ဆိုးဆိုးရွားရွား မုန်တိုင်းမဝင်ခင်မှာ အမိအရရိုက်ကူးထားမိလိုက်တဲ့ ဓာတ်ပုံများ

===========================

‘Photography’ ဆိုတဲ့စကားလုံးဟာ ရှေးဂရိစကားလုံးမှဆင်းသက်လာတာဖြစ်ပြီး သူ့ရဲ့အဓိပ္ပါယ်က “အလင်းဖြင့် ပုံဆွဲခြင်း” ဟုဆိုလိုတာဖြစ်ပြီး ‘camera’ ဆိုတဲ့စကားလုံးကတော့ “အမှောင်ခန်း” ကို ဆိုလိုတာ ဖြစ်ပါတယ်။ ဓာတ်ပုံပညာကို တီထွင်လိုက်မှုကြောင့် လူသားတွေဟာ သူတို့ရဲ့ဘဝအဖြစ်အပျက်အမျိုးမျိုးကို တမင်တကာဖြစ်စေ အလိုအလျောက်ဖြစ်စေ မှတ်တမ်းတင်ထားနိုင်တာပါ။

လူတိုင်းလိုလိုက မှန်ကန်တဲ့အချိန်မှာ အမိအရဖမ်းယူရိုက်ကူးထားတဲ့ ဓာတ်ပုံတွေကို သဘောကျနှစ်သက်ကြပါတယ်။ ဒါကြောင့် အင်တာနက်ပေါ်တွင် ပြီးပြည့်စုံတဲ့အခိုက်အတန့်ကိုမျှဝေထားကြတဲ့ ဓာတ်ပုံတွေထဲက တချို့ကို ပြန်လည်မျှဝေပေးလိုက်ပါတယ်။ ဒီဓာတ်ပုံတွေက ဆိုးရွားတဲ့အခိုက်အတန့်တစ်ခုနဲ့ မကြုံတွေ့ရခင် စက္ကန့်ပိုင်းလေးတွင် အမိအရရိုက်ကူးထားမိလိုက်တဲ့ ဓာတ်ပုံတွေဖြစ်ပြီး နောက်ဆက်တွဲဖြစ်ရပ်တွေကတော့ တကယ့်ကိုမတွေးရဲစရာပါပဲ။

photos from reddit

16/09/2022

ရုရှားလက်ထဲမှ ပြန်လည်သိမ်းပိုက်နိုင်ခဲ့သည့် မြို့တွင် ယူကရိန်းအလံလွှင့်ထူ
======================

ယူကရိန်းစစ်တပ်၏တန်ပြန်ထိုးစစ်ကြောင့် ယူကရိန်းအရှေ့မြောက်ပိုင်း ခါကိဗ်ဒေသမှ ရုရှားတပ်များ ပြန်လည်ဆုတ်ခွာနေရပြီဖြစ်ပြီး ရုရှားလက်မှ ပြန်လည်သိမ်းပိုက်နိုင်ခဲ့သည့် အီဇီယမ်မြို့တွင် ယူကရိန်းအလံကို စက်တင်ဘာ ၁၄ ရက်တွင် လွှင့်တင်နိုင်ခဲ့ပြီဖြစ်သည်။

အီဇီယမ်မြို့ရှိ ယူကရိန်းအလံလွှင့်တင်သည့် အခမ်းအနားသို့ ယူကရိန်းသမ္မတဗိုလိုဒီမာ ဇယ်လန်းစကီး တက်ရောက်ခဲ့သည်။ ယူကရိန်းစစ်သည်များ၏ ပြင်းထန်သော ထိုးစစ်ကြောင့် ရုရှားတပ်များသည် အီဇီယမ်မြို့မှ လွန်ခဲ့သောအပတ်တွင် ပြန်လည်ဆုတ်ခွာခဲ့ရသည်။

