വണ്ടിക്ക് സുഖമായ് ഇരുന്നുപോകാമല്ലോയെന്ന് കരുതി ഈ വണ്ടിയിൽ തന്നെ യാത്ര ഉറപ്പിച്ചു. മൂന്ന്പേർക്ക് ഇരിക്കാവുന്ന സീറ്റിലെ സൈഡ് സീറ്റിൽ ഇരിന്നു...മദ്യം പതുക്കെ സിരകളെ തഴുകിയപ്പോൾ കണ്ണുകൾ പതിയെ അടഞ്ഞു. വണ്ടി സ്റ്റാർട്ട് ചെയ്യുന്ന ശബ്ദത്തിൽ പാതിമയക്കത്തിൽനിന്ന് ഉണർന്നപ്പോൾ ബസ്സ് നിറയെ ആളുകൾ. എന്റ സീറ്റിൽ, എന്നോട് ചേർന്നൊരു സുന്ദരിയായ മധ്യവയസ്ക. അതിന് അപ്പുറമായ് ഒരു യുവകോമളൻ. എതിർവശത്ത് സുന്ദരിയായ കന്യാസ്ത്രീ..തിരുവസ്ത്രത്തിന്റ ശുഭ്രതയുളള അവളുടെ ചിരി
സ്റ്റാൻഡ് വിട്ട വണ്ടി കരിവണ്ടിന്റ മൂളലോടെ യാത്ര തുടർന്നു. കണ്ടക്ടർ ടിക്കറ്റുമായ് എത്തി. ഞാൻ കൂത്താട്ടുകുളവും, എന്നോട് ചേർന്നിരുന്ന സ്ത്രീ വെഞ്ഞാറമൂടും ടിക്കറ്റെടുത്തു.
കേശവദാസപുരത്ത് എത്തിയപ്പോൾ ഒരു യുവതി കൈക്കുഞ്ഞുമായ് വണ്ടിയിൽ കയറി. വേഗത്തിൽ ഓടുന്ന വണ്ടിയിൽ ബാലൻസ് തെറ്റാതെ കുഞ്ഞിനെ മാറോട് ചേർത്ത് പിടിച്ച് അവൾ ഒരു സീറ്റിനായ് സഹയാത്രികരെ നോക്കി.
കന്യാസ്ത്രീയെ നോക്കിയപ്പോൾ അവൾ കൊന്തയെടുത്ത് കണ്ണടച്ച് ജപം ആരംഭിച്ചു. ചില യാത്രികർ പുറംകാഴ്ചയിലേക്കും, മറ്റുചിലർ ഉറക്കാഭിനയത്തിലേക്കും വഴുതി വീണു. മദ്യം ഉണർത്തിയ സഹാനുഭൂതിയിൽ ഞാൻ എന്റ സീറ്റ് അവൾക്ക് നല്കി.

അടുത്തിരിക്കുന്ന സ്ത്രീയോട് സംസാരിച്ച്, കുഞ്ഞുമായ് കയറിയ സ്ത്രീ അവൾ ഇറങ്ങുന്ന സ്ഥലം ചോദിച്ചു മനസ്സിലാക്കി. അവൾ ഇടക്ക് പുറകോട്ട് നോക്കി അവിടെമറ്റൊരു സീറ്റിൽ ഇരിക്കുന്ന ഭർത്താവിനെ നോക്കി ചിരിക്കുന്നുണ്ട്. വെഞ്ഞാറമൂട് അടുക്കുന്നതിന് മുന്നേ അവൾ മൊബൈൽ ഫോണിലൂടെ സഹയാത്രിക വെഞ്ഞാറമൂടിൽ ഇറങ്ങുമെന്ന് അറിയിച്ചു. അയാൾ തന്റെ സീറ്റ് ഉപേക്ഷിച്ച് അവൾ ഇരിക്കുന്ന സീറ്റിന് അരുകിൽ എത്തി. അയാളുടെ സീറ്റ് മറ്റൊരാൾ കൈയ്യടക്കി. വെഞ്ഞാറമൂട് എത്തിയപ്പോൾ സഹയാത്രിക എഴുന്നേറ്റ ഒഴുവിൽ ഞാൻ ഇരിക്കാൻ ശ്രമിച്ചു. അവൾ അവളുടെ ബാഗ് സീറ്റിൽ വെച്ചിട്ട് ഇതെന്റെ ഭർത്താവിന് ഇരിക്കാനുള്ള ഇടമാണെന്ന് പറഞ്ഞു. അയാൾ എന്നെ തള്ളിമാറ്റി ആ സീറ്റിൽ ഇരുന്നു. കന്യാസ്ത്രീ എന്നെ നോക്കി പുഞ്ചിരിച്ചിട്ട് ജപിച്ചു കൊണ്ടിരുന്ന കൊന്ത വിശുദ്ധ കുപ്പായത്തിന്റ പോക്കറ്റിൽ ഇട്ടു... കൂത്താട്ടുകുളം വരെ പോകേണ്ട ഞാൻ സ്വന്തം സീറ്റ് നഷ്ടമാക്കി കുന്തം പോലെ നിന്നു.
വണ്ടി ചടയമംഗലം കഴിഞ്ഞപ്പോൾ ഞാൻ ചാരി നിന്ന സീറ്റിലെ സഹയാത്രികൻ എന്റ ദേഹത്ത് തട്ടി പറഞ്ഞു..
"ഞാൻ അടുത്ത സ്റ്റോപ്പിൽ ഇറങ്ങും...ഇവിടെ ഇരിക്കാം...മദ്യപിച്ചിട്ടുണ്ടല്ലേ.."
"ഉം."
"അതാണ് മനസ്സ് ആർദ്രമായി ആ അമ്മക്കും, കുഞ്ഞിനും തന്റെ സീറ്റ് ഒഴിഞ്ഞുകൊടുത്തത്...
ഞങ്ങളാരും മദ്യപിച്ചിട്ടില്ല..അതുകൊണ്ട് ഞങ്ങളുടെ മനസ്സ് ആർദ്രമായില്ല ...അതാണ് മദ്യം പാപമാണെന്ന് വിശുദ്ധ ഗ്രന്ഥങ്ങൾ പറയാൻ കാരണം... മദ്യപാനി സ്വന്തം കാര്യം നോക്കാതെ മറ്റുള്ളവരുടെ കാര്യങ്ങളിൽ ഇടപെട്ട് ഇതുപോലെ കുന്തം വിഴുങ്ങിയവനെപ്പോലെ നില്ക്കും. ഞങ്ങൾ സൻമാർഗ്ഗവാദികൾ പ്രശനസമയത്ത് പുറം കാഴ്ചകാണും.. ദൈവത്തിന്റെ സ്വന്തം ആളുകൾ ഈ സമയത്ത് കൊന്ത ജപിച്ച് സ്വർഗ്ഗീയത തേടും..."
"സാർ..ഞാൻ ഈ നിനിഷം മുതൽ മദ്യപാനം നിർത്തുന്നു.. മനസ്സുള്ളവനെ മദ്യപാനിയാകാൻ കഴിയൂ... അവൻ മറ്റുള്ളവരുടെ മുന്നിൽ കോമാളിയാകുന്നു...വെറുതേ അന്യരുടെ പ്രശ്നങ്ങളിൽ ഇടപെട്ട് കുന്തം വിഴുങ്ങി നില്ക്കുന്നു.. എനിക്കും പുറം കാഴ്ച കാണുന്നവരിൽ ഒരുവനായാൽ മതി..."
ഈ സമയത്ത് കന്യാസ്ത്രീ എന്റ നേരേ നോക്കി പോക്കറ്റിൽ നിന്ന് കൊന്തയെടുത്ത് വീണ്ടും ജപം ആരംഭിച്ചു

