Sweta vasuki Mano bhaavalu

03/07/2024

llశ్వేతll...-:విధి వంచిత:-

నన్నోడించేవారు లేరు
మాటల్లో గెలవలేరు
ఆటలలో గెలవలేరు

అల్లరిలో గెలవలేరు
అదృష్టంలో గెలవలేరు

నాదంలో గెలవలేరు
వాదంలో గెలవలేరు

అని విర్రవీగా ఇన్నాళ్ళు.

విధి వక్రించి, నను వెక్కిరించి,
నేనోడి తా గెలిచి,
తన చేతిలో నన్ను చేసింది బందీని
విగతనై జీవిస్తున్నా...

తెలుసుకో సత్యాన్ని..
గెలుపోటములు మన చేతిలోలేవనీ
విర్రవీగాడలసలే వద్దనీ...
విధి చేతిలో అంతా కీలుబొమ్మలం....
చెప్పినట్లాడే తోలుబోమ్మలం...24 JAN 13..

29/06/2024

24/06/2024

కోర్టు వ్యాజ్యం - కల

చాలా సంవత్సరాల క్రితం అణి మాసం పౌర్ణమి రోజు కంచి శంకర మఠంకి వచ్చి పరమాచార్య స్వామివారి ఆశీస్సులు అందుకున్నాను. నేను వ్యవసాయ కుటుంబంలో జన్మించి పి.యు.సి దాకా చదువుకున్నాను. నాకు ఆధ్యాత్మికతపై మక్కువ ఎక్కువ అవడంతో చాలా పుస్తకాలు చదివేవాడిని. ఆధ్యాత్మిక ప్రవచనాలకు కూడా వెళ్తుండేవాణ్ణి.

1985లో నేను ఒక వ్యాజ్యంలో ఇరుక్కున్నాను. నా శత్రువులు నాపై ఒక సంక్లిష్ట దావా వేశారు. అది నన్ను ఇరికించడానికి కావాలని సృష్టించినది. నేను ఆ వ్యాజ్యంలో ఓడిపోతానని భయపడి, బాధపడి ఒకరోజు ఉదయం ఐదు గంటలప్పుడు శ్రీమఠంలో మహాస్వామివారి పాదాలపై సాష్టాంగపడి ప్రార్థించాను. అతిసామాన్యుడిగా కనబడే ఆ నడిచే దైవం అనుగ్రహం నాపై పడగానే, జీవితంలో పైకి రావాలని మాత్రమే ప్రార్థించాను. ఆ సమయంలో కోర్టు కేసు కూడా గుర్తుకు రాలేదు. అక్కడున్న బుట్టలో నుండి ఒక మల్లెపూల హారం తీసుకుని, వారి తల చుట్టూ తిప్పి అక్కడున్న వెదురు పళ్ళెంలో వేశారు. కుడి చెయ్యి పైకెత్తి ఆశీర్వదించారు. మహాస్వామివారి పక్కన ఉన్న వ్యక్తి నన్ను, “వారిని నువ్వు ఏమైనా అడగాలా?” అని అడిగారు. అందుకు నేను “కోర్టు వ్యాజ్యం నాకు అనుకూలంగా రావాలి” అని అన్నాను. ఈలోగా నా వెనుకనున్న భక్తులు స్వామివారికి సాష్టాంగం చెయ్యడంతో నేను పక్కకు తప్పుకున్నాను.

కొద్దిసేపటి తరువాత మహాస్వామివారు మేము కూర్చున్న చోటికి నడుచుకుంటూ వచ్చారు. మరలా నేను వారి పాదములపై పడ్డాను. వారు వెంటనే దండంతో సహా చేతిని పైకెత్తారు. వారి శిష్యులు “ఉత్తుక్కుళి వారికి కోర్టులో ఉన్న వ్యాజ్యంలో నీకే గెలుపు” అని చెప్పారు.

మహాస్వామివారి అనుగ్రహంతో కోర్టు వ్యాజ్యం నాకు అనుకూలంగా వచ్చింది. దాదాపు ఐదు లక్షల రూపాయలు, రెండెకరాల భూమి నా స్వాధీనానికి వచ్చాయి. దాంతో నాకు మనఃశ్శాంతి, ఉన్నతి కలిగింది.

మరొక ముఖ్యమైన సంఘటన, మహాస్వామి వారు మార్గళి మాసం (ధనుర్మాసం) లో విదేహముక్తులయ్యారు. ఆ ముప్పై రోజులూ నేను తెల్లవారు నాలుగు గంటలకే లేచి పూజ చేసేవాడిని. ఒకనాటి ఉషోదయ సమయాన నాకు లీలగా ఒక దృశ్యం కనబడింది. N.H 47 చెన్నై - కళ్ళికొట్టై మైయిన్ రోడ్డులో, పెరుందురై దగ్గర్లో విజయమంగళం అని ఒక గ్రామం ఉంది. 24 చక్రాల ఒక పెద్ద ట్రక్కులో మహాస్వామివారు ఉత్తరం వైపు కూర్చుని ఉండగా అది తూర్పు వైపుగా వస్తోంది. ఆ ట్రక్కు మొత్తం మల్లెపూలు, రోజాపూలు, బొడ్డు మల్లెలు, జరీ పట్టు వస్త్రాలతో అద్భుతంగా అలంకరించబడి ఉంది. చూడడానికి అది దేవలోకం నుండి వచ్చిన దివ్య విమానంలా ఉంది.