ဇယ်လန်းစကီးနှင့် ယူကရိန်းစစ်သည်များသည် အလံလွှင့်တင်သည့် အခမ်းအနားတွင် နိုင်ငံတော်သီချင်းကို ရွတ်ဆိုခဲ့ကြသည်။ ရုရှားလက်ထဲတွင် ခြောက်လခန့်ရောက်ရှိခဲ့သည့် အီဇီယမ်မြို့လေးသည် လုံးဝထိခိုက်ပျက်စီးနေပြီဖြစ်ပြီး လူနေအဆောက်အအုံအများစုသည် မီးလောင်မှု၊ လက်နက်ကြီးကျည်ကျရောက်မှုတို့ကြောင့် အပျက်အစီးပုံများဖြစ်နေပြီဖြစ်သည်။

“မြင်ကွင်းက တုန်လှုပ်စရာကောင်းတယ်၊ကျွန်တော့်အတွက်တော့ အဲ့လောက် တုန်လှုပ်စရာမဟုတ်တော့ဘူး၊ ဘာလို့လဲဆိုတော့ ဘူချာမှာလည်း အဲ့လိုမြင်ဖူးတယ်၊ ပြန်လည်သိမ်းပိုက်နိုင်တဲ့ နယ်မြေတွေမှာလည်း အဲ့လိုမြင်ခဲ့ရတယ်၊ ပျက်စီးသွားတဲ့အဆောက်အအုံတွေ၊ ရုပ်အလောင်းတွေပေါ့ဗျာ” ဟု ဇယ်လန်းစကီးက သတင်းထောက်များကို ပြောဆိုခဲ့သည်။

ဘူချာမြို့သည် မြို့တော် ကိယက်ဗ်ဆင်ခြေဖုံးရှိ မြို့ငယ်လေးတစ်ခုဖြစ်ပြီး မတ်တွင် ယင်းမြို့မှ ရုရှားတပ်များ ပြန်လည်ဆုတ်ခွာခဲ့သည်။ ရုရှားတပ်များ ပြန်လည်ဆုတ်ခွာသွားပြီးနောက်တွင် သတ်ဖြတ်ခံခဲ့ရသည့် အရပ်သားရုပ်အလောင်း ရာပေါင်းများစွာတို့ကို လမ်းမများပေါ်တွင်သာမက ခြံဝင်းများထဲနှင့် အစုလိုက်အပြုံလိုက်မြှုပ်နှံထားသည့် သင်္ချိုင်းများထဲတွင် မြင်တွေ့ခဲ့ရသည်။ ရုပ်အလောင်းတချို့တွင် နှိပ်စက်ညှဉ်းပန်းခံခဲ့ရသည့် ခြေရာလက်ရာများကို မြင်တွေ့ရသည်။

ခါကိဗ်ဒေသရှိ မကြာသေးမီတွင် ပြန်လည်သိမ်းပိုက်နိုင်ခဲ့သော ကျေးရွာတချို့တွင် နှိပ်စက်ညှဉ်းပန်းခံခဲ့ရသည့် လက္ခဏာများပါဝင်သော ရုပ်အလောင်းခြောက်လောင်းကို တွေ့ရှိခဲ့ကြောင်း ယူကရိန်းဥပဒေအရာရှိများက ပြောဆိုခဲ့သည်။ ခါကိဗ်မြို့အရှေ့တောင်ဘက် ၆၀ ကီလိုမီတာ(၃၅ မိုင်)အကွာရှိ ဟာရာကိုဗ်နှင့် ဇာလီဇင်ခါကျေးရွာများတွင် ရုပ်အလောင်းများကို တွေ့ရှိခဲ့ကြောင်း ခါကိဗ်ဥပဒေအရာရှိရုံး၏အကြီးအကဲ အိုလက်ဆန်ဒါး ဖီချာကော့ဗ်ကပြောဆိုခဲ့သည်။

