22/12/2024
የፖሊስ አመራሩና አባላት በቁርጠኝነት ሊሰሩ እንደሚገባ ተገለጸ !!!በማጥራት ግምገማ ነጥረው የወጡ ችግሮችን ፍጥኖ ማረም እንደሚገባ ተጠቁሟል ።
=======================
ታህሳስ 13/2017ዓ/ም
ወታደራዊ ስነምግባር የተላበሰ የፖሊስ አመራርና አባላት በመፍጠር የፖሊስ ተቋምን ማጠናከር እና ለህብረተሰቡ ፈጣን አገልግሎት ለመስጠት ከክልል ጀምሮ በተዋረድ እየተካሄደ የሚገኘው የግምገማ መድረክ በወረዳውና ከተማ አስተዳደሩ ለሶስት ተከታታይ ቀናት ተካሂዷል ።
የአባላቱ የግምገማ ውጤት በኃይል መድረክ ቀርቦ በተደረገው ግምገማ የ11 ፖሊስ አባላት የግምገማ ውጤት ዳግም እንዲታይ ተደርጓል ።በፖሊስ አባላቱ ላይ ዳግም በኃይል መድረክ በተሰጠው ውጤት የሰባት አባላት ውጤት ከሂስ ወደ ማስጠንቀቂያ ወርዷል እንዲሁም የአራት አባላት ግምገማ ውጤት በአብላጫ ድምጽ በነበረበት ጸንቷል።
በሶስት ቀን ቆይታቸው የፖሊስ አባላቱ ከተቋም አካላዊ ገጽታ እስከ ቀበሌ ፖሊስ ኦፊሰር የዳሰሰ ግምገማ መደረጉን የቤንች ሸኮ ዞን ፖሊስ መምሪያ ባልደረባ ምክትል ኮማንደር አለማየሁ ድረስ ገልጸዋል ።
ከመጠቃቃት የጸዳ አመራሩንና አባላቱን ከችግር በማላቀቀ ቀልጣፋ ፖሊሳዊ አገልግሎት ለመስጠት በተካሄደው መድረክ የአመራሩና አባላቱን መሰረታዊ ችግሮች መለየት ተችሏል ያሉት ኮማንደሩ የተሻለ ህዝባዊ ወገንተኝነት የተላበሰ የፖሊስ መዋቅር መፍጠር እንደሚያስችል ጠቁመዋል ።
የቤንች ሸኮ ዞን ፖሊስ መምሪያ የታክስ ንግድ ነክ ወንጀል ምርመራ ዲቭዥን ክፍል ኃላፊ ረዳት ኢንስፔክተር አለማየሁ አማረ እንደገለጹት አራቱ መሰረታዊ የፖሊስ ትኩረት መስኮች ላይ ያተኮረ ግምገማ መደረጉን ጠቁመዋል ።በአንድም ሆነ በሌላ መንገድ በአገልግሎት አሰጣጡ የተስተዋሉ ችግሮችን ማረም የሚያስችል ግምገማ መካሄዱን አመላክተው ከግምገማው ማግስት ጀምሮ የተለዩ ችግሮች ታርመው ፈጣን አገልግሎት መስጠት እንደሚገባ አሳስበዋል ።ከግምገማ በኃላ የተመዘገቡ መሻሻሎችን ክትትል በማድረግ ግብረመልስ በዞኑ ፖሊስ መምሪያ በኩል ይሰጣል ብለዋል።
በመድረኩ የተገኙ የሸኮ ከተማ አስተዳደር ከንቲባ ክቡር ታምራት ምናሴ እንደገለጹት ግምገማው መካሄዱ ወረዳውና ከተማ አስተዳደሩ እያከናወኑ ለሚገኙት ወንጀል መከላከል እና ህግ ማስከበር ስራዎች ምቹ ሁኔታ እንደሚፈጥር ገልጸዋል ።ፖሊስነት ለህዝቡና ለህገመንግስቱ ወገንተኝነት የሚቆሙበት ታላቅ ሙያ መሆኑን የገለጹት ከንቲባ ታምራት ምናሴ ህብረተሰቡ በትራንስፖርት አገልግሎት እንዲሁም በጫኝ አውራጆች ግፍ እየተፈጸመባቸው እንደሚገኝ ተናግረዋል ።
ህብረተሰቡ ለትራንስፖርት ከ500 እክከ 1000 እንዲሁም 20 ኪሎ ለማይሞላ እቃ ለትራንስፖርት እስከ 200 ብር እንዲሁም ለጫኝ አውራጅ ከ100 ብር በላይ የሚከፍሉ በመሆናቸው የመልካም አስተዳደር ችግር እየሆነ መምጣቱን ገልጸዋል ።
አሁን በወረዳው እና ከተማ አስተዳደሩ አስተማማኝ ሰላም በመፈጠሩ ከጸጥታ ችግር ጋር ተያይዞ የሚባክን አንድም ጥይት ፍሬ እንደማይኖር ጠቁመው የተጀመሩ የመንገድ ደህንነት እና ሌሎች ስርዓት አልበኞችን ስርዓት የማስያዝ ስራ በትኩረት እየተሰራ እንደሚገኝ አክለዋል ።
ህብረተሰቡን ከብዝበዛ ለመታደግ ፖሊስ በወረዳውና ከተማ አስተዳደሩ ድምበር የለሽ ወንጀል መከላከልና ህግ ማስከበር ስራ መስራት እንደሚጠበቅባቸው አሳስበዋል።
ጠንካራ የፖሊስ አመራር ፣አባላትና ተቋም ለመገንባት እየተደረገ ላለው ጥረት ከግብ እንዲደርስ ከተማ አስተዳደሩም ሆነ ወረዳው አስፈላጊውን ድጋፍ ያደርጋል ብለዋል።አያይዘውም ፖሊስነት ሰብዓዊነት እና ሙያው ግልጸኝነትን የሚጠይቅ በመሆኑ ከቂም በቀል ራሳቸውን በማላቀቅ አንድነታቸውን ማጠናከር ይገባልም ብለዋል።
የሸኮ ወረዳ ብልጽግና ፓርቲ ቅርንጫፍ ጽህፈት ቤት ኃላፊና ዋና የመንግስት ተጠሪ ክቡር አቶ ገዛኸኝ ኡፕም በበኩላቸው የሂስ ግለ ሂስ ግምገማው በአመለካከት፣ በተግባር አፈጻጸም፣ በወታደራዊ ዲሲፕሊን እንዲሁም ሙስናና ብልሹ አሰራር ላይ የሚስተዋሉ ችግሮችን በማጥራት በሙያዊ ስነ ምግባር የተላበሰ እንዲሁም ተልዕኮ የመፈጸም ብቃት ያለው አባላት ለመፍጠር መሆኑን ተናግረዋል ።
ፖሊስነት በስነ ምግባር መታነጽ፣ለአላማ መጽናት፣ተልዕኮን በብቃት መወጣት እና ወንጀልን መከላከል በመሆኑ አባላቱ በስነ ምግባር ፣በአመለካከት እና በተግባር የታዩባቸው ችግሮች ምረምና የተስተካከለ ቁመና መላበስ እንደሚኖርባቸው መክረዋል ።
የፖሊስ አባላቱ በሰጡት አስተያየት ከችግሮቻው በመውጣት ህዝዊነትን የተላበሰ አገልግሎት ለመስጠት ቃል በመግባት ግምገማው ተጠናቋል ።