అక్కడున్నవారంతా “పెరియవ వస్తున్నారు” అని అనడంతో నేను, ఉత్తరీయాన్ని నడుముకు చుట్టుకొని రెండు చేతులు తలపైకెత్తి నమస్కరించాను. అదేసమయంలో స్వామివారు శ్రీమఠంలో నన్ను అశీర్వదించిన విధంగా ఆశీర్వదించారు. ఎవరో, “మహాస్వామివారు సంతోషంతో వెళ్ళిపోతున్నారు” అని అటుండగా నాకు మెలకువ వచ్చింది.

దాంతో నాకు మహాస్వామి వారిని ప్రత్యక్షంగా దర్శించుకోవాలని కోరిక కలిగింది. ఇది నాకు బుధవారం తెల్లవాఝామున వచ్చిన కల. సూర్యోదయంతో గురువారం అయ్యింది. శనివారం మధ్యాహ్నం ఆ ఆధ్యాత్మిక సూర్యులు బ్రహ్మీభూతులయ్యారు. ఆదివారం వారి పాంచభౌతిక శరీరాన్ని శ్రీమఠంలో బృందావనంలో ఉంచారు.

అనూరాధ నక్షత్రంలో జన్మించిన ఆ నడిచే దైవం నా ఆధ్యాత్మిక ప్రయాణానికి మార్గనిర్దేశకులయ్యారు. నా భాగ్య వశమున బుధవారం రాత్రే స్వామివారు జరగబోయేదాన్ని నాకు విశదపరిచారు.

--- ఇ.ఆర్. పరమశివం, మెట్టుక్కడై (ఉత్తుక్కుళి). మహా పెరియవళ్ - దరిశన అనుభవంగళ్ 2

అపార కరుణాసింధుం జ్ఞానదం శాంతరూపిణం
శ్రీ చంద్రశేఖర గురుం ప్రణమామి ముదావహం ।।

#కంచిపరమాచార్యవైభవం

24/06/2024

ఆయన దేవుడు ఏమైనా చెయ్యగలరు

శ్రీ చంద్రమౌళి గారు పరమాచార్య స్వామివారికి మహాభక్తులు. వారి మేనమామ సైన్యంలో క్యాప్టెన్ గా పనిచేసేవారు. వారికి దైవం మీద నమ్మకం, భక్తి ఉన్నా పరమాచార్య స్వామివారిపై అంత భక్తి కలిగినవారు కాదు.

వారి అల్లుడు వెల్లూర్ లో పనిచేసేవారు. హఠాత్తుగా ఒకసారి మూత్రపిండాలకు సంబంధించిన వ్యాధితో అస్వస్థకు గురయ్యారు. వెల్లూర్ లో పరీక్షించిన డాక్టర్లందరూ ఏమి చెయ్యలేమని చేతులెత్తేశారు. ఆ రాత్రి ఆ క్యాప్టన్ గారి అమ్మాయి తన భర్త ఆరోగ్యం గురించి తీవ్రంగా ఆలోచిస్తూ దిగులుతో నిద్రపోయింది. ఆరాత్రి ఆమెకు ఒక విచిత్రమైన కల ఒకటి వచ్చింది. పరమాచార్య స్వామివారు కలలో కనపడి, “నీ మంగళసూత్రాన్ని ఇవ్వు?” అని అడిగారు.

ఉదయం తెల్లవారగానే, సరైన పసుపు తాడు దొరకకపోయినా, చేతికి దొరికిన మమూలు దారానికే ఒక పసుపుకొమ్మను కట్టి మెడలో కట్టుకుంది. పరమాచార్య స్వామివారికి సమర్పించడానికి మెడలో ఉన్న బంగారు తిరుమాంగల్యాన్ని తీసి భద్రం చేసింది. మహాస్వామివారు చెప్పినది కలలో అయినా స్వామివారిపై తనకున్న భక్తివల్ల వారి ఆదేశాన్ని శిరసావహించింది.

