أوراق متساقطة

Home
أوراق متساقطة

قبل أن تتابعني يجب أن تكون على قناعة تامة بأن ليس كل ما ?

07/09/2020

كومـة قـوة وكومـة دمـوع 💔.

23/08/2020

بعد ست سنين زواج كتبلا ..

بهي اللحظات و انتي نايمة جنبي و انا مبسوط انو طلعتي ما بتشخري..
تذكرت يوم العرس و شقد كنت عم جرب حافظ على اعصابي هادية على اعتبار أنو كل ما اسأل حدا شو رأيك بالزواج..
بيقلي جملة وحدة "شر لابد منه".
أما أنا فبعرف شو رأيي.. بلا شر.. بلا خير... بلا بطيخ.. بدي ضل كل عمري هيك.. عم راقبك انتي و نايمة.. غطيكي وقت تبردي و اكتبلك..
يا ستي و انا اخترت هاد الشر و انا بحبو...
أنا حبيتك هيك متل ما انتي و بدي تضلي متل ما انتي.. ما بدي تشبهيني ولا تكوني متلي..
بدي ضل عم دور على شغلات فيكي كل يوم لحبك اكتر.. خليكي انتي انتي....

ولوووو مرتي.. بالله قومي فيقي مليت.. ولا قلك
خليكي نايمة مشان تلاقيها بكرا مفاجئة.. مافي بنت ما بتحب المفاجآت.

صرلنا ٦ سنين سوا و لساتني عم جرب اني فاجئك.. و عموماً مافيني اوعدك بكتير شغلات..
يعني لا بساعة روليكس... و لا بسفرة على اوروبا كل كم شهر.... ولا ببيت بالشهباء الجديدة..
بس بقدر اوعدك بمشوار كل كم يوم عالقلعة ..
بوعدك فيقك على صوت فيروز او ببوسة صغيرة على جبينك.. او بالتنين سوا.
وانو اعطيكي حبة سيتامول مع مي بس تمرضي..
وانو جرب ساعدك بالجلي..
بوعدك انو اعمل كل جهدي امن مازوت مشان الشتوية الجاية..
وأنو جرب ما اكول شي رصاصة او قذيفة مشان تم عايش جنبك..
بوعدك انو لما كون قدران رتب التخت..
وبوعدك كل ما سألتيني " البس هي الكنزة ولا هي" ؟!
اخود وقت جدي بالتفكير و اعطيكي جواب حقيقي..
وبوعدك انو لح لاقي كل يوم سبب لخليكي تضحكي.
وبوعدك انو تبقي عندي صبية كل عمرك..
وانو كل ما بدك حدا يسمعك جرب كون هاد الحدا.. وبوعدك اني ضل مبسوط فيكي هيك قدام الناس كل العمر.. ليكبروا ولادنا و تقوليلون
"شفتوا ابوكون شقد كان يحبني"..

و أخيراً.. بوعدك انو ضل حبك.. حبك كتير.. اكتر من حلب و فيروز و المطر سوا !

18/08/2020

https://www.youtube.com/channel/UClXzsxF_Anbq8xygH3EfnWQ
قناة مختصة بالمعجنات

13/08/2020

عزيزتي سبيستون، المستقبل لم يكن رحيماً بشبابك أبداً ..

07/08/2020

كان عندي ناس ما أتخيل تمر لحظة بدون ما

احكي معهن وهلق هني وصرمايتي واحد 🖤🌚
-

07/08/2020

كان أبي يضربني، وكانت أمي تنقذني منه فقلت في نفسي: ما الذي سوف يفعله أبي إذا ضربتني أمي ذات يوم؟ ولكي أرى ذلك عصيت أمي حين قالت لي اجلب لي حليباً من السوق، فلم أذهب، وحين جلسنا للغذاء وضعت في قصعتي (طبق الطعام) إداماً قليلا فطلبت منها أن تزيد، وأمرتني بأن أجلس على كرسي صغير وأتناول طعامي، ولكني فرشت على الأرض وجلست، أوسخت ملابسي عمداً وتحدثت معها بلهجة فظة، كنت أتوقع أن أمي سوف تضربني لا محالة، ولكن الذي حصل هو أنها حضنتني بقوة وقالت: يا ولدي ، ما بك؟ أمريض أنت؟ حينها انسابت دموعاً غزيرة من عيني لم أستطع أن أكفكفها. "

- فقرة مترجمة من الأدب الأردي للكاتب أديب مرزا من كتابه (المصباح الترابي).
الله يرحم أمهاتنا الاحياء منهم وألاموات ❤💚

27/06/2020

ربما نحن سيئون فعلا وهاذا هو ما نستحقه...❤🍂

20/06/2020

‏ماتت الرغبة كلياً في مبادرة بدء محادثة أو محاولة إنقاذ أيّ علاقة ، أو حتى التعبير عن شعور الفقد أو أيّ شعور آخر .

13/06/2020

" احنا إتربينا على شغلا غيرنا ماتربا عليها ، فلازم نعذر غيرنا على قلة الأصل "

10/06/2020

المبالغة ع طول بترجعك خايب؛ تعلم أنو يلي بيمشيلك خطوة.، امشيلو خطوة وحدة، مو مطلوب منك تمشيلو بلاااد
#اتفقنا؟❤️

09/06/2020

🤷‍♂️🚶‍♂️

02/06/2020

مجرد اختلاف وجهات نظر 🤓😂

28/05/2020

الشب السوري اللي راح ع اوروبا ب2015
اخد بيت و جاب خطيبتو بلم شمل .. وعم يشتغل
وعم يبعت مصروف لأهلو وعم تجيه مساعدات
من الحكومات الاوروبية .. وكمل تعليمو وقادر
يسافر من المانيا .. للنمسا ..بالقطار ايمت مابدو ..
وبمعنى آخر ( استقر وقدر يأسس لمستقبله )
والله يوفقه ويرزقه ويهنيه ويهدي بالو ويجمعو
بأحبابه .. خلصنا من الصنف الأول ..

الصنف التاني .. الشب المغترب بالدول العربية
وعم يشتغل ويشقى ويتعب ليرجع ع البلد
يسلم شعبة التجنيد 8000 دولار كبدل نقدي
عن الخدمة العسكرية .. طيب ارتاح من الخدمة
بس انتوا اخدتوا مصاري تعب لجمعها ..
ومن المفروض كان يتزوج فيها
او يفتح محل فلافل او يستاجر بيت
او .. او .. او .. يعني ما استفاد من تأمين
مستقبله نهائياً لا بجازة ولا بتجارة ..
هو فقط دفع بدل لحتى ما يخدم ..
يعني جزء من عدة اجزاء مستقبلية
كان لازم يعملها بس سلمكن كل المصاري ..
وطلع ( كفك محنى ..)

الصنف التالت في صنف ماذكرتو
الشب يلي طلع واتغرب وعايش بتركيا عم يشتغل بحق اكلو وشربو واجار سكنوا ويبعت شوي لأهلو
واجتو ازمة كورونا دمرت حياتو بزيادة
لابيحسن يرجع على بلدو ولا حاسن يعيش هون وصار عليه ديون ومافي شغل ولا مساعدات ولا مستقبل ولا شي وحتى الماضي ماعاش شي حلو ..

الصنف الرابع .. وهنن العساكر ..
اخدتوه عسكري ب2011 .. وسرحتوه ب2020
بعد مليون اصابة .. وما عالجتوه ولا عطيتوه
تعويض مادي ولاقى حالو عمرو تلاتين سنة
لا قادر ماديا يستاجر بيت ولا يتزوج ولا يفتح
بسطة جرابات ولا معو يسافر .. ونفسيا
تدمر و راحت مرحلة العشرين كلا خدمة ..
مع انو لازم تسرح بعد سنتين مثلا من التحاقه
كان لحق عالأقل يشتغل او يتاجر او يخطب او
يسافر او يكمل تعليمو .. الخ ...(الله يحميهن)

الصنف الخامس .. هنن الطلاب الجامعيين ..
هاد الشب بس يتخرج مثلا بعمر 22 سنة ..
وهو العمر المخصص للحب والخطبة والسفر
وتأسيس المستقبل وتكوين النفس و العمل ..
بلاقي حالو كمان امام كابوس الخدمة العسكرية ..
طبعا واجب الجميع يخدم بلدو .. وهالحكي
كلنا متفقين عليه .. بس هل رح يسترجي
يلتحق وهو شاف اخوه وابن عمو وابن جيرانو
ورفقاتو عالفيس .. التحقو 10 سنوات متواصلة
مع وعود كاذبة بالتسريح ولعب بالأعصاب ؟؟؟
اكيد رح يختار السفر السريع ع بيروت او
الشارقة او اربيل .. وغيرها من البلدان ..
ورح يرجع يعيد سيناريو التعتير تبع
يشتغل كرسون او دلفري مطاعم عميتور
لمدة 4 سنوات ويتدين ويشحد ليجي
ع البارد المستريح يعطيكن 8000 دولار
ويعيد مسلسل المغتربين اللي ذكرتن بالصنف
التاني .. وكمان رح يطلع ايد من ورا وايد
من قدام ...

الصنف السادس
هلأ منجي ع صنف (الوحيد لأهله)..
وهاد ظروفه تعتبر احسن من العساكر
ومن الطلاب ومن المغتربين بالدول العربية ..
لانو معفي من الخدمة العسكرية بس
بضل يشكي من استحالة المعيشة بسوريا
لا مي ولا كهربا ولا غاز ولا اتصالات
وبيندم ليش ما هاجر ب2015
ولسه عم يدور ع طريق ليطلع ..
كمان ( الله يحميه لأمه وأبوه ويحفظه
لأنو مالن غيرو بهالدنيا )

منجي ع صنف( الموظف الثلاثيني)
اللي صار عمره 35 .. او 38 ..
ومتجوز وعندو بيت وزوجة و اولاد
وفجأة انطلب احتياط ..وماتو اولاده
من الجوع ..ومرتو شحدت بالطرقات ...
لأنو انطلب فجاة وما كان مجهز حالو

طيب اللي ب38 وماعليه جيش
ولا مطلوب احتياط بس (فاتح تجارة
او مطعم) .. وحسو عليه انو معو
سيارة .. وعم يجيه ارباح مالية للمحل ..
مستحيل يتركوه بدون اتاوات
يعني تشليح مصاري خاوه .. كل يوم كل يوم
كل يوم ..لحتى يهج من البلد ..
لأنو رح يقاسموه رزقه ..

الشباب مو مرتاحة
الشباب عليها ضغط نفسي
الشباب ضاع مستقبلها
الشباب صعب تتزوج
الشباب صعب تفتح بيت وتستأجر وتفتح تجارة
الشباب حتى لو سافرت رح يرجعوا يعطوكن
كل شي وفروه بالغربة وهالشي صعب فعلاً ..

عن اي مستقبل عم تحكوا ..؟؟؟
العنوسة انتوا سببها ..

ليش ما يكون التسريح دوري و سريع ..
وبدون مطمطة ومع وعود حقيقية شريفة ...

معهن حق يندموا ليش ما راحوا
بالهجرة السورية الكبرى ب2015

وصدقوني اذا شموا ريحة طريق بحري لليونان
لح يتركوا كل شي و يروحوا

لأنو البلد ماعادت حست فيهن
والقانون التجنيدي ضدهن والمسؤولين ضدهن
وقانون الجامعة ضدهن ..

من 18 ل 39 .. هدول لازم يلتقى الهم حل ..
حل يريح الجميع ..
الصنف المدلل اولاد المسؤلين والتجار مستثنين عندهم بيوت وسيارات وعقارات وفلوس
اذا بدك تهرب من الجيش تتصنف خاين وزنازين السجن تنتضرك
تحكي كلمه يقصو لسانك
بدك تخدم جيش في الصرمايه اذا متت موتت الكلب وذا تصاوبت مافي لاتعويض ولا شي تنكب معاق تشحذ بالشوارع تتحسن عليك الماره

خدمة الوطن واجبة علينا .. بس مو تخدم عشر سنين وتتسرح تلاقي حالك في الشارع لابيت ولا زواج
والحل مو بس مقتصر ع تحديد المدة ..

الحل بكون لسعر الدهب وايجار العقارات و الأتاوات
والتضييق وملاحقتهن ..

25/05/2020

قالت نانتي👵:
يللي عندو غايب، بيضل قلبو دايب💔
لكل حدا ناطر غايب بمكان ما .... الله يرده بالسلامة وتفرح القلوب والعيون بلقاءه... يا رب... ❤️

23/05/2020

لماذا تدفن الجمل اوالناقة
الي مايعرف
يصلي علي رسول الله صلي الله عليه وسلم

13/04/2020

مشكلتي دائمًا كانت في الوقت المناسب، كنت دائمًا على أتم استعداد للتسامح والتجاوز سريعًا لكن كلما كان يتأخر وقت الاعتذار كان قلبي يقسو ويقسو حتى أصل لمرحلة لا أقبل أي اعتذارات ولا أصدقها حتى لو كانت صادقة، حين أطلب الاهتمام أو المعاملة اللينة اللطيفة، كنت أنتظر وانتظر، ألتمس للطرف الآخر العذر في التأخير، اعتذر وأخلق مبررارت له ترضي كبريائي وتمنعني عن الرحيل، لكن حين يفيض الكيل وأشعر بالإهمال والقسوة المتعمدة، أنسحب تدريجيًا حتى لو عاد وبدأ يعاملني بلطف وحب، أرفض هذه المعاملة وأشمئز منها لأن الانتظار والوقت قد أفسدها، حين أنزعج من أفعال الشخص الذي أحبه ويعاهدني ألا تتكرر مرة أخرى، ومن ثم يواصل تكرار الأفعال بكل قسوة وجمود، انتظر رغمًا عني آملاً في تغيير أفعاله، في إدراكه إننا على وشك النهاية، أنتظر وأنتظر لكن حين أتيقن أن تحذيراتي لم تكن مهمة بالنسبة له، وإن حزني وضيقي من أفعاله لا تزعجه أو تجعله يعيد ترتيب أوراقه، أرحل في هدوء دائم، فـ لو عاد ووضع بين يدي الحياة لا أقبلها منه لأن الوقت قد أزل..

الوقت يفقد لذة الأشياء ومعناها في قلبي..
التأخير يفقد لذة كلمات الحب والمواساة والأعتذار..
حين تتأخر الأشياء التي انتظرنها طويلاً.. تفقد معناها تمامًا .

11/04/2020

لم أبكي حين غادرتني لكنني بكيت حين استيقظت صباحًا، حملت هاتفي لأكلمك ونسيت أنكَ منذ الليلة الفائتة لم تعد لي، بكيتُ حينما أغلقتُ باب غرفتي علّني أحصل على بعض الراحة وحاصرتني الذكريات في كلً زاوية و ليس هناك مفرّ، بكيتُ حينما قابلتُ أصدقائي و تجاهلوا سؤالهم المعتاد عنكَ بل سألوني عني هل أنتِ بخير؟؟ بكيت حينما قال لي أحدهم أنتِ جميلة ف أنا لم أعتد بَعْد على سماع أحدٍ غيركَ يطري جمالي، بكيتُ عندما مرضتُ و كلّما مرضتُ ف أنا أنسى الدواء و كُنتَ أنتَ مُنبّهي، بكيتُ عندما اختنقتُ ذات ليلة و لم أجد من يقرأ لي المعوّذات حتى أهدأ و أغفو، لم يكن ألم غيابك ما يبكيني و لكني بكيتُ ألماً عندما أحسستُ فجأة بهذا الفراغ الذي خلّفته ورائك، أنا الآن حين أفرح لا أجدُ من أشاركه فرحي ف أبكي، و حين أحزن لا أجدُ من يفهم كلماتي او يخفف عني ف أبكي، و في أوقات فراغي لا أجدُ من يشاركني متعتي ف أبكي، و في قمّة انشغالي لا أجدُ من يسرق وقتي ليطمأنّ عني ف أبكي، أصبحتُ أبكي حين أنظر لأمي و أبكي حين تحنو عليّ ف أنا لم أعتد على قسوتك بَعْد، أنا لم أجرّب الخذلان بهذه الطريقة البشعة بَعْد، لذا أبكي على نفسي التي صدّقتك و أبكي على أحلامي التي ضيَّعتها، أنا أبكي لأنك احتليت مكانة الشخص الأول و لم تكن الأخير كما وعدتني، أبكي من وعودك الكاذبة و تعمّدك إيذائي بكلّ ما أوتيتَ من قسوة، و لكن اطمئن ستجفّ دموعي يوماً ما و لكن أنتْ أخبرني هل ما زال ضميرك بخير؟💙.

08/04/2020

-على العُموم هني ماكانّوا مكسب.. لحتى
يكُونّوا خسارة

04/04/2020

قم بالغاء طلبات الصداقة التي ارسلتها لأشخاص ولم يوافقوا عليها...
( فأنت أكبر من أن توضع في خانة الانتظار ) 😌
ادخل الى هذا الرابط وسوف ترى جميع من أرسلت لهم😜 ..

🙄☕️🤪

https://m.facebook.com/friends/center/requests/outgoing/...

13/02/2020

إننا نتدلل فقط ليس على من نحبهم، وإنما على من نؤمن أنهم يحبوننا...

13/02/2020

الغيرة حقيرة كتير بتخلي نفسيتك تقلب من حب وحنين لقفا صرماية عتيقة 💔🤦🏻

11/02/2020

لم أطلب يومًا من أحدهم أن يحتفظ بي، في الحقيقة أنني من يحاول دائمًا الحفاظ على الأشخاص الذين أحبّهم.. حتى أولئك الذين اختاروا خسارتي ✨♥️

11/02/2020

بالباص طلعت معي بنت نص غفيانة..
بعد شوي بيجيها اتصال .. و بسمعا عم تقول ..
" صباح النور .. ( ١٥ ثانية صمت ) لا ماني زعلانة .. ما بزعل منك أنا ..(ضحكة) .. انتبه ع حالك ..بحبك ❤ " و بتقول للشوفير بابتسامة عريضة "حطلنا فيروز عمو "
و أنا بدوري صحصحت و غمرتني السعادة
مدري من فيروز مدري لان تصالحو..
متل ما بيقولو الفرح بيعدي اللي حواليه عنجد 💛

11/02/2020

‏صعوبة شرح الشعور كفيلة بأن تجعلك صامت طوال الوقت ..

10/02/2020

صدقوني الشغلة ماعاد واقفة ع مهر البنت او المصروف او انو نأمن حالنا ولا حتى موضوع العسكرية . . او بدنا نسافر لنزبط وضعنا ؛ لا أبداً . . !
الشغلة صارت بنفسيتنا من جوا . . رغبتنا كل مانها عم تنقتل اكتر واكتر . . ماعم يغرينا لا اشكال بنات ولا جمالهن . . لا مال ولا جاه ولا سلطة ؛ ماعم يلفت انتبهانا أيا شي ابداََ ؛ الموضوع صار موضوع فقدان شغف بكل معنى الكلمة . . !
كل يوم عم يمر علينا عم تصعب علينا الحياة اكتر و أكتر . .
وبظن إنو نحن الجيل الوحيد يلي مارح يقول : " أيا ليتَ الشبابَ يَعُودُ يوماً " . . !💔
💙

09/02/2020

انا بس حب غنية بصير بتسمعلا كتير لحتا اكرها
رح اعتبرك هيك🖤"

28/01/2020

‏أعوذ بالله من العلاقات اللي ما بقدر أسب فيها.❤️

26/01/2020

أنا آسفة !!
بس أنا مو عطول بقدر أكون الطرف اللي بيتنازل وبيساير وبيقدر ظروف الكل ' مو عطول بقدر أكون أقوى وأحسن ' مو عطول بقدر أوقف جنب الكل ' للأسف إني ما بقدر ألعب دور الملاك الحارس بشكل دائم ' أنا بعتذر لأنو كمان أنا عندي قدرة تحمل ' وكمان بمرق بلحظات بنهار وبعصب فيها وبكون بحاجة لمين يوقف جنبي ' بحاجة لمين ينصحني لازم تفهمو أنو مو عطول بقدر كون الطرف اللي بيسند '
أوقات أنا بالفعل بكون بحاجة لحدا يسندني 🥀

22/01/2020

لا يمكنك التحلي بالصبر فالصبر ليس من الحلويات 🌚💜

Address

Website

facebook.com

Alerts

Be the first to know and let us send you an email when أوراق متساقطة posts news and promotions. Your email address will not be used for any other purpose, and you can unsubscribe at any time.

Videos

🤷‍♂️🚶‍♂️

"رح نضل هـيـك بالنص.. لا عم نموت...ولا عم نعرف نعيش" 🖤🎵 #lolo

#lolo

😚♥️ وكأنه يصف حورية لا انسية ....💝 #lo

👌😂 #lo

الله يرحمك ويجعل مثواك الجنة كلامه من القلب نابع💔

😴😴

فضل الاب❤️❤️ #Ayatooo

يعني رح بتكوني وين يا بقلبي يا بعيوني 💙 .!

#هـالرجفة مـو مـن #الـبرد لـااا 💔🙂 روحـنا الـبردانة #يـا أمـي 💔😴 #يسعد_صباحكون💙🙂

للمرة الثامنه نقول يارب هالسنه تكون أحسن من يلي قبلها للمرة الثامنه نقول يارب هالسنه تكون سنة خير للمرة الثامنه نقول يارب هالسنه تفرج للمرة الثامنه نقول يارب هالسنه تخلص هالحرب ونرتاح ونرجع نشوف أهلنا وعزازنا ونقعد ع سفرة وحدة متل ماكنا قبل ثمان سنوات. السنه الثامنه لجرحنا الكبير ولذكرى الموت الجماعي ل23مليون سوري ثمان سنوات من القتل والفقر والجوع والألم والتهجير والتعذيب من غير أي سبب .... كل عامٍ وسوريا أجمل بلد رغم الحرب .... الفيديو بصوت الرائعه ميادة بسيليس