Efita Mereja እፍታ መረጃ

Home
Efita Mereja እፍታ መረጃ

ታማኝና ወቅታዊ መረጃዎችን እናደርሳለን..!

"በአዲስ አበባ አንዳንድ አካባቢዎች ላይ ነገ የኤሌክትሪክ ኃይል ሙሉ በሙሉና በከፊል ይቋረጣል" የኢትዮጵያ ኤሌክትሪክ አገልግሎት

በአዲስ አበባ ከተማ አንዳንድ አካባቢዎች ላይ በኤሌክትሪክ ጥገና ሥራ ምክንያት ነገ ከጠዋቱ 3:00 እስከ ቀኑ 10:00 ድረስ የኤሌክትሪክ ኃይል ሙሉ በሙሉና በከፊል እንደሚቋረጥ የኢትዮጵያ ኤሌክትሪክ አገልግሎት አስታውቋል።

በዚህም መሠረት ነገ ሚያዚያ 13 ቀን 2016 ከጠዋቱ 3:00 እስከ ቀኑ 10:00 ሰዓት ድረስ፤ በአዲስ አበባ ከተማ ፈጥኖ ደራሽ፣ ኮልፌ ኮምርሄንሲቭ ት/ቤት፣ ዱ ሆቴል፣ ታይዋን ገበያ፣ ኢትዮ ጠቢብ ሆስፒታል፣ እህል በረንዳ፣ አውቶብስ ተራ፣ አዲስ ከተማ ት/ቤት፣ ገነሜ ት/ቤት፣ አማኔኤል ቤ/ክ፣ ሰብስቴሽን አካባቢ፣ መሳለሚያ፣ እሳት አደጋ፣ ሳንባ ነቀርሳ፣ አበበ ቢቂላ ስታዲየም፣ ታይዋን፣ ሆላንድ ኤምባሲ፣ አማኑኤል ቤ/ክ፣ አማኑኤል ሆስፒታል፣ ሻወል ደማ ት/ቤት፣ ብርጭቆ፣ አስኮ 40/60 ኮንዶሚኒየም፣ ፊሊጶስ ቤ/ክ፣ እስላም መቃብር፣ ሎሚ ሜዳ፣ ጠሮ መስጊድ፣ ቀራንዮ መድህንዓለም ቤ/ክ፣ ቤተል ሆስፒታል፣ ቤተል እሳት አደጋ፣ ጦር ኃይሎች ሆስፒታል፣ መኮንኖች ክበብ፣ ገዳመ ኢየሱስ፣ ወይብላ ማርያም፣ አውጉስታ፣ አንፎ፣ ወይራ ሰፈር፣ ወይራ ኮንዶሚኒየም፣ ሞቢል፣ ራሺያ ካምፕ፣ ተዘንአ ሆስፒታል፣ ሙስና ሰፈር እና አካባቢዎቻቸው የጥገና ሥራ ለማከናወን ሲባል የኤሌክትሪክ ኃይል ሙሉ በሙሉና በከፊል እንደሚቋረጥ ተገልጿል፡፡

በመሆኑም በተጠቀሱት አካባቢዎች የሚገኙ ደንበኞች ከወዲሁ አስፈላጊውን ዝግጅት እንዲያደርጉ አገልግሎቱ አሳስቧል፡፡

_____
ፈጣንና ወቅታዊ መረጃዎችን ለማግኘት፤ የእፍታ መረጃ የማህበራዊ ሚዲያ ገጾችን ይቀላቀሉ! መረጃዎችን ለሌሎች ያጋሩ ሀሳብ አስተያየትዎን ይስጡ።

20/04/2024

በ1500 ሜትር ታሪክ 3ኛውን ፈጣን ሰዓት በማስመዝገብ አትሌት ጉድፍ ፀጋዬ አሸነፈች

አትሌት ጉዳፍ ጸጋዬ በዋንዳ ዳይመንድ ሊግ 3 ደቂቃ ከ50 ሰከንድ ከ30 ማይክሮ ሰከንድ በመግባት ሶስተኛውን ፈጣን ሰዓት በማስመዝገብ በ1500 ሜትር ውድድር አሸንፋለች።

20/04/2024

#ዝቋላ

በወራት በፊት የጥንታዊው እና በታሪካዊው ዝቋላ ደብረ ከዋክብት አቡነ ገብረ መንፈስ ቅዱስ ገዳም አራት መነኮሳት በግፍ መገደላቸው ይታወሳል።

የኢትዮጵያ ኦርቶዶክስ ተዋሕዶ ቤተክርስቲያን ግድያው በ " ሸኔ ታጣቂዎች " መፈፀሙን መግለጿም አይዘነጋም።

በወቅቱ አንድ የገዳሙ መነኩሴ ከሟቾቹ ጋር የነበሩ ዱካቸው መጥፋቱም ሲገለጽ እንደነበር ይታወሳል።

እኚሁ መነኩሴ ግድያውን ፈጽሟል ከተባለው ታጣቂ ቡድኑ ጋር ግንኙነት እንዳላቸው ተደርሶባቸው በእስር ቤት እንዳሉ ተሳምቷል።

ይህ የተሰማው ከቀናት በፊት በመንግስታዊ ቴሌቪዥን ጣቢያዎች በዝቋላ ገዳም በታጣቂዎች ስለሚደርሰው ግፍን በተመለከተ በተሰራጨ አንድ ፕሮግራም ላይ የገዳሙ አባቶች ሲናገሩ ነው።

በወቅቱ ምን ሆነ ?