ఈ విషయాన్నంతా చంద్రమౌళి మామకు చెప్పగానే, వెంటనే మహాస్వామివారి దర్శనానికి రావలసిందిగా కోరాడు. కాని పదిహేను రోజుల తరువాతనే పరమాచార్య స్వామివారి దర్శనం లభించింది. వారు వెళ్ళి అక్కడ నిలబడగానే, “ఎవరో దర్శనానికి వచ్చినట్టున్నారే” అని అక్కడున్నవారితో స్వామివారు అన్నారు. ”స్వామివారు మాకోసం ఇబ్బంది పడవల్సిన అవసరం లేదు. స్వామివారు బయటకు వచ్చిన తరువాతనే దర్శించుకుంటాము” అని చంద్రమౌళి మామ చెబుతున్నా స్వామివారు పట్టించుకోక, వారిని లోపలికి తీసుకుని రమ్మన్నారు.

అచ్చంగా కలలో అడిగినట్టే స్వామివారు ఆమెని, ”తీసుకుని వచ్చావా? ఇలా ఇవ్వు” అని అడిగారు. స్వామివారు మాంగల్యాన్ని స్వీకరించి ఒక పండుని తీసుకునిరమ్మని బాలు మామకు చెప్పారు. బాలు మామ ఒక ఆపిల్ పండును తీసుకునిరాగా దాన్ని స్వామివారు ఒలిచి క్యాప్టెన్ అల్లుడి వంక తీక్షణంగా చూడసాగారు. తరువాత ఆ పండుని వారికి ప్రసాదంగా ఇచ్చి ఆశీర్వదిస్తూ “నీకు ఏమి ప్రమాదం లేదు. మీరు వెళ్ళవచ్చు” అని అన్నారు.

వారు వెల్లూర్ వెళ్ళగానే మరలా వైద్య పరీక్ష చేయించగా, వైద్యులు అమితాశ్చర్యాలకు లోనయ్యారు. అతని మూత్రపిండాలు రెండూ చక్కగా పనిచేస్తున్నాయి. కేవలం ఏదో అతీంద్రియ శక్తి వల్ల మాత్రమే ఇలా జరిగి ఉంటుందని గ్రహించి ఏం జరిగిందని వారిని అడిగారు. జరిగినదంతా చెప్పగానే వెంటనే వారు, “ఓహ్! ఆయన దేవుడు ఏమైనా చెయ్యగలరు” అని అన్నారు.

కేవలం భక్తితో పరమాచార్య స్వామివారికి దగ్గరైతే, ఆ భక్తి మనకు సకల శుభాలను సౌఖ్యాలను ప్రసాదిస్తుంది. ఆ నిరంతర కరుణకు అంతు ఉండదు.

--- ‘శ్రీ పెరియవ మహిమై’ పత్రిక నుండి

అపార కరుణాసింధుం జ్ఞానదం శాంతరూపిణం
శ్రీ చంద్రశేఖర గురుం ప్రణమామి ముదావహం ।।

#కంచిపరమాచార్యవైభవం

14/06/2024

శ్వేత..... హైటెక్ ప్రేమ.....

celcon... సెల్ కావలెనా----ఓ డార్లింగ్
samsung.....సెల్ కావలెనా ???

samsung .....ఐతే స్టాండర్డ్ కంపెనీ..... అదే కొను కొను డియరు
నామీదెంత లవ్వు మైడియరు

redio ...... కావలెనా ----ఓ డార్లింగ్
tv...... కావలెనా ???

tv .... ఐతే సీరియళ్ళు చూడొచ్చు..... అదే కొను డియరు
నామీదెంత లవ్వు మైడియరు

tab..... కొనమందువా -----ఓ డార్లింగ్
laptap......కొనమందువా ???

laptap.....ఐతే పేస్ బుక్ వాడొచ్చు.... అదే కొను డియరు
నామీదెంత లవ్వు మైడియరు

maruti car.......తీసుకోనా ----ఓ డార్లింగ్
beng car.....తీసుకోనా ???

beng car.....ఐతే గొప్పగ ఉంటది..... అదే తీసుకో డియరు
నామీదెంత లవ్వు మైడియరు

flat......కొనమందువా..... ఓ డార్లింగ్
duplex.....కొనమందువా ???

(duplex......ఐతే individual గా బతకొచ్చు...... అదే కొను డియరు)
నామీదెంత లవ్వు మైడియరు.....14-06-2013

05/06/2024

శ్వేత.....ఏమి కావలేనే ఓ లచ్చి..

సైకిలు కావలెనా, ఓ లచ్చీ! మోటరు కారు కావలెనా?
సైకిలొద్దు మోటరు కారు లొద్దు
నీ గుండెల్లో చోటుంది చాలు......నాకదే పది వేలుర ఓ మావా!

రేడియో తెమ్మందువా, ఓ లచ్చీ ! టివీ తెమ్మందువా?
రెడియోద్దు, టివీలోద్దు
నీ మాటలే చాలు....నీ పాటలె మేలు ఓ మావా!