11/08/2023

😍😍😍

04/08/2023

24/06/2023

വളരെ വിഷമത്തോടെയും ഭയത്തോടെയും ആണ് ഇതെഴുതുന്നത്. ഞാനിപ്പോ ksrtc യിൽ ആണ്. ഇപ്പൊ ടിക്കറ്റ് എടുത്തു. 205 രൂപ കൊടുത്തു. 100 രൂപ തിരികെ കിട്ടി. ആ പൈസയാണ് ചിത്രത്തിൽ. ഇതിലെന്താ എന്നാവും അല്ലെ. നമ്മുടെ നാടിന്റെ ഗുരുതര സാഹചര്യം ഇതിൽ കാണാം.

ഈ രൂപ കയ്യിൽ കിട്ടുമ്പോ ഉള്ള രൂപമാണ് ഇത്. എനിക്കീ രൂപത്തിൽ പലപ്പോഴും നോട്ടുകൾ കിട്ടാറുണ്ട്. ഇരുപതിന്റെ അല്ലെങ്കി നൂറിന്റെ നോട്ട് ആവും അതെല്ലാം. ഒരു സംശയം തോന്നി ഞാനീ നോട്ടിൽ വിരലോടിച്ചു ആ വിരൽ നാവിൽ തൊട്ടു നോക്കി. നാവ് തുളയുന്ന കൈപ്പ് നാവിൽ പറ്റി. എന്ന് വച്ചാൽ ഐസ് മെത്ത് പൊടിക്കാൻ ഈ നോട്ട് ഉപയോഗിച്ചിരിക്കുന്നു. ഇങ്ങനെ ഉപയോഗിച്ച നോട്ടുകൾ എനിക്ക് തിരുവനന്തപുരത്ത് നിന്ന് പലപ്പോഴും കിട്ടിയിട്ടുണ്ട്. കൊട്ടാരക്കരയിൽ ബസ്സിൽ ഇരിക്കുമ്പോഴും എന്നെയിത് തേടി വരുന്നു എങ്കിൽ അതിന്റെ ഉപയോഗം സർവ സാധാരണമായി എന്നാണ് മനസ്സിലാക്കേണ്ടത്.

കഴിഞ്ഞ ദിവസം തലസ്ഥാനത്തെ ഒരു സ്കൂളിൽ ഒരു എട്ടാം ക്ലാസ്സുകാരി മരിച്ചു. ആശുപത്രിയിൽ ആയിരുന്നു അന്ത്യം. മെത്തഫിറ്റാമിൻ ആയിരുന്നു വില്ലൻ. പോസ്റ്റ് മോർട്ടം റിപ്പോർട്ടിൽ കുട്ടി പലയാവർത്തി ലൈംഗിക ചൂഷണത്തിന് വിധേയയായി എന്ന് കൂടി കേട്ടു. ആ കുട്ടിയുടെ പിതാവ് ഒരു പോലീസ് ഉദ്യോഗസ്ഥൻ ആണെന്നും കേട്ടു. മെത്തഫിറ്റാമിൻ നൽകി പെൺകുട്ടികളെ വ്യാപകമായി ലൈംഗിക ചൂഷണത്തിന് വിധേയമാക്കുന്ന കഥകൾ പലയാവർത്തി പലയിടത്ത് നിന്നായി കേൾക്കുന്നു. കേട്ട് വിഷമിക്കാമെന്നല്ലാതെ എനിക്ക് എന്ത് ചെയ്യാൻ ആവും? എന്റെ ഒരു സുഹൃത്ത് പറഞ്ഞതാണ് നഗരത്തിലെ തന്നെ മറ്റൊരു സ്കൂളിൽ ആണ് അവന്റെ ജോലി. ഒരു ദിവസം ക്ലാസ് വരാന്തയിലൂടെ നടക്കുമ്പോ ഒരു ക്ലാസിൽ ഒറ്റക്ക് ഒരു പെൺകുട്ടി. പ്ലസ് ടൂ കാരി. അത്യാവശ്യം വായിനോട്ടമൊക്കെ ഉള്ള അവൻ ആ കുട്ടിയെ ശ്രദ്ധിച്ചപ്പോ ക്ലാസിൽ ഇരുന്ന് മെത്ത് പൊടിക്കുന്നത് ആണ് അവൻ കണ്ടത്. എനിക്കറിയാവുന്ന സർക്കിളിൽ ചില കുട്ടികൾ രാവിലെ ക്ലാസിൽ വന്നിട്ട് ബാത്റൂമിൽ പോയി അൽപ്പം സ്‌നോട്ട് ചെയ്തിട്ട് ക്ലാസിൽ ഇരിക്കും. ആരും അറിയില്ല എന്നത് ഈ മരുന്നിനെ കുട്ടികൾക്കു ഇടയിൽ വ്യാപകമാക്കുന്നു.

