Aférranse aos soños instintivamente. Son aires novos e queren voar". Aires Novos é unha revista de creación literaria, polo de agora autoeditada, que pretende servir de canle de difusión para todas/os aquelas/es mozas/os que sintan o desexo de compartir co alguén colectivo as súas palabras. Tal vez xa nos coñezas, mais poida que non e que che pique a curiosidade. Para facerte co noso traballo exis
ten dúas opcións. A primeira é a edición en papel da revista, que custa 1€. Porén, como o noso espazo de distribución se limita, con algunha que outra excepción, á cidade de Lugo, ofrecemos a posibilidade de recibila de balde por correo electrónico. Nos dous casos é preciso que nos contactedes, pois os propios creadores somos o punto de venda ambulante. Podedes facelo a través do Facebook, ou ben enviándonos un correo á dirección [email protected] onde manifestedes a vosa intención. Por outra banda, se estás interesado en formar parte do grupo, polo momento reducido, de persoas que plasman a súa pegada nas páxinas desta pubicación, só tes que dicilo. Non existe, en principio, ningún requisito especial en canto a idade, xénero, temática, estilo... Mesmo estamos abertos a propostas artísticas non literarias, sempre e cando poidan integrarse no noso formato. Comunícate connosco empregando os medios xa citados. Que se escoiten as túas ideas! Agardámoste.