సినిమాకి పోదామా ఓ లచ్చీ ! సర్కసుకి పోదామా?
సినిమాలొద్దు, సర్కస్సులొద్దు
ఆటలు చాలుర మావా... నీ సయ్యాటలే చాలురా ఓ మావా!

మల్లెలు తెమ్మందువా ఓ లచ్చీ ! జాజులు తెమ్మందువా?
మల్లెలు వద్దు, జాజులు వద్దు
సల్లని నీ పిలుపే చాలు.....మల్లంటి నీ మనసే చాలు ఓ మావా!

ముక్కెర కొనమందువా ఓ లచ్చీ ! కమ్మలు కొనమందువా?
ముక్కెరొద్దు, కమ్మలొద్దు
నా ఎదురుంగా నువ్వుంటే చాలు ఓ మావా! అదే నాకు లక్షల విలువలే ఓ మావా! 05-06-2013

04/06/2024

04/06/2024

04/06/2024

04/06/2024

03/06/2024

సర్వ శుభంకరి కొల్హాపురి లక్ష్మి

ఐశ్వర్యప్రదాతయైన శక్తిని మహాలక్ష్మిగా కొలుస్తారు. ఈ మహాలక్ష్మి జగత్ప్రభువైన శ్రీమన్నారాయణునికి ఇల్లాలు, వైకుంఠనివాసిని. శ్రీలక్ష్మీ హృదయం మహాలక్ష్మి వైభవాన్ని వేన్నోళ్ళలా కీర్తిస్తోంది. విష్ణుపురాణం లక్ష్మిదేవి యొక్క జగద్వ్యాపకాన్ని చెప్తుంది. పురుషార్థాలను ప్రసాదించే ఈ తల్లిని శ్రావణమాసంలో పూర్ణిమకు ముందువచ్చే శుక్రవారం నాడు పూజిస్తే సర్వసౌభాగ్యాలు సమకూరుతాయని పరమశివుడు పార్వతికి చెప్పాడు.
తన సేవకజనుల హృదయమాలిన్యాన్ని పోగొట్టే మహాలక్ష్మి మంగళప్రదయై సౌభాగ్య లక్ష్మిగా, ధైర్య, స్థైర్య, స్థిరబుద్ధులను మానవాళికి ప్రసాదిస్తుంది. ఈ తల్లే ఆదిలక్ష్మి, సంతానలక్ష్మి, వీరలక్ష్మి, గజలక్ష్మి, ఐశ్వర్యలక్ష్మి, విజయలక్ష్మి, ధాన్యలక్ష్మి, ధనలక్ష్ములుగా అష్టమూర్తులలో విరాజిల్లుతోంది. అందుకే లక్ష్మి దేవి సంపదకు, సామ్రాజ్యాలకు, విద్యలకు, కీర్తిప్రతిష్ఠలకు, సర్వశాంతులకు, తుష్టికి, పుష్టికి, యశస్సులకు మూలకారణంగా భావించి, సర్వులచేత పూజించబడుతోంది. కష్టసమయాలలో స్థిరచిత్తాన్ని ఇచ్చి విజయాన్ని చేకూర్చేటపుడు ధైర్య విజయలక్ష్మిగా కొనయాడబడే ఈ తల్లి అష్టదళపద్మంలో ఆసీనురాలై చిన్మయ రూపిణిగా వెలుగొందుతుంది. ఈ తల్లే ఒకసారి వైకుంఠాన్ని వదిలి భూలోకం విచ్చేసి మహారాష్టల్రోని కొల్హాపురిలో కొలువైంది. అక్కడ శ్రీమహాలక్ష్మిని కరవీర్ మాత అని పిలవడం జరుగుతోంది. కొల్హాపూర్‌ను పూర్వం కరవీర్ నగరమని పిలిచేవారు. అష్టాదశ శక్తి పీఠాలలో ఒకటిగా పేర్గాంచిన ‘కొల్హాపూర్’ లోని శ్రీమహాలక్ష్మి అమ్మవారి మహత్తు గొప్పది.

ప్రకృతి అందాల నడుమ అలరారే ‘కరవీర్ నగరం’ అతి ప్రాచీనమైనది. అతి పురాతనమైన ఈ నగరం ‘108’ కల్పాలకు పూర్వం నాటిదంటారు. ‘కరవీర్ నగరం’ గురించి కాశీఖండం, పద్మపురాణం, దేవీ భాగవతం, స్కంద, మార్కండేయ పురాణాలు ప్రసావిస్తున్నాయ. పంచగంగా నది ఒడ్డున అలరారుతున్న ఈ ప్రాచీన నగరాన్ని కొంకణరాజు కర్ణదేవ, వౌర్యుడు, చాళుక్యుడు, రాష్టక్రూటులు, ఇతర యాదవ రాజులు పాలించినట్లు చారిత్రక ఆధారాలు వెల్లడిస్తున్నాయ. ఈ నగరాన్ని కొలతాపూర్, కళ్ళ, కోల్‌గిరి, కొలదగిరి పట్టణం అనే పేర్లతో ఇంత కు పూర్వం పిలిచేవాళ్లట. ‘కొళ్ళ’ అంటే వ్యాలీ (లోయ) అని అర్థం. ‘పూర్’ అంటే పట్టణమని అర్థం. అంటే ఈ పట్టణ ప్రాశస్త్యాన్ని బట్టి కర్‌వీర్ నగరమే రానురాను కొల్హపూర్‌గా మారిఉంటుందని ఇక్కడివారు అంటారు. కొల్హాపూర్‌లో ఉన్న శ్రీమహాలక్ష్మి ఆలయచరిత్ర ఎన్నో వేల సంవత్సరాల పూర్వంది. ఎందుకంటే ఈ ఆలయాన్ని ఎప్పుడు నిర్మించిందీ తెలియడానికి ఇతమిత్థమైన ఆధారాలు ఇప్పటికీ లభించడం లేదు. అయితే ఈ ఆలయం క్రీ.పూ. 4, 5 శతాబ్దాల మధ్యకాలంలో నిర్మించి ఉండవచ్చని ఇక్కడి శాసనాలు చెప్తున్నాయ. అలాగే 17వ శతాబ్దంలో చక్రవర్తి శివాజీ, 18వ శతాబ్దంలో శంభాజీ మహారాజులు, ఈ కొల్హాపూర్ క్షేత్రాన్ని పాలించినట్లు తెలుస్తోంది. జగన్మాత మహాలక్ష్మికి నెలవైన ఈ ఆలయాన్ని జగద్గురువు ఆదిశంకరాచార్యుల వారు దర్శించారట. ఆయన ఇక్కడ అమ్మవారి లీలా విశేషాలను స్వయంగా వీక్షించి, ఇక్కడ మఠం ఏర్పాటుచేశారు. ప్రధానాలయంలో ఉన్న ‘శ్రీచక్రం’ ఆదిశంకరాచార్యుల వారిచే ప్రతిష్టింబడిందంటారు.
ఇక్కడ మహాలక్ష్మి అమ్మవారు ఒక చేతిలో ఖడ్గం, మరో చేతిలో కలశం, మరో చేతిలో పుష్పం, ఇంకో చేతిలో పానపాత్రలతో చతుర్భుజాలతో దర్శనమిస్తారు. ఈ మహాలక్ష్మి అమ్మవారు కిరీటి ధారిణి, అమ్మవారికి గొడుగు పడ్తున్నట్టుగా ఆదిశేషుడు కనిపిస్తాడు. అమ్మవారి ఆలయానికి సమీపంలో ఒకపక్క శారదామాత, మరోపక్క కాళికామాత మందిరాలున్నాయి.

శ్రీచక్రానికి దగ్గరగా సూర్యదేవుడు, విఘ్నేశ్వరుడు, శ్రీకృష్ణ భగవానునుని చిన్ని మందిరాలున్నాయి. ప్రధానాలయ ప్రాకారంపై ‘సటువాభాయి’ శిలా ప్రతిమ ఉంది. ఈ తల్లి మహిమ గొప్పదని మహారాష్ట్ర ప్రజల నమ్మకం. ఆ కారణంగానే తమ శిశువులను ‘సటువాభాయి’ మూర్తికి కింద భాగంలో ఉంచి, పూజలు నిర్వహిస్తారు. అలా చేయడం వల్ల తమ పిల్లల భవిష్యత్‌ను లోక మాత సటువాభాయి తీర్చిదిద్దుతుందని నమ్ముతారు. ఆలయానికి ముందు భాగంలో నిత్య అగ్నిహోత్రి గుండం ఉంది. ఇది నిరంతరాయంగా మండుతూనే ఉంటుంది. ఆలయంలోకి వచ్చిన భక్తులు తమతో తెచ్చిన సుగంధ ద్రవ్యాలను ఈ గుండంలో వేసి, ఆలయంలోకి ప్రవేశించడం ఇక్కడి సంప్రదాయం. ఆలయంలో మరోపక్క ఉమా మహేశ్వరస్వామి, శనీశ్వరుడు, దత్తాత్రేయుడు, గరుడ మండపం, దీప్తస్తంభం, వీరభద్రస్వామి, నాగేంద్రుడు, భైరవమూర్తులున్నాయి. శ్రీ మహాలక్ష్మి అమ్మవారి ఆలయంలో అమ్మవారికి తెల్లవారుజామున 4:30 గంటలకు హారతినిస్తారు. దీనిని ‘కాకడ హారతి’ అంటారు. ఈ సమయంలో భూపాల రాగాన్ని ఆలపిస్తారు. ఉదయం 8:30 గంటలకు మంగళహారతి, ఉదయం 11:30 గంటలకు కుంకుమ, పుష్పాలతో అమ్మవారికి అర్చన, అనంతరం మధ్యాహ్నం రెండు గంటల వరకూ పంచామృతాలతో అభిషేకం, అర్చనలు నిర్వహిస్తారు. రాత్రి 7:30 గంటలకు ఇచ్చే హారతిని ‘బోగ్-హారతి’ అని వ్యవహరిస్తారు. ప్రతి శుక్రవారం రాత్రిపూట అమ్మవారికి నైవేద్యం పెడతారు. రాత్రి 10 గంటలకు శేష హారతినిచ్చి అమ్మవారికి పవళింపచేస్తారు.

ఇంతటి మహిమాన్వితమైన శ్రీ మహాలక్ష్మి అమ్మవారి లీలా విశేషాలతో పునీతమైన ఈ ఆలయం కొల్హాపూర్ పట్టణ నడిబొడ్డున ఉంది. దేశంలోని అనేక ప్రాంతాల నుంచి బస్సులు, రైళ్ళు ఈ పట్టణానికి అందుబాటులో వున్నాయి. కొల్హాపూర్ పట్టణానికి ముంబాయి, బెంగుళూరు, పుణెల నుంచి నేరుగా రైలు సౌకర్యం ఉంది.

02/06/2024

02/06/2024

27/02/2024

మహాశివరాత్రి రోజున జాగారం చేస్తే పునర్జన్మంటూ ఉండదట!

శివుడికి సంబంధించిన పండుగలన్నింటినిలోనూ ముఖ్యమైనది, పుణ్యప్రదమైనది మహాశివరాత్రి. ప్రతినెలా కృష్ణ పక్షంలో వచ్చే చతుర్ధశి తిథిని మాస శివరాత్రి అంటారు. మాఘ మాసంలోని కృష్ణ పక్షంలో వచ్చే చతుర్ధశికి మహాశివరాత్రి అని పేరు. శివరాత్రి పండుగను జరుపుకోవడంలో ప్రధానమైన విషయాలు మూడు ఉన్నాయి.

శివార్చన, ఉపవాసం, జాగరణం. శివరాత్రి రోజున సూర్యోదయానికి ముందుగానే నిద్రలేచి, స్నాన సంధ్యాది కార్యక్రమాలు పూర్తి చేసుకుని, శివలింగాన్ని షోడశోపచారాలతో పూజించాలి.

శివభక్తులను పూజించి వారికి భోజనం పెట్టాలి. శివాలయానికి వెళ్లి, శివదర్శనం చేసుకోవాలి ఇది శివార్చన. ఇక రెండోది ఉపవాసం. ఉపవాసమంటే శివరూపాన్ని ధ్యానిస్తూ, శివనామస్మరణం చేయడం మాత్రమే. కానీ ఉపవాసమంటే ఆహారం తీసుకోకుండా శరీరాన్ని బాధపెట్టడం కాదని వరాహోపనిషత్తు తెలియజేస్తోంది.

మూడోది జాగారం. శివరాత్రి నాటి సూర్యాస్తమయం మొదలు మర్నాడు సూర్యోదయం వరకు-నాలుగు జాములు నిద్రపోకుండా మేల్కొని ఉండటం. ఈ విధంగా జాగారం చేసిన వారికి మళ్లీ తల్లిపాలు తాగే అవసరం పునర్జన్మ నెత్తడం ఉండదని స్కాంద పురాణం చెబుతోంది. శివరాత్రి రోజున భగవన్నామ స్మరణం సమస్త పాపాలను నశింపజేస్తుంది.

శివరాత్రి నాడు చేసే జాగారాన్ని వ్యర్థ ప్రసంగాలతూనో, ఎటువంటి ప్రయోజనమూ లేని వాటిని చూస్తునో కాకుండా శివనామాన్ని స్మరిస్తూ, శివగాధలను చదువుకుంటూ శివలీలలను చూస్తూ చేసినట్లైతే కాలాన్ని సద్వినియోగం చేసుకున్నట్లవుతుంది. ఇంకా పుణ్యమూ, పురుషార్థమూ రెండూ లభిస్తాయని పురోహితులు చెబుతున్నారు.

పూర్వం గుణనిధి అనే దుర్మార్గుడు శివరాత్రి నాటి రాత్రి ఆకలితో ఒక శివాలయంలోకి వెళ్లాడు. నైవేద్యం కోసం ఉంచిన అన్నాన్నీ పిండి వంటలనూ కాజేద్దామనుకున్నాడు. తెల్లవార్లూ కునుకులేకుండానే ఉన్నాడు. దీప జ్వాల కొండెక్కుతుంటే వత్తిని ఎగదోశాడు. ఉత్తరీయం అంచును చించి, దారపు పోగులను వత్తిగా చేసి, ఆవునెయ్యిపోసి వెలిగించాడు.