“ကျူးကျော်သူတွေ ကျူးလွန်ခဲ့တဲ့ ရက်စက်ကြမ်းကြုတ်မှုတွေကို မြင်တွေ့နေရပါတယ်၊ ဘာလက်လီအီယာ၊ အီဇီယမ်တို့ကို ဘူချာ၊ ဘိုရိုဒြန်ကာ၊ အီရ်ပင်တို့လိုပဲ တစ်တန်းထဲထားရမယ်ထင်ပါတယ်” ဟု ယူကရိန်းဥပဒေအရာရှိချုပ် အန်ဒရေ ကိုစတင်ကပြောဆိုခဲ့သည်။

ရုရှားယခင်က သိမ်းပိုက်ခဲ့သည့် နယ်မြေများတွင်လည်း အစုလိုက်အပြုံလိုက်သတ်ဖြတ်မှုများကျူးလွန်ခဲ့ကြောင်း ဒေသဆိုင်ရာအာဏာပိုင်များက ပြောဆိုထားသော်လည်း ယင်းသတင်းအချက်အလက်များကို အတည်ပြုရန် မလွယ်ကူသေးချေ။ ဘူချာတွင် သတ်ဖြတ်ခံခဲ့ရသည့် အရပ်သားဦးရေများပြားလွန်းသောကြောင့် ရုရှားအစိုးရအရာရှိများအား စစ်ရာဇဝတ်မှုများဖြင့် တရားစွဲဆိုရန် နိုင်ငံတကာကပင် တိုက်တွန်းခဲ့ရသည်။

အီဇီယမ်မြို့မှ စက်တင်ဘာ ၁၅ ရက်အစောပိုင်းတွင် ပြန်လာသည့် လမ်း၌ ဇယ်လန်းစကီးလိုက်ပါလာသော ယာဉ်နှင့် ခရီးသည်တင်ယာဉ်တစ်စီးတို့ ဝင်တိုက်မိခဲ့သော်လည်း ဇယ်လန်းစကီး ဒဏ်ရာပြင်းထန်ခြင်းမရှိကြောင်း သမ္မတ၏ပြောခွင့်ရှိသူက ဖေ့စ်ဘွတ်ခ်တွင် ရေးသားခဲ့သည်။ ယာဉ်တိုက်မှုတွင် ပါဝင်သည့် အခြားယာဉ်မှ ယာဉ်မောင်းကို ဇယ်လန်းစကီး၏ ကျန်းမာရေးစောင့်ရောက်မှုအဖွဲ့က ကုသမှုများပြုလုပ်ပေးပြီး လူနာတင်ယာဉ်ဖြင့် ဆေးရုံသို့ ပို့ဆောင်ပေးခဲ့ကြောင်း ပြောခွင့်ရှိူ ဆာဂီ နီကီဖိုရော့က ပြောဆိုခဲ့သည်။ အသက် ၄၄ နှစ်အရွယ် ဇယ်လန်းစကီး မည်သို့သော ဒဏ်ရာများရရှိခဲ့သည်ကိုမူ ပြောခွင့်ရှိသူက ထုတ်ပြန်ခြင်းမပြုခဲ့ချေ။

ယူကရိန်းအရှေ့မြောက်ပိုင်းမှ ရုရှားတပ်များ ပြန်လည်ဆုတ်ခွာရမှုသည် ကိယက်ဗ်မှ ပြန်လည်ဆုတ်ခွာခဲ့ရသည့် လွန်ခဲ့သာလပေါင်းများစွာမှစ၍ စစ်ရေးအရအကြီးမားဆုံး အရေးနိမ့်မှုလည်းဖြစ်သည်။ အီဇီယမ်မြို့မြောက်ဘက်ဆင်ခြေဖုံးတွင် ရုရှားသံချပ်ကာယာဉ်နှင့် အခြားစစ်ဘက်သုံးယာဉ်အပျက်အစီးများစွာကို မြင်တွေ့ရမည်ဖြစ်သည်။