ഇപ്പൊ ഏകദേശം ഈ ആളെക്കൊല്ലി മരുന്ന് വ്യാപകമായി കഴിഞ്ഞു. അതിന്റെ പീക്കിൽ ആണ് ഇപ്പൊ. അസാധാരണമായ അഡിക്ഷൻ ഉള്ള ഈ മരുന്ന് അധികം താമസിയാതെ ലഭ്യത കുറയും. പോലീസും എക്സൈസും വ്യാപകമായി ഇതിനെതിരെ പോരാട്ടത്തിൽ ആണ്. പക്ഷെ പിടിക്കുന്നതിൽ കൂടുതലാണ് അതിർത്തി കടക്കുന്നത്. പക്ഷെ ഏതെങ്കിലും ഒരു പോയിന്റിൽ വച്ച് ഇത് ലഭ്യമല്ലാതെ ആകുന്ന സമയം കേരളം ഒരു സോമ്പി ലാൻഡ് ആയി മാറും. ഇപ്പൊ തന്നെ ഇത് ഉപയോഗിക്കുന്ന കുറെ സുഹൃത്തുക്കളെ എനിക്കറിയാം. അവരുടെ ഉപയോഗത്തിന് മുന്നേ ഉള്ള സ്വഭാവവും ഇപ്പോഴുള്ളതും തമ്മിൽ ഒരു ബന്ധവുമില്ല. വല്ലാതെ അഗ്രസീവ് ആയ മനുഷ്യരായി അവർ മാറിയിരിക്കുന്നു. തമ്മിൽ തമ്മിലുള്ള സൗഹൃദങ്ങൾ പോലും തകരുന്ന വാർത്തകൾ കേൾക്കുന്നു. ഭാര്യമാരെ കാമുകിമാരെ സംശയിക്കുന്ന ചെറുപ്പക്കാർ. വീടുമായി അകലുന്ന കുട്ടികൾ. പ്രതികരണങ്ങൾ എല്ലാം രൂക്ഷമാവുന്ന സമൂഹം. അകാലത്തിൽ പൊലിയുന്ന ജീവനുകൾ സ്ട്രോക്ക് വന്ന ചെറുപ്പങ്ങൾ. എന്റെ ചുറ്റും ഉയർന്നേക്കാവുന്ന ആർത്തനാദങ്ങൾ ആണിപ്പോ എന്റെ പേടിസ്വപ്‌നം . പറ്റാവുന്ന ഭാഷയിൽ ഞാനിതിനെ എതിർക്കുന്നുണ്ട്. പല സൗഹൃദങ്ങളും ഇതിന്റെ പേരിൽ ഞാൻ ഉപേക്ഷിച്ചു. സമയാസമയം ഇത് കിട്ടാതെ വരുന്ന അവസ്ഥയിൽ കൊലപാതകം മുതൽ ആത്മഹത്യ വരെ സർവസാധാരണമാവും.

16/06/2023

ചെറിയൊരു പനി കാരണം കൊച്ചിയിലെ സ്വകാര്യ ആശുപത്രിയിൽ നിന്നും ഡോക്ടർ കുറിച്ചു തന്നൊരു കഫ്സിറപ്പാണിത്.

പേര് - Asthakind-DX,
അളവ് - 100 ml.

ഒരുപക്ഷേ പലപ്പോഴും
പല പേരുകളിലായി ഇതുപോലുള്ള 100ml കഫ്സിറപ്പുകൾ വാങ്ങുകയും കാൽഭാഗം പോലും ഉപയോഗിക്കാതെ ഒഴിവാക്കുകയും ചെയ്തവരാവും നമ്മളിൽ പലരും...

എന്തുകൊണ്ടാവും കാൽഭാഗം പോലും കഴിക്കാതെ നമ്മളിത് കുപ്പത്തൊട്ടിയിലേക്ക് വലിച്ചെറിയുന്നത്?

കാരണം മറ്റൊന്നുമല്ല,
താഴെ കൊടുത്ത ഫോട്ടോയിൽ കാണുന്ന പോലെ ബോട്ടിലിനു മുകളിൽ ഡോക്ടർ നിർദ്ദേശിച്ച പ്രകാരം ഫാർമസിസ്റ്റ് എഴുതിവെക്കുന്ന 2.5ml, 2 നേരം, 5 ദിവസം എന്ന ഉപയോഗ രീതി തന്നെയാണ്.

അതായത് 2.5ml X 5 = 5ml/day.

ഈ പ്രകാരം അഞ്ചു ദിവസം നാം ഉപയോഗിക്കുമ്പോൾ ആകെ ചിലവാകുന്നത് 25ml മാത്രം.