ఆ వెలుతురులో అన్నపు గిన్నెను కాజేసి, పరిగెత్తుతూ తలారి వేసిన బాణపు దెబ్బవల్ల మరణించాడు. ఈ పుణ్యానికే ఆ గుణనిధి మరుజన్మలో కళింగ దేశాధిపతియైన అరిందముడికి దముడు అనే కుమారుడిగా జన్మించాడు.

ఆ జన్మలో మహారాజై, అనేక శివాలయాల్లో అఖండ దీపారాధనలు చేయించి, ఆ పుణ్యం వలన ఆ పై జన్మలో కుబేరుడిగా జన్మించి ఉత్తర దిక్పాలకుడైనాడు. ఇలా పరమేశ్వరుడికే ప్రాణసఖుడైనాడని పురణాలు చెబుతున్నాయి. అందుచేత మహాశివరాత్రి రోజున మనం కూడా ముక్కంటిని భక్తి శ్రద్ధలతో పూజించి పుణ్యఫలాల్ని పొందుదాం........ By - Krishnaiyer Vijaya

27/02/2024

హరహర మహాదేవ....... మహాశివరాత్రి ఆంతర్యం!

పౌరాణిక వాఞ్మయంలో ప్రతి సంవత్సరం మాఘ బహుళ చతుర్దశి నాడు వచ్చే మహాశివరాత్రి అత్యంత ప్రాధాన్యంగల పవిత్రదినం. ప్రతి నెలా బహుళ చతుర్దశి నాడొచ్చేది మాస శివరాత్రి. ఉపవాసం, శివార్చన, జాగరణ... శివరాత్రినాడు ఆచరించవలసిన ప్రధాన విధులు. శివరాత్రి నాటి అర్ధరాత్రి సమయంలో శివలింగ ప్రాదుర్భావం జరుగుతుందంటారు. లింగం నిర్గుణోపాసనకు, శివస్వరూపం సగుణోపాసనకు సంకేతాలు.

స్కాంద పురాణంలోని ఈశాన సంహితలో ఓ కథ ఉంది. బ్రహ్మ, విష్ణువులోసారి ఒకరి కంటే ఒకరు అధికులమన్న అహంతో పరస్పరం కలహించుకుని తీర్పు కోసం పరమ శివుణ్ని అర్థించారట. శివుడు వారి మధ్య మహాగ్నిస్తంభాన్ని ఆవిర్భవింపజేశాడు. దాని ఆద్యంతాలు తెలుసుకురమ్మని వారిరువురినీ పంపాడు. బ్రహ్మ హంస రూపంలో వెళ్ళి అగ్రభాగాన్ని కనుగొనలేక వెనుదిరిగి వచ్చాడు. విష్ణువు శ్వేతవరాహ రూపంలో ఆ మహాలింగం మూలం తెలుసుకునే యత్నంచేసి, తానూ భంగపడ్డాడు. ఇదే లింగోద్భవ కథనం.

గుణనిధి అనే ఓ దుర్వ్యసనపరుడు నేరం చేసిన భయంతో కాకతాళీయంగా శివరాత్రినాడు శివాలయంలో శివలింగం వెనుక దాగివుండి, కొండెక్కుతున్న దీపం వత్తిని ఎగదోసి, తన ఉత్తరీయపు పోగుల్ని తెంచి దానికి జతచేసి ఆవునెయ్యి పోసి దీపప్రజ్వలనం కావించాడు. తెల్లవార్లూ భయంతో మేలుకొని ఉండి తెల్లారాక తలారి బాణపు దెబ్బకు మరణించాడు. బతుకంతా దుశ్శీలుడై నడిచినా ఆ శివరాత్రి నాడు దైవసన్నిధిలో ఉపవాసం, జాగరణ తనకు తెలియకుండానే చేసిన మహా పుణ్యకృత్య ఫలితంగా మరుజన్మలో కళింగ రాజు అరిందముడికి పుత్రుడై జన్మించి, దముడనే పేరుతో మహారాజై తన రాజ్యంలోని శివాలయాలన్నింటిలో అఖండ దీపారాధనలు చేయించి, ఆపై కుబేరుడిగా జన్మించి, ఉత్తర దిక్పాలకుడై శివుడికి ప్రాణసఖుడయ్యాడన్న కథ శ్రీనాధుడి కాశీఖండంలో ఉంది.

శ్రీరాముడు లంకపైకి దండెత్తే ముందు సాగర తీరాన ఇసుకతో శివలింగం చేసి పూజించాడు. ఆ సైకతలింగ క్షేత్రమే నేటి రామేశ్వరం. లంకాధీశుడు తన పది తలలు కోసి శివుణ్ని ప్రసన్నం చేసుకున్నదీపర్వదినానే అని చెబుతారు. జాంబవతికి సత్సంతానాన్ని ప్రసాదించమని ఇదే రోజున శివుణ్ని శ్రీకృష్ణుడు ప్రార్థించాడనీ కథనం వ్యాప్తిలో ఉంది.

'శివ' అంటే శుభం, ఆనందం, మంగళం, కైవల్యం, శ్రేయం అని అర్థాలు. 'శ' అంటే శివుడనీ, 'వ' అంటే 'శక్తి' అనీ శివ పదమణిమాల చెబుతోంది. శివరాత్రి వేళ అభిషేకప్రియుడైన శివుడి పార్థివ లింగాన్ని మహన్యాసపూర్వకంగా ఏకాదశ రుద్రాభిషేకంతో, నమక చమకాలతో, పురుష సూక్తంతో పూజిస్తారు. మొదటిజాములో పాలతో, రెండో జాములో పెరుగుతో, మూడో జాములో నెయ్యితో, నాలుగో జాములో తేనెతో అభిషేకిస్తారు. పరమశివునికి అత్యంత ప్రీతికరమైన బిల్వ పత్రాలతో శివార్చన చేసి, రుద్రాక్షమాలతో 'ఓం నమశ్శివాయ' అనే పంచాక్షరీ మంత్రం జపిస్తూ శివపురాణ పారాయణ చేస్తారు.

క్షీరసాగర మధన సమయంలో నిప్పులు చిమ్ముకుంటూ పెల్లుబికి వచ్చిన ఘోర కాకోల విషాగ్నుల నుంచి లోకాన్ని రక్షించవలసిందిగా దేవగణం వేడుకోగా, శివుడా గరళాన్ని గళాన నిలిపి ముల్లోకాలను కల్లోలం నుంచి కాపాడాడు. ఆ కాళరాత్రే శివరాత్రి. 'నిర్ణయ సింధు'లోని నారద సంహితలో శివరాత్రి వ్రత విధానం పేర్కొని ఉంది.

మార్కండేయుడు, నత్కీరుడు, సిరియాళుడు, చిరుతొండనంబి, తిన్నడు, శక్కనైనారు, అక్కమహాదేవి, బెజ్జమహాదేవి వంటి ఎందరో శివభక్తుల అమేయ భక్తిగాథలు మనకు పురాణాల్లో కనిపిస్తాయి.

రాముడికి 'పంచాక్షరి'ని ప్రబోధించి రామనామం జపించాడు సాంబశివుడు. రాముడు శివనామం జపించాడు. అందుకే 'శివాయ విష్ణురూపాయ శివరూపాయ విష్ణవే' అన్నారు. భగవంతుడు, భాగవతుడు తానేనన్న సనాతన ధర్మసూత్ర ప్రసూనం వెదజల్లే ఈ అద్వైత సుమగంధం సర్వులకు ఆఘ్రాణయోగ్యం. ఇది భక్తగణ భాగ్యం. శివభక్తులే నాకిష్టులని రాముడంటే, రామభక్తులే నాకిష్టులన్నాడు హరుడు. మంత్ర బీజాక్షరాలలో ప్రధమాక్షర బీజం 'ఓం'కారమే సదాశివుడు.

ఏటా అయిదు రకాలైన శివరాత్రులొస్తాయి. 1. నిత్య శివరాత్రి: ప్రతిరోజూ శివారాధాన చేస్తారు. 2. పక్ష శివరాత్రి: ప్రతినెలా శుద్ధ, బహుళ చతుర్దశులలో శివార్చన చేస్తారు. 3. మాస శివరాత్రి: ప్రతినెలా బహుళ చతుర్దశినాడు మాసశివరాత్రి. 4. మహాశివరాత్రి: మాఘ బహుళ చతుర్దశినాటి సర్వశ్రేష్ఠమైన శివరాత్రి. 5. యోగశివరాత్రి: యోగులు యోగసమాధిలో ఉండి చేసే శివచింతన.

దేవుడికి అతి సమీపంలో వసించడమే ఉపవాసం. మనం ఇంద్రియాలతో అనుభవిస్తున్నవన్నీ ఆహారాలే. వాటన్నింటికీ దూరంగా ఉండటమే నిజమైన నియంత్రణం. అదే నిజమైన ఉపవాసం. భౌతికాభిరుచులన్నింటినీ పక్కకు పెట్టి పూర్తిగా శివ సంబంధమైన కార్యక్రమాల్లోనే త్రికరణ శుద్ధిగా తాదాత్మ్యం చెందాలి. భోగానందాన్ని విస్మరించి, యోగానందావస్థలోకి ప్రవేశిస్తూ కోటి వెలుగుల ఆ శివజ్యోతి ప్రకాశాన్ని అంతరంగంలో ఆవిష్కరించుకుని సచ్చిదానందమైన ఆధ్యాత్మిక ప్రస్థానం చేయడమే మహాశివరాత్రి ఆంతర్యం!

By...... చిమ్మపూడి శ్రీరామమూర్తిగారు

21/02/2024