ယူကရိန်းတပ်များသည် အီဇီယမ်မြို့တွင် မိုင်းရှင်းလင်းရေးလုပ်ဆောင်ပြီး စစ်ရာဇဝတ်မှုကျူးလွန်ခြင်းရှိမရှိ စစ်ဆေးမှုများပြုလုပ်နေပြီဖြစ်သည်။ နိုင်ငံအရှေ့ပိုင်း လူဟန့်ဒေသ၏ ယူကရိန်းအုပ်ချုပ်ရေးမှူး ဆာဟေး ဟိုင်ဒိုင်ကလည်း ဇူလိုင်ကတည်းက ရုရှားထိန်းချုပ်မှုအောက်ရောက်ရှိနေသည့် အဆိုပါဒေသကို ယူကရိန်းတပ်များ ပြန်လည်သိမ်းပိုက်နိုင်တော့မည်ဖြစ်ကြောင်း ပြောဆိုခဲ့သည်။

ဆဗာတိုဗ်နှင့် စတာရိုဘီမြို့များတွင် ယူကရိန်းအလံလွှင့်တင်နိုင်ခဲ့ပြီဖြစ်ကြောင်း ဟိုင်ဒိုင်က အေပီသတင်းဌာနသို့ ပြောဆိုခဲ့သည်။ သို့သော် ယူကရိန်းအလံလွှင့်တင်ထားသည့် ကရီမင်နာမြို့တွင်မူ ရုရှားတပ်များသည် စက်တင်ဘာ ၁၄ ရက်တွင် ပြန်လည်ရောက်ရှိလာပြီး ယူကရိန်းအလံကို ဖြုတ်ချခဲ့သည်။

လူဟန့်ဒေသသို့ ယူကရိန်းတပ်များ ထိုးစစ်ဆင်လာပြီဖြစ်ကြောင်း ရုရှားကျောထောက်နောက်ခံရ ခွဲထွက်ရေးခေါင်းဆောင်တစ်ဦးက အတည်ပြုပြောဆိုခဲ့သည်။ အခြေအနေကို ပြောဆိုရန် ခက်ခဲနေသေးကြောင်း ဒေသဆိုင်ရာပြည်သူ့စစ်ခေါင်းဆောင် အန်ဒရေ မာရိုချ်ကိုကပြောဆိုခဲ့သည်။

တန်ပြန်ထိုးစစ်ကြောင့် ယူကရိန်းတပ်များသည် ရုရှားစစ်သည်များ ချန်ထားခဲ့သည့် လက်နက်များစွာကို ရရှိခဲ့သည်။ ယူကရိန်းအရှေ့ပိုင်းတွင် ယူကရိန်းစစ်တပ်များ၏ ထိုးစစ်ကြောင့် ရုရှားတပ်သည် သံချပ်ကာယာဉ်များနှင့် လက်နက်ကြီးများစွာကို ချန်ထားပြီး ဆုတ်ခွာခဲ့သည်။ အီဇီယမ်မှ ဆုတ်ခွာသည့် ရုရှားတပ်ခွဲတစ်ခွဲသည် T-80 သံချပ်ကာယာဉ် ၃၆ စင်းနှင့် တိုက်ခိုက်ရေးသုံးယာဉ်များစွာကို ချန်ထားခဲ့ကာ အခြားတပ်ခွဲတစ်ခွဲသည်လည်း သံချပ်ကာယာဉ် ၄၇ စင်းနှင့် အခြားကျည်ကာယာဉ် ၂၇ စင်းကို ချန်ထားခဲ့ကြောင်း ယူကရိန်းပညာရှင်အဖွဲ့အစည်းတစ်ခုက စက်တင်ဘာ ၁၄ ရက်တွင် ပြောဆိုခဲ့သည်။