വ്യക്തമായി
പറയുകയാണെങ്കിൽ ബാക്കിയുള്ള 75ml (ബോട്ടിലിന്റെ 75 ശതമാനം) ഡോക്ടർ നൽകിയ പ്രിസ്ക്രിപ്ഷൻ പ്രകാരം നമുക്ക് ഉപയോഗിക്കാൻ കഴിയില്ല!
ഒരുപക്ഷേ ഉപയോഗിക്കുന്നത് ഹാനികരവും ആവാം...!

ഇനി നമുക്ക് ഇതിന്റെ വിലയിലേക്ക് വരാം..

95 രൂപയാണ് ഫാർമസി ബില്ലിൽ ഈ 100ml ബോട്ടിലിന് പ്രിന്റ് ചെയ്തു വച്ചിരിക്കുന്നത്.

അതായത് നമുക്കാവശ്യമുള്ള 25ml ന് വേണ്ടി, 100ml ന്റെ ഒരു ബോട്ടിൽ വാങ്ങുമ്പോൾ, മരുന്ന് കമ്പനിക്ക് നമ്മൾ അധികമായി നൽകുന്നത് 71.25 രൂപ!!!

സാധാരണക്കാരനായ ഒരു പൗരന് സ്വാഭാവികമായി തോന്നുന്ന ചില സംശയങ്ങളാണ് താഴെ കുറിക്കുന്നത്.

എന്തുകൊണ്ടായിരിക്കും 25ml മാത്രം ആവശ്യമുള്ള കഫ് സിറപ്പുകൾക്ക് 100ml ബോട്ടുലുകൾ മാത്രം ഫാർമസികളിൽ ലഭ്യമാകുന്നത്?

ഒരു ബോട്ടിലിനു വേണ്ടി 95 രൂപ നൽകുമ്പോൾ നമ്മൾ വെറുതെ പാഴാക്കുന്നത് 71.25 രൂപയാണെന്ന യാഥാർത്ഥ്യം എന്തുകൊണ്ട് നമ്മളറിയാതെ പോകുന്നു?

ഈ കൊള്ള ലാഭത്തിന്റെ പങ്കുപറ്റുന്നത് ഹോസ്പിറ്റൽ മാനേജ്മെന്റുകളും ഒരു വിഭാഗം ഡോക്ടർമാരും തന്നെയാവില്ലേ?

വ്യത്യസ്ത അളവുകളുള്ള ചെറിയ ബോട്ടിലുകൾ എന്തുകൊണ്ട് ലഭ്യമാകുന്നില്ല?

കോടിക്കണക്കിന് കോവിഷീൽഡ് വാക്സിൻ 5ml - 10ml ഡോസുകൾ ചെറിയ കുപ്പികളിൽ നിർമ്മിച്ച നമുക്കാണോ 25ml അല്ലെങ്കിൽ 50 ml ഡോസ് കഫ് സിറപ്പുകളുണ്ടാക്കാൻ ബുദ്ധിമുട്ട് നേരിടുന്നത്?

ആതുരാലയങ്ങൾ ആരാധനാലയങ്ങളാണെന്ന ആപ്തവാക്യം മറന്ന് മരുന്ന് കമ്പനികൾ കുന്നു കൂട്ടി വെക്കുന്ന കൊള്ളലാഭങ്ങളിൽ പങ്കാളികളാവുന്നവരെ യഥാർത്ഥത്തിൽ നമ്മൾ തന്നെയല്ലേ തിരിച്ചറിയേണ്ടത്!

പൊതുജനങ്ങളുടെ വയറ്റത്തടിക്കുന്ന ഇത്തരം കൊള്ളരുതായ്മകൾക്ക് മൂക്ക് കയറിടേണ്ടത് ഉത്തരവാദപ്പെട്ട സർക്കാർ സംവിധാനങ്ങൾ തന്നെയാണ്.

ഇതൊരു സാമൂഹ്യ പ്രതിസന്ധിയായി നിങ്ങൾക്ക് തോന്നുന്നുണ്ടെങ്കിൽ share ചെയ്യാൻ മറക്കാതിരിക്കുക.

Saith Chundambatta

06/03/2023

ചിത്രത്തിലേത് ഇൻഡോറിലെ ഒരു വൻകിട മാലിന്യ സംസ്ക്കരണ യൂനിറ്റാണ്. ഇൻഡോർ സിറ്റിയിലെ തിരക്കേറിയ റോഡരികിലാണ് ഇത് പ്രവർത്തിക്കുന്നത്. ഒറ്റപ്പെട്ട പ്രദേശത്തോ ജനവാസമില്ലാത്ത മേഖലയിലോ അല്ല ഇത് പ്രവർത്തിക്കുന്നത്. 35 ലക്ഷം ജനങ്ങൾ താമസിക്കുന്ന ക്ലീൻ സിറ്റിയെന്നറിയപ്പെടുന്ന ഇൻഡോറിന്റെ ഹൃദയ ഭാഗത്താണ് ഈ മാലിന്യ സംസ്ക്കരണ യൂനിറ്റ് പ്രവർത്തിക്കുന്നത്. ചുറ്റുമുള്ള പൂന്തോട്ടവും കലാസൃഷ്ടികളും ഈ മാലിന്യ സംസ്ക്കരണ പ്ലാന്റിനെ നഗരത്തോടൊപ്പം മനോഹരമായ കാഴ്ചയാക്കി മാറ്റുന്നു. കക്കൂസ് മാലിന്യമടക്കം ഇവിടെ സംസ്ക്കരിക്കപ്പെടുന്നു. ഇതിൽ നിന്നും ഇലക്ട്രിസിറ്റിയും, 400 ബസ്സുകൾക്ക് ആവശ്യമായ ബയോ-ഗ്യാസും, വളങ്ങളും ഉത്പാദിപ്പിക്കുന്നു. ഇതിൽ നിന്ന് 2.5 കോടി രൂപയാണ് ഒരു വർഷം മുനിസിപ്പാലിറ്റിക്ക് ലഭിക്കുന്ന വരുമാനം. ഈ പ്ലാന്റ് പരിസ്ഥിതി മലിനീകരണമോ, പ്രദേശവാസികൾക്ക് മറ്റെന്തെങ്കിലും അസൗകര്യങ്ങളോ ഉണ്ടാക്കുന്നില്ല. പരിസ്ഥിതി സൗഹാർദ്ദമായ ഈ പ്ലാന്റ് ഒരു മാലിന്യ സംസ്ക്കരണ പ്ലാന്റ് ആണെന്ന് പറഞ്ഞാൽ മാത്രമേ മനസ്സിലാക്കാൻ കഴിയൂ. അത്രയും ശാസ്ത്രീയമായും, കലാപരവുമാണ് ഇതിന്റെ നിർമ്മാണവും പ്രവർത്തനവും. വൃത്തിഹീനമായ അഴുക്കുചാലുകളും, കാൽനടയാത്രക്കാർക്ക് നടക്കാൻ കഴിയാത്ത ഫുട്ട്പാത്തുകളും, റോഡരികിൽ കൂട്ടിയിട്ട മാലിന്യ കൂമ്പാരവും, മഴക്കാലത്ത് അഴുക്ക് വെള്ളത്തിൽ മൂക്കറ്റം മുങ്ങുന്ന നമ്മുടെ തിരുവനന്തപുരത്തെയും കൊച്ചിയിലെയും കോഴിക്കോട്ടെയും മേയർമാരും ജനപ്രതിനിധികളും ഉദ്യോഗസ്ഥരും ലക്ഷങ്ങൾ മുടക്കി വിദേശത്ത് പോകാതെ നമ്മുടെ രാജ്യത്തിനകത്തെ ഇത്തരം സംരംഭങ്ങൾ കണ്ട് പഠിക്കട്ടെ. കേരളത്തിലെ ഓരോ നഗരവും ഇന്ന് മാലിന്യം കൊണ്ട് വീർപ്പ് മുട്ടുകയാണ്. കോഴിക്കോട്ടെ ഞെളിയൻ പറമ്പും, തൃശൂരിലെ ലാലൂരും, തിരുവനന്തപുരത്തെ വിളപ്പിൽശാലയുമെല്ലാം എത്രത്തോളം ഭയാനകമായ ആരോഗ്യപ്രശ്നങ്ങളും പരിസ്ഥിതി പ്രശ്നങ്ങളുമാണ് പരിസരവാസികൾക്ക് സൃഷ്ടിച്ചതെന്ന് കഴിഞ്ഞ കാലങ്ങളിൽ പൊതു സമൂഹം ചർച്ച ചെയ്തതാണ്. നാട്ടിൽ കുമിഞ്ഞ് കൂടുന്ന മാലിന്യമാണ് നമ്മുടെ ഭരണാധികാരികൾക്കും ഉദ്യോഗസ്ഥർക്കും കാലാകാലങ്ങളിൽ പഠനയാത്രകളുടെ പേരിൽ സുഖയാത്രകളും വരുമാന മാർഗ്ഗവും ഉണ്ടാക്കുന്നത്. ഇത് അവസാനിക്കാത്ത കാലത്തോളം കേരളം മാലിന്യ കൂമ്പാരമായി തുടരും. വിധിയെ പഴിച്ച് ഇതെല്ലാം കണ്ടു നിൽക്കാൻ വിധിക്കപ്പെട്ട ഒരു തലമുറയാണ് നമ്മുടെത്.

22/08/2022

സാമൂഹ്യ മാധ്യമങ്ങളിൽ വൈറലായി കാളിയമർദ്ദനം. ശ്രീകൃഷ്ണ ജയന്തി ദിനത്തിൽ തലശ്ശേരിയിൽ നടന്ന ശോഭാ യാത്രയിലാണ് എരഞ്ഞോളി ചുങ്കം സ്വദേശിയായ യദുനന്ദ സജിത്തിന്റെ കാളിയമർദ്ദനം ഉണ്ടായത്..

21/08/2022

തെരഞ്ഞെടുപ്പ് രംഗത്ത് അപൂർവ കാഴ്ചയുമായി മേറ്റടി വാർഡ്.

മട്ടന്നൂർ : തെരഞ്ഞെടുപ്പ് രംഗത്തെ സംഘർഷങ്ങളും പ്രശ്നങ്ങളും വാർത്തയാകുന്ന കാലത്ത് മേറ്റടിയിൽ നിന്ന് ഒരപൂർവ കാഴ്ച. തെരഞ്ഞെടുപ്പ് പ്രഖ്യാപനം മുതൽ വീറും വാശിയുമായി തെരഞ്ഞെടുപ്പിൽ മൂന്ന് മുന്നണികളും ഒപ്പത്തിനൊപ്പം മത്സരിച്ച വാർഡാണ് മേറ്റടി. പ്രചരണ തുടക്കം മുതൽ പോളിംഗ് തീരും വരെ ഒരു വാക്കു തർക്കം പോലുമില്ലാതെ എല്ലാ രാഷ്ട്രീയ പാർട്ടിയുടെയും പ്രവർത്തകർ സൗഹാർദ്ദപരമായി പ്രവർത്തിച്ച ഒരിടമാണ് മേറ്റടി. ഏറ്റവും ശക്തമായ ത്രികോണ മത്സരം നടന്നയിടം. പോളിംഗ് 6 മണിക്ക് അവസാനിക്കുമ്പൊഴും എല്ലാ പാർട്ടിയുടെയും പ്രവർത്തകർ ബൂത്തിന് പുറത്ത് ഒത്തുകൂടി. മൂന്ന് പാർട്ടിയുടെയും പ്രവർത്തകർ വെവ്വേറെ ഗ്രൂപ്പ് ഫോട്ടോ എടുക്കുമ്പോഴാണ് എല്ലാവരും ഒന്നിച്ച് ഫോട്ടോയെടുത്താലോ എന്ന ചർച്ച വന്നത്. സംഘർഷ സാധ്യതയാണോ എന്ന് കരുതി ഉദ്യോഗസ്ഥർ പിരിഞ്ഞു പോകാനാവശ്യപ്പെട്ടപ്പോൾ പാർട്ടി പ്രവർത്തകർ ബൂത്തിന് പുറത്ത് ഗ്രൂപ്പ് ഫോട്ടോ എടുക്കാൻ അനുവാദം ചോദിക്കുകയായിരുന്നു. അപൂർവമായ ഈ ആവശ്യം പോലീസ് അംഗീകരിച്ചതിനെത്തുടർന്നാണ് മൂന്ന് സ്ഥാനാർത്ഥികളും എല്ലാ പാർട്ടികളുടെയും പ്രവർത്തകരും ചേർന്ന് ഗ്രൂപ്പ് ഫോട്ടോക്ക് പോസ് ചെയ്തത്. തെരഞ്ഞെടുപ്പ് ഉദ്യോഗസ്ഥരും ഈ രംഗം ക്യാമറയിൽ പകർത്തി. ഒരു നാടിൻ്റെ ഒത്തൊരുമയുടെ പുതിയ സന്ദേശമായി അത് മാറി.❤️മേറ്റടി (മട്ടന്നൂർ)കാർക്ക് നന്മകൾ നേരുന്നു ❤️

18/08/2022

ഇന്ന് മനസ്സ് നിറഞ്ഞ ചിത്രം🥰🥰🥰🥰🥰
🙏🙏🙏🙏🙏🙏💐💐💐💐💐💐💐
എവിടെ യാണെന്നു അറിയില്ല പക്ഷേ ഇന്ന് സോഷ്യൽ മീഡിയ യിൽ കണ്ട കണ്ണന്റെ ഫോട്ടോകളിൽ ഏറ്റവും ഇഷ്ടം തോന്നിയ ചിത്രം ഇതാണ്.
എന്തെങ്കിലും വിഷമങ്ങൾ ഉള്ള കുഞ്ഞുങ്ങളെ എല്ലാത്തിൽ നിന്നും മാറ്റി നിറുത്താൻ ശ്രമിക്കുന്ന പതിവ് പണ്ടേ ഉള്ളതാണ്.. ഇന്നും അതു ചിലയിടത്തു തുടരുന്നു. ഈ കുഞ്ഞി മക്കൾക്ക് ഒരു അവസരം കൊടുത്തത് ആരായാലും അവർക്ക് ഒരുപാടു നന്ദി.. 🥰🥰
കടപ്പാട്

08/08/2022

വീട്ടിലേക്കുള്ള വഴിയിൽ , വിളക്കുകാലിൽ ഒരു ബോർഡ് തൂക്കിയിട്ടതു കണ്ടു .
അതിൽ എന്താണ് എഴുതിയിരിക്കുന്നത് എന്നറിയാനുള്ള കുതൂഹലമുണ്ടായി, അടുത്തു പോയിനോക്കി.
അതിൽ എഴുതിയിരുന്നത്.

"എനിക്ക് കാഴ്ചശക്തി കുറവാണ്, ഈ വഴിയിലെവിടെയോ എന്റെ ഒരമ്പത് രൂപ കളഞ്ഞുപോയിട്ടുണ്ട്,
നിങ്ങൾക്ക് ആർക്കെങ്കിലും കിട്ടുകയാണെങ്കിൽ, ഈ വിലാസത്തിലുള്ള എനിക്ക് എത്തിച്ചു തരുവാൻ സന്മനസ്സുണ്ടാവട്ടെ എന്നു പ്രാർത്ഥിക്കുന്നു."

കൗതുകം തോന്നിയ എനിക്ക് ആ വ്യക്തിയെ ഒന്നു കാണണമെന്ന് തോന്നി.
ബോര്‍ഡിൽ കണ്ട വിലാസം ലക്ഷ്യമാക്കി നടന്നു,
നിലംപൊത്താറായ ഒരു പുൽക്കുടിലിന്റെ മുന്നിൽ അവശയായി ഒരു വൃദ്ധ ഇരിക്കുന്നതുകണ്ടു.
എന്റെ കാലൊച്ച കേട്ടിട്ടായിരിക്കാം പതുക്കെ തലയുയർത്തി,
"ആരാ" എന്നു ചോദിച്ചു...

അമ്മൂമ്മെ ഞാനാണ്, ഈവഴി നടന്നുപോയപ്പോൾ ഒരമ്പത് രൂപ കളഞ്ഞുകിട്ടി, അപ്പോഴാണ് അമ്മൂമ്മ ആ വിളക്കുകാലിൽ തൂക്കിയ ബോര്‍ഡ് കണ്ടത്. തീര്ച്ചായായും അത് അമ്മൂമ്മയുടെ കളഞ്ഞുപോയ ആ അമ്പത് രൂപയാണ്, അതിവിടെ തന്നിട്ടു പോകാമെന്ന് വെച്ചു...

ഞാനതു പറഞ്ഞപ്പോൾ അവരുടെ കണ്ണുകൾ ഈറനാകുന്നതു ഞാൻ കണ്ടു. അവർ പറഞ്ഞു,

"ഇപ്പോൾ തന്നെ ഒരു 40 - 50 പേര് വന്നു വഴിയിൽ തങ്ങൾക്ക് 50 രൂപ കളഞ്ഞു കിട്ടിയിരിക്കുന്നു എന്ന് പറഞ്ഞു അത് എന്നെ ഏല്പിച്ചു പോയിരിക്കുന്നു...!,

എന്തൊ ആ വിളക്കുകാലിൽ ഞാൻ അങ്ങനെയൊരു ബോര്‍ഡ് തുക്കിയിട്ടില്ല... എനിക്കാണെങ്കിൽ എഴുത്തും വായനയും അറിയില്ല..."

കുഴപ്പമില്ല അമ്മൂമ്മെ ഇത് വെച്ചോളൂ എന്ന് പറഞ്ഞു ഞാൻ ആ 50 രൂപ അവരുടെ കയ്യിൽ തിരുകി.

പക്ഷേ താങ്കൾ പോകുന്നവഴി ആ ബോര്‍ഡ് അവിടെനിന്ന് എടുത്തുമാറ്റിയേക്കൂ എന്ന് അവരെന്നോട് അപേക്ഷിച്ചു.
വളരെ കൗതുകകരമായ ഒരു കാര്യം കൂടി പറയട്ടെ, തന്നെ കാണാൻ വന്നവരോടെല്ലാം അവർ ആ ബോര്‍ഡ് അവിടെനിന്നും മാറ്റാൻ ആവശ്യപ്പെട്ടിരുന്നു. പക്ഷെ ആരും അത് ചെയ്തില്ല എന്നുമാത്രം.

തിരിച്ചുവരുമ്പോൾ ഞനാലോചിച്ചു,
ആ വിളക്കുകാലിൽ ആരായിരിക്കും അങ്ങനെയൊരു ബോര്‍ഡ് തൂക്കിയത്...?!

തന്നെ കാണാൻ വന്നവരോടെല്ലാം അവരത് എടുത്തുമാറ്റാൻ പറയുന്നുണ്ടെങ്കിലും ആരും അത് ചെയ്യുന്നില്ല...!

ഏതോ ഒരു മഹാമനസ്കനു അന്ധയായ ആ വൃദ്ധയെ സഹായിക്കണമെന്ന് തോന്നിയിട്ടുണ്ടാകും.
അതിനു അദ്ദേഹം കണ്ടെത്തിയ ഉപായമായിരിക്കാം ആ ബോര്‍ഡ്...!

ഒരാളെ സഹായിക്കാൻ മനസ്സണ്ടെങ്കിൽ എന്തുമാത്രം വഴികളാണ് നമ്മുടെ മുമ്പിൽ തെളിഞ്ഞുവരുന്നത്...!!!

പിന്നിൽനിന്ന് ആരോ വിളിക്കുന്നു,

“ചേട്ടാ ഈ വിലാസം...?
എനിക്ക് ഈ വ്യക്തിയെ കാണണമായിരുന്നു,
അവരുടെ നഷ്ടപ്പെട്ട 50 രൂപ എനിക്ക് വഴിയിൽ നിന്നു കിട്ടി അതവരെ ഏൽപിക്കാനാ... "

ഞാനാ കുടിലിനു നേരെ വിരൽ ചൂണ്ടി. അദ്ദേഹം ആ കുടിൽ ലക്ഷ്യമാക്കി പോകുന്നത് നോക്കിയിരിക്കെ എന്റെ കണ്ണുകൾ ഈറനായി...

മനുഷ്യത്വത്തിന്റെ ഉറവകൾ ഒരുകാലത്തും വറ്റുകയില്ല...
അത് എവിടെയെങ്കിലും നിർഗളം ഒഴുകിക്കൊണ്ടേയിരിക്കും...

"കടപ്പാട്"
🙏 ☺️

05/08/2022

ഇന്നത്തെ ഈ ചിത്രങ്ങളിൽ നിന്നും അണികൾ ഒരുപാട് പഠിക്കാനുണ്ട്...

നമ്മൾ പരസ്പരം വാഴ വയ്ക്കും, വായിൽ തോന്നിയത് എഴുതും, കളിയാക്കും പക്ഷെ രക്തം ചൊരിയുന്ന തരത്തിലേക്ക് അടിക്കാനും പിടിക്കാനും കൊല്ലാനും പോയാൽ നഷ്ടം നമുക്കും നമ്മുടെ വേണ്ടപ്പെട്ടവർക്കും മാത്രം !!

രാഷ്ട്രീയവും സൗഹൃദവും ഒരുമിച്ച് കൊണ്ടു പോകുക, നല്ല നാളേക്കായ്‌ ഒരുമിച്ച് നിൽക്കുക 💖

05/07/2022

എങ്ങോട്ടേക്കാണ് നമ്മുടെ ബാല്യത്തിന്റെ പോക്ക്....പത്തു വയസ്സ് പോലും പൂർത്തിയാകാത കുട്ടിയാണ് ഇൻസ്റ്റാഗ്രാമിൽ നിന്നും പരിചയപെട്ട പതിനാറു കാരനുമായി തീയേറ്ററിലേക്ക് പോയത്, നമ്മൾ രക്ഷിതാക്കൾ തന്നെയല്ലേ ഇതിനുത്തരവാദി..

05/07/2022

#ഭീമമായ കറണ്ട് ചാർജ് അടക്കേണ്ടി വന്ന ഹോട്ടലിൽ കയറിയ കെ.എസ്.ഇ.ബി എഞ്ചിനീയർ ആവശ്യപ്പെട്ടത് 4 പൊറോട്ടയും 1 പ്ലേറ്റ് ബീഫും.
അങ്ങനെ ഉടമ തന്നെ അയാൾക്ക് നേരിട്ട് ഭക്ഷണം സപ്ലൈ ചെയ്തു. നാല് പൊറോട്ട ഓരോന്ന് വീതം നാല് തവണയായാണ് അയാൾ സപ്ലൈ ചെയ്തത്. അങ്ങനെ ഭക്ഷണം കഴിഞ്ഞു ബില്ല് കൊടുത്തു. ബില്ല് കണ്ട എഞ്ചിനീയർ ഞെട്ടി. 850/- രൂപ ബില്ല്.
അയാൾ ഉടമയോട് ചോദ്യം ചെയ്തു. വില പ്രദർശിപ്പിച്ച ബോർഡിൽ ബീഫിന് 100/- രൂപയും പൊറോട്ടക്ക് പത്ത് രൂപയുമല്ലേ ഉള്ളൂ. അപ്പോ ആകെ 140 രൂപയല്ലേ ആകൂ. ഉടമ മറുപടി നൽകി .
"ഒരു പൊറോട്ട മാത്രമാണ് നിങ്ങൾ കഴിച്ചതെങ്കിൽ 10 രൂപ തന്നാൽ മതി. ഒരു ബീഫ് മാത്രമാണ് നിങ്ങൾ കഴിച്ചതെങ്കിൽ 100/- രൂപ മതി.
നിങ്ങൾ നാല് പൊറോട്ട കഴിച്ചു.
ആദ്യത്തെ പൊറോട്ടക്ക് 10/- രൂപ .
രണ്ടാമത്തെ പൊറോട്ടക്ക് 50/- രൂപ .
മൂന്നാമത്തെ പൊറോട്ടക്ക് 100/- രൂപ.
നാലാമത്തെ പൊറോട്ടക്ക് 200/- രൂപ.
ബീഫ് പൊറോട്ടൻ്റെ കൂടെ ആയതിനാൽ ബീഫിന് 200/- രൂപ."

എഞ്ചിനീയർ . " അതെന്ത് പരിപാടിയാ."

ഉടമ. "100 യൂണിറ്റ് വരെ 3.70 രൂപ. 200 യൂണിറ്റ് വരെ 6.40 രൂപ.250 യൂണിറ്റ് വരെ 7. 60 രൂപ എന്ന പരിപാടി ആകാമെങ്കിൽ എനിക്കും ഈ പരിപാടി ആകാം."

എഞ്ചിനീയർ."എന്നാലും 560 /- അല്ലേ ആവുള്ളൂ."

ഉടമ ." ഞാൻ ഒന്നിച്ച് തരാതെ നാല് തവണയായിട്ടല്ലേ കൊണ്ട് തന്നത് അതിന് 140 /- രൂപ."

എഞ്ചിനീയർ." ഞാൻ പറഞ്ഞോ നാലു തവണയായി തരാൻ. നിങ്ങൾക്ക് ഒന്നിച്ച് തന്നാൽ പോരേ? അതെന്നാ തോന്യാസമാ?"

ഉടമ." നിങ്ങൾ ഒരു മാസത്തെ ബില്ല് അപ്പോൾ തരാതെ യൂണിറ്റ് കൂട്ടാൻ രണ്ട് മാസത്തെ ബില്ല് ഒന്നിച്ച് തരാമെങ്കിൽ എനിക്ക് ഈ തോന്യാസവുമാകാം."

എഞ്ചിനീയർ." എന്നാലും 700/- രൂപ അല്ലേ ആ കുള്ളൂ. ബാക്കി 150 പിന്നെന്താ ?".

ഉടമ." നിങ്ങൾ സാധാരണയായി ഇവിടെ വന്ന് ഭക്ഷണം കഴിച്ചാൽ 100 രൂപയോ 150 രൂപയോ ആണ് ബില്ല് ആകാറുള്ളത്. ഇത്തവണ 700/- ആയില്ലേ. അതോണ്ട് 100/- രൂപ കൂടി അധികം അടക്കണം. അങ്ങനെ 800/- രൂപ."

ഇത്തവണ എഞ്ചിനീയർക്ക് സഹി കെട്ടു .ക്ഷമ നശിച്ചു. ശാന്തമാക്കി വെച്ച മനസ് കാറും കോളും നിറഞ്ഞ സമുദ്രം പോൽ പ്രക്ഷുബ്ധമായി. കണ്ണുകൾ ചുവന്നു. അയാൾ അലറി. " ഞാനെന്തിന് പിന്നേം 100/- രൂപ അധികം തരണം."

ഉടമ." സാധാരണ അടക്കാറുള്ള ബില്ലിൻ മേൽ മേൽ പറഞ്ഞ എല്ലാ പരിപാടിയും ചെയ്ത് വെച്ച് കൂടിയ ബില്ലും തന്ന് സാധാരണ ബില്ലിനേക്കാളും തുക കൂടിയെന്നും പറഞ്ഞ് ഉപയോഗിക്കാത്ത കറണ്ടിൻമേൽ നിങ്ങൾക്ക് അഡീഷണൽ ഡെപ്പോസിറ്റ് ഈടാക്കാമെങ്കിൽ എനിക്ക് ഇതും ആകാം."

എഞ്ചിനീയർ കോപത്തോടെ . അപ്പോ ബാക്കി 50/- രൂപയോ?.

ഉടമ."അത് നിങ്ങൾ ഇത്രയും സമയം ഇവിടെ ചെലവഴിച്ചതിന് വാടക."

എഞ്ചിനീയർ." ഞാൻ കാശ് തന്ന് ഞാൻ ഭക്ഷണം കഴിക്കുമ്പോ ഞാൻ എന്തിന് വാടക തരണം ."

ഉടമ." ഞങ്ങൾ കാശ് തന്ന് ഞങ്ങളുടെ വീട്ടിൽ വെച്ച ഞങ്ങളുടെ മീറ്ററിന് നിങ്ങൾക്ക് വാടക വാങ്ങാമെങ്കിൽ എനിക്കും ഈ കാശ് വാങ്ങാം?"

എഞ്ചിനീയർ കാശ് കൊടുത്ത് ഹോട്ടലിൽ നിന്ന് ഇറങ്ങുമ്പോ ഓർത്തു .

*'ശരിക്കും എന്തൊക്കെയോ അപാകതകൾ ഉണ്ടല്ലോ?'*

(എഴുതിയത് ആരാണെന്നറിയില്ല)