የካቲት 12 /2016 ዓ/ም ከገዳሙ ከተወሰዱት እና በኃላም ለምምክር ተብለው ከተጠሩት 5 መነኮሳት አንድ መነኩሴ ሳይገደሉ በህይወት ተርፈው ወደ ገዳሙ ተመልሰዋል።

አባ ገ/ኢየሱስ ፀጋዬ ፦

" መጀመሪያውኑ መረጃውን የሚሰጥ ከኛ ውስጥ አደራጅተዋል። እነሱ ናቸው የኛን እያንዳንዱን መረጃ የሚሰጧቸው።

ይሄን እኛ አናውቅም በወቅቱ ፤ አሁንም ቢሆን ሀገር መከላከያ መጥቶ መረጃው እንዲህ እንዲህ ነው ብሎ ስልካቸውን ጠልፎ ያለውን መረጃ ከእንቅስቃሴያቸው አኳያ ነው ያወጣልን እንጂ ውስጡን አናውቅም።

እንደኛው ቆብ ያደርጋሉ፤ መናኝ ናቸው።

እነሱ ተርፈው የመጡት አባት የምንጠራጠራቸው መከላከያው በትክክል መረጃ አግኝቶባቸዋል።

እሳቸው ወደ ማታ መጡ ተባሉ ግን የሸኛቸው ሸኔ ነው እስከ ግማሽ መንገድ ከመጡ በኃላ በራቸውን ዘግተው በውጭ አስቆልፈው ተቀምጠዋል።

ማታ 2 ሰዓት ላይ ሀገር መከላከያ ሰራዊት መጡ እኚያን በአስቸኳይ መያዝ ስለነበረባቸው የት ነው ያሉት አሉ ? ሄደው ከቤታቸው ሲፈለጉ ጠፉ በውጭ ተቆልፏል ከዛ በሩ ይሰበር ተብሎ በሩን መከላከያዎቹ ሰብረው አገኟቸው በቁጥጥር ስር አዋሏቸው።

ከዛ መከላከያው እኛን የማረጋጋት ስራ ነው የሰራው። እርግጠኛ ሆኜ ምናገረው በወቅቱ ሀገር መከላከያ ባይመጣ አናድርም ነበር።

አሁንም በየጫካው ተሰማርተው ጥበቃ እያደረጉ ነው። "

አባ ተ/መድህን ገ/መስቀል ፦

" ገንዘባችንን ፣ መሳሪያዎቻችንን በመውሰድ ባላቸው ሲስተም ከውስጣችንም ሳይቀር ከነሱ ጋር የተዋሃደ ኃይል ያለውን ንብረታችንን ሁሉ እስከማጣት ደርሰናል። መከላከያ ኃይል በመረጃ ነው ሊያወጣቸው የቻለው። "

ገረመው ይርጋ (የሉበን ጩቃላ ወረዳ ሚሊሻ) ፦

" ይሄን ሁሉ ሲያደርጉ ብቻቸውን አይደለም። የራሳቸውን ሰው ከቤተክርስቲያን ውስጥ አሰማርተው ይህ ስራ ሲሰራ ነበር። ከህዝቡም ከነዋሪው አደራጅተው ያንን ስራ ይሰራ ነበር።

መጨረሻ ላይ እነዛ አባቶች ታግተው ሄደው አባቶችም መስእዋትነት ከፈሉ።

እነዛም ተመሳጥረው የነበሩት በጣም አደገኛ የተባለው ተይዟል። በቁጥጥር ስር የዋሉም አሉ። "

ይህንን ጉዳይ በተመለከተ ብፁዕ አቡነ ጎርጎርዮስ ፤ " ድሮም የሚጎዳው የውስጥ አዋቂ ነው " ብለዋል።

" የቀረቡ መስለው ፣ አብረው የመነኑ መስለው ፣ አብረው ከገዳሙ ሰዎች ጋር በደባልነት በአስመሳይነት የሚኖሩ እንደነበሩ ጭላንጭሎች ነበሩ ይሄን ሁላችንም እናውቃለን " ሲሉ ገልጸዋል።

በዚሁ በቀረበው ፕሮግራም ላይ የገዳሙ አባቶች ፥ ታጣቂዎቹ ከውስጥ ባላቸው ሰዎች አማካኝነት እያንዳድኑ ንብረት የት እንደሚቀመጥ በማወቅ በተደጋጋሚ ጊዜ ዝርፊያ ሲፈጽሙ እንደከረሙ ተናግረዋል።

ይህንን ለፀጥታ ኃይል ካሳወቁ ቤተክርስቲያኗን ጭምር በቦምብ እንደሚያወድሙ ሲዝቱ እንደነበር ገልጸዋል።

#ዝቋላገዳም2016

@እፍታ መረጃ

Address

Website

facebook.com

Alerts

Be the first to know and let us send you an email when Efita Mereja እፍታ መረጃ posts news and promotions. Your email address will not be used for any other purpose, and you can unsubscribe at any time.

Shortcuts

Address
Alerts
Claim ownership or report listing
Want your business to be the top-listed Media Company?

Country:

City: