08/04/2024
اخواتنا الاعزاء ، والله وصار زمان ما دخلنا عل الخط وحكينا بس الحق لازم ينقال.. للاسف الدراما السوريه عم بتحاول انو ترجع توقف على اجريها، بس الظاهر ما في خواص.. يلي لفتنا بهالرمضان مسلسلات كتيره ولكن نحن اليوم ننحكي بس عن ولاد بديعه ( مبدئيا) ... خيو العمل متل مانك شايف بالصوره ببدا بشكل حلو وحماسي ،وبيداول قضايا يوميه ولكن... طريقه الطرح والاخراج مع كامل الاحترام لكادر العمل لا تتناسب طردا مع جيل الثمانينات وما دون. يعني يلي بطلع وبقول هالمسلسل بجنن وواو .. ياعمي هدول لسه ولاد ، جيل اواخر التسعينات وبدايه الالفيات غير تفكير عن جيلنا. بتقولو مثلا ليش بتحب ستاربكس بقلك والله لأنو طيب ، وهو ما فيو شي طيب وغلاواتي وسكر عل الحل ... بس الاسم عاطي هيبة. الكل زمر ورحب بمسلسل اولاد بديعه لأنو اسم وفيو ممثلين مميزين.. بس شو فايده التمثيل اذا القصه والحبكة صارت تماما مثل الصوره يلي عم تشوفوها بالبوست. الخلاصة : اي اي الحكي والزبده من هالبوست هو يلي بقلك واو مسلسل ولاد بديعة ، واو الشامي واسمعي قلبي بدقة ، ونسيانين مسلسلاتنا القديمه واغانينا القديمه الفخامة ، بس هلأ هالجيل يلي طالع بدو هيك مسلسلات واغاني. للاسف..هاد اسمو استضراط لعقل المشاهد ، نحن بجيلنا ما بتمشي علينا... شوفو جيل الألفيه واحشو بعقلهم هالنواقص...