ရုရှားတပ်များသည် ပြန်လည်ဆုတ်ခွာပြီးနောက်တွင် ချန်ထားခဲ့ရသည့် ယာဉ်များကို လက်နက်ကြီးများဖြင့် ပစ်ခတ်ကာ ဖျက်ဆီးရန် ကြိုးပမ်းခဲ့သော်လည်း အသုံးမပြုရသေးသည့် လက်နက်ခဲယမ်းများစွာကိုမူ ယူကရိန်းတပ်များ သိမ်းယူနိုင်ခဲ့ကြောင်း အဆိုပါ အဖွဲ့ကပြောဆိုခဲ့သည်။
ခါကိဗ်ဒေသအရှေ့စွန်းနှင့် ထိစပ်နေသည့် အိုစ်ကီမြစ်ကြောတစ်လျှောက်တွင် စစ်မျက်နှာသစ်တစ်ခု ပေါ်ပေါက်နေပြီဖြစ်သည်။ ရုရှားတပ်များသည် ထောက်ပံ့ပို့ဆောင်ရေးအကူအညီမရရှိသောကြောင့် အိုစ်ကီမြစ်ကြောတစ်လျှောက်တွင် ယူကရိန်းတပ်များကို တောင့်ခံနိုင်မည်ဟု မထင်ကြောင်း ဝါရှင်တန်အခြေစိုက် ပညာရှင်အဖွဲ့ စစ်လေ့လာရေးအင်စတီကျုကပြောဆိုခဲ့သည်။

သို့သော် အခြားဒေသများတွင်မူ ရုရှားသည် ထိုးစစ်ဆင်မှုများကို ဆက်လက်ပြုလုပ်နေဆဲဖြစ်သည်။ ရုရှားစစ်တပ်က မိုင်ကိုလာယစ်သို့ S-300 ဒုံးကျည်များဖြင့် ပစ်ခတ်မှုကြောင့် လူနှစ်ဦး သေဆုံးပြီး သုံးဦး ဒဏ်ရာရရှိခဲ့ကြောင်း ဒေသဆိုင်ရာအုပ်ချုပ်ရေးမှူး ဗီတလီ ကင်ကပြောဆိုခဲ့သည်။

နိုင်ငံအရှေ့ပိုင်း ဒိုနက်ဒေသတွင်လည်း တိုက်ခိုက်မှုများ ဆက်လက်ဖြစ်ပွားနေပြီး အရပ်သားငါးဦးသေဆုံးကာ ၁၆ ဦးဒဏ်ရာရရှိခဲ့သည်။ ဒွန်ဘက်ဒေသကြီး လက်အောက်တွင် လူဟန့်နှင့် ဒိုနက်ရှိနေပြီး ရုရှားတပ်သည် ယူကရိန်းမြို့တော် ကိယက်ဗ်ကို သိမ်းပိုက်ရန် ကြိုးပမ်းမှုမအောင်မြင်ခဲ့ပြီးနောက် အဆိုပါဒေသများကို သိမ်းပိုက်ရန် ကြိုးပမ်းခဲ့သည်။

စစ်ပွဲစတင်ခြင်းသည် အမှားကျူးလွန်လိုက်ခြင်းသာဖြစ်ကြောင်း ဂျာမနီဝန်ကြီးချုပ် အိုလက် ရှိုးက ရုရှားသမ္မတဗလာဒီမာပူတင်နှင့် ဖုန်းပြောဆိုပြီးနောက် ပြောဆိုခဲ့သည်။ အငတ်ဘေးရှိမလာစေရေးအတွက် ယူကရိန်း၏ပင်လယ်နက်ဆိပ်ကမ်းများကို ဖြတ်ပြီး ရုရှားဓာတ်မြေဩဇာတင်ပို့ရေးနှင့်ပတ်သက်၍ ပူတင်နှင့် စကားပြောဆိုခဲ့ပြီးဖြစ်ကြောင်း ကုလသမဂ္ဂအထွေထွေအတွင်းရေးမှူးချုပ် အန်ထော်နီယို ဂူတာရက်စ်က ပြောဆိုခဲ့သည်။

Source: AP

Burmese News

09/03/2023

18/09/2022

18/09/2022

17/09/2022

17/09/2022

17/09/2022

17/09/2022

17/09/2022

17/09/2022

17/09/2022

17/09/2022

17/09/2022

17/09/2022

17/09/2022

17/09/2022

17/09/2022

16/09/2022

16/09/2022

16/09/2022

16/09/2022

16/09/2022

Address

Website

Alerts

Videos

Shortcuts

